18.05.2024 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՈՒՐԴ
ՈՐՈՇՈՒՄ
ԲԴԽ-23-Ո-48
2018 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԵՎ ՎԵՐԱՔՆՆԻՉ ԴԱՏԱՐԱՆՆԵՐԻ ԴԱՏԱՎՈՐՆԵՐԻ ԿՈՂՄԻՑ, Ի ԼՐՈՒՄՆ ՀԱՄԱՊԱՏԱՍԽԱՆ ՄԱՍՆԱԳԻՏԱՑՄԱՆ ԳՈՐԾԵՐԻ, ՔՆՆՎՈՂ ԱՌԱՆՁԻՆ ՏԵՍԱԿԻ ԳՈՐԾԵՐԻ ՑԱՆԿԸ, ՅՈՒՐԱՔԱՆՉՅՈՒՐ ԴԱՏԱՐԱՆՈՒՄ ԱՅԴՊԻՍԻ ԳՈՐԾԵՐ ՔՆՆՈՂ ԴԱՏԱՎՈՐՆԵՐԻ ՔԱՆԱԿԸ ԵՎ ԸՆՏՐՈՒԹՅԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
Ղեկավարվելով «Հայաստանի Հանրապետության դատական օրենսգիրք» սահմանադրական օրենքի 21-րդ հոդվածի 3-րդ, 4-րդ մասերով, 27. 1-ին հոդվածի 1-ին մասով և 94-րդ հոդվածի 1-ին մասով` Հայաստանի Հանրապետության բարձրագույն դատական խորհուրդը
ՈՐՈՇՈՒՄ է
1. Սահմանել Հայաստանի Հանրապետության առաջին ատյանի ընդհանուր իրավասության դատարանների դատավորների կողմից, ի լրումն համապատասխան մասնագիտացման գործերի, քննվող առանձին տեսակի գործերի ցանկը` համաձայն թիվ 1 հավելվածի:
2. Սահմանել Հայաստանի Հանրապետության առաջին ատյանի ընդհանուր իրավասության յուրաքանչյուր դատարանում, ի լրումն համապատասխան մասնագիտացման գործերի, առանձին տեսակի գործեր քննող դատավորների քանակը` համաձայն թիվ 2 հավելվածի:
3. Սահմանել Հայաստանի Հանրապետության առաջին ատյանի ընդհանուր իրավասության դատարաններում, ի լրումն համապատասխան մասնագիտացման գործերի, առանձին տեսակի գործեր քննող դատավորների ընտրության կարգը` համաձայն թիվ 3 հավելվածի:
3.1. Սահմանել Հայաստանի Հանրապետության վերաքննիչ դատարաններում, ի լրումն համապատասխան մասնագիտացման գործերի, առանձին տեսակի գործեր քննող դատավորների քանակը և առանձին տեսակի գործեր քննող դատավորների ընտրության կարգը` համաձայն թիվ 4 հավելվածի»` համաձայն հավելվածի:
(3.1-ին կետը լրաց. 22.04.2021 ԲԴԽ-25-Ո-39 որոշում)
4. Սույն որոշումն ուժի մեջ է մտնում հրապարակմանը հաջորդող օրվանից:
(վերնագիրն ու նախաբանը փոփ. 22.04.2021 ԲԴԽ-25-Ո-39 որոշում)
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԲԱՐՁՐԱԳՈՒՅՆ ԴԱՏԱԿԱՆ
ԽՈՐՀՐԴԻ ՆԱԽԱԳԱՀ Գ. ՀԱՐՈՒԹՅՈՒՆՅԱՆ
2018թ. հուլիսի 9
ք. Երևան
Հավելված 1
Հայաստանի Հանրապետության
բարձրագույն դատական խորհրդի
2018թ. հուլիսի 9-ի թիվ
ԲԴԽ-23-Ո-48 որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆՆԵՐԻ ԴԱՏԱՎՈՐՆԵՐԻ ԿՈՂՄԻՑ, Ի ԼՐՈՒՄՆ ՀԱՄԱՊԱՏԱՍԽԱՆ ՄԱՍՆԱԳԻՏԱՑՄԱՆ ԳՈՐԾԵՐԻ, ՔՆՆՎՈՂ ԱՌԱՆՁԻՆ ՏԵՍԱԿԻ ԳՈՐԾԵՐԻ
._____________________________________________________________________.
| |Հայաստանի Հանրապետության առաջին ատյանի ընդհանուր իրավասության |
| |դատարանների դատավորների կողմից, ի լրումն քաղաքացիական |
| |մասնագիտացման գործերի, քննվող առանձին տեսակի գործեր |
|__|__________________________________________________________________|
|1.|Հայաստանի Հանրապետություն անօրինական տեղափոխված կամ Հայաստանի |
| |Հանրապետությունում ապօրինի պահվող երեխայի վերադարձի վերաբերյալ |
| |գործեր |
|__|__________________________________________________________________|
|2.|Կորպորատիվ վեճերով գործեր |
|__|__________________________________________________________________|
|3.|Մտավոր սեփականության պաշտպանության վերաբերյալ գործեր |
|__|__________________________________________________________________|
|4.|Օտարերկրյա արբիտրաժի վճիռները ճանաչելու և կատարման թույլատրելու |
| |վերաբերյալ գործեր |
|__|__________________________________________________________________|
|5.|(5-րդ կետն ուժը կորցրել է 19.12.2022 ԲԴԽ-118-Ո-396 որոշում) |
|__|__________________________________________________________________|
|6.|Հայցադիմումը ներկայացնելու օրվա դրությամբ նվազագույն աշխատավարձի |
| |հինգհազարապատիկը չգերազանցող գումարի բռնագանձման պահանջի |
| |վերաբերյալ գործեր և վճարման կարգադրություններ |
._____________________________________________________________________.
._____________________________________________________________________.
| |Հայաստանի Հանրապետության առաջին ատյանի ընդհանուր իրավասության |
| |դատարանների դատավորների կողմից, ի լրումն քրեական մասնագիտացման |
| |գործերի, քննվող առանձին տեսակի գործեր |
|__|__________________________________________________________________|
|1.|Անչափահասների մասնակցությամբ գործեր |
|__|__________________________________________________________________|
|2.|(2-րդ կետն ուժը կորցրել է 14.12.2020 ԲԴԽ-81-Ո-176 որոշում) |
|__|__________________________________________________________________|
|3.|Համակարգչային տեղեկատվության անվտանգության դեմ ուղղված |
| |հանցագործությունների վերաբերյալ գործեր |
._____________________________________________________________________.
(1-ին հավելվածը փոփ. 14.12.2020 ԲԴԽ-81-Ո-176, 22.02.2021 ԲԴԽ-8-Ո-11, 30.08.2021 ԲԴԽ-65-Ո-164, 19.12.2022 ԲԴԽ-118-Ո-396, 16.01.2023 ԲԴԽ-3-Ո-5 որոշումներ)
Հավելված 2
Հայաստանի Հանրապետության
բարձրագույն դատական խորհրդի
2018թ. հուլիսի 9-ի թիվ
ԲԴԽ-23-Ո-48 որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՅՈՒՐԱՔԱՆՉՅՈՒՐ ԴԱՏԱՐԱՆՈՒՄ, Ի ԼՐՈՒՄՆ ՀԱՄԱՊԱՏԱՍԽԱՆ ՄԱՍՆԱԳԻՏԱՑՄԱՆ ԳՈՐԾԵՐԻ, ԱՌԱՆՁԻՆ ՏԵՍԱԿԻ ԳՈՐԾԵՐ ՔՆՆՈՂ ԴԱՏԱՎՈՐՆԵՐԻ ՔԱՆԱԿԸ
._____________________________________________________________________.
|Դատարանի անվանումը| Տվյալ դատարանում առանձին տեսակի գործեր քննող |
| | դատավորների քանակը |
|__________________|__________________________________________________|
|Երևան քաղաքի |(բաժինն ուժը կորցրել է 10.10.2023 | |
|առաջին ատյանի |ԲԴԽ-86-Ո-257 որոշում) | |
|ընդհանուր |________________________________________________|_|
|իրավասության | | |
|քաղաքացիական |________________________________________________|_|
|դատարան | | |
|__________________|________________________________________________|_|
|Երևան քաղաքի |Անչափահասների մասնակցությամբ գործեր |5|
|առաջին ատյանի |________________________________________________|_|
|ընդհանուր |Համակարգչային տեղեկատվության անվտանգության |5|
|իրավասության |դեմ ուղղված հանցագործությունների վերաբերյալ | |
|քրեական դատարան |գործեր | |
|__________________|________________________________________________|_|
|Երևան քաղաքի |Գնումների հետ կապված վեճերով գործեր |9|
|առաջին ատյանի | | |
|ընդհանուր | | |
|իրավասության | | |
|քաղաքացիական | | |
|դատարան | | |
|__________________|________________________________________________|_|
|Լոռու մարզի առաջին|ՀՀ անօրինական տեղափոխված կամ ՀՀ-ում ապօրինի |2|
|ատյանի ընդհանուր |պահվող երեխայի վերադարձի վերաբերյալ գործեր | |
|իրավասության |________________________________________________|_|
|դատարան |Կորպորատիվ վեճերով գործեր |2|
| |________________________________________________|_|
| |Մտավոր սեփականության պաշտպանության վերաբերյալ |2|
| |գործեր | |
| |________________________________________________|_|
| |Անչափահասների մասնակցությամբ գործեր |2|
| |________________________________________________|_|
| |Համակարգչային տեղեկատվության անվտանգության դեմ |2|
| |ուղղված հանցագործությունների վերաբերյալ գործեր | |
|__________________|________________________________________________|_|
|Շիրակի մարզի |ՀՀ անօրինական տեղափոխված կամ ՀՀ-ում ապօրինի |2|
|առաջին ատյանի |պահվող երեխայի վերադարձի վերաբերյալ գործեր | |
|ընդհանուր |________________________________________________|_|
|իրավասության |Կորպորատիվ վեճերով գործեր |2|
|դատարան |________________________________________________|_|
| |Մտավոր սեփականության պաշտպանության վերաբերյալ |2|
| |գործեր | |
| |________________________________________________|_|
| |Անչափահասների մասնակցությամբ գործեր |2|
| |________________________________________________|_|
| |Համակարգչային տեղեկատվության անվտանգության դեմ |2|
| |ուղղված հանցագործությունների վերաբերյալ գործեր | |
|__________________|________________________________________________|_|
|Գեղարքունիքի մարզի|Հայցադիմումը ներկայացնելու օրվա դրությամբ |4|
|առաջին ատյանի |նվազագույն աշխատավարձի հինգհազարապատիկը | |
|ընդհանուր |չգերազանցող գումարի բռնագանձման պահանջի | |
|իրավասության |վերաբերյալ գործեր և վճարման կարգադրություններ | |
|դատարան | | |
|__________________|________________________________________________|_|
|Լոռու մարզի |Հայցադիմումը ներկայացնելու օրվա |7|
|առաջին ատյանի |դրությամբ նվազագույն աշխատավարձի | |
|ընդհանուր |հինգհազարապատիկը չգերազանցող | |
|իրավասության |գումարի բռնագանձման պահանջի | |
|դատարան |վերաբերյալ գործեր և վճարման | |
| |կարգադրություններ | |
._____________________________________________________________________.
(2-րդ հավելվածը փոփ. 12.03.2020 ԲԴԽ-9-Ո-18, 14.12.2020 ԲԴԽ-81-Ո-176, 22.02.2021 ԲԴԽ-8-Ո-11, 22.11.2021 ԲԴԽ-99-Ո-287, 11.08.2022 ԲԴԽ-78-Ո-256, 19.12.2022 ԲԴԽ-118-Ո-396, 16.01.2023 ԲԴԽ-3-Ո-5, 10.10.2023 ԲԴԽ-86-Ո-257, ԲԴԽ-52-Ո-111 որոշումներ)
Հավելված 3
Հայաստանի Հանրապետության
բարձրագույն դատական խորհրդի
2018թ. հուլիսի 9-ի թիվ
ԲԴԽ-23-Ո-48 որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆՆԵՐՈՒՄ, Ի ԼՐՈՒՄՆ ՀԱՄԱՊԱՏԱՍԽԱՆ ՄԱՍՆԱԳԻՏԱՑՄԱՆ ԳՈՐԾԵՐԻ, ԱՌԱՆՁԻՆ ՏԵՍԱԿԻ ԳՈՐԾԵՐ ՔՆՆՈՂ ԴԱՏԱՎՈՐՆԵՐԻ ԸՆՏՐՈՒԹՅԱՆ
1. Հայաստանի Հանրապետության առաջին ատյանի ընդհանուր իրավասության յուրաքանչյուր դատարանում (այսուհետ' Դատարան) առանձին տեսակի գործերը քննվում են տվյալ դատարանի նման գործեր քննելու մասնագիտացում (այսուհետ` Մասնագիտացում) ունեցող դատավորների կողմից (այսուհետ` Մասնագիտացված դատավոր), որոնք ընտրվում են Բարձրագույն դատական խորհրդի կողմից:
2. Մասնագիտացված դատավորների ընտրություն կատարվում է այն Դատարանում, որտեղ դատավորների առկա թվակազմը հնարավորություն է ընձեռում ընտրելու առանձին տեսակի գործ քննելու համար առնվազն երկու դատավորի:
3. Դատարանում Մասնագիտացված դատավորի ընտրությունը կատարվում է Դատարանի նախագահի առաջարկությամբ` կամավորության սկզբունքի առաջնային պահպանմամբ:
4. Մասնագիտացված դատավորների թեկնածությունների վերաբերյալ առաջարկություն ներկայացնելու հայտը կազմվում և Դատարանի նախագահին է ուղարկվում Դատական դեպարտամենտի կողմից` առաջարկություն ներկայացնելու ժամկետի նշումով:
5. Յուրաքանչյուր մասնագիտացված դատավորի ընտրության համար Դատարանի նախագահը ներկայացնում է մինչև երեք թեկնածություն:
6. Մասնագիտացված դատավորի ընտրության կամավորության սկզբունքը պահպանելու անհնարինության դեպքում դատարանի նախագահն այդ մասին տեղեկացնում է Դատական դեպարտամենտին: Այդ դեպքում Մասնագիտացված դատավորի ընտրությունը կատարում է Բարձրագույն դատական խորհուրդը` տվյալ Դատարանի բոլոր դատավորների թվից:
7. Մասնագիտացված դատավորի ընտրության արդյունքներն արտացոլվում են «Հայաստանի Հանրապետության դատական օրենսգիրք» սահմանադրական օրենքով չսահմանված Հայաստանի Հանրապետության առաջին ատյանի դատարանների նստավայրերը, նստավայրերի սպասարկման տարածքները սահմանելու, դատավորների` ըստ նստավայրերի և մասնագիտացման բաշխումն ու թվակազմը հաստատելու մասին» Բարձրագույն դատական խորհրդի որոշման մեջ` համապատասխան դատավորի անվան դիմաց մասնագիտացման մասին նշում կատարելով:
8. Համապատասխան Դատարանում Մասնագիտացված դատավորի թեկնածությունը կարող է վերանայվել ոչ հաճախ, քան սույն որոշման ընդունման ամսաթվին հաջորդող յուրաքանչյուր երեք տարին մեկ անգամ:
9. Մասնագիտացված դատավորի ընտրության նոր հիմքեր (մասնագիտացված դատավորի լիազորությունների դադարում կամ դադարեցում, Դատարանի դատավորների թվակազմի փոփոխություն և այլն) առաջանալու դեպքում ընտրությունն իրականացվում է սույն կարգին համապատասխան:
10. Առանձին տեսակի գործերի բաշխումը և վերաբաշխումը Մասնագիտացված դատավորների միջև կատարվում է «Դատավորների միջև գործերի հավասարաչափ բաշխման չափանիշները և կարգը, գործերի վերաբաշխման, կոլեգիալ դատական կազմերը ձևավորելու կարգը և դատավորներին հանձնվող գործերի կոնկրետ տոկոսաչափեր սահմանելու մասին» Բարձրագույն դատական խորհրդի որոշմամբ սահմանված կարգով:
(10-րդ կետը փոփ. 14.12.2020 ԲԴԽ-81-Ո-176 որոշում)
Հավելված 4
Հայաստանի Հանրապետության
բարձրագույն դատական խորհրդի
2018թ. հուլիսի 9-ի
թիվ ԲԴԽ-23-Ո-41 որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ԴԱՏԱՐԱՆՆԵՐՈՒՄ, Ի ԼՐՈՒՄՆ ՀԱՄԱՊԱՏԱՍԽԱՆ ՄԱՍՆԱԳԻՏԱՑՄԱՆ ԳՈՐԾԵՐԻ, ԱՌԱՆՁԻՆ ՏԵՍԱԿԻ ԳՈՐԾԵՐ ՔՆՆՈՂ ԴԱՏԱՎՈՐՆԵՐԻ ՔԱՆԱԿԸ
.________________________________________________________.
|Դատարանի անվանումը |Տվյալ դատարանում առանձին տեսակի |
| |գործեր քննող դատավորների քանակը |
|______________________|_________________________________|
|(ուժը կորցրել է 19.12.2022 ԲԴԽ-118-Ո-396 որոշում) |
.________________________________________________________.
(4-րդ հավելվածը փոփ. 19.12.2022 ԲԴԽ-118-Ո-396 որոշում)
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ԴԱՏԱՐԱՆՆԵՐՈՒՄ, Ի ԼՐՈՒՄՆ ՀԱՄԱՊԱՏԱՍԽԱՆ ՄԱՍՆԱԳԻՏԱՑՄԱՆ ԳՈՐԾԵՐԻ, ԱՌԱՆՁԻՆ ՏԵՍԱԿԻ ԳՈՐԾԵՐ ՔՆՆՈՂ ԴԱՏԱՎՈՐՆԵՐԻ ԸՆՏՐՈՒԹՅԱՆ
1. Հայաստանի Հանրապետության վերաքննիչ յուրաքանչյուր դատարանում (այսուհետ` Դատարան) առանձին տեսակի գործերը քննվում են տվյալ դատարանի նման գործեր քննելու մասնագիտացում (այսուհետ` Մասնագիտացում) ունեցող դատավորների կողմից (այսուհետ` Մասնագիտացված դատավոր), որոնք ընտրվում են Բարձրագույն դատական խորհրդի կողմից:
2. Դատարանում Մասնագիտացված դատավորի ընտրությունը կատարվում է Դատարանի նախագահի առաջարկությամբ` կամավորության սկզբունքի առաջնային պահպանմամբ:
3. Մասնագիտացված դատավորների թեկնածությունների վերաբերյալ առաջարկություն ներկայացնելու հայտը կազմվում և Դատարանի նախագահին է ուղարկվում Դատական դեպարտամենտի կողմից` առաջարկություն ներկայացնելու ժամկետի նշումով:
4. Յուրաքանչյուր մասնագիտացված դատավորի ընտրության համար Դատարանի նախագահը ներկայացնում է մինչև երեք թեկնածություն:
5. Մասնագիտացված դատավորի ընտրության կամավորության սկզբունքը պահպանելու անհնարինության դեպքում դատարանի նախագահն այդ մասին տեղեկացնում է Դատական դեպարտամենտին: Այդ դեպքում Մասնագիտացված դատավորի ընտրությունը կատարում է Բարձրագույն դատական խորհուրդը` տվյալ Դատարանի բոլոր դատավորների թվից:
6. Մասնագիտացված դատավորի ընտրության նոր հիմքեր (մասնագիտացված դատավորի լիազորությունների դադարում կամ դադարեցում, դատական կազմերի փոփոխություն և այլն) առաջանալու դեպքում ընտրությունն իրականացվում է սույն կարգին համապատասխան:
7. Առանձին տեսակի գործերի բաշխումը և վերաբաշխումը Մասնագիտացված դատավորների միջև կատարվում է «Դատավորների միջև գործերի հավասարաչափ բաշխման չափանիշները և կարգը, գործերի վերաբաշխման, կոլեգիալ դատական կազմերը ձևավորելու կարգը և դատավորներին հանձնվող գործերի կոնկրետ տոկոսաչափեր սահմանելու մասին» Բարձրագույն դատական խորհրդի որոշմամբ սահմանված կարգով:
(4-րդ հավելվածը լրաց. 22.04.2021 ԲԴԽ-25-Ո-39 որոշում)