040.0422.230997
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
«24» սեպտեմբերի 1997 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
24 սեպտեմբերի 1997 թվականի թիվ 414
ՍԵՓԱԿԱՆՈՒԹՅԱՆ ԻՐԱՎՈՒՆՔԸ ՀԱՍՏԱՏՈՂ ՓԱՍՏԱԹՂԹԵՐԻ ՏՐԱՄԱԴՐՄԱՆ ՄԱՍԻՆ
Մինչև անշարժ գույքի պետական միասնական կադաստրում պետական գրանցման համակարգ ներդնելը` սեփականության իրավունքը հաստատող փաստաթղթերի տրամադրումը կարգավորելու նպատակով Հայաստանի Հանրապետության կառավարությունը որոշում է.
i
1. Շարունակել Հայաստանի Հանրապետության կառավարության 1993 թվականի սեպտեմբերի 8-ի «Սեփականաշնորհված բնակարանների (տների) սեփականության իրավունքը հաստատող փաստաթղթերի տրման և գրանցման կարգը հաստատելու մասին» թիվ 452 որոշմամբ նախատեսված սեփականության վկայագրերի տրամադրումն անհատական բնակարանային ֆոնդի տների, այգետնակների, առևտրի և սպասարկման ոլորտի, սեփականաշնորհված ձեռնարկությունների անշարժ գույքի, ինչպես նաև այլ անշարժ գույքի սեփականատերերին:
2. Սույն որոշումն ուժի մեջ է մտնում 1997 թվականի սեպտեմբերի 24-ից: