ՀՀ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՀՈՒՆՎԱՐԻ 9-Ի N 21-Ն ...

(ուժը կորցրել է 10.03.11 թիվ 207-Ն որոշում)

040.1252.051108

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

30 հոկտեմբերի 2008 թվականի N 1252-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՀՈՒՆՎԱՐԻ 9-Ի N 21-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ԵՎ ԿԱՆՈՆԱՎՈՐ ՕԴԱՅԻՆ ՀԱՂՈՐԴԱԿՑՈՒԹՅԱՆ ԼԻՑԵՆԶԱՎՈՐՄԱՆ ԿԱՐԳՆ ՈՒ ԿԱՆՈՆԱՎՈՐ ՕԴԱՅԻՆ ՀԱՂՈՐԴԱԿՑՈՒԹՅԱՆ ԼԻՑԵՆԶԻԱՅԻ ՁԵՎԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 72-րդ հոդվածով և «Լիցենզավորման մասին» Հայաստանի Հանրապետության օրենքի 10-րդ հոդվածի 3-րդ և 17-րդ հոդվածի 2-րդ մասերով` Հայաստանի Հանրապետության կառավարությունը որոշում է.

1. ՈՒժը կորցրած ճանաչել Հայաստանի Հանրապետության կառավարության 2003 թվականի հունվարի 9-ի «Չվացուցակի ենթակա և չվացուցակի չենթարկվող օդային տրանսպորտի գործունեության տեսակների լիցենզավորման կարգը և նշված գործունեության տեսակների լիցենզիայի ձևը հաստատելու մասին» N 21-Ն որոշումը:

2. Հաստատել`

1) կանոնավոր օդային հաղորդակցության լիցենզավորման կարգը` համաձայն N 1 հավելվածի.

2) կանոնավոր օդային հաղորդակցության լիցենզիայի ձևը` համաձայն N 2 հավելվածի:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2008 ԹՎԱԿԱՆԻ ՆՈՅԵՄԲԵՐԻ 5-ԻՆ

Հավելված N 1

ՀՀ կառավարության

2008 թվականի հոկտեմբերի 30-ի

N 1252-Ն որոշման

ԿԱՐԳ

ԿԱՆՈՆԱՎՈՐ ՕԴԱՅԻՆ ՀԱՂՈՐԴԱԿՑՈՒԹՅԱՆ ԼԻՑԵՆԶԱՎՈՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Կանոնավոր օդային հաղորդակցության լիցենզավորման կարգով (այսուհետ` կարգ) սահմանվում են Հայաստանի Հանրապետության օդանավ շահագործողների կողմից օդային տրանսպորտով կանոնավոր օդային հաղորդակցության լիցենզավորման պայմանները և գործընթացը:

2. Կանոնավոր օդային հաղորդակցության լիցենզավորումն իրականացնում է Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությունը (այսուհետ` գլխավոր վարչություն):

3. Կանոնավոր օդային հաղորդակցության լիցենզավորումն իրականացվում է «Լիցենզավորման մասին» Հայաստանի Հանրապետության օրենքով սահմանված բարդ ընթացակարգով:

4. Կանոնավոր օդային հաղորդակցության լիցենզիաները (այսուհետ` լիցենզիա) տրվում են անժամկետ:

5. Լիցենզիա ստանալու համար գանձվում է պետական տուրք` «Պետական տուրքի մասին» Հայաստանի Հանրապետության օրենքով սահմանված կարգով և չափով:

II. ԼԻՑԵՆԶԱՎՈՐՄԱՆ ՀԱՄԱՐ ՆԵՐԿԱՅԱՑՎՈՂ ՀԱՅՏԸ ԵՎ ՓԱՍՏԱԹՂԹԵՐԸ

6. Կանոնավոր օդային հաղորդակցության լիցենզիա ստանալու համար հայտատուները գլխավոր վարչություն են ներկայացնում հետևյալ փաստաթղթերը`

1) լիցենզիա ստանալու մասին հայտ` նշելով`

ա. իրավաբանական անձի անվանումը և կազմակերպական-իրավական ձևը, գտնվելու և գործունեության իրականացման վայրերը,

բ. լիցենզավորման ենթակա գործունեության տեսակը, որը հայտատուն մտադիր է իրականացնել,

գ. իրավաբանական անձի` հարկ վճարողի հաշվառման համարի մասին տեղեկատվություն.

2) իրավաբանական անձի կանոնադրության պատճենը և պետական գրանցման վկայականի պատճենը.

3) գլխավոր վարչության կողմից տրված օդանավ շահագործողի վկայականի և ավիափոխադրողի մասնագրի պատճենները.

4) Հայաստանի Հանրապետության օրենսդրությամբ սահմանված կարգով տրված թռիչքային անձնակազմի անդամների մասնագիտական որակավորումը հաստատող փաստաթղթերը.

5) «Պետական տուրքի մասին» Հայաստանի Հանրապետության օրենքին համապատասխան վճարված պետական տուրքի վճարման անդորրագիրը:

7. Լիցենզիա ստանալու համար անհրաժեշտ փաստաթղթերը լիազորված մարմին են հանձնվում առձեռն կամ փոստով:

8. Եթե լիցենզիա ստանալու համար գլխավոր վարչություն ներկայացված փաստաթղթերում առկա են ձևական սխալներ, որոնք կարող են շտկվել, ապա գլխավոր վարչությունը դրանք մատնացույց է անում դիմողին` նրան հնարավորություն ընձեռելով շտկելու այդ սխալները, իսկ եթե կից ներկայացված փաստաթղթերի ցանկն ամբողջական չէ, ապա գլխավոր վարչությունը հայտատուին առաջարկում է 10-օրյա ժամկետում համալրել այդ ցանկը:

9. Լիցենզիա ստանալու մասին հայտը մերժվում է «Լիցենզավորման մասին» Հայաստանի Հանրապետության օրենքով սահմանված դեպքերում:

10. Լիազորված մարմինը լիցենզիան տրամադրելու կամ հայտը մերժելու մասին որոշումն ընդունում է հայտն ստանալու օրվանից 30 օրվա ընթացքում:

III. ԼԻՑԵՆԶԻԱՅԻ ԳՈՐԾՈՂՈՒԹՅԱՆ ԿԱՍԵՑՈՒՄԸ, ԴԱԴԱՐԵՑՈՒՄԸ, ՎԵՐԱՁԵՎԱԿԵՐՊՈՒՄԸ ԿԱՄ ԿՐԿՆՕՐԻՆԱԿԻ ՏՐԱՄԱԴՐՈՒՄԸ

11. Լիցենզիայի վերաձևակերպումը, գործողության կասեցումը, դադարեցումը, լիցենզիայի կրկնօրինակի տրամադրումն իրականացվում է «Լիցենզավորման մասին» Հայաստանի Հանրապետության օրենքով սահմանված կարգով:

Հավելված N 2

ՀՀ կառավարության

2008 թվականի հոկտեմբերի 30-ի

N 1252-Ն որոշման

(Հայաստանի Հանրապետության զինանշանը)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅՈՒՆ

ԼԻՑԵՆԶԻԱ N ԿՕՀ-

Իրավաբանական անձի անվանումը

.........................

Իրավաբանական անձի գտնվելու վայրը

........................

    Գործունեության տեսակը`                    Լիցենզիան տալու ամսաթիվը

    Կանոնավոր օդային հաղորդակցություն         _____   _______ 200 թ.

Լիցենզիայի գործողության

ժամկետը` անժամկետ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ՔԱՂԱՔԱՑԻԱԿԱՆ ԱՎԻԱՑԻԱՅԻ

    ԳԼԽԱՎՈՐ ՎԱՐՉՈՒԹՅԱՆ ՊԵՏ       __________________  _____________________

                                  (ստորագրությունը)   (անունը, ազգանունը)

                            Կ.Տ.