041.0648.181099
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
18 հոկտեմբերի 1999 թվականի թիվ 648
ԱՐԺՈՒՅԹԻ ՄԻՋԱԶԳԱՅԻՆ ՀԻՄՆԱԴՐԱՄԻ ՏՎՅԱԼՆԵՐԻ ՏԱՐԱԾՄԱՆ ԸՆԴՀԱՆՈՒՐ ՍՏԱՆԴԱՐՏԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆԴԱՄԱԳՐՎԵԼՈՒ ՆԱԽԱՊԱՏՐԱՍՏԱԿԱՆ ՄԻՋՈՑԱՌՈՒՄՆԵՐԻ ՄԱՍԻՆ
i
1. Արժույթի միջազգային հիմնադրամի (ԱՄՀ) կողմից 1997 թվականի դեկտեմբերի 19-ին հաստատված տվյալների տարածման ընդհանուր ստանդարտին անդամագրվելու, այն ներդնելու և կիրառելու գործընթացի կապակցությամբ Արժույթի միջազգային հիմնադրամի անձնակազմի հետ քննարկումների և աշխատանքների հարցերով Հայաստանի Հանրապետությունում համակարգող նշանակել Հայաստանի Հանրապետության վիճակագրության պետական խորհրդի անդամ Վահե Դանիելյանին (համաձայնությամբ):
(1-ին կետը փոփ. 27.11.01 թիվ 834 որոշում)
2. Հանձնարարել Հայաստանի Հանրապետության ֆինանսների նախարարությանը և առաջարկել Հայաստանի Հանրապետության կենտրոնական բանկին նշանակել Արժույթի միջազգային հիմնադրամի տվյալների տարածման ընդհանուր ստանդարտի հարցերով աշխատանքների պատասխանատուներ` համապատասխան ոլորտի վիճակագրության մասով:
3. Հայաստանի Հանրապետության վիճակագրության, պետական ռեգիստրի և վերլուծության նախարարությանը` սույն որոշման մասին տեղեկություն ներկայացնել Արժույթի միջազգային հիմնադրամի վիճակագրական ծառայություն` կցելով նաև անդամագրվելու համար անհրաժեշտ նախնական տեղեկությունը: