040.0779.070703
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«7» հուլիսի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
2 մայիսի 2003 թվականի N 779-Ա
i
«ԷԼԵԿՏՐԱԷՆԵՐԳԵՏԻԿԱԿԱՆ ՀԱՄԱԿԱՐԳԻ ՕՊԵՐԱՏՈՐ» ԵՎ «ԷՆԵՐԳԱԿԱՐԳԱԲԵՐՈՒՄ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐ ՍՏԵՂԾԵԼՈՒ ՄԱՍԻՆ
Հիմք ընդունելով «Էներգետիկայի մասին» Հայաստանի Հանրապետության օրենքի 37-րդ հոդվածի դրույթները, Հայաստանի Հանրապետության 2002 թվականի փետրվարի 22-ի «Հայաստանի Հանրապետության էներգետիկայի բնագավառի կառավարման բարելավման միջոցառումների մասին» N 166 որոշման 2-րդ կետը և հաշվի առնելով Հայաստանի Հանրապետության բնական մենաշնորհների կարգավորման հանձնաժողովի համաձայնությունը, ինչպես նաև Հայաստանի Հանրապետության էլեկտրաէներգետիկական շուկայի ձևավորման և էներգահամակարգի ընկերությունների մասնավորեցման հետագա գործընթացը խթանելու նպատակով Հայաստանի Հանրապետության կառավարությունը որոշում է.
1. Ստեղծել`
ա) «Էլեկտրաէներգետիկական համակարգի օպերատոր» փակ բաժնետիրական ընկերություն,
բ) «Էներգակարգաբերում» փակ բաժնետիրական ընկերություն:
2. Հայաստանի Հանրապետության էներգետիկայի նախարարին` ապահովել «Հայէներգո» և «Հայկական ատոմային էլեկտրակայան» փակ բաժնետիրական ընկերությունների միջև պարտքի փոխանցման մասին պայմանագրի կնքումը, որի համաձայն «Հայկական ատոմային էլեկտրակայան» փակ բաժնետիրական ընկերությունը «Հայէներգո» փակ բաժնետիրական ընկերությանն է փոխանցում 1999 թվականի սեպտեմբերի 15-ին կնքված N 12(24)/CP-99 վարկային պայմանագրով ստացած 7962.0 մլն դրամի չափով բյուջետային վարկից 663.3 մլն դրամ գումարի պարտավորությունը (վերջինս Հայաստանի Հանրապետության ֆինանսների և էկոնոմիկայի նախարարության հետ նշված չափով և նույն պայմաններով կնքում է վարկային պայմանագիր), միաժամանակ նշված գումարի չափով մարվում է «Հայէներգո» փակ բաժնետիրական ընկերության էլեկտրական էներգիայի գծով ունեցած պարտավորությունը «Հայկական ատոմային էլեկտրակայան» փակ բաժնետիրական ընկերության նկատմամբ:
3. Հայաստանի Հանրապետության էներգետիկայի նախարարին ու Հայաստանի Հանրապետության ֆինանսների և էկոնոմիկայի նախարարին` ապահովել «Հայէներգո» փակ բաժնետիրական ընկերության գույքի (համաձայն NN 1 և 2 հավելվածների)` օրենքով սահմանված կարգով գնահատված շուկայական արժեքով (ներառյալ ավելացված արժեքի հարկը) օտարումը Հայաստանի Հանրապետությանը (ի դեմս Հայաստանի Հանրապետության էներգետիկայի նախարարության)` «Հայէներգո» փակ բաժնետիրական ընկերության` 1999 թվականի դեկտեմբերի 31-ին Հայաստանի Հանրապետության ֆինանսների և էկոնոմիկայի նախարարության հետ կնքված N 23(35)/CP-99 վարկային պայմանագրով ստացած բյուջետային վարկի 418.5 մլն դրամ գումարի պարտավորության չմարված մնացորդի (հաշվի առնելով, որ վերջինս ներառում է 2003 թվականի հունիսի 1-ի դրությամբ հաշվարկված տոկոսագումարներն ու սղաճի հետևանքով` վերագնահատումը, իսկ մինչև այդ կողմերը փոխհամաձայնեցնում և նշված վարկային պայմանագրում կատարում են փոփոխություն` վարկի և տոկոսագումարների վերադարձման ժամկետը սահմանելով 2003 թվականի հունիսի 1-ը) և սույն որոշման 2-րդ կետում նշված 663,3 մլն դրամ գումարի պարտավորության դիմաց:
4. Սահմանել`
ա) «Էլեկտրաէներգետիկական համակարգի օպերատոր» փակ բաժնետիրական ընկերության կանոնադրական կապիտալը` 706,8 մլն դրամ, որը կազմում է 70680 հասարակ (սովորական) բաժնետոմս: Մեկ բաժնետոմսի անվանական արժեքը 10000 դրամ է.
բ) «Էներգակարգաբերում» փակ բաժնետիրական ընկերության կանոնադրական կապիտալը` 375,0 մլն դրամ, որը կազմում է 37500 հասարակ (սովորական) բաժնետոմս: Մեկ բաժնետոմսի անվանական արժեքը 10000 դրամ է:
5. Հայաստանի Հանրապետության էներգետիկայի նախարարին` «Էլեկտրաէներգետիկական համակարգի օպերատոր» և «Էներգակարգաբերում» փակ բաժնետիրական ընկերությունների բաժնետոմսերի դիմաց վճարումներն իրականացնել սույն որոշման 3-րդ կետում նշված` շուկայական արժեքով գնահատված գույքով:
6. (6-րդ կետն ուժը կորցրել է 06.11.03 թիվ 1694-Ն որոշում)
i
7. «Էներգակարգաբերում» փակ բաժնետիրական ընկերության բաժնետոմսերի կառավարման լիազորությունները վերապահել Հայաստանի Հանրապետության էներգետիկայի նախարարությանը:
8. «Էլեկտրաէներգետիկական համակարգի օպերատոր» և «Էներգակարգաբերում» փակ բաժնետիրական ընկերությունների բաժնետոմսերի կառավարման լիազորություններն իրականացնող պաշտոնատար անձանց և Հայաստանի Հանրապետության էներգետիկայի նախարարին` հինգօրյա ժամկետում հաստատել «Էլեկտրաէներգետիկական համակարգի օպերատոր» և «Էներգակարգաբերում» փակ բաժնետիրական ընկերությունների կանոնադրությունները և ապահովել նշված բաժնետիրական ընկերությունների պետական գրանցումը, ինչպես նաև սահմանված կարգով ապահովել «Էլեկտրաէներգետիկական համակարգի օպերատոր» փակ բաժնետիրական ընկերության կողմից` համապատասխան լիցենզիա ստանալու նպատակով Հայաստանի Հանրապետության բնական մենաշնորհների կարգավորման հանձնաժողով հայտ ներկայացնելը:
9. Հայաստանի Հանրապետության կառավարությանն առընթեր պետական գույքի կառավարման վարչության պետին`
ա) առանձնացնել «Հայէներգո» փակ բաժնետիրական ընկերության օգտագործմանը հանձնված վարչական շենքի (քաղաք Երևան, Աբովյան 27)` 1445 քառակուսի մետր մակերես ունեցող ընդհանուր տարածքը և այն վարձակալության հանձնել «Էլեկտրաէներգետիկական համակարգի օպերատոր» փակ բաժնետիրական ընկերությանը.
բ) կուտակել Հայաստանի Հանրապետության օրենսդրությամբ սահմանված վարձակալության գումարները և դրանք յուրաքանչյուր տարվա վերջում նպատակաուղղել «Էլեկտրաէներգետիկական համակարգի օպերատոր» փակ բաժնետիրական ընկերության կանոնադրական կապիտալի ավելացմանը.
գ) 10-օրյա ժամկետում ապահովել «Հայէներգո» փակ բաժնետիրական ընկերությունից առանձնացվող անշարժ գույքի հանձնման-ընդունման աշխատանքների կատարումը և գույքային իրավունքների պետական գրանցումը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՀՈՒՆԻՍԻ 30-ԻՆ
Հավելված N 1
Հայաստանի Հանրապետության
կառավարության 2003 թվականի
մայիսի 2-ի N 779-Ա որոշման
ՑԱՆԿ
«ԷԼԵԿՏՐԱԷՆԵՐԳԵՏԻԿԱԿԱՆ ՀԱՄԱԿԱՐԳԻ ՕՊԵՐԱՏՈՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՓՈԽԱՆՑՎՈՂ ԳՈՒՅՔԻ
._____________________________________________________.
|NN | Անվանումը |Քանակը|Շուկայական արժեքը`|
| | | |ներառյալ ավելացված|
| | | |արժեքի հարկը |
| | | |(մլն դրամ) |
|___|_______________________|______|__________________|
|1. |Շենք-շինություններ |1 հատ | 105.0 |
|___|_______________________|______|__________________|
|2. |Այլ հիմնական միջոցներ |- | 557.1 |
|___|_______________________|______|__________________|
|3. |Տրանսպորտային միջոցներ |32 հատ| 19.5 |
|___|_______________________|______|__________________|
|4. |Հումք, նյութեր, | | |
| |պահեստամասեր և այլն |- | 25.2 |
|___|_______________________|______|__________________|
| |Ընդամենը | | 706.8 |
._____________________________________________________.
Հավելված N 2
Հայաստանի Հանրապետության
կառավարության 2003 թվականի
մայիսի 2-ի N 779-Ա որոշման
ՑԱՆԿ
«ԷՆԵՐԳԱԿԱՐԳԱԲԵՐՈՒՄ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՓՈԽԱՆՑՎՈՂ ԳՈՒՅՔԻ
._____________________________________________________.
|NN | Անվանումը |Քանակը|Շուկայական արժեքը`|
| | | |ներառյալ ավելացված|
| | | |արժեքի հարկը |
| | | |(մլն դրամ) |
|___|_______________________|______|__________________|
|1. |Շենք-շինություններ |1 հատ | 209.2 |
|___|_______________________|______|__________________|
|2. |Այլ հիմնական միջոցներ |- | 82.0 |
|___|_______________________|______|__________________|
|3. |Տրանսպորտային միջոցներ |19 հատ| 7.8 |
|___|_______________________|______|__________________|
|4. |Հումք, նյութեր, | | |
| |պահեստամասեր և այլն |- | 76.0 |
|___|_______________________|______|__________________|
| |Ընդամենը | | 375.0 |
._____________________________________________________.