ՀՀ ՀԱՎԱՔԱԿԱՆ ԹԻՄԵՐԻ ԿԱԶՄՈՒՄ ՕԼԻՄՊԻԱԿԱՆ ԽԱՂԵՐՈՒՄ, Ա ...

330.0001.060209

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «06»        02            2009 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 33009049

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐ ՀՐԱՄԱՆ

2 փետրվարի 2009 թվականի N 1-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՎԱՔԱԿԱՆ ԹԻՄԵՐԻ (ՆԵՐԱՌՅԱԼ ՀԱՇՄԱՆԴԱՄԱՅԻՆ ՍՊՈՐՏԸ) ԿԱԶՄՈՒՄ ՕԼԻՄՊԻԱԿԱՆ, ՊԱՐԱԼԻՄՊԻԿ, ՍՈՒՐԴԼԻՄՊԻԿ ԽԱՂԵՐՈՒՄ, ԱՇԽԱՐՀԻ ԵՎ ԵՎՐՈՊԱՅԻ ԱՌԱՋՆՈՒԹՅՈՒՆՆԵՐՈՒՄ ԲԱՐՁՐ ԱՐԴՅՈՒՆՔՆԵՐԻ ՀԱՍԱԾ ՄԱՐԶԻԿՆԵՐԻՆ ԵՎ ՆՐԱՆՑ ՄԱՐԶԻՉՆԵՐԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՆՎԱՆԱԿԱՆ ԹՈՇԱԿԻ ԹԵԿՆԱԾՈՒՆԵՐ ԸՆՏՐԵԼՈՒ ԵՎ ԱՌԱՋԱԴՐԵԼՈՒ ԱՇԽԱՏԱՆՔՆԵՐՆ ԻՐԱԿԱՆԱՑՆՈՂ ՀԱՆՁՆԱԺՈՂՈՎ ՍՏԵՂԾԵԼՈՒ, ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԿԱՐԳԸ ԵՎ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2009 թվականի հունվարի 14-ի N ՆԿ-1-Ն կարգադրությամբ հաստատված Հավելված 1-ի 6-րդ կետի`

ՀՐԱՄԱՅՈՒՄ ԵՄ`

1. Ստեղծել Հայաստանի Հանրապետության հավաքական թիմերի (ներառյալ հաշմանդամային սպորտը) կազմում օլիմպիական, պարալիմպիկ, սուրդլիմպիկ խաղերում, աշխարհի և Եվրոպայի առաջնություններում բարձր արդյունքների հասած մարզիկներին և նրանց մարզիչներին Հայաստանի Հանրապետության Նախագահի անվանական թոշակի թեկնածուներ ընտրելու և առաջադրելու աշխատանքներն իրականացնող հանձնաժողով (այսուհետ` Հանձնաժողով):

2. Հաստատել Հանձնաժողովի գործունեության կարգը` համաձայն հավելված N 1-ի:

3. Հաստատել Հանձնաժողովի անհատական կազմը` համաձայն հավելված N 2-ի:

4. Հայաստանի Հանրապետության սպորտի և երիտասարդության հարցերի նախարարության աշխատակազմի քարտուղարության պետ Ռ. Հովհաննիսյանին` «Իրավական ակտերի մասին» Հայաստանի Հանրապետության օրենքի դրույթների համաձայն յոթնօրյա ժամկետում սույն հրամանը ներկայացնել Հայաստանի Հանրապետության արդարադատության նախարարություն` պետական գրանցման:

(հրամանի վերնագիրը և տեքտը փոփ. 17.06.15 թիվ 4-Ն հրաման)

Հավելված N 1

ՀՀ սպորտի և երիտասարդության

հարցերի նախարարի

2009 թ. փետրվարի 2-ի

N 1-Ն հրամանի

ԿԱՐԳ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՎԱՔԱԿԱՆ ԹԻՄԵՐԻ (ՆԵՐԱՌՅԱԼ ՀԱՇՄԱՆԴԱՄԱՅԻՆ ՍՊՈՐՏԸ) ԿԱԶՄՈՒՄ ՕԼԻՄՊԻԱԿԱՆ, ՊԱՐԱԼԻՄՊԻԿ, ՍՈՒՐԴԼԻՄՊԻԿ ԽԱՂԵՐՈՒՄ, ԱՇԽԱՐՀԻ ԵՎ ԵՎՐՈՊԱՅԻ ԱՌԱՋՆՈՒԹՅՈՒՆՆԵՐՈՒՄ ԲԱՐՁՐ ԱՐԴՅՈՒՆՔՆԵՐԻ ՀԱՍԱԾ ՄԱՐԶԻԿՆԵՐԻՆ ԵՎ ՆՐԱՆՑ ՄԱՐԶԻՉՆԵՐԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՆՎԱՆԱԿԱՆ ԹՈՇԱԿԻ ԹԵԿՆԱԾՈՒՆԵՐ ԸՆՏՐԵԼՈՒ ԵՎ ԱՌԱՋԱԴՐԵԼՈՒ ԱՇԽԱՏԱՆՔՆԵՐՆ ԻՐԱԿԱՆԱՑՆՈՂ ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է Հայաստանի Հանրապետության հավաքական թիմերի (ներառյալ հաշմանդամային սպորտը) կազմում օլիմպիական, պարալիմպիկ, սուրդլիմպիկ խաղերում, աշխարհի և Եվրոպայի առաջնություններում բարձր արդյունքների հասած մարզիկներին և նրանց մարզիչներին Հայաստանի Հանրապետության Նախագահի անվանական թոշակի (այսուհետ` Անվանական թոշակ) թեկնածուներ ընտրելու և առաջադրելու աշխատանքներն իրականացնող հանձնաժողովի (այսուհետ` Հանձնաժողով) գործունեության կարգը:

2. Հանձնաժողովի գործունեության կարգը և անհատական կազմը հաստատվում է Հայաստանի Հանրապետության սպորտի և երիտասարդության հարցերի նախարարի (այսուհետ` Նախարար) հրամանով:

3. Հանձնաժողովն իր գործունեության ընթացքում ղեկավարվում է Հայաստանի Հանրապետության օրենսդրությամբ և սույն կարգով:

4. Հանձնաժողովը կազմված է տասնչորս անդամից: Հանձնաժողովի կազմը ձևավորվում է Հայաստանի Հանրապետության սպորտի և երիտասարդության հարցերի նախարարության (այսուհետ` Նախարարություն) վեց, Հայաստանի ազգային օլիմպիական կոմիտեի չորս, Հայաստանի Հանրապետության Նախագահի աշխատակազմի` մեկ և Հայաստանի շախմատային ֆեդերացիայի, «Հայաստանի ազգային պարալիմպիկ կոմիտե» և «Խուլերի հայկական սպորտային կոմիտե» հասարակական կազմակերպությունների մեկական ներկայացուցիչներից:

(4-րդ կետը փոփ. 19.11.12 թիվ 1-Ն, 17.06.15 թիվ 4-Ն հրամաններ)

II. ՀԱՆՁՆԱԺՈՂՈՎԻ ԽՆԴԻՐՆԵՐՆ ՈՒ ԳՈՐԾԱՌՈՒՅԹՆԵՐԸ

5. Հանձնաժողովն ապահովում է Անվանական թոշակի թեկնածուների հաշվառման, փաստաթղթերի հավաքման և Անվանական թոշակի թեկնածուների հետագա առաջադրման, Անվանական թոշակ ստացողների թոշակի կասեցման կամ թոշակից զրկման գործընթացը և համապատասխան առաջարկություններ ներկայացնում Նախարարին:

6. Հանձնաժողովը`

1) Նախարարության աշխատակազմից ստանում է օլիմպիական մարզաձևերի ֆեդերացիաների, «Հայաստանի ազգային պարալիմպիկ կոմիտե», «Խուլերի հայկական սպորտային կոմիտե», «Հայկական հատուկ օլիմպիադաներ» հասարակական կազմակերպությունների, «Հայաստանի կույրերի միավորում» հաշմանդամների հասարակական կազմակերպության և Հայաստանի շախմատային ֆեդերացիայի կողմից ներկայացված Հայաստանի Հանրապետության հավաքական թիմերի (ներառյալ հաշմանդամային սպորտը) կազմում օլիմպիական, պարալիմպիկ, սուրդլիմպիկ խաղերում, աշխարհի և Եվրոպայի առաջնություններում բարձր արդյունքների հասած մարզիկներին և նրանց մարզիչներին Հայաստանի Հանրապետության Նախագահի անվանական թոշակի թեկնածուներ ընտրելու և հետագա առաջադրման համար անհրաժեշտ փաստաթղթերը,

2) քննության է առնում փաստաթղթերի ճշտությունը, ամբողջականությունը,

3) քվեարկության արդյունքում կայացնում է որոշում` Անվանական թոշակի թեկնածուների հետագա առաջադրման մասին` Հայաստանի Հանրապետության Նախագահի հավանությանը ներկայացնելու համար,

4) իրականացնում է Հայաստանի Հանրապետության Նախագահի 2009 թվականի հունվարի 14-ի ՆԿ-1-Ն կարգադրությամբ և սույն կարգով իր իրավասությանը վերապահված այլ լիազորություններ:

(6-րդ կետը փոփ. 17.06.15 թիվ 4-Ն հրաման)

III. ԱՆՎԱՆԱԿԱՆ ԹՈՇԱԿԻ ԹԵԿՆԱԾՈՒՆԵՐԻ ՀԱՇՎԱՌՄԱՆ, ՆՐԱՆՑ ԸՆՏՐՈՒԹՅԱՆ ԵՎ ՀԵՏԱԳԱ ԱՌԱՋԱԴՐՄԱՆ, ԱՆՎԱՆԱԿԱՆ ԹՈՇԱԿԻ ԿԱՍԵՑՄԱՆ ԿԱՄ ԹՈՇԱԿԻՑ ԶՐԿՄԱՆ ԸՆԹԱՑԱԿԱՐԳԸ

7. Անվանական թոշակի թեկնածուները առաջադրվում են օլիմպիական մարզաձևերի ֆեդերացիաների և Հայաստանի շախմատային ֆեդերացիայի կողմից:

8. Անվանական թոշակի թեկնածուների ընտրության և Անվանական թոշակի նշանակման հարցերը Հանձնաժողովում քննարկելու համար օլիմպիական մարզաձևերի ֆեդերացիաները, «Հայաստանի ազգային պարալիմպիկ կոմիտե», «Խուլերի հայկական սպորտային կոմիտե», «Հայկական հատուկ օլիմպիադաներ» հասարակական կազմակերպությունները, «Հայաստանի կույրերի միավորում» հաշմանդամների հասարակական կազմակերպությունը և Հայաստանի շախմատային ֆեդերացիան մինչև ընթացիկ տարվա դեկտեմբերի 5-ը Նախարարության աշխատակազմին ներկայացնում են`

1) Հայաստանի Հանրապետության հավաքական թիմերի (ներառյալ հաշմանդամային սպորտը) կազմում օլիմպիական, պարալիմպիկ, սուրդլիմպիկ խաղերում, աշխարհի և Եվրոպայի առաջնություններում բարձր արդյունքի հասած մարզիկներին և նրանց մարզիչներին Հայաստանի Հանրապետության Նախագահի անվանական թոշակի ներկայացման առաջարկությունները,

2) մարզաձևի Հայաստանի Հանրապետության հավաքական թիմերի տվյալ տարվա թեկնածուների ցանկը,

3) Հայաստանի Հանրապետության Նախագահի անվանական թոշակի թեկնածուների արդյունքները հաստատող փաստաթղթերը:

(8-րդ կետը փոփ. 17.06.15 թիվ 4-Ն հրաման)

9. Հանձնաժողովը Անվանական թոշակի թեկնածուների փաստաթղթերի ուսումնասիրությունն ու Անվանական թոշակի թեկնածուների առաջադրումը կազմակերպում է մինչև ընթացիկ տարվա դեկտեմբերի 20-ը:

10. ՈՒսումնասիրման արդյունքում Հանձնաժողովն ընդունում է որոշում` Հայաստանի Հանրապետության հավաքական թիմերի (ներառյալ հաշմանդամային սպորտը) կազմում օլիմպիական, պարալիմպիկ, սուրդլիմպիկ խաղերում, աշխարհի և Եվրոպայի առաջնություններում Հայաստանի Հանրապետության Նախագահի 2009 թվականի հունվարի 14-ի ՆԿ-1-Ն կարգադրությամբ հաստատված հավելված 2-ում և 3-ում նախատեսված արդյունքներին հասած մարզիկներին և նրանց մարզիչներին Անվանական թոշակի թեկնածուներ առաջադրելու մասին, որը ներկայացնում է Հայաստանի Հանրապետության Նախագահի աշխատակազմ` Հայաստանի Հանրապետության Նախագահի հավանությանը:

11. Հավանություն ստացած Անվանական թոշակի թեկնածու մարզիկներին և նրանց մարզիչներին Անվանական թոշակ է նշանակվում Նախարարի հրամանով` Հայաստանի Հանրապետության Նախագահի կարգադրությամբ հաստատված կարգի պահանջների և սահմանված չափորոշիչների ու չափերի համաձայն:

IV. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԿԱԶՄԱԿԵՐՊՈՒՄԸ

12. Հանձնաժողովն իր գործունեությունը կազմակերպում է նիստերի միջոցով, որոնք հրավիրվում են ըստ անհրաժեշտության, բայց ոչ պակաս, քան տարին մեկ անգամ:

13. Հանձնաժողովի նիստերն իրավազոր են, եթե դրանց մասնակցում է Հանձնաժողովի անդամների կեսից ավելին:

14. Հանձնաժողովի որոշումներն ընդունվում են նիստին մասնակցող անդամների ձայների պարզ մեծամասնությամբ` բաց քվեարկությամբ: Ձայների հավասարության դեպքում որոշումը համարվում է ընդունված հօգուտ մարզիկի կամ մարզչի:

15. Հանձնաժողովի նիստին հրավիրված անձը նիստի վայրի, ամսաթվի ու ժամի մասին պատշաճ ձևով տեղեկացվում է նիստի օրվանից ոչ ուշ, քան հինգ օր առաջ:

16. Հանձնաժողովն իր հերթական նիստի տեղի, ժամանակի և քննարկվող հարցի մասին տեղեկատվությունը հրապարակում է Նախարարության միջոցով նիստի օրվանից ոչ ուշ, քան հինգ օր առաջ:

17. Հանձնաժողովի նախագահը նիստի ժամանակ ներկայացնում է օրակարգը: Հարցերի քննարկմանը մասնակցող անձանց բացատրում է նրանց իրավունքներն ու պարտականությունները, հրապարակում է քննարկվող փաստաթղթերի բովանդակությունը:

18. Հրավիրված անձն իրավունք ունի ելույթներ ունենալ, պատասխանել Հանձնաժողովի անդամների հարցերին, հանդես գալ առաջարկությամբ:

19. Հանձնաժողովի նիստերում հարցերը քննարկվում են դռնբաց:

20. Հանձնաժողովի որոշումը կայացվում է հարցի քննության ավարտից հետո:

21. Հանձնաժողովում հարցերի քննարկման ժամանակ կազմվում է արձանագրություն, որում նշվում են`

1) Հանձնաժողովի նիստի անցկացման ամսաթիվը և տեղը,

2) Հանձնաժողովի կազմը,

3) քննարկվող հարցի բովանդակությունը,

4) քննարկմանը մասնակցող անձանց մասին տեղեկությունները,

5) հարցի քննարկմանը մասնակցող անձանց բացատրությունները, նրանց առաջարկությունները և դրանց քննարկման արդյունքները,

6) հարցի քննարկման ընթացքում ուսումնասիրված փաստաթղթերը,

7) Հանձնաժողովի որոշման բովանդակությունը,

8) ընդունված որոշման հրապարակման մասին տեղեկությունները:

22. Արձանագրությունը կազմում է Նախարարության աշխատակազմի մարզական կազմակերպությունների և մանկապատանեկան սպորտի քաղաքականության վարչության գլխավոր մասնագետը:

23. Հանձնաժողովի նիստը կարող է տեսագրվել և (կամ) ձայնագրվել, որի վերաբերյալ համապատասխան նշում է կատարվում Հանձնաժողովի նիստի արձանագրության մեջ:

24. Հանձնաժողովի նիստերի արձանագրությունները ստորագրում է Հանձնաժողովի նախագահը:

25. Հանձնաժողովի նախագահը`

1) հրավիրում է Հանձնաժողովի նիստերը և նախագահում դրանք,

2) կազմակերպում է Հանձնաժողովի աշխատանքները,

3) ստորագրում է Հանձնաժողովի որոշումները, նիստերի արձանագրությունները և դրանց գործունեության հետ առնչվող մյուս փաստաթղթերը,

4) իրականացնում է Հայաստանի Հանրապետության օրենսդրությամբ և սույն կանոնադրությամբ իրեն վերապահված այլ լիազորություններ:

26. Հանձնաժողովի փաստաթղթաշրջանառությունը վարում է Նախարարության աշխատակազմի մարզական կազմակերպությունների և մանկապատանեկան սպորտի քաղաքականության վարչությունը, որը`

1) նախապատրաստում է Հանձնաժողովի նիստերի օրակարգը,

2) տեղեկացնում է Հանձնաժողովի անդամներին հանձնաժողովի հերթական նիստի անցկացման վայրի, ժամանակի և քննարկվող հարցի մասին` նիստի օրվանից առնվազն հինգ օր առաջ,

3) Հանձնաժողովի քննարկմանն է ներկայացնում վերջինիս գործունեությանը վերաբերող նյութերն ու ընթացիկ տեղեկությունները, նախապատրաստում առաջարկություններ դրանց վերաբերյալ,

4) կազմում է Հանձնաժողովի որոշումների նախագծերը և կազմակերպում Հանձնաժողովի որոշումների սահմանված ձևով հանձնումը կամ ուղարկումը հրավիրված անձին:

27. Հանձնաժողովի անդամները`

1) մասնակցում են Հանձնաժողովի նիստերին,

2) Հանձնաժողովի նիստերին հարգելի պատճառով չմասնակցելու դեպքում նախապես տեղեկացնում են Հանձնաժողովի նախագահին:

28. Հանձնաժողովի անդամները նշանակվում են և նրանց լիազորությունները դադարեցվում են Նախարարի հրամանով:

29. Հանձնաժողովի գործունեության դադարումից հետո հանձնաժողովի գործունեությանն առնչվող փաստաթղթերը և այլ նյութերը ենթակա են պահպանման Հայաստանի Հանրապետության օրենսդրությամբ սահմանված կարգով:

Հավելված N 2

ՀՀ սպորտի և երիտասարդության

հարցերի նախարարի

2009 թվականի փետրվարի 2-ի

N 1-Ն հրամանի

ԿԱԶՄ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՎԱՔԱԿԱՆ ԹԻՄԵՐԻ (ՆԵՐԱՌՅԱԼ ՀԱՇՄԱՆԴԱՄԱՅԻՆ ՍՊՈՐՏԸ) ԿԱԶՄՈՒՄ ՕԼԻՄՊԻԱԿԱՆ, ՊԱՐԱԼԻՄՊԻԿ, ՍՈՒՐԴԼԻՄՊԻԿ ԽԱՂԵՐՈՒՄ, ԱՇԽԱՐՀԻ ԵՎ ԵՎՐՈՊԱՅԻ ԱՌԱՋՆՈՒԹՅՈՒՆՆԵՐՈՒՄ ԲԱՐՁՐ ԱՐԴՅՈՒՆՔՆԵՐԻ ՀԱՍԱԾ ՄԱՐԶԻԿՆԵՐԻՆ ԵՎ ՆՐԱՆՑ ՄԱՐԶԻՉՆԵՐԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՆՎԱՆԱԿԱՆ ԹՈՇԱԿԻ ԹԵԿՆԱԾՈՒՆԵՐ ԸՆՏՐԵԼՈՒ ԵՎ ԱՌԱՋԱԴՐԵԼՈՒ ԱՇԽԱՏԱՆՔՆԵՐՆ ԻՐԱԿԱՆԱՑՆՈՂ ՀԱՆՁՆԱԺՈՂՈՎԻ

    1. Հրաչյա Ռոստոմյան     - Հայաստանի Հանրապետության սպորտի և

                              երիտասարդության հարցերի նախարար

                              (հանձնաժողովի նախագահ),

    2. Ավետիս Բերբերյան     - Հայաստանի Հանրապետության Նախագահի օգնական

    3. Վահե Էլոյան          - Հայաստանի Հանրապետության սպորտի և

                              երիտասարդության հարցերի նախարարության

                              աշխատակազմի (այսուհետ` Աշխատակազմ) ղեկավար,

4. Վաղինակ Գալուստյան  - Աշխատակազմի մարզական կազմակերպությունների և

մանկապատանեկան սպորտի քաղաքականության

վարչության պետ,

    5. Նարինե Շահբազյան     - Աշխատակազմի սպորտի բարձրագույն նվաճումների

                              քաղաքականության վարչության պետ,

    6. Լևոն  Վահրադյան      - Մասսայական սպորտի և  ֆիզիկական

                              դաստիարակության քաղաքականության վարչության

                              պետ,

    7. Հոկսեն Միրզոյան      - Հայաստանի Հանրապետության սպորտի և

                              երիտասարդության հարցերի նախարարության

                              ենթակայության «Երևանի ծանրամարտի

                              մանկապատանեկան մարզադպրոց» ՊՈԱԿ-ի տնօրեն,

    8. Վահրամ Առաքելյան     - Հայաստանի ազգային օլիմպիական կոմիտեի

                              փոխնախագահ (համաձայնությամբ),

9. Դերենիկ Գաբրիելյան  - Հայաստանի ազգային օլիմպիական կոմիտեի

նախագահի տեղակալ (համաձայնությամբ),

    10. Ռուբեն Հակոբյան     - Հայաստանի ազգային օլիմպիական կոմիտեի

                              նախագահի խորհրդական (համաձայնությամբ),

    11. Գագիկ Բոլշիկյան     - Հայաստանի ազգային օլիմպիական կոմիտեի բաժնի

                              պետ (համաձայնությամբ),

    12. Սմբատ Լպուտյան      - «Հայաստանի շախմատի ակադեմիա» հիմնադրամի

                              նախագահ, Հայաստանի շախմատային ֆեդերացիայի

                              նախագահի առաջին տեղակալ (համաձայնությամբ),

    13. Հակոբ Աբրահամյան    - «Հայաստանի ազգային պարալիմպիկ կոմիտե»

                              հասարակական կազմակերպության նախագահ,

    14. Գրիգոր Գրիգորյան    - «Խուլերի հայկական սպորտային կոմիտե»

                              հասարակական կազմակերպության նախագահ  

(2-րդ հավելվածը փոփ. 14.12.10 թիվ 3-Ն, 02.11.11 թիվ 4-Ն, 19.11.12 թիվ 1-Ն, 07.10.13 թիվ 6-Ն, 16.01.14 թիվ 2-Ն, 29.04.15 թիվ 1-Ն, 17.06.15 թիվ 4-Ն, 14.12.16 թիվ 1-Ն հրամաններ)