(ուժը կորցրել է 15.09.06 թիվ 17-Ն որոշում)
i
603.0019.251203
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«25» 12 2003 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60303417
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
7 նոյեմբերի 2003 թվականի N 19-Ն
ՁԵՎ ԹԻՎ 65-ԱՎՏՈ (ԵՌԱՄՍՅԱԿԱՅԻՆ) «ԱՎՏՈՄՈԲԻԼԱՅԻՆ ՏՐԱՆՍՊՈՐՏԻ ԱՐՏԱԴՐԱՆՔԻ ՄԱՍԻՆ» ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.
1. Հաստատել Ձև թիվ 65-Ավտո (եռամսյակային) «Ավտոմոբիլային տրանսպորտի արտադրանքի մասին» պետական վիճակագրական հաշվետվության ձևը և լրացման հրահանգը` համաձայն հավելված 1-ի:
i
2. ՈՒժը կորցրած ճանաչել Հայաստանի Հանրապետության վիճակագրության պետական խորհրդի 2001 թվականի հոկտեմբերի 23-ի «Ձև թիվ 65-ավտո (փոստային-եռամսյակային) «Ավտոմոբիլային տրանսպորտի արտադրանքի մասին» պետական վիճակագրական հաշվետվության ձևը և լրացման հրահանգը հաստատելու մասին» թիվ 89 որոշումը:
Հավելված 1
Հաստատված է
Հայաստանի Հանրապետության
վիճակագրության պետական խորհրդի
7 նոյեմբերի 2003 թ.
թիվ 19-Ն որոշմամբ
ՀՐԱՀԱՆԳ
«ԱՎՏՈՄՈԲԻԼԱՅԻՆ ՏՐԱՆՍՊՈՐՏԻ ԱՐՏԱԴՐԱՆՔԻ ՄԱՍԻՆ» ՁԵՎ ԹԻՎ 65-ԱՎՏՈ
(եռամսյակային) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ
1. ԸՆԴՀԱՆՈՒՐ ԴՐՈՒՅԹՆԵՐԸ
1.1. Սույն հրահանգը սահմանում է «ԱՎՏՈՄՈԲԻԼԱՅԻՆ ՏՐԱՆՍՊՈՐՏԻ ԱՐՏԱԴՐԱՆՔԻ ՄԱՍԻՆ» ՁԵՎ ԹԻՎ 65-ԱՎՏՈ (եռամսյակային) պետական վիճակագրական հաշվետվության (այսուհետ` հաշվետվություն) լրացման կարգը:
1.2. Հաշվետվությունը ներկայացնում են ընդհանուր օգտագործման տրանսպորտով բեռնափոխադրումներ և ուղևորափոխադրումներ, ինչպես նաև ճանապարհաշինարարական աշխատանքներ իրականացնող իրավաբանական անձինք և անհատ ձեռնարկատերերը (այսուհետ` կազմակերպություններ և անհատ ձեռնարկատերեր), որոնք նախապես այդ մասին տեղեկացվում են վիճակագրական մարմինների կողմից: Հաշվետվությունը ներկայացնում են սեփականության և այլ իրավունքներով տրանսպորտային միջոցներ շահագործող կազմակերպությունները և անհատ ձեռնարկատերերը:
1.3. Հաշվետվությունը լրացվում է տարվա սկզբից աճողական կարգով:
1.4. Վարձակալության տվող կազմակերպությունները և անհատ ձեռնարկատերերը իրենց կողմից ներկայացվող հաշվետվությունում չեն ընդգրկում այլ կազմակերպություններին և անհատ ձեռնարկատերերին վարձակալությամբ տրված ավտոմեքենաների քանակը և աշխատանքը բնութագրող տվյալները: Այդ տվյալներն ընդգրկվում են ավտոմեքենաներ վարձակալած կազմակերպությունների և անհատ ձեռնարկատերերի հաշվետվությունում:
1.5. Բեռնաուղևորափոխադրումներ իրականացնելու համար ավտոմեքենաներ վարձակալած կազմակերպությունները և անհատ ձեռնարկատերերը հաշվետվությունը լրացնում են միայն ավտոմեքենան վարձակալած ժամանակաշրջանի համար:
1.6. Հաշվետվությունում չեն ընդգրկվում կազմակերպության տեխնիկատնտեսական սպասարկման (կազմակերպության կարիքների համար փոխադրված բեռներ, կազմակերպության աշխատողների փոխադրումներ ավտոբուսներով և թեթև մարդատար ավտոմեքենաներով, ծառայողական երթևեկություններ) նպատակով օգտագործված ավտոմեքենաների աշխատանքը բնութագրող տվյալները:
1.7. Վիճակագրական տեղեկությունների ներկայացման հետ կապված հարցերը կարգավորվում են Հայաստանի Հանրապետության օրենսդրությամբ:
2. ԼՐԱՑՄԱՆ ԿԱՐԳԸ
Հաշվետվությունը կազմված է 3 բաժնից. Բեռնատար շահագործական ավտոմեքենաներ (ներառյալ բեռնատար տաքսիներ, պիկապներ) (բաժին 1), Շահագործական ավտոբուսներ և միկրոավտոբուսներ (բաժին 2), Թեթև մարդատար շահագործական մեքենաներ (բաժին 3):
Օգտագործվող հիմնական հասկացություններն են`
2.1. Ավտոբուս` ուղևորների և ուղեբեռի փոխադրման համար նախատեսված 9 և ավելի նստատեղ ունեցող (ներառյալ վարորդի նստատեղը) տրանսպորտային միջոց:
2.2. Միկրոավտոբուս` փոքր դասի` 9-15 նստատեղ ունեցող ավտոբուս:
2.3. Ավտոբուսային (միկրոավտոբուսային) երթուղի` ուղևորների փոխադրման սկզբնակետից մինչև վերջնակետ (ավտոկայան, երթակարգավարական կետ) ավտոբուսի շարժման սահմանված ընթացուղին:
2.4. Կանոնավոր երթուղի` ավտոբուսների շարժման սահմանված ընթացուղով ու հաստատված չվացուցակով ուղևորների և ուղեբեռի փոխադրման համար առաջարկված փոխադրավարձով իրականացվող ավտոբուսային (միկրոավտոբուսային) երթուղի:
2.5. Ներքաղաքային երթուղի` Երևան քաղաքում և քաղաքային համայնքներում գործող երթուղի, որի սկզբնակետը և վերջնակետը գտնվում են Երևան քաղաքի (քաղաքային համայնքի) վարչական տարածքի սահմաններում:
2.6. Ներմարզային երթուղի` միջհամայնքային նշանակության երթուղի, որն անցնում է մարզի տարբեր համայնքների վարչական տարածքներով և դրա սկզբնակետն ու վերջնակետը գտնվում են նույն մարզի վարչական տարածքի սահմաններում:
2.7. Միջմարզային երթուղի` երթուղին, որի սկզբնակետը և վերջնակետը (անկախ հեռավորությունից) գտնվում են տարբեր մարզերի տարածքներում:
2.8. Միջպետական երթուղի` պետությունների միջև և փոխհամաձայնությամբ սահմանված երթուղի, որի սկզբնակետը և վերջնակետը գտնվում են պայմանավորվող կողմերի տարածքներում:
2.9. Բեռնատար ավտոմոբիլային տրանսպորտի արտադրանքը ծավալային արտահայտությամբ ներկայացնում է բեռների փոխադրումների ծավալը (տոննաներով) և բեռնաշրջանառությունը (տոննա-կիլոմետրերով):
Բեռնափոխադրումների և բեռնաշրջանառության մեջ ներառվում են բեռնատար ավտոմեքենաների (ներառյալ բեռնատար տաքսիները), պիկապների և թեթև մարդատար ավտոմեքենաների շասսիի վրա ֆուրգոնների և ավտոկցորդների կատարած փոխադրումների ծավալները:
Բեռնատար ավտոտրանսպորտով (ներառյալ ավտոկցորդներով) բեռնափոխադրումների ծավալում ցույց է տրվում փոխադրված բեռների փաստացի քանակը, հաշվի առնելով տարայի, կոնտեյների քաշը յուրաքանչյուր երթի ժամանակ:
Ներքաղաքային, ներմարզային, միջմարզային և միջպետական բեռնափոխադրումների ծավալները վիճակագրական հաշվետվությունում լրացվում են ապրանքատրանսպորտային բեռնագրերի կամ բեռի փոխադրման վերաբերյալ այլ փաստաթղթերի հիման վրա, որոնցով կատարվում է ապրանքանյութական արժեքների գրանցումները և պահեստային հաշվառումները:
Պայմանագրերով ձևակերպված ոչ ապրանքային բեռների (որոնց համար պահեստային հաշվառում չի տարվում) փոխադրումները հաշվարկվում են չափման, կշռման միջոցով և արտացոլվում` արտահայտված տոննաներով և տոննա-կիլոմետրերով:
Գծամետրերով չափվող հատային և ծավալային բեռների (փայտ, անտառանյութ, ավազ և այլն) քաշը որոշվում է բեռնառաքողների կողմից` դրանք մաս-մաս կշռելով կամ համապատասխան բերման գործակիցների կիրառման միջոցով:
Ստանդարտ բեռների համար բեռների քաշը որոշվում է տեղերի քանակը մեկ տեղի քաշով բազմապատկելու միջոցով:
Հատերով հաշվառվող բեռների (մեքենաներ, սառնարաններ և այլն) քաշը որոշվում է բեռների քանակը տեխնիկական փաստաթղթերում նշված քաշով բազմապատկելու միջոցով:
Բեռնաշրջանառությունը (տոննա-կիլոմետրերով) որոշվում է առանձին երթերով փոխադրված փաստացի բեռի քանակը (տոննա) բազմապատկելով փոխադրման հեռավորությամբ և գումարելով ստացված արդյունքները:
Առանց ապրանքատրանսպորտային բեռնագրերի (կամ բեռի փոխադրման վերաբերյալ այլ փաստաթղթի) ձևակերպման և ժամավճարային սակագներով ներքաղաքային և ներմարզային բեռնափոխադրումներ իրականացնող կազմակերպությունների բեռնաշրջանառությունը որոշվում է հաշվարկային կարգով. ավտոմեքենայի ուղեգրում գրանցված ընդհանուր վազքի, բեռնատարողության, վազքի օգտագործման և բեռնատարողության օգտագործման գործակիցների արտադրյալով: Վազքի օգտագործման գործակիցը հավասար է 0,5-ի, իսկ բեռնատարողության գործակիցը` 0,7: Բեռնափոխադրումների ծավալները որոշվում են բեռնաշրջանառությունը բեռնափոխադրման միջին հեռավորության վրա բաժանելու միջոցով: Որպես բեռի փոխադրման միջին հեռավորություն է սահմանվում 15 կմ-ը:
1-ին բաժնի 5-րդ սյունակից առանձնացվում են արտահանման (սյունակ 6), ներմուծման (սյունակ 7) հետ կապված բեռնափոխադրումները:
2.10. Ավտոբուսային տրանսպորտի արտադրանքը ծավալային արտահայտությամբ իրենից ներկայացնում է ուղևորների փոխադրումների ծավալը (ուղևորներով) և ուղևորաշրջանառությունը (ուղևոր-կիլոմետրերով): ՈՒղևորների փոխադրման և ուղևորաշրջանառության ցուցանիշներում ներառվում են շահագործական երթուղային ավտոբուսներով, միկրոավտոբուսներով և պատվերով աշխատող ավտոբուսներով ուղևորափոխադրումների ծավալները:
Ավտոբուսներով ուղևորների փոխադրումների ծավալները (տող 240) և ուղևորաշրջանառությունը (տող 250) հաշվետվության մեջ լրացվում են ըստ երթուղիների առանձին տեսակների` ներքաղաքային, ներմարզային, միջմարզային և միջպետական:
ՈՒղևորների փոխադրումների ծավալը (տող 240) որոշվում է հետևյալ կերպ.
Ներքաղաքային երթուղիներում որոշվում է համապատասխան երթուղով ուղևորների փոխադրումներից ստացված հասույթի և տվյալ երթուղու համար հաստատված սակագնի հարաբերակցությամբ:
Ներմարզային երթուղիներում ուղևորների փոխադրումների ծավալը որոշվում է տվյալ երթուղու տվյալ ավտոբուսի համար հաշվարկված ուղևորաշրջանառության կրկնապատիկի և տվյալ (համապատասխան) երթուղու փաստացի հեռավորության հարաբերությամբ:
Միջմարզային և միջպետական երթուղիներում ուղևորների փոխադրումների ծավալը որոշվում է վաճառված տոմսերի քանակի հիման վրա:
Պատվերով աշխատող ավտոբուսների աշխատանքը ներառվում է երթուղու այն տեսակի մեջ, որով աշխատել է տվյալ ավտոբուսը (օրինակ. եթե ավտոբուսն աշխատել է ներքաղաքային երթուղով, ապա տվյալ ավտոբուսի աշխատանքի տվյալները ներառվում են հաշվետվության 5-րդ բաժնի 5-րդ սյունակում, ներմարզային երթուղով աշխատելու դեպքում` 4-րդ և այլն):
Պատվերով ավտոբուսներով փոխադրված ուղևորների թվաքանակը ներքաղաքային և ներմարզային երթուղիներում (բացառությամբ` զբոսաշրջային ուղևորափոխադրումների) որոշվում է հաշվարկային ուղևորաշրջանառությունը ներմարզային երթուղիների միջին հեռավորության վրա բաժանելու միջոցով: Ներմարզային երթուղու միջին հեռավորության ցուցանիշի բացակայության դեպքում հաշվարկի համար որպես հիմք ընդունվում է 15 կմ-ը:
Որպես պատվերով ավտոբուսներով միջմարզային և միջպետական երթուղիներում, ինչպես նաև զբոսաշրջային ավտոբուսներով (բոլոր տեսակի երթուղիներով) փոխադրված ուղևորների թվաքանակ է ընդունվում ավտոբուսի ուղեգրում նշված փոխադրված փաստացի ուղևորների թվաքանակը:
ՈՒղևորաշրջանառությունը (տող 250) որոշվում է հետևյալ կերպ.
ա) ներքաղաքային երթուղիներում աշխատող ավտոբուսների ուղևորաշրջանառությունը որոշվում է փոխադրված ուղևորների քանակը համապատասխան երթուղու հեռավորության 0.5-ով բազմապատկելու միջոցով.
բ) ներմարզային երթուղիներում ուղևորաշրջանառությունը որոշվում է .
- առանձին քաղաքացիներին 1 երթի համար միանգամյա տոմսեր վաճառելու դեպքում` ուղևորափոխադրումներից ստացված հասույթը տվյալ երթուղու 1 ուղևոր-կիլոմետրի համար գործող սակագնի (տարիֆի) վրա բաժանելու միջոցով: Այդ սակագինը որոշվում է տվյալ երթուղու համար գործող սակագնի և երթուղու երկարության հարաբերակցությամբ:
Օրինակ` ենթադրենք Երևան-Արմավիր երթուղու մեկ ուղևորի փոխադրման համար սահմանված է 350 դրամ, իսկ երթուղու երկարությունը` 45 կմ, ապա տվյալ երթուղու համար 1 ուղևոր-կիլոմետրի համար գործող սակագինը կլինի` 350 : 45 = 7,78 դրամ.
- առանձին քաղաքացիներին, կազմակերպություններին աբոնենտային ամսական տոմսեր վաճառելու դեպքում` 1 ամսում փոխադրված ուղևորների թվաքանակը ուղևորների փոխադրման փաստացի հեռավորությամբ բազմապատկելու միջոցով.
Երթուղիների միջին հեռավորությունը որոշվում է հետևյալ կերպ`
օրինակ, ենթադրենք Ա կազմակերպությունն ունի երեք երթուղի.
I երթուղի` հեռավորությունը- 20 կմ, երթերի թիվը` 15, ուղևորներով վազքը` 15 x 20 = 300 կմ
II երթուղի` 25 կմ և 20 երթ, ուղևորներով վազքը` 20 x 25 = 500 կմ
III երթուղի` 30 կմ և 6 երթ, ուղևորներով վազքը` 6 x 30 = 180 կմ
Տվյալ կազմակերպության համար երթուղու միջին հեռավորությունը կլինի`
(300+500+180) : (15+20+6) = 980 : 41 = 23.9 կմ:
գ) միջմարզային և միջպետական երթուղիներում ուղևորաշրջանառությունը որոշվում է ուղևորների թվաքանակի և տվյալ երթուղու հեռավորության արտադրյալով:
Պատվերով ավտոբուսների ուղևորաշրջանառությունը.
- ներքաղաքային և ներմարզային երթուղիներում (բացի զբոսաշրջային նպատակների համար նախատեսված ավտոբուսներից) որոշվում է ավտոբուսների ուղևորներով վազքի, դրանց նստատեղերի թվի և տեղատարողության օգտագործման գործակցի արտադրյալով: Տեղատարողության օգտագործման գործակիցը ընդունվում է 0,65,
- միջմարզային և միջպետական երթուղիներում, ինչպես նաև զբոսաշրջային նպատակների համար նախատեսված ավտոբուսներով (բոլոր երթուղիների համար) փոխադրումների ժամանակ ուղևորաշրջանառությունը որոշվում է փոխադրվող ուղևորների թվաքանակի և ավտոբուսների ուղևորներով վազքի արտադրյալով:
2.11. Բեռնափոխադրումներից ստացված հասույթը (ավելացված արժեքի հարկով) (տող 110) ցուցանիշը ներկայացնում է բեռնատար ավտոմեքենաների շահագործումից ստացված ընդհանուր հասույթը և արտահայտվում է ներառյալ ավելացված արժեքի հարկը: Այս ցուցանիշը լրացնում են առևտրային հիմունքներով այլ կազմակերպությունների կամ քաղաքացիների համար վճարովի բեռնափոխադրումներ իրականացնող կազմակերպությունները:
Բեռնափոխադրումներից ստացված հասույթի մեջ չեն ներառվում բեռնման-բեռնաթափման աշխատանքներից, առևտրային և առաքիչ գործառնություններից, պահեստների շահագործումից և բեռնափոխադրումների հետ կապված այլ ծառայություններից ստացված հասույթները:
2.12. Բեռնափոխադրումներից ստացված հասույթը (առանց ավելացված արժեքի հարկի) (տող 120) ցուցանիշն իրենից ներկայացնում է բեռնատար ավտոմեքենաների շահագործումից ստացված ընդհանուր հասույթն` առանց ավելացված արժեքի հարկի:
2.13. Շահագործական ավտոբուսների հասույթը (ավելացված արժեքի հարկով) (տող 210) ցույց են տրվում երթուղային ավտոբուսների, միկրոավտոբուսների և պատվերով աշխատող ավտոբուսների շահագործումից ստացված հասույթները և արտահայտվում են ներառյալ` ավելացված արժեքի հարկը:
2.14. Շահագործական ավտոբուսների հասույթը (առանց ավելացված արժեքի հարկի) (տող 220) ցույց են տրվում երթուղային ավտոբուսների, միկրոավտոբուսների և պատվերով աշխատող ավտոբուսների շահագործումից ստացված հասույթները (առանց ավելացված արժեքի հարկի):
2.15. Երթուղային ավտոբուսների շահագործումից ստացված հասույթ (տող 221) ցուցանիշում ցույց են տրվում երթուղային ավտոբուսների, միկրոավտոբուսների շահագործումից ստացված հասույթները (առանց պատվերով աշխատող ավտոբուսների):
Կազմակերպության վնասները փոխհատուցելու նպատակով բյուջեից հատկացված սուբսիդիաները «Հասույթ - ընդամենը» (տող 210 և 220) և «այդ թվում երթուղային ավտոբուսներից և միկրոավտոբուսներից» (տող 221) տողերում չեն հաշվառվում, այլ արտացոլվում են «Սուբսիդիաներ բյուջեից» (տող 260) տողում:
2.16. Թեթև մարդատար տաքսիների շահագործումից ստացված հասույթի (տող 310, սյունակ 1 - ավելացված արժեքի հարկով), (տող 320, սյունակ 1 - առանց ավելացված արժեքի հարկի) մեջ ներառվում են դրանց շահագործումից ստացված բոլոր տեսակի վճարումները:
2.17. 310 և 320 տողերի 5-րդ սյունակում համապատասխանաբար` ներառյալ ավելացված արժեքի հարկը և առանց ավելացված արժեքի հարկի, լրացվում է այն հասույթը, որն ստացվում է պատվիրատուի կողմից` ծառայողական նպատակներով կազմակերպության թեթև մարդատար ավտոմեքենաների շահագործման դիմաց:
2.18. Այլ կազմակերպություններին, անհատ ձեռնարկատերերին, ֆիզիկական անձանց վարձակալության իրավունքով տրված ավտոմեքենաների շահագործումից ստացված դրամական միջոցները չեն ներառվում ուղևորաբեռնափոխադրումների հասույթի մեջ և դասվում են շահույթներին ու վնասներին:
2.19. Բեռնափոխադրումների և ուղևորափոխադրումների հետ կապված ծախսերի մեջ ներառվում են ավտոմեքենաների շահագործման ծախսերը հաշվետու ժամանակաշրջանում (նյութական ծախսեր, աշխատանքի վարձատրություն և դրան հավասարեցված այլ վճարումներ, հատկացումները սոցիալական կարիքների համար, ամորտիզացիոն մասհանումներ, այլ ծախսեր:
2.20. Բեռնափոխադրումների ծախսերի մեջ չեն ներառվում բեռնման և բեռնաթափման աշխատանքների, առաքիչ գործառնությունների, պահեստների շահագործման և բեռնափոխադրումների հետ կապված այլ ծախսերը:
2.21. Կազմակերպության ծառայողական ավտոմեքենաների շահագործման ծախսերը ցույց են տրվում 330 տողի 3-րդ սյունակում:
ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ
ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ
._________________________________________________________________________.
|Ներկայացվում է համաձայն` «Պետական վիճակագրության մասին» Հայաստանի |
|Հանրապետության 2000թ. ապրիլի 4-ի ՀՕ-48 օրենքի, օրենքով սահմանված կարգով` |
|Հայաստանի Հանրապետության վիճակագրության պետական խորհրդի կողմից հաստատվող |
|«Պետական վիճակագրական աշխատանքների տարեկան ծրագրի» և Հայաստանի |
|Հանրապետության վիճակագրության պետական խորհրդի 2003թ. հոկտեմբերի 3-ի |
|«Վիճակագրական տեղեկությունների ներկայացման կարգը հաստատելու մասին» |
|թիվ 11-Ն որոշմամբ հաստատված կարգի |
|_________________________________________________________________________|
| ՏՐԱՄԱԴՐՎԱԾ ՏԵՂԵԿՈՒԹՅՈՒՆՆԵՐԻ ԳԱՂՏՆԻՈՒԹՅԱՆ ՊԱՀՊԱՆՈՒՄԸ ԵՐԱՇԽԱՎՈՐՎՈՒՄ Է |
| ՕՐԵՆՔՈՎ |
|_________________________________________________________________________|
| Ներկայացվում է | Ներկայացնում են | Հաշվետվության |
| | |ներկայացման ժամկետը`|
|________________________|___________________________|____________________|
|Ազգային վիճակագրական |տրանսպորտային |մինչև հաշվետու |
|ծառայություն մարզային |գործունեությամբ զբաղվող |ժամանակաշրջանին |
|գործակալություն |իրավաբանական անձինք, |հաջորդող ամսվա 20-ը |
|(տարածքային բաժին) |անհատ ձեռնարկատերերը | |
|____________________________________________________|____________________|
| | ՁԵՎ ԹԻՎ |
|Ով է ներկայացնում _________________________________ | 65-ԱՎՏՈ |
| (անվանումը) | (եռամսյակային) |
|Փաստացի գործունեության հիմնական տեսակը ____________ | |
|___________________________________________________ | «Հաստատված է» |
| | Հայաստանի |
|Գտնվելու վայրը ____________________________________ | Հանրապետության |
|____________________________________I_I_I_I_I_I_I_I | վիճակագրության |
| (փոստային դասիչ)| պետական խորհրդի |
|Մարզը ____________________ Համայնքը _______________ | 7 նոյեմբերի 2003 թ.|
| | թիվ 19-Ն որոշմամբ |
|Պետական ռեգիստրում գրանցման համարը I_I_I_I_I_I_I_I_I| |
| |____________________|
|Նույնականացման (իդենտիֆիկացիոն) ծածկագիրը I_I_I_I_I |____________________|
| | Չլրացնել |
|Հարկ վճարողի հաշվառման համարը I_I_I_I_I_I_I_I_I_I_I |____________________|
| | |
|Պետական ռեգիստրում գրանցման համարը և նույնականացման|ՏԳՏԴ I_I_I_I_I_I_I |
|(իդենտիֆիկացիոն) ծածկագիրը լրացվում են Հայաստանի | |
|Հանրապետության արդարադատության նախարարության |Մարզը I_I_I_I_I |
|իրավաբանական անձանց պետական ռեգիստրի գործակալության | |
|կողմից տրված գրանցման վկայականից |Համայնքը I_I_I_I_I |
|_________________________________________________________________________|
|Պետական վիճակագրության մասին օրենսդրության խախտումը վիճակագրական |
|տեղեկություններ տրամադրողների, ինչպես նաև պետական վիճակագրություն |
|իրականացնող մարմնի պաշտոնատար անձանց համար առաջացնում է |
|պատասխանատվություն` օրենքով սահմանված կարգով: |
._________________________________________________________________________.
ԱՎՏՈՄՈԲԻԼԱՅԻՆ ՏՐԱՆՍՊՈՐՏԻ ԱՐՏԱԴՐԱՆՔԻ ՄԱՍԻՆ
200_ թ. հունվար ____________________
(տարվա սկզբից աճողական կարգով)
1. Բեռնատար շահագործական ավտոմեքենաներ (ներառյալ բեռնատար
տաքսիներ, պիկապներ)
._________________________________________________________________________.
| |Տողի|Չափի |Ընդա-| այդ թվում` ըստ հաղորդակցության |
| | հա-|միա- |մենը | տեսակների |
| |մարը|վորը |(2-5 |____________________________________|
| | | |սյու-|ներ- |ներ- |միջ- |միջպե-| 5-րդ |
| | | |նակ- |քաղա-|մար- |մար- |տական | սյունակից |
| | | |ների |քային|զային|զային| |___________|
| | | |գու- | | | | |ար- |ներ- |
| | | |մարը)| | | | |տահա-|կրում|
| | | | | | | | |նում | |
|___________________|____|_____|_____|_____|_____|_____|______|_____|_____|
| Ա | Բ | Գ | 1 | 2 | 3 | 4 | 5 | 6 | 7 |
|___________________|____|_____|_____|_____|_____|_____|______|_____|_____|
|Հասույթ (ներառյալ | 110|հազար| | | | | | | |
|ավելացված արժեքի | |դրամ | | | | | | | |
|հարկը), ընդամենը | | | | | | | | | |
|___________________|____|_____|_____|_____|_____|_____|______|_____|_____|
|Հասույթ (առանց | 120| -»- | | | | | | | |
|ավելացված արժեքի | | | | | | | | | |
|հարկի), ընդամենը | | | | | | | | | |
|___________________|____|_____|_____|_____|_____|_____|______|_____|_____|
|Ծախսեր - ընդամենը | 130| -»- | | | | | | | |
|___________________|____|_____|_____|_____|_____|_____|______|_____|_____|
|Տեղափոխվել են | 140|հազար| | | | | | | |
|բեռներ | |տոննա| | | | | | | |
|___________________|____|_____|_____|_____|_____|_____|______|_____|_____|
|Բեռնաշրջանառություն| 150|հազար| | | | | | | |
| | |տոննա| | | | | | | |
| | |կմ | | | | | | | |
._________________________________________________________________________.
2. Շահագործական ավտոբուսներ և միկրոավտոբուսներ
._________________________________________________________________________.
| |Տողի|Չափի |Եր- | այդ թվում` ըստ երթուղիների |1-ին |
| |հա- |միա- |թու-| տեսակների |սյու- |
| |մարը|վորը |ղի- |______________________________|նակից |
| | | |ների|ներ- |որոն- |ներ- |միջ- |միջ- |փոխադ-|
| | | |բո- |քաղա-|ցից` |մար- |մար- |պետա-|րում- |
| | | |լոր |քային|մարզ- |զային|զային|կան |ներ |
| | | |տե- | |կենտ- | | | |գյու- |
| | | |սակ-| |րոն, | | | |ղական |
| | | |ները| |հանրա-| | | |վայրե-|
| | | | | |պետու-| | | |րում |
| | | | | |թյան | | | | |
| | | | | |մայրա-| | | | |
| | | | | |քաղաք | | | | |
|___________________|____|_____|____|_____|______|_____|_____|_____|______|
| Ա | Բ | Գ | 1 | 2 | 3 | 4 | 5 | 6 | 7 |
|___________________|____|_____|____|_____|______|_____|_____|_____|______|
|Հասույթ (ներառյալ | 210|հազար| | | | | | | |
|ավելացված արժեքի | |դրամ | | | | | | | |
|հարկը) - ընդամենը | | | | | | | | | |
|___________________|____|_____|____|_____|______|_____|_____|_____|______|
|Հասույթ (առանց | 220| -»- | | | | | | | |
|ավելացված արժեքի | | | | | | | | | |
|հարկի) - ընդամենը | | | | | | | | | |
|___________________|____|_____|____|_____|______|_____|_____|_____|______|
|այդ թվում` | 221| -»- | | | | | | | |
|երթուղային | | | | | | | | | |
|ավտոբուսներից և | | | | | | | | | |
|միկրոավտոբուսներից | | | | | | | | | |
|___________________|____|_____|____|_____|______|_____|_____|_____|______|
|Ծախսեր - ընդամենը | 230| -»- | | | | | | | |
|___________________|____|_____|____|_____|______|_____|_____|_____|______|
|այդ թվում` | 231| -»- | | | | | | | |
|երթուղային | | | | | | | | | |
|ավտոբուսներ և | | | | | | | | | |
|միկրոավտոբուսներ | | | | | | | | | |
|___________________|____|_____|____|_____|______|_____|_____|_____|______|
|Փոխադրվել են | 240|հազար| | | | | | | |
|ուղևորներ - | |ուղե-| | | | | | | |
|ընդամենը | |վոր | | | | | | | |
|___________________|____|_____|____|_____|______|_____|_____|_____|______|
|այդ թվում` | 241| -»- | | | | | | | |
|երթուղային | | | | | | | | | |
|ավտոբուսներով և | | | | | | | | | |
|միկրոավտոբուսներով | | | | | | | | | |
|___________________|____|_____|____|_____|______|_____|_____|_____|______|
|Ուղևորաշրջանա- | 250|հազար| | | | | | | |
|ռություն - ընդամենը| |ուղե-| | | | | | | |
| | |վոր | | | | | | | |
| | |կմ | | | | | | | |
|___________________|____|_____|____|_____|______|_____|_____|_____|______|
|այդ թվում` | 251| -»- | | | | | | | |
|երթուղային | | | | | | | | | |
|ավտոբուսներով և | | | | | | | | | |
|միկրոավտոբուսներով | | | | | | | | | |
|___________________|____|_____|____|_____|______|_____|_____|_____|______|
|Տեղեկություն. | 260|հազար| X | | | | X | | X |
|Սուբսիդիաներ | |դրամ | | | | | | | |
|բյուջեից | | | | | | | | | |
._________________________________________________________________________.
3. Թեթև մարդատար շահագործական մեքենաներ
._________________________________________________________________________.
| | Տողի | Չափի | Թեթև |Այլ կազմակեր-| Կազմակեր- |
| |համարը|միավորը|մարդատար|պություններին| պության |
| | | |տաքսիներ|ծառայություն-|ծառայողական|
| | | | |ներ մատուցած | թեթև |
| | | | | թեթև | մարդատար |
| | | | | մարդատար | ավտոմեքե- |
| | | | |ավտոմեքենաներ| նաները |
|_______________________|______|_______|________|_____________|___________|
| Ա | Բ | Գ | 1 | 2 | 3 |
|_______________________|______|_______|________|_____________|___________|
|Հասույթ (ներառյալ | 310 | հազար | | | |
|ավելացված արժեքի | | դրամ | | | |
|հարկը) - ընդամենը | | | | | |
|_______________________|______|_______|________|_____________|___________|
|Հասույթ (առանց | 320 | -»- | | | |
|ավելացված արժեքի | | | | | |
|հարկի) - ընդամենը | | | | | |
|_______________________|______|_______|________|_____________|___________|
|Ծախսեր - ընդամենը | 330 | -»- | | | |
|_______________________|______|_______|________|_____________|___________|
|Ավտոմեքենաների վազք | 340 | հազար | | | |
|- ընդամենը | | կմ | | | |
|_______________________|______|_______|________|_____________|___________|
|այդ թվում` վճարովի | 341 | -»- | | | |
._________________________________________________________________________.
Ղեկավար _____________________ _______________________
(Ազգանուն, անուն) (Ստորագրություն)
Լրացնող _____________________ ________________________
(գլխավոր հաշվապահ (Ազգանուն, անուն) (Ստորագրություն, պաշտոն)
կամ այլ լիազորված
անձ)
_____________________ «___»___________200__թ.
(Հեռախոսահամար(ներ)) (լրացման ամսաթիվը)
Էլեկտրոնային փոստ _______________@________________