ՀՀ ՏԱՐԱԾՔՈՒՄ ԱՐՁԱԿՈՒՐԴԻ ԱՆՑԿԱՑՄԱՆ ՎԱՅՐ ՄԵԿՆԵԼԻՍ ԵՎ ...

14.07.2023 -

040.0898.160818

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

9 օգոստոսի 2018 թվականի N 898-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԱՐՁԱԿՈՒՐԴԻ ԱՆՑԿԱՑՄԱՆ ՎԱՅՐ ՄԵԿՆԵԼԻՍ ԵՎ ԱՐՁԱԿՈՒՐԴԻ ԱՆՑԿԱՑՄԱՆ ՎԱՅՐԻՑ ՎԵՐԱԴԱՌՆԱԼԻՍ ԶԻՆԾԱՌԱՅՈՂԻ ՏՐԱՆՍՊՈՐՏԱՅԻՆ ԾԱԽՍԵՐԸ ՓՈԽՀԱՏՈՒՑԵԼՈՒ ԿԱՐԳԸ ԵՎ ՊԱՅՄԱՆՆԵՐԸ, ՍԱՀՄԱՆԵԼՈՒ, ԻՆՉՊԵՍ ՆԱԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՆՈՅԵՄԲԵՐԻ 27-Ի N 778 ԵՎ 2004 ԹՎԱԿԱՆԻ ՄԱՅԻՍԻ 6-Ի N 886-Ն ՈՐՈՇՈՒՄՆԵՐՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքի 66-րդ հոդվածի 2-րդ մասով` Հայաստանի Հանրապետության կառավարությունը որոշում է.

1. Սահմանել Հայաստանի Հանրապետության տարածքում արձակուրդի անցկացման վայր մեկնելիս և արձակուրդի անցկացման վայրից վերադառնալիս զինծառայողի տրանսպորտային ծախսերը փոխհատուցելու կարգը և պայմանները` համաձայն հավելվածի:

2. (2-րդ կետն ուժը կորցրել է 13.07.2023 թիվ 1151-Ն որոշում)

2.1. Սահմանել, որ մինչև Հայաստանի Հանրապետության տարածքների միջև հեռավորությունների Հայաստանի Հանրապետության օրենսդրությամբ սահմանված կարգով հաստատելը սույն որոշման 1-ին կետով սահմանված Հայաստանի Հանրապետության տարածքում արձակուրդի անցկացման վայր մեկնելիս և արձակուրդի անցկացման վայրից վերադառնալիս զինծառայողի տրանսպորտային ծախսերի փոխհատուցման համար Հայաստանի Հանրապետության տարածքների միջև հեռավորությունների հաշվարկների համար հիմք են հանդիսանում Հայաստանի Հանրապետության կադաստրի Ազգային գեոպորտալի քարտեզագրման համակարգի միջոցով ստացված այդ տարածքները կապող ճանապարհների հեռավորությունների տվյալները:

(2.1-ին կետը լրաց. 28.10.2021 թիվ 1759-Ն որոշում)

3. Ուժը կորցրած ճանաչել Հայաստանի Հանրապետության կառավարության 2000 թվականի նոյեմբերի 27-ի «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքի կիրարկումն ապահովող միջոցառումների մասին» N 778 և Հայաստանի Հանրապետության կառավարության 2004 թվականի մայիսի 6-ի «Հայաստանի Հանրապետության տարածքում արձակուրդի անցկացման վայր մեկնելիս և արձակուրդից վերադառնալիս զինծառայողների, ինչպես նաև նրանց ընտանիքի անդամների` տրանսպորտից օգտվելու կարգը հաստատելու մասին» N 886-Ն որոշումները:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է «Զինվորական ծառայության և զինծառայողի կարգավիճակի մասին» 2017 թվականի նոյեմբերի 15-ի ՀՕ-195-Ն օրենքն ուժի մեջ մտնելու օրվանից ծագած հարաբերությունների վրա:

(վերնագիրն ու նախաբանը փոփ. 13.07.2023 թիվ 1151-Ն որոշում)

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2018 ԹՎԱԿԱՆԻ ՕԳՈՍՏՈՍԻ 16-ԻՆ

Հավելված

ՀՀ կառավարության

2018 թվականի օգոստոսի 9-ի

N 898-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԱՐՁԱԿՈՒՐԴԻ ԱՆՑԿԱՑՄԱՆ ՎԱՅՐ ՄԵԿՆԵԼԻՍ ԵՎ ԱՐՁԱԿՈՒՐԴԻ ԱՆՑԿԱՑՄԱՆ ՎԱՅՐԻՑ ՎԵՐԱԴԱՌՆԱԼԻՍ ԶԻՆԾԱՌԱՅՈՂԻ ՏՐԱՆՍՊՈՐՏԱՅԻՆ ԾԱԽՍԵՐԸ ՓՈԽՀԱՏՈՒՑԵԼՈՒ ԿԱՐԳԸ ԵՎ ՊԱՅՄԱՆՆԵՐԸ

1. Սույն կարգով և պայմաններով կարգավորվում են Հայաստանի Հանրապետության տարածքում արձակուրդի անցկացման վայր մեկնելիս և արձակուրդի անցկացման վայրից վերադառնալիս զինծառայողների տրանսպորտային ծախսերը փոխհատուցելու հետ կապված հարաբերությունները:

2. Սույն կարգի իմաստով զինծառայողներ են համարվում Հայաստանի Հանրապետության պաշտպանության նախարարության համակարգում, ազգային անվտանգության ծառայությունում, ոստիկանությունում, քրեակատարողական ծառայությունում զինվորական կամ քրեակատարողական կամ քաղաքացիական հատուկ ծառայության մեջ գտնվող անձինք:

3. Սույն կարգի համաձայն փոխհատուցվում են նաև զինծառայողի հետ արձակուրդի անցկացման վայր մեկնող և արձակուրդի անցկացման վայրից վերադարձող զինծառայողի ամուսնու (կնոջ) և 18 տարին չլրացած երեխաների (այսուհետ` զինծառայողին ուղեկցող ընտանիքի անդամ) տրանսպորտային ծախսերը` սույն կարգի 7-րդ կետում սահմանված չափերով:

4. Սույն կարգի համաձայն արձակուրդի անցկացման վայր մեկնելու և արձակուրդի անցկացման վայրից վերադառնալու համար զինծառայողի, ինչպես նաև զինծառայողին ուղեկցող ընտանիքի անդամի տրանսպորտային ծախսերը փոխհատուցվում են տարեկան ոչ ավելի, քան մեկ անգամ, բացառությամբ զինծառայողին օրենքով սահմանված դեպքերում տրվող լրացուցիչ արձակուրդի, որի պարագայում փոխհատուցման ենթակա են լրացուցիչ արձակուրդի բոլոր դեպքերում արձակուրդի անցկացման վայր մեկնելու և արձակուրդի անցկացման վայրից վերադառնալու տրանսպորտային ծախսերը:

5. Սույն կարգի համաձայն արձակուրդի անցկացման վայր մեկնելու և արձակուրդի անցկացման վայրից վերադառնալու համար զինծառայողի, ինչպես նաև զինծառայողին ուղեկցող ընտանիքի անդամի տրանսպորտային ծախսերի փոխհատուցումն իրականացվում է զինծառայողին արձակուրդ տալու մասին իրավասու հրամանատարի (պետի) հրամանի կամ արձակուրդային թերթիկի հիման վրա և ոչ ուշ, քան զինծառայողի` արձակուրդի անցկացման վայր մեկնելու օրը կամ զինծառայողի ցանկությամբ` արձակուրդից վերադառնալուց հետո 3-օրյա ժամկետում: Տրանսպորտային ծախսերի փոխհատուցում ստանալու համար զինծառայողն արձակուրդ տալու իրավասություն ունեցող հրամանատարի (պետի) անունով ներկայացնում է զեկուցագիր` դրանում նշելով արձակուրդի անցկացման վայրը և իրեն ուղեկցող ընտանիքի անդամների քանակը:

6. Արձակուրդի անցկացման վայր մեկնելիս և արձակուրդի անցկացման վայրից վերադառնալիս զինծառայողի տրանսպորտային ծախսերը փոխհատուցվում են հետևյալ

1) մինչև 30 կմ մեկնելու և վերադառնալու համար` 600 դրամ.

2) 30-60 կմ մեկնելու և վերադառնալու համար` 1000 դրամ.

3) 60-100 կմ մեկնելու և վերադառնալու համար` 1200 դրամ.

4) 100-150 կմ մեկնելու և վերադառնալու համար` 2000 դրամ.

5) 150-200 կմ մեկնելու և վերադառնալու համար` 2400 դրամ.

6) 200-250 կմ մեկնելու և վերադառնալու համար` 3000 դրամ.

7) 250-300 կմ մեկնելու և վերադառնալու համար` 6000 դրամ.

8) 300-350 կմ մեկնելու և վերադառնալու համար` 8000 դրամ.

9) 350-700 կմ մեկնելու և վերադառնալու համար` 10000 դրամ, գումարած 350 և ավելի կիլոմետրը գերազանցող` սույն կետի 1-ի 8-րդ ենթակետերով նախատեսված համապատասխան հեռավորության համար սահմանված չափը.

10) 700 և ավելի կմ մեկնելու և վերադառնալու համար` 20000 դրամ:

(6-րդ կետը փոփ. 30.04.2020 թիվ 660-Ն որոշում)

7. Արձակուրդի անցկացման վայր մեկնելիս և արձակուրդի անցկացման վայրից վերադառնալիս զինծառայողին ուղեկցող ընտանիքի յուրաքանչյուր անդամի տրանսպորտային ծախսերը փոխհատուցվում են սույն կարգի 6-րդ կետում նշված համապատասխան չափի 50 տոկոսով:

8. Սույն կարգի 6-րդ կետում նշված համապատասխան չափով տրանսպորտային ծախսերի փոխհատուցման համար հիմք են հանդիսանում Հայաստանի Հանրապետության տարածքային կառավարման և ենթակառուցվածքների նախարարության կողմից հրապարակված` Հայաստանի Հանրապետության վարչական տարածքների միջև հեռավորությունները:

(8-րդ կետը փոփ. 30.04.2020 թիվ 660-Ն որոշում)

9. Զինծառայողի, ինչպես նաև զինծառայողին ուղեկցող ընտանիքի անդամի` արձակուրդի անցկացման վայրում գտնվելու հանգամանքը հիմնավորվում է զինծառայողի արձակուրդային թերթիկում կամ արձակուրդի հրամանի պատճենի դարձերեսին արձակուրդի անցկացման վայրի զինվորական կոմիսարի կամ սույն կարգի 2-րդ կետում նշված համապատասխան մարմնի տարածքային ստորաբաժանման կամ համատիրության նախագահի (թաղային լիազորի) կամ արձակուրդը հանգստի ծառայություն մատուցող կազմակերպությունում անցկացնելու դեպքում` տվյալ կազմակերպության ղեկավարի կողմից դրված ստորագրությամբ և կնիքով: Սույն կետում նշված հիմնավորման բացակայության դեպքում զինծառայողը տրանսպորտային ծախսերի փոխհատուցում իրականացրած ստորաբաժանմանն է վերադարձնում իրեն վճարված գումարը: