ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՈՒՐԴ
ԲԴԽ-11-Ո-17
2018 թ.
ՈՐՈՇՈՒՄ
ԴԱՏԱԿԱՆ ԽՈՐՀՈՒՐԴՆԵՐԻ ԵՎՐՈՊԱԿԱՆ ՄԻԱՎՈՐՄԱՆ 2018 ԹՎԱԿԱՆԻ ՎԵՀԱԺՈՂՈՎԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՐԴԻ ԱՆԴԱՄ ՀԱՅԿ ՀՈՎՀԱՆՆԻՍՅԱՆԻՆ ԳՈՐԾՈՒՂԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ՊԱՀՈՒՍՏԱՅԻՆ ՖՈՆԴԻՑ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
i
Հիմք ընդունելով Դատական խորհուրդների եվրոպական միավորման նախագահի ներկայացրած հրավերը և ղեկավարվելով Հայաստանի Հանրապետության աշխատանքային օրենսգրքի 209-րդ հոդվածի 1-ին մասով, «Հայաստանի Հանրապետության դատական օրենսգիրք» սահմանադրական օրենքի 38-րդ հոդվածի 10-րդ մասով, 89-րդ հոդվածի 1-ին մասի 13-րդ կետով` Հայաստանի Հանրապետության բարձրագույն դատական խորհուրդը
ՈՐՈՇՈՒՄ է
1. Դատական խորհուրդների եվրոպական միավորման 2018 թվականի «Դրական փոփոխության ուղղորդումը» խորագրով վեհաժողովին մասնակցելու նպատակով Հայաստանի Հանրապետության բարձրագույն դատական խորհրդի անդամ Հայկ Հովհաննիսյանին սույն թվականի մայիսի 29-ից մինչև հունիսի 1-ը ներառյալ գործուղել Պորտուգալիայի Հանրապետության Լիսաբոն քաղաք:
2. Գործուղման հետ կապված ծախսերը հատուցելու նպատակով Հայաստանի Հանրապետության դատարանների պահուստային ֆոնդից «ՀՀ դատական դեպարտամենտ» ՊԿՀ-ի կենտրոնական մարմնին հատկացնել 307 958 (երեք հարյուր յոթ հազար ինը հարյուր հիսունութ) ՀՀ դրամ` բյուջետային ծախսերի տնտեսագիտական դասակարգման «Արտասահմանյան գործուղումների գծով ծախսեր» 422200 հոդվածով:
3. Սույն որոշումն ուժի մեջ է մտնում հրապարակմանը հաջորդող օրվանից:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԲԱՐՁՐԱԳՈՒՅՆ ԴԱՏԱԿԱՆ
ԽՈՐՀՐԴԻ ՆԱԽԱԳԱՀ Գ. ՀԱՐՈՒԹՅՈՒՆՅԱՆ
2018թ. մայիսի 24
ք. Երևան