24.05.2024 -
040.1708.111206
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«11» դեկտեմբերի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 նոյեմբերի 2006 թվականի N 1708-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻՑ ՀԱՄԱՅՆՔՆԵՐԻՆ ՍՈՒԲՎԵՆՑԻԱՆԵՐԻ ՏՐԱՄԱԴՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
(1-ին մաս)
Հիմք ընդունելով «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 20-րդ հոդվածի 4-րդ մասի «բ» կետը` Հայաստանի Հանրապետության կառավարությունը որոշում է.
1. Հաստատել`
1) Հայաստանի Հանրապետության պետական բյուջեից համայնքներին սուբվենցիաների տրամադրման կարգը` համաձայն N 1 հավելվածի.
2) Հայաստանի Հանրապետության պետական տարեկան բյուջեներով նախատեսված սուբվենցիաներից բացի Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտի մշակման, ներկայացման, քննարկման և հաստատման կարգը` համաձայն N 2 հավելվածի.
3) Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիաների հայտի ձևը` համաձայն N 3 հավելվածի.
4) Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիաների տրամադրման գործընթացում միջգերատեսչական հանձնաժողովի կողմից հավանության արժանացած ծրագրերի իրականացման հսկողության, մշտադիտարկման և ավարտի փաստագրման ձևը` համաձայն N 4 հավելվածի:
(1-ին կետը փոփ. 31.01.2019 թիվ 62-Ն, 26.12.2019 թիվ 1935-Ն որոշումներ)
2. Պետական այլ ֆինանսական միջոցների հաշվին սուբվենցիաների տրամադրումն իրականացվում է սույն որոշման 1-ին կետով հաստատված կարգի համաձայն` Հայաստանի Հանրապետության կառավարության որոշմամբ նախատեսված դեպքերում:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2006 ԹՎԱԿԱՆԻ ԴԵԿՏԵՄԲԵՐԻ 4-ԻՆ
Հավելված N 1
ՀՀ կառավարության
2006 թվականի նոյեմբերի 16-ի
N 1708-Ն որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻՑ ՀԱՄԱՅՆՔՆԵՐԻՆ ՍՈՒԲՎԵՆՑԻԱՆԵՐԻ ՏՐԱՄԱԴՐՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով կարգավորվում են Հայաստանի Հանրապետության պետական բյուջեի (այսուհետ` բյուջե) հաշվին Հայաստանի Հանրապետության համայնքներին (այսուհետ` համայնք) սուբվենցիաների տրամադրման գործընթացի հետ կապված հիմնական հարաբերությունները:
2. Համայնքին սուբվենցիաներ տրամադրվում են օրենքով կամ Հայաստանի Հանրապետության կառավարության որոշմամբ նախատեսված դեպքերում` սույն կարգի համաձայն կնքված քաղաքացիաիրավական պայմանագրերի հիման վրա:
3. Սուբվենցիաները համայնքի կողմից իրականացվող առանձին նպատակային ծախսատեսակի (ծրագրի) կատարման համար անհատույց և անվերադարձ կարգով տրվող դրամական միջոցներն են:
4. Համայնքին տրամադրված սուբվենցիաները նպատակային օգտագործելու նկատմամբ վերահսկողությունն իրականացնում է Հայաստանի Հանրապետության պետական բյուջեով նախատեսված սուբվենցիաների գծով հատկացումների գլխավոր կարգադրիչ հանդիսացող համապատասխան մարմինը:
I.1. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻՑ ՀԱՄԱՅՆՔՆԵՐԻՆ ՏՐԱՄԱԴՐՎՈՂ ՍՈՒԲՎԵՆՑԻԱՆԵՐԻ ԾՐԱԳՐԱՅԻՆ ՀԱՅՏԵՐԻ ՔՆՆԱՐԿՄԱՆ ԿԱՐԳԸ
(I.1 բաժինը լրաց. 20.05.10 թիվ 662-Ն որոշում)
4.1. Համայնքի ղեկավարները Հայաստանի Հանրապետության պետական բյուջեից սուբվենցիաներ ստանալու նպատակով տվյալ տարվա բյուջետային գործընթացն սկսելու ժամանակ սուբվենցիայի ստացման ծրագրային հայտերը ներկայացնում են համապատասխան մարզպետին, իսկ Երևանի քաղաքապետը` համապատասխան ոլորտային պետական կառավարման մարմիններ և Հայաստանի Հանրապետության տարածքային կառավարման նախարարություն:
4.2. Սուբվենցիայի ծրագրային հայտերը մարզպետի աշխատակազմում քննարկվելուց և ամփոփվելուց հետո ներկայացվում են համապատասխան ոլորտային պետական կառավարման մարմիններ և Հայաստանի Հանրապետության տարածքային կառավարման նախարարություն` քննարկման:
4.3. Պետական կառավարման մարմինները Հայաստանի Հանրապետության տարածքային կառավարման նախարարության հետ համատեղ քննարկումների արդյունքների հիման վրա սուբվենցիայի ծրագրային հայտի վերաբերյալ`
ա. դրական եզրակացություն տալու դեպքում` ոլորտի գծով տվյալ տարվա համար նախատեսված բյուջետային հատկացումների ընդհանուր չափաքանակների սահմաններում դրանք ներառում են առաջիկա տարվա իրենց բյուջետային ֆինանսավորման հայտերում և համապատասխան եզրակացության հետ միասին ներկայացնում Հայաստանի Հանրապետության ֆինանսների նախարարություն և Հայաստանի Հանրապետության տարածքային կառավարման նախարարություն (Երևան քաղաքի գծով` Երևանի քաղաքապետարան),
բ. բացասական եզրակացություն տալու դեպքում` դրանք` համապատասխան եզրակացության հետ միասին ներկայացնում են Հայաստանի Հանրապետության տարածքային կառավարման նախարարություն և համապատասխան մարզպետի աշխատակազմ (Երևան քաղաքի գծով` նաև Երևանի քաղաքապետարան):
4.4. Սույն կարգի գործողությունը չի տարածվում «Ընկերությունների կողմից վճարվող բնապահպանական վճարների նպատակային օգտագործման մասին» Հայաստանի Հանրապետության օրենքի համաձայն ֆինանսավորվող բնապահպանական ծրագրերի վրա:
4.5. (4.5-րդ կետն ուժը կորցրել է 31.01.2019 թիվ 62-Ն որոշում)
(4.5-րդ կետը լրաց. 28.12.17 թիվ 1726-Ն, 29.03.18 թիվ 372-Ն, 21.06.18 թիվ 696-Ն, 23.08.18 թիվ 932-Ն որոշումներ)
II. ՍՈՒԲՎԵՆՑԻԱՅԻ ՀԱՏԿԱՑՄԱՆ ԿԱՐԳԸ
5. Համայնքին սուբվենցիա տրամադրվում է Հայաստանի Հանրապետության տվյալ տարվա պետական բյուջեով նախատեսված սուբվենցիաների գծով հատկացումների գլխավոր կարգադրիչ հանդիսացող համապատասխան պետական մարմնի և համայնքի միջև կնքված սուբվենցիայի տրամադրման մասին պայմանագրի հիման վրա:
6. Սուբվենցիայի տրամադրման մասին պայմանագրում նշվում են`
ա) սուբվենցիայի տրամադրման նպատակը, նպատակային ծախսատեսակի (ծրագրի) կատարման ժամանակահատվածը (տևողությունը), այդ ընթացքում պետության կողմից վերահսկվող չափանիշները և ակնկալվող արդյունքները.
բ) տրամադրվող սուբվենցիայի գումարի չափը, սուբվենցիայի հերթական մասնաբաժնի ստացման համար համայնքից պահանջվող փաստաթղթերը (սուբվենցիան առանձին մասնաբաժիններով համայնքին տրամադրելու նպատակահարմարության դեպքում).
գ) ստացված սուբվենցիայի հաշվին ֆինանսավորվող նպատակային ծախսատեսակի կատարումից (ծրագրի ավարտից) հետո եռօրյա ժամկետում սուբվենցիայի չօգտագործված գումարի` Հայաստանի Հանրապետության պետական բյուջե վերադարձման պահանջը.
դ) համայնքի կողմից սուբվենցիայի գումարի կամ դրա մի մասի ոչ նպատակային օգտագործման դեպքում այդ համայնքի նկատմամբ պետության կողմից կիրառվող պատժամիջոցները, այն է` ոչ նպատակային օգտագործված գումարի հետգանձում համայնքի միջոցներից և սուբվենցիայի միջոցների հետագա հատկացման հնարավոր դադարեցում.
ե) այլ դրույթներ, որոնք կնպաստեն սուբվենցիայի տրամադրման նպատակի իրականացմանը և այդ ուղղությամբ սուբվենցիայի գումարների արդյունավետ օգտագործմանը:
7. Սուբվենցիաների հաշվին միջոցների մուտքագրման, ծախսերի կատարման, ինչպես նաև դրանց մասին հաշվետվությունների կազմման և համապատասխան մարմիններ ներկայացնելու հետ կապված հարաբերությունները կարգավորվում են բյուջեների կատարման մասին Հայաստանի Հանրապետության օրենսդրությամբ սահմանված կարգով:
(1-ին հավելվածը փոփ. 31.01.2019 թիվ 62-Ն, 23.05.2024 թիվ 737-Ն որոշումներ)
Հավելված N 2
ՀՀ կառավարության
2006 թվականի նոյեմբերի 16-ի
N 1708-Ն որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՏԱՐԵԿԱՆ ԲՅՈՒՋԵՆԵՐՈՎ ՆԱԽԱՏԵՍՎԱԾ ՍՈՒԲՎԵՆՑԻԱՆԵՐԻՑ ԲԱՑԻ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՄԱՅՆՔՆԵՐԻ ՏՆՏԵՍԱԿԱՆ ԵՎ ՍՈՑԻԱԼԱԿԱՆ ԵՆԹԱԿԱՌՈՒՑՎԱԾՔՆԵՐԻ ԶԱՐԳԱՑՄԱՆՆ ՈՒՂՂՎԱԾ ՍՈՒԲՎԵՆՑԻԱՅԻ ՀԱՅՏԻ ՄՇԱԿՄԱՆ, ՆԵՐԿԱՅԱՑՄԱՆ, ՔՆՆԱՐԿՄԱՆ ԵՎ ՀԱՍՏԱՏՄԱՆ
1. Սույն կարգով կարգավորվում են Հայաստանի Հանրապետության պետական տարեկան բյուջեներով նախատեսված սուբվենցիաներից բացի Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտերի մշակման, ներկայացման, դրանց քննարկման ու հաստատման հետ կապված հարաբերությունները:
2. Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի տրամադրման նպատակով դիտարկվում են այն հայտերը, որոնց իրականացումը կնպաստի համայնքին սեփականության իրավունքով պատկանող հիմնական միջոցների (հիմնական ֆոնդերի) ստեղծմանը (ձեռքբերմանը) կամ դրանց արժեքի ավելացմանը, ինչպես նաև որպես բացառություն` բազմաբնակարան շենքերի ընդհանուր բաժնային սեփականության գույքի նորոգման հայտերը:
3. Սուբվենցիայի հայտերը պետք է բխեն «Տեղական ինքնակառավարման մասին» Հայաստանի Հանրապետության օրենքի 12-րդ հոդվածով սահմանված համայնքի պարտադիր խնդիրներից, ինչպես նաև համապատասխանեն համայնքների 5-ամյա զարգացման ծրագրերին և նպաստեն դրանց իրագործմանը (միջնաժամկետ և երկարաժամկետ կտրվածքով): Ընդ որում, դիտարկվում են`
1) մինչև 50,0 մլն դրամ համայնքային բյուջե ունեցող համայնքների դեպքում` յուրաքանչյուր ծրագրի համար ընթացիկ տարվա համայնքային բյուջեների ֆոնդային մասից 3,0 մլն դրամ և ավելի համաֆինանսավորվող հայտերը, իսկ մինչև 25,0 մլն դրամ համայնքային բյուջե ունեցող համայնքների դեպքում` յուրաքանչյուր ծրագրի համար ընթացիկ տարվա համայնքային բյուջեների ֆոնդային մասից 1,5 մլն դրամ և ավելի համաֆինանսավորվող հայտերը.
2) 50,0-ից մինչև 500,0 մլն դրամ համայնքային բյուջե ունեցող համայնքների դեպքում` յուրաքանչյուր ծրագրի համար ընթացիկ տարվա համայնքային բյուջեների ֆոնդային մասից 5,0 մլն դրամ և ավելի համաֆինանսավորվող հայտերը.
3) 500,0-ից մինչև 1,0 մլրդ դրամ համայնքային բյուջե ունեցող համայնքների դեպքում` առաջին ծրագրի համար ընթացիկ տարվա համայնքային բյուջեների ֆոնդային մասից 25,0 մլն դրամ և ավելի, իսկ հաջորդ յուրաքանչյուր ծրագրի համար ընթացիկ տարվա համայնքային բյուջեների ֆոնդային մասից 15,0 մլն դրամ և ավելի համաֆինանսավորվող հայտերը (բացառությամբ համայնքների քաղաքաշինական փաստաթղթերի, մեքենասարքավորումների ձեռքբերման դեպքում համայնքային բյուջեների ֆոնդային մասից 10,0 մլն դրամ և ավելի համաֆինանսավորվող հայտերը.
4) 1,0 մլրդ և ավելի դրամ համայնքային բյուջե ունեցող համայնքների դեպքում` առաջին ծրագրի համար ընթացիկ տարվա համայնքային բյուջեների ֆոնդային մասից 50,0 մլն դրամ և ավելի, իսկ հաջորդ յուրաքանչյուր ծրագրի համար ընթացիկ տարվա համայնքային բյուջեների ֆոնդային մասից 30,0 մլն դրամ և ավելի համաֆինանսավորվող հայտերը (բացառությամբ համայնքների քաղաքաշինական փաստաթղթերի, մեքենասարքավորումների ձեռքբերման դեպքում համայնքային բյուջեների ֆոնդային մասից 20,0 մլն դրամ և ավելի համաֆինանսավորվող հայտերը:
(3-րդ կետը փոփ. 13.02.2020 թիվ 139-Ն, 25.02.2022 թիվ 292-Ն, 13.01.2022 թիվ 37-Ն որոշումներ)
3.1. Տնտեսական և սոցիալական ենթակառուցվածքների զարգացմանն ուղղված սուբվենցիայի տրամադրման նպատակով դիտարկվում են այն համայնքների հայտերը, որոնց նախորդ տարվա հարկերի, տուրքերի և այլ վճարների հավաքագրման մակարդակը 90 տոկոս և ավելի է: Իսկ 90 տոկոսից ցածրի դեպքում` սուբվենցիայի հայտի դիտարկումը ենթակա է քննարկման սույն կարգի 12-րդ կետի 7.2-րդ ենթակետով սահմանված տեղեկանք-հիմնավորման հիման վրա:
(3.1-ին կետը լրաց. 02.11.2023 թիվ 1909-Ն որոշում)
4. Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիաներ ստանալու նպատակով համայնքների ղեկավարները (բացառությամբ Երևանի քաղաքապետի) սուբվենցիայի հայտը նախատեսվող օբյեկտի նախագծման տեխնիկական բնութագրերը Հայաստանի Հանրապետության կառավարության 2015 թվականի մարտի 19-ի N 596-Ն որոշմամբ սահմանված NN 4-2, 4-3 ձևերին համապատասխան ու ըստ անհրաժեշտության ոլորտային լրացուցիչ պայմանների ներառմամբ և շինարարական աշխատանքների կատարման կամ ձեռքբերվող մեքենասարքավորումների տեխնիկական բնութագրերի (այսուհետ` բնութագիր), ինչպես նաև գոյություն ունեցող շենքերի ու շինությունների վերակառուցման, նորոգման, վերականգնման, ուժեղացման ծրագրերի դեպքում` շենքերի ու շինությունների տեխնիկական վիճակի վերաբերյալ եզրակացության հետ միասին ներկայացնում են համապատասխան մարզպետի աշխատակազմ` մինչև ծրագրի իրականացման տարվան նախորդող տարվա հուլիսի 10-ը: 2021 թվականին սուբվենցիայի հայտը տեխնիկական բնութագրերի հետ միասին ներկայացվում են համապատասխան մարզպետի աշխատակազմ` մինչև 2021 թվականի մայիսի 5-ը:
(4-րդ կետը փոփ. 20.06.2019 թիվ 759-Ն, 26.12.2019 թիվ 1935-Ն, 25.02.2022 թիվ 292-Ն, 13.01.2022 թիվ 37-Ն, 23.06.2022 թիվ 940-Ն, 02.03.2023 թիվ 270-Ն որոշումներ)
5. Մարզպետի աշխատակազմը, ստանալով սուբվենցիայի հայտը և բնութագիրը, ուսումնասիրում է այն և մարզի սոցիալ-տնտեսական զարգացման մասով հայտի վերաբերյալ առարկություններ չունենալու դեպքում ներկայացնում է Հայաստանի Հանրապետության տարածքային կառավարման և ենթակառուցվածքների նախարարություն (այսուհետ` նախարարություն)` մինչև ծրագրի իրականացման տարվան նախորդող տարվա հուլիսի 15-ը, իսկ 2021 թվականին` մինչև հուլիսի 15-ը: Առարկություններ ունենալու դեպքում վերադարձնում է հայտը և բնութագիրը համապատասխան համայնքի ղեկավարին` լրամշակման: Համայնքի ղեկավարի կողմից երեք աշխատանքային օրվա ընթացքում, բայց ոչ ուշ, քան սույն կետով սահմանված ժամկետը լրամշակված հայտն ու բնութագիրը չներկայացնելու դեպքում հայտը համարվում է վերադարձված:
(5-րդ կետը փոփ. 26.12.2019 թիվ 1935-Ն, 25.02.2022 թիվ 292-Ն, 23.06.2022 թիվ 940-Ն, 02.03.2023 թիվ 270-Ն որոշումներ)
-----------------------------------------------------------------
ԻՐՏԵԿ - 26.12.2019 թիվ 1935-Ն որոշման 1-ին կետի 2-րդ ենթակետի
բ պարբերության համաձայն սույն որոշման 2-րդ հավելվածի
5-րդ կետում «զարգացման» բառը պետք է փոխարինել
«ենթակառուցվածքների» բառով: Սակայն նշված կետում առկա է
երկու հատ «զարգացման» բառ: ԻՐՏԵԿ-ը «ուսումնասիրում է այն
և մարզի սոցիալ-տնտեսական զարգացման մասով» բառերում
«զարգացման» բառը չի փոխարինել «ենթակառուցվածքների» բառով,
քանի որ դրա հետևանքով կխեղաթյուրվեր տեքստը:
-----------------------------------------------------------------
6. Նախարարությունը, ստանալով սուբվենցիայի հայտը և բնութագիրը, ներկայացնում է դրանք ոլորտային պետական կառավարման մարմինների, ինչպես նաև ոլորտային մասնագիտացված կառույցների քննարկմանը:
(6-րդ կետը փոփ. 26.12.2019 թիվ 1935-Ն որոշում)
7. Ոլորտային պետական կառավարման մարմինները, ստանալով ծրագրային հայտը և բնութագիրը, երեք աշխատանքային օրվա ընթացքում նախարարություն են ներկայացնում դրանց վերաբերյալ դիրքորոշումը և դիտողությունները:
8. Նախարարությունը հայտերի և բնութագրերի վերաբերյալ կարծիքներն ստանալուց հետո երկու աշխատանքային օրվա ընթացքում դրանք ներկայացնում է համապատասխան մարզպետների աշխատակազմեր:
9. Մարզպետների աշխատակազմերը մեկ աշխատանքային օրվա ընթացքում տեղեկացնում են համապատասխան համայնքներին:
9.1. Համայնքները, ստացված դիրքորոշումների և դիտողությունների հիման վրա, լրամշակում են հայտը և մեքենասարքավորումների, գույքի ձեռքբերման ու շինարարական օբյեկտների նախագծման տեխնիկական բնութագրերը և երկու աշխատանքային օրվա ընթացքում ներկայացնում են համապատասխան մարզպետի աշխատակազմ:
(9.1-ին կետը լրաց. 26.12.2019 թիվ 1935-Ն որոշում)
9.2. Մարզպետի աշխատակազմը, ստուգելով լրամշակված հայտի և տեխնիկական բնութագրերի համապատասխանությունը նախարարության կողմից ներկայացված դիրքորոշումների և դիտողությունների հետ, առաջարկում է համապատասխան համայնքներին կազմակերպել նախագծանախահաշվային փաստաթղթերի կազմման աշխատանքների գնման մրցութային գործընթաց` Հայաստանի Հանրապետության օրենսդրությամբ սահմանված կարգով:
(9.2-րդ կետը լրաց. 26.12.2019 թիվ 1935-Ն որոշում)
9.3. Համայնքները մեքենասարքավորումների և գույքի ձեռքբերման ու շինարարական օբյեկտների նախագծման մրցույթի հրապարակման, ստորագրված արձանագրությունների և կնքված պայմանագրերի պատճենները ներկայացնում են համապատասխան մարզպետի աշխատակազմ:
(9.3-րդ կետը լրաց. 26.12.2019 թիվ 1935-Ն որոշում)
10. Համայնքներն ստացված դիրքորոշումների և դիտողությունների հիման վրա կազմում են սույն կարգի 12-րդ կետի դրույթների համաձայն սուբվենցիայի ամբողջական փաթեթները և ներկայացնում են համապատասխան մարզպետների աշխատակազմեր մինչև ծրագրի իրականացման տարվան նախորդող տարվա նոյեմբերի 25-ը: 2023 թվականի սուբվենցիայի ամբողջական փաթեթները ներկայացվում են համապատասխան մարզպետների աշխատակազմեր մինչև 2023 թվականի մարտի 6-ը:
(10-րդ կետը փոփ. 26.12.2019 թիվ 1935-Ն, 07.05.2020 թիվ 700-Ն, 25.02.2022 թիվ 292-Ն, 09.06.2022 թիվ 828-Ն, 21.07.2022 թիվ 1119-Ն, 23.06.2022 թիվ 940-Ն, 02.03.2023 թիվ 270-Ն որոշումներ)
11. Մարզպետների աշխատակազմերը սուբվենցիայի փաթեթն ստանալուց հետո, ստուգելով դրանց համապատասխանությունը սույն կարգի դրույթներին և հայտերով ներկայացվող ծրագրերի իրականացման իրագործելիության և ֆինանսական ցուցանիշների համապատասխանության մասով առարկություններ չունենալու դեպքում կից գրությամբ փաթեթը ներկայացնում են նախարարություն` մինչև ծրագրի իրականացման նախորդող տարվա դեկտեմբերի 5-ը, իսկ 2023 թվականի սուբվենցիայի ամբողջական փաթեթները նախարարություն են ներկայացվում մինչև 2023 թվականի մարտի 15-ը: Առարկություններ ունենալու դեպքում վերադարձնում է փաթեթը համապատասխան համայնքի ղեկավարին` լրամշակման, և համայնքի ղեկավարի կողմից հինգ աշխատանքային օրվա ընթացքում, բայց ոչ ուշ, քան սույն կետով սահմանված ժամկետը, լրամշակված փաթեթը չներկայացվելու դեպքում հայտը համարվում է վերադարձված:
(11-րդ կետը փոփ. 20.06.2019 թիվ 759-Ն, 26.12.2019 թիվ 1935-Ն, 07.05.2020 թիվ 700-Ն, 25.02.2022 թիվ 292-Ն, 09.06.2022 թիվ 828-Ն, 21.07.2022 թիվ 1119-Ն, 23.06.2022 թիվ 940-Ն, 02.03.2023 թիվ 270-Ն որոշումներ)
12. Սուբվենցիայի ամբողջական փաթեթը ներառում է`
1) սուբվենցիայի հայտը.
2) ծրագրի իրականացման նպատակահարմարության վերաբերյալ`
ա. Հայաստանի Հանրապետության համապատասխան համայնքի ավագանու որոշումը, բացառությամբ այն համայնքների, որտեղ Հայաստանի Հանրապետության օրենսդրությամբ սահմանված կարգով ավագանի չի ձևավորվել,
բ. Հայաստանի Հանրապետության համապատասխան համայնքի ղեկավարի գրությունը,
գ. Հայաստանի Հանրապետության համապատասխան մարզպետի ուղեկցող գրությունը.
3) ծրագիրն իրականացնելու նպատակով կազմակերպված հանրային լսումների արձանագրությունը.
4) շինարարական ծրագրերի դեպքում նախագծանախահաշվային փաստաթղթերի լրակազմ փաթեթը, այդ թվում` նախագծի ելակետային տվյալները` ճարտարապետահատակագծային առաջադրանքը, տեխնիկական պայմանները, տարածքի ինժեներաերկրաբանական հետազննության և գոյություն ունեցող շենքերի և շինությունների փաստացի տեխնիկական վիճակի հետազննության եզրակացությունները, ինչպես նաև նախագծի, այդ թվում` նախագծանախահաշվային փաստաթղթերի վերաբերյալ տրված փորձաքննության դրական եզրակացությունը, շահագրգիռ մարմինների համաձայնեցումները և (կամ) «Գնումների մասին» Հայաստանի Հանրապետության օրենքի 15-րդ հոդվածի 6-րդ մասի պահանջներին համապատասխան կազմակերպված մրցակցային ընթացակարգի արդյունքում կնքված պայմանագրերը.
5) մեքենասարքավորումների, տեխնիկայի և գույքի ձեռքբերման դեպքում`
ա. դրանց տեխնիկական բնութագրերը, ֆինանսական գնահատականները և առնվազն երեք կազմակերպությունների կողմից տրված գնահարցումները,
բ. համայնքի ղեկավարի երաշխավորագիրը`
- դրանց առնվազն 10 տարի ժամկետով շահագործման, սպասարկման ու պահպանման ծախսերը հոգալու և այդ ծախսերը համայնքային բյուջեներում նախատեսելու,
- մատուցված ծառայությունները համայնքի բնակչությանը հասանելի լինելու,
- մատուցված ծառայությունների դիմաց ստացված եկամուտը համայնքային բյուջե մուտքագրելու և այն համայնքի սոցիալ-տնտեսական զարգացմանն ուղղելու վերաբերյալ.
5.1) Բնակավայրի փողոցների կառուցման և նորոգման դեպքում`
ա. հատակագծերով սահմանված փողոցների ընդգծված պատկերը,
բ. այդ ճանապարհների սպասարկման ու պահպանման ծախսերը համայնքային բյուջեում և միջնաժամկետ ծախսային ծրագրում ներառելու վերաբերյալ տեղեկանքը,
գ. այդ ճանապարհների ստորգետնյա ենթակառուցվածքների վերաբերյալ տեղեկատվություն և հավաստիացում, որ ծրագրով նախատեսվող շինարարական աշխատանքների երաշխիքային ժամկետի ընթացքում չեն նախատեսվում նշված հատվածներում այլ ստորգետնյա ենթակառուցվածքների կառուցման ու վերանորոգման աշխատանքներ.
5.2) ոռոգման համակարգերի կառուցման ու նորոգման դեպքում` ծրագրի արդյունքում ակնկալվող ոռոգելի հողատարածքների և դրանց չափերի քարտեզային պատկերը.
5.3) նախադպրոցական հաստատությունների, հասարակական շենքերի և քաղաքացիական պաշտպանության ենթակառուցվածքների կառուցման ու վերակառուցման դեպքում` դրանց շահագործման ու պահպանման ծախսերը համայնքային բյուջեում և միջնաժամկետ ծախսային ծրագրում ներառելու վերաբերյալ տեղեկանքը.
6) մասնավոր հատվածի (կազմակերպություններ, բնակչություն) կողմից համաֆինանսավորման դեպքում տվյալ ծրագրի համաֆինանսավորման հստակ չափի վերաբերյալ տեղեկանքը և (կամ) պայմանագիրը, ինչպես նաև նպատակային ծախսի վերաբերյալ համայնքի ղեկավարի երաշխավորագիրը.
7) տեղեկանք` սուբվենցիայի ծրագրի իրականացման համար ֆոնդային բյուջեում նախատեսվող գումարի մասին.
7.1) քաղվածք` սուբվենցիայի ծրագրի վերաբերյալ ավագանու կողմից հաստատված համայնքի միջնաժամկետ ծախսերի ծրագրից.
7.2) նախորդ տարվա հարկերի, տուրքերի և այլ վճարների հավաքագրման մակարդակը 90 տոկոսից ցածր լինելու դեպքում` տեղեկանք-հիմնավորումներ նշված հարկատեսակների թերհավաքագրման պատճառների և դրանց վերացմանն ուղղված ձեռնարկվող գործողությունների վերաբերյալ.
8) այլ փաստաթղթեր` ըստ անհրաժեշտության:
(12-րդ կետը փոփ. 26.12.2019 թիվ 1935-Ն, 07.05.2020 թիվ 700-Ն, 25.02.2022 թիվ 292-Ն, 23.06.2022 թիվ 940-Ն, 02.03.2023 թիվ 270-Ն, 02.11.2023 թիվ 1909-Ն որոշումներ)
13. Համայնքների տնտեսական և սոցիալական ենթակառուցվածքների զարգացմանն ուղղված սուբվենցիաների հայտերն ստանալուց հետո նախնական քննարկվում են նախարարությունում` հայտերի` սույն կարգի դրույթներին համապատասխանության մասով:
(13-րդ կետը փոփ. 26.12.2019 թիվ 1935-Ն որոշում)
14. Սույն կարգի դրույթներին չհամապատասխանող, ինչպես նաև Հայաստանի Հանրապետության կառավարության 2006 թվականի նոյեմբերի 16-ի N 1708-Ն որոշման N 3 հավելվածով սահմանված ծրագրային հայտի ձևաչափին անհամապատասխան և պահանջվող թերի փաստաթղթերով սուբվենցիայի հայտերը վերադարձվում են համայնքների ղեկավարներին` լրամշակման` ժամկետ սահմանելով 7 աշխատանքային օր, բայց ոչ ուշ, քան սույն կարգով սահմանված սուբվենցիայի հայտերի փաթեթների ընդունման վերջնաժամկետը:
(14-րդ կետը փոփ. 26.12.2019 թիվ 1935-Ն, 02.03.2023 թիվ 270-Ն որոշումներ)
15. Նախարարությունը, ամփոփելով ծրագրային հայտերը և կից փաստաթղթերը, ներկայացնում է Հայաստանի Հանրապետության վարչապետի որոշմամբ ստեղծված սուբվենցիայի ծրագրերի գնահատման միջգերատեսչական հանձնաժողովի (այսուհետ` հանձնաժողով) անդամներին, ինչպես նաև, անհրաժեշտության դեպքում, այլ շահագրգիռ մարմինների քննարկմանը:
(15-րդ կետը փոփ. 26.12.2019 թիվ 1935-Ն որոշում)
16. Հանձնաժողովի անդամները, հայտերն ստանալուց հետո տասը աշխատանքային օրվա ընթացքում, ելնելով համայնքի զարգացման և (կամ) հրատապ հարցերի հիմնալուծման վրա ազդեցությունից` տալիս են ծրագրային հայտերի վերաբերյալ եզրակացությունները, այդ թվում` դրական կամ բացասական դիրքորոշումները և ներկայացնում նախարարություն:
(16-րդ կետը փոփ. 02.03.2023 թիվ 270-Ն որոշում)
17. Նախարարությունը ամփոփելով հանձնաժողովի անդամների, ինչպես նաև այլ շահագրգիռ մարմինների կողմից հայտերի վերաբերյալ ներկայացված կարծիքները և արդյունքները, ներկայացնում է հանձնաժողովի նիստի քննարկմանը: Ընդ որում, հանձնաժողովի նիստերում սուբվենցիայի հայտերը քննարկվում են մինչև ընթացիկ տարվա փետրվարի 15-ը: 2023 թվականին հանձնաժողովի նիստերում սուբվենցիայի հայտերը քննարկվում են մինչև 2023 թվականի մարտի 31-ը:
(17-րդ կետը փոփ. 26.12.2019 թիվ 1935-Ն, 07.05.2020 թիվ 700-Ն, 25.02.2022 թիվ 292-Ն, 09.06.2022 թիվ 828-Ն, 21.07.2022 թիվ 1119-Ն, 23.06.2022 թիվ 940-Ն, 02.03.2023 թիվ 270-Ն որոշումներ)
17.1. Սույն կարգի 4-րդ, 5-րդ, 10-րդ և 11-րդ կետերով սահմանված ժամկետներում Հայաստանի Հանրապետության օրենսդրությամբ սահմանված կարգով համայնքի ղեկավար չընտրվելու և (կամ) ավագանի չձևավորվելու դեպքերում, որպես բացառություն`
1) սույն կարգի 4-րդ կետով սահմանված փաստաթղթերը համայնքների ղեկավարները կարող են ներկայացնել համապատասխան մարզպետի աշխատակազմ` նաև մինչև ծրագրի իրականացման ընթացիկ տարվա հունվարի 30-ը.
2) սույն կարգի 5-րդ կետով սահմանված դրույթներին համապատասխան սուբվենցիայի հայտը և բնութագիրը համապատասխան մարզպետների աշխատակազմերը կարող են նախարարություն ներկայացնել նաև մինչև ծրագրի իրականացման ընթացիկ տարվա փետրվարի 3-ը.
3) սույն կարգի 10-րդ կետով սահմանված սուբվենցիայի ամբողջական փաթեթները համայնքները կարող են համապատասխան մարզպետների աշխատակազմեր ներկայացնել` նաև մինչև ծրագրի իրականացման ընթացիկ տարվա մայիսի 25-ը.
4) սույն կարգի 11-րդ կետով սահմանված սուբվենցիայի ամբողջական փաթեթները մարզպետների աշխատակազմերը կարող են նախարարություն ներկայացնել մինչև ծրագրի իրականացման ընթացիկ տարվա մայիսի 30-ը.
5) սույն կարգի 17-րդ կետով սահմանված հանձնաժողովի նիստերում սուբվենցիայի հայտերը կարող են քննարկվել մինչև ծրագրի իրականացման տարվա հունիսի 15-ը:
(17.1-ին կետը լրաց. 02.03.2023 թիվ 270-Ն որոշում)
18. Հանձնաժողովը նիստի ընթացքում տալիս է հայտի վերաբերյալ դրական, բացասական կամ լրամշակման վերադարձնելու մասին եզրակացություն` ելնելով`
1) տարածքների համաչափ զարգացման միտումներից.
2) համայնքի սոցիալ-տնտեսական զարգացման վրա էական ազդեցությունից.
3) համայնք-մասնավոր համագործակցության առկայությունից:
19. Հանձնաժողովի նիստի ընթացքում յուրաքանչյուր սուբվենցիայի հայտի վերաբերյալ դրական, բացասական կամ լրամշակման վերադարձնելու մասին եզրակացությունը տրվում է հանձնաժողովի անդամների բաց քվեարկությամբ` ձայների պարզ մեծամասնությամբ: Ձայների հավասարության դեպքում հանձնաժողովի նախագահի ձայնը վճռորոշ է:
20. Լրամշակման վերադարձվող յուրաքանչյուր հայտի լրամշակման ժամկետը սահմանում է հանձնաժողովը, բայց ոչ ավելի, քան 20 աշխատանքային օրը:
21. Հանձնաժողովի որոշմամբ սահմանված ժամկետում լրամշակված սուբվենցիայի հայտերը քննարկվում են հանձնաժողովի նիստում` հայտերում կատարված փոփոխությունների ներկայացմամբ` հանձնաժողովի քարտուղարի կողմից:
22. Հանձնաժողովի դրական եզրակացության դեպքում նախարարությունը դրա մասին երեք աշխատանքային օրվա ընթացքում տեղեկացնում է համապատասխան հայտ ներկայացնող համայնքի ղեկավարին` նշելով Հայաստանի Հանրապետության պետական բյուջեից համայնքին սուբվենցիայի տրամադրման տոկոսը և վերջինիս առաջարկում է կազմակերպել գնման մրցակցային գործընթաց` Հայաստանի Հանրապետության օրենսդրությամբ սահմանված կարգով, և մրցույթի արդյունքներով հաստատված հայտի բյուջեն ներկայացնել նախարարություն:
22.1. (22.1-ին կետն ուժը կորցրել է 25.02.2022 թիվ 292-Ն որոշում)
22.2. (22.2-րդ կետն ուժը կորցրել է 25.02.2022 թիվ 292-Ն որոշում)
22.3. (22.3-րդ կետն ուժը կորցրել է 25.02.2022 թիվ 292-Ն որոշում)
23. Հայաստանի Հանրապետության տարածքային կառավարման և ենթակառուցվածքների նախարարը Հայաստանի Հանրապետության օրենսդրությամբ սահմանված կարգով, ինչպես նաև հիմք ընդունելով սույն որոշման N 4 հավելվածով սահմանված ծրագրերի իրականացման, հսկողության, մշտադիտարկման գործընթացները` Հայաստանի Հանրապետության կառավարություն է ներկայացնում առաջարկություն` ծրագիրը կամ դրա չափաբաժինները ֆինանսավորելու համար Հայաստանի Հանրապետության պետական բյուջեից համապատասխան համայնքին սուբվենցիայի տեսքով միջոցներ հատկացնելու վերաբերյալ:
(23-րդ կետը փոփ. 26.12.2019 թիվ 1935-Ն, 23.06.2022 թիվ 940-Ն որոշումներ)
24. Հայաստանի Հանրապետության պետական բյուջեից Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիա տրամադրվում է սուբվենցիայի ծրագրի ընդհանուր արժեքի հետևյալ չափաբաժնով` ըստ ծրագրի հետևյալ ոլորտների`
.______________________________________________________________________.
|Ծրագրի ոլորտը |Հայաստանի Հանրապետության պետական |
| |բյուջեից տրամադրվող սուբվենցիայի |
| |չափաբաժինը, տոկոս |
| |_______________________________________|
| |մայրա- |մայրա- |մայրա- |բարձր |Սահմա- |
| |քաղաքից|քաղաքից |քաղաքից|լեռ- |նամերձ |
| |մինչև |60 կմ-ից|100 |նային |բնակա- |
| |60 կմ |ավելի և |կմ-ից |բնակա-|վայր |
| |հեռա- |մարզ- |ավելի |վայր | |
| |վորու- |կենտրո- |հեռավո-| | |
| |թյուն |նից |րու- | | |
| |ունեցող|մինչև |թյուն | | |
| |բնակա- |30 կմ |ունեցող| | |
| |վայր |հեռա- |բնակա- | | |
| | |վորու- |վայր | | |
| | |թյուն | | | |
| | |ունեցող | | | |
| | |բնակա- | | | |
| | |վայր | | | |
|______________________________|_______|________|_______|______|_______|
|Խմելու ջրամատակարարման, ինչպես| 65| 65| 70| 75| 75|
|նաև ջրահեռացման համակարգի | | | | | |
|կառուցում/նորոգում | | | | | |
|______________________________|_______|________|_______|______|_______|
|Ոռոգման համակարգի | 65| 65| 70| 75| 75|
|կառուցում/նորոգում | | | | | |
|______________________________|_______|________|_______|______|_______|
|Բնակավայրի փողոցների | 35| 40| 45| 50| 55|
|կառուցում/նորոգում | | | | | |
|ասֆալտապատմամբ | | | | | |
|______________________________|_______|________|_______|______|_______|
|Ներհամայնքային (տեղական | 55| 60| 65| 70| 75|
|նշանակության) փողոցների ու | | | | | |
|մայթերի կառուցում / | | | | | |
|վերակառուցում, հիմնանորոգում, | | | | | |
|բնական քարով (այդ թվում` | | | | | |
|չմշակված) սալարկում, | | | | | |
|խճապատում` համալիր բարեկարգման| | | | | |
|միջոցառումների ու տարրերի | | | | | |
|կիրառմամբ | | | | | |
|______________________________|_______|________|_______|______|_______|
|Ներհամայնքային (տեղական | 25| 30| 35| 40| 45|
|նշանակության) փողոցների ու | | | | | |
|մայթերի կառուցում / | | | | | |
|վերակառուցում, հիմնանորոգում, | | | | | |
|բետոնե սալիկներով սալարկում, | | | | | |
|խճապատում` համալիր բարեկարգման| | | | | |
|միջոցառումների ու տարրերի | | | | | |
|կիրառմամբ | | | | | |
|______________________________|_______|________|_______|______|_______|
|Հեռագնա արոտների ճանապարհների | 40| 45| 50| 55| 60|
|բարելավում | | | | | |
|______________________________|_______|________|_______|______|_______|
|Փողոցային լուսավորության | 45| 50| 55| 60| 70|
|համակարգի կառուցում/նորոգում | | | | | |
|______________________________|_______|________|_______|______|_______|
|Վերականգնվող էներգետիկա, | 45| 50| 55| 60| 70|
|այդ թվում` արևային | | | | | |
|ֆոտովոլտային կայանների | | | | | |
|տեղադրում | | | | | |
|______________________________|_______|________|_______|______|_______|
|Բնակավայրերի գազիֆիկացում | 45| 50| 55| 60| 65|
|______________________________|_______|________|_______|______|_______|
|Նախադպրոցական հաստատություն- | 70| 70| 70| 75| 80|
|ների կառուցում, վերակառուցում/| | | | | |
|նորոգում, ինչպես նաև | | | | | |
|համապատասխան գույքի և | | | | | |
|կահավորանքի ձեռքբերում | | | | | |
|______________________________|_______|________|_______|______|_______|
|Բազմաբնակարան շենքերի | 35| 40| 45| 50| 60|
|ընդհանուր բաժնային | | | | | |
|սեփականության գույքի նորոգում,| | | | | |
|այդ թվում` էներգախնայող | | | | | |
|միջոցառումների կիրառում | | | | | |
|______________________________|_______|________|_______|______|_______|
|Մեքենասարքավորումների, | 35| 40| 45| 50| 60|
|տեխնիկայի և գույքի ձեռքբերում| | | | | |
բացառությամբ աղբահանության
ծառայության մատուցման համար
անհրաժեշտ մեքենասարքավորում-
ների, տեխնիկայի և գույքի
|______________________________|_______|________|_______|______|_______|
|Աղբահանության ծառայությունների| 50| 50| 55| 60| 65|
|մատուցման համար մեքենասարքա- | | | | | |
|վորումների, տեխնիկայի և | | | | | |
|աղբամանների ձեռքբերում | | | | | |
|______________________________|_______|________|_______|______|_______|
|Աղբավայրերի բարեկարգում կամ | 40| 45| 50| 55| 60|
|փակում | | | | | |
|______________________________|_______|________|_______|______|_______|
|Հասարակական շենքերի (մշակույթի| 35| 40| 45| 50| 60|
|տուն, համայնքային կենտրոններ | | | | | |
|և այլն) կառուցում / | | | | | |
|վերանորոգում, ինչպես նաև | | | | | |
|համապատասխան գույքի և | | | | | |
|կահավորանքի ձեռքբերում | | | | | |
|______________________________|_______|________|_______|______|_______|
|Այգիների, պուրակների | 30| 35| 40| 45| 55|
|կառուցում/բարեկարգում | | | | | |
|______________________________|_______|________|_______|______|_______|
|Օպտիկամանրաթելային ցանցի/ | 10| 15| 20| 30| 55|
|կապուղու կառուցում, | | | | | |
|բարելավում | | | | | |
|______________________________|_______|________|_______|______|_______|
|Քաղաքացիական պաշտպանության | 30| 35| 40| 45| 65|
|ենթակառուցվածքների, ինչպես | | | | | |
|նաև ապաստարանների կառուցում | | | | | |
|և նորոգում | | | | | |
|______________________________|_______|________|_______|______|_______|
|Համայնքների քաղաքաշինական | 30| 35| 40| 45| 55|
|փաստաթղթերի մշակում | | | | | |
.______________________________________________________________________.
(24-րդ կետը փոփ. 26.12.2019 թիվ 1935-Ն, 07.05.2020 թիվ 700-Ն, 25.02.2022 թիվ 292-Ն, 23.06.2022 թիվ 940-Ն, 02.11.2023 թիվ 1909-Ն որոշումներ)
24.1. Մասնավոր հատվածի (կազմակերպություններ, ընկերություններ, բնակչություն), ինչպես նաև այլ դոնոր կազմակերպությունների կողմից ծրագրի 20 տոկոս և ավելի համաֆինանսավորման դեպքում Հայաստանի Հանրապետության պետական բյուջեից համաֆինանսավորման չափաբաժինն ավելանում է 5 տոկոսով:
24.2. Ազգային փոքրամասնություններով բնակեցված մինչև 100,0 մլն դրամ համայնքային բյուջե ունեցող համայնքների դեպքում յուրաքանչյուր ծրագրի համար Հայաստանի Հանրապետության պետական բյուջեից համաֆինանսավորման չափաբաժինն ավելանում է 15 տոկոսով:
(24.2-րդ կետը փոփ. 02.11.2023 թիվ 1909-Ն որոշում)
24.3. Խոշորացված համայնքի տարբեր բնակավայրերում իրականացվող ծրագրի դեպքում` Հայաստանի Հանրապետության պետական բյուջեից Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի չափաբաժինը որոշվում է իրականացվող ծրագրի շրջանակներում 50 և ավել տոկոս կազմող բնակավայրերի աշխարհագրական դիրքին համապատասխան չափաբաժիններով:
24.4. «Բազմաբնակարան շենքերի ընդհանուր բաժնային սեփականության գույքի նորոգում, այդ թվում` էներգախնայող միջոցառումների կիրառում» ծրագրի կիրառման դեպքում` պարտադիր պահանջ է բազմաբնակարան շենքերի բնակիչների համաֆինանսավորման մասնակցությունը` ծրագրի ընդհանուր արժեքի 5 տոկոս և ավելիի չափով` ամբողջական էներգախնայող միջոցառումների կիրառման դեպքում, և 10 տոկոս և ավել համաֆինանսավորման չափով` առանց էներգախնայող միջոցառումների կիրառման դեպքում:
24.5. Դոնոր կազմակերպության կողմից ծրագրի ընդհանուր արժեքի 51 և ավել տոկոս համաֆինանսավորման դեպքում նախագծման և շինարարական, ինչպես նաև գույքի ու տեխնիկայի ձեռքբերման գործընթացները կարող են իրականացվել նշված կազմակերպության կողմից` «Գնումների մասին» Հայաստանի Հանրապետության օրենքի դրույթների համաձայն, և ողջ գործընթացը համաձայնեցնելով համապատասխան համայնքների և մարզպետների աշխատակազմերի հետ:
(24-րդ կետը փոփ. 26.12.2019 թիվ 1935-Ն, 07.05.2020 թիվ 700-Ն, 25.02.2022 թիվ 292-Ն, 13.01.2022 թիվ 37-Ն որոշումներ)
25. Սուբվենցիան համայնքին տրամադրվում է Հայաստանի Հանրապետության կառավարության 2006 թվականի նոյեմբերի 16-ի N 1708-Ն որոշման 1-ին կետով հաստատված կարգի 2-րդ բաժնով սահմանված ընթացակարգին համապատասխան:
26. Հանձնաժողովի կողմից դրական եզրակացություն ստացած հայտերը Հայաստանի Հանրապետության պետական բյուջեից համաֆինանսավորվում են մրցութային փուլի արդյունքներով հաստատված հայտի ընդհանուր գումարի համապատասխան տոկոսի չափով: Ծրագրի ընդհանուր գումարից Հայաստանի Հանրապետության պետական բյուջեի համապատասխան չափաբաժնով համաֆինանսավորումը կատարվում է համապատասխան համայնքի չափաբաժնի ֆինանսավորումից հետո: Ծրագրի իրականացման արդյունքում խնայված, ինչպես նաև կապալառուի կողմից գանձվող տույժ ու տուգանքների գումարը բաշխվում է համամասնորեն:
(26-րդ կետը փոփ. 26.12.2019 թիվ 1935-Ն որոշում)
(2-րդ հավելվածը լրաց. 31.01.2019 թիվ 62-Ն, 23.05.2024 թիվ 737-Ն որոշումներ)
Հավելված N 3
ՀՀ կառավարության
2006 թվականի նոյեմբերի 16-ի
N 1708-Ն որոշման
Ձև
ՀԱՅՏ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՄԱՅՆՔՆԵՐԻ ՏՆՏԵՍԱԿԱՆ ԵՎ ՍՈՑԻԱԼԱԿԱՆ ԵՆԹԱԿԱՌՈՒՑՎԱԾՔՆԵՐԻ ԶԱՐԳԱՑՄԱՆՆ ՈՒՂՂՎԱԾ ՍՈՒԲՎԵՆՑԻԱՆԵՐԻ
._____________________________________________________________________.
|Ծրագրի անվանումը |Ծրագրի անվանումը պետք է հնարավորինս հստակ |
| |արտացոլի ծրագրի էությունը: |
|____________________|________________________________________________|
|Մարզ |Մարզի անվանումը: |
|____________________|________________________________________________|
|Համայնքը/համայնքները|Համայնքի անվանումը: Խոշորացված համայնքների |
| |դեպքում մասնակից բնակավայրերի անվանումները: |
|____________________|________________________________________________|
|Համայնքի/բնակավայրի |....կմ»», կմ |
|հեռավորությունը | |
|մայրաքաղաք Երևանից, | |
|ինչպես նաև | |
|մարզկենտրոնից | |
|____________________|________________________________________________|
|Համայնքի/բնակավայրի |Համայնքի .... մարդ, ծրագիրն իրականացնող |
|բնակչությունը |բնակավայրի/բնակավայրերի .... մարդ |
|____________________|________________________________________________|
|Սահմանամերձ |Նշել, եթե համայնքը հանդիսանում է սահմանամերձ կամ|
|համայնք/բնակավայր |ծրագիր իրականացնող ո՞ր բնակավայրը/բնակավայրերն |
| |են հանդիսանում սահմանամերձ |
|____________________|________________________________________________|
|Բարձր |Նշել, եթե համայնքը, և ծրագիրն իրականացնող |
|լեռնային համայնք/ բնակավայրը/բնակավայրերը հանդիսանում է |
|բնակավայր |բարձր լեռնային համայնք |
|____________________|________________________________________________|
|Համայնքի գլխավոր |Այո/ ոչ, |
|հատակագծի |Այո-ի դեպքում նշել հաստատման ամսաթիվը |
|առկայություն | |
|____________________|________________________________________________|
|Համայնքի բնակավայրի |Ներկայացնել համայնքի (բնակավայրի) |
|ենթակառուցվածքների |ջրամատակարարման, ջրահեռացման, |
|վերաբերյալ հակիրճ |էլեկտրագազամատակարարման, ոռոգման, փողոցային |
|տեղեկատվություն` |լուսավորության վիճակի վերաբերյալ |
|հստակ նշելով` |տեղեկատվություն: |
| - ջրամատակարարմա| |
|և ջրահեռացման | |
|համակարգից օգտվող | |
|համայնքի բնակչության| |
|տոկոսը և | |
|ջրամատակարարման | |
|տևողությունը, | |
|- գազամատակարարման | |
|համակարգից օգտվող | |
|համայնքի բնակչության| |
|տոկոսը, | |
|- ոռոգման համակարգից| |
|օգտվող բնակչության | |
|տոկոսը և համայնքում| |
|գյուղատնտեսական | |
|հողերից ոռոգվող | |
|հողատարածքների | |
|տոկոսը, | |
|- լուսավորության | |
|համակարգի | |
|առկայությամբ | |
|փողոցների տոկոսը` | |
|համայնքի ընդհանուր | |
|փողոցների մեջ և | |
|նշել էներգախնայող | |
|և ԼԵԴ | |
|լուսավորություն է, | |
|թե ոչ | |
|____________________|________________________________________________|
|Ծրագրի ընդհանուր |Մանրամասն նկարագրել, թե որոնք են այն առկա |
|նկարագրությունը և |կոնկրետ խնդիրները, որոնք պետք է լուծել ծրագրի |
|դրա իրականացման |ընդհանուր նպատակին և ակնկալվող արդյունքներին |
|անհրաժեշտությունը |հասնելու համար: Խնդիրները պետք է լինեն |
| |հնարավորինս կոնկրետ, չափելի և իրատեսական: |
| |Ներկայացնել ծրագրի իրականացման անհրաժեշտությունը|
| |հիմնավորող բացատրագիր: |
|____________________|________________________________________________|
|Ծրագրի ակնկալվող |Նշել այն արդյունքները, որոնց պետք է հասնել |
|արդյունքները, որոնց |ծրագրի շրջանակներում վերջինիս իրականացման |
|միջոցով պետք է |նպատակին հասնելու համար: |
|հասնել ծրագրի |Ներկայացնել ծրագրերի համապատասխանելիությունը |
|իրականացման |համայնքի զարգացման ռազմավարության հետ և դրանց |
|նպատակին |իրագործման շոշափելի ազդեցությունը միջնաժամկետ և |
| |երկարաժամկետ կտրվածքով: |
| |Ներկայացնել, թե ծրագրի իրականացման արդյունքում |
| |ինչպե՞ս կփոխվի համայնքի բնակչության ապրելակերպը |
| |և կյանքի որակը ծրագրի ավարտից հետո` միջնաժամկետ|
| |և երկարաժամկետ ազդեցությունները: Հիմնավորել` |
| |ցույց տալով կապը ծրագրի շրջանակներում լուծվող |
| |խնդիրների և իրականացվող գործունեության |
| |արդյունքների հետ: |
| |Սպասվող արդյունքների\նկարագրությունը պետք է |
| |լինի հնարավորինս կոնկրետ, իրատեսական, գնահատելի |
| |և չափելի: |
|____________________|________________________________________________|
|Ծրագրի արդյունքներին|Մանրամասն նկարագրել ծրագրի շրջանակներում |
|հասնելու |նախատեսվող գործողություններն ու միջոցառումները, |
|գործողությունները և |դրանց ժամկետները և ծախսերը, որոնք պետք է լինեն |
|միջոցառումները |հստակ և չափելի: |
| |Մանրամասն ներկայացնել իրականացվող աշխատանքների |
| |ծավալները |
| (այդ թվում` շինարարական աշխատանքների |
| ծավալները, կառուցվող և նորոգվող փողոցների ու |
| մայթերի երկարություններն ու մակերեսները, |
| ջրամատակարարման, կոյուղու, ոռոգման և գազի |
| խողովակների երկարությունները և |
| նկարագրությունները, լուսավորության հաղորդալարերի|
| երկարությունները, հենասյուների քանակը, |
| լուսատուների (ԼԵԴ) նկարագրությունները |
|____________________|________________________________________________|
|Ծրագրի իրականացման |Ներկայացնել, թե ծրագրի իրականացումն ինչ |
|արդյունքում |ազդեցություն կունենա համայնքին սեփականության |
|համայնքին |իրավունքով պատկանող հիմնական միջոցների արժեքի |
|սեփականության |վրա, մասնավորապես, նշելով, որ գույքը, որի վրա |
|իրավունքով պատկանող |պլանավորվում է ազդեցությունը, սեփականության |
|հիմնական միջոցների |իրավունքով պատկանում է համայնքին: |
|արժեքի ավելացում, | |
|բացառությամբ | |
|բազմաբնակարան | |
|շենքերի ընդհանուր | |
|բաժնային | |
|սեփականության գույքի| |
| |Նշել, որ ծրագրով նախատեսվող ծախսերը կապիտալ |
| |բնույթի են: |
|____________________|________________________________________________|
(3-րդ հավելվածը լրաց. 31.01.2019 թիվ 62-Ն, 26.12.2019 թիվ 1935-Ն, 25.02.2022 թիվ 292-Ն, 13.01.2022 թիվ 37-Ն, 23.06.2022 թիվ 940-Ն, 02.03.2023 թիվ 270-Ն, 02.11.2023 թիվ 1909-Ն որոշումներ)
---------------------------------------------------------------
ԻՐՏԵԿ - շարունակությունը հաջորդ մասում