(ուժը կորցրել է 02.07.01 թիվ 588 որոշում)
i
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
«27» սեպտեմբերի 1996 թ.
-- ------------
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
27 սեպտեմբերի 1996 թ. թիվ 319
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1995 ԹՎԱԿԱՆԻ ՀՈՒՆԻՍԻ 18-Ի ԹԻՎ 347 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարության 1995 թվականի հունիսի 18-ի «Բանկերի շահութահարկի վճարման համար եկամուտների և ծախսերի կազմը հաստատելու մասին» թիվ 347 որոշման հավելվածում կատարել հետևյալ փոփոխություններն ու լրացումները`
ա) տեքստում «տարադրամ» բառը փոխարինել «արտարժույթ» բառով.
բ) 4-րդ և 47-րդ կետերում «տրաստային» բառը փոխարինել «հավատարմագրային (թրասթային)» բառերով.
գ) 11-րդ կետից հանել «այդ թվում պետական արժեթղթերի» բառերը և «տարբերությունը» բառից առաջ ավելացնել «դրական» բառը.
դ) 16-րդ կետը շարադրել հետևյալ խմբագրությամբ.
«16. Հայաստանի Հանրապետության օրենսդրությամբ նախատեսված բանկային այլ գործառնությունների իրականացման և բանկերի կողմից ծառայությունների մատուցման դիմաց ստացված եկամուտները».
ե) II բաժնի վերնագրից և առաջին պարբերությունից հանել «կողմից» բառը և այն ավելացնել «նրանց» բառից հետո.
զ) 19-րդ կետում «նորմաների» բառը փոխարինել «նորմատիվների» բառով.
է) 21-րդ կետում «պարտքային հանձնառությունների» բառերը փոխարինել «պարտքի հանձնառության» բառերով.
ը) II բաժինը լրացնել հետևյալ բովանդակությամբ նոր 22-րդ կետով.
«22. Բանկին պատկանող արժեթղթերի իրացման և ձեռքբերման գների բացասական տարբերությունը»:
Այդ կապակցությամբ 22-55-րդ կետերը համարել համապատասխանաբար 23-56-րդ կետեր.
թ) 38-րդ կետում «նույնպիսի» բառը փոխարինել «նույնատիպ» բառով.
ժ) 52-րդ կետը շարադրել հետևյալ խմբագրությամբ.
«52. Բանկի հրշեջ և պահակային պահպանության ծախսերը, այդ թվում` այլ կազմակերպությունների մատուցած պահպանության ծառայությունների ծախսերը»:
Ժա) II բաժինը լրացնել հետևյալ բովանդակությամբ նոր 55-րդ կետով.
«55. Կադրերի վերապատրաստման, որակավորման բարձրացման և կատարելագործման հետ կապված ծախսերը»:
Այդ կապակցությամբ 55-56-րդ կետերը համարել համապատասխանաբար 56-57-րդ կետեր.
ժբ) 56-րդ կետը «է» ենթակետից հետո լրացնել հետևյալ բովանդակությամբ նոր «ը» ենթակետով.
«ը) Հայաստանի Հանրապետության ֆինանսների նախարարության, Հայաստանի Հանրապետության կենտրոնական բանկի կողմից համատեղ սահմանված կարգով և ժամկետներում անհուսալի համարվող կրեդիտորական, ավանդագրված (դեպոնենտական) պարտքերը»:
Այդ կապակցությամբ «ը» ենթակետը համարել «թ» ենթակետ.
ժգ) 56-րդ կետի «թ» ենթակետի «հիմնական միջոցների և այլ գույքի իրացումից ստացված եկամուտները» բառերը փոխարինել «ոչ նյութական ակտիվների, հիմնական միջոցների, ինչպես նաև այլ նյութական արժեքների իրացումից ստացված եկամուտները» բառերով.
ժդ) 57-րդ կետի «բ» ենթակետը շարադրել հետևյալ խմբագրությամբ.
«բ) Հայաստանի Հանրապետության ֆինանսների նախարարության և Հայաստանի Հանրապետության կենտրոնական բանկի կողմից համատեղ սահմանված կարգով և ժամկետներում անհուսալի համարվող դեբիտորական պարտքերի դուրսգրումից առաջացած կորուստները, եթե 19-րդ կետին համապատասխան ձևավորվող պահուստաֆոնդի միջոցները չեն բավականացնում».
ժե) 57-րդ կետի «գ» ենթակետից հանել «այդ թվում բաց արժութային դիրքի գծով չիրացված բացասական փոխարժեքային (կուրսային) տարբերությունները» բառերը.
ժզ) 57-րդ կետը լրացնել հետևյալ բովանդակությամբ նոր «է» ենթակետով.
«է) հաշվետու տարում բանկի նախորդ տարիների հայտնաբերված վնասը».
ժէ) ծանոթագրությունը լրացնել հետևյալ բովանդակությամբ նոր 3-րդ կետով.
«3. Սույն հավելվածի II և III բաժիններում չթվարկված մնացած բոլոր ծախսերն իրականացվում են բանկերի տրամադրության տակ մնացող շահույթի կամ սեփական միջոցների (ընդհանուր կապիտալի) այլ հոդվածների հաշվին»:
2. Սույն որոշումն ուժի մեջ է մտնում 1996 թվականի սեպտեմբերի 27-ից: