ԽԱՂՈՂԻ ՄՇԱԿՈՒԹՅԱՆ ՖԻԼՈՔՍԵՐԱԶԵՐԾ ԵՎ ՖԻԼՈՔՍԵՐԱՅՈՎ ՎԱ ...

040.0008.120109

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

8 հունվարի 2009 թվականի N 8-Ն

ԽԱՂՈՂԻ ՄՇԱԿՈՒԹՅԱՆ ՖԻԼՈՔՍԵՐԱԶԵՐԾ ԵՎ ՖԻԼՈՔՍԵՐԱՅՈՎ ՎԱՐԱԿՎԱԾ ՏԱՐԱԾԱՇՐՋԱՆՆԵՐԻ ՍԱՀՄԱՆՆԵՐԸ ԵՎ ԽԱՂՈՂԻ ՖԻԼՈՔՍԵՐԱԴԻՄԱՑԿՈՒՆ ՍՈՐՏԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

Համաձայն «Խաղողի հումքով ոգելից խմիչքների մասին» Հայաստանի Հանրապետության օրենքի 7-րդ հոդվածի 2-րդ մասի` Հայաստանի Հանրապետության կառավարությունը որոշում է.

1. Սահմանել, որ`

1) խաղողի մշակության ֆիլոքսերազերծ տարածաշրջաններն ընդգրկում են Հայաստանի Հանրապետության Կոտայքի, Վայոց ձորի և Սյունիքի մարզերի, ինչպես նաև Երևան քաղաքի վարչական տարածքները.

2) խաղողի մշակության ֆիլոքսերայով վարակված տարածաշրջաններն ընդգրկում են Հայաստանի Հանրապետության Լոռու, Տավուշի, Արարատի, Արմավիրի, Արագածոտնի մարզերի և Լեռնային Ղարաբաղի Հանրապետության վարչական տարածքները:

(1-ին կետը փոփ. 23.06.17 թիվ 746-Ն որոշում)

2. Խաղողի ֆիլոքսերադիմացկուն սորտերի ցանկում ընդգրկվում են`

1) խաղողի ամերիկյան տեսակներին պատկանող սորտերը, դրանք միմյանց և խաղողի այլ տեսակների սորտերի հետ խաչաձևումից ստացված սորտերը.

2) խաղողի ամուրական տեսակին պատկանող ֆիլոքսերադիմացկուն սորտերը, դրանք միմյանց և խաղողի այլ տեսակների սորտերի հետ խաչաձևումից ստացված սորտերը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2009 ԹՎԱԿԱՆԻ ՀՈՒՆՎԱՐԻ 12-ԻՆ