101.0001.150503
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«15» 05 2003 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10103164
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱԶԳԱՅԻՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅԱՆ ՏՆՕՐԵՆ ՀՐԱՄԱՆ
15 մայիսի 2003 թվականի N 1-Ն
ՀՀ ԱԱԾ «ԿԱՌԱՎԱՐԱԿԱՆ ԿԱՊԻ 65-ԱՄՅԱԿ» ԿՐԾՔԱՆՇԱՆ ՀԻՄՆԵԼՈՒ ՄԱՍԻՆ
i
Կառավարական կապի ստեղծման 65-ամյակի կապակցությամբ ՀՀ ԱԱԾ աշխատակիցներին և վետերաններին, ինչպես նաև Հայաստանի Հանրապետության և օտարերկրյա պետությունների քաղաքացիներին պարգևատրելու նպատակով, ղեկավարվելով ՀՀ կառավարության 2003 թվականի ապրիլի 17-ի N 433-Ն որոշմամբ հաստատված ՀՀ ԱԱԾ կանոնադրության 11-րդ կետի «ժ» ենթակետով
ՀՐԱՄԱՅՈՒՄ ԵՄ`
1. Հիմնել ՀՀ ԱԱԾ «Կառավարական կապի 65-ամյակ» կրծքանշանը:
2. Հաստատել`
ա) ՀՀ ԱԱԾ «Կառավարական կապի 65-ամյակ» կրծքանշանի կանոնադրությունը` համաձայն N 1 հավելվածի.
բ) ՀՀ ԱԱԾ «Կառավարական կապի 65-ամյակ» կրծքանշանի նկարագրությունը` համաձայն N 2 հավելվածի.
գ) ՀՀ ԱԱԾ «Կառավարական կապի 65-ամյակ» կրծքանշանի ձևը` համաձայն N 3 հավելվածի.
դ) ՀՀ ԱԱԾ «Կառավարական կապի 65-ամյակ» կրծքանշանը կրելու վկայականի ձևը` համաձայն N 4 հավելվածի:
3. Հրամանը ծանոթացնել ՀՀ ազգային անվտանգության ծառայության ամբողջ անձնակազմին:
Հավելված N 1
ՀՀ ԱԱԾ տնօրենի
2003 թվականի մայիսի 15-ի
N 1-Ն հրամանի
ԿԱՆՈՆԱԴՐՈՒԹՅՈՒՆ ՀՀ ԱԱԾ «ԿԱՌԱՎԱՐԱԿԱՆ ԿԱՊԻ 65-ԱՄՅԱԿ» ԿՐԾՔԱՆՇԱՆԻ
1. ՀՀ ԱԱԾ «Կառավարական կապի 65-ամյակ» կրծքանշանը (այսուհետ` կրծքանշան) հիմնված է ՀՀ ԱԱԾ աշխատակիցներին և վետերաններին, ինչպես նաև Հայաստանի Հանրապետության և օտարերկրյա պետությունների քաղաքացիներին կառավարական կապի 65-ամյակի կապակցությամբ մեկանգամյա պարգևատրման համար:
2. Կրծքանշանով պարգևատրվում են`
- ՀՀ ԱԱԾ աշխատակիցները և վետերանները` կառավարական կապի ապահովման խնդիրների գերազանց կատարման, կառավարական կապի կայացման և ամրապնդման գործում զգալի ավանդի և ցուցաբերած աջակցության, բարձր մասնագիտական պատրաստվածության համար.
- Հայաստանի Հանրապետության և օտարերկրյա պետությունների քաղաքացիները` կառավարական կապի զարգացման գործում ունեցած անձնական մեծ ավանդի, կառավարական կապի ապահովման խնդիրները լուծելիս ազգային անվտանգության մարմիններին ցուցաբերած կոնկրետ օգնության և աջակցության համար:
3. Կրծքանշանով պարգևատրման ենթակա անձանց թեկնածությունները ՀՀ ԱԱԾ կառավարական կապի և տեղեկատվության վարչության պետը զեկուցագրով ներկայացնում է ՀՀ ԱԱԾ տնօրենին:
4. Կրծքանշանով պարգևատրումը կատարվում է ՀՀ ԱԱԾ տնօրենի հրամանով, որի նախագիծը պատրաստում է ՀՀ ԱԱԾ կադրերի վարչությունը:
5. Կրծքանշանով պարգևատրվածներին տրվում է այն կրելու վկայական:
6. Կրծքանշանով պարգևատրման մասին ՀՀ ԱԱԾ կադրերի վարչության կողմից գրառում է կատարվում ՀՀ ԱԱԾ աշխատակիցների անձնական գործերում` նշելով ՀՀ ԱԱԾ տնօրենի հրամանի համարը և ամսաթիվը:
7. Կրծքանշանը կրում են կրծքի աջ կողմում:
8. Կրծքանշանով հետմահու պարգևատրում չի կատարվում:
Հավելված N 2
ՀՀ ԱԱԾ տնօրենի
2003 թվականի մայիսի 15-ի
N 1-Ն հրամանի
ՆԿԱՐԱԳՐՈՒԹՅՈՒՆ
ՀՀ ԱԱԾ «Կառավարական կապի 65-ամյակ» կրծքանշանի
Կրծքանշանի կենտրոնում պատկերված է ՀՀ ազգային անվտանգության ծառայության խորհրդանիշը: Այն գտնվում է արույրից պատրաստված 35 մմ տրամագծով սկավառակի մեջ, որի վերևի մասում գրված է «Կառավարական կապ», իսկ ներքևի մասում` ոսկեգույն դափնե ճյուղերի վրա` «65»:
ՀՀ ազգային անվտանգության ծառայության խորհրդանիշի կենտրոնում, պետական դրոշի վրա, պատկերված է կառավարական կապի խորհրդանիշը` իրար հետ խաչաձևած կայծակնային աղեղների, սրի և վահանի տեսքով:
Կայծակնային աղեղները խորհրդանշում են էլեկտրակապը, սուրը` կառավարական կապի անվտանգությունը, իսկ վահանը` կապի գաղտնիության պաշտպանությունն ապահովող միջոց է:
Սրի վերևի մասում տեղադրված են առյուծի ու արծվի ոսկեգույն գլուխները, որոնք ցույց են տալիս կառավարական կապի` պետությանը ծառայելու խորհուրդը:
Հավելված N 3
ՀՀ ԱԱԾ տնօրենի
2003 թվականի մայիսի 15-ի
N 1-Ն հրամանի
----------------------------------
ԻՐՏԵԿ - Կրծքանշանի ձևը չի բերվում
Հավելված N 4
ՀՀ ԱԱԾ տնօրենի
2003 թվականի մայիսի 15-ի
N 1-Ն հրամանի
.______________________________________________________________.
| | ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ |
| | ԱԶԳԱՅԻՆ ԱՆՎՏԱՆԳՈՒԹՅԱՆ |
| | ԾԱՌԱՅՈՒԹՅՈՒՆ |
| | |
| | |
| | ՎԿԱՅԱԿԱՆ |
| | |
| | |
| | |
| | «ԿԱՌԱՎԱՐԱԿԱՆ ԿԱՊԻ 65 ԱՄՅԱԿ» |
| | ԿՐԾՔԱՆՇԱՆԻ |
| | |
.______________________________________________________________.
ՎԿԱՅԱԿԱՆ
__________________________
__________________________
__________________________
ՀՀ ԱԱԾ տնօրենի
2003 թ. ________ «__» -ի
N ____ հրամանով
պարգևատրվել է`
«Կառավարական կապի 65 ամյակ»
կրծքանշանով
Գեներալ-լեյտենանտ
ԿԱՌԱՎԱՐԱԿԱՆ ԿԱՊԻ
65 ԱՄՅԱԿ ____________ Կ.Պետրոսյան
Կ.Տ.