040.0837.181200
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«18» դեկտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
18 դեկտեմբերի 2000 թվականի N 837
i
ՃԱՊՈՆԻԱՅԻ ՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅԱՆ ԳՈՐԾԱԿԱԼՈՒԹՅԱՆ «ՊԱՐԵՆԱՅԻՆ ԱՐՏԱԴՐՈՒԹՅԱՆ ԱՃ» 2 KR ԾՐԱԳԻՐԸ ՄԱՐԴԱՍԻՐԱԿԱՆ ՈՐԱԿԵԼՈՒ ՄԱՍԻՆ
Հայաստանի Հանրապետության կառավարության 2000 թվականի սեպտեմբերի 28-ի «Մարդասիրական օգնության և բարեգործական ծրագրերի մասին» N 594 որոշմանը համապատասխան Հայաստանի Հանրապետության կառավարությունը որոշում է.
1. Ճապոնիայի միջազգային համագործակցության գործակալության (JICA) «Պարենային արտադրության աճ» 2 KR ծրագիրը որակել որպես մարդասիրական:
2. Սույն որոշման 1-ին կետում նշված ծրագրի շրջանակներում Ճապոնիայի կառավարության կողմից տրամադրված 310000000 իեն գումարի չափով դրամաշնորհի հաշվին 2000-2001 թվականներին Հայաստանի Հանրապետություն ներկրվելիք 9600 տոննա ամոնիակային սելիտրայի, 78 տրակտորի, գյուղատնտեսական գործիքների ու պահեստամասերի (ցանկը կցվում է) ներմուծման և հանրապետության տարածքում դրանց երկաթուղային փոխադրման, պահպանության, գործակալի գործունեության ու հետագա օտարման գործարքները որակել որպես այդ ծրագրի իրականացման հետ անմիջականորեն կապված ու դրա համար զգալի նշանակություն ունեցող:
3. Հայաստանի Հանրապետության ֆինանսների և էկոնոմիկայի նախարարությանն ու Հայաստանի Հանրապետության գյուղատնտեսության նախարարությանը` մեկամսյա ժամկետում Հայաստանի Հանրապետության կառավարություն ներկայացնել առաջարկություն սույն որոշման 2-րդ կետում նշված ապրանքների հետագա տնօրինման վերաբերյալ:
4. Սույն որոշումն ուժի մեջ է մտնում 2000 թվականի դեկտեմբերի 18-ից:
ՑԱՆԿ
Ճապոնիայի կառավարության կողմից տրամադրված
դրամաշնորհի հաշվին Հայաստանի Հանրապետություն
ներկրվելիք ապրանքների
Տրակտոր` «NEW HOLLAND 55-56 DT» մակնիշի (78 միավոր, 115164660 իեն)
Տրակտորի պահեստամասեր (12709552 իեն)
Գութան` «FAZA TBC 4-1/2» մակնիշի (78 միավոր, 8662680 իեն)
Գութանի պահեստամասեր (871752 իեն)
Փխրեցուցիչ` «FAZA TM/7» մակնիշի (78 միավոր, 3690960 իեն)
Փխրեցուցիչի պահեստամասեր (369624 իեն)
Շարքացան` «FAZA 225 x 13 T» մակնիշի (78 միավոր, 18816720 իեն)
Շարքացանի պահեստամասեր (1887366 իեն)
Խոտհնձիչ` «TONUTTI FDL 210» մակնիշի (78 միավոր, 9070464 իեն)
Խոտհնձիչի պահեստամասեր (918036 իեն)
Ամոնիակային սելիտրա (9600 տոննա, 119760000 իեն)