(ուժը կորցրել է 17.07.14 թիվ 727-Ն որոշում)
i
040.1055.300803
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» օգոստոսի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
21 օգոստոսի 2003 թվականի N 1055-Ն
i
ԸՆԴԵՐՔԻ ԵՐԿՐԱԲԱՆԱԿԱՆ ՈՒՍՈՒՄՆԱՍԻՐՈՒԹՅԱՆ ԱՇԽԱՏԱՆՔՆԵՐԻ ՊԵՏԱԿԱՆ ԳՐԱՆՑՄԱՆ ԵՎ ՀԱՇՎԱՌՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
Հայաստանի Հանրապետության ընդերքի մասին օրենսգրքի 6-րդ հոդվածի առաջին մասի 10-րդ կետին և 19-րդ հոդվածին համապատասխան` Հայաստանի Հանրապետության կառավարությունը որոշում է.
1. Սահմանել ընդերքի երկրաբանական ուսումնասիրության աշխատանքների պետական գրանցման և հաշվառման կարգը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՕԳՈՍՏՈՍԻ 27-ԻՆ
Հավելված
Հայաստանի Հանրապետության
կառավարության 2003 թվականի
օգոստոսի 21-ի N 1055-Ն որոշման
ԿԱՐԳ
ԸՆԴԵՐՔԻ ԵՐԿՐԱԲԱՆԱԿԱՆ ՈՒՍՈՒՄՆԱՍԻՐՈՒԹՅԱՆ ԱՇԽԱՏԱՆՔՆԵՐԻ ՊԵՏԱԿԱՆ ԳՐԱՆՑՄԱՆ ԵՎ ՀԱՇՎԱՌՄԱՆ
1. Սույն կարգով կանոնակարգվում է Հայաստանի Հանրապետության տարածքում իրավաբանական անձանց (այդ թվում` օտարերկրյա) և Հայաստանի Հանրապետության քաղաքացիների (այսուհետ` ընդերքօգտագործողներ) կողմից կատարվող ընդերքի երկրաբանական ուսումնասիրության աշխատանքների պետական գրանցման և հաշվառման գործընթացը:
i
2. Ընդերքի երկրաբանական ուսումնասիրության աշխատանքների պետական գրանցումն ու հաշվառումն իրականացնում է Հայաստանի Հանրապետության էներգետիկայի և բնական պաշարների նախարարությունը (այսուհետ` լիազոր մարմին):
(2-րդ կետը փոփ. 29.01.10 թիվ 65-Ն, 30.06.11 թիվ 894-Ն որոշումներ)
i
3. Երկրաբանական ուսումնասիրության նպատակով տրամադրված ընդերքօգտագործման իրավունքը հավաստող փաստաթղթերի լրակազմ փաթեթի պատճենի առկայության դեպքում լիազոր մարմինը 10-օրյա ժամկետում կատարում է ընդերքի երկրաբանական ուսումնասիրության աշխատանքների պետական գրանցում` ըստ ուսումնասիրության ձևերի:
(3-րդ կետը փոփ. 30.06.11 թիվ 894-Ն որոշում)
i
4. Ընդերքի երկրաբանական ուսումնասիրության աշխատանքները գրանցվում են պետական գրանցման գրանցամատյանում, և տրվում է գրանցման մասին տեղեկանք` 3 օրինակից. առաջինը տրամադրվում է ընդերքօգտագործողին, 2-րդ օրինակը` պետական գրանցում կատարող մարմնին, իսկ 3-րդ օրինակը` հանքային իրավունք տրամադրող մարմնին:
(4-րդ կետը փոփ. 30.06.11 թիվ 894-Ն որոշում)
i
5. Ընդերքի երկրաբանական ուսումնասիրության աշխատանքների արդյունքների մասին ամփոփ տեղեկատվությունը (հաշվետվություն) Հայաստանի Հանրապետության օրենսդրությամբ սահմանված կարգով ենթակա է հաշվառման` հաշվետվությունների հաշվառման գրանցամատյանում:
(5-րդ կետը փոփ. 30.06.11 թիվ 894-Ն որոշում)
6. (6-րդ կետն ուժը կորցրել է 30.06.11 թիվ 894-Ն որոշում)
i
7. Ընդերքի տեղամասի երկրաբանական ուսումնասիրության աշխատանքների պետական գրանցումը կատարվում է մեկ անգամ:
i
8. Երկրաբանական ուսումնասիրության նպատակով տրամադրված ընդերքօգտագործման իրավունքը հավաստող փաստաթղթերի փաթեթում փոփոխության կատարման դեպքում աշխատանքը վերագրանցվում է սույն կարգի 3-րդ կետի համաձայն:
(8-րդ կետը փոփ. 30.06.11 թիվ 894-Ն որոշում)
i
9. Երկրաբանական ուսումնասիրության աշխատանքների մասին հաշվետվությունների յուրաքանչյուր հատորի տիտղոսաթերթի վրա պետք է նշված լինի պետական գրանցման համարը:
(9-րդ կետը փոփ. 30.06.11 թիվ 894-Ն որոշում)
10. (10-րդ կետն ուժը կորցրել է 30.06.11 թիվ 894-Ն որոշում)
i
11. (11-րդ կետն ուժը կորցրել է 30.06.11 թիվ 894-Ն որոշում)
i
12. Սույն կարգի 5-րդ կետում նշված ամփոփ տեղեկատվությունը (հաշվետվություն) լիազոր մարմնում պահպանվում է անժամկետ:
(12-րդ կետը փոփ. 30.06.11 թիվ 894-Ն որոշում)
13. Պետական և ծառայողական գաղտնիք պարունակող երկրաբանական ուսումնասիրության աշխատանքները գրանցվում ու նյութերը հաշվառվում են Հայաստանի Հանրապետության օրենսդրությամբ սահմանված կարգով:
Ձև
i
ՏԵՂԵԿԱՆՔ N ____________
ԸՆԴԵՐՔԻ ԵՐԿՐԱԲԱՆԱԿԱՆ ՈՒՍՈՒՄՆԱՍԻՐՈՒԹՅԱՆ ԱՇԽԱՏԱՆՔՆԵՐԻ ՊԵՏԱԿԱՆ ԳՐԱՆՑՄԱՆ ՄԱՍԻՆ
Ընդերքօգտագործման իրավունքը տալու _________________________________
(օրը, ամիսը, տարեթիվը և համարը)
____________________________________________________________________
Ընդերքօգտագործողի __________________________________________________
(լրիվ անվանումը, անունը, ազգանունը)
._____________________________________________________________________.
|NN |Պետական |Ամսա-|ՈՒսումնասիրվող |Աշխատանքի|Աշխատանքների |Ծանոթա- |
|ը/կ|գրանցման |թիվը |տեղամասի (և |տեսակը |կատարման |գրություն|
| |համարը | |օգտակար | |_____________| |
| | | |հանածոյի) | |սկիզբը|ավարտը| |
| | | |անվանումը և | | | | |
| | | |գտնվելու վայրը | | | | |
|___|_________|_____|_______________|_________|______|______|_________|
| 1 | 2 | 3 | 4 | 5 | 6 | 7 | 8 |
|___|_________|_____|_______________|_________|______|______|_________|
|___|_________|_____|_______________|_________|______|______|_________|
._____________________________________________________________________.
Տեղեկանքը տրվել է _________________________ 20 թ.
(օրը, ամիսը, ամսաթիվը)
«Հանրապետական երկրաբանական ֆոնդ» ՊՈԱԿ-ի
տնօրեն _________________ _____________________________
(ստորագրությունը) (անունը, ազգանունը)
Կ.Տ.
(ձևը փոփ. 29.01.10 թիվ 65-Ն, 30.06.11 թիվ 894-Ն որոշումներ)