040.1452.111208
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
11 դեկտեմբերի 2008 թվականի N 1452-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ԴԵԿՏԵՄԲԵՐԻ 20-Ի N 1540-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ԵՐԵՎԱՆԻ ՔԱՂԱՔԱՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին և 28.2-րդ հոդվածի 2-րդ մասի «գ» կետին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2007 թվականի դեկտեմբերի 20-ի «Հայաստանի Հանրապետության 2008 թվականի պետական բյուջեի կատարումն ապահովող միջոցառումների մասին» N 1540-Ն որոշման մեջ կատարել հետևյալ փոփոխությունները`
i
1) 1-ին կետի 9-րդ ենթակետում «12-րդ կետին» բառերը փոխարինել «12-րդ և 14-րդ կետերին» բառերով.
i
2) 2-րդ կետի 2-րդ ենթակետում «12-րդ կետով» բառերը փոխարինել «12-րդ և 14-րդ կետերով» բառերով, իսկ «1,550,000.0» թիվը` «1,700,000.0» թվով:
2. Համաձայնել Երևանի վարչական տարածքում տեղաբաշխված` պետական սեփականություն հանդիսացող գույքի մասնավորեցումից Երևանի քաղաքապետարանի անվամբ բացված հատուկ հաշվում (ՀՎՀՀ` 900018211020) կուտակված միջոցների մնացորդից 104,990.4 հազ. դրամի չափով` Հայաստանի Հանրապետության օրենսդրությամբ սահմանված կարգով հատկացմանը, որից`
1) 47,500.0 հազ. դրամը` Երևանի Չարենցի փողոցում տրոլեյբուսի հպակային ցանցի նոր հատվածի (Հերացու փողոցից Չարենցի և Սայաթ-Նովայի փողոցներով մինչև Խանջյան փողոցն ընկած հատված) կառուցման աշխատանքների իրականացման համար.
2) 11,318.7 հազ. դրամը` Երևանի Մյասնիկյան պողոտայի երթևեկության կազմակերպման աշխատանքների իրականացման համար.
3) 24,922.7 հազ. դրամը` Երևանի Աբովյան 25 և Թումանյան 25 ու 34 հասցեներում գտնվող 3 շենքի ճակատային մասերի մաքրման (ֆասադների վերանորոգման) աշխատանքների իրականացման համար.
4) 4,413.3 հազ. դրամը` Երևան քաղաքում 15-մետրանոց 10 դրոշի պատրաստման և տեղադրման աշխատանքների իրականացման համար.
5) 16,835.7 հազ. դրամը` Երևանի N 162 միջնակարգ դպրոցի խաղադաշտի և հարակից տարածքի ցանկապատման աշխատանքների իրականացման համար:
3. Վ. Սարոյանի հուշարձանի տեղադրման աշխատանքներն իրականացնելու համար Երևանի քաղաքապետարանին 2008 թվականի չորրորդ եռամսյակում հատկացնել 21,822.1 հազ. դրամ` Հայաստանի Հանրապետության 2008 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Շենքերի և շինությունների շինարարություն» հոդվածով):
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2008 ԹՎԱԿԱՆԻ ԴԵԿՏԵՄԲԵՐԻ 11-ԻՆ