040.0635.310502
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«31» մայիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 մայիսի 2002 թվականի N 635
ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
i
Հայաստանի Հանրապետության կառավարության ու «Կորպորասիոն Ամերիկա Ս. Ա.» ընկերության միջև 2001 թվականի դեկտեմբերի 18-ին կնքված կոնցեսիայի պայմանագրի VIII կետի պահանջների կատարումն ապահովելու և «Զվարթնոց» միջազգային օդանավակայան» պետական փակ բաժնետիրական ընկերության առկա պարտավորությունները բավարարելու նպատակով Հայաստանի Հանրապետության կառավարությունը որոշում է.
1. Ստեղծել նախնական բանակցություններ վարող հանձնաժողով հետևյալ անհատական կազմով`
Հ. Դավթյան - ՀՀ ֆինանսների և էկոնոմիկայի նախարարության
իրավաբանական գլխավոր վարչության պետ
Գ. Քոչարյան - ՀՀ առևտրի և տնտեսական զարգացման նախարարության
առևտրի և տարածքային զարգացման վարչության պետ
Վ. Մկրտչյան - ՀՀ պետական գույքի կառավարման նախարարության անշարժ
գույքի կառավարման վարչության պետ
Գ. Այվազյան - ՀՀ արդարադատության նախարարության փորձագիտական
կենտրոնի շինարարատեխնիկական լաբորատորիայի վարիչ
2. Հանձնաժողովին` բանակցությունների արդյունքում ձեռք բերված նախնական պայմանավորվածությունների մասին տեղեկատվություն ներկայացնել Հայաստանի Հանրապետության ֆինանսների և էկոնոմիկայի նախարարին:
3. Հայաստանի Հանրապետության ֆինանսների և էկոնոմիկայի նախարարին` ստացված տեղեկատվության հիման վրա Հայաստանի Հանրապետության կառավարություն ներկայացնել համապատասխան առաջարկություններ:
4. Սույն որոշումն ուժի մեջ է մտնում 2002 թվականի մայիսի 31-ից: