124.0210.310712
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«31» 07 2012 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12412306
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՐԴԱՐԱԴԱՏՈՒԹՅԱՆ ՆԱԽԱՐԱՐ
ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ
ՀՐԱՄԱՆ ՀՐԱՄԱՆ
10 հուլիսի 2012 թ. N 210-Ն 2 օգոստոսի 2012 թ. N 146-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ
i
ԵԿԱՄՈՒՏՆԵՐԻ ԿՈՄԻՏԵԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԻՐԱՎԱԲԱՆԱԿԱՆ ԱՆՁԱՆՑ ՊԵՏԱԿԱՆ ՌԵԳԻՍՏՐԻ ԳՈՐԾԱԿԱԼՈՒԹՅԱՆԸ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՏԵՍԱԿՆԵՐԻ ԴԱՍԱԿԱՐԳՉԻ ՀԻՄԱՆ ՎՐԱ ՏԵՂԵԿԱՏՎՈՒԹՅԱՆ ՏՐԱՄԱԴՐՄԱՆ ՄԱՍԻՆ
Հիմք ընդունելով ՀՀ կառավարության 2011թ դեկտեմբերի 22-ի «Հայաստանի գործարար միջավայրի բարելավման միջոցառումների ծրագրին հավանություն տալու և Հայաստանի Հանրապետության կառավարության 2010 թվականի դեկտեմբերի 9-ի N 1768-Ն որոշումն ուժը կորցրած ճանաչելու մասին» N 1930-Ն որոշման հավելվածի 1.8 կետը, ՀՀ կառավարության 2008 թ սեպտեմբերի 4-ի «Հայաստանի Հանրապետության կառավարությանն առընթեր պետական եկամուտների կոմիտեի կանոնադրությունը և աշխատակազմի կառուցվածքը հաստատելու մասին» N 1005-Ն որոշմամբ հաստատված կանոնադրության 18-րդ կետի 4-րդ ենթակետը և ՀՀ կառավարության 2002 թ նոյեմբերի 28-ի «Հայաստանի Հանրապետության արդարադատության նախարարության աշխատակազմ» պետական կառավարչական հիմնարկ ստեղծելու, Հայաստանի Հանրապետության արդարադատության նախարարության կանոնադրությունը և աշխատակազմի կառուցվածքը հաստատելու մասին» N 1917-Ն որոշմամբ հաստատված կանոնադրության 12-րդ կետի «դ» ենթակետը.
ՀՐԱՄԱՅՈՒՄ ԵՆՔ`
1. Սահմանել, որ 2011 թվականից տնտեսավարող սուբյեկտների տնտեսական գործունեության վերաբերյալ տեղեկատվությունը (այսուհետ` տեղեկատվություն)` ըստ տնտեսական գործունեության տեսակների դասակարգչի (ըստ հնգանիշ մակարդակի), յուրաքանչյուր տարվա արդյունքներն ամփոփելուց հետո մինչև հունիսի 15-ը Հայաստանի Հանրապետության կառավարությանն առընթեր պետական եկամուտների կոմիտեն (այսուհետ` Կոմիտե) Հայաստանի Հանրապետության արդարադատության նախարարության իրավաբանական անձանց պետական ռեգիստրի գործակալությանն (այսուհետ` Պետական ռեգիստր) է տրամադրում հետևյալ ձևաչափով`
._____________________________________________________________.
|հ/հ|Տնտեսավարող սուբյեկտի |Տնտեսավարող սուբյեկտի |Տեսակարար|
| |հարկ վճարողի հաշվառման|տնտեսական գործունեության|կշիռը (%)|
| |համարը |տեսակը (կոդը) | |
| | |________________________| |
| | |բաժին|հատված|խումբ|դաս | |
|___|______________________|_____|______|_____|_____|_________|
| | | | | | | |
._____________________________________________________________.
2. Սահմանել, որ տեղեկատվությունը տրամադրվում է էլեկտրոնային եղանակով:
3. Տեղեկատվության փոխանակման համար պատասխանատու ստորաբաժանումներ սահմանել Կոմիտեի Տեղեկատվական տեխնոլոգիաների վարչությունը և Պետական ռեգիստրը:
4. Հաշվի առնելով, որ նշված տեղեկատվության տրամադրումը նոր ներդրվող գործընթաց է և դրա համար անհրաժեշտ է համապատասխան ծրագրի գործարկում, 2011 թվականի տեղեկատվությունը տրամադրվում է մինչև 2012 թվականի սեպտեմբերի 1-ը:
5. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը: