031.0054.200317
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ԿԱՐԳԱԴՐՈՒԹՅՈՒՆԸ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2004 ԹՎԱԿԱՆԻ ՄԱՅԻՍԻ 20-Ի ՆԿ-113-Ն ԿԱՐԳԱԴՐՈՒԹՅԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին և 5-րդ մասերը և «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքի 4-րդ հոդվածը` որոշում եմ.
1. Հայաստանի Հանրապետության Նախագահի 2004 թվականի մայիսի 20-ի «Ֆիզիկական կուլտուրայի և սպորտի բնագավառում Հանրապետության Նախագահի մրցանակներ հիմնելու մասին» ՆԿ-113-Ն կարգադրության վերնագիրը «Հանրապետության» բառից առաջ լրացնել «Հայաստանի» բառով:
2. Կարգադրության 1-ին կետը շարադրել հետևյալ խմբագրությամբ.
«1. Հիմնել ֆիզիկական կուլտուրայի և սպորտի բնագավառում Հայաստանի Հանրապետության Նախագահի հետևյալ մրցանակները`
1) «Լավագույն մարզական քաղաք»` 1-ին, 2-րդ և 3-րդ մրցանակային տեղեր.
2) «Լավագույն մարզական գյուղ»` 1-ին, 2-րդ և 3-րդ մրցանակային տեղեր.
3) «Լավագույն մարզական բակ»` 1-ին, 2-րդ և 3-րդ մրցանակային տեղեր.
4) «Լավագույն մարզական ընտանիք»` 1-ին, 2-րդ և 3-րդ մրցանակային տեղեր.
5) «Հաշմանդամություն ունեցող լավագույն մարզիկ»` 1-ին, 2-րդ և 3-րդ մրցանակային տեղեր.
6) «Լավագույն մարզական նախադպրոցական հաստատություն»` 1-ին, 2-րդ և 3-րդ մրցանակային տեղեր.
7) «Երեխաների խնամքի և պաշտպանության լավագույն մարզական հաստատություն»` 1-ին, 2-րդ և 3-րդ մրցանակային տեղեր:»:
3. Սույն կարգադրությունն ուժի մեջ է մտնում պաշտոնական հրապարակմանը հաջորդող օրվանից:
20 մարտի 2017 թվականի
ՆԿ-54-Ն