Սեղմել Esc փակելու համար:
ՇԱՐՔԱՅԻՆ ԿԱԶՄԻ ՊԱՐՏԱԴԻՐ ԶԻՆՎՈՐԱԿԱՆ ԾԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ՇԱՐՔԱՅԻՆ ԿԱԶՄԻ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅԱՆ 202 ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

15 ապրիլի 2022 թվականի N 513-Ն

 

ՇԱՐՔԱՅԻՆ ԿԱԶՄԻ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅԱՆ 2022 ԹՎԱԿԱՆԻ ԱՄԱՌԱՅԻՆ ԶՈՐԱԿՈՉ ՀԱՅՏԱՐԱՐԵԼՈՒ ԵՎ ԶՈՐԱՑՐՈՒՄ ԿԱՏԱՐԵԼՈՒ ՄԱՍԻՆ

 

i

Ղեկավարվելով «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքի 19-րդ հոդվածի 4-րդ և 25-րդ հոդվածի 1-ին մասերով ու «Այլընտրանքային ծառայության մասին» Հայաստանի Հանրապետության օրենքի 6-րդ հոդվածի 1-ին մասով` Հայաստանի Հանրապետության կառավարությունը որոշում է.

1. Հայտարարել 2022 թվականի ապրիլի 18-ից մինչև հուլիսի 31-ը ներառյալ Հայաստանի Հանրապետության արական սեռի այն քաղաքացիների շարքային կազմի պարտադիր զինվորական և այլընտրանքային ծառայությունների ամառային զորակոչը (այսուհետ` 2022 թվականի ամառային զորակոչ), որոնց 18 տարին լրանում է մինչև 2022 թվականի հունիսի 30-ը ներառյալ, ինչպես նաև այն քաղաքացիների, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2022 թվականի հունիսի 30-ը ներառյալ:

2. 2022 թվականի ամառային զորակոչի շրջանակներում մինչև 2022 թվականի օգոստոսի 30-ը ներառյալ զորացրել օրենքով սահմանված ժամկետում շարքային կազմի պարտադիր զինվորական կամ այլընտրանքային զինվորական ծառայություն անցած զինծառայողներին:

3. Այլընտրանքային աշխատանքային ծառայությունից արձակել սահմանված ժամկետում այլընտրանքային աշխատանքային ծառայություն անցած ծառայողներին:

4. 2022 թվականի ամառային զորակոչի շրջանակներում զինված ուժերի համալրումը շարքային կազմի պարտադիր զինվորական ծառայության կամ այլընտրանքային զինվորական ծառայության ենթակա քաղաքացիներով իրականացնել 2022 թվականի հունիսի 13-ից մինչև հուլիսի 31-ը ներառյալ, իսկ օրենքով սահմանված ժամկետում շարքային կազմի պարտադիր զինվորական ծառայություն կամ այլընտրանքային զինվորական ծառայություն անցած զինծառայողների զորացրումն իրականացնել 2022 թվականի հուլիսի 1-ից մինչև օգոստոսի 30-ը ներառյալ:

5. 2022 թվականի ամառային զորակոչի կազմակերպման նպատակով ստեղծել հանրապետական զորակոչային հանձնաժողով` համաձայն N 1 հավելվածի, և մարզային (Երևանի քաղաքային) զորակոչային հանձնաժողովներ` համաձայն N 2 հավելվածի:

6. Հաստատել կենտրոնական բժշկական հանձնաժողովի անհատական կազմը` համաձայն N 3 հավելվածի:

7. Հայաստանի Հանրապետության պաշտպանության նախարարին` Հայաստանի Հանրապետության առողջապահության նախարարության հետ համագործակցությամբ ապահովել 2022 թվականի ամառային զորակոչի նախապատրաստական, քաղաքացիների առողջական վիճակի հետազոտման և բժշկական փորձաքննության, ինչպես նաև զինված ուժերի համալրման աշխատանքների կազմակերպման ընթացքում կորոնավիրուսի (COVID-19) տարածման և զինված ուժեր ներթափանցման դեպքերի կանխարգելման անհրաժեշտ միջոցառումների իրականացումը:

8. Հանձնարարել Հայաստանի Հանրապետության նախարարությունների, պետական կառավարման համակարգի այլ մարմինների և կազմակերպությունների (անկախ կազմակերպական-իրավական ձևերից) ղեկավարներին`

1) հայտարարված զորակոչին Հայաստանի Հանրապետության պաշտպանության նախարարության զորակոչային և զորահավաքային համալրման ծառայություն և նրա տարածքային ստորաբաժանումներ չներկայացած կամ քրեական պատասխանատվության կանչված և հետախուզման մեջ գտնվող զորակոչիկների վերաբերյալ տվյալներ ստանալուց հետո նրանց նկատմամբ կիրառել աշխատանքային, տնտեսական ու այլ ոլորտներում` Հայաստանի Հանրապետության օրենքով նախատեսված սահմանափակումներ և գտնվելու վայրի մասին անհապաղ իրազեկել իրավասու պետական մարմիններին.

2) իրավասության սահմաններում ապահովել Հայաստանի Հանրապետության զորակոչի ենթակա քաղաքացիների ներկայանալը Հայաստանի Հանրապետության պաշտպանության նախարարության զորակոչային և զորահավաքային համալրման ծառայություն և դրա տարածքային ստորաբաժանումներ:

9. Հայաստանի Հանրապետության առողջապահության նախարարին` Հայաստանի Հանրապետության կառավարության 2018 թվականի ապրիլի 12-ի N 405-Ն որոշման N 2 հավելվածով սահմանված հետազոտությունների և պատվաստումների իրականացումն ապահովելու նպատակով հանձնարարել իրավասու ծառայություններին` համապատասխան բժշկական հաստատություններին ապահովելու անհրաժեշտ քանակով պատվաստանյութերով, ֆլյուորո (ռենտգեն) և ԷՍԳ ժապավեններով, երևակման նյութերով:

10. Հայաստանի Հանրապետության արտաքին գործերի նախարարին` ապահովել օտարերկրյա պետություններում գտնվող, հյուպատոսական հաշվառման կանգնած, հայտարարված զորակոչին պարտադիր զինվորական ծառայության ենթակա, պարտադիր զինվորական ծառայության զորակոչին ներկայանալու համար Հայաստանի Հանրապետության դիվանագիտական ներկայացուցչությունների կամ հյուպատոսական հիմնարկների կողմից ծանուցված և Հայաստանի Հանրապետություն վերադարձող քաղաքացիների մասին իրազեկումը Հայաստանի Հանրապետության պաշտպանության նախարարության զորակոչային և զորահավաքային համալրման ծառայության պետին:

11. Հայաստանի Հանրապետության ոստիկանության պետին`

1) ապահովել`

ա. հասարակական կարգի պահպանությունը Հայաստանի Հանրապետության պաշտպանության նախարարության զորակոչային և զորահավաքային համալրման ծառայության տարածքային ստորաբաժանումների և հանրապետական հավաքակայանի տարածքներում,

բ. զորակոչից խուսափող զորակոչիկների որոնումը Հայաստանի Հանրապետության տարածքում և Հայաստանի Հանրապետության տարածքից դուրս ու նրանց ներկայանալը Հայաստանի Հանրապետության պաշտպանության նախարարության զորակոչային և զորահավաքային համալրման ծառայության տարածքային ստորաբաժանումներ.

2) զորակոչի ընթացքում զորակոչիկների խմբերը` Հայաստանի Հանրապետության պաշտպանության նախարարության զորակոչային և զորահավաքային համալրման ծառայության Երևան քաղաքի և մարզերի տարածքային ստորաբաժանումներից մինչև հանրապետական հավաքակայան, իսկ հանրապետական հավաքակայանից մինչև Երևանի սահմաններից դուրս փոխադրող ավտոբուսների ուղեկցումն անվտանգ իրականացնելու համար կցել ճանապարհային ոստիկանության անձնակազմեր:

12. Հայաստանի Հանրապետության տարածքային կառավարման և ենթակառուցվածքների նախարարին` սույն որոշումն ուժի մեջ մտնելուց հետո 5-օրյա ժամկետում Հայաստանի Հանրապետության պաշտպանության նախարարությանը տրամադրել Հայաստանի Հանրապետության տարածքում ուղևորափոխադրումներ իրականացնող կազմակերպությունների ցանկը` «Գնումների մասին» Հայաստանի Հանրապետության օրենքով սահմանված կարգով զորակոչիկների փոխադրումներն իրականացնելու համար:

13. Հայաստանի Հանրապետության ոստիկանության պետին, Հայաստանի Հանրապետության ազգային անվտանգության ծառայության տնօրենին` զորակոչի ենթակա քաղաքացիների կողմից զորակոչից խուսափելու դեպքերը կանխելու նպատակով զորակոչի ընթացքում ուժեղացնել վերահսկողությունը Հայաստանի Հանրապետության սահմանային հաղորդակցության ուղիներում:

14. Հայաստանի Հանրապետության կրթության, գիտության, մշակույթի և սպորտի նախարարին`

1) մինչև 2022 թվականի մայիսի 17-ը Հայաստանի Հանրապետության պաշտպանության նախարարության զորակոչային և զորահավաքային համալրման ծառայությանը տրամադրել մինչև 2022 թվականի հունիսի 30-ը ներառյալ 18 տարին լրացող` դպրոցները, ուսումնարանները և քոլեջներն ավարտող, բարձրագույն ուսումնական հաստատությունների ընդունելության քննություններին մասնակցելու հայտ ներկայացրած արական սեռի քաղաքացիների անվանական ցուցակները.

2) մինչև 2022 թվականի հուլիսի 21-ը Հայաստանի Հանրապետության պաշտպանության նախարարության զորակոչային և զորահավաքային համալրման ծառայությանը տրամադրել Հայաստանի Հանրապետության բարձրագույն կամ հետբուհական ուսումնական հաստատություններ ընդունված զորակոչիկների անվանացուցակը` ըստ բնակության վայրի հասցեների և Հայաստանի Հանրապետության պաշտպանության նախարարության զորակոչային և զորահավաքային համալրման ծառայության տարածքային ստորաբաժանումների.

3) Հայաստանի Հանրապետության պաշտպանության նախարարության զորակոչային և զորահավաքային համալրման ծառայության տարածքային ստորաբաժանումների բժշկական հանձնաժողովներում նոր նշանակված բժիշկ-մասնագետների համար, Երևանի Մ. Հերացու անվան պետական բժշկական համալսարանում պետպատվերի շրջանակներում, կազմակերպել զորակոչիկների ռազմաբժշկական փորձաքննության 35-ժամյա ծրագրով կատարելագործման դասընթացներ:

15. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության

    վարչապետ                     Ն. Փաշինյան

 

2022 թ. ապրիլի 15

Երևան

 

Հավելված N 1

ՀՀ կառավարության

2022 թվականի ապրիլի 15-ի

N 513-Ն որոշման

 

ԿԱԶՄ

ՀԱՆՐԱՊԵՏԱԿԱՆ ԶՈՐԱԿՈՉԱՅԻՆ ՀԱՆՁՆԱԺՈՂՈՎԻ

 

ՀՀ պաշտպանության նախարար (հանձնաժողովի նախագահ)

ՀՀ զինված ուժերի գլխավոր շտաբի պետ (հանձնաժողովի նախագահի տեղակալ)

ՀՀ ՊՆ զորակոչային և զորահավաքային համալրման ծառայության պետ

ՀՀ ոստիկանության պետ

ՀՀ ազգային անվտանգության ծառայության տնօրեն

ՀՀ գլխավոր դատախազ (համաձայնությամբ)

ՀՀ կրթության, գիտության, մշակույթի և սպորտի նախարար

ՀՀ բարձր տեխնոլոգիական արդյունաբերության նախարար

ՀՀ առողջապահության նախարար

ՀՀ արտաքին գործերի նախարար

ՀՀ տարածքային կառավարման և ենթակառուցվածքների նախարար

ՀՀ ՊՆ զորակոչային և զորահավաքային համալրման ծառայության զորակոչի վարչության պետ-ծառայության պետի տեղակալ (հանձնաժողովի քարտուղար)

 

Հավելված N 2

ՀՀ կառավարության

2022 թվականի ապրիլի 15-ի

N 513-Ն որոշման

 

ԿԱԶՄ

ՄԱՐԶԱՅԻՆ (ԵՐԵՎԱՆ ՔԱՂԱՔԻ) ԶՈՐԱԿՈՉԱՅԻՆ ՀԱՆՁՆԱԺՈՂՈՎՆԵՐԻ

 

._____________________________________________________________________.

|Տարածքային         |Հանձնաժողովների անդամներ                         |

|ստորաբաժանումներ   |                                                 |

|___________________|_________________________________________________|

|Երևան              |Երևանի  քաղաքապետ (հանձնաժողովի նախագահ)         |

|Երևանի  N 1        |Երևան  քաղաքի ոստիկանության վարչության պետ       |

|Երևանի  N 2        |ՀՀ ՊՆ ռազմական ոստիկանության                     |

|Երևանի  N 3        |Երևանի  ռազմական ոստիկանության բաժնի պետ         |

|Երևանի  N 4        |ՀՀ ՊՆ զորակոչային և  զորահավաքային համալրման     |

|                   |ծառայության                                      |

|                   |Երևանի  N 1, N 2, N 3 և  N 4 տարածքային          |

|                   |ստորաբաժանումների ղեկավարներ                     |

|                   |Երևանի  քաղաքապետարանի աշխատակազմի առաջին և      |

|                   |զորակոչային հարցերի կազմակերպման բաժնի պետ       |

|                   |(հանձնաժողովի քարտուղար)                         |

|___________________|_________________________________________________|

|Արագածոտն          |Արագածոտնի մարզպետ (հանձնաժողովի նախագահ)        |

|Արագածոտնի մարզի   |Մարզային ոստիկանության վարչության պետ            |

|                   |ՀՀ ՊՆ ռազմական ոստիկանության Էջմիածնի ռազմական   |

|                   |ոստիկանության բաժնի Աշտարակի հենակետի պետ        |

|                   |ՀՀ ՊՆ զորակոչային և  զորահավաքային համալրման     |

|                   |ծառայության                                      |

|                   |Արագածոտնի մարզի տարածքային ստորաբաժանման ղեկավար|

|                   |Արագածոտնի մարզպետարանի զորահավաքային            |

|                   |նախապատրաստության բաժնի պետ (հանձնաժողովի        |

|                   |քարտուղար)                                       |

|___________________|_________________________________________________|

|Արարատ             |Արարատի մարզպետ (հանձնաժողովի նախագահ)           |

|Արարատի մարզի      |Մարզային ոստիկանության վարչության պետ            |

|                   |ՀՀ ՊՆ ռազմական ոստիկանության Արարատի ռազմական    |

|                   |ոստիկանության բաժնի պետ                          |

|                   |ՀՀ ՊՆ զորակոչային և  զորահավաքային համալրման     |

|                   |ծառայության                                      |

|                   |Արարատի մարզի տարածքային ստորաբաժանման ղեկավար   |

|                   |Արարատի մարզպետարանի զորահավաքային               |

|                   |նախապատրաստության բաժնի պետ (հանձնաժողովի        |

|                   |քարտուղար)                                       |

|___________________|_________________________________________________|

|Արմավիր            |Արմավիրի մարզպետ (հանձնաժողովի նախագահ)          |

|Արմավիրի մարզի     |Մարզային ոստիկանության վարչության պետ            |

|                   |ՀՀ ՊՆ ռազմական ոստիկանության Էջմիածնի ռազմական   |

|                   |ոստիկանության բաժնի պետ                          |

|                   |ՀՀ ՊՆ զորակոչային և  զորահավաքային համալրման     |

|                   |ծառայության                                      |

|                   |Արմավիրի մարզի տարածքային ստորաբաժանման ղեկավար  |

|                   |Արմավիրի մարզպետարանի զորահավաքային              |

|                   |նախապատրաստության բաժնի պետ (հանձնաժողովի        |

|                   |քարտուղար)                                       |

|___________________|_________________________________________________|

|Գեղարքունիք        |Գեղարքունիքի մարզպետ (հանձնաժողովի նախագահ)      |

|Գեղարքունիքի մարզի |Մարզային ոստիկանության վարչության պետ            |

|                   |ՀՀ ՊՆ ռազմական ոստիկանության Մարտունու ռազմական  |

|                   |ոստիկանության բաժանմունքի պետ                    |

|                   |ՀՀ ՊՆ զորակոչային և  զորահավաքային համալրման     |

|                   |ծառայության                                      |

|                   |Գեղարքունիքի մարզի տարածքային ստորաբաժանման      |

|                   |ղեկավար                                          |

|                   |Գեղարքունիքի մարզպետարանի զորահավաքային          |

|                   |նախապատրաստության բաժնի պետ (հանձնաժողովի        |

|                   |քարտուղար)                                       |

|___________________|_________________________________________________|

|Լոռի               |Լոռու մարզպետ (հանձնաժողովի նախագահ)             |

|Լոռու մարզի        |Մարզային ոստիկանության վարչության պետ            |

|                   |ՀՀ ՊՆ ռազմական ոստիկանության Վանաձորի ռազմական   |

|                   |ոստիկանության բաժնի պետ                          |

|                   |ՀՀ ՊՆ զորակոչային և  զորահավաքային համալրման     |

|                   |ծառայության                                      |

|                   |Լոռու մարզի տարածքային ստորաբաժանման ղեկավար     |

|                   |Լոռու մարզպետարանի զորահավաքային                 |

|                   |նախապատրաստության բաժնի պետ (հանձնաժողովի        |

|                   |քարտուղար)                                       |

|___________________|_________________________________________________|

|Կոտայք             |Կոտայքի մարզպետ (հանձնաժողովի նախագահ)           |

|Կոտայքի մարզի      |Մարզային ոստիկանության վարչության պետ            |

|                   |ՀՀ ՊՆ ռազմական ոստիկանության Աբովյանի ռազմական   |

|                   |ոստիկանության բաժնի պետ                          |

|                   |ՀՀ ՊՆ զորակոչային և  զորահավաքային համալրման     |

|                   |ծառայության                                      |

|                   |Կոտայքի մարզի տարածքային ստորաբաժանման ղեկավար   |

|                   |Կոտայքի մարզպետարանի տեղական ինքնակառավարման և   |

|                   |հանրապետական գործադիր մարմինների հարցերով        |

|                   |վարչության պետ (հանձնաժողովի քարտուղար)          |

|___________________|_________________________________________________|

|Շիրակ              |Շիրակի մարզպետ (հանձնաժողովի նախագահ)            |

|Շիրակի մարզի       |Մարզային ոստիկանության վարչության պետ            |

|                   |ՀՀ ՊՆ ռազմական ոստիկանության Գյումրու ռազմական   |

|                   |ոստիկանության բաժանմունքի պետ                    |

|                   |ՀՀ ՊՆ զորակոչային և  զորահավաքային համալրման     |

|                   |ծառայության Շիրակի մարզի տարածքային ստորաբաժանման|

|                   |ղեկավար                                          |

|                   |Շիրակի մարզպետարանի տեղական ինքնակառավարման և    |

|                   |հանրապետական գործադիր մարմինների հարցերով        |

|                   |վարչության պետ (հանձնաժողովի քարտուղար)          |

|___________________|_________________________________________________|

|Սյունիք            |Սյունիքի մարզպետ (հանձնաժողովի նախագահ)          |

|Սյունիքի մարզի     |Մարզային ոստիկանության վարչության պետ            |

|                   |ՀՀ ՊՆ ռազմական ոստիկանության Սիսիանի և  Կապանի   |

|                   |ռազմական ոստիկանության բաժինների պետեր           |

|                   |ՀՀ ՊՆ զորակոչային և  զորահավաքային համալրման     |

|                   |ծառայության                                      |

|                   |Սյունիքի մարզպետարանի հանրապետական գործադիր      |

|                   |մարմինների տարածքային ստորաբաժանումների          |

|                   |գործունեության համակարգման բաժնի պետ             |

|                   |(հանձնաժողովի քարտուղար)                         |

|___________________|_________________________________________________|

|Վայոց ձոր          |Վայոց ձորի մարզպետ (հանձնաժողովի նախագահ)        |

|Վայոց ձորի մարզի   |Մարզային ոստիկանության վարչության պետ            |

|                   |ՀՀ ՊՆ ռազմական ոստիկանության Վայքի ռազմական      |

|                   |ոստիկանության բաժնի պետ                          |

|                   |ՀՀ ՊՆ զորակոչային և  զորահավաքային համալրման     |

|                   |ծառայության Վայոց ձորի մարզի տարածքային          |

|                   |ստորաբաժանման ղեկավար                            |

|                   |Վայոց ձորի մարզպետարանի զորահավաքային            |

|                   |նախապատրաստության բաժնի պետ (հանձնաժողովի        |

|                   |քարտուղար)                                       |

|___________________|_________________________________________________|

|Տավուշ             |Տավուշի մարզպետ (հանձնաժողովի նախագահ)           |

|Տավուշի մարզի      |Մարզային ոստիկանության վարչության պետ            |

|                   |ՀՀ ՊՆ ռազմական ոստիկանության Իջևանի  ռազմական    |

|                   |ոստիկանության բաժնի պետ,                         |

|                   |ՀՀ ՊՆ ռազմական ոստիկանության Բերդի ռազմական      |

|                   |ոստիկանության բաժնի պետ                          |

|                   |ՀՀ ՊՆ զորակոչային և  զորահավաքային համալրման     |

|                   |ծառայության                                      |

|                   |Տավուշի մարզի N 1 և  N 2 տարածքային ստորաբաժանման|

|                   |ղեկավարներ                                       |

|                   |Տավուշի մարզպետարանի զորահավաքային               |

|                   |նախապատրաստության բաժնի պետ (հանձնաժողովի        |

|                   |քարտուղար)                                       |

._____________________________________________________________________.

 

Հավելված N 3

ՀՀ կառավարության

2022 թվականի ապրիլի 15-ի

N 513-Ն որոշման

 

ԱՆՀԱՏԱԿԱՆ ԿԱԶՄ ԿԵՆՏՐՈՆԱԿԱՆ ԲԺՇԿԱԿԱՆ ՀԱՆՁՆԱԺՈՂՈՎԻ

 

    Վահե Կորյունի Հակոբյան         - հանձնաժողովի նախագահ

                                     (ՀՀ առողջապահության նախարարության

                                     գլխավոր քարտուղարի տեղակալ)

 

    Գարիկ Սմբատի Սարգսյան          - հանձնաժողովի նախագահի տեղակալ

                                     (օտոլարինգոլոգ)

 

    Արմեն Վահանի Սաֆարյան          - ՀՀ առողջապահության նախարարության

                                     ներկայացուցիչ

 

    Էդուարդ Արմենի Ավագյան         - թերապևտ

 

    Գարիկ Գագիկի Մուրադյան         - թերապևտ

 

    Հարություն Վահրամի Ղռմաջյան    - սրտաբան

 

    Գագիկ Սարիբեկի Հակոբյան        - սրտաբան

 

    Արշակ Վարդգեսի Ղազարյան        - նյարդաբան

 

    Հասմիկ Ռաֆայելի Ամրոյան        - նյարդաբան

 

    Սահակ Աշոտի Հակոբյան           - մաշկաբան

 

    Էդուարդ Տիգրանի Վարդանյան      - ուրոլոգ

 

    Դավիթ Գևորգի  Փթուկյան         - վիրաբույժ

 

    Թեհրան Ֆրիկի Նավիկյան          - վնասվածքաբան

 

    Լևոն  Գագիկի Ներսիսյան         - վնասվածքաբան

 

    Արթուր Լիոնիկի Մինասյան        - օտոլարինգոլոգ

 

    Հրանտ Ալեքսանի Շահինյան        - ակնաբույժ

 

    Եղիշե Ալիկի Բաղդասարյան        - ակնաբույժ

 

    Ռուդոլֆ Կնյազի Սարգսյան        - հոգեբույժ

 

Լուսինե Անդրանիկի Արզումանյան - հոգեբույժ

 

    Նարեկ Հովիկի Ջամալյան          - հանձնաժողովի քարտուղար, համակարգչային

                                     օպերատոր

 

Պաշտոնական հրապարակման օրը` 15 ապրիլի 2022 թվական:

 

 

pin
ՀՀ կառավարություն
15.04.2022
N 513-Ն
Որոշում