ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
8 դեկտեմբերի 2011 թվականի N 48
30. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՀՈՒԼԻՍԻ 21-Ի N 28-26 ԱՐՁԱՆԱԳՐԱՅԻՆ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ, ԻՆՉՊԵՍ ՆԱԵՎ ԿԵՆՍԱՉԱՓԱԿԱՆ ԿՈՂՄՆՈՐՈՇԻՉՆԵՐ ՊԱՐՈՒՆԱԿՈՂ ԷԼԵԿՏՐՈՆԱՅԻՆ ԱՆՁՆԱԳՐԻ ԵՎ ՆՈՒՅՆԱԿԱՆԱՑՄԱՆ ՔԱՐՏԻ ԱՐՏԱՔԻՆ ՁԵՎԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ
1. Հայաստանի Հանրապետության կառավարության 2011 թվականի հուլիսի 21-ի նիստի «Գնման պայմանագրի օրինակելի ձևին հավանություն տալու մասին» N 28-26 արձանագրային որոշման (այսուհետ` որոշում) 3-րդ կետով հավանության արժանացած` կենսաչափական կողմնորոշիչներ պարունակող էլեկտրոնային անձնագրերի համակարգի ներդրման աշխատանքների (ծառայությունների) կատարման պայմանագրի օրինակելի ձևին կից ներկայացված` կենսաչափական կողմնորոշիչներ պարունակող էլեկտրոնային անձնագրերի համակարգի տեխնիկական առաջադրանքում (այսուհետ` առաջադրանք) կատարել հետևյալ փոփոխությունները և լրացումները`
i
1) առաջադրանքի 2-րդ մասի «Պայմանագրի շրջանակը և ծավալը» հատվածի 8-րդ կետը և առաջադրանքի 3-րդ մասի Պահանջ 18-ը շարադրել հետևյալ խմբագրությամբ.
«Էլ. անձնագրերի համար CSCA-ն պետք է մշակվի ICAO 9303 փաստաթղթի համաձայն: Մուտքի ընդլայնված վերահսկման ենթակառուցվածքը պետք է ընդգրկվի:».
2) առաջադրանքի 3-րդ մասի Պահանջ 60-ում և 69-ում «64 էջ» բառերը փոխարինել «40 էջ» բառերով.
3) առաջադրանքի 3-րդ մասի Պահանջ 64-ը շարադրել հետևյալ խմբագրությամբ.
«Կրիչի հավաստիության ստուգում (chip authentication) և տերմինալ հավաստիության ստուգում (terminal authentication):».
4) առաջադրանքի 2-րդ մասում Քայլ 16-ը շարադրել հետևյալ խմբագրությամբ.
«Էլեկտրոնային անձնագիրն ակտիվանում է այն քաղաքացուն տրամադրելուց հետո, իսկ նույնականացման քարտի ակտիվացման համար քաղաքացին պետք է օգտագործի PIN-ը, որը տրամադրվում է ՀՀ կառավարությանն առընթեր ՀՀ ոստիկանության կողմից:».
5) առաջադրանքի 3-րդ մասի Պահանջ 71-ը շարադրել հետևյալ խմբագրությամբ.
«Թուղթը պետք է քիմիապես զգայուն լինի, որպեսզի բացահայտի յուրաքանչյուր վարձ` կատարելու ֆիզիկական փոխակերպումներ և օգտագործելու անվտանգության համար նախատեսված թղթի քիմիական զգայունացումը և անտեսանելի ֆլյուրոսցենտ ուլտրամանուշակագույն (UV) թանաք:».
6) առաջադրանքի 3-րդ մասի Պահանջ 73-ը լրացնել հետևյալ բովանդակությամբ նոր նախադասությամբ.
«Անտեսանելի ֆլյուրոսցենտ ուլտրամանուշակագույն (UV) թանաքը պետք է օգտագործվի անվտանգ տպագրության համար:».
7) առաջադրանքի 3-րդ մասի Պահանջ 195-ը շարադրել հետևյալ խմբագրությամբ.
«Մատնահետքերի սկանավորման տարածքը չպետք է պակաս լինի 81x76 մմ-ից:».
8) առաջադրանքի 3-րդ մասի Պահանջ 196-ը շարադրել հետևյալ խմբագրությամբ.
«Նկարի տարածք` չորս հարթ մատնապատկերի համար` ոչ պակաս, քան 81x76 մմ-ից:».
i
9) որոշման 3-րդ կետով հավանության արժանացած` կենսաչափական կողմնորոշիչներ պարունակող էլեկտրոնային անձնագրերի համակարգի ներդրման աշխատանքների (ծառայությունների) կատարման պայմանագրի օրինակելի ձևի`
ա. 4.1-ին կետում «16 901 760 (տասնվեց միլիոն ինը հարյուր մեկ հազար յոթ հարյուր վաթսուն)» բառերը փոխարինել «16 895 680 (տասնվեց միլիոն ութ հարյուր իննսունհինգ հազար վեց հարյուր ութսուն)» բառերով,
բ. 4.1.1-ին կետում «37.44» թիվը փոխարինել «37.42» թվով,
գ. 7.6-րդ կետի 1-ին ենթակետում «13665.6/(0.04 ո+365) եվրո» բառերը փոխարինել «13658.3/(0.04 ո+365) եվրո» բառերով, իսկ «37.44» թիվը` «37.42» թվով.
i
10) որոշման 3-րդ կետով հավանության արժանացած` կենսաչափական կողմնորոշիչներ պարունակող էլեկտրոնային անձնագրերի համակարգի ներդրման աշխատանքների (ծառայությունների) կատարման պայմանագրի օրինակելի ձևին կից ներկայացված գնման ժամանակացույցը շարադրել հետևյալ խմբագրությամբ.
._____________________________________________________________________.
|Տարեթիվը |Կենսաչա- |Նույնականաց-|Մեկ |Մեկ |Ընդհանուր |
| |փական |ման |կենսաչա- |նույնակա- |գումարը |
| |անձնագիրը|էլեկտրոնային|փական |նացման | |
| |(հատ) |քարտը (հատ) |անձնագրի |էլեկտրոնային| |
| | | |գինը |քարտի գինը | |
|__________|_________|____________|__________|____________|___________|
|2012 թ. | 50 000| 150 000|37,42 եվրո|5,52 եվրո | 2699000 |
|__________|_________|____________|__________|____________|___________|
|2013 թ. | 60 000| 200 000|37,42 եվրո|5,52 եվրո | 3349200 |
|__________|_________|____________|__________|____________|___________|
|2014 թ. | 64 000| 210 000|37,42 եվրո|5,52 եվրո | 3554080 |
|__________|_________|____________|__________|____________|___________|
|2015 թ. | 64 000| 220 000|37,42 եվրո|5,52 եվրո | 3609280 |
|__________|_________|____________|__________|____________|___________|
|2016 թ. | 66 000| 220 000|37,42 եվրո|5,52 եվրո | 3684120 |
|__________|_________|____________|__________|____________|___________|
|Ընդամենը | 304 000| 1 000 000| | |16 895 680 |
| | | | | |եվրո |
._____________________________________________________________________.
«:
2. Հավանություն տալ կենսաչափական կողմնորոշիչներ պարունակող էլեկտրոնային անձնագրի և նույնականացման քարտի արտաքին ձևին` համաձայն հավելվածի:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2011 ԹՎԱԿԱՆԻ ԴԵԿՏԵՄԲԵՐԻ 21-ԻՆ
Հավելված
ՀՀ կառավարության
2011 թ. դեկտեմբերի 8-ի
նիստի N 48 արձանագրային
որոշման
ԿԵՆՍԱՉԱՓԱԿԱՆ ԿՈՂՄՆՈՐՈՇԻՉՆԵՐ ՊԱՐՈՒՆԱԿՈՂ ԷԼԵԿՏՐՈՆԱՅԻՆ ԱՆՁՆԱԳՐԻ ԱՐՏԱՔԻՆ ՁԵՎԸ
_____________________________________
ԻՐՏԵԿ - անձնագրի ձևերը չեն բերվում