040.0430.020800
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«2» օգոստոսի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
2 օգոստոսի 2000 թվականի N 430
ԼՈՌՈՒ ՄԱՐԶՊԵՏԱՐԱՆԻՆ ՇԵՆՔ ՀԱՆՁՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
i
1. «Հյուսիսային էլեկտրացանց» փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել Վանաձորի Նիզամու փողոցի N 53 հասցեում գտնվող պրոֆիլակտորիայի համալիրը 461,4 մլն դրամ հաշվեկշռային արժեքով, և այն, իբրև պետական սեփականություն հանդիսացող գույք, անհատույց հանձնել Լոռու մարզպետարանի տնօրինությանը` «Վանաձորի N 2 հիվանդանոց» պետական փակ բաժնետիրական ընկերության աշխատանքների կազմակերպման համար:
(1-ին կետը լրաց. 29.11.00 թիվ 788 որոշում)
2. Հայաստանի Հանրապետության էներգետիկայի նախարարությանը և Լոռու մարզպետին` մեկամսյա ժամկետում ապահովել նշված շենքի և շինությունների`
ա) սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը.
բ) սպասարկման համար անհրաժեշտ հողամասի սահմանված կարգով ձևակերպումը:
3. Սույն որոշումն ուժի մեջ է մտնում 2000 թվականի օգոստոսի 2-ից: