041.0195.280305
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
28 մարտի 2005 թվականի N 195-Ա
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԶԱՐԳԱՑՄԱՆՆ ԱՋԱԿՑՈՂ ԽՈՐՀՐԴԻ ԱՆԴԱՄՆԵՐԻ` ՌՈՏԱՑԻՈՆ ԿԱՐԳՈՎ ՓՈՓՈԽՎԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2003 ԹՎԱԿԱՆԻ ԱՊՐԻԼԻ 4-Ի N 141-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հայաստանի Հանրապետության Նախագահի 2001 թվականի հուլիսի 20-ի «Տեղեկատվական տեխնոլոգիաների զարգացմանն աջակցող խորհուրդ ստեղծելու մասին» ՆՀ-896 հրամանագրի 3-րդ կետին համապատասխան` տեղեկատվական տեխնոլոգիաների զարգացմանն աջակցող խորհրդի կազմում ընդգրկված «Մշակ» ՓԲԸ-ի նախագահի, «Քրեդենս Սիստեմ» ամերիկյան ընկերության մասնաճյուղի տնօրենի, «ԷյՓիՋի Լաբս» ՍՊԸ-ի տնօրենի, Բաց հասարակության ինստիտուտի օժանդակության հիմնադրամի հայկական մասնաճյուղի գործադիր տնօրենի, «Յունիքոմփ» ՓԲԸ-ի նախագահի և «Քվանտ» վարժարանի տնօրենի փոխարեն տեղեկատվական տեխնոլոգիաների բնագավառի կազմակերպությունների ներկայացուցիչների ցուցակից ընդգրկել «ԱրմենԹել» ՀՁ» ՓԲԸ-ի գործադիր գլխավոր տնօրենին, «Հայկական ծրագրեր» ՍՊԸ-ի նախագահին, «Տեղեկատվական տեխնոլոգիաների ուսուցում» ՓԲԸ-ի նախագահին, «Լինք» ՍՊԸ-ի տնօրենին, «Ավտոմատ կառավարման համակարգերի ԳՀԻ» ՓԲԸ-ի գործադիր տնօրենին և «Իսմա» ՍՊԸ-ի տնօրենին և այդ կապակցությամբ` Հայաստանի Հանրապետության վարչապետի 2003 թվականի ապրիլի 4-ի «Տեղեկատվական տեխնոլոգիաների զարգացմանն աջակցող խորհրդի կազմի մասին» N 141-Ա որոշման մեջ կատարել հետևյալ փոփոխությունը`
որոշման 1-ին կետը շարադրել հետևյալ խմբագրությամբ.
i
«1. Տեղեկատվական տեխնոլոգիաների բնագավառի կազմակերպությունների ներկայացուցիչների ցուցակից տեղեկատվական տեխնոլոգիաների զարգացմանն աջակցող խորհրդի կազմում ընդգրկել հետևյալ ներկայացուցիչներին`
ՀՀ ԳԱԱ-ի փոխնախագահ
«Տեղեկատվական տեխնոլոգիաների հիմնադրամ» հասարակական կազմակերպության նախագահ
«Ձեռնարկությունների ինկուբատոր» հիմնադրամի տնօրեն
«ԱրմենԹել» ՀՁ» ՓԲԸ-ի գործադիր գլխավոր տնօրեն
«Հայկական ծրագրեր» ՍՊԸ-ի նախագահ
«Տեղեկատվական տեխնոլոգիաների ուսուցում» ՓԲԸ-ի նախագահ
«Լինք» ՍՊԸ-ի տնօրեն
«Ավտոմատ կառավարման համակարգերի ԳՀԻ» ՓԲԸ-ի գործադիր տնօրեն
«Իսմա» ՍՊԸ-ի տնօրեն»:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՄԱՐՏԻ 28-ԻՆ