(ուժը կորցրել է 28.10.05 թիվ 13-Ն որոշում)
i
603.0146.230902
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«23» 09 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60302196
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
12 օգոստոսի 2002 թվականի N 146-Ն
i
«ԱՆԱՍՈՒՆՆԵՐԻ ՀԱՇՎԱՌՄԱՆ ՀԱՆՐԱԳՈՒՄԱՐՆԵՐԸ» ՁԵՎ ԹԻՎ 6 (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի 3-րդ մասի ե) կետով` Հայաստանի Հանրապետության վիճակագրության պետական խորհուրդը որոշում է.
Հաստատել «Անասունների հաշվառման հանրագումարները» ձև թիվ 6 (տարեկան) պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:
Հավելված 1
Հաստատված է
Հայաստանի Հանրապետության
վիճակագրության պետական խորհրդի
12 օգոստոսի 2002 թվականի
թիվ 146-Ն որոշմամբ
ՀՐԱՀԱՆԳ «ԱՆԱՍՈՒՆՆԵՐԻ ՀԱՇՎԱՌՄԱՆ ՀԱՆՐԱԳՈՒՄԱՐՆԵՐԸ» ՁԵՎ ԹԻՎ 6 (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Հրահանգը սահմանում է «Անասունների հաշվառման հանրագումարները» ձև թիվ 6 (տարեկան) պետական վիճակագրական հաշվետվության լրացման կարգը:
2. Հաշվետվությունը լրացվում է գյուղական (քաղաքային) համայնքների կողմից, որոնք այդ մասին նախօրոք տեղեկացվում են, ու վիճակագրական մարմիններին է ներկայացվում հաշվետվության ձևի վրա նշված ժամկետներում և պարբերականությամբ:
3. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:
II. ԼՐԱՑՄԱՆ ԿԱՐԳԸ
4. Անասունների համատարած հաշվառումը հանրապետությունում յուրաքանչյուր տարի անց է կացվում հունվարի 1-ի դրությամբ, գյուղական (քաղաքային) համայնքների կողմից գյուղական վայրերում` բոլոր, իսկ քաղաքային վայրերում` միայն անասուն ունեցող տնտեսություններում:
5. Հրահանգը կազմված է ձև թիվ 6 տարեկան հաշվետվության սյունակների ու տողերի հերթականությանը համապատասխան, որտեղ լրացվում են համայնքի անասունների հաշվառման ամփոփ տվյալները:
6. «Ընդամենը խոշոր եղջերավոր անասուններ»` թիվ 1 սյունակում լրացվում է բոլոր տեսակի և հասակի խոշոր եղջերավոր անասունների, իսկ թիվ 2-7 սյունակներում` ըստ առանձնացված սեռահասակային խմբերի գլխաքանակը:
7. «Խոզեր»` թիվ 8-10, «Ոչխարներ»` թիվ 11,12, «Այծեր»` թիվ 13, 14, «Ձիեր»` թիվ 15,16, «Ճագարներ»` թիվ 17,18 և «Ճահճակուղբեր»` թիվ 19,20 սյունակներում լրացվում է տվյալ անասնատեսակի (անկախ սեռահասակային խմբից) բոլոր անասունների ընդամենը և այդ թվում մայրական կազմի գլխաքանակը:
8. «Ավանակներ»` թիվ 21, «Ջորիներ»` թիվ 22, «Գոմեշներ»` թիվ 23 սյունակներում լրացվում են տվյալ անասնատեսակի (անկախ սեռահասակային խմբի) բոլոր անասունների գլխաքանակը, իսկ «Մեղվաընտանիքներ»` թիվ 24 սյունակում` բոլոր մեղվաընտանիքների թիվը:
9. «Ընդամենը թռչուններ»` թիվ 25 սյունակում լրացվում է բոլոր տեսակի և հասակի թռչունների գլխաքանակը (հավեր, աքլորներ, հնդկահավեր, բադեր, սագեր և այլն), իսկ թիվ 26 և թիվ 27 սյունակներում` համապատասխանաբար` հավերի և որից` ածան հավերի գլխաքանակը:
----------------------------------------------
ԻՐՏԵԿ - ձևը չի բերվում