(ուժը կորցրել է 02.08.10 թիվ 1262-Ն հրաման)
i
110.0516.080803
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«08» 08 2003 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11003241
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ ՀՐԱՄԱՆ
23 հուլիսի 2003 թվականի N 516-Ն (Ք)
i
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱԿՐԹԱԿԱՆ ՀԱՍՏԱՏՈՒԹՅՈՒՆՈՒՄ ՄԱՆԿԱՎԱՐԺԱԿԱՆ ԿԱԴՐԵՐԻ ԱՇԽԱՏԱՆՔԻ ՆՇԱՆԱԿՄԱՆ ԿԱՐԳԸ» ՀԱՍՏԱՏԵԼՈՒ ՄԱՍԻՆ
Ի կատարումն Հայաստանի Հանրապետության կառավարության 2002 թվականի դեկտեմբերի 5-ի «Հայաստանի Հանրապետության հանրակրթական համակարգի ռացիոնալացման և Հայաստանի Հանրապետության կառավարության 2001 թվականի դեկտեմբերի 24-ի N 1236 որոշման մեջ փոփոխություններ կատարելու մասին» N 2047-Ն որոշման 2-րդ կետի բ) ենթակետի
ՀՐԱՄԱՅՈՒՄ ԵՄ`
1. Հաստատել «Հայաստանի Հանրապետության հանրակրթական հաստատությունում մանկավարժական կադրերի աշխատանքի նշանակման կարգը»:
2. Հանրակրթության վարչությանը (պետ.` Ն. Ղուկասյան), օրենսդրության և իրավաբանական վարչությանը (պետի տեղակալ` Է. Սանթրոսյան) վերոնշյալ «Կարգը» ներկայացնել պետական գրանցման:
3. Հրամանի կատարման հսկողությունը հանձնարարել նախարարի տեղակալ Ա. Թոփուզյանին:
Հաստատում եմ`
ՀՀ կրթության և գիտության
նախարար Ս. Երիցյան
.................. 2003թ.
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱԿՐԹԱԿԱՆ ՀԱՍՏԱՏՈՒԹՅՈՒՆՈՒՄ ՄԱՆԿԱՎԱՐԺԱԿԱՆ ԿԱԴՐԵՐԻ ԱՇԽԱՏԱՆՔԻ ՆՇԱՆԱԿՄԱՆ
Սույն կարգն ընդունվում է Հայաստանի Հանրապետության կառավարության 2002 թվականի դեկտեմբերի 5-ի «Հայաստանի Հանրապետության հանրակրթական համակարգի ռացիոնալացման և Հայաստանի Հանրապետության կառավարության 2001 թվականի դեկտեմբերի 24-ի N 1236 որոշման մեջ փոփոխություններ կատարելու մասին» N 2047-Ն որոշման 2-րդ կետի բ) ենթակետի համաձայն:
1. Հայաստանի Հանրապետության հանրակրթական հաստատությունում (դպրոց, վարժարան, կրթահամալիր) (այսուհետ` դպրոց) մանկավարժական աշխատանքի են նշանակվում որպես կանոն բարձրագույն կամ միջին մասնագիտական կրթությամբ մանկավարժի որակավորում ունեցող անձինք:
2. Մանկավարժի աշխատանքի ընդունումը ձևակերպվում է Հայաստանի Հանրապետության կառավարության 2002 թվականի դեկտեմբերի 13-ի N 2034 որոշմամբ հաստատված «Վարձու աշխատողների աշխատանքի ընդունման, նույն գործատուի մոտ այլ աշխատանքի փոխադրման ու աշխատանքից ազատման հրամանագիրքը վարելու և պահպանելու կարգի» համաձայն:
3. Դպրոցի տնօրենը իրավունք ունի մանկավարժական աշխատանքի ընդունել նոր մանկավարժի, եթե տվյալ մասնագիտությամբ արդեն աշխատող մանկավարժի որակավորմամբ մասնագետները ապահովված են առնվազն մեկ դրույքով:
4. Բարձրագույն մանկավարժական ուսումնական հաստատությունների նախավերջին և ավարտական կուրսերի բարձր առաջադիմություն ունեցող ուսանողները ուսման անհատական գրաֆիկի տեղափոխվելուց հետո կարող են դպրոցում մանկավարժական աշխատանքի ընդունվել: