040.0337.250304
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«25» մարտի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
18 մարտի 2004 թվականի N 337-Ա
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՅՔ ՕՏԱՐԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Ղեկավարվելով «Հայաստանի Հանրապետության 2004 թվականի պետական բյուջեի մասին» Հայաստանի Հանրապետության օրենքի 9-րդ հոդվածի 17-րդ կետի պահանջներով` Հայաստանի Հանրապետության կառավարությունը որոշում է.
1. Թույլատրել Հայաստանի Հանրապետության պաշտպանության նախարարությանը «Երևան-Կրեդիտ բանկ» սահմանափակ պատասխանատվությամբ ընկերությունում արտաբյուջետային հաշվի մնացորդի չվճարման հետևանքով առաջացած պարտքի դիմաց սեփականության իրավունքով հանձնված` Աշտարակ քաղաքի Քասախի կիրճում գտնվող հանգստի գոտու և ամառային հանգստի գոտու շենքերն ու շինությունները (այսուհետ` գույք) (անշարժ գույքի սեփականության (օգտագործման) իրավունքի գրանցման վկայականներ` NN 1509346 և 1509347) ուղղակի եղանակով վաճառել քաղաքացի Մանվել Ղազարոսի Տեր-Առաքելյանին (այսուհետ` գնորդ, անձնագիր` AA 0375313, տրված` 001-ի կողմից, հասցեն` քաղ. Երևան, Հյուսիսային պող., 2):
2. Սահմանել գույքի վաճառքի գինը` 500,0 հազար ԱՄՆ-ի դոլարին համարժեք դրամ:
3. Սահմանել, որ գնորդը պարտավոր է`
ա) մեկ տարվա ընթացքում Հայաստանի Հանրապետության պաշտպանության նախարարությանը վճարել սույն որոշման 2-րդ կետով սահմանված գումարը.
բ) իր միջոցների հաշվին վճարել գույքի վաճառքից ծագող գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը:
4. Սահմանել, որ գույքի օտարումից ստացված գումարներն օգտագործվում են Հայաստանի Հանրապետության պաշտպանության նախարարության կողմից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ՄԱՐՏԻ 20-ԻՆ