040.0610.040603
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«4» հունիսի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 ապրիլի 2003 թվականի N 610-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԲՆԱԿԵՑՄԱՆ ԳԼԽԱՎՈՐ ՆԱԽԱԳԻԾԸ ՀԱՍՏԱՏԵԼՈՒ ՄԱՍԻՆ
«Քաղաքաշինության մասին» Հայաստանի Հանրապետության օրենքի 10-րդ և 17-րդ հոդվածներին համապատասխան` Հայաստանի Հանրապետության կառավարությունը որոշում է.
1. Հաստատել Հայաստանի Հանրապետության տարաբնակեցման գլխավոր նախագիծը:
i
2. Հայաստանի Հանրապետության պետական կառավարման մարմինների ղեկավարներին` Հայաստանի Հանրապետության կառավարության 2002 թվականի դեկտեմբերի 19-ի N 2164-Ն որոշմամբ սահմանված կարգով ապահովել իրենց կանոնադրական խնդիրների շրջանակներում տեղեկատվության տրամադրումը` տարածքային պլանավորմանն առնչվող մասով:
3. Հայաստանի Հանրապետության ազգային անվտանգության ծառայության տնօրենին` Հայաստանի Հանրապետության քաղաքաշինության նախարարի հետ համատեղ քննարկել և, անհրաժեշտության դեպքում, նախագծի տեքստային ու գրաֆիկական մասերից տարանջատել «Պետական գաղտնիքի մասին» Հայաստանի Հանրապետության օրենքի համաձայն պետական գաղտնիք պարունակող նյութերը` մեկամսյա ժամկետում սահմանված կարգով ձևակերպելով դրանց պահպանման և օգտագործման կարգը:
4. Հայաստանի Հանրապետության քաղաքաշինության նախարարին`
ա) ապահովել Հայաստանի Հանրապետության տարաբնակեցման գլխավոր նախագծի հետագա իրականացման ընթացքի վերահսկողությունն ու մոնիտորինգը` համագործակցելով պետական կառավարման ու տեղական ինքնակառավարման մարմինների հետ.
բ) «Քաղաքաշինության մասին» Հայաստանի Հանրապետության օրենքով և Հայաստանի Հանրապետության կառավարության 1998 թվականի հոկտեմբերի 28-ի N 660 որոշմամբ սահմանված կարգով ապահովել Հայաստանի Հանրապետության տարաբնակեցման գլխավոր նախագծի մասին (բացառությամբ սույն որոշման 3-րդ կետով սահմանված նյութերի) հասարակության իրազեկման և հրատարակման գործառույթները:
5. Հանձնարարել Հայաստանի Հանրապետության նախարարներին, Հայաստանի Հանրապետության մարզպետներին, Երևանի քաղաքապետին, Հայաստանի Հանրապետության պետական կառավարման այլ մարմինների ղեկավարներին և առաջարկել Հայաստանի Հանրապետության տեղական ինքնակառավարման մարմինների ղեկավարներին ճյուղային, պետական նպատակային և համայնքային զարգացման ծրագրերի, ինչպես նաև քաղաքաշինական ծրագրային և գոտևորման փաստաթղթերի մշակման ընթացքում հիմք ընդունել Հայաստանի Հանրապետության տարաբնակեցման գլխավոր նախագծի դրույթները:
6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՄԱՅԻՍԻ 29-ԻՆ
ան