ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԲԱՐՁՐ ՏԵԽՆՈԼՈԳԻԱԿԱՆ ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐ
ՀՐԱՄԱՆ
12 օգոստոսի 2019 թվականի N 08-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ, ԿԱՊԻ ԵՎ ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ՆԱԽԱՐԱՐԻ 2018 ԹՎԱԿԱՆԻ ԴԵԿՏԵՄԲԵՐԻ 20-Ի ԹԻՎ 1064-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆԻ ՆՄՈՒՇԸ ՀԱՍՏԱՏԵԼՈՒ ՈՒ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ
i
Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «դ» կետի և «Նորմատիվ իրավական ակտերի մասին» ՀՀ օրենքի 33-րդ և 34-րդ հոդվածների դրույթներով.
i
1. Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարի 2018 թվականի դեկտեմբերի 20-ի «2019 թվականի փոստային վճարման պետական նշանների թեման, գործողության մեջ դնելու ժամկետը, անվանագինը և տպաքանակը հաստատելու մասին» N 1064-Ն հրամանի հավելվածի «9.1» կետը շարադրել հետևյալ խմբագրությամբ.
«
| 9.1 |
Հայոց Վեհարան |
1 նամականիշ |
III եռամսյակ |
220 |
60 000 |
»:
2. Հաստատել փոստային վճարման պետական նշանի նմուշը` Կրոն և մշակույթ. Հայոց Վեհարան թեմային նվիրված «ԿԱԹՈՂԻԿՈՍՈՒԹՅՈՒՆ ԱՄԵՆԱՅՆ ՀԱՅՈՑ. CATHOLICOSATE OF ALL ARMENIANS. 1914. ՎԵՀԱՐԱՆ. 2019. THE PONTIFICAL RESIDENCE. ՄԱՅՐ ԱԹՈՌ ՍՈՒՐԲ ԷՋՄԻԱԾԻՆ. MOTHER SEE OF HOLY ETCHMIADZIN» նամականիշի, համաձայն հավելվածի:
3. Գործողության մեջ դնել` Կրոն և մշակույթ. Հայոց Վեհարան թեմային նվիրված «ԿԱԹՈՂԻԿՈՍՈՒԹՅՈՒՆ ԱՄԵՆԱՅՆ ՀԱՅՈՑ. CATHOLICOSATE OF ALL ARMENIANS. 1914. ՎԵՀԱՐԱՆ. 2019. THE PONTIFICAL RESIDENCE. ՄԱՅՐ ԱԹՈՌ ՍՈՒՐԲ ԷՋՄԻԱԾԻՆ. MOTHER SEE OF HOLY ETCHMIADZIN» նամականիշը, սահմանելով անվանագինը` 220 դրամ, տպաքանակը` 60 000 հատ:
Նախարար` Հ. Արշակյան
ՀԱՍՏԱՏՎԱԾ Է
Հավելված
ՀՀ բարձր տեխնոլոգիական
արդյունաբերության նախարարի
2019 թ. օգոստոսի 12-ի
թիվ 08-Ն հրամանի
