110.0241.300699
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅՈՒՆ
ՀՐԱՄԱՆ
30 հունիսի 1999 թվականի թիվ 241-Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 1999Թ. ՄԱՅԻՍԻ 28-Ի ԹԻՎ 182-Մ ՀՐԱՄԱՆՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
ՀՐԱՄԱՅՈՒՄ ԵՄ`
Հայաստանի Հանրապետության կրթության և գիտության նախարարի 1999թ. մայիսի 28-ի թիվ 182-Մ հրամանով հաստատված Հայաստանի Հանրապետության պետական բարձրագույն ուսումնական հաստատությունների 1999թ. ընդունելության կանոններում կատարել հետևյալ լրացումը.
i
1. Ընդունելության կանոնների 20-րդ կետը լրացնել հետևյալ բովանդակությունն ունեցող նոր պարբերությամբ.
Միջնակարգ դպրոցի հանրակրթական առարկաների գծով աշխարհի առաջնության մրցումների (օլիմպիադաների) և ոչ հեռակա միջազգային մրցումների (օլիմպիադաների) հաղթողները համապատասխան մասնագիտությունների գծով կարող են բուհ ընդունվել առանց քննությունների, հանրապետական ընդունող հանձնաժողովի որոշմամբ` պետական պատվերի համակարգին հատկացված տեղերի հաշվին:
2. Ընդունելության կանոններում կատարված սույն լրացումը ներկայացնել ՀՀ արդարադատության նախարարություն` պետական գրանցման:
ԳՐԱՆՑՎԱԾ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ ԿՈՂՄԻՑ
30. 06. 1999թ.
ՊԵՏԱԿԱՆ ԳՐԱՆՑՄԱՆ ԹԻՎ 110990112