ՀՀ-ՈՒՄ ԵՐԿԱԹՈՒՂԱՅԻՆ ՏՐԱՆՍՊՈՐՏԻ ԳՈՐԾՈՒՆԵՈՒԹՅԱՆ ԿԱԶՄ ...

040.1044.300702

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«30» հուլիսի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

4 հուլիսի 2002 թվականի N 1044-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԵՐԿԱԹՈՒՂԱՅԻՆ ՏՐԱՆՍՊՈՐՏԻ ԳՈՐԾՈՒՆԵՈՒԹՅԱՆ ԿԱԶՄԱԿԵՐՊՄԱՆ ԼԻՑԵՆԶԱՎՈՐՄԱՆ ԿԱՐԳԸ ԵՎ ԼԻՑԵՆԶԻԱՅԻ ՁԵՎԸ ՀԱՍՏԱՏԵԼՈՒ ՄԱՍԻՆ

Համաձայն «Լիցենզավորման մասին» Հայաստանի Հանրապետության օրենքի 10-րդ հոդվածի երրորդ և 17-րդ հոդվածի երկրորդ մասերի` Հայաստանի Հանրապետության կառավարությունը որոշում է.

Հաստատել`

ա) Հայաստանի Հանրապետությունում երկաթուղային տրանսպորտի գործունեության կազմակերպման լիցենզավորման կարգը` համաձայն N 1 հավելվածի.

բ) երկաթուղային տրանսպորտի գործունեության կազմակերպումն իրականացնելու համար Հայաստանի Հանրապետության տարածքային կառավարման և ենթակառուցվածքների նախարարության կողմից տրվող լիցենզիայի ձևը` համաձայն N 2 հավելվածի:

(բ կետը փոփ. 06.06.2019 թիվ 733-Ն որոշում)

(որոշումը փոփ. 01.02.18 թիվ 79-Ն որոշում)

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2002 ԹՎԱԿԱՆԻ ՀՈՒԼԻՍԻ 24-ԻՆ

Հավելված N 1

Հայաստանի Հանրապետության

կառավարության 2002 թվականի

հուլիսի 4-ի N 1044-Ն որոշման

ԿԱՐԳ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԵՐԿԱԹՈՒՂԱՅԻՆ ՏՐԱՆՍՊՈՐՏԻ ԳՈՐԾՈՒՆԵՈՒԹՅԱՆ ԿԱԶՄԱԿԵՐՊՄԱՆ ԼԻՑԵՆԶԱՎՈՐՄԱՆ

1. Հայաստանի Հանրապետությունում երկաթուղային տրանսպորտի բնագավառում լիցենզավորման հարաբերությունները կարգավորվում են Հայաստանի Հանրապետության քաղաքացիական օրենսգրքով, «Լիցենզավորման մասին» Հայաստանի Հանրապետության օրենքով, Հայաստանի Հանրապետության միջազգային պայմանագրերով, օրենսդրական այլ ակտերով և սույն կարգով:

2. Սույն կարգը սահմանում է երկաթուղային տրանսպորտի գործունեության կազմակերպման լիցենզավորման կարգը:

3. Երկաթուղային տրանսպորտի գործունեության կազմակերպման լիցենզավորումն իրականացվում է «Լիցենզավորման մասին» Հայաստանի Հանրապետության օրենքով սահմանված տրվող լիցենզիաների պահանջներին համապատասխան:

(3-րդ կետը փոփ. 19.05.16 թիվ 509-Ն որոշում)

4. Երկաթուղային տրանսպորտի գործունեությունը կազմակերպելու համար սույն կարգով տրված լիցենզիաները գործում են Հայաստանի Հանրապետության ամբողջ տարածքում:

5. Երկաթուղային տրանսպորտի գործունեության կազմակերպման լիցենզավորումն ու լիցենզիաների (այսուհետ` լիցենզիա) հատկացումն իրականացնում է Հայաստանի Հանրապետության տարածքային կառավարման և ենթակառուցվածքների նախարարությունը (այսուհետ` լիցենզավորող մարմին)` լիցենզավորող հանձնաժողովի եզրակացության հիման վրա:

(5-րդ կետը փոփ. 19.05.16 թիվ 509-Ն, 06.06.2019 թիվ 733-Ն որոշումներ)

6. Լիցենզավորող հանձնաժողովի կանոնադրությունն ու անհատական կազմը հաստատում է Հայաստանի Հանրապետության տարածքային կառավարման և ենթակառուցվածքների նախարարը:

(6-րդ կետը փոփ. 06.06.2019 թիվ 733-Ն որոշում)

7. Լիցենզավորված անձը երկաթուղային տրանսպորտի գործունեությունը կազմակերպելու ընթացքում պարտավոր է ապահովել սահմանված անվտանգության, հասարակական կարգի պաշտպանության, բնապահպանական ու սանիտարահամաճարակային, հիգիենիկ, հակահրդեհային նորմերի և կանոնների պահպանումը:

8. Լիցենզիա ստանալու համար հայտը և դրան կից փաստաթղթերը կարող են ներկայացվել փոստով, թղթային կամ էլեկտրոնային տարբերակով: Էլեկտրոնային համակարգի միջոցով փաստաթղթերը ներկայացվում են Հայաստանի Հանրապետության կառավարության 2010 թվականի սեպտեմբերի 24-ի N 1283-Ն որոշմամբ սահմանված կարգին համապատասխան: Թղթային եղանակով փաստաթղթերը ներկայացնելիս` պատճենների հետ միաժամանակ ներկայացվում են փաստաթղթերի բնօրինակները, որոնք պատճենների հետ համադրելուց հետո անմիջապես վերադարձվում են հայտատուին: Փոստով հայտ ներկայացնելու դեպքում լիցենզիան տրվում է ներկայացված փաստաթղթերի պատճենները բնօրինակների հետ համադրելուց հետո` դրանց նույնական լինելու դեպքում: Փաստաթղթերը նույնական չլինելու դեպքում լիցենզիան հայտատուին չի տրամադրվում, և լիցենզիա տալու մասին լիցենզավորող մարմնի համապատասխան հրամանը Հայաստանի Հանրապետության օրենսդրությամբ սահմանված կարգով չեղյալ է ճանաչվում:

(8-րդ կետը փոփ. 28.04.11 թիվ 636-Ն, 29.03.12 թիվ 367-Ն, 05.04.12 թիվ 519-Ն որոշումներ)

8.1. Հայտատուները լիցենզավորող մարմին են ներկայացնում հետևյալ անհրաժեշտ փաստաթղթերը`

1) լիցենզիա ստանալու մասին հայտը` համաձայն N 1 ձևի.

2) հայտատուի անձնակազմի` տվյալ աշխատանքի իրականացման համար անհրաժեշտ համապատասխան բարձրագույն կամ միջին մասնագիտական կրթության մասին դիպլոմների (վկայական) պատճենները և (կամ) տվյալ մասնագիտությամբ վերջին 5 տարվա ընթացքում ոչ պակաս, քան 3 տարի անընդմեջ աշխատանքային փորձը հավաստող փաստաթղթերը.

3) երկաթուղային տրանսպորտի գործունեությամբ զբաղվելու համար օգտագործվող երկաթուղային շարժակազմի, տեխնիկական սարքավորումների տեխնիկական անձնագրերը կամ արտադրող գործարանի կողմից տրված սերտիֆիկատը կամ դրանց վերաբերյալ փորձաքննության դրական եզրակացությունը.

4) պետական տուրքի վճարման անդորրագիրը:

(8.1-ին կետը լրաց. 05.04.12 թիվ 519-Ն որոշում)

9. (9-րդ կետն ուժը կորցրել է 05.04.12 թիվ 519-Ն որոշում)

(9-րդ կետը փոփ. 29.03.12 թիվ 367-Ն որոշում)

10. Արգելվում է հայտատուից պահանջել այնպիսի փաստաթղթեր, որոնք նախատեսված չեն «Լիցենզավորման մասին» Հայաստանի Հանրապետության օրենքով և սույն կարգով:

11. (11-րդ կետն ուժը կորցրել է 05.04.12 թիվ 519-Ն որոշում)

12. Երկաթուղային տրանսպորտի գործունեության կազմակերպման համար գանձվում է պետական տուրք` «Պետական տուրքի մասին» Հայաստանի Հանրապետության օրենքով սահմանված կարգով և չափով:

12.1. Լիցենզավորող մարմինը հայտը և անհրաժեշտ փաստաթղթերն ստանալուց հետո 10 աշխատանքային օրվա ընթացքում իրականացնում է լիցենզավորման պայմաններին և պահանջներին համապատասխանության ուսումնասիրություն և դրանց համապատասխանության դեպքում կայացնում է լիցենզիա տրամադրելու մասին որոշում:

(12.1-ին կետը լրաց. 01.02.18 թիվ 79-Ն որոշում)

13. Լիցենզիա ստանալու հայտը գրավոր մերժվում է լիցենզավորող մարմին այն մուտքագրվելու օրվանից ոչ ուշ, քան 23 աշխատանքային օրվա ընթացքում:

(13-րդ կետը փոփ. 05.04.12 թիվ 519-Ն, 01.02.18 թիվ 79-Ն որոշումներ)

14. Լիցենզիա ստանալու հայտը մերժելու մասին որոշման մեջ հստակ պետք է նշվեն մերժման պատճառները և իրավական հիմքերը:

15. Լիցենզիայի ձևաթղթերն ստորագրվում են Հայաստանի Հանրապետության տարածքային կառավարման և ենթակառուցվածքների նախարարի կողմից և կնքվում նույն նախարարության` Հայաստանի Հանրապետության զինանշանի պատկերով և իր` հայերեն անվանմամբ կլոր կնիքով:

(15-րդ կետը փոփ. 05.04.12 թիվ 519-Ն, 06.06.2019 թիվ 733-Ն, 05.12.2019 թիվ 1720-Ն որոշումներ)

16. Լիցենզիայի հայտը մերժվում է «Լիցենզավորման մասին» Հայաստանի Հանրապետության օրենքի 29-րդ հոդվածում նշված հիմքերի առկայության դեպքում:

17. Հանձնաժողովի եզրակացությունը հայտատուին պատշաճ ձևով հանձնվում կամ ուղարկվում է հանձնաժողովի նիստի ավարտից հետո մեկ աշխատանքային օրվա ընթացքում:

(17-րդ կետը փոփ. 05.04.12 թիվ 519-Ն որոշում)

18. Լիցենզիան տրվում է անժամկետ:

19. Լիցենզավորված իրավաբանական անձի վերակազմակերպման կամ նրա անվանման կամ գտնվելու վայրի փոփոխման, ինչպես նաև անհատ ձեռնարկատիրոջ անվան կամ բնակության վայրի փոփոխման դեպքերում լիցենզիայի վերաձևակերպումը կատարվում է «Լիցենզավորման մասին» Հայաստանի Հանրապետության օրենքի 32-րդ հոդվածով սահմանված կարգով:

(19-րդ կետը փոփ. 05.04.12 թիվ 519-Ն որոշում)

19.1. Լիցենզիայի գործողությունը կասեցվում կամ դադարեցվում է «Լիցենզավորման մասին» Հայաստանի Հանրապետության օրենքով նախատեսված հիմքերով և կարգով:

(19.1-ին կետը լրաց. 05.04.12 թիվ 519-Ն որոշում)

20. Լիցենզավորված անձի կողմից լիցենզավորման պահանջների և պայմանների կատարման նկատմամբ հսկողությունն իրականացնում է լիցենզավորող մարմինը:

21. Լիցենզավորող մարմինն իր իրավասության սահմաններում իրավունք ունի ստուգումներ անցկացնելու լիցենզավորված անձի կողմից իրականացվող գործունեության` լիցենզավորման պահանջներին և պայմաններին համապատասխանության նպատակով:

22. «Լիցենզավորման մասին» Հայաստանի Հանրապետության օրենքի 20-22-րդ հոդվածներով սահմանված կարգով լիցենզավորող մարմինը վարում է լիցենզիաների գրանցամատյաններն ու կազմում լիցենզավորված անձանց անհատական գործերը:

Ձև N 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅՈՒՆ ՀԱՅՏ

ԵՐԿԱԹՈՒՂԱՅԻՆ ՏՐԱՆՍՊՈՐՏԻ ԳՈՐԾՈՒՆԵՈՒԹՅԱՆ ԿԱԶՄԱԿԵՐՊՄԱՆ ԼԻՑԵՆԶԻԱ ՍՏԱՆԱԼՈՒ ՄԱՍԻՆ

Հայտատու _____________________________________________________________

(իրավաբանական անձի անվանումը, ներկայացուցչի պաշտոնը, անունը,

ազգանունը կամ անհատ ձեռնարկատիրոջ անունը, ազգանունը)

Գտնվելու կամ հաշվառման վայրը _________________________________________

(իրավաբանական անձի գտնվելու վայրը կամ

անհատ ձեռնարկատիրոջ հաշվառման վայրը)

Պետական գրանցման կամ հաշվառման համարը ______________________________

(իրավաբանական անձի պետական

գրանցման կամ

____________________________________________________________________

                            անհատ ձեռնարկատիրոջ պետական հաշվառման համարը)

Խնդրում եմ տրամադրել լիցենզիա` որպես _________________________________

(ենթակառուցվածքի կառավարիչ,

սեփականատեր,

______________________________________________________________________

փոխադրող և այլք` համաձայն «Երկաթուղային տրանսպորտի մասին» ՀՀ օրենքի)

երկաթուղային տրանսպորտի գործունեություն իրականացնելու համար:

Կից ներկայացնում եմ`

1) անձնակազմի` տվյալ աշխատանքի իրականացման համար անհրաժեշտ համապատասխան բարձրագույն կամ միջին մասնագիտական կրթության մասին դիպլոմների (վկայական) պատճենները և (կամ) տվյալ մասնագիտությամբ վերջին 5 տարվա ընթացքում ոչ պակաս, քան 3 տարի անընդմեջ աշխատանքային փորձը հավաստող փաստաթղթերը` ___________ էջ.

2) երկաթուղային տրանսպորտի գործունեությամբ զբաղվելու համար օգտագործվող երկաթուղային շարժակազմի, տեխնիկական սարքավորումների տեխնիկական անձնագրերը կամ արտադրող գործարանի կողմից տրված սերտիֆիկատը կամ դրանց վերաբերյալ փորձաքննության դրական եզրակացությունը` ___________ էջ.

3) պետական տուրքի անդորրագիր` _________ էջ:

Հայտնում եմ, որ Հայաստանի Հանրապետության տարածքային կառավարման և ենթակառուցվածքների նախարարություն ներկայացված փաստաթղթերում առկա տվյալներն ամբողջական են և հավաստի:

Հայտատու _______________________________________________________

(անունը, ազգանունը)

    _________________________           _____________________

         (պաշտոնը)                        (ստորագրությունը)

_____ _______________ 20 թ.

(ձևը փոփ. 05.04.12 թիվ 519-Ն, 06.06.2019 թիվ 733-Ն որոշումներ)

Հավելված N 2

Հայաստանի Հանրապետության

կառավարության 2002 թվականի

հուլիսի 4-ի N 1044-Ն որոշման

Ձև

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅՈՒՆ

ԼԻՑԵՆԶԻԱ N

Տրվում է ______________________________________________________________

(իրավաբանական անձի անվանումը և գտնվելու վայրը, անհատ

ձեռնարկատիրոջ համար` անունը, ազգանունը և բնակության վայրը)

    Գործունեության տեսակը`       երկաթուղային տրանսպորտի

                                 գործունեության կազմակերպում

Լիցենզիայի գործողության ժամկետը`  անժամկետ

    Լիցենզիան տալու ամսաթիվը     ______________________________________

___________________________________________________________________

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ

ՆԱԽԱՐԱՐ                    __________________   ____________________

                             (ստորագրությունը)    (անունը, ազգանունը)

Կ.Տ.

(2-րդ հավելվածը փոփ. 05.04.12 թիվ 519-Ն, 06.06.2019 թիվ 733-Ն, 05.12.2019 թիվ 1720-Ն որոշումներ)

որոշումներ)