(ուժը կորցրել է 03.02.17 թիվ 32-Ն որոշում)
i
050.0738.210207
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«21» 02 2007 Թ.
ՊԵՏԱԿԱՆ ԳՐԱՆՑՄԱՆ ԹԻՎ 05007082
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
19 դեկտեմբերի 2006 թվականի N 738-Ն
i
«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ԿԱՐԳԸ» ԵՎ «ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԼԻՑԵՆԶԻԱՅԻ ՁԵՎԸ» ՀԱՍՏԱՏԵԼՈՒ ՄԱՍԻՆ
Հիմք ընդունելով «Ֆինանսական կարգավորման և վերահսկողության միասնական համակարգի ներդրման մասին» Հայաստանի Հանրապետության օրենքի 6-րդ հոդվածի 3-րդ մասը, 7-րդ հոդվածը, «Լիցենզավորման մասին» Հայաստանի Հանրապետության օրենքի 10-րդ հոդվածի 4-րդ մասը, «Գրավատների և գրավատնային գործունեության մասին» Հայաստանի Հանրապետության օրենքի 13-րդ հոդվածը և «Իրավական ակտերի մասին» Հայաստանի Հանրապետության օրենքի 16-րդ հոդվածը` Հայաստանի Հանրապետության կենտրոնական բանկի խորհուրդը որոշում է.
1. Հաստատել.
1.1. «Հայաստանի Հանրապետությունում գրավատնային գործունեության լիցենզավորման կարգը»` համաձայն հավելված 1-ի (կցվում է),
1.2. «Գրավատնային գործունեության իրականացման լիցենզիայի ձևը»` համաձայն հավելված 2-ի (կցվում է):
i
2. Սույն որոշումն ուժի մեջ է մտնում Հայաստանի Հանրապետության կառավարության 2001 թվականի փետրվարի 26-ի ««Գրավատների և գրավատնային գործունեության մասին» Հայաստանի Հանրապետության օրենքի կիրարկումն ապահովելու մասին» թիվ 142 որոշումն ուժը կորցրած ճանաչվելու օրվանից:
ՍՏՈՐԱԳՐՎԵԼ Է ՀՀ ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀԻ ԿՈՂՄԻՑ
2006 ԹՎԱԿԱՆԻ ԴԵԿՏԵՄԲԵՐԻ 26-ԻՆ
Հավելված 1
Հաստատված է
ՀՀ կենտրոնական բանկի խորհրդի
2006 թվականի դեկտեմբերի 19-ի
թիվ 738-Ն որոշմամբ
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ
1. Սույն կարգով սահմանվում է Հայաստանի Հանրապետության տարածքում գրավատնային գործունեության լիցենզավորման կարգը:
i
2. Հայտատուն լիցենզիա ստանալու համար Հայաստանի Հանրապետության կենտրոնական բանկ է ներկայացնում հայտ, որին կցվում են սույն կարգի 3-րդ կետում նշված փաստաթղթերը:
Հայտում նշվում են`
ա) հայտատուի անվանումը և կազմակերպական-իրավական ձևը, պետական գրանցման համարը, հարկ վճարողի հաշվառման համարը (ՀՎՀՀ), անհատ ձեռներեցի անունը, ազգանունը, հայտատուի գտնվելու վայրը և հեռախոսահամարը, առկայության դեպքում` նաև էլեկտրոնային հասցեն.
բ) գրավատնային գործունեություն իրականացնելու վայրը և հեռախոսահամարը, առկայության դեպքում` նաև էլեկտրոնային հասցեն.
գ) հայտատու կազմակերպության տնօրենի անունը, ազգանունը:
(2-րդ կետը փոփ. 20.12.11 թիվ 366-Ն որոշում)
3. Հայտին կից ներկայացվում են հետևյալ փաստաթղթերը`
i
ա) (ա ենթակետն ուժը կորցրել է 20.12.11 թիվ 366-Ն որոշում)
բ) հայտատուի կառավարման իրավասու մարմնի կողմից, իսկ անհատ ձեռնարկատիրոջ դեպքում` իր կողմից հաստատված լիցենզիան ստանալու դեպքում գրավատան կողմից իրականացվելիք վարկավորման ընդհանուր պայմանները (2 օրինակից).
գ) թանկարժեք մետաղներից և քարերից պատրաստված ոսկերչական, այլ կենցաղային իրեր, ինչպես նաև բարձր արժողությամբ փոքրածավալ այլ իրեր հանդիսացող, գրավադրված (ի պահ հանձնված) գույքը պահպանելու համար գրավատան տարածքում գտնվող երկաթբետոնյա պատերով (ծածկով) առանձնացված սենյակ ու չհրկիզվող պահարան (պահարաններ) ունենալու մասին հայտատուի հայտարարագիրը կամ սույն կետում նշված արժեքները Հայաստանի Հանրապետության տարածքում գործող որևէ բանկում պահպանելու մասին նշված բանկի և հայտատուի միջև կնքված պայմանագրի պատճենը.
դ) մեծածավալ իրեր հանդիսացող գրավադրված (ի պահ հանձնված) գույքը պահպանելու համար սեփականության, վարձակալության կամ օգտագործման իրավունքով իրեն պատկանող երկաթբետոնյա պատերով (ծածկով) առանձնացված տարածքի առկայությունը հավաստող վկայականի պատճենը, եթե հայտատուն իր վարկավորման պայմաններում նախատեսում է տրամադրված վարկերի դիմաց որպես գրավ կամ ի պահ ընդունել մեծածավալ իրեր.
ե) գրավատան տարածքում անվտանգությունը սեփական ուժերով ապահովելու մասին հայտարարագիրը կամ գրավատան տարածքում անվտանգությունն ապահովելու մասին հայտատուի և համապատասխան կազմակերպության միջև կնքված պայմանագրի պատճենը.
զ) Հայաստանի Հանրապետության տարածքային կառավարման և արտակարգ իրավիճակների նախարարության Ճգնաժամային կառավարման կենտրոնի «911» ծառայության հետ կնքված պայմանագրի պատճենն առ այն, որ գրավատան պահպանիչ-հակահրդեհային ազդարարման համակարգը միացված է Հայաստանի Հանրապետության տարածքային կառավարման և արտակարգ իրավիճակների նախարարության Ճգնաժամային կառավարման կենտրոնի «911» ծառայությանը.
է) գրավատան տարածքի սեփականության, վարձակալության կամ օգտագործման իրավունքի վկայականի պատճենը.
ը) Հայաստանի Հանրապետության տարածքում գործող ապահովագրական ընկերության հետ կնքված` գրավ և ի պահ ընդունված գույքի կորստի և վնասվածքի ռիսկերը ապահովագրելու վերաբերյալ պայմանագրի պատճենը.
թ) Տեղեկանք հարկային և օրենքով սահմանված այլ պարտադիր վճարների ժամկետանց պարտավորությունների բացակայության վերաբերյալ:
(3-րդ կետը փոփ. 20.12.11 թիվ 366-Ն, 16.12.14 թիվ 362-Ն որոշումներ)
4. Հայաստանի Հանրապետության կենտրոնական բանկը հայտը ստանալուց հետո երեսուն օրվա ընթացքում քննարկում է այն և հայտը մերժելու կամ բավարարելու վերաբերյալ որոշման կայացման պահից եռօրյա ժամկետում որոշման օրինակը տրամադրում է հայտատուին առձեռն կամ ուղարկում է փոստով:
i
4.1 Եթե հայտը քննելու ընթացքում դիմումում և (կամ) դրան կից փաստաթղթերում ներկայացված տեղեկություններում տեղի են ունեցել փոփոխություններ, ապա հայտատուն ներկայացնում է նաև փոփոխված տեղեկությունները` մինչև Կենտրոնական բանկի կողմից հայտը մերժելու կամ բավարարելու վերաբերյալ որոշման կայացումը: Եթե ներկայացված հայտը կամ դրան կից` օրենքով կամ սույն կարգով պահանջվող փաստաթղթերը թերի են, ապա հայտատուն իրավունք ունի մինչև Կենտրոնական բանկի կողմից հայտը մերժելու կամ բավարարելու վերաբերյալ որոշման կայացումը ներկայացնել պահանջվող փաստաթղթերը: Սույն կետով նշված դեպքերում հայտը Կենտրոնական բանկ ներկայացված է համարվում փոփոխված տեղեկությունները և (կամ) պահանջվող փաստաթղթերը Կենտրոնական բանկ ներկայացնելու օրը:
(4.1-րդ կետը լրաց. 30.06.09 թիվ 189-Ն որոշում)
i
4.2. Կենտրոնական բանկ սույն կարգի համաձայն փաստաթղթեր ներկայացնելիս հայտատուն կից ներկայացնում է նաև «Ներկայացվող փաստաթղթերի ցանկը»` համաձայն սույն կարգի Հավելված 1.1-ի, ստորագրված և կնքված (կնիքի առկայության դեպքում) իրավասու անձի կողմից: Ցանկում նշվում են կարգով համապատասխան գործընթացի համար սահմանված փաստաթղթերը հերթական դասավորությամբ:»:
(4.2-րդ կետը լրաց. 20.12.11 թիվ 366-Ն որոշում)
5. Հայաստանի Հանրապետության կենտրոնական բանկի խորհուրդը բավարարում և մերժում է լիցենզիա ստանալու հայտը` «Գրավատների և գրավատնային գործունեության մասին» Հայաստանի Հանրապետության օրենքով սահմանված կարգով և հիմքերով:
6. Հայտի մերժման կամ բավարարման դեպքում Հայաստանի Հանրապետության կենտրոնական բանկ ներկայացված փաստաթղթերը չեն վերադարձվում:
Հավելված 2
Հաստատված է
ՀՀ կենտրոնական բանկի խորհրդի
2006 թվականի դեկտեմբերի 19-ի
թիվ 738-Ն որոշմամբ
Տրված է Հայաստանի Հանրապետության
կենտրոնական բանկի խորհրդի
------- թիվ -----Ա որոշմամբ
------------------
(լիցենզիայի համարը և ծածկագիրը)
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ ԼԻՑԵՆԶԻԱ ԳՐԱՎԱՏՆԱՅԻՆ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ
Տրված է ------------------------------------
(լիցենզիան տալու ամսաթիվը, տարեթիվը)
---------------------------------- գրանցված
(իրավաբանական անձի գտնվելու վայրը)
-----------------------------
(իրավաբանական անձի անվանումը,
գործունեության իրականացման վայրը)
գտնվող տարածքում գրավատան կազմակերպման համար
Լիցենզիան տրվում է անժամկետ
Հայաստանի Հանրապետության
կենտրոնական բանկի նախագահ _________________ ___________________
(ստորագրությունը) (անունը, ազգանունը)
Կ.Տ.
Հավելված 1.1
i
«Հայաստանի Հանրապետությունում
գրավատնային գործունեության լիցենզավորման կարգի»
Ներկայացվող փաստաթղթերի ցանկը
.___________________________________________________________________.
|N | ՓԱՍՏԱԹՂԹԻ ՏԵՍԱԿԸ |
|___|_______________________________________________________________|
|1. | 2. |
|___|_______________________________________________________________|
|1. | |
|___|_______________________________________________________________|
|2. | |
|___|_______________________________________________________________|
|3. | |
|___|_______________________________________________________________|
|...| |
.___________________________________________________________________.
________________________________________________
(իրավասու անձի անուն, ազգանուն, ստորագրություն)
Կ. Տ.
(1.1-ին հավելվածը լրաց. 20.12.11 թիվ 366-Ն որոշում)