040.0368.100402
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«10» ապրիլի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 ապրիլի 2002 թվականի N 368
i
«ԱՐԱԲԿԻՐ» ՄԻԱՑՅԱԼ ՄԱՆԿԱԿԱՆ ԲԱՐԵԳՈՐԾԱԿԱՆ ՀԻՄՆԱԴՐԱՄԻ ԲԱՐԵԳՈՐԾԱԿԱՆ ԾՐԱԳՐԻ ՇՐՋԱՆԱԿՆԵՐՈՒՄ ԻՐԱԿԱՆԱՑՎԵԼԻՔ ՓՈԽՀԱՏՈՒՑՄԱՆ ՄԱՍԻՆ
Հաշվի առնելով այն հանգամանքը, որ «Արաբկիր» միացյալ մանկական բարեգործական հիմնադրամի ծրագիրը Հայաստանի Հանրապետության կառավարության մարդասիրական օգնության կենտրոնական հանձնաժողովի 2000 թվականի հունիսի 30-ի «Շվեյցարական SEMRA ֆոնդի, VAD ասոցիացիայի, բելգիական NAF ասոցիացիայի, արտերկրի պետական և ոչ պետական այլ կազմակերպությունների ու անհատների ֆինանսավորմամբ, ինչպես նաև ճապոնական կառավարության կողմից տրամադրված դրամաշնորհի միջոցներով «Արաբկիր» միացյալ մանկական բարեգործական հիմնադրամի կողմից 2000-2003 թվականներին իրականացվող ծրագրի մասին» N Մ-146 որոշմամբ որակվել է բարեգործական, ինչպես նաև Հայաստանի Հանրապետության 2002 թվականի փետրվարի 13-ի «Մարդասիրական օգնության և բարեգործական ծրագրերի մասին» N 136 որոշմանը համապատասխան` Հայաստանի Հանրապետության կառավարությունը որոշում է.
i
1. «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքի 11-րդ հոդվածի «ժե» կետով սահմանված կարգով «Արաբկիր» միացյալ մանկական բարեգործական հիմնադրամին փոխհատուցել «Հարգ» սահմանափակ պատասխանատվությամբ ընկերության հետ (ՀՎՀՀ` 02542032) 2002 թվականի փետրվարի 27-ին կնքված NN 1 և 2 պայմանագրերով նախատեսված 24504000 դրամ ընդհանուր արժողությամբ վերակառուցման և հարդարման աշխատանքների դիմաց հաշվարկված ավելացված արժեքի հարկի` 4084000 դրամ գումարը:
2. Սույն որոշումն ուժի մեջ է մտնում 2002 թվականի ապրիլի 10-ից: