050.0177.060813
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«06» 08 2013 Թ.
ՊԵՏԱԿԱՆ ԳՐԱՆՑՄԱՆ ԹԻՎ 05013303
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
23 հուլիսի 2013 թվականի թիվ 177-Ն
i
«ՀԱՇՎԵՏՈՒ ԹՈՂԱՐԿՈՂԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՄԱՍՆԱԿՑՈՒԹՅԱՆ ՁԵՌՔԲԵՐՄԱՆ, ԱՎԵԼԱՑՄԱՆ ԵՎ ՆՎԱԶՄԱՆ ՎԵՐԱԲԵՐՅԱԼ ՏԵՂԵԿԱՑՄԱՆ ԵՎ ԲԱՑԱՀԱՅՏՄԱՆ ԿԱՐԳԸ» ԿԱՆՈՆԱԿԱՐԳ 4/15-Ը ՀԱՍՏԱՏԵԼՈՒ ՄԱՍԻՆ
Հաշվի առնելով, որ հաշվետու թողարկողների կանոնադրական կապիտալում կարող են ձեռք բերվել մասնակցություններ, որոնց արդյունքում բաժնետերը կարող է ազդեցություն գործել թողարկողի գործունեության վրա, ուստի և ազդել ներդրողների որոշումների կայացման վրա,
նպատակ ունենալով հաշվետու թողարկողների բաժնետերերի վերաբերյալ տեղեկությունների բացահայտման միջոցով ներդրողների որոշումների կայացման համար ապահովել պատշաճ թափանցիկություն,
հիմք ընդունելով «Արժեթղթերի շուկայի մասին» Հայաստանի Հանրապետության օրենքի 154-րդ հոդվածի 1-ին և 2-րդ մասերը, 156-րդ հոդվածը և ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Իրավական ակտերի մասին» Հայաստանի Հանրապետության օրենքի 16-րդ հոդվածով` Հայաստանի Հանրապետության կենտրոնական բանկի խորհուրդը որոշում է.
1. Հաստատել «Հաշվետու թողարկողի կանոնադրական կապիտալում մասնակցության ձեռքբերման, ավելացման և նվազման վերաբերյալ տեղեկացման և բացահայտման կարգը» կանոնակարգ 4/15-ը` համաձայն Հավելվածի (կցվում է):
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հավելված
Հաստատված է
ՀՀ կենտրոնական բանկի խորհրդի
2013 թվականի հուլիսի 23-ի
թիվ 177-Ն որոշմամբ
«ՀԱՇՎԵՏՈՒ ԹՈՂԱՐԿՈՂԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՄԱՍՆԱԿՑՈՒԹՅԱՆ ՁԵՌՔԲԵՐՄԱՆ, ԱՎԵԼԱՑՄԱՆ ԵՎ ՆՎԱԶՄԱՆ ՎԵՐԱԲԵՐՅԱԼ ՏԵՂԵԿԱՑՄԱՆ ԵՎ ԲԱՑԱՀԱՅՏՄԱՆ ԿԱՐԳԸ» ԿԱՆՈՆԱԿԱՐԳ 4/15-Ը
| ԳԼՈՒԽ 1. |
ԸՆԴՀԱՆՈՒՐ ԴՐՈՒՅԹՆԵՐ |
1. Սույն կանոնակարգը սահմանում է «Արժեթղթերի շուկայի մասին» Հայաստանի Հանրապետության օրենքի 153-րդ հոդվածով նախատեսված բաժնետիրական ընկերությունների (այսուհետ` հաշվետու թողարկող) կանոնադրական կապիտալում ցանկացած անձի կողմից «Արժեթղթերի շուկայի մասին» Հայաստանի Հանրապետության օրենքի 154-րդ հոդվածով սահմանված մասնակցությունների ձեռքբերման, ավելացման և նվազման վերաբերյալ հաշվետու թողարկողին և Հայաստանի Հանրապետության կենտրոնական բանկին (այսուհետ` Կենտրոնական բանկ) տեղեկացման կարգը, ինչպես նաև հաշվետու թողարկողի կողմից այդ տեղեկատվության բացահայտման կարգը:
2. Սույն կանոնակարգում օգտագործված այլ հասկացություններն օգտագործվում են «Արժեթղթերի շուկայի մասին» Հայաստանի Հանրապետության օրենքում կիրառվող իմաստով:
| ԳԼՈՒԽ 2. |
ՀԱՇՎԵՏՈՒ ԹՈՂԱՐԿՈՂԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՄԱՍՆԱԿՑՈՒԹՅԱՆ ՁԵՌՔԲԵՐՄԱՆ, ԱՎԵԼԱՑՄԱՆ ԵՎ ՆՎԱԶՄԱՆ ՎԵՐԱԲԵՐՅԱԼ ԹՈՂԱՐԿՈՂԻՆ ԵՎ ԿԵՆՏՐՈՆԱԿԱՆ ԲԱՆԿԻՆ ՏԵՂԵԿԱՑՄԱՆ ԿԱՐԳԸ |
3. Հաշվետու թողարկողի կանոնադրական կապիտալում «Արժեթղթերի շուկայի մասին» Հայաստանի Հանրապետության օրենքի 154-րդ հոդվածով սահմանված մասնակցության ձեռքբերման, ավելացման կամ նվազման դեպքում յուրաքանչյուր անձ (անձամբ կամ փոխկապակցված անձանց միջոցով) այդ մասին տեղեկատվություն է ներկայացնում Կենտրոնական բանկին և հաշվետու թողարկողին` համաձայն սույն կանոնակարգի Հավելված 1-ի և Հավելված 2-ի:
4. Սույն կանոնակարգի 3-րդ կետով պահանջվող տեղեկատվությունը Կենտրոնական բանկին և հաշվետու թողարկողին է ներկայացվում առձեռն կամ պատվիրված նամակով` տպագիր` ստորագրված մասնակցի կամ փոխկապակցված անձանցից մեկի (ֆիզիկական անձի դեպքում) կամ այդ մասնակցի իրավասու անձի (իրավաբանական անձի դեպքում) կողմից: Այն անձինք, որոնք միացված են Սի-Բի-Էյ-նեթ համակարգին, կարող են սույն կետով նախատեսված տեղեկատվությունը Կենտրոնական բանկ ներկայացնել էլեկտրոնային տարբերակով` էլեկտրոնային-թվային ստորագրությամբ` Սի-Բի-Էյ-նեթ համակարգի միջոցով, իսկ անհնարինության դեպքում` էլեկտրոնային կրիչով:
5. Եթե մասնակիցը կամ փոխկապակցված անձանցից որևէ մեկն արդեն ներկայացրել է սույն կանոնակարգի 3-րդ կետով սահմանված տեղեկատվությունը, ապա մյուս փոխկապակցված անձանց կամ մասնակցի կողմից տվյալ տեղեկատվությունը համարվում է ներկայացված:
| ԳԼՈՒԽ 3. |
ՀԱՇՎԵՏՈՒ ԹՈՂԱՐԿՈՂԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՄԱՍՆԱԿՑՈՒԹՅԱՆ ՁԵՌՔԲԵՐՄԱՆ, ԱՎԵԼԱՑՄԱՆ ԵՎ ՆՎԱԶՄԱՆ ՎԵՐԱԲԵՐՅԱԼ ՏԵՂԵԿԱՏՎՈՒԹՅԱՆ ԲԱՑԱՀԱՅՏՄԱՆ ԿԱՐԳԸ |
6. Հաշվետու թողարկողը սույն կանոնակարգի 2-րդ գլխի համաձայն ստացված տեղեկատվությունը հրապարակում է որպես էական փաստեր և տեղեկություններ` Հայաստանի Հանրապետության կենտրոնական բանկի խորհրդի 2008 թվականի մարտի 11-ի թիվ 68-Ն որոշմամբ հաստատված «Ազդագիր և հաշվետու թողարկողների հաշվետվություններ» կանոնակարգ 4/04-ով սահմանված կարգով: Ընդ որում, սույն կետի համաձայն` մասնակցի վերաբերյալ հրապարակվող տեղեկատվությունը ներառում է մասնակցի, նրա հետ փոխկապակցված անձի անունը, ազգանունը, հայրանունը (ֆիզիկական անձանց դեպքում), անվանումը (իրավաբանական անձանց դեպքում), մասնակցին և նրա հետ փոխկապակցված անձանց պատկանող հաշվետու թողարկողի բաժնետոմսերի ընդհանուր քանակը և տոկոսային մեծությունը:
7. Հաշվետու թողարկողը սույն կանոնակարգի 2-րդ գլխի համաձայն ստացված տեղեկատվությունը բացահայտում է կարգավորվող շուկայի օպերատորին` որպես էական փաստեր և տեղեկություններ կարգավորվող շուկայի օպերատորի կողմից սահմանված կարգով:
ՀԱՎԵԼՎԱԾ 1
«Հաշվետու թողարկողի
կանոնադրական կապիտալում
մասնակցության ձեռքբերման,
ավելացման և նվազման
վերաբերյալ տեղեկացման և
բացահայտման կարգը» կանոնակարգ
4/15-ի
ՄԱՍՆԱԿՑՈՒԹՅԱՆ ՁԵՌՔԲԵՐՄԱՆ ԿԱՄ ՄԱՍՆԱԿՑՈՒԹՅԱՆ ԱՎԵԼԱՑՄԱՆ ՎԵՐԱԲԵՐՅԱԼ ՏԵՂԵԿԱՑՈՒՄ
._________________________________________________________________________.
|____________________________________________________________________ |
| (ֆիզիկական անձի համար` անունը, ազգանունը, հայրանունը, անձը հաստատող |
| փաստաթղթի նույնականացման համարը և սերիան, բնակության վայրը, կապի |
| միջոցները, իրավաբանական անձի համար` անվանումը, ՀՎՀՀ-ն, գրանցման վայրը, |
| կապի միջոցները) |
|____________________________________________________________________ |
| (փոխկապակցված ֆիզիկական անձի համար` անունը, ազգանունը, հայրանունը, |
| անձը հաստատող փաստաթղթի նույնականացման համարը և սերիան, բնակության |
| վայրը, կապի միջոցները, փոխկապակցված իրավաբանական անձի համար` անվանումը, |
| ՀՎՀՀ-ն, գրանցման վայրը, կապի միջոցները (այս տողը լրացվում է |
| փոխկապակցված անձանց միջոցով մասնակցության ձեռքբերման դեպքում)) |
|____________________________________________________________________ |
| (հաշվետու թողարկողի անվանումը, ՀՎՀՀ-ն) |
| |
| Տեղեկություններ մասնակցին և փոխկապակցված անձանց պատկանող արժեթղթերի |
| վերաբերյալ |
| |
| ._____________________________________________________________________. |
| |Բաժնետոմսի|Նախքան մասնակցության |Մասնակցության |Մասնակցության | |
| |տարբերակիչ|ձեռքբերումը |ձեռքբերումից |ձեռքբերման | |
| |ծածկագիրը |(ավելացումը) հաշվետու|(ավելացումից) հետո |(ավելացման) | |
| |(ISIN) |թողարկողի բաժնետոմսեր|հաշվետու թողարկողի |ամսաթիվը | |
| | | |բաժնետոմսեր |(օր/ամիս/տարի)| |
| | |_____________________|_____________________| | |
| | |մասնակից|փոխկապակցված|մասնակից|փոխկապակցված| | |
| | | |անձինք | |անձինք | | |
| | |________|____________|________|____________| | |
| | |քանա-| %|քանակը| % |քանա-| %|քանակը| % | | |
| | |կը | | | |կը | | | | | |
| |__________|_____|__|______|_____|_____|__|______|_____|______________| |
| |__________|_____|__|______|_____|_____|__|______|_____|______________| |
| |__________|_____|__|______|_____|_____|__|______|_____|______________| |
| |__________|_____|__|______|_____|_____|__|______|_____|______________| |
| ._____________________________________________________________________. |
| |
| Հավաստիացնում եմ, որ սույն փաստաթղթում պարունակվող տեղեկատվությունը |
| արժանահավատ է և ամբողջական: Գիտակցում եմ, որ որևէ տեղեկատվության կեղծ |
| ներկայացումը հանգեցնում է օրենքով սահմանված պատասխանատվության: |
| |
| Ստորագրություն ___________________ Ամսաթիվ _________________ |
| (օր/ամիս/տարի) |
| |
._________________________________________________________________________.
ՀԱՎԵԼՎԱԾ 2
«Հաշվետու թողարկողի
կանոնադրական կապիտալում
մասնակցության ձեռքբերման,
ավելացման և նվազման
վերաբերյալ տեղեկացման և
բացահայտման կարգը» կանոնակարգ
4/15-ի
ՄԱՍՆԱԿՑՈՒԹՅԱՆ ՆՎԱԶՄԱՆ ՎԵՐԱԲԵՐՅԱԼ ՏԵՂԵԿԱՑՈՒՄ
._________________________________________________________________________.
|____________________________________________________________________ |
| (ֆիզիկական անձի համար` անունը, ազգանունը, հայրանունը, անձը հաստատող |
| փաստաթղթի նույնականացման համարը և սերիան, բնակության վայրը, կապի |
| միջոցները, իրավաբանական անձի համար` անվանումը, ՀՎՀՀ-ն, գրանցման վայրը, |
| կապի միջոցները) |
|____________________________________________________________________ |
| (փոխկապակցված ֆիզիկական անձի համար` անունը, ազգանունը, հայրանունը, |
| անձը հաստատող փաստաթղթի նույնականացման համարը և սերիան, բնակության |
| վայրը, կապի միջոցները, փոխկապակցված իրավաբանական անձի համար` անվանումը, |
| ՀՎՀՀ-ն, գրանցման վայրը, կապի միջոցները (այս տողը լրացվում է |
| փոխկապակցված անձանց միջոցով մասնակցության ձեռքբերման դեպքում)) |
|____________________________________________________________________ |
| (հաշվետու թողարկողի անվանումը, ՀՎՀՀ-ն) |
| |
| Տեղեկություններ մասնակցին և փոխկապակցված անձանց պատկանող արժեթղթերի |
| վերաբերյալ |
| |
| ._____________________________________________________________________. |
| |Բաժնետոմսի|Նախքան մասնակցության |Մասնակցության |Մասնակցության | |
| |տարբերակիչ|նվազեցումը հաշվետու |նվազեցումից հետո |նվազեցման | |
| |ծածկագիրը |թողարկողի բաժնետոմսեր|հաշվետու թողարկողի |ամսաթիվը | |
| |(ISIN) | |բաժնետոմսեր |(օր/ամիս/տարի)| |
| | |_____________________|_____________________| | |
| | |մասնակից|փոխկապակցված|մասնակից|փոխկապակցված| | |
| | | |անձինք | |անձինք | | |
| | |________|____________|________|____________| | |
| | |քանա-| %|քանակը| % |քանա-| %|քանակը| % | | |
| | |կը | | | |կը | | | | | |
| |__________|_____|__|______|_____|_____|__|______|_____|______________| |
| |__________|_____|__|______|_____|_____|__|______|_____|______________| |
| |__________|_____|__|______|_____|_____|__|______|_____|______________| |
| |__________|_____|__|______|_____|_____|__|______|_____|______________| |
| ._____________________________________________________________________. |
| |
| Հավաստիացնում եմ, որ սույն փաստաթղթում պարունակվող տեղեկատվությունը |
| արժանահավատ է և ամբողջական: Գիտակցում եմ, որ որևէ տեղեկատվության կեղծ |
| ներկայացումը հանգեցնում է օրենքով սահմանված պատասխանատվության: |
| |
| Ստորագրություն ___________________ Ամսաթիվ _________________ |
| (օր/ամիս/տարի) |
| |
._________________________________________________________________________.