ՇՐՋԻԿ ԱՌԵՎՏՐԻ ԿԵՏԵՐԸ ԿԱՄ ՏՐԱՆՍՊՈՐՏԱՅԻՆ ՄԻՋՈՑՆԵՐԸ Հ ...

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԵՐԵՎԱՆ ՔԱՂԱՔԻ ԱՎԱԳԱՆԻ

ՈՐՈՇՈՒՄ

24 հունիսի 2020 թվականի N 243-Ն

ՇՐՋԻԿ ԱՌԵՎՏՐԻ ԿԵՏԵՐԸ ԿԱՄ ՏՐԱՆՍՊՈՐՏԱՅԻՆ ՄԻՋՈՑՆԵՐԸ ՀԱՏՈՒԿ ՏԱՐԱԾՔ ՏԵՂԱՓՈԽԵԼՈՒ, ԴՐԱՆՔ ԱՅՆՏԵՂ ՀԱՇՎԱՌԵԼՈՒ ԿԱՐԳԸ ԵՎ ՇՐՋԻԿ ԱՌԵՎՏՐԻ ԿԵՏԵՐԸ ԿԱՄ ՏՐԱՆՍՊՈՐՏԱՅԻՆ ՄԻՋՈՑՆԵՐԸ ՀԱՏՈՒԿ ՏԱՐԱԾՔ ՏԵՂԱՓՈԽԵԼՈՒ ԵՎ ՊԱՀՊԱՆՄԱՆ ՀԱՄԱՐ ՎՃԱՐՆԵՐԻ ՉԱՓԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Երևան քաղաքում տեղական ինքնակառավարման մասին» օրենքի 12-րդ հոդվածի 1-ին մասի 25.2-րդ կետով և «Առևտրի և ծառայությունների մասին» օրենքի 5.3-րդ հոդվածի 5-րդ և 6-րդ մասերով.

Երևան քաղաքի ավագանին որոշում է.

1. Սահմանել շրջիկ առևտրի կետերը կամ տրանսպորտային միջոցները հատուկ տարածք տեղափոխելու, դրանք այնտեղ հաշվառելու կարգը և շրջիկ առևտրի կետերը կամ տրանսպորտային միջոցները հատուկ տարածք տեղափոխելու և պահպանման համար վճարների չափը` համաձայն հավելվածի:

2. Սույն որոշումն ուժի մեջ է մտնում 2021 թվականի հունվարի 1-ից:

    Երևանի  քաղաքապետ                      Հ. Մարության

Հավելված

Երևան քաղաքի ավագանու

2020 թվականի հունիսի 24-ի

N 243-Ն որոշման

ՇՐՋԻԿ ԱՌԵՎՏՐԻ ԿԵՏԵՐԸ ԿԱՄ ՏՐԱՆՍՊՈՐՏԱՅԻՆ ՄԻՋՈՑՆԵՐԸ ՀԱՏՈՒԿ ՏԱՐԱԾՔ ՏԵՂԱՓՈԽԵԼՈՒ, ԴՐԱՆՔ ԱՅՆՏԵՂ ՀԱՇՎԱՌԵԼՈՒ ԿԱՐԳԸ ԵՎ ՇՐՋԻԿ ԱՌԵՎՏՐԻ ԿԵՏԵՐԸ ԿԱՄ ՏՐԱՆՍՊՈՐՏԱՅԻՆ ՄԻՋՈՑՆԵՐԸ ՀԱՏՈՒԿ ՏԱՐԱԾՔ ՏԵՂԱՓՈԽԵԼՈՒ ԵՎ ՊԱՀՊԱՆՄԱՆ ՀԱՄԱՐ ՎՃԱՐՆԵՐԻ ՉԱՓԸ

1. Շրջիկ առևտրի կետի կամ տրանսպորտային միջոցի տեղափոխումը հատուկ տարածք իրականացվում է մեկ այլ տրանսպորտային միջոցի օգնությամբ:

2. Տեսուչը կազմում է շրջիկ առևտրի կետը կամ տրանսպորտային միջոցը հատուկ տարածք տեղափոխելու վերաբերյալ արձանագրություն` համաձայն Ձև 1-ի, իսկ կրկնօրինակը հանձնվում կամ ուղարկում է շրջիկ առևտրի կետի կամ տրանսպորտային միջոցի սեփականատիրոջը կամ շահագործողին` վերջինիս վերաբերյալ տեղեկատվություն ունենալու դեպքում և Հայաստանի Հանրապետության ոստիկանություն, ինչպես նաև համապատասխան հայտարարություն է տեղադրվում Երևանի քաղաքապետարանի պաշտոնական համացանցային www.yerevan.am կայքում:

3. Շրջիկ առևտրի կետը կամ տրանսպորտային միջոցը հատուկ տարածք տեղափոխելու վերաբերյալ արձանագրությունում նշվում են հետևյալ հիմնական տեղեկությունները.

1) արձանագրությունը կազմող պաշտոնատար անձի (տեսուչի) պաշտոնը, անունը և ազգանունը,

2) շրջիկ առևտրի կետի կամ տրանսպորտային միջոցի գտնվելու վայրը, հաշվառման համարանիշը` առկայության դեպքում, դռների և պատուհանների բաց կամ փակ վիճակը,

3) շրջիկ առևտրի կետի կամ տրանսպորտային միջոցի սեփականատիրոջ կամ շահագործողի կամ աշխատակցի տվյալները (անուն, ազգանուն, հայրանուն, անձը հաստատող փաստաթուղթ, հասցե, հեռախոսահամար), եթե դրանք հայտնի են կամ վերջիններիս կողմից տրամադրվում են,

4) տեղափոխման և պահպանման համար գանձվող վճարների չափը:

4. Տեղափոխելու գործընթացը կարող է տեսաձայնագրվել կամ լուսանկարահանվել, որի դեպքում նյութերը կցվում են արձանագրությանը: Արձանագրության և տեսանյութերի կրկնօրինակները հանձնվում են հատուկ տարածքի պատասխանատու անձին, իսկ բնօրինակները պահպանվում են այն վարչական շրջանի ղեկավարի աշխատակազմում, որտեղից տեղափոխվել է շրջիկ առևտրի կետը կամ տրանսպորտային միջոցը:

5. Շրջիկ առևտրի կետը կամ տրանսպորտային միջոցը հատուկ տարածք տեղափոխելու համար գանձվում է վճար` 30,000 ՀՀ դրամի չափով:

6. Հատուկ տարածքում շրջիկ առևտրի կետի կամ տրանսպորտային միջոցի պահպանման համար գանձվում է վճար`

1) յուրաքանչյուր ժամի համար`100 ՀՀ դրամի չափով,

2) յուրաքանչյուր օրվա համար`1,000 ՀՀ դրամի չափով:

7. Հատուկ տարածք տեղափոխված շրջիկ առևտրի կետը կամ տրանսպորտային միջոցը դրա սեփականատիրոջը, նրա լիազորած անձին կամ տրանսպորտային միջոցը շահագործողին հանձնվում է հատուկ տարածք տեղափոխման և պահպանման ծախսերն ամբողջությամբ փոխհատուցելուց հետո:

8. Շրջիկ առևտրի կետը կամ տրանսպորտային միջոցը հատուկ տարածք տեղափոխելուց անմիջապես հետո հատուկ տարածքի պատասխանատու անձը կատարում է համապատասխան գրառում հատուկ տարածքում շրջիկ առևտրի կետի կամ տրանսպորտային միջոցի հաշվառման մատյանում:

9. Հատուկ տարածք շրջիկ առևտրի կետի կամ տրանսպորտային միջոցի մուտք գործելու և հատուկ տարածքից շրջիկ առևտրի կետը կամ տրանսպորտային միջոցը բաց թողնելու ժամանակ հաշվառման մատյանում նշվում է հետևյալ տեղեկատվությունը.

1) հատուկ տարածք տեղափոխված (հատուկ տարածքից բաց թողնված) շրջիկ առևտրի կետի կամ տրանսպորտային միջոցի մակնիշը, հաշվառման համարանիշը,

2) հատուկ տարածք շրջիկ առևտրի կետը կամ տրանսպորտային միջոցը մուտք գործելու (հատուկ տարածքից շրջիկ առևտրի կետը կամ տրանսպորտային միջոցը բաց թողնելու) ժամանակը (ամիս, ամսաթիվ, ժամ, րոպե),

3) շրջիկ առևտրի կետը կամ տրանսպորտային միջոցը հատուկ տարածքում պահպանելու ժամկետը (օր, ժամ),

4) շրջիկ առևտրի կետը կամ տրանսպորտային միջոցը հատուկ տարածք տեղափոխելու արձանագրության համարը և կազմելու ամսաթիվը,

5) հատուկ տարածքում շրջիկ առևտրի կետի կամ տրանսպորտային միջոցի պահպանման համար հաշվարկված գանձման ենթակա վճարների չափը,

6) շրջիկ առևտրի կետը կամ տրանսպորտային միջոցը հատուկ տարածք տեղափոխելու ծախսերի փոխհատուցման մասին տվյալներ, փոխադրողի անունը, ազգանունը, ստորագրությունը,

7) հատուկ տարածքի համար պատասխանատու անձի անունը, ազգանունը, ստորագրությունը,

8) հատուկ տարածքից բաց թողնվող շրջիկ առևտրի կետի կամ տրանսպորտային միջոցի, ինչպես նաև դրանում առկա գույքի անվնաս լինելու վերաբերյալ դրա սեփականատիրոջ, նրա լիազորած անձի կամ շահագործողի հայտարարությունները, նրա անունը, ազգանունը, ստորագրությունը:

10. Հատուկ տարածք տեղափոխված շրջիկ առևտրի կետը կամ տրանսպորտային միջոցը դրա սեփականատիրոջը կամ նրա լիազորած անձին հանձնվում է այդ մասին արձանագրություն կազմելուց հետո` համաձայն Ձև 2-ի:

11. Հատուկ տարածքում երեք տարի ժամկետով պահպանվում են հետևյալ փաստաթղթերը.

1) շրջիկ առևտրի կետը կամ տրանսպորտային միջոցը հատուկ տարածք մուտք գործելու և հատուկ տարածքից բաց թողնելու հաշվառման մատյանը,

2) շրջիկ առևտրի կետը կամ տրանսպորտային միջոցը հատուկ տարածք տեղափոխելու և հատուկ տարածքից բաց թողնելու վերաբերյալ արձանագրությունները,

3) հատուկ տարածք տեղափոխման համար հաշվարկված վճարի, ինչպես նաև հատուկ տարածքում շրջիկ առևտրի կետի կամ տրանսպորտային միջոցի գտնվելու տևողության և, ըստ դրա, պահպանման համար գանձման ենթակա և փաստացի գանձված գումարի չափի վերաբերյալ վճարային փաստաթղթերը (դրանց առկայության դեպքում):

12. Սույն կարգի 11-րդ կետում նշված ժամկետը լրանալուց հետո նշված փաստաթղթերը ենթակա են հանձնման Երևանի քաղաքապետարանի աշխատակազմին` արխիվացման նպատակով:

13. Շրջիկ առևտրի կետը կամ տրանսպորտային միջոցը մեկ տարի ժամկետում հատուկ տարածքում կայանելու պարագայում, եթե սույն որոշմամբ սահմանված տեղափոխման ու հատուկ տարածքում պահպանության ծախսերը չեն հատուցվել, հատուկ տարածքի պատասխանատուն այդ մասին գրավոր տեղեկացնում է Երևանի քաղաքապետարան` գումարը օրենքով սահմանված կարգով բռնագանձելու և տվյալ գույքի հետագա տնօրինման հարցը լուծելու համար:

Ձև 1

ԱՐՁԱՆԱԳՐՈՒԹՅՈՒՆ ________

(շրջիկ առևտրի կետը կամ շրջիկ առևտուր իրականացնող տրանսպորտային

միջոցների համար կայանատեղիում կայանված տրանսպորտային միջոցը

տեղափոխելու մասին)

    «»______20 թ.                                   ք. Երևան

Ես` __________________________________________________________________

արձանագրությունը կազմող պաշտոնատար անձի (տեսուչի) պաշտոնը, անունը

և ազգանունը

մասնակցությամբ`_______________________________________________________

մասնակիցների տվյալները

ներկայությամբ`_______________________________________________________

տրանսպորտային միջոցի սեփականատիրոջ կամ շահագործողի կամ

աշխատակցի տվյալները` անուն, ազգանուն, հայրանուն, անձը

հաստատող փաստաթուղթ, բնակության կամ ծանուցման հասցե,

հեռախոսահամար, կոնտակտային այլ տվյալներ

ղեկավարվելով «Առևտրի և ծառայությունների մասին» ՀՀ օրենքի 5.3 հոդվածով և Երևան քաղաքի ավագանու_____ թիվ ___ Ն որոշման պահանջներով, կազմեցի սույն արձանագրությունն այն մասին, որ 20 թ._____ -ին ժամը____ին Երևան քաղաքի ____փողոցի թիվ ____հասցեի մոտից հատուկ տարածք տարհանեցի ___ հաշվառման համարանիշներով (հաշվառման համարանիշների բացակայության պայմաններում նշվում է այդ մասին) տրանսպորտային միջոցը, որի դռներն ու պատուհանները գտնվում էին ________________________________________________________________ վիճակում: բաց կամ փակ վիճակում, ապահովման միջոցներ կիրառելու դեպքում նշել

դրանց մասին:

Տարհանման գործընթացը ________________________________________________:

կատարել նշում տեսանկարահանում կամ լուսանկարահանում

կատարված լինելու կամ չլինելու մասին

Տրանսպորտային միջոցը տարհանվեց ___մակնիշի ____ հաշվառման համարանիշի քարշակի օգնությամբ, որի վարորդն է______________________________________:

անուն, ազգանուն, վարորդական իրավունքի

վկայական

Տրանսպորտային միջոցը վերջինիս կողմից տեղափոխվել է ք. Երևան, ___________ հասցեում գտնվող հատուկ տարածք:

Տրանսպորտային միջոցի սեփականատիրոջը (շահագործողին կամ աշխատակցին) պարզաբանվել է, որ համաձայն «Առևտրի և ծառայությունների մասին» ՀՀ օրենքի 5.3 հոդվածի 7-րդ կետի` հատուկ տարածք տեղափոխված շրջիկ առևտրի կետը կամ տրանսպորտային միջոցը դա սեփականատիրոջը կամ նրա լիազորված անձին հանձնվում է հատուկ տարածք տեղափոխման և պահպանման ծախսերն ամբողջությամբ փոխհատուցելուց հետո, իսկ Երևան քաղաքի ավագանու ______թիվ _____որոշման ______ կետի համաձայն` տրանսպորտային միջոցի տարհանման վճարը կազմում է 30000 ՀՀ դրամ, հատուկ տարածքում պահպանության մեկ ժամը` 100 ՀՀ դրամ, իսկ յուրաքանչյուր օրվա համար` 1000 ՀՀ դրամ:

Արձանագրության պատճենը _______________________________________________

կատարել նշում առձեռն ստանալու կամ փոստային ծառայության

միջոցով առաքելու կամ առձեռն ստանալուց հրաժարվելու մասին:

    Արձանագրությունը կազմեց`     __________________________

                                      անուն, ազգանուն

Մասնակցությամբ`  __________________________

անուն, ազգանուն

    Ներկայությամբ`    __________________________

                           անուն, ազգանուն

Արձանագրության պատճենները ստացան` __________________________

անուն, ազգանուն

Ծանուցում. Տարհանված տրանսպորտային միջոցի մասին տեղեկատվությունն ուղարկվելու է ՀՀ ոստիկանություն և համապատասխան հայտարարություն տեղադրվելու է Երևանի քաղաքապետարանի պաշտոնական համացանցային www.yerevan.am կայքում:

Ձև 2

ԱՐՁԱՆԱԳՐՈՒԹՅՈՒՆ ________

(շրջիկ առևտրի կետը կամ տրանսպորտային միջոցը բաց թողնելու մասին)

    «»______20 թ.                                   ք. Երևան

Ես`___________________________________________________________________

արձանագրությունը կազմող պաշտոնատար անձի պաշտոնը, անունը և ազգանունը

մասնակցությամբ`_______________________________________________________

մասնակիցների տվյալները

ներկայությամբ`________________________________________________________

տրանսպորտային միջոցի սեփականատիրոջ կամ շահագործողի կամ աշխատակցի

տվյալները` անուն, ազգանուն, հայրանուն, անձը հաստատող փաստաթուղթ,

բնակության կամ ծանուցման հասցե, հեռախոսահամար, կոնտակտային

այլ տվյալներ

ղեկավարվելով «Առևտրի և ծառայությունների մասին» ՀՀ օրենքի 5.3 հոդվածով և Երևան քաղաքի ավագանու_____ թիվ ___ Ն որոշման պահանջներով, կազմեցի սույն արձանագրությունն այն մասին, որ 20 թ._____ -ին ժամը____ին Երևան քաղաքի_______փողոցի թիվ ______հասցեի մոտից հատուկ տարածք տարհանած ______ հաշվառման համարանիշներով (հաշվառման համարանիշների բացակայության պայմաններում նշվում է այդ մասին) տրանսպորտային միջոցը և դրանում առկա գույքը անվնաս հանձնում եմ

_____________________________________________________________________:

շրջիկ առևտրի կետը կամ տրանսպորտային միջոցը ստացողի անունը, ազգանունը,

հայրանունը, անձնագրային տվյալները, հեռախոսահամարը:

_____________________________________________________________________

բաց թողնվող շրջիկ առևտրի կետի կամ տրանսպորտային միջոցի մակնիշը,

հաշվառման համարանիշը

_____________________________________________________________________

շրջիկ առևտրի կետը կամ տրանսպորտային միջոցը հատուկ տարածքում

պահպանելու ժամկետը (օր, ժամ)

_____________________________________________________________________

        շրջիկ առևտրի կետը կամ տրանսպորտային միջոցը հատուկ տարածք

         տեղափոխելու արձանագրության համարը և կազմելու ժամանակը

_____________________________________________________________________

հատուկ տարածքում շրջիկ առևտրի կետի կամ տրանսպորտային միջոցի

պահպանման համար հաշվարկված գանձման ենթակա վճարների չափը,

անդորրագրերի համարները

Արձանագրությունը կազմեց` __________________________

անուն, ազգանուն

Մասնակցությամբ` __________________________

անուն, ազգանուն

Ներկայությամբ` __________________________

անուն, ազգանուն

Պատճենը ստացա` __________________________

անուն, ազգանուն

Պաշտոնական հրապարակման օրը` 2 հուլիսի 2020 թվական: