040.0604.060701
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«6» հուլիսի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
6 հուլիսի 2001 թվականի N 604
ՊԱՐՏԱԴԻՐ ՍՈՑԻԱԼԱԿԱՆ ԱՊԱՀՈՎԱԳՐՈՒԹՅԱՆ ՎՃԱՐՆԵՐԻ ՀԱՎԱՔԱԳՐՄԱՆ ԼԻԱԶՈՐՈՒԹՅՈՒՆԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՅՈՑ ՁՈՐԻ ՄԱՐԶՈՒՄ ՓՈՐՁՆԱԿԱՆ ԿԱՐԳՈՎ ՀԱՐԿԱՅԻՆ ՄԱՐՄԻՆՆԵՐԻՆ ՎԵՐԱՊԱՀԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՀՈՒՆԻՍԻ 8-Ի N 352 ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
i
1. 2001 թվականի հուլիսի 1-ից «Պարտադիր սոցիալական ապահովագրության վճարների մասին» Հայաստանի Հանրապետության օրենքի 9-րդ հոդվածով նախատեսված լիազորությունները Հայաստանի Հանրապետության Վայոց ձորի մարզի տարածքում վերապահել Հայաստանի Հանրապետության պետական եկամուտների նախարարությանը:
(1-ին կետն ուժը կորցրել է 08.01.02 թիվ 9 որոշում)
i
2. Հայաստանի Հանրապետության կառավարության 1998 թվականի հունիսի 8-ի «Պարտադիր սոցիալական ապահովագրության վճարների մասին» Հայաստանի Հանրապետության օրենքի կիրարկումն ապահովող միջոցառումների մասին» N 352 որոշման մեջ (Հայաստանի Հանրապետության կառավարության 1999 թվականի մարտի 27-ի N 184 որոշման խմբագրությամբ) կատարել հետևյալ լրացումը`
որոշման 1-ին կետը «Հայաստանի Հանրապետության սոցիալական ապահովագրության պետական հիմնադրամն է» բառերից հետո լրացնել «բացառությամբ Հայաստանի Հանրապետության կառավարության կողմից սահմանված դեպքերի» բառերով:
i
3. Հայաստանի Հանրապետության սոցիալական ապահովագրության պետական հիմնադրամին` Հայաստանի Հանրապետության սոցիալական ապահովագրության պետական հիմնադրամի համապատասխան տարածքային մարմիններին հանձնարարել մինչև 2001 թվականի հուլիսի 30-ը Հայաստանի Հանրապետության Վայոց ձորի մարզային տարածքային հարկային տեսչությանը տրամադրել մարզի տարածքում գրանցված ապահովադիրների կողմից պարտադիր սոցիալական ապահովագրության վճարների մասին առկա տեղեկատվության և դրան առնչվող բոլոր փաստաթղթերը (այդ թվում` հաշվետվությունները, ստուգման ակտերը, հաշվառման քարտերը, ապահովադիրների ժամկետանց պարտավորությունների մասին համապատասխան տեղեկությունները) և դրանք մշակող համակարգչային ծրագրերը (տվյալների բազան), ինչպես նաև ապահովադիրների վերաբերյալ վարվող գործերը` փաստաթղթերով և մագնիսային կրիչներով:
(3-րդ կետն ուժը կորցրել է 08.01.02 թիվ 9 որոշում)
4. Հայաստանի Հանրապետության պետական եկամուտների նախարարությանը և Հայաստանի Հանրապետության սոցիալական ապահովագրության պետական հիմնադրամին` ապահովել սույն որոշման 1-ին և 3-րդ կետերի պահանջների կատարման համար անհրաժեշտ նախապատրաստական աշխատանքների իրականացումը:
(4-րդ կետն ուժը կորցրել է 08.01.02 թիվ 9 որոշում)
5. Սույն որոշումն ուժի մեջ է մտնում 2001 թվականի հուլիսի 6-ից: