040.0932.130702
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«13» հուլիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 հուլիսի 2002 թվականի N 932-Ա
i
«ԶՎԱՐԹՆՈՑ» ՕԴԱՆԱՎԱԿԱՅԱՆԻ ԳՈՒՅՔԻ ՀԱՆՁՆՄԱՆ ԿԱՊԱԿՑՈՒԹՅԱՄԲ ՓՈԽՀԱՏՈՒՑՈՒՄՆԵՐԻ ՄԱՍԻՆ
Հայաստանի Հանրապետության կառավարության 2002 թվականի մայիսի 31-ի «Հանձնաժողով ստեղծելու մասին» N 635 որոշմանը համապատասխան` Հայաստանի Հանրապետության կառավարությունը որոշում է.
1. Հաստատել «Զվարթնոց» օդանավակայանի գույքի հանձնման կապակցությամբ 2002 թվականի հուլիսի 1-ի դրությամբ ավարտված բանակցությունների արդյունքներով այլ անձանց տրվող փոխհատուցման չափերը` համաձայն հավելվածի:
i
2. Հայաստանի Հանրապետության ֆինանսների և էկոնոմիկայի նախարարին` սույն որոշմամբ հաստատված փոխհատուցումը վճարվում է Հայաստանի Հանրապետության կառավարության 2002 թվականի մայիսի 30-ի «Երևանի «Զվարթնոց» միջազգային օդանավակայան» փակ բաժնետիրական ընկերության գույքը բյուջետային վարկի պարտքի դիմաց օտարելու և այն օգտագործման հանձնելու մասին» N 692 որոշման 5-րդ կետին համապատասխան բացված հատուկ հաշվի միջոցներից:
3. Հայաստանի Հանրապետության արդարադատության նախարարին և Հայաստանի Հանրապետության պետական գույքի կառավարման նախարարին` «Զվարթնոց» օդանավակայանի տարածքում գտնվող` Հայաստանի Հանրապետության քաղաքացիներից գնված 103 քառ. մետր մակերես ունեցող անշարժ գույքը հանձնել «Արմենիա» միջազգային օդանավակայաններ» փակ բաժնետիրական ընկերության օգտագործմանը` Հայաստանի Հանրապետության կառավարության և «Կորպորասիոն Ամերիկա Ս. Ա.» ընկերության միջև 2001 թվականի դեկտեմբերի 18-ին կնքված կոնցեսիայի պայմանագրին համապատասխան, ապահովելով անշարժ գույքի նկատմամբ գույքային իրավունքների պետական գրանցումը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՀՈՒԼԻՍԻ 10-ԻՆ
Հավելված
Հայաստանի Հանրապետության
կառավարության 2002 թվականի
հուլիսի 4-ի N 932-Ա որոշման
«ԶՎԱՐԹՆՈՑ» ՕԴԱՆԱՎԱԿԱՅԱՆԻ ԳՈՒՅՔԻ ՀԱՆՁՆՄԱՆ ԿԱՊԱԿՑՈՒԹՅԱՄԲ 2002 ԹՎԱԿԱՆԻ ՀՈՒԼԻՍԻ 1-Ի ԴՐՈՒԹՅԱՄԲ ԱՎԱՐՏՎԱԾ ԲԱՆԱԿՑՈՒԹՅՈՒՆՆԵՐԻ ԱՐԴՅՈՒՆՔՆԵՐՈՎ ԱՅԼ ԱՆՁԱՆՑ ՏՐՎՈՂ ՓՈԽՀԱՏՈՒՑՄԱՆ ՉԱՓԵՐԸ
._________________________________________________________________________.
|Կողմի անունը, ազգանունը | Վնասի փոխհատուցման | Փոխհատուցման չափը |
|(ֆիրմային անվանումը) |իրավունքի առաջացման առիթը | |
|________________________|__________________________|_____________________|
|«Կոնվերս բանկ» ՓԲԸ |1,000,000 ԱՄՆ-ի դոլար |1,052,000 ԱՄՆ-ի դոլար|
| |վարկի և 52,000 ԱՄՆ-ի | |
| |դոլար հաշվարկվող տոկոսների| |
| |վճարման ապահովման միջոց | |
| |հանդիսացող` «Զվարթնոց-2» | |
| |համալիրի գրավի իրավունքից | |
| |հրաժարում | |
|________________________|__________________________|_____________________|
|Համասեփականատերեր` |Օդանավակայանի տարածքում |90000 ԱՄՆ-ի դոլարին |
|ՀՀ քաղաքացիներ |գտնվող 103 քառ. մետր |համարժեք դրամ` |
|Տ. Մեսրոպյան, |մակերես ունեցող շենքի |ներառյալ հարկային |
|Ի. Քոչարյան, |գնում |գործակալի կողմից |
|Վ. Բաղյան | |պահվող եկամտահարկը |
._________________________________________________________________________.