ՈՌՈԳՄԱՆ ԾԱՌԱՅՈՒԹՅՈՒՆՆԵՐ ՄԱՏՈՒՑՈՂ ԸՆԿԵՐՈՒԹՅՈՒՆՆԵՐԻՆ ...

(ուժը կորցրել է 13.09.12 թիվ 1156-Ն որոշում)

040.1334.261107

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

25 հոկտեմբերի 2007 թվականի N 1334-Ն

ՈՌՈԳՄԱՆ ԾԱՌԱՅՈՒԹՅՈՒՆՆԵՐ ՄԱՏՈՒՑՈՂ ԸՆԿԵՐՈՒԹՅՈՒՆՆԵՐԻՆ ՖԻՆԱՆՍԱԿԱՆ ԱՋԱԿՑՈՒԹՅՈՒՆ ՏՐԱՄԱԴՐԵԼՈՒ ՊԱՅՄԱՆԱԳՐԻ ՕՐԻՆԱԿԵԼԻ ՁԵՎԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ՓԵՏՐՎԱՐԻ 8-Ի N 188-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2006 թվականի նոյեմբերի 23-ի N 1800-Ն որոշմամբ հաստատված ծրագրի 161-րդ կետը և Հայաստանի Հանրապետության կառավարության 2007 թվականի փետրվարի 8-ի N 188-Ն որոշման 1-ին կետի «ա» ենթակետով հաստատված` ջրօգտագործողների ընկերություններին պետական ֆինանսական աջակցության բարեփոխումների հիմնադրույթները` Հայաստանի Հանրապետության կառավարությունը որոշում է.

1. Հաստատել ոռոգման ծառայություններ մատուցող ընկերություններին ֆինանսական աջակցություն տրամադրելու պայմանագրի օրինակելի ձևը` համաձայն հավելվածի:

2. Հայաստանի Հանրապետության կառավարության 2007 թվականի փետրվարի 8-ի «Ջրօգտագործողների ընկերությունների պետական ֆինանսական աջակցության բարեփոխումների հիմնադրույթները և մատակարարված ոռոգման ջրի կորուստների նորմաները հաստատելու մասին» N 188-Ն որոշման 1-ին կետի «ա» ենթակետով հաստատված` ջրօգտագործողների ընկերություններին պետական ֆինանսական աջակցության բարեփոխումների հիմնադրույթների 5.3-րդ կետից հանել «, Հայաստանի Հանրապետության ֆինանսների և էկոնոմիկայի նախարարությունը» բառերը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2007 ԹՎԱԿԱՆԻ ՆՈՅԵՄԲԵՐԻ 26-ԻՆ

Հավելված

ՀՀ կառավարության

2007 թվականի հոկտեմբերի 25-ի

N 1334-Ն որոշման

Ձև

ՕՐԻՆԱԿԵԼԻ ՊԱՅՄԱՆԱԳԻՐ ՈՌՈԳՄԱՆ ԾԱՌԱՅՈՒԹՅՈՒՆՆԵՐ ՄԱՏՈՒՑՈՂ ԸՆԿԵՐՈՒԹՅՈՒՆՆԵՐԻՆ ՖԻՆԱՆՍԱԿԱՆ ԱՋԱԿՑՈՒԹՅՈՒՆ ՏՐԱՄԱԴՐԵԼՈՒ

Հիմք ընդունելով Հայաստանի Հանրապետության կառավարության 2007 թվականի փետրվարի 8-ի «Ջրօգտագործողների ընկերություններին պետական ֆինանսական աջակցության բարեփոխումների հիմնադրույթները և մատակարարված ոռոգման ջրի կորուստների նորմաները հաստատելու մասին» N 188-Ն որոշման պահանջները` Հայաստանի Հանրապետության տարածքային կառավարման նախարարության ջրային տնտեսության պետական կոմիտեն (այսուհետ` կոմիտե), ի դեմս կոմիտեի նախագահ ___ _____________________ -ի, որը գործում է կոմիտեի կանոնադրության հիման վրա, (անունը, ազգանունը) մի կողմից, և ____________________________________________________________

(ոռոգման ծառայություններ մատուցող ընկերության անվանումը) ընկերությունը (այսուհետ` ընկերություն), ի դեմս ընկերության գործադիր տնօրեն _____________________ -ի, որը գործում է ընկերության կանոնադրության հիման (անունը, ազգանունը) վրա, մյուս կողմից, կնքեցին սույն պայմանագիրը (այսուհետ` պայմանագիր) հետևյալի մասին.

1. Պայմանագրի առարկան

1.1. Պայմանագրով սահմանվում են հիմնականում այն նախապայմանները, որոնց բավարարման դեպքում ընկերությունը կարող է հավակնել դրամաշնորհի տեսքով պետական ֆինանսական աջակցության:

1.2. Պայմանագրով կոմիտեն տվյալ տարվա պետական բյուջեի շրջանակներում և ֆինանսական պարտավորությունների կատարման եռամսյակային ժամանակացույցին համապատասխան ապահովում է համապատասխան ֆինանսական աջակցության տրամադրումն ընկերությանը:

2. Պայմանագրի գործողության ժամկետը և պայմանագրի գործողության

ժամանակահատվածում սահմանված աջակցության չափերը

2.1. Պայմանագիրը կնքվում է մինչև 5 տարի ժամկետով:

2.2. Պայմանագրով ընկերությանն առաջիկա տարիների կտրվածքով նախատեսվում է հատկացնել ֆինանսական աջակցություն` 2008 թվականին` ____ մլն դրամ, 2009 թվականին` _____ մլն դրամ, 2010 թվականին` _____ մլն դրամ, 2011 թվականին` ______ մլն դրամ:

2.3. Պայմանագրի գործողության ժամանակահատվածում պայմանագրով սահմանված ֆինանսական աջակցության չափերն առաջիկա երեք տարվա կտրվածքով ենթակա չեն վերանայման և փոփոխման, բացառությամբ պայմանագրի 4.1-ին կետում նախատեսված դեպքերի:

3. Ընկերությանը պետական ֆինանսական աջակցություն տրամադրելու

նախապայմանները

3.1. Ընկերությանը պետական ֆինանսական աջակցություն տրամադրվում է, եթե ընկերությունը բավարարում է սույն կետով նշված բոլոր պահանջները`

ա) ոռոգման ջրի դիմաց վճարի (իրացման սակագնի) առավելագույն սահմանը.

բ) ոռոգելի հողատարածքների նվազագույն չափը.

գ) կրեդիտորական պարտավորությունների առավելագույն սահմանը:

3.2. Պայմանագրի 3.1-ին կետի «ա» ենթակետում նշված` ոռոգման ջրի դիմաց վճարի (իրացման սակագնի) առավելագույն սահմանն ըստ տարիների սահմանվում է` 2008 թվականին` ______ դրամ, 2009 թվականին` _____ դրամ, 2010 թվականին` ____ դրամ, 2011 թվականին` ____ դրամ:

3.3. Պայմանագրի 3.1-ին կետի «բ» ենթակետում նշված` ոռոգելի հողատարածքների նվազագույն չափն ըստ տարիների սահմանվում է` 2008 թվականին` ___ հա, 2009 թվականին` ____ հա, 2010 թվականին` ____ հա, 2011 թվականին` ___ հա:

3.4. Պայմանագրի 3.1-ին կետի «գ» ենթակետում նշված` կրեդիտորական պարտավորությունների առավելագույն սահմանն ընթացիկ տարվա համար սահմանվում է 0, իսկ պայմանագրի կնքման պահին առկա պարտավորություններից ընկերությունը պարտավորվում է յուրաքանչյուր տարի մարել այդ պարտավորությունների առնվազն 20 տոկոսը:

4. Պայմանագրի վերանայումը և դրամաշնորհից զրկումը

4.1. Պայմանագրի 2.2-րդ կետում ամրագրված ֆինանսական աջակցության չափերը ենթակա են վերանայման`

ա) Հայաստանի Հանրապետությունում գնաճի միջին տարեկան 6 տոկոս մակարդակը գերազանցելու պարագայում` 6 տոկոսը գերազանցող մասի և պայմանագրով ամրագրված դրամաշնորհի գումարի արտադրյալի չափով.

բ) Հայաստանի Հանրապետության հանրային ծառայությունները կարգավորող հանձնաժողովի կողմից ոռոգման ջրի սակագների փոփոխության դեպքում` նախորդ տարվա գնովի ջրի ծավալների և հանձնաժողովի կողմից սահմանվող սակագների հավելաճի արտադրյալի չափով.

գ) Հայաստանի Հանրապետության հանրային ծառայությունները կարգավորող հանձնաժողովի կողմից էլեկտրաէներգիայի սակագների փոփոխության դեպքում` ընկերության կողմից նախորդ տարվա ընթացքում էլեկտրաէներգիայի փաստացի սպառման և հանձնաժողովի կողմից սահմանվող էլեկտրաէներգիայի սակագների հավելաճի արտադրյալի չափով.

դ) կոմիտեի և ընկերության համաձայնությամբ` օրենքով սահմանված կարգով:

4.2. Պայմանագրի 3.2-րդ, 3.3-րդ և 3.4-րդ կետերի չկատարումը հիմք կարող է հանդիսանալ պայմանագրի 2.2-րդ կետում ամրագրված ֆինանսական աջակցության չափերի նվազման ուղղությամբ վերանայման` ընդհուպ մինչև ընկերությանը պետական ֆինանսական աջակցությունից զրկելու համար:

5. Կողմերի իրավունքները

5.1. Կոմիտեն իրավունք ունի`

5.1.1. Պայմանագրի 3.2-րդ, 3.3-րդ և 3.4-րդ կետերի չկատարման դեպքում դադարեցնել գումարների տրամադրումը, եթե ընկերության կողմից խախտվել են պայմանագրի դրույթները:

5.1.2. Իրականացնել դիտարկումներ (մոնիթորինգ)` պայմանագրով նախատեսված պարտավորությունների կատարման նպատակով:

5.2. Ընկերությունն իրավունք ունի`

5.2.1. Տվյալ տարվա պետական բյուջեով, ֆինանսական պարտավորությունների կատարման ժամանակացույցով և պայմանագրային պարտավորությունները կատարելու դեպքում կոմիտեից պայմանագրով սահմանված ժամկետներում պահանջելու համապատասխան գումարների տրամադրումը:

6. Կողմերի պարտավորությունները

6.1. Կոմիտեն պարտավոր է`

6.1.1. Ֆինանսավորման համար ընկերության առաջարկությունն ստանալուց հետո եռօրյա ժամկետում քննարկել և համաձայնության դեպքում սահմանված կարգով անհրաժեշտ փաստաթղթերը ներկայացնել ֆինանսավորման:

6.1.2. Ֆինանսավորման համար ընկերության առաջարկությունն ստանալուց հետո եռօրյա ժամկետում քննարկել և անհամաձայնության դեպքում հետ վերադարձնել ընկերությանը` վերջինիս կողմից քննարկելու և լրամշակելու նպատակով:

6.2. Ընկերությունը պարտավոր է`

6.2.1. Տվյալ տարվա պետական բյուջեի շրջանակներում և ֆինանսական պարտավորությունների կատարման ժամանակացույցին համապատասխան յուրաքանչյուր ամսվան հաջորդող ամսվա մինչև 15-ը կոմիտե ներկայացնել ֆինանսավորման համար անհրաժեշտ առաջարկություններ և նախորդ ժամանակահատվածի գործունեության հաշվետվությունը:

6.2.2. Պայմանագրի 2.2-րդ կետով ստացված գումարները ծախսել միայն անկանխիկ եղանակով:

6.2.3. Կատարել պայմանագրի 3-րդ կետով նախատեսված պայմանների կատարումը:

7. Պայմանագրի վաղաժամկետ դադարեցումը

7.1. Պայմանագիրը վաղաժամկետ կարող է դադարեցվել`

ա) եթե կողմերից որևէ մեկի կողմից կատարվել է պայմանագրով նախատեսված պարտավորությունների խախտում: Խախտող կողմին գրավոր ներկայացվում է խախտման բովանդակությունը` դրանք շտկելու առաջարկություններով, և տրվում է 10-օրյա ժամկետ` առաջացած խնդիրները լուծելու համար: Նշված ժամանակահատվածից հետո խախտումը չվերացվելու դեպքում խախտումը վերացնելու պահանջ ներկայացրած կողմն իրավասու է գրավոր զգուշացմամբ դադարեցնել պայմանագիրը.

բ) կողմերի գրավոր համաձայնությամբ.

գ) օրենքով սահմանված այլ դեպքերում:

8. Վեճերի լուծման կարգը

8.1. Կողմերի միջև ծագած վեճերը լուծվում են բանակցությունների միջոցով:

8.2. Համաձայնության չգալու դեպքում վեճը լուծվում է դատական կարգով:

9. Այլ պայմաններ

9.1. Պայմանագիրն ուժի մեջ է մտնում կողմերի ստորագրման պահից հետո և գործում է մինչև կողմերի պարտավորությունների կատարման ավարտը:

9.2. Պայմանագիրը կազմված է երկու հավասարազոր օրինակից, որոնցից յուրաքանչյուր կողմին տրվում է մեկական օրինակ:

10. Կողմերի գտնվելու վայրերը, բանկային վավերապայմանները և

ստորագրությունները

        Կոմիտե                                     Ընկերություն

    Գտնվելու վայրը                             Գտնվելու վայրը

    Բանկային վավերապայմանները                  Բանկային վավերապայմանները

    ՀՎՀՀ                                       ՀՎՀՀ

    Հեռախոսահամարը                             Հեռախոսահամարը

    ______________________                     ______________________

      (ստորագրությունը)                          (ստորագրությունը)

    _____ ___________ 200  թ.                  _____ ___________ 200  թ.

          Կ.Տ.                                       Կ.Տ.