(ուժը կորցրել է 12.11.09 թիվ 1329-Ն որոշում)
i
040.0960.160803
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«16» օգոստոսի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 հուլիսի 2003 թվականի N 960-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ՌԱԶՄԱԿԱՆ ՏԵԽՆԻԿԱՅԻ ԵՎ ՄԱՐՏԱԿԱՆ ԶԵՆՔԻ ԶԻՆԱՄԹԵՐՔԻ, ՄԱՍԵՐԻ ՈՒ ՊԱՐԱԳԱՆԵՐԻ ՏԵՂԱՓՈԽՄԱՆ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1995 ԹՎԱԿԱՆԻ ԴԵԿՏԵՄԲԵՐԻ 29-Ի N 124 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հայաստանի Հանրապետության մաքսային օրենսգրքի 20-րդ հոդվածին համապատասխան և ի կատարումն Հայաստանի Հանրապետության կառավարության 2000 թվականի դեկտեմբերի 31-ի «Հայաստանի Հանրապետության մաքսային սահմանով ըստ մաքսային ռեժիմների առանձին ապրանքների տեղափոխումն արգելելու մասին» N 902 որոշման 2-րդ կետի «ա» ենթակետի` Հայաստանի Հանրապետության կառավարությունը որոշում է.
1. Հաստատել`
ա) Հայաստանի Հանրապետության մաքսային սահմանով ռազմական տեխնիկայի և մարտական զենքի զինամթերքի, մասերի ու պարագաների տեղափոխման կարգը` համաձայն N 1 հավելվածի.
բ) Հայաստանի Հանրապետության մաքսային սահմանով տեղափոխվող ռազմական տեխնիկայի և մարտական զենքի զինամթերքի, մասերի ու պարագաների ցանկը, որոնց տեղափոխման համար հանրապետական ռազմատեխնիկական հանձնաժողովը տալիս է եզրակացություն` համաձայն N 2 հավելվածի:
i
2. «Հայաստանի Հանրապետության կառավարության 1995 թվականի դեկտեմբերի 29-ի «Հայաստանի Հանրապետությունում ապրանքների (աշխատանքների, ծառայությունների) ներմուծման և արտահանման ոչ տարիֆային կարգավորման մասին» N 124 որոշման մեջ կատարել հետևյալ փոփոխությունը`
որոշման 8-րդ կետից հանել «և դրանց արտադրության համար կոմպլեկտավորող իրերի» բառերը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՀՈՒԼԻՍԻ 31-ԻՆ
Հավելված N 1
Հայաստանի Հանրապետության
կառավարության 2003 թվականի
հուլիսի 31-ի N 960-Ն որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ՌԱԶՄԱԿԱՆ ՏԵԽՆԻԿԱՅԻ ԵՎ ՄԱՐՏԱԿԱՆ ԶԵՆՔԻ ԶԻՆԱՄԹԵՐՔԻ, ՄԱՍԵՐԻ ՈՒ ՊԱՐԱԳԱՆԵՐԻ ՏԵՂԱՓՈԽՄԱՆ
1. Սույն կարգով սահմանվում է Հայաստանի Հանրապետության մաքսային սահմանով ռազմական տեխնիկայի և մարտական զենքի զինամթերքի, մասերի ու պարագաների (այսուհետ` պահեստամասեր) տեղափոխման կարգը:
2. Հայաստանի Հանրապետության մաքսային օրենսգրքով սահմանված հասկացությունները սույն կարգում կիրառվում են նույն իմաստով:
3. Հայաստանի Հանրապետության մաքսային սահմանով պահեստամասերի տեղափոխումն իրականացվում է հիմք ընդունելով հանրապետական ռազմատեխնիկական հանձնաժողովի (այսուհետ` հանձնաժողով) եզրակացությունը (ձև N 1):
4. Եզրակացությունը տրվում է սույն կարգով նախատեսված բոլոր փաստաթղթերը ներկայացվելուց հետո` 10-օրյա ժամկետում:
5. Հայաստանի Հանրապետության մաքսային սահմանով պահեստամասերի տեղափոխում կարող են իրականացնել իրավաբանական կամ ֆիզիկական անձինք, ինչպես նաև անհատ ձեռնարկատերերը (այսուհետ` հայտատու):
6. Հայտատուն Հայաստանի Հանրապետության մաքսային սահմանով պահեստամասերի տեղափոխման համար եզրակացություն ստանալու նպատակով հանձնաժողով է ներկայացնում`
ա) եզրակացություն ստանալու հայտ (ձև N 2)` նշելով`
իրավաբանական անձի անվանումը, կազմակերպական-իրավական ձևը, գտնվելու և գործունեության իրականացման, պահեստամասերի պահպանման պահեստի գտնվելու վայրերը (հասցեները),
ֆիզիկական անձի կամ անհատ ձեռնարկատիրոջ անունը, ազգանունը, բնակության և գործունեության իրականացման, պահեստամասերի պահպանման պահեստի գտնվելու վայրերը (հասցեները).
բ) իրավաբանական անձի կանոնադրության և պետական գրանցման վկայականի պատճենները ներդիրներով, իսկ անհատ ձեռնարկատիրոջ դեպքում` պետական գրանցման վկայականի պատճենը` ներդիրներով.
գ) համապատասխան պայմանագիր, ըստ որի պահեստամասերը պետք է տեղափոխվեն Հայաստանի Հանրապետության մաքսային սահմանով.
դ) պայմանագրով նախատեսված պահեստամասերի ցանկը` նշելով յուրաքանչյուրի քանակը, արժեքը, արտաքին տնտեսական գործունեության ապրանքային անվանացանկի ծածկագիրը:
7. Հայաստանի Հանրապետության մաքսային սահմանով պահեստամասեր տեղափոխող հայտատուները պատասխանատվություն են կրում ներկայացված փաստաթղթերի և տեղեկությունների հավաստիության համար:
8. Հայաստանի Հանրապետության մաքսային սահմանով պահեստամասերի տեղափոխման համար հայտատուին տրված եզրակացությունը ենթակա չէ փոխանցման այլ հայտատուների:
9. Եզրակացություն տալու գրավոր մերժման հիմք կարող են հանդիսանալ`
ա) Հայաստանի Հանրապետության պետական շահերի պաշտպանությունը,
բ) ներկայացված փաստաթղթերում սխալ տեղեկությունների առկայությունը,
գ) ներկայացված փաստաթղթերի անհամապատասխանությունը Հայաստանի Հանրապետության օրենսդրության պահանջներին:
10. Եզրակացություն տալու անհիմն մերժումը հայտատուի կողմից կարող է բողոքարկվել դատական կարգով, իսկ մեղավոր անձինք պատասխանատվություն են կրում Հայաստանի Հանրապետության օրենսդրությամբ սահմանված կարգով:
11. Այն պահեստամասերի տեղափոխությունը, որոնց մասին տեղեկությունները պետական կամ ծառայողական գաղտնիք են, իրականացվում է Հայաստանի Հանրապետության օրենսդրությանը համապատասխան:
Ձև N 1
ԵԶՐԱԿԱՑՈՒԹՅՈՒՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ՌԱԶՄԱԿԱՆ ՏԵԽՆԻԿԱՅԻ ԵՎ ՄԱՐՏԱԿԱՆ ԶԵՆՔԻ ԶԻՆԱՄԹԵՐՔԻ, ՄԱՍԵՐԻ ՈՒ ՊԱՐԱԳԱՆԵՐԻ ՏԵՂԱՓՈԽՄԱՆ ՀԱՄԱՐ
Գրանցման համարը _____________________
Տալու ժամկետը _____________________
Տրվում է ______________________________________________________________
(տեղափոխող կազմակերպության անվանումը (անհատ ձեռնարկատիրոջ
կամ ֆիզիկական անձի անունը, ազգանունը)
Հասցեն ________________________________________________________________
Հաշվարկային հաշվի համարը ______________________________________________
Գրանցված է ____________________________________________________________
(պետական գրանցող մարմնի անվանումը, գրանցման ամսաթիվը և
հասցեն)
Հանրապետական ռազմատեխնիկական
հանձնաժողովի կարծիքը __________________________________________
_______________________________________________________________________
(մերժման դեպքում նշել պատճառը)
ՀՀ մաքսային սահմանով տեղափոխվող պահեստամասը ___________________________
(նշել արտահանվող
_______________________________________________________________________
(ներմուծվող) ապրանքների անվանումները, արժեքը, քանակը, երկիրը,
ժամկետները և մաքսային ռեժիմը)
Հատուկ պահանջներ ______________________________________________________
ՀԱՆՐԱՊԵՏԱԿԱՆ ՌԱԶՄԱՏԵԽՆԻԿԱԿԱՆ
ՀԱՆՁՆԱԺՈՂՈՎԻ ՆԱԽԱԳԱՀ __________________ _______________________
(ստորագրությունը) (անունը, ազգանունը)
____ _________ 200 թ.
Կ.Տ.
Ձև N 2
ՀԱՅՏ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ՌԱԶՄԱԿԱՆ ՏԵԽՆԻԿԱՅԻ ԵՎ ՄԱՐՏԱԿԱՆ ԶԵՆՔԻ ԶԻՆԱՄԹԵՐՔԻ, ՄԱՍԵՐԻ ՈՒ ՊԱՐԱԳԱՆԵՐԻ ՏԵՂԱՓՈԽՄԱՆ ՀԱՄԱՐ ԵԶՐԱԿԱՑՈՒԹՅՈՒՆ ՍՏԱՆԱԼՈՒ
1. Իրավաբանական անձի (կազմակերպության) անվանումը (անհատ ձեռնարկատիրոջ
կամ ֆիզիկական անձի անունը, ազգանունը) _____________________________
2. Կազմակերպական-իրավական ձևը _______________________________________
3. Իրավաբանական անձի (անհատ ձեռնարկատիրոջ կամ ֆիզիկական անձի) գտնվելու
վայրը (հասցեն) ___________________________
4. ՀՀ մաքսային սահմանով տեղափոխվող պահեստամասը ______________________
(նշել արտահանվող
_____________________________________________________________________
(ներմուծվող) ապրանքների անվանումները, արժեքը, քանակը, երկիրը և
մաքսային ռեժիմը)
5. Պահեստամասերի պահպանման պահեստի գտնվելու վայրը (հասցեն),
հեռախոսահամարը ____________________________________________________
6. Գործունեության տեսակը _____________________________________________
Կից ներկայացվող փաստաթղթերը`
ա) կանոնադրության պատճենը,
բ) իրավաբանական անձի պետական գրանցման վկայականի պատճենը,
գ) պահեստի տարածքի սեփականության կամ անշարժ գույքի վարձակալության
իրավունքի պետական գրանցման վկայականի պատճենը (ընդգծել),
դ) պայմանագիրը կամ դրա պատճենը.
ե)
զ)
Ներկայացված փաստաթղթերի իսկությունը
հաստատում եմ`
_______________________________________ ________________________
(կազմակերպության տնօրենի (անհատ (անունը, ազգանունը)
ձեռնարկատիրոջ կամ ֆիզիկական անձի)
ստորագրությունը)
Հավելված N 2
Հայաստանի Հանրապետության
կառավարության 2003 թվականի
հուլիսի 31-ի N 960-Ն որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ՏԵՂԱՓՈԽՎՈՂ ՌԱԶՄԱԿԱՆ ՏԵԽՆԻԿԱՅԻ ԵՎ ՄԱՐՏԱԿԱՆ ԶԵՆՔԻ ԶԻՆԱՄԹԵՐՔԻ, ՄԱՍԵՐԻ ՈՒ ՊԱՐԱԳԱՆԵՐԻ, ՈՐՈՆՑ ՏԵՂԱՓՈԽՄԱՆ ՀԱՄԱՐ ՀԱՆՐԱՊԵՏԱԿԱՆ ՌԱԶՄԱՏԵԽՆԻԿԱԿԱՆ ՀԱՆՁՆԱԺՈՂՈՎԸ ՏԱԼԻՍ Է ԵԶՐԱԿԱՑՈՒԹՅՈՒՆ
._________________________________________________________________________.
| Ծածկագիրն | Ապրանքի անվանումը | Ծանոթա- |
|ըստ ԱՏԳ ԱԱ-ի| |գրություն|
|____________|__________________________________________________|_________|
|87 1000 000 |Տանկերի և մարտական այլ ինքնագնաց զրահամեքենաների | |
| |սպառազինությամբ կամ առանց սպառազինության մասեր | |
| |կամ պարագաներ | |
|____________|__________________________________________________|_________|
|90 1310 000 |Հեռաօպտիկական նշանոց` զենքի վրա տեղակայելու համար | |
|____________|__________________________________________________|_________|
|9305 |Մասեր և պարագաներ` 9301-9304 ապրանքային դիրքերի | |
| |համար | |
|____________|__________________________________________________|_________|
|9306 |Ռումբերի, նռնակների, ականների, փամփուշտների, | |
| |արկերի, այլ զինամթերքի, հրթիռների և մարտական | |
| |գործողությունների համար համանման միջոցների մասեր | |
|____________|__________________________________________________|_________|
|8525; 8526 |Ռազմական նշանակության տեղորոշիչ (լոկացիոն), | |
| |նավագնացային և հեռակառավարման սարքավորումներ և | |
| |դրանց կոմպլեկտավորող մասեր | |
._________________________________________________________________________.