050.0022.220318
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«22» 03 2018 Թ.
ՊԵՏԱԿԱՆ ԳՐԱՆՑՄԱՆ ԹԻՎ 05018085
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
2 մարտի 2018 թվականի թիվ 22-Ն
2018-2019 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ «ՀԱՅԱՍՏԱՆԻ ԱՌԱՋԻՆ ՀԱՆՐԱՊԵՏՈՒԹՅԱՆ 100-ԱՄՅԱԿ», «ՍԱՐԴԱՐԱՊԱՏԻ ՀԵՐՈՍԱՄԱՐՏԻ 100-ԱՄՅԱԿ» ԵՎ «2018 Թ. ՖՈՒՏԲՈԼԻ ԱՇԽԱՐՀԻ ԱՌԱՋՆՈՒԹՅՈՒՆ» ԱՐԾԱԹԵ ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱՆՑ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ
i
Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը և 40-րդ հոդվածը` Հայաստանի Հանրապետության կենտրոնական բանկի խորհուրդը որոշում է.
1. 2018 թ. ապրիլի 30-ից շրջանառության մեջ դնել «Հայաստանի առաջին Հանրապետության 100-ամյակ», «Սարդարապատի հերոսամարտի 100-ամյակ» և «2018 թ. ֆուտբոլի աշխարհի առաջնություն» արծաթե հուշադրամները:
2. Հաստատել սույն որոշման 1-ին կետով սահմանված հուշադրամների նկարագրությունները, որոնք էսքիզների հետ միասին ներկայացված են սույն որոշման Հավելվածում (կցվում է):
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հավելված
Հաստատված է
ՀՀ կենտրոնական բանկի խորհրդի
2018 թվականի մարտի 2-ի
թիվ 22-Ն որոշմամբ
ՆԿԱՐԱԳՐՈՒԹՅՈՒՆ
«Հայաստանի առաջին Հանրապետության 100-ամյակ» արծաթե հուշադրամի
Հուշադրամի դիմերեսին պատկերված են Հայաստանի առաջին Հանրապետության և Հայաստանի երրորդ Հանրապետության զինանշանները: Կենտրոնում «1918-2018» մակագրությունն է, որից ներքև հուշադրամի անվանական արժեքը` «5000 ԴՐԱՄ», և թողարկման տարեթիվը` «2018»: Շրջագծով «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA» հայերեն և անգլերեն մակագրություններն են:
Հուշադրամի դարձերեսին պատկերված է Հայաստանի առաջին Հանրապետության կառավարության շենքը: Մակագրություններն են` «100 ՏԱՐԻ YEARS», «ՀԱՅԱՍՏԱՆԻ ԱՌԱՋԻՆ ՀԱՆՐԱՊԵՏՈՒԹՅՈՒՆ» և «FIRST REPUBLIC OF ARMENIA»:
Տեխնիկական չափանիշները
Անվանական արժեքը 5000 դրամ
Մետաղը/հարգը արծաթ 925o
Տրամագիծը 63,0 մմ
Քաշը 168,1 գ
Որակը պրուֆ
Դրամաշուրթը հարթ, համարակալված
Քանակը 300 հատ
Էսքիզների հեղինակն է Լուսինե Լալայանը:
Հատվել է Լիտվայի դրամահատարանում:
«Հայաստանի առաջին Հանրապետության 100-ամյակ» արծաթե հուշադրամի
դիմերեսի և դարձերեսի էսքիզները
_____________________________
ԻՐՏԵԿ - էսքիզները չեն բերվում
ՆԿԱՐԱԳՐՈՒԹՅՈՒՆ
«Սարդարապատի հերոսամարտի 100-ամյակ» արծաթե հուշադրամի
Հուշադրամի դիմերեսին պատկերված է Սարդարապատի հերոսամարտին նվիրված զանգաշտարակը` ճակատամարտի քարտեզի համապատկերին: Աջից անվանական արժեքի մակագրությունն է` «1000 ԴՐԱՄ»: Շրջագծով «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրությունն է և հուշադրամի թողարկման տարեթիվը` «2018»:
Հուշադրամի դարձերեսին պատկերված է Սարդարապատի հերոսամարտին նվիրված հուշահամալիրի ճեմուղուց հատված` արծվի քանդակային պատկերով: Ստորին հատվածում «SARDARAPAT 1918-2018» և «VICTORY OF ARMENIAN SPIRIT» անգլերեն, իսկ շրջագծով` «ՍԱՐԴԱՐԱՊԱՏ ՀԱՅ ՈԳՈՒ ՀԱՂԹԱՆԱԿ» հայերեն մակագրություններ են:
Տեխնիկական չափանիշները
Անվանական արժեքը 1000 դրամ
Մետաղը/հարգը արծաթ 925o
Տրամագիծը 40,0 մմ
Քաշը 33,6 գ
Որակը պրուֆ
Դրամաշուրթը ատամնավոր
Քանակը 500 հատ
Էսքիզների հեղինակն է Հարություն Սամուելյանը:
Հատվել է Լիտվայի դրամահատարանում:
«Սարդարապատի հերոսամարտի 100-ամյակ» արծաթե հուշադրամի դիմերեսի և
դարձերեսի էսքիզները
_____________________________
ԻՐՏԵԿ - էսքիզները չեն բերվում
ՆԿԱՐԱԳՐՈՒԹՅՈՒՆ
«2018 թ. ֆուտբոլի աշխարհի առաջնություն» արծաթե հուշադրամի
Հուշադրամի դիմերեսին պատկերված է ՀՀ զինանշանը, որից ներքև անվանական արժեքի մակագրությունն է` «100 ԴՐԱՄ. DRAM» և թողարկման տարեթիվը` «2018»: Ստորին ձախ հատվածում հուշադրամը հատող ընկերության դրոշմակնիքն է, իսկ եզրաշուրթի շրջագծով հայերեն և անգլերեն մակագրված են «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA»:
Հուշադրամի դարձերեսին պատկերված է 2018 թ. ֆուտբոլի աշխարհի առաջնության կազմակերպիչ-քաղաքների քարտեզը և ֆուտբոլի գնդակի պատկերը: Ձախ հատվածում առաջնության խորհրդանիշն է, իսկ եզրաշուրթի շրջագծով` «ՖՈՒՏԲՈԼԻ ԱՇԽԱՐՀԻ ԱՌԱՋՆՈՒԹՅՈՒՆ» հայերեն մակագրությունը:
Տեխնիկական չափանիշները
Անվանական արժեքը 100 դրամ
Մետաղը/հարգը արծաթ 9250
Տրամագիծը 38,0 մմ
Քաշը 20,0 գ
Որակը պրուֆ
Դրամաշուրթը ատամնավոր
Քանակը մինչև 5000 հատ
Էսքիզները մշակվել են MDM (Munzhandelsgesellschaft Deutsche Munze) ընկերության մասնագետների կողմից:
Հատվել է «Geiger Edelmetalle GmbH» ընկերության դրամահատարանում (Գերմանիա):
«2018 թ. ֆուտբոլի աշխարհի առաջնություն» արծաթե հուշադրամի դիմերեսի
և դարձերեսի էսքիզները
_____________________________
ԻՐՏԵԿ - էսքիզները չեն բերվում