ԵՐԵՎԱՆԻ ԶԱՐԳԱՑՄԱՆ 2014 ԹՎԱԿԱՆԻ ԾՐԱԳՐԻ ՀԱՍՏԱՏՄԱՆ ՄԱՍԻՆ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԵՎԱՆ ՔԱՂԱՔԻ ԱՎԱԳԱՆԻ

ՈՐՈՇՈՒՄ

 

10 դեկտեմբերի 2013 թվականի N 86-Ն

 

ԵՐԵՎԱՆԻ ԶԱՐԳԱՑՄԱՆ 2014 ԹՎԱԿԱՆԻ ԾՐԱԳՐԻ ՀԱՍՏԱՏՄԱՆ ՄԱՍԻՆ

 

«Երևան քաղաքում տեղական ինքնակառավարման մասին» ՀՀ օրենքի 12-րդ հոդվածի 1-ին մասի 11-րդ կետին և 83-րդ հոդվածին համապատասխան`

Երևան քաղաքի ավագանին որոշում է.

1. Հաստատել Երևանի զարգացման 2014 թվականի ծրագիրը` համաձայն հավելվածի:

2. Սույն որոշմամբ հաստատված Երևանի զարգացման 2014 թվականի ծրագիրը ենթակա է հրապարակման «Իրավական ակտերի մասին» ՀՀ օրենքի 56-րդ և 63-րդ հոդվածներով սահմանված կարգով, իսկ ծրագրի հիմնական ցուցանիշները, վիճակագրական և գրաֆիկական տվյալները` նաև առանձին տեղեկատուներով և գրքույկներով` ընդհանուր 1000 տպաքանակներով:

 

Հավելված

Երևան քաղաքի ավագանու

2013 թվականի դեկտեմբերի 10-ի

N 86-Ն որոշման

 

Երևանի զարգացման 2014 թվականի ծրագիր

 

ԲՈՎԱՆԴԱԿՈՒԹՅՈՒՆ

Նախաբան

Երևանի զարգացման 2014թ. ծրագրի գերակայությունները

Քաղաքաշինություն և ճարտարապետություն

Արտաքին ձևավորում և գովազդ

Շինարարություն և բարեկարգում

Անշարժ գույքի կառավարում

Կոմունալ ոլորտ

Առևտրի և սպասարկումների ոլորտ

Տրանսպորտ

Բնապահպանություն

Հանրակրթություն

Առողջապահություն

Սոցիալական ապահովություն

Մշակույթ

Ֆիզիկական կուլտուրա և սպորտ

Երեխաների իրավունքների պաշտպանության ոլորտ

Միջազգային համագործակցություն

Զբոսաշրջություն

Աջափնյակ վարչական շրջան

Արաբկիր վարչական շրջան

Ավան վարչական շրջան

Դավթաշեն վարչական շրջան

Էրեբունի վարչական շրջան

Կենտրոն վարչական շրջան

Մալաթիա-Սեբաստիա վարչական շրջան

Նոր Նորք վարչական շրջան

Նորք-Մարաշ վարչական շրջան

Նուբարաշեն վարչական շրջան

Շենգավիթ վարչական շրջան

Քանաքեռ-Զեյթուն վարչական շրջան

 

ՆԱԽԱԲԱՆ

 

Հայաստանի Հանրապետության մայրաքաղաք Երևանը 2795 տարեկան է:

Էրեբունի-Երևանը հիմնադրել է Արգիշտի Առաջին թագավորը մ.թ.ա. 782 թվականին:

1918 թվականից Երևանը ՀՀ մայրաքաղաքն է, Հայաստանի պատմության մեջ 13-րդը: 2012թ. ՅՈԻՆԵՍԿՕ-ի կողմից Երևանը հռչակվել է Գրքի համաշխարհային մայրաքաղաք:

Երևանի տարածքը կազմում է 223 քառ.կմ, բնակչությունը 1127.3 հազ. մարդ:

Երևանը գտնվում է Արարատյան դաշտավայրի հյուսիսարևելյան մասում, Հրազդան գետի երկու ափերին ծովի մակերևույթից 900-1200 մետր բարձրության վրա: Քաղաքի կլիման խիստ ցամաքային է շոգ ու չոր ամառ և համեմատաբար խստաշունչ ձմեռ:

Երևանը վարչական սահմանով հարում է Արարատի, Արմավիրի, Արագածոտնի և Կոտայքի մարզերին: Երևանը բաժանված է 12 վարչական շրջանների Աջափնյակ, Ավան, Արաբկիր, Դավթաշեն, Էրեբունի, Կենտրոն, Մալաթիա-Սեբաստիա, Նոր Նորք, Նորք-Մարաշ, Նուբարաշեն, Շենգավիթ, Քանաքեռ-Զեյթուն:

Երևանը Հայաստանի խոշորագույն տնտեսական, գիտական և մշակութային կենտրոնն է, հանդիսանում է տարածաշրջանային փոխադրումների կարևորագույն տրանսպորտային և տարանցիկ հանգույց: Երևանին են բաժին ընկնում հանրապետության արդյունաբերության ընդհանուր ծավալի 42.4%-ը, շինարարության 54.7%-ը, մանրածախ առևտրի 83.8%-ը, ծառայությունների 86.4%-ը, շահագործման հանձնված բնակելի շենքերի 85,4%-ը, հյուրանոցային տնտեսության 32.2%-ը, տրանսպորտի ծառայությունների 87.9%-ը:

Երևանի սոցիալ-տնտեսական և մշակութային զարգացման գործում զգալի նշանակություն ունի նաև այն, որ այստեղ են գտնվում Հայաստանի Հանրապետության նախագահի նստավայրը, Ազգային ժողովն ու կառավարությունը, բոլոր նախարարությունները և պետական կառավարման մարմինները, հասարակական կազմակերպությունների, տարբեր միությունների, հիմնադրամների, զանգվածային լրատվության միջոցների գերակշիռ մասը:

Քաղաքում են գործում իր էությամբ եզակի հին ձեռագրերի կենտրոն Մատենադարանը, տասնյակ գիտական հաստատություններ, շուրջ 70 համալսարան և ինստիտուտ, երկու տասնյակ թատրոն և մոտ 60 թանգարան, համերգասրահ, մարզական կենտրոն, 21 եկեղեցի: Մայրաքաղաքում են գտնվում օտարերկրյա պետությունների ներկայացուցչությունները, արտերկրյա ֆինանսական, հասարակական և մշակութային հաստատությունների հայաստանյան գրասենյակներ, Հայաստանում գործող բանկեր և ֆինանսական հաստատություններ:

Երևանի զարգացման 2014 թվականի ծրագրի նպատակն է Երևան քաղաքի կայուն և համաչափ զարգացման ապահովումը հաշվի առնելով բնակչության կենսական շահերը և բարեկեցությունը, մարդկային զարգացումը որպես հետևանք երաշխավորելով երևանցիների կյանքի որակի էական բարելավումը:

Ծրագիրը մշակվել է հաշվի առնելով Հայաստանի Հանրապետության ազգային անվտանգության ռազմավարությունը, Կայուն զարգացման ծրագիրը, բովանդակում է քաղաքային տնտեսության ոլորտների վիճակը, հիմնախնդիրները և զարգացման հիմնական ուղղությունները: Ծրագրում օգտագործված վիճակագրական տվյալները վերցված են Ազգային վիճակագրական ծառայության հրապարակած նյութերից:

Ծրագրի իրականացման կայուն երաշխիքներն են հանդիսանում Հայաստանի Հանրապետության Սահմանադրությունը, «Տեղական ինքնակառավարման մասին» ՀՀ օրենքը, «Երևան քաղաքում տեղական ինքնակառավարման մասին» ՀՀ օրենքը և այլ իրավական ակտեր, ինչպես նաև տեղական ինքնակառավարման մարմինները Երևանի քաղաքապետը և ավագանին:

Երևանի զարգացման 2014 թվականի ծրագրի լիարժեք իրականացումը հիմնարար նախադրյալներ կստեղծի մայրաքաղաքի կայուն և համաչափ զարգացման համար:

 

ԵՐԵՎԱՆԻ ԶԱՐԳԱՑՄԱՆ 2014Թ. ԾՐԱԳՐԻ ԳԵՐԱԿԱՅՈՒԹՅՈՒՆՆԵՐԸ

 

Երևանի զարգացման ծրագրի գերակայություններն են`

1. Երևանի տարածքային համաչափ, կայուն զարգացումը և պլանավորումը

2. բնակչության կենսական շահերի ապահովումը

3. ՀՀ ազգային անվտանգության ռազմավարության հիմնադրույթներից բխող Երևանի բնակչության պաշտպանության և անվտանգության, հասարակական կարգի և համակեցության կանոնների պահպանության ապահովումը

4. կառավարման համակարգի բարեփոխումները և տեղական ինքնակառավարման արդյունավետության ապահովումը այդ նպատակով իրավական դաշտի կատարելագործումը, նորագույն տեխնոլոգիաների ներդրումը, հաղորդակցության ժամանակակից միջոցների կիրառումը և բնակչի հետ հետադարձ կապի ակտիվացումը ապահովելով վերջինիս լիարժեք մասնակցությունը համայնքային խնդիրների լուծման գործընթացում

5. քաղաքային տնտեսության բոլոր ոլորտների ժամանակի պահանջներին համահունչ զարգացման ապահովումը

6. 3-րդ և 4-րդ կարգի վթարայնության աստիճան ունեցող շենքերի գույքագրում և դասակարգում ըստ առաջնահերթության

7. անավարտ շինությունների գույքագրում, համապատասխան հայեցակարգի մշակում

8. Երևանի քաղաքապետարանի և վարչական շրջանների կողմից բնակչությանը մատուցվող ծառայությունների պարզեցումը և որակի էական բարելավումը

9. բարեկարգ և հարմարավետ միջավայրի ապահովումը` ինչպես Երևանի բնակիչների, այնպես էլ մայրաքաղաքի հյուրերի համար այդ նպատակով հանգստի գոտիների ստեղծումը, կանաչ տարածքների պահպանումն ու ավելացումը, շենքերի և բակային տարածքների բարեկարգումը, ժամանակակից չափանիշներին համապատասխան արտաքին ձևավորումը, հարմարավետ և անվտանգ տեղաշարժի ապահովումը

10. էլեկտրոնային կառավարման համակարգի կատարելագործումը

11. Երևանի բնակիչների սոցիալական պաշտպանության ապահովումը այդ նպատակով սոցիալական ծրագրերի իրագործումը նաև մասնավոր հատվածի հետ համագործակցությամբ

12. կրթական համակարգի բարեփոխումների շարունակականության ապահովումը

13. համամարդկային և ազգային արժեքների ազգային ավանդույթների հոգևոր մշակութային ժառանգության պահպանման և դրանց վերարտադրության ու զարգացման համար նպաստավոր պայմանների ստեղծումը և պատշաճ ներկայացումը

14. առողջապահության համակարգի կառավարման արդյունավետության բարձրացումը

15. երեխաների իրավունքների պաշտպանությունը և անչափահասների հետ տարվող աշխատանքների բարելավումը

16. առողջ ապրելակերպի խրախուսումը այդ նպատակով նպաստավոր պայմանների ստեղծումը

17. գործարարության և ներդրումների համար բարենպաստ միջավայրի ապահովումը

18. պետական, համայնքային և մասնավոր գործընկերության ակտիվացումը և արդյունավետության բարձրացումը

19. միջազգային համագործակցության ընդլայնումը, քույր և գործընկեր քաղաքների հետ արդյունավետ համագործակցության ակտիվացումը, միջազգային լավագույն փորձի ուսումնասիրությունն ու կիրառումը:

 

ՔԱՂԱՔԱՇԻՆՈՒԹՅՈՒՆ ԵՎ ՃԱՐՏԱՐԱՊԵՏՈՒԹՅՈՒՆ

 

ՀՀ կառավարության 2006 թվականի սեպտեմբերի 7-ի «Երևան քաղաքի գլխավոր հատակագծի 2006-2020թթ. իրականացման հիմնական միջոցառումների ծրագիրը հաստատելու մասին» հ.1402-Ն որոշմանը համապատասխան կազմակերպվել և հաստատվել են մի շարք քաղաքաշինական ծրագրային և նախագծանախահաշվային փաստաթղթեր:

Քաղաքի զարգացման գերակա խնդիրներից է Երևան քաղաքի գլխավոր հատակագծի դրույթներին և գոտիավորման նախագծերում ամրագրված պահանջներին համապատասխան քաղաքի կառուցապատման ամբողջականացումն ու արդիականացումը:

 

Հիմնախնդիրներ

1. Երևանի գլխավոր հատակագծի իրագործմանն ուղղված միջոցառումների իրականացում, այդ թվում ընթացքի ուսումնասիրություն, հաշվառում, անհրաժեշտ ճշգրտումների կատարում և համապատասխան ծրագրերի մշակում

2. Փոքր կենտրոնի կառուցապատման կարգավորման համար անհրաժեշտ իրավական և նախագծային փաստաթղթերի սահմանված կարգով մշակում

3. 3-րդ և 4-րդ կարգի վթարայնության աստիճան ունեցող շենքերի գույքագրում և դասակարգում ըստ առաջնահերթության և հնարավորության

4. անավարտ շինությունների գույքագրում, համապատասխան հայեցակարգի մշակում

5. Երևան քաղաքի վարչական շրջանների կամ առանձին տարածքների գոտիավորման նախագծերի մշակում

6. Երևան քաղաքի քաղաքաշինական կադաստրի ստեղծում և ներդրում

7. նոր այգիների և հանգստի գոտիների հիմնադրման և կանաչ տարածքների վերականգնման և ընդլայնման նախագծերի մշակում

8. ճանապարհափողոցային ցանցի կատարելագործում, մայրաքաղաքի կենտրոնը բեռնաթափող շրջանցիկ ճանապարհների, տրանսպորտային հանգույցների, նոր ուղեբաժանքների և ավտոկայանատեղերի նախագծում

9. համայնք-մասնավոր համագործակցության շրջանակում քաղաքաշինական նոր ծրագրերի մշակում

10. բնակելի թաղամասերի բակային տարածքների բարելավման նախագծերի մշակում

11. քաղաքաշինական միջավայրում տեղաշարժվելու դժվարություն ունեցողների համար տեղաշարժման մատչելիության ապահովմանն ուղղված համալիր ծրագրերի մշակում

2013 թվականին իրականացված աշխատանքներ

2013թ. իրականացվել է Երևան քաղաքի Գլխավոր հատակագծի իրացման միջոցառումների մշտադիտարկում, որով վերահսկվել և ամրագրվել է նախանշված միջոցառումների կատարման ընթացքը:

2013թ. նախատեսվում է ավարտել Երևանի Կոնդ թաղամասի կառուցապատման հայեցակարգային էսքիզային նախագիծը:

Ավան, Նոր Նորք, Մալաթիա-Սեբաստիա և Աջափնյակ վարչական շրջաններում անհատական բնակելի տների կառուցապատման նպատակով կատարվել են սխեմաների մշակման աշխատանքներ` աճուրդային կարգով հողամասերի վաճառք իրականացնելու համար:

Ճանապարհների բեռնաթափմանն ուղղված մեծածավալ ծրագրերը կրում են շարունակական բնույթ: Համայնք-մասնավոր համագործակցության արդյունքում նախատեսվում է 2013թ. շահագործման հանձնել Լենինգրադյան փողոցը Ծովակալ Իսակովի պողոտային կապող ավտոմայրուղին, ՈՒլնեցի-Ռուբինյանց փողոցները միացնող ավտոճանապարհը:

Իսակովի պողոտայի և Լենինգրադյան փողոցի միջև 2.6կմ երկարությամբ ավտոմայրուղու կառուցման ծրագրով նախատեսված է երկու տրանսպորտային հանգույցների մասնակի լուծում Ծովակալ Իսակովի պողոտայի և Լենինգրադյան փողոցի հետ հատումներով: Ծովակալ Իսակովի պողոտայի հանգույցը ապահովում է տրանսպորտային միջոցների ընթացքն առանց երթևեկության հատումների, ստեղծում տրանսպորտային կապ Ծովակալ Իսակովի պողոտայի և նոր մայրուղու միջև: Լենինգրադյան փողոցում նախատեսված է թունելային անցում:

2013թ. մշակվել է նշված մայրուղու շարունակությունը հանդիսացող Իսակովի պողոտայից մինչև Արշակունյաց պողոտա քաղաքային մայրուղու կառուցման նախագիծը:

Հետիոտնի անվտանգ տեղաշարժը և տրանսպորտային միջոցների անարգել երթևեկությունն ապահովելու նպատակով քաղաքի բանուկ հատվածներում նախագծվել և կառուցվում է 7 վերգետնյա անցում:

Ծավալուն աշխատանք է կատարվել նոր այգիների հիմնադրման, զբոսայգիների և կանաչ տարածքների վերականգնման ուղղությամբ: Մշակվել են Կիրովի անվան մանկական զբոսայգու վերակառուցման նախագծերը: Ավարտվել են Գլխավոր պողոտայի` Սարյան փողոցի և Մաշտոցի պողոտայի, Նալբանդյան և Հանրապետության փողոցների միջանկյալ հատվածների վերակառուցման նախագծային աշխատանքները:

Ավարտվել են Աջափնյակ վարչական շրջանի զբոսայգիների կառուցման, Հալաբյան-Մարգարյան փողոցների խաչմերուկին հարող տարածքում հանգստի գոտու կազմակերպման, Նոր Նորք վարչական շրջանի 2-րդ զանգվածի Տիգրան Մեծի այգու բարեկարգման, Էրեբունի վարչական շրջանի Ազատամարտիկների 5-րդ նրբանցքի և Նոր Արեշի 22-րդ փողոցի հատման մասում հանգստի գոտու ստեղծման, Շենգավիթ վարչական շրջանի Շիրակի փողոցի հ.հ. 12, 14 շենքերի միացյալ բակում հանգստի գոտու շինարարական, բարեկարգման և կանաչապատման աշխատանքները:

2013թ. կավարտվեն Կոմիտասի անվան պանթեոնին կից տարածքում Կոմիտասի թանգարան-մշակութային կենտրոնի կառուցման աշխատանքները:

Մասնավոր հատվածի հետ համագործակցությամբ մշակվել և քննարկվում են Երևանի «Հաղթանակ» զբոսայգու տարածքի վերակառուցման և արդիականացման, ինչպես նաև «Կասկադ» համալիրի անավարտ հատվածի կառուցապատման քաղաքաշինական ներդրումային ծրագրերը:

Բակային տարածքների բարելավման և բնակչության հանգստի համար պայմանների ստեղծման նպատակով մշակվել են բազմաբնակարան շենքերի բակային տարածքների, այդ թվում մարզական և այլ խաղահրապարակների նախագծեր:

Երևան քաղաքի վթարային շենքերի բնակիչների վերաբնակեցման նպատակով 2013թ. շահագործման է հանձնվել Աջափնյակ վարչական շրջանի Սիսակյան փողոցի հ.22 շենքը, և մինչև տարեվերջ կհանձնվի Մարգարյան հ.37:

Հաշմանդամների և բնակչության սակավաշարժ խմբերի տեղաշարժի մատչելիության ապահովման ուղղությամբ մշակվել են մայթերում և Երևանի վարչական շրջանների աշխատակազմերի շենքերի մուտքերի թեքահարթակների կառուցման նախագծեր:

Նախագծվել և իրականացվել են մայրաքաղաքի ինժեներական ենթակառուցվածքների և ստորգետնյա հաղորդակցուղիների վերականգնման և արդիականացման ծրագրեր, այդ թվում ջրամատակարարման, գազամատակարարման և էլեկտրամատակարարման մայրուղագծեր ու այլ առանձին հատվածներ:

2014 թվականին նախատեսվող աշխատանքներ

Հաշվի առնելով, որ Երևանի զարգացման 2014-2017թթ. քառամյա ծրագրի նպատակը Երևան քաղաքի կայուն և համաչափ զարգացման ապահովումն է 2014թ. կնախատեսվի Երևան քաղաքի 2014-2017թթ. համաչափ զարգացման հայեցակարգի մշակում:

2014թ. նախատեսվում է Երևան քաղաքի գլխավոր հատակագծի նախագծի իրականացման ընթացքի ուսումնասիրություն և հաշվառում:

Քաղաքաշինական ծրագրային փաստաթղթերի մշակման ուղղությամբ նախատեսվում է.

. Իսակովի-Լենինգրադյան և Աթենքի փողոցներով պարփակված տարածքների գոտիավորման և կառուցապատման նախագծի մշակում

. «Կոնդ» թաղամասի վերակառուցման և այլ տարածքների կառուցապատման ներդրումային ծրագրերի մշակում

. աճուրդով օտարված կամ գերակա հանրային շահ ճանաչված տարածքներում ներդրումային ծրագրերի, ճանապարհների և ինժեներական ցանցերի նախագծային աշխատանքներ

. «ՈՒսանողական Երևան» ավանի կառուցապատման ծրագրի մշակում

. տեղաշարժվելու դժվարություն ունեցողների ազատ տեղաշարժմանն ուղղված քաղաքաշինական ծրագրերի մշակում և իրականացում

. նոր մանկական խաղահրապարակների և ֆուտբոլի դաշտերի նախագծում:

2014թ. կշարունակվեն մայրաքաղաքը շրջանցող ռազմավարական ճանապարհի

կառուցման աշխատանքներն Ասիական զարգացման բանկի հետ համագործակցությամբ: Այս ծրագիրը փուլային է, որի առաջին փուլում շահագործման կհանձնվի Արտաշատի խճուղի-Շիրակի փողոց միջպետական մայրուղին, Շիրակի փողոցը Արգավանդի ճանապարհային հանգույցին միացնող վերակառուցված ճանապարհը: Երկրորդ փուլում կիրականացվի Արգավանդի ճանապարհային հանգույցից Րաֆֆու և Տիչինայի փողոցներով մինչև Երևանի հյուսիսարևմտյան մուտք հանդիսացող Աշտարակի խճուղի ձգվող ճանապարհային հատվածի նախագծումն ու շինարարությունը:

Կավարտվեն Շիրակի փողոց-Արշակունյաց պողոտա-Արտաշատի խճուղի քաղաքային ճանապարհային հանգույցի մանրամասն ճարտարագիտական նախագծերը, միաժամանակ կպատրաստվեն շինարարական աշխատանքների կապալառու կազմակերպության մրցութային փաստաթղթերը:

Կիրականացվեն Ծովակալ Իսակովի պողոտայից մինչև Արշակունյաց պողոտա քաղաքային նշանակության մայրուղու շինարարական աշխատանքները, որը կենտրոնը շրջանցող կապուղի է, և հանդիսանում է կառուցված Իսակովի պողոտան Լենինգրադյան փողոցին կապող մայրուղու անմիջական շարունակությունը:

Ճանապարհափողոցային ցանցի կատարելագործման, տրանսպորտային հանգույցների, նոր ուղեբաժանքների և տարբեր մակարդակներով տրանսպորտային հանգույցների և հետիոտն անցումների մասով կշարունակվի հետազոտական և նախագծային աշխատանքների իրականացումը,

Կշարունակվի Երևան քաղաքի ընդհանուր օգտագործման կանաչ տարածքների կազմակերպման և զարգացման ծրագրերի իրականացումը: Նախատեսվում է նոր այգիների հիմնադրում, զբոսայգիների և կանաչ տարածքների վերականգնում:

 

ԱՐՏԱՔԻՆ ՁԵՎԱՎՈՐՈՒՄ ԵՎ ԳՈՎԱԶԴ

 

2013 թվականին իրականացված աշխատանքներ Գովազդ

Մշակվել և Երևանի քաղաքապետին կից քաղաքաշինական խորհրդի գեղարվեստի հանձնաժողովի հավանությանն է արժանացել «Երևան քաղաքի գովազդային վահանակների տեղադրման առանձնահատկությունները և համաչափությունները» հայեցակարգային ուղեցույցը: Դրանով կանոնակարգվել են արտաքին գովազդի վահանակների և կրիչների տեղադրման չափորոշիչները, տառատեսակները, համաչափությունները, դրանց վրա կրվող դեկորատիվ տարրերը, դրանց տեղադրման վայրերը:

Լայնածավալ աշխատանքներ են իրականացվել մայրաքաղաքի բոլոր վարչական շրջաններում` շենք-շինությունների արտաքին տեսքը խաթարող ոչ արդիական գովազդային միջոցների, ինչպես նաև ապօրինի տեղադրված և «Գովազդի մասին» ՀՀ օրենքին հակասող գովազդային վահանակների ապամոնտաժման ուղղությամբ: Ապամոնտաժվել է շուրջ 3000 ցուցանակային գովազդ: Դրանք փոխարինվելու են քաղաքային չափերի արդիական գովազդային միջոցներով:

Արտաքին ձևավորում

Մշակվել է արտաքին ձևավորման հայեցակարգը, որը բաղկացած է 2 մասից տոնական ձևավորում և պետական ու պաշտոնական այցերի ժամանակ Երևան քաղաքի ձևավորում:

Մայրաքաղաքում տոն և հիշատակի օրերին նվիրված միջոցառումների ժամանակ իրականացվում են վարչական շրջանների արտաքին ձևավորման աշխատանքներ համապատասխան տարրերի կիրառմամբ:

Հայաստանի Հանրապետություն օտարերկրյա նախագահների պետական և պաշտոնական այցերի, ինչպես նաև միջազգային կառույցների ղեկավարների այցերի ժամանակ իրականացվել են դրոշակազարդման աշխատանքներ:

Իրականացվել է 500 դրոշների սպասարկման ծրագիրը, արդիականացվել է առանցքային մի շարք փողոցների հենասյուներին և շենք-շինություններին տեղադրված շուրջ 1400 դրոշակահենակ:

Երևանի բրենդի մշակման և տեղայնացման աշխատանքները կազմակերպելու համար ձևավորվել են համապատասխան հանձնաժողովներ, որոնք բրիտանական «Ինսթիդ» բրենդինգային ընկերության համակարգմամբ մշակում են Երևանի բրենդի հայեցակարգը: Արդյունքները կամփոփվեն 2013թ. դեկտեմբերին, որից հետո կսկսվեն բրենդի վիզուալիզացման աշխատանքները:

Երևանում գործող հաստատությունների տեղեկատվական ցուցանակների արտաքին տեսքի նկատմամբ միասնական մոտեցում ցուցաբերելու նպատակով իրականացվել է Երևանի քաղաքապետարանի ենթակայության շուրջ 30 բժշկական կազմակերպությունների, դեսպանատների, դրամատների և կազմակերպությունների տեղեկատվական ցուցանակների նախագծում և ձևավորում: Պուրակների և այգիների մոտ տեղադրվել են տեղեկատվական ցուցանակներ:

Քաղաքային կահավորանք

Մայրաքաղաքի բոլոր վարչական շրջաններում իրականացվում են քաղաքային կահավորանքի տարրերով համալրման աշխատանքներ: Սա նպատակ ունի ինչպես բանուկ հատվածները, այնպես էլ հանգստի համար նախատեսված վայրերը ապահովել անհրաժեշտ գույքով նստարաններ, աղբամաններ, հայտարարությունների վահանակներ, ժամացույցներ, լապտերներ, մշակութային միջոցառումների մասին ազդարարող գովազդակիրներ և այլ տարրեր:

Լայն կիրառություն են ստացել հայտարարությունների համար նախատեսված ցուցատախտակները, որի նպատակն է Երևանում քաղաքացիներին հնարավորություն տալ տեղադրել անվճար հայտարարություններ միաժամանակ նպաստելով շենքերի պատերին և էլեկտրասյուներին փակցված հայտարարությունների նվազեցմանը, այնուհետև վերացմանը: 2013թ. 12 վարչական շրջաններում տեղադրվել է շուրջ 200 ցուցատախտակ:

Կանգառասրահների արտաքին տեսքի նկատմամբ միասնական մոտեցում ցուցաբերելու նպատակով 2013թ. կազմվել են նոր կանգառասրահների էսքիզային տարբերակների նախագծեր: Տեղադրվել է նոր ոճի 6 կանգառասրահ Մաշտոցի պողոտայում:

Երևանում հեծանվորդների համար հարմարավետ պայմաններ ապահովելու համար մշակվել են հեծանվականգառների կառուցման էսքիզներ:

Համայնք-մասնավոր հատված համագործակցության արդյունքում տեղադրվել է 21 էլեկտրոնային չվացուցակ տրանսպորտային միջոցների ժամանումը կանգառասրահներում պատշաճ իրազեկելու նպատակով: Մինչև 2013թ. ավարտը կտեղադրվի ևս 30 չվացուցակ: Նախատեսվում է նմանատիպ չվացուցանակներ տեղադրել Երևան քաղաքի բոլոր վարչական շրջանների կանգառներում: Այս ծրագրով առավել դյուրին է դառնում քաղաքացիների կողմից հասարակական տրանսպորտից օգտվելը:

Համայնք-մասնավոր հատված համագործակցության արդյունքում մայրաքաղաքի մի շարք փողոցներում տեղադրվել է նոր ոճի, քաղաքային կահույքի միասնական հայեցակարգին համապատասխանող 35 ճանապարհային կողմնորոշիչ ցուցանակ մայրաքաղաքի բնակիչների և զբոսաշրջիկների կողմնորոշումը տեղանքում հեշտացնելու համար: Աշխատանքները կշարունակվեն նաև 2014 թվականին:

Երևանի բնակիչների և հյուրերի երեկոյան հանգիստը առավել հետաքրքիր դարձնելու նպատակով ջրային էկրաններ են տեղադրվել Կարապի լճում և Հանրապետության հրապարակի շատրվանների տարածքում, որոնց միջոցով ցուցադրվել են հայկական ֆիլմեր, համերգային ծրագրեր, ինչպես նաև լուսաբանվել են տարատեսակ համաքաղաքային և մշակութային միջոցառումներ:

Քաղաքի ձևավորման տարրեր

Երեխաների շրջանում շախմատի նկատմամբ հետաքրքրություն առաջացնելու, ինչպես նաև նրանց ժամանցը հետաքրքիր դարձնելու նպատակով Շառլ Ազնավուրի հրապարակում տեղադրվել է քաղաքային ձևավորման տարր հանդիսացող ինտերակտիվ շախմատային հարթակ:

Միասնական մոտեցում է սահմանվում շինհրապարակների պարսպապատնեշների նույնատիպ պաստառապատման նկատմամբ` օգտագործելով Երևանի զինանշանի և «Ավելի բարեկարգ Երևան» մակնշումով պաստառներ, ինչպես նաև տրվել է շինհրապարակների սահմանազատման այլընտրանքային հնարավորություն: Կառուցապատողները կարող են պաստառների վրա ներկայացնել կառուցվող շինության լուծումները, ճարտարապետական տեսքի էսքիզները և այլն:

Բակային տարածքների և կամարանցումների նկարազարդման աշխատանքներ Ելնելով մայրաքաղաքի համաչափ զարգացման հիմնադրույթներից Երևան քաղաքի բոլոր վարչական շրջանների բակային տարածքներում, բարեկարգման ու կանաչապատման աշխատանքներին զուգահեռ, իրականացվել են նաև պատերի նկարազարդման և գեղագիտական ձևավորման աշխատանքներ: Նկարազարդման աշխատանքներին մասնակցել են նաև կամավորները: Աշխատանքները կրում են շարունակական բնույթ:

Բակային տարածքների նկարազարդմանը զուգընթաց, իրականացվել է կամարանցումների վերանորոգման, գունազարդման և լուսավորման ծրագիր: Կենտրոն, Արաբկիր, Շենգավիթ, Էրեբունի վարչական շրջաններում վերանորոգվել և գունազարդվել է շուրջ 180 կամարանցում:

Մայրաքաղաքում առկա մի շարք շենքերի արտաքին տեսքի բարելավման նպատակով իրականացվել է շենքերի ճակատային հատվածների մաքրման և գունավորման աշխատանքներ: Այս խնդրի լուծման ուղղություններից մեկը քաղաքային միջավայրի գեղագիտական տարր հանդիսացող կերամիկական խճանկարի կիրառումն է: Բացի բարեկարգման միջոց լինելուց, այն ունի ուսուցողական նշանակություն: Վերջինիս միջոցով ներկայացվում են հայ նկարիչների հայտնի ստեղծագործությունների նմուշները:

2013թ. «Երևանյան ամառ» ծրագրով Ազատության հրապարակում եռաչափ նոր նկարներ են պատկերվել:

Լանդշաֆտային ձևավորման տարրեր

Կանաչապատման և ձևավորման աշխատանքները արդյունավետ կազմակերպելու նպատակով 2013թ. կազմվել են նոր լանդշաֆտային ձևավորման էսքիզներ: Երևանի բոլոր վարչական շրջաններին տրամադրվել են նմանատիպ էսքիզներ, որոնց հիման վրա իրականացվել են վարչական շրջանների համապատասխան տարածքների և հրապարակների կանաչապատման ձևավորման աշխատանքները:

Համաձայն լանդշաֆտային ձևավորման էսքիզների իրականացվել են Հանրապետության հրապարակի, Ռուսաստանի հրապարակի, Ֆրանսիայի հրապարակի, ՈՒրուգվայի հրապարակի, Աբովյանի պուրակի կանաչապատման աշխատանքները:

Կանաչապատման աշխատանքներում որպես ձևավորման միջոց օգտագործվել են մի շարք դեկորատիվ տարրեր` նոր տիպի ծաղկամաններ, բազրիքներ, խոտածածկերի և ծառերի համար նախատեսված մետաղյա ցանկապատեր և այլն: Օգտագործվել են ծառարմատները պաշտպանող երկաթյա հիմքեր, որոնք ֆունկցիոնալ նշանակությունից զատ հանդիսանում են արտաքին ձևավորման յուրահատուկ տարր:

Երևանի համաչափ զարգացման համատեքստում, ինչպես նաև քաղաքում կանաչ գոտիների ավելացման նպատակով նախատեսվում է 2014 թվականին բարեկարգել Միկոյան և Գալշոյան փողոցների խաչմերուկին հարող (Նոր Նորք վարչական շրջան) և Ռոմանոս Մելիքյան ու Սեբաստիա փողոցների հարակից տարածքում (Մալաթիա-Սեբաստիա վարչական շրջան) Սուրբ Աստվածածին եկեղեցուն հարող այգիները: Այգիների բարեկարգման նախագծանախահաշվային փաստաթղթերը պատրաստ են:

2014 թվականին նախատեսվող աշխատանքներ

Գովազդ

2014թ. նախատեսվում է իրականացնել Երևան քաղաքի բոլոր վարչական շրջաններում առկա գովազդային վահանակների և ցուցանակային գովազդների միասնական գույքագրման աշխատանք, որի արդյունքում կստեղծվի միասնական հաշվառման ծրագիր-բազա, որն էլ ավելի կնպաստի տեղական տուրքերի հավաքագրման գործընթացի արդյունավետության բարձրացմանը, հնարավորություն կտա գովազդային միջոցներ տնօրինող կազմակերպություններին օնլայն տարբերակով ներկայացնելու գովազդային ուրվանկարները համաձայնեցման, ինչպես նաև կնպաստի ապօրինի տեղադրված գովազդի առավել արագ հայտնաբերման աշխատանքների իրականացմանը:

2014թ. աշխատանքներ կիրականացվեն հեռացնելու առանցքային փողոցների երթևեկելի մասի վրա տարածվող, վարորդների տեսողական ընկալումը խոչընդոտող մեծ և միջին չափի գովազդային վահանակները և տեղադրելու քաղաքային ֆորմատի վահանակային կայանքներ: Աշխատանքները կիրականացվեն Կենտրոն վարչական շրջանում և այլ վարչական շրջանների մի քանի առանցքային փողոցներում:

2014թ. գովազդային վահանակների տարերայնորեն տեղադրումը կանխելու և շենքերի համար գովազդային վահանակների տեղադրման առանձնահատկությունները և համաչափությունները սահմանելու նպատակով կմշակվի շենք-շինությունների վրա տեղադրվող գովազդային վահանակների դիզայներական լուծումներ հաշվի առնելով 2013թ. ընդունված հայեցակարգի պահանջները:

Կշարունակվեն քաղաքային նշանակության ներդրումային ծրագրերի իրականացման աշխատանքները որպես փոխհատուցում մասնավորին գովազդային տարածքների տրամադրմամբ (վերգետնյա անցումների կառուցում, Էլեկտրոնային չվացուցակների համակարգի ներդրում, նոր կանգառասրահների տեղադրում, հեծանվային կանգառների տեղադրում):

Համայնք-մասնավոր հատված համագործակցության արդյունքում կիրականացվեն քաղաքային կահույքի արդիականացման աշխատանքներ, որում հաշվի կառնվեն երևանյան ոճի տարրերը:

Կշարունակվեն հայտարարությունների համար նախատեսված ցուցատախտակների, ճանապարհային կողմնորոշիչ ցուցանակների, ծառերի արմատները պաշտպանող երկաթյա հիմքերի տեղադրման աշխատանքները, ինչպես նաև մի շարք առանցքային փողոցներում հենասյուներին և շենք շինությունների ճակատային հատվածներին կտեղադրվեն նոր դրոշակահենակներ:

2014թ. կիրականացվեն ձևավորման լոկալ լուծումներ հրապարակներում, այգիներում, զբոսաշրջային կենտրոններում, ինչն առավել գրավիչ կդարձնի այն երևանցիների և մայրաքաղաքի հյուրերի համար:

Կավարտվեն Երևանի բրենդի վիզուալիզացման աշխատանքները և կիրականացվի բրենդի տեղայնացումը: Կկազմվի Երևանի տուրիստական տարբերանշանի օգտագործման ուղեցույցը, մայրաքաղաքի նավիգացիոն համակարգի ուղեցույցը և կսկսվի Երևան քաղաքի դիզայն անձնագրի ստեղծման աշխատանքը համաձայն Երևան բրենդի չափորոշիչների:

 

ՇԻՆԱՐԱՐՈՒԹՅՈՒՆ ԵՎ ԲԱՐԵԿԱՐԳՈՒՄ

 

Փողոցների բարեկարգում

 

Հիմնախնդիրներ

1. Երևան քաղաքի փողոցների բարեկարգում, հիմնանորոգում

2. Հուսալի և ժամանակակից ճանապարհների կառուցում

2013 թվականին իրականացված աշխատանքներ

2013թ. մայրաքաղաքի փողոցներում կատարվել են մեծածավալ ասֆալտապատման աշխատանքներ. վերանորոգվել է մոտ 2.5 մլն քմ փողոցի և մայթի ասֆալտ-բետոնե ծածկ, որից 0.6մլն քմ բակային տարածքներում: Իրականացվել է բակային տարածքների 70%-ի ասֆալտապատման աշխատանք: Հիմնանորոգվել է 31 պողոտա և փողոց մայթերով, եզրաքարերով և դիտահորերով.

. Աջափնյակ վարչական շրջան Լենինգրադյան փողոց (Շինարարների փող.- Ծիծեռնակաբերդի խճ. հատված), Հալաբյան փողոց, Ֆուչիկի փողոց (Բեկնազարյան փող.- Մարգարյան փող. հատված), Մելքումովի փողոց (Գ.Չաուշի փողոցից Բեկնազարյան-Ֆուչիկ խաչմերուկ հատված):

. Ավան վարչական շրջան Բաբաջանյան փողոց:

. Արաբկիր վարչական շրջան Գուլակյան և Բրայսի փողոցներ:

. Դավթաշեն վարչական շրջան Եղվարդի խճուղի և Հալաբյան փողոց (մինչև Դավթաշենի կամուրջ հատված):

. Էրեբունի վարչական շրջան` Էրեբունի փողոց:

. Կենտրոն վարչական շրջան Ամիրյան փողոց (Հանրապետության հրապարակ-Մաշտոցի պողոտա հատված), Իսակովի պողոտա (Հաղթանակ կամուրջ-»Զվարթնոց» օդանավակայան տանող խաչմերուկ), Թումանյան փողոց, Սայաթ-Նովա պողոտա, Արշակունյաց պողոտա (մինչև Հյուսիս-Հարավ շրջանցիկ մայրուղու հատված), Հանրապետության փողոց, Աբովյան փողոց և պուրակ, Կորյունի փողոց, Չարենց փողոց, Նար-Դոս փողոց, Հերացի փողոց, Խորենացի փողոց (Մաշտոց-»Տաշիր» առևտրի կենտրոն հատված), Նալբանդյան փողոց, Տիգրան Մեծ պողոտա (Հանրապետության հրապարակ-»Այրարատ» կ/թ հատված):

. Մալաթիա-Սեբաստիա վարչական շրջան Սեբաստիա փողոց (Գր. Հասրաթյան փողոց-Իսակովի պողոտա ուղետար):

. Նոր-Նորք վարչական շրջան Դավիթ Բեկի փողոց (Հ.Ավետիսյան փողոցի խաչմերուկից), Բ.Մուրադյան փողոց (Վ.Սարգսյանի անվ. Ռազմական ակադեմիայից մինչև Թևոսյան և Գայի պողոտա հատվածներ), Քոչարյան փողոց, Բագրևանդ փողոց:

. Նորք-Մարաշ վարչական շրջան Արմենակյան փողոց:

. Շենգավիթ վարչական շրջան Բագրատունյաց փողոց (Իսակովի պողոտայի ուղետար-Արշակունյաց պողոտա հատված):

Մայրաքաղաքի փողոցների շահագործման ժամկետները երկարաձգելու նպատակով յուրաքանչյուր տարի իրականացվում են ինչպես ընթացիկ նորոգման, այնպես էլ վերին շերտի նորոգման, ճաքալցման, եզրաքարերի փոխարինման, անհրաժեշտության դեպքում, նաև դիտահորերի ծածկի սալերի և ջրընդունիչ ցանցի նորոգման աշխատանքներ:

2014 թվականին նախատեսվող աշխատանքներ

2014թ. ասֆալտապատման աշխատանքներ կիրականացվեն 12 վարչական շրջանների փողոցներում, բակերում, մայթերում, ինչպես նաև առկա գրունտային ճանապարհներին: Փողոցները ձեռքբերված մակարդակի պահպանելու նպատակով կշարունակվեն անհրաժեշտ ծավալի ճաքալցման և փոսային նորոգման աշխատանքները:

Հենապատերի նորոգում-վերականգնում

Երևան քաղաքում հաշվառված է վերանորոգման և հիմնանորոգման, ինչպես նաև նոր հենապատերի կառուցման անհրաժեշտություն ունեցող շուրջ 130 հասցե:

 

Հիմնախնդիրներ

1. քայքայված, վթարային հենապատերի ամրացում, անվտանգության աստիճանի բարձրացում

2. նոր հենապատերի կառուցում

2013 թվականին իրականացված աշխատանքներ

2013թ. հենապատեր են վերանորոգվել Ավան-Առինջ 2-րդ մկշ. հ.2/7 շենքի մոտ, Խուդյակովի հ.68 շենքի մոտ, Սայաթ-Նովա թաղամասի հ.հ.5 և 8 շենքերի մոտ, Թամրուչի փողոցում, Հովհաննիսյան թաղամասի հ.28 և Թումանյան թաղամասի հ.11 շենքերի մոտ, Ն.Զարյան հ.21 շենքի մոտ, Մամիկոնյանց հ.37 շենքի մոտ, Կիևյան հ.11 շենքի մոտ, Նոր-Արեշի 33-րդ փողոցի հ.24 տան մոտ, Բուռնազյան 2-րդ նրբանցքում, Սարալանջի մայրուղում, Թումանյան 2-րդ նրբանցքի հ.1 շենքի մոտ, Մալաթիա-Սեբաստիայի հ.184 դպրոցի մոտ, Նոր Նորքի 1-ին զանգվ. Լվովյան հ.հ.21, 23 շենքերի մոտ, Նոր Նորքի հ.118 ՆՈԻՀ-ի մոտ, Նոր Նորքի 7-րդ զանգվածի հ.42 շենքի մոտ, Նոր Նորքի 9-րդ զանգվածի հ.20 շենքի մոտ և Նոր Նորքի 9-րդ զանգվածի հ.67/1 շենքի մոտ:

2014 թվականին նախատեսվող աշխատանքներ

2014թ. ծրագրով վարչական շրջաններից ներկայացված վերանորոգման կարիք ունեցող 50 հենապատերից առաջնահերթության սկզբունքով կվերանորոգվեն 15-20 հենապատեր:

Վերգետնյա և ստորգետնյա անցումների կառուցում և նորոգում

Մայրաքաղաքում հետիոտնի տեղաշարժն ավելի հարմարավետ և անվտանգ դարձնելու նպատակով կարևորվում է անհրաժեշտ վայրերում հետիոտնային անցումների կառուցումը, ինչպես նաև առկա անցումների վերանորոգումն ու շահագործման համար հարմար պայմանների ստեղծումը: Նոր անցումների ստեղծման վայրերն ընտրվում են ուսումնասիրության և մասնագիտական քննարկումների արդյունքում հաշվի առնելով քաղաքացիների առաջարկները:

Երևանի քաղաքապետարանում հաշվառված է 58 անցում 19 վերգետնյա և 39 ստորգետնյա, որից 36-ը բավարար վիճակում են, 22-ում անհրաժեշտ է իրականացնել վերանորոգման աշխատանքներ, հիմնականում երեսապատման, հարդարման, ջրամեկուսացման, ջրահեռացման և լուսավորության գծով:

 

Հիմնախնդիրներ

1. Հետիոտնի առավել մեծ կուտակումներ առաջացնող խաչմերուկներում ստորգետնյա և վերգետնյա հետիոտնային անցումների կառուցում

Մինչև 2013թ. նախատեսվում է ավարտել 7 նոր վերգետնյա հետիոտնային անցումների կառուցման աշխատանքները Տիգրան Մեծ պողոտա «Տաշիր» առևտրի կենտրոնի դիմաց, Չարենցի փողոց Պետական Համալսարանի մոտ, Ծիծեռնակաբերդի խճուղի «Դալմա գարդեն» առևտրի կենտրոնի մոտ, Բագրատունյաց փողոց «Երևան Սիթի» հանրախանութի մոտ, Արշակունյաց պողոտա (դեպի «Հայրենիք» կ/թ), Դավիթ Բեկ փողոց Վ.Սարգսյանի անվան Ռազմական ակադեմիայի մոտ և Թբիլիսյան խճուղի Շամպայն-գինիների գործարանի մոտ:

Մասնակի վերանորոգվել է Գրիգոր Լուսավորիչ փողոցի և Մաշտոցի պողոտայի խաչմերուկի ստորգետնյա հետիոտնային անցումը:

Հաշվառվել են հասցեներ, որտեղ նախատեսվում է կառուցել շուրջ 40 վերգետնյա անցում: 2014թ. համայնք-մասնավոր հատված շարունակական համագործակցության միջոցով կկառուցվի 6 վերգետնյա անցում:

Վարձակալությամբ տրված ստորգետնյա հետիոտն անցումներում կիրականացվեն ընթացիկ նորոգման և հիմնանորոգման աշխատանքներ Երևանի քաղաքապետարան - վարձակալ համագործակցության շրջանակում:

 

Թեքահարթակների կառուցում

 

Տեղաշարժվելու դժվարություն ունեցող բնակիչների տեղաշարժը մատչելի դարձնելու համար մայրաքաղաքի փողոցների խաչմերուկներում և բանուկ մասերում կառուցվում են թեքահարթակներ: Թեքահարթակների կառուցման տեղերը որոշելու նպատակով քննարկումներ են անցկացվում հաշմանդամների շահերը պաշտպանող հասարակական կազմակերպությունների հետ:

2013թ. մայրաքաղաքի փողոցների խաչմերուկներում և բանուկ հատվածներում կառուցվել է շուրջ 80 թեքահարթակ, իսկ հիմնանորոգվող փողոցներում ավելի քան 190:

Թեքահարթակների կառուցման աշխատանքներն իրականացնելիս ապահովվել է չափորոշիչներով նախատեսված թեքահարթակի թեքություն: Բազմաբնակարան, բազմաֆունկցիոնալ և հասարակական տիպի շենքերի նախագծային աշխատանքների համար տրվող ճարտարապետահատակագծային առաջադրանքներում ևս պարտադիր պայման է թեքահարթակի կառուցումը:

Բազմաբնակարան, բազմաֆունկցիոնալ և հասարակական տիպի շենքերի շինարարական աշխատանքների ավարտից հետո հանձնաժողովի կողմից կազմված հանձնման-ընդունման, հետագայում նաև փաստագրման ակտերը հաստատվում են միայն թեքահարթակների առկայության դեպքում: Երևանի քաղաքապետարանի այս մոտեցումը նպատակ ունի հենաշարժողական խնդիրներ ունեցող քաղաքացիների համար ապահովել անխոչընդոտ տեղաշարժի հնարավորություն:

Թեքահարթակների կառուցման ծրագիրը շարունակական է և կիրականացվի նաև 2014թ.` ընդգրկելով Երևանի բոլոր վարչական շրջանները:

Մայթերի բազալտե և բետոնե ձևավոր սալիկների վերանորոգում

Մայրաքաղաքի բարեկարգման ծրագրերի շրջանակում կատարվում են մայթերի և եզրաքարերի վերանորոգման աշխատանքներ: Վերանորոգվում կամ փոխարինվում են նորերով մայթերի ձևավոր բետոնե, բազալտե և տրավերտինե սալիկները, վերանորոգվում բետոնե, փոխարինվում բազալտե եզրաքարերը:

2013թ. կատարվել է 16320քմ մայթերի և Շառլ Ազնավուրի հրապարակի ու Վարդան Մամիկոնյանի արձանի շրջակա տարածքի վերանորոգման աշխատանքներ:

2014թ. մայթերի վերանորոգման աշխատանքներ կիրականացվեն բոլոր վարչական շրջաններում:

 

Կամրջային կառուցվածքների սպասարկում, շահագործում, վերականգնում ու

ամրացում

 

Երևանի քաղաքապետարանի հաշվեկշռում ընդգրկված են 27 կամուրջ և կամրջային կառուցվածք, ուղեանց և էստակադա:

Հիմնախնդիրներ

1. Կամրջային կառույցների հիմնանորոգում, շահագործման բարելավում

2013թ. վերանորոգվել է Քրիստափորի փողոցի («Փեթակ» առևտրի կենտրոնին կից) մետրոյի կամուրջը:

Կամուրջների հիմնանորոգման նախագծեր կազմելիս հաշվի են առնվում ստացված ահազանգերը և առաջարկությունները, և կատարվող ուսումնասիրությունների արդյունքում, հնարավորության սահմաններում, իրականացվում են հիմնանորոգման աշխատանքներ:

 

Երևան քաղաքում շենքերի ճակատային մասերի ընթացիկ նորոգում և

քարերի մաքրում

 

Հիմնախնդիրներ

1. մայրաքաղաքի պատշաճ արտաքին տեսքի ապահովում

2. պատշգամբների, տանիքների, մուտքերի նորոգում

3. շենքերի ճակատային մասերի մաքրում, լվացում, ներկում

2013թ. կատարվել է 32 շենքի ֆասադների ընթացիկ նորոգման և քարերի մաքրման աշխատանքներ, վերանորոգվել է 35 շենքերի 76 պատշգամբ:

2013թ. ավարտվել է կամարանցումների վերանորոգման և գունազարդման ծրագիրը:

2014թ. ծրագրերով կիրականացվեն շուրջ 30 շենքերի ճակատային մասերի ընթացիկ նորոգման և քարերի մաքրման աշխատանքներ, կվերանորոգվի ավելի քան 200 պատշգամբ:

 

Հանգստի գոտիների ստեղծում, բակային տարածքների բարեկարգում

 

Բնակչության հանգստի կազմակերպման համար մայրաքաղաքում անհրաժեշտ պայմաններ ստեղծելը հանդիսանում է գերակա խնդիր, որի լուծման նպատակով իրականացվում են նոր հանգստի գոտիների ստեղծման և բակային տարածքների ու խաղահրապարակների հիմնանորոգման ու պահպանման աշխատանքներ:

Հիմնախնդիրներ

1. հանգստի գոտիների ստեղծում

2. բակերի և այգիների բարեկարգում

2013 թվականին իրականացված աշխատանքներ

2013թ. այգիների ստեղծման և բարեկարգման աշխատանքներ են իրականացվել Ազատամարտիկների 5-րդ նրբանցքի և Նոր Արեշի 22-րդ փողոցի հատման մասում (Էրեբունի վարչական շրջան), Տիգրան Մեծի այգում (Նոր Նորք վարչական շրջան) և Շիրակի փողոցի հ.հ. 12, 14 շենքերի միացյալ բակում (Շենգավիթ վարչական շրջան), Աճառյան և Մյասնիկյան փողոցների հատման մասում (Ավան վարչական շրջան):

Մեծածավալ աշխատանքներ են կատարվել բազմաբնակարան շենքերի բակային տարածքների բարեկարգման ուղղությամբ:

2014 թվականին նախատեսվող աշխատանքներ

2014թ. կբարեկարգվեն Գլխավոր պողոտայի Սարյան-Մաշտոց և Նալբանդյան-Հանրապետության հատվածները, Ամերիկյան Համալսարանի ետնամասի այգին:

 

Մինի ֆուտբոլի դաշտերի ստեղծում

 

Բակերի բարեկարգման աշխատանքների, ինչպես նաև երիտասարդության ակտիվ հանգստի կազմակերպման և առողջ ապրելակերպի խթանման նպատակով մեծ ուշադրություն է հատկացվում մինի ֆուտբոլի դաշտերի ստեղծմանը: Ներկայում մայրաքաղաքում առկա է շուրջ 90 մինի ֆուտբոլի դաշտ:

2013թ. ծրագրերով կառուցվել է 19 մինի-ֆուտբոլի դաշտ:

2014թ. ծրագրով կկառուցվի ևս 15 մինի ֆուտբոլի դաշտ, իսկ 11 հասցեների համար արդեն պատվիրված են նախագծանախահաշվային փաստաթղթեր.

. Աջափնյակ վարչական շրջան Գ-3 թաղամասի հ.25 շենքի մոտ,

. Արաբկիր վարչական շրջան Վրացական հ.7 շենքի բակում,

. Ավան վարչական շրջան 1-ին միկրոշրջանում,

. Դավթաշեն վարչական շրջան 4-րդ թաղամասի հ.հ. 1, 2, 3, 4, 7 շենքերի բակում,

. Էրեբունի վարչական շրջան Խաղաղ Դոն փողոցի հ.23 շենքի բակում,

. Կենտրոն վարչական շրջան Զավարյան փողոցի հ.64 շենքի հարակից տարածքում,

. Մալաթիա-Սեբաստիա վարչական շրջան Բաբաջանյան փողոցի հ.հ.129-132 շենքերի բակում,

. Նոր Նորք վարչական շրջան 1-ին զանգվածի Բորյան փողոցի հ.4/1 շենքի բակում,

. Նորք-Մարաշ վարչական շրջան հ.61 դպրոցի հարակից տարածքում,

. Շենգավիթ վարչական շրջան Արշակունյաց փողոցի հ.135դ և 135գ շենքերի միացյալ բակում,

. Քանաքեռ-Զեյթուն վարչական շրջան Մ.Ավետիսյան պուրակում:

2014թ. նախատեսվում է բարեկարգել նախկինում կառուցված մինի ֆուտբոլի դաշտերը:

 

Առողջապահական օբյեկտների հիմնանորոգում

 

2013թ. վերանորոգման աշխատանքներ են կատարվել Մալաթիա-Սեբաստիա վարչական շրջանի հ.9 և Արաբկիրի մանկական պոլիկլինիկաներում:

2014թ. Երևանի քաղաքապետարանի ենթակայության 2 պոլիկլինիկաներում կիրականացվեն դռների և լուսամուտների փոխարինման և ևս 2-ում ջեռուցման համակարգերի տեղադրման աշխատանքներ:

Երևանի քաղաքապետարանի ենթակայության հիվանդանոցներում հիմնանորոգման աշխատանքները նախատեսվում է իրականացնել համայնք-մասնավոր հատված համագործակցության արդյունքում:

 

Կրթական, նախադպրոցական, արտադպրոցական և մարզական

հաստատությունների հիմնանորոգում

 

2013 թվականին իրականացված աշխատանքներ

2013թ. հիմնանորոգվել է 29 մանկապարտեզ. կատարվել են լուսամուտների և դռների փոխարինման, տանիքների և սանհանգույցների վերանորոգման աշխատանքներ:

2013թ. մայրաքաղաքի բոլոր գրադարաններն ապահովվել են ջեռուցման համակարգերով: Ջեռուցվել են նաև 2 երաժշտական դպրոց և Ա. Գաբրիելյանի անվան արվեստի դպրոցը:

2014թ թվականին նախատեսվող աշխատանքներ

2014թ. ծրագրով նախատեսվում է Երևանի ենթակայության 25 մանկապարտեզներում իրականացնել մասնակի նորոգման և հիմնանորոգման աշխատանքներ: Հիմնանորոգման աշխատանքներ կկատարվեն 8 երաժշտական դպրոցներում, 3 արվեստի դպրոցներում և 12 գրադարաններում: Ջեռուցման համակարգեր կտեղադրվեն 5 մարզական դպրոցներում:

 

Մշակութային կենտրոնների և թանգարանների հիմնանորոգում

 

2013 թվականին հիմնանորոգվել է Նոր Նորք վարչական շրջանի մշակույթի տունը և «Հայ Արտ» մշակութային կենտրոնը:

«Էրեբունի» պատմամշակութային արգելոց-թանգարանում և Կարեն Դեմիրճյանի անվան թանգարանում կառուցվել է ջեռուցման համակարգ, վերանորոգվել է Ժամանակակից արվեստի թանգարանի ցուցասրահի տանիքը:

2014թ. նախատեսվում է կատարել «Էրեբունի» պատմամշակութային արգելոց-թանգարանի հիմնանորոգման աշխատանքներ:

 

Երևան քաղաքի ջրային կառույցների սպասարկման ու շահագործման

ծառայությունների իրականացում

 

Երևանի քաղաքապետարանի հաշվեկշռում առկա է 33 ջրային կառույց, որոնց մեծ մասն ունի վերանորոգման և հիմնանորոգման կարիք:

2013թ. ծրագրերով շահագործվել է թվով 27 ջրային կառույց:

Ջրային կառույցների վերականգնման ծրագիրը կրում է շարունակական բնույթ, և 2014թ. շարունակվելու է մայրաքաղաքի ջրային կառույցների վերանորոգման, վերազինման, պահպանման և շահագործման աշխատանքները:

Նախատեսվում է համայնք-մասնավոր հատված շարունակական համագործակցության միջոցով իրականացնել բարեկարգման կարիք ունեցող շատրվանների վերանորոգման և հիմնանորոգման աշխատանքներ:

 

Հուշարձանների պահպանում (պատվանդանների վերանորոգում, կառուցում)

 

ՀՀ կառավարության 20.04.2002թ. հ.438 որոշման համաձայն Երևանի սեփականություն հանդիսացող 401 հուշարձանների պահպանումը, սպասարկումն ու պատվանդանների նորոգման աշխատանքներն իրականացնում է Երևանի քաղաքապետարանը:

2013թ. իրականացվեց Հայ-ռուսական բարեկամությունը խորհրդանշող Միացյալ Խաչ հուշարձանի պատվանդանի կառուցման աշխատանքները:

2014թ. նախատեսվում է բարեկարգել վերանորոգման կարիք ունեցող հուշարձանները, ինչպես նաև իրականացնել պատվանդանների կառուցման, վերանորոգման աշխատանքներ:

Կվերանորոգվեն և կբարեկարգվեն Ռումտիկցիների հուշարձանը, Ծովակալ Իսակովի հուշարձանն ու Մարշալ Բաղրամյանի արձանը:

 

ԱՆՇԱՐԺ ԳՈՒՅՔԻ ԿԱՌԱՎԱՐՈՒՄ

 

Երևան համայնքի վարչական տարածքը 2013թ. հունվարի դրությամբ կազմում է 22328 հա, որից պետական սեփականության հողերը 3369.7 հա, համայնքային սեփականության հողերը 11031.65հա, քաղաքացիների և իրավաբանական անձանց սեփականությունը 7913.7հա, օտարերկրյա պետությունների սեփականությունը 12.95հա:

Ներկայում Երևան քաղաքում առկա է 4-րդ աստիճանի վթարայնության քանդման ենթակա բազմաբնակարան բնակելի 5 և հանրակացարանային 3 շենք 414 բնակարանով:

 

Հիմնախնդիրներ

1. Առկա են ՀՀ կառավարության 2005 թվականի դեկտեմբերի 29-ի հ.2387-Ն որոշման պահանջներին չհամապատասխանող, պետական գրանցում ունեցող, հաշվառված, բայց չհասցեավորված, ինչպես նաև չհաշվառված շենք-շինություններ:

2. Լուծման կարիք ունի Երևան քաղաքի մի շարք թաղամասերում 1991 թվականին որպես տնամերձ, բնակարանային շինարարության համար հատկացված, նախկինում սեփականաշնորհված հողամասերի նկատմամբ սեփականության իրավունքի վերականգնման հարցը:

3. Առկա է բարոյական և ֆիզիկական մաշվածությամբ շարժական և անշարժ գույք, որն անհրաժեշտ է ընդգրկել մասնավորեցման գործընթացում արդյունավետ կառավարում ապահովելու համար:

4. Երևան քաղաքի բնակարանային ֆոնդի մաշվածություն: Շենքերի տեխնիկական վիճակի վրա բացասաբար ազդեցություն են ունեցել ներքին և արտաքին ջրակոյուղատար ցանցերի մաշվածությունը, տանիքների ջրամեկուսիչ շերտի վնասվածությունը:

5. Առկա են վթարային բազմաբնակարան և հանրակացարանային բնակելի շենքեր:

2013 թվականներին իրականացված աշխատանքներ

թվականին Երևան քաղաքում 4-րդ կարգի վնասվածություն ունեցող բազմաբնակարան բնակելի շենքերի բնակիչների վերաբնակեցման հետ կապված շարունակվեց և ավարտին հասցվեց Շինարարների հ.15, Ֆուչիկի հ.12 հասցեների շենքերում բնակվող ընտանիքների վերաբնակեցման գործընթացը:

Երևանի բյուջեի միջոցների հաշվին լուծվել են սողանքի հետևանքով վթարային և բնակության համար ոչ պիտանի դարձած Սարի Թաղի 18-րդ փողոցի հ.հ. 33, 35, 37, 39 և 41 հասցեներում գտնվող բնակելի տների բնակիչների բնակարանային խնդիրները, որոնք ըստ ՀՀ կառավարության 2009 թվականի փետրվարի 26-ի հ.204-Ն որոշման ենթակա են վերաբնակեցման:

2013թ ընթացքում վերաբնակեցվել է շուրջ 116 ընտանիք (Ֆուչիկի փող. 12, Շինարարների փող. 15, Հալաբյան փող. 3, Սարի Թաղի 18-րդ փողոցի սեփական տներ, Արցախի 4-րդ նրբ. հ.5, Նոր Արեշի 127/1 հանրակացարանային շենքեր): Վերաբնակեցումը կազմակերպելու համար օգտագործվել են Քանաքեռի 14-րդ և Բաբաջանյան փողոցներում շահագործման հանձնված բնակելի շենքերը, ինչպես նաև Սիսակյան փողոցի հ.22 հասցեում նոր կառուցված բազմաբնակարան շենքը:

Երևան համայնքի հաշվեկշռում առկա անմխիթար վիճակում գտնվող գույքի արդյունավետ կառավարման նպատակով մշակվել են ներդրումային փաթեթներ, որոնք ներկայացվում են շահագրգիռ սուբյեկտներին ներդրումների ներգրավման նպատակով:

Ծավալուն աշխատանք է տարվել վարչական շրջաններում բազմաբնակարան բնակելի շենքերի ոչ բնակելի տարածքների հաշվառման ուղղությամբ:

2014 թվականին նախատեսվող աշխատանքներ

թվականին կշարունակվի ՀՀ կառավարության 2005 թվականի հունիսի 9-ի «Անհատույց պետական ֆինանսական աջակցություն տրամադրելու մասին» հ.947-Ն որոշման համաձայն, զոհված (մահացած) կամ հաշմանդամ դարձած զինծառայողների (ազատամարտիկների) կարիքավոր ընտանիքներին հաշվառման ընդունելու և ցուցակները ՀՀ պաշտպանության նախարարություն ներկայացնելու գործընթացը:

2014թ. նախատեսվում է շարունակել Երևան քաղաքում բազմաբնակարան բնակելի շենքերի (բնակելի տների) բնակիչների անվտանգության ապահովման, անկանխատեսելի հետևանքները բացառելու, դրանցում բնակվող բնակիչների բնակարանային խնդիրները լուծելու հետ կապված աշխատանքները:

2014 թվականին կշարունակվեն Երևան համայնքի սեփականություն հանդիսացող բազմաբնակարան շենքերում դեռևս չսեփականաշնորհված բնակարանների անհատույց մասնավորեցման գործընթացը:

Կկազմակերպվեն «Երևան քաղաքում տեղական ինքնակառավարման մասին», «Բազմաբնակարան շենքի կառավարման մասին» ՀՀ օրենքներով, ինչպես նաև ՀՀ կառավարության համապատասխան որոշումների հիման վրա Երևան համայնքի սեփականությունը հանդիսացող, սակայն դեռևս չգրանցված գույքերի նկատմամբ իրավունքի պետական գրանցման աշխատանքները:

2014թ. նախատեսվում է բնակարանային ֆոնդի վթարայնության ուսումնասիրման միջոցառումների վերաբերյալ հայեցակարգի մշակում:

Բնակարանային շինարարության իրականացման առկա փորձի վերլուծության արդյունքներից ելնելով հնարավոր միջոցներ կձեռնարկվեն վթարային, քանդման ենթակա շենքերից բնակիչների վերաբնակեցման նպատակով բնակարանային շինարարությունը տվյալ վարչական շրջանի սահմաններում իրականացնելու համար:

Կշարունակվեն Երևան քաղաքի դեռևս չանվանակոչված և անվանափոխության ենթակա պողոտաների, փողոցների և հրապարակների անվանման, ինչպես նաև սեփականության վկայական ունեցող շենք-շինությունների և հողամասերի հասցեավորման գործընթացները:

Նախկինում սեփականաշնորհված, սակայն սահմանված կարգով իրավունքներ չձևակերպած հողամասերի հաշվառման, գույքագրման, դրանց նկատմամբ իրավունքի վերականգնման և ձևակերպման գործառույթները կշարունակվեն նաև 2014 թվականին:

2014թ. նախատեսվում է Մարգարյան 45 հասցեում 4-րդ կարգի վթարային շենքի քանդում, նույն տեղում բազմաբնակարան շենքի կառուցում և այդ շենքից բնակարանների ձեռքբերում:

Երևան համայնքի սեփականություն հանդիսացող ֆիզիկական և բարոյական մաշվածություն ունեցող և պահպանման համար չհիմնավորված ծախսեր պահանջող գույքերի օտարման գործընթացի կազմակերպում:

Երևան քաղաքի կառուցապատման ծրագրերով, գերակա հանրային շահ ճանաչված տարածքներում քաղաքաշինական ծրագրերի կազմման աշխատանքներում համապատասխան աջակցության ցուցաբերում:

Անշարժ գույքի օտարման տարեկան ծրագրերի մշակում հաշվի առնելով նախորդ տարիների փորձը:

Քաղաքաշինության ոլորտում, ինչպես նաև ՀՀ Հողային օրենսգրքում փոփոխությունների օրենսդրական փաթեթների մշակում, հողային հաշվեկշռի ամենամյա հաստատմանն ուղղված աշխատանքների իրականացում:

Անշարժ գույքի կառավարման էլեկտրոնային ծրագրի մշակում և ներդրում, որը հնարավորություն կտա ավտոմատ ռեժիմով կառավարել գույքը, այդ թվում վարձակալությամբ տրամադրված պայմանագրային պարտավորությունների նկատմամբ իրականացնելով առավել արդյունավետ հսկողություն:

Քաղաքացիների և իրավաբանական անձանց կողմից առանց համապատասխան պայմանագրերի համայնքային սեփականություն հանդիսացող գույքերի օգտագործման դեպքերի հայտնաբերում և համապատասխան ձևակերպումների իրականացում:

Համայնքային սեփականություն հանդիսացող գույքերի գույքագրում, ընդհանուր բազայի ստեղծում:

Վարձակալությամբ տրված տարածքների և հողամասերի պայմանագրերի ժամկետների վերանայում և վարձավճարների համապատասխանեցում Երևանի ավագանու կողմից սահմանված դրույքաչափերին:

Քաղաքացիների և իրավաբանական անձանց սեփականություն հանդիսացող անշարժ գույքի գործառնական նշանակության փոփոխում համապատասխան որոշումների միջոցով: 2014թ. նախատեսվում է քաղաքացիների դիմումների առկայության դեպքում օրենսդրությամբ սահմանված ժամկետներում իրականացնել նախկինում պետական ակտերով կամ սեփականաշնորհման այլ փաստաթղթերով գյուղատնտեսական նշանակության հողերի վերաբերյալ փաստաթղթերի տրամադրումը:

 

ԿՈՄՈՒՆԱԼ ՈԼՈՐՏ

 

Ջրամատակարարում և ջրահեռացում

 

«Երևան Ջուր» փակ բաժնետիրական ընկերությունն իրականացնում է ջրամատակարարման և ջրահեռացման համակարգերի շահագործումն ու կառավարումը:

Մայրաքաղաքում ջուրը սպառողին բաշխվում է 1964 կմ երկարությամբ բաշխիչ ցանցի և 223,5 հազ. խմ տարողությամբ 23 օրվա կարգավորիչ ջրավազանների (ՕԿՋ) միջոցով:

Երևան քաղաքի ջրամատակարարման համակարգն ունի 9 ջրաղբյուր, 103 կապտաժային կառույց, 39 արտեզյան (ինքնաբուխ) հորատանցք, 5 խոշոր պոմպակայան, 29 խորքային հորատանցք և 700 կմ մայրուղային ջրատար:

 

Հիմնախնդիրներ

1. ջրամատակարարման և ջրահեռացման ծառայությունների մատուցման որակի բարելավում

2. ջրակորուստների կրճատում

3. ջրամատակարարման և ջրահեռացման ցանցի ընդլայնում

4. նկուղային հարկերում և կաթսայատներում տեղակայված պոմպակայանների տեղափոխում

5. պոմպակայանների և բակային պոմպերի նորացում ու փոխարինում

6. ջրամատակարարման և ջրահեռացման ներքին ցանցերի հետագա շահագործման խնդիրների կարգավորում

7. մակերևութային ջրերի հեռացման համակարգի շահագործման արդյունավետության բարձրացում

8. «Աէրացիա» մաքրման կայանի վերակառուցում

2013 թվականին իրականացված աշխատանքներ

Երևանի ջրային համակարգերի «Վարձակալության պայմանագրի» մեկնարկից` 2006թ. հունիսի 1-ից պայմանագրի իրականացման 7 տարիների ընթացքում, «Երևան Ջուր» ՓԲԸ-ի կողմից լուրջ միջոցառումներ են իրականացվել ջրամատակարարման և ջրահեռացման համակարգերի կառավարման բարելավման և շահագործման արդյունավետության բարձրացման ուղղությամբ:

Երևան քաղաքի բոլոր վարչական շրջաններում կատարվել են ջրամատակարարման բաշխիչ ցանցերի լայնամասշտաբ գոտիավորման և ճնշումների կառավարման ծրագրեր, որոնց արդյունքում ընկերության կատարողականությունը բնութագրող հիմնական ցուցանիշների գծով զգալի առաջընթաց է ապահովվել:

Երևան քաղաքի բնակիչներին ջրի մատակարարման միջին տևողությունը օրվա ընթացքում կազմել է 94.8% կամ 22.76 ժամ, այն դեպքում, երբ պայմանագրով նախատեսված 95% ցուցանիշը պետք է ապահովվեր 10-րդ տարում:

Ջրամատակարարման նվազագույն տևողությունը կազմում է 12 ժամ, ընդ որում բաժանորդների զգալի մասը`67%-ը ստանում է շուրջօրյա ջրամատակարարում, բաժանորդների 29%-ը ստանում է 17-23.5-ժամյա ջրամատակարարում, բաժանորդների միայն 4%-ն է ստանում 12-17-ժամյա ջրամատակարարում:

Ջրամատակարարման տևողության արձանագրված առաջընթացի պահպանման պարագայում, ջրակորուստների կրճատման և քաղաքում ջրաքանակների օպտիմալ վերաբաշխման արդյունքում տարեցտարի նվազեցվում են ջրարտադրության ծավալները: Ջրառը պայմանագրային 7-րդ տարում կազմել է 300.5 մլն խմ` Պայմանագրի մեկնարկին նախորդող տարվա 358.2 մլն խմ-ի դիմաց: Ընդ որում, այս նվազեցումը ապահովվել է հիմնականում խոշոր պոմպակայաններում մեխանիկական եղանակով ջրառի նվազեցման հաշվին, որը 155.6 մլն խմ-ից նվազեցվել է մինչև 70.6 մլն խմ:

էլեկտրաէներգիայի ծախսը 119.4 մլն խմ-ից նվազեցվել է մինչև 33.7 մլն խմ: Երևան քաղաքի և սպասարկվող 32 գյուղերի բոլոր բաժանորդներին մատակարարվել է խմելու ջրի որակի ստանդարտներին համապատասխանող պատշաճ որակի ջուր:

Ապահովվել են նաև վթարների վերաբերյալ տեղեկացումներին արձագանքման և վերանորոգման, ինչպես նաև գրավոր հարցումներին ու բողոքներին պատասխանելու համար պայմանագրով սահմանված ժամկետները:

Անհատական ջրաչափեր տեղադրած բաժանորդների թիվը 89.7%-ից հասցվել է 97.75%-ի,

Սպառված ջրաքանակի դիմաց վարձավճարների գանձման ցուցանիշը 84%-ից հասցվել է 99.3%-ի:

2013թ. տարում կատարվել են հեղեղատար (մակերևութային ջրերի հեռացման) ցանցի շահագործման բարելավման աշխատանքներ: Իրականացվել է անձրևընդունիչների, հորերի, խողովակաշարերի մաքրման 7951 գործողություն: Կատարվել է նաև հեղեղատար ցանցի ընդլայնում կառուցվել և վերակառուցվել է 300մմ տրամագծով 455 գծմ հեղեղատար ցանց և անձրևընդունիչ հորեր:

2014 թվականին նախատեսվող աշխատանքներ

(Պայմանագրային 8-րդ տարի 01.06.2013թ.-31.05.2014թ.)

Պայմանագրային 8-րդ տարում շարունակվելու են ջրարտադրության, ջրատար համակարգերի և ջրամատակարարման բաշխիչ ցանցերի կառավարման բարելավմանը, ջրային համակարգերի շահագործման արդյունավետության բարձրացմանն ուղղված աշխատանքները: Ընդ որում, ջրամատակարարման շարունակականության բարելավման հետ մեկտեղ կարևորվում են նաև ջրամատակարարման հուսալիության ապահովման հարցերը:

Ջրամատակարարման շարունակականության (օրվա ջրամատակարարման ժամերի միջին տևողության) բարելավման հարցում առանձնակի ուշադրություն է դարձվելու ջրամատակարարման առումով ոչ բարենպաստ պայմաններում գտնվող գոտիների բարելավմանը: 2013թ. Երևան քաղաքի բոլոր սպառողների համար ժամը 700-2400-ն ընկած ժամանակահատվածում ջրամատակարարման նվազագույն տևողության ցուցանիշ է սահմանվել 12-ժամյա ջրամատակարարումը, սակայն ձեռնարկվելու են միջոցառումներ պայմանագրային 8-րդ տարվա ընթացքում ջրամատակարարման նվազագույն շեմը էլ ավելի բարձրացնելու համար` անփոփոխ թողնելով մինչ այդ շուրջօրյա ջրամատակարարում ստացող տարածքները:

Պայմանագրային 8-րդ տարում նախատեսվող կարևոր բարեփոխումներից են` Նոր-Նորքի I և II զանգվածների նվազագույն ջրամատակարարման շեմը 17 ժամ սահմանելը` նախկին` 12-ժամի փոխարեն, 16 և 17 թաղամասերում 24 ժամ` նախկին` 17 ժամի փոխարեն, Հարավ-Արևմտյան Ա թաղամասում 24 ժամ` նախկին 17 ժամի փոխարեն, և քաղաքի տարբեր թաղամասերի մոտ 80 շենքերում, ջրամատակարարման հին պոմպերը նոր պոմպերով և վարիատորներով փոխարինելու շնորհիվ 3-րդ հարկից բարձր բաժանորդները նախկին 12 ժամի փոխարեն կստանան առնվազն 17 ժամյա ջրամատակարարում:

«Վարձակալության պայմանագրի» 8-րդ տարում (01.06.2013-31.05.2014) «Պահպանման և վերանորոգման ընդլայնված աշխատանքների ծրագրով» նախատեսվում է կատարել 1920.0 մլն ՀՀ դրամի աշխատանքներ:

Միայն ջրամատակարարման բաշխիչ ցանցի և կոյուղագծերի բարելավման ու վերակառուցման համար «Երևան Ջուր» ՓԲԸ-ի շահագործման պատասխանատուների կողմից ներկայացված առաջնահերթ աշխատանքների համար անհրաժեշտ ընդհանուր գումարը կազմում է 1436.4 մլն ՀՀ դրամ այդ թվում` բախշիչ ցանցի համար 1110.0 մլն ՀՀ դրամ, կոյուղու ցանցի համար 326.4 մլն ՀՀ դրամ:

Շարունակվելու են ջրային օբյեկտների սանիտարական գոտիների սանիտարահիգիենիկ պայմանների պահպանման, բարելավման և անվտանգության ապահովման միջոցառումները: Այս նպատակների համար նախատեսվում է իրականացնել առնվազն 145 մլն ՀՀ դրամի աշխատանքներ:

Մասնավորապես, պայմանագրային 8-րդ տարում ջրային օբյեկտների «Պահպանման և վերանորոգման ընդլայնված աշխատանքների» ծրագրի շրջանակներում նախատեսվում է`

. վերանորոգել Ապարանի պոմպակայանի գալերեան և M-ից մինչև N15 հորատանցքերի տեսչական ճանապարհը,

. վերանորոգել Ծարավաղբյուրի սանիտարական գոտին,

. վերակառուցել Դավիթաշենի ՕԿՋ-ի սանիտարական պահպանման գոտում առկա շինությունները, որտեղ տեղակայվելու է «Արևմուտք» շահագործման տնօրինության Մաշտոց տեղամասը,

. Աբովյան Վերին ՕԿՋ-ի սանիտարական պահպանման գոտում կառուցել մետաղական ցանկապատ` 160գծմ ընդհանուր երկարությամբ և տեղադրել դարպասներ:

 

Կոյուղու համակարգ և կեղտաջրերի մաքրում

Մասնակի է գործում «Աէրացիա» կեղտաջրերի մաքրման կայանը, կատարվում է միայն մասնակի մեխանիկական մաքրում 16 մմ ճաղավանդակով և ավազորսիչներով, որոնց մաքրումը իրականացվում է տարեկան 6 անգամ: Վերացվել է կոյուղագծերի վթարների 15899 դեպք:

Մաքրման կայան մուտք գործող կեղտաջրերի տարեկան քանակը աճել է 12 %-ով 53,1 մլն մ3-ից հասնելով մինչև 59,0 մլն.մ3-ի: Դեռևս պահպանվում են թվով 6 կետերում կեղտաջրի ուղղակի արտանետումները դեպի տարբեր ջրային ավազաններ:

«Երևան Ջուր» փակ բաժնետիրական ընկերության կողմից իրականացվող ներդրումային ծրագրերից բացի, որոնք հիմնականում ֆինանսավորվում են երկու աղբյուրից` Ընկերության սեփական ֆինանսական միջոցների հաշվին (Պահպանման և վերանորոգման ընդլայնված ծրագրի շրջանակներում, որպես Վարձակալության պայմանագրի պարտավորություն) և Համաշխարհային բանկի վարկային միջոցների հաշվին (Երևանի ջրամատակարարման և ջրահեռացման ծրագրի շրջանակներում` ԵՋՋԾ), Ֆրանսիան Հայաստանի Հանրապետությանը տրամադրել է արտոնյալ պայմաններով վարկ Զարգացող Երկրների Պահուստային Ֆոնդի (ԶԵՊՖ) միջոցներից:

ԶԵՊՖ-ի տրամադրած ֆոնդի ամբողջ գումարը կազմում է 27,3 մլն եվրո, որից 24,9 մլն եվրոն տրամադրում է Ֆրանսիան, իսկ 2,4 մլն եվրոն համաֆինանսավորման տեսքով հատկացնում է Հայաստանի Հանրապետությունը:

Ներդրումային ծրագրի ընդհանուր նպատակը ջրամատակարարման, կեղտաջրերի հավաքման և մաքրման համակարգերի բարելավումն է:

Երևան քաղաքի կեղտաջրերի մաքրման «Աէրացիա» կայանի վերականգնում ծրագիրը նախատեսվում է իրականացնել 2 փուլով`

1. Կարճաժամկետ, որի ընթացքում նախատեսվում է մեխանիկական մաքրման համակարգի վերականգնում և առաջնային տիղմի մշակում ժամանակավոր բնապահպանական նորմերի պահանջները բավարարելու համար:

2. Երկարաժամկետ, որը ենթադրում է կենսաբանական և ֆիզիկաքիմիական մաքրումներով ընդարձակել առաջնային մաքրումը միջազգային նորմերը բավարարելու համար:

Այս ծրագիրը նախատեսված է միայն 1-ին փուլի իրականացման համար 10.27 մլն եվրո արժեքով:

Հիմնական կոյուղագծերի վերականգնման ծրագիր - 1.83 մլն եվրո արժեքով:

Վերակառուցման և Զարգացման Եվրոպական Բանկի վարկային ծրագիր

Վերակառուցման Զարգացման Եվրոպական Բանկի (ՎԶԵԲ) կողմից նախատեսվում Է Վարկի տրամադրում Հայաստանի Հանրապետությանը (Վարկառուին)` Երևանի ջրամատակարարման բարելավման համար անհրաժեշտ առաջնահերթ ներդրումների իրականացման նպատակով:

Ծրագրի իրականացման համար նախատեսված 21 մլն ԱՄՆ դոլար գումարը տրամադրվում է հետևյալ երեք ներդրողների կողմից.

. Վերակառուցման և Զարգացման Եվրոպական բանկ (ՎԶԵԲ)` 7մլն ԱՄՆ դոլար, վարկը կտրամադրվի 2014 թվականից,

. Եվրոպական ներդրումային բանկ (ԵՆԲ)` 7մլն ԱՄՆ դոլար վարկը կտրամադրվի 2014 թվականից,

. ԵՄ հարևանության ներդրումային գործիք (ՀՆԳ)` 7մլն ԱՄՆ դոլար դրամաշնորհ:

Ներդրումների ծավալների ուղղությունները որոշվել են այդ նպատակով ներգրավված

Տեխնիկական խորհրդատուի` չեխական «Centroproject a.s.» ընկերության և ենթախորհրդատու «Grant Thornton» ՓԲԸ-ի (Հայաստան) կողմից, որը ֆինանսավորվել է Չեխիայի հանրապետության կառավարության կողմից տրամադրված 275 հազ. ԱՄՆ դոլար դրամաշնորհի հաշվին:

Ծրագրում ներառվել են հետևյալ աշխատանքները.

. բակային նոր 30 պոմպակայանների կառուցում` 1197.0հազ. ԱՄՆ դոլար արժեքով,

. ջրամատակարարման բաշխիչ ցանցի շուրջ 152կմ ընդհանուր երկարությամբ առանձին հատվածների վերականգնում` 10.2մլն ԱՄՆ դոլար արժեքով

. այդ հատվածներում առկա անհատական շուրջ 22 կմ ընդհանուր երկարությամբ միացումների փոխարինում` 9487.0հազ. ԱՄՆ դոլար արժեքով:

Ծրագրի իրականացման արդյունքում նախատեսվում է

. առանձնատների թվով 39304 անհատական ջրաչափերի փոխարինում

. ջրամատակարարման բաշխիչ ցանցի վերականգնվող հատվածներում ջրի կորստի նվազեցում`30%-ով,

. էլեկտրաէներգիայի սպառման կրճատում,

. ջրամատակարարման տևողության ավելացում,

. անխափան ջրամատակարարման ապահովում և բաշխիչ ցանցում վթարների նվազեցում:

Տեխնիկապես մաշված հեղեղատար ցանցի թողունակությունը չի ապահովում մակերևութային ջրերի կազմակերպված հեռացումը և առաջանում են տրանսպորտային և հետիոտնի տեղաշարժի խափանումներ: Նման խնդիրներից խուսափելու նպատակով Երևանի քաղաքապետարանը «Երևան Ջուր» ՓԲԸ-ի հետ համատեղ մայրաքաղաքում կիրականացնի մակերևութային և կենցաղային կեղտաջրերի հեռացման գծով ծրագրեր:

«Երևան ջուր» ՓԲԸ-ի հետ համատեղ կմշակվի կոյուղագծերի կառուցման ծրագիր այն թաղամասերում, որտեղ դրանք բացակայում են:

 

Աղբահանություն և սանիտարական մաքրում

 

Երևան քաղաքի սանիտարական մաքրման ենթակա փողոցների, հրապարակների, կամուրջների, մայթերի, բակային տարածքների և այլ կառույցների ընդհանուր մակերեսը կազմում է շուրջ 24.348.634քմ:

Մայրաքաղաքի աղբահանության և սանիտարական մաքրման աշխատանքներն առայժմ իրականացվում է թվով 12 մասնագիտացված ընկերությունների շուրջ 1600 աշխատակիցների և շուրջ 410 միավոր հատուկ նշանակության մեքենա-մեխանիզմների միջոցով: Երևան քաղաքի տարածքից օրական հավաքվում և տարբեր աղբավայրեր է տեղափոխվում շուրջ 1300-1400 տ. կենցաղային աղբ, որից 750-800տ. տեղադրվում է Նուբարաշենի քաղաքային աղբավայրում, իսկ մնացածը Աջափնյակ վարչական շրջանի, ինչպես նաև Ջրվեժի և Մասիսի աղբավայրերում:

Նուբարաշենի քաղաքային աղբավայրը գործարկվել է 1950-ական թվականներին և գտնվում է մայրաքաղաքի կենտրոնից մոտ 9-10 կմ հեռավորության վրա զբաղեցնելով շուրջ 52.3 հա տարածք:

Մայրաքաղաքի տարածքից Նուբարաշենի աղբավայր է տեղափոխվում տարեկան միջին հաշվով 290-295 հազ. տոննա կենցաղային աղբ:

Քաղաքային աղբավայրում ջերմային գազերի արտանետումը, ինքնաբռնկման երևույթները կանխելու նպատակով 2009թ. մարտի 10-ին Երևանի քաղաքապետարանը ճապոնական «Շիմիձու» ընկերության հետ կնքել է համաձայնագիր Նուբարաշենի թափոնակուտակիչում կենսագազի հավաքման և այրման ծրագրի իրականացման վերաբերյալ:

Պայմանագրի գործողության ժամանակահատվածում մինչև 2023 թվականը, ըստ հաշվարկների, պետք է իրականացվի 512 հազար տոննա CO2 գազին համարժեք արտանետումների սերտիֆիկացված կրճատում:

 

Հիմնախնդիրներ

1. մայրաքաղաքի աղբահանության և սանիտարական մաքրման համակարգը (նաև առկա աղբավայրերը) չի համապատասխանում ժամանակակից միջազգային չափանիշներին

2. սանիտարական մաքրման ընկերությունների կողմից շահագործվող հատուկ նշանակության մեքենա-մեխանիզմների ֆիզիկական մաշվածություն և անբավարար թվաքանակ

2013 թվականին իրականացված աշխատանքներ

2013թ. ընթացքում Երևանի փողոցներում, կանգառներում, պուրակներում և այլ մարդաշատ վայրերում տեղադրվել է շուրջ 910 աղբաման:

Հասարակական կազմակերպությունների և այլ կառույցների հետ համատեղ, Երևանի քաղաքապետարանի նախաձեռնությամբ, պարբերաբար կազմակերպվել են համաքաղաքային շաբաթօրյակներ:

Երևանի սանիտարական մաքրման և աղբահանության (ներառյալ ձմռան ամիսների) աշխատանքների իրականացման վերաբերյալ խորհրդատվական աջակցություն ստանալու նպատակով 2010թ. ՀՀ էկոնոմիկայի նախարարության միջգերատեսչական գնահատող հանձնաժողովի կողմից ընտրվեց Integrated Skills Limited ընկերությունը (Մեծ Բրիտանիա):

Երևանի քաղաքապետարանը, հաշվի առնելով տվյալ ոլորտում առկա հիմնախնդիրները, ինչպես նաև հիմնվելով Integrated Skills Limited ընկերության խոհրդատվական աջակցության վրա, մշակել է նոր տեխնիկական բնութագիր և անցկացրել համապատասխան ծառայությունների գնման միջազգային մրցույթ:

Գնահատելով ռիսկերը, ինչպես նաև հաշվի առնելով ոլորտում ունեցած փորձը և առկա խնդիրները նպատակահարմար է գտնվել Երևան քաղաքի սանմաքրման և աղբահանության դաշտը բաժանել արևելյան և արևմտյան հատվածների

Սա նպատակ է հետապնդում ազատ մրցակցային դաշտ ստեղծել հնարավոր շահագրգիռ օպերատորների համար մայրաքաղաքում աղբահանության և սանիտարական մաքրման (ներառյալ ձմռան ամիսներին) ոլորտում առկա հիմնախնդիրները լիարժեք և արդյունավետ լուծելու, ինչպես նաև ոլորտում ժամանակակից չափանիշներին համապատասխան կառավարման համակարգ ներդնելու և որակյալ ծառայություններ ապահովելու համար:

Երևան քաղաքի սանիտարական մաքրման և աղբահանության աշխատանքներում նոր օպերատորների ներգրավումը նպատակ ունի.

. ներգրավել ոլորտում մասնավոր ներդրումներ

. ներդնել միջազգային ժամանակակից փորձը

. արդիականացնել և հագեցնել նոր մեքենա-մեխանիզմներով

. ներդնել կառավարման և վերահսկման արդի համակարգեր

. ապահովել տեղեկատվության մատչելիություն կիրառելով նորագույն սարքավորումներ

. Նախագծի իրագործման արդյունքում կապահովվի ծառայությունների որակյալ և օպերատիվ մատուցում:

Այս համատեքստում Երևանի քաղաքապետարանի կողմից Երևան քաղաքի աղբահանության և սանիտարական մաքրման, ներառյալ ձմռան ամիսների, ծառայությունների ձեռքբերումը խմբավորվել է 2 չափաբաժիններով.

Աղբահանության և սանիտարական մաքրում, ներառյալ ձմռան ամիսներին Երևան քաղաքի արևելյան հատվածում (Արաբկիր, Ավան, Էրեբունի, Քանաքեռ-Զեյթուն, Նորք-Մարաշ, Նոր Նորք և Նուբարաշեն վարչական շրջաններ).

Աղբահանության և սանիտարական մաքրում, ներառյալ ձմռան ամիսներին Երևան քաղաքի արևմտյան հատվածում (Աջափնյակ, Դավթաշեն, Կենտրոն, Մալաթիա-Սեբաստիա և Շենգավիթ վարչական շրջաններ):

Գնման ընթացակարգի գնման հանձնաժողովի որոշմամբ 1-ին չափաբաժնի մասով ընտրված մասնակից է ճանաչվել «Էկոգրուպ» ՍՊԸ և «ԼԼ Միլյոքոնսուլտ ԱԲ» ընկերության կոնսորցիումը, իսկ 2-րդ չափաբաժնի մասով «Սանիտեկ» ընկերությունը (Լիբանան):

Երևանի քաղաքապետարանը վերոնշյալ ընկերությունների հետ կնքել է 10 (տասը) տարի ժամկետով պայմանագրեր:

2014 թվականին նախատեսվող աշխատանքներ

Համաձայն կնքված պայմանագրերի մոբիլիզացիոն ժամկետի

(նախապատրաստական աշխատանքներ) ավարտից հետո 2014թ. ապրիլի 1-ից կմեկնարկեն նոր օպերատորների կողմից Երևան քաղաքի աղբահանության և սանիտարական մաքրման (ներառյալ ձմռան ամիսների) ծառայությունների մատուցման աշխատանքները, որի արդյունքում Երևան քաղաքի վարչական տարածքում կապահովվի միջազգային չափանիշներին համապատասխան սանիտարական մաքրում և աղբահանություն, կապահովվի համապատասխան տեխնիկայով, մայրաքաղաքի հանրային և բակային տարածքներում կտեղադրվեն միջազգային չափանիշներին համապատասխան նոր աղբամաններ:

Աշխատանքներ կիրականացվեն Նուբարաշենի քաղաքային աղբավայրի վիճակը բարելավելու նպատակով: Կիրականացվեն նախապատրաստական աշխատանքներ աղբի վերամշակման տեխնիկական առաջադրանքների մշակման ուղղությամբ ներգրավելով միջազգային խորհրդատվական ընկերությունների: Արդյունքում ակնկալվում է ունենալ միջազգային չափանիշներին համապատասխան կենցաղային աղբի տեսակավորման և վերամշակման գործարաններ:

 

Բազմաբնակարան շենքերի կառավարում

 

Երևանում առկա 4876 բազմաբնակարան շենքերից 4613-ի կառավարումն իրականացվում է 220 համատիրության կողմից, 193-ը լիազորագրային կառավարիչների, 70-ը վարչական շրջանների ղեկավարների կողմից:

Երևանի քաղաքապետարանում ՀՀ կառավարության 2007 թվականի հոկտեմբերի 4-ի հ.1161-Ն «Բազմաբնակարան շենքի ընդհանուր բաժնային սեփականության պահպանման պարտադիր նորմերը սահմանելու մասին» որոշման հիման վրա մշակվել և կիրառվել են պարտադիր նորմերի վերահսկման մեխանիզմներ: Դրա արդյունքում բարելավել է կառավարման մարմինների հաշվետվողականությունը, պարտադիր նորմերի կատարումը, աշխատանքային կարգապահությունը:

«Համատիրությունների մասին» և «Բազմաբնակարան շենքի կառավարման մասին» ՀՀ օրենքներով սահմանված վերահսկողության մեխանիզմների ոչ հստակությունը որոշակի դժվարություններ է ստեղծում ֆինանսական միջոցների գանձման և ծախսման, ընդհանուր ժողովի հրավիրման, բյուջեների կազմման և հաստատման, կանոնադրական պահանջների կատարման նկատմամբ վերահսկողության իրականացման համար:

Ոլորտում առկա խնդիրների կարգավորման նպատակով մշակվել և ՀՀ կառավարության արձանագրային որոշմամբ հաստատվել է ՀՀ բազմաբնակարան բնակարանային ֆոնդի կառավարման, պահպանման և շահագործման բարելավման հնգամյա ռազմավարական ծրագիրը:

Վերելակային ծառայության ապակենտրոնացումը դժվարացրեց բնակելի շենքերի վերելակների պահպանման, շահագործման, նորոգման և սպասարկման միասնական կանոնների կիրառումը: Ներկայում բարձրահարկ բնակելի շենքերի վերելակային տնտեսությունում առկա է 4551 վերելակ, որից 2739-ը սպասարկվում և շահագործվում է մասնագիտացված վերելակային ծառայություններ մատուցող կազմակերպությունների կողմից, իսկ մնացած 1812-ը լիցենզիա ունեցող անհատ մասնագետների կողմից:

Նախկինում գործող 92 դիսպետչերական կետերից և հենակետերից գործում են 11-ը: Մասնագետների պակասի հետևանքով յուրաքանչյուր մասնագետին բաժին է ընկնում սպասարկելու 40-50 վերելակ:

 

Հիմնախնդիրներ

1. թեք և հարթ տանիքների, ընդհանուր օգտագործման տարածքների վերանորոգման կարիք ունեցող շենքերի առկայություն

2. բնակիչների իրազեկվածության և իրենց լիազորությունների ու պարտականությունների ոչ լիարժեք իմացություն

3. վերելակային տնտեսության կապիտալ վերանորոգման, շուրջօրյա դիսպետչերական ծառայության ստեղծման և կադրերի պատրաստման և վերապատրաստման խիստ անհրաժեշտություն

4. սեփականատերերի իրենց սեփականության պահպանման նկատմամբ պատասխանատվության ցածր մակարդակ

2013 թվականին իրականացված աշխատանքներ

Գովազդային կազմակերպությունների հետ համագործակցության արդյունքում բազմաբնակարան շենքերի մուտքերում փակցվել են շինությունների սեփականատերերի իրավունքների և պարտականությունների վերաբերյալ իրազեկման պաստառներ:

Կառավարման արդյունավետության բարձրացմանն ուղղված աշխատանքների արդյունքում վարչական շրջաններում համատիրություններ են միավորվել:

Գույքագրվել է բազմաբնակարան շենքերի թվով 847 վթարային շքապատշգամբ աշխատանքային ծրագրերում դրանք ընդգրկելու համար: Վերանորոգվել է 1262 շքամուտք:

2013թ. ընթացքում վերանորոգվել է 80547քմ հարթ և 58350քմ թեք տանիք, վերանորոգվել է 76 շքերթային պատշգամբ:

«Շենքերի էներգետիկ արդյունավետության բարձրացում» ՄԱԶԾ-ԳԷՖ ծրագիր

Ընդհանուր ծրագրի նպատակն է նվազեցնել էլեկտրական և ջերմային էներգիայի սպառումը միաժամանակ նվազեցնելով դրանց հետ կապված ջերմոցային գազերի արտանետման ծավալները նորակառույց և/կամ գոյություն ունեցող բնակելի շենքերում:

Ծրագրի բաղադրիչներից մեկի շրջանակում Երևանի քաղաքապետարանի և ՄԱԿ-ի Զարգացման ծրագրի միջև 23.11.12թ. ստորագրվել է Մտադրությունների մասին հուշագիր: Երևանի քաղաքապետարանի և ՄԱԿ-ի Զարգացման ծրագրի համաֆինանսավորմամբ իրագործվող ծրագրի շրջանակում նախատեսվում է ցուցադրել էներգաարդյունավետ շենքերի էներգախնայողության ներուժը, նպաստել նմանատիպ նախագծերի իրականացման փորձի տարածմանը բարձրացնելով բնակչության իրազեկվածությունը:

2012-2013թթ. ընթացքում ծրագրի նպատակների իրագործման համատեքստում ընտրվել է կենտրոնացված ջեռուցման համակարգին միացված ՏՇԿ սերիայի շենք, իրականացվել է շենքի տեխնիկական վիճակի գնահատում, ՄԱԶԾ-ԳԷՖ ծրագրի և համատիրության կողմից համատեղ բնակիչների շրջանում անց է կացվել հարցում, որի համաձայն շենքի բնակիչները համաձայնություն են տվել փորձնական ծրագրի իրականացմանը:

Բնակարանների սեփականատերերի շրջանում իրականացվել են իրազեկման միջոցառումներ ՄԱԶԾ-ԳԷՖ ծրագրի և Երևանի քաղաքապետարանի կողմից համատեղ իրագործվող փորձնական ծրագրում ներգրավելու դեպքում բնակիչների պարտավորությունների վերաբերյալ, այնուհետև ՄԱԶԾ կողմից կազմվել են էներգաարդյունավետության բարձրացման միջոցառումների նախագծման, ինչպես նաև շինարարական աշխատանքների տեխնիկական առաջադրանքները և հայտարարվել են համապատասխան մրցույթները: Ծրագիրը նախատեսվում է ավարտել 2013 թվականին:

2014 թվականին նախատեսվող աշխատանքներ

. Կառավարման մարմիններին տեղեկատվական և խորհրդատվական օգնության տրամադրում

. «Բազմաբնակարան շենքի ընդհանուր բաժնային սեփականության պահպանման պարտադիր նորմերը սահմանելու մասին» որոշման պահանջների վերահսկողության իրականացում

. Կառավարման մարմինների կադրերի պատրաստում և վերապատրաստում

. Երևան քաղաքի բազմաբնակարան շենքերի վերանորոգումների համալիր ծրագրի մշակման ելակետային տվյալների հավաքագրում

. Սպասարկման վարձավճարների գանձման համակարգի կատարելագործում

. Շենքերի ջերմամեկուսացում, էներգաօգտագործման արդյունավետության բարձրացման նպատակով համագործակցել ծրագրեր իրականացնող կազմակերպությունների հետ

. Բազմաբնակարան շենքերի մուտքերի վերանորոգման շարունակականության ապահովում

. Շքերթային պատշգամբների վերանորոգում

. Շարունակել Երևան քաղաքի բազմաբնակարան բնակելի շենքերի հարթ տանիքների վերանորոգման աշխատանքները

. Գույքագրել վերանորոգման կարիք ունեցող բազմաբնակարան շենքերի թեք տանիքները և, առաջնահերթությունից ելնելով, իրականացնել դրանց վերանորոգման աշխատանքները

Նախատեսվում է մշակել Երևանի վերելակային տնտեսության շահագործման հայեցակարգ» Հայեցակարգով կներկայացվի վերելակների փոխարինման համար անհրաժեշտ միջոցառումները:

Վերելակային տնտեսության կառավարման արդյունավետությունը բարձրացնելու, համակարգը նոր վերելակներով համալրելու, վերազինելու, արդիականացնելու նպատակով համայնք-մասնավոր հատված համագործակցության շրջանակում բանակցություններ են վարվում մասնավոր ընկերությունների հետ Երևան քաղաքի վերելակային տնտեսությունը հավատարմագրային կառավարման հանձնելու ուղղությամբ: Այդ նպատակով Երևանի քաղաքապետարանը ներգրավել է խորհրդատվական ընկերությունների` վերելակային տնտեսությունը հավատարմագրային կառավարման հանձնելու նպատակով տեխնիկական բնութագիր կազմելու համար: Աշխատանքները կշարունակվեն նաև 2014 թվականին:

 

Արտաքին լուսավորություն

 

Երևանում ներկայում շահագործվում է 1401 կմ արտաքին լուսավորության ցանց: Շահագործվող արտաքին լուսավորության ցանցի երկարությունը վերջին տարիների ընթացքում, կապիտալ ներդրումների հաշվին զգալի աճել է շուրջ 64%-ով:

 

Հիմնախնդիրներ

1. չլուսավորվող փողոցների, նրբանցքների, բակերի և խաղահրապարակների լուսավորում

2. ցանցի ավտոմատացման, նոր տրանսպորտատեխնիկական սարքավորումների, գործիքների և այլ տեխնիկական միջոցների ներդրում

3. դիսպետչերական ծառայության ավտոմատացում, կապի և կառավարման համակարգի ներդրում

4. լուսային ժամանակակից և խնայողական տարրերի կիրառում

Հիմնախնդիրների լուծումը նախատեսում է արտաքին լուսավորության ցանցում առկա սնդիկային լամպերի օգտագործման բացառում, բակային տարածքներում գոյություն ունեցող լուսատուների փոխարինում էներգախնայող լուսատուներով: Այս աշխատանքների կիրառումը թույլ կտա կատարել էլեկտրաէներգիայի և հետևաբար ֆինանսական միջոցների զգալի խնայողություն:

թվականին իրականացված աշխատանքներ

2013թ. ընթացքում իրականացվել են Երևան քաղաքի փողոցների, բակերի, այգիների, խաղահրապարակների /թվով 1387 օբյեկտ/ արտաքին լուսավորության ցանցի շահագործման, պահպանման, վերանորոգման և հիմնանորոգման աշխատանքներ` փողոցների, կամուրջների, բակային տարածքների և այգիների, ինչպես նաև արձանների ու շենքերի ճակատային հատվածների գիշերային լուսավորությունն ապահովելու նպատակով:

2013թ. ընթացքում իրականացվել են արտաքին լուսավորության ցանցի վերականգնողական աշխատանքներ, մինչև հունիսի 1-ի վերականգնվել է 64կմ արտաքին լուսավորության ցանց և տարեսկզբի 1337 կմ-ից շահագործվող ցանցի երկարությունը հասցվել է 1401 կմ: Մինչև տարեվերջ կվերականգնվի ևս 13կմ արտաքին լուսավորության ցանց:

Տարեվերջին նախատեսվում է շահագործվող արտաքին լուսավորության ցանցի երկարությունը հասցնել 1414կմ:

թվականին նախատեսվող աշխատանքներ

2014թ. Ընթացքում ևս նախատեսվում է իրականացնել Երևանքաղաքի փողոցների, բակերի, այգիների, խաղահրապարակների արտաքին լուսավորության ցանցի շահագործման, պահպանման, վերանորոգման և հիմնանորոգման աշխատանքներ`

փողոցների, կամուրջների, բակային տարածքների և այգիների, ինչպես նաև արձանների ու շենքերի ճակատային հատվածների գիշերային լուսավորությունն ապահովելու նպատակով:

Նախատեսվում է կապիտալ վերանորոգել Երևան քաղաքի թվով 23 օբյեկտների արտաքին լուսավորության ցանցը` 16կմ երկարությամբ:

Նախատեսվում է իրականացնել դիսպետչերական ծառայության արդիականացման աշխատանքներ` GPRS համակարգի ներդրմամբ, որն իր մեջ կներառի նաև էլեկտրաէներգիայի ծախսի հաշվառման ավտոմատացված համակարգի ներդրումը: Մոնիթորների միջոցով նախատեսվում է իրականացնել Երևան քաղաքի արտաքին լուսավորության ցանցի վիզուալ վերահսկողություն:

«Քաղաքային կանաչ լուսավորություն» ծրագիրը

2013թ. ավարտվել է «Քաղաքային կանաչ լուսավորություն» լայնամասշտաբ ծրագրի նախապատրաստական փուլը, որի նպատակն էր ԳԷՖ-ի ուղեցույցի համաձայն մանրամասն մշակել ծրագրի խնդիրները, հիմնավորումները, ծրագրի տեխնիկական, ֆինանսական, ինստիտուցիոնալ շրջանակները, ծրագրի համաֆինանսավորման հնարավոր ծավալները, ծրագրի մասնակից կողմերի պատասխանատվության, ինչպես նաև փորձնական ծրագրերի շրջանակները:

2014 թվականին նախատեսվում է «Քաղաքային կանաչ լուսավորություն» լայնամասշտաբ ծրագրի մեկնարկը:

Գլոբալ Էկոլոգիական Ֆոնդի (ԳԷՖ) կողմից համաֆինանսավորվող «Քաղաքային կանաչ լուսավորություն» ծրագրի նպատակը լուսավորման էներգաարդյունավետ սարքերի և տեխնոլոգիաների ներդրումն ու կիրառումն է` այդպիսով նվազեցնելով ջերմոցային գազերի արտանետումները: Ծրագրի հիմնական թիրախը քաղաքային լուսավորությունն է:

Ծրագիրն իրականացվելու է ՄԱԶԾ հայաստանյան գրասենյակի կողմից ՀՀ բնապահպանության նախարարության և Երևանի քաղաքապետարանի համակարգման ներքո:

Ծրագրի տևողությունը 48 ամիս է: Ծրագրի փոխկապակցված բաղադրիչներն են

. քաղաքային կանաչ լուսավորության համար գիտելիքների և կարողությունների ստեղծում

. քաղաքային կանաչ լուսավորությանը նպաստող քաղաքականության և

. կարգավորիչ դաշտի մշակում

. քաղաքային կանաչ լուսավորության համար ֆինանսական և ինստիտուցիոնալ մոդելների առաջարկում

. էներգաարդյունավետ լուսավորության փորձնական (պիլոտային) ծրագրերի իրականացում:

 

ԱՌԵՎՏՐԻ ԵՎ ՍՊԱՍԱՐԿՈՒՄՆԵՐԻ ՈԼՈՐՏ

 

Երևան քաղաքում գործում է առևտրի 8253 օբյեկտ, սպառողական ապրանքների 27, գյուղատնտեսական արտադրանքի 11 շուկա, հանրային սննդի 1203 և կենցաղային ծառայություններ մատուցող 1871 օբյեկտ:

Առևտրի օբյեկտների 60,5%-ը, հանրային սննդի կազմակերպման օբյեկտների 71.1%-ը և կենցաղային ծառայություններ մատուցող օբյեկտների 59%-ը կենտրոնացված են Կենտրոն, Արաբկիր, Շենգավիթ և Նոր Նորք վարչական շրջաններում:

Երևանում առևտրի շրջանառության ծավալի մոտ 90.2%-ը բաժին է ընկնում Կենտրոն, Մալաթիա-Սեբաստիա, Արաբկիր, Էրեբունի և Շենգավիթ վարչական շրջաններին: Դա բացատրվում է այդ վարչական շրջաններում առևտրի խոշոր կազմակերպությունների առկայությամբ:

 

Հիմնախնդիրներ

1. գյուղատնտեսական, արտադրանքի մեծածախ և մանրածախ նոր շուկաների և անասնաշուկայի կազմակերպում

2. ստորգետնյա անցումներում իրականացվող առևտրի կանոնակարգում

3. Երևան քաղաքի փողոցներում և պողոտաներում տեղակայված հողի վարձակալության ժամկետները լրացած կրպակների (տաղավարների) ապամոնտաժում

4. շրջիկ առևտրի կետերի միջոցով իրականացվող վաճառքի կանոնակարգում

5. հասարակական զուգարանների անբավարար քանակ

2013 թվականին իրականացված աշխատանքները

2013թ. կանոնակարգվել են օրենքով թույլատրվող ապրանքների բացօթյա առևտուրը: Ձեռնարկված միջոցառումների շնորհիվ ծաղիկների վաճառքը հիմնականում իրականացվում է բաց տաղավարներում:

Երևան քաղաքի գյուղատնտեսական արտադրանքի բոլոր շուկաներում կատարվել են վերանորոգման և սանիտարահիգիենիկ պայմանների բարելավման աշխատանքներ: Արդյունքում, բացօթյա ապօրինի առևտրով զբաղված անձանց զգալի մասը տեղափոխվել է գործող շուկաներ:

Կասյան փողոցում և Խորենացի, Ագաթանգեղոս փողոցներով և Տիգրան Մեծ պողոտայով պարփակված տարածքում, Մաշտոցի պուրակում և Ահարոնյան 10/5 հասցեում գործում են գյուղմթերքի բացօթյա շուկաներ (տոնավաճառներ), որտեղ առևտուր են իրականացրել միայն գյուղմթերք արտադրողները:

Երևանը գրքի համաշխարհային մայրաքաղաք հռչակվելու կապակցությամբ Մաշտոցի պողոտայում կազմակերպվել է գրքերի ցուցահանդես-վաճառք:

Երևան քաղաքում գործող ավտոկայանատեղիների գործունեության նկատմամբ իրականացված ամենօրյա հսկողության արդյունքում արգելվել են ավտոկայանատեղիների ապօրինի շահագործման դեպքերը:

Բոլոր վարչական շրջաններում իրականացվել են առևտրի և սպասարկման ոլորտի օբյեկտների հաշվառման աշխատանքներ: Ստեղծվել է տվյալների էլեկտրոնային շտեմարան: Նպատակը օբյեկտների նկատմամբ հսկողության ուժեղացումն ու աշխատանքների արդյունավետության բարձրացումն է:

Աշխատանքներ են տարվել նաև առևտրի և սպասարկման ոլորտի օրենսդրության կատարելագործման ուղղությամբ:

Մշակվել են «Առևտրի և ծառայությունների մասին», «Տեղական տուրքերի և վճարների մասին», ՀՀ օրենքներում, ՀՀ վարչական իրավախախտումների վերաբերյալ օրենսգրքում փոփոխություններ և լրացումներ կատարելու վերաբերյալ առաջարկություններ:

Անհրաժեշտ հսկողություն է իրականացվել նաև Երևան քաղաքում թափառող կենդանիների վնասազերծման աշխատանքների նկատմամբ, ինչպես նաև աշխատանքներ են տարվել ոլորտի վերաբերյալ օրենսդրական դաշտի ստեղծման ուղղությամբ:

2014 թվականին նախատեսվող աշխատանքները

2014թ. ծրագրերն ուղղված են լինելու ոլորտում առկա խնդիրների լուծմանը, մասնավորապես, շրջիկ առևտրի կանոնակարգմանն ուղղված օրենսդրական դաշտի կատարելագործում, ինչպես նաև հանրային սննդի և կենցաղային ծառայությունների ոլորտում գործունեության կանոնների մշակում:

Բացօթյա ապօրինի առևտրի վերացմանն ուղղված աշխատանքները կրելու են շարունակական բնույթ:

Մայրաքաղաքում գյուղմթերքների առևտուրը կանոնակարգելու, արտադրող-սպառող անմիջական կապն ապահովելու նպատակով կշարունակվի վարչական շրջաններում շաբաթ, կիրակի և տոն օրերին գյուղատնտեսական արտադրանքի, սպառողական ապրանքների շուկաների և տոնավաճառների կազմակերպման գործընթացը:

Մասնավոր ներդրումների հաշվին գյուղմթերքի փոքրածավալ շուկաներ ստեղծելու նպատակով կիրականացվի վայրերի ընտրություն, քաղաքաշինական փաթեթի մշակում և կառուցում:

Թափառող կենդանիների վնասազերծման արդյունավետ մեխանիզմների մշակում, ինչպես նաև համապատասխան օրենսդրական դաշտի ձևավորում («Կենդանիների մասին», «Կենդանիների պաշտպանության մասին» ՀՀ օրենքների նախագծերի մշակման նպատակով առաջարկությունների ներկայացում):

 

ՏՐԱՆՍՊՈՐՏ

 

Երևանի քաղաքապետի 2012թ. մարտի 30-ի հ.2911-Ա որոշմամբ հաստատվել է Երևան քաղաքի ներքաղաքային կանոնավոր ուղևորափոխադրումների նոր երթուղային ցանցը, ինչը նպատակ է հետապնդում ամբողջովին վերանայելու Երևանի փոքր կենտրոնում ուղևորափոխադրումների կազմակերպման գործընթացը, որոշակիորեն նվազեցնելու միկրոավտոբուսների քանակը, մեծացնելու մետրոպոլիտենի և տրոլեյբուսների դերը ներքաղաքային ուղևորափոխադրումներում, ինչպես նաև նախատեսելու ավտոբուսային նոր, արդյունավետ երթուղիներ:

Նոր երթուղային ցանցով նախատեսված է 76 միկրոավտոբուսային (1565 միավոր շարժակազմ), 68 ավտոբուսային (939 միավոր շարժակազմ) և 10 տրոլեյբուսային երթուղի (108 միավոր շարժակազմ):

2013թ. ընթացքում շարունակվել են նոր երթուղային ցանցի ներդրման աշխատանքները, որի շրջանակում անց են կացվել Երևանի ներքաղաքային ավտոբուսային և միկրոավտոբուսային կանոնավոր փոխադրումների երթուղիների նոր մրցույթներ: Այն երթուղիների համար, որոնց մրցույթները համարվել են չկայացած, պարբերաբար հայտարարվում և անց են կացվում նոր մրցույթներ:

 

Ավտոբուսային փոխադրումներ

 

Երևան քաղաքի ավտոբուսային հավաքակազմը համալրված է տարբեր մակնիշների 669 ավտոբուսով: Երևան քաղաքում փաստացի գործում են 47 ավտոբուսային երթուղիներ, որոնցում օրական միջին հաշվով շահագործվում է 430-440 միավոր շարժակազմ: Չնայած ավելացել է ավտոբուսներով իրականացվող ուղևորափոխադրումների տեսակարար կշիռը ներքաղաքային ուղևորափոխադրումների ընդհանուր ծավալում` այն դեռևս մնում է ցածր կազմելով մոտ 32.5%: Ավտոբուսային երթուղիները պայմանագրային հիմունքներով սպասարկվում են 18 մասնավոր կազմակերպությունների, «Ավտոբուս» ՓԲԸ-ի և «Երևանի ավտոբուս» ՓԲԸ-ի կողմից:

Երևան քաղաքում դեռևս անբավարար է ավտոբուսային երթուղիների շահագործման արդյունավետությունը. անհրաժեշտ քանակի ավտոբուսների բացակայության պատճառով երթուղիների մի մասը չի սպասարկվում, իսկ մի մասը համալրված է մասնակիորեն:

Մայրաքաղաքի բնակչության կանոնավոր տրանսպորտային սպասարկումն ապահովելու համար 2014թ. անհրաժեշտ է շարունակել աշխատանքները ավտոբուսային հավաքակազմը փոքր և միջին տեղատարողության քաղաքային ավտոբուսներով համալրելու և դրան զուգահեռ միկրոավտոբուսների քանակի հետագա կրճատման ուղղությամբ:

 

Միկրոավտոբուսային փոխադրումներ

 

Երևան քաղաքում փաստացի գործում է 86 միկրոավտոբուսային երթուղի, որոնցից 10-ը նոր երթուղային ցանցով նախատեսված է փոխարինել ավտոբուսային երթուղիներով, սակայն անհրաժեշտ քանակի ավտոբուսներ չլինելու պատճառով դրանք ներկայումս սպասարկվում են միկրոավտոբուսներով: Միկրոավտոբուսային երթուղիները համալրված են տարբեր մակնիշների մոտ 1800 միկրոավտոբուսներով, օրական երթուղիներ են դուրս բերվում միջին հաշվով 1350-1400 միավոր շարժակազմ: Նշված երթուղիները պայմանագրային հիմունքներով սպասարկում են 44 մասնավոր կազմակերպություններ:

Վերջին տարիներին միկրոավտոբուսների թվաքանակի կրճատման հետևանքով զգալիորեն նվազել է միկրոավտոբուսներով իրականացվող ուղևորափոխադրումների ծավալը: Չնայած դրան, այսօր մայրաքաղաքում ուղևորափոխադրումների հիմնական մասը դեռևս իրականացվում է միկրոավտոբուսներով, որոնց բաժին է ընկնում ընդհանուր ծավալի մոտ 58.0%-ը:

Որոշակիորեն բարելավվել է միկրոավտոբուսային երթուղիների որակական կազմը: 2012-2013թթ. ընթացքում անցկացված մրցույթների, երթուղիների շարժակազմերի համալրման (փոխարինման) գործընթացների արդյունքում ներքաղաքային միկրոավտոբուսային երթուղիներում ներգրավվել են հիմնականում «ԳԱԶԵԼ» մակնիշի միկրոավտոբուսներ, որոնք հիմնականում փոխարինել են հին «ՌԱՖ» և «ԵՐԱԶ» մակնիշների միկրոավտոբուսներին: Դադարեցվել է բոլոր «ՌԱՖ» և «ԵՐԱԶ» մակնիշների միկրոավտոբուսների շահագործումը ներքաղաքային կանոնավոր երթուղիներում:

Չնայած միկրոավտոբուսների քանակի զգալի կրճատմանը (մոտ 750-ով), միկրոավտոբուսային երթուղիների աշխատանքների կազմակերպման գործընթացում արձանագրված դրական տեղաշարժերին այդուհանդերձ մայրաքաղաքի բնակչության տրանսպորտային սպասարկումն իրականացվում է հիմնականում միկրոավտոբուսներով:

Երևանի ներքաղաքային կանոնավոր ուղևորափոխադրումների գործընթացում ավտոբուսային փոխադրումների տեսակարար կշռի ավելացումը, միկրոավտոբուսային երթուղիները սպասարկող կազմակերպությունների քանակի կրճատումը, հնարավորություն կտան զգալիորեն բարելավելու մայրաքաղաքի բնակչության տրանսպորտային սպասարկման վիճակը և բարձրացնելու սպասարկման մակարդակը, ինչպես նաև նախադրյալներ կստեղծվեն հետագայում միասնական տոմսային համակարգի անցման գործընթացի և անկանխիկ վճարման միջոցների ներդրման համար:

 

Վերգետնյա էլեկտրատրանսպորտ

 

«Երևանի էլեկտրատրանսպորտ» ՓԲԸ-ի հաշվեկշռում առկա է 79 տրոլեյբուս (1-ը տեխօգնության): Ընկերության կողմից ներկայում սպասարկվում են 5 տրոլեյբուսային երթուղիներ, օրական գիծ է դուրս բերվում միջին հաշվով 50-52 միավոր շարժակազմ:

Երևանի վերգետնյա էլեկտրատրանսպորտի գործունեության վերջին մի քանի տարիների վերլուծությունը ցույց է տվել, որ որոշակիորեն ավելացել է տրոլեյբուսներով տեղափոխվող ուղևորների քանակը: Չնայած այդ հանգամանքին, դեռևս ցածր է տրոլեյբուսներով տեղափոխվող ուղևորների տեսակարար կշիռը ներքաղաքային ընդհանուր ուղևորափոխադրումներում կազմելով մոտ 2.5%:

 

Մետրոպոլիտեն

 

Երևանի մետրոպոլիտենում առկա է 45 վագոն: Աշխատանքային օրերին գիծ է դուրս բերվում 26 վագոն (13 շարժակազմ), իսկ շաբաթ և կիրակի օրերին` 24 վագոն (12 շարժակազմ):

Վերջին երկու տարիներին մետրոպոլիտենով իրականացվող ուղևորափոխադրումներում նկատվում է կայունացման և աճի միտում, ինչը պայմանավորված է նաև նոր երթուղային ցանցի ներդրմամբ, մասնավորապես, միկրոավտոբուսների քանակի կրճատմամբ: 2012թ. հոկտեմբերից արձանագրվել է ուղևորափոխադրումների ծավալի աճ, մասնավորապես, 2013թ. 9 ամիսների ընթացքում աճը նախորդ տարվա նույն ժամանակահատվածի համեմատ կազմել է շուրջ 6.5%: Մետրոպոլիտենով ուղևորափոխադրումների տեսակարար կշիռը ընդհանուր ուղևորափոխադրումների ծավալում աճել է և կազմում է մոտ 7.0%:

Չնայած այդ հանգամանքին մետրոպոլիտենով իրականացվող ուղևորափոխադրումների ծավալների զգալի աճ կարող է տեղի ունենալ միայն գործող գծի ընդլայնման, նոր կայարանների կառուցման և շահագործման, ինչպես նաև, մասնակիորեն, ուղևորատար տրանսպորտի նոր երթուղային ցանցի ներդրման գործընթացի ավարտից հետո:

Ավարտվել է Վերակառուցման և զարգացման եվրոպական բանկի ֆինանսավորմամբ իրականացվող Երևանի մետրոպոլիտենի վերականգնման ծրագրի 1-ին փուլը, որը նպատակ է հետապնդել բարելավելու Երևանի մետրոպոլիտենի ծառայությունների անվտանգ և ապահով իրագործումը: Ծրագիրը բաղկացած էր հետևյալ ներդրումային բաղադրիչներից շարժակազմի արդիականացում, ռելսային գծերի վերականգնում, էլեկտրասնուցման վերականգնում և վերանորոգում, սպասարկման ծառայությունների և ենթակառուցվածքների արդիականացում, ջրի ներհոսքի վերացում: Ծրագրի ընդհանուր արժեքը կազմում է 15.0 մլն եվրո:

Մետրոպոլիտենի վերականգնման ծրագրի 2-րդ փուլը (ծրագրի ընդհանուր արժեքը 15,0 մլն եվրո) իր մեջ ներառում է 81-717 մակնիշի թվով 8 վագոնների հիմնանորոգում և մոդեռնիզացում, դրենաժային թունելի կառուցում, գործող թունելի վիճակի բարելավում (ներառյալ հակակոռոզիոն ծրագիր), մեքենավարների ուսումնական ծրագրերի կենտրոնի ստեղծում, վագոնների լվացման կայարանի կառուցում, հակահրդեհային միջոցների ձեռքբերում: Բացի այդ ՎԶԵԲ-ը իր միջոցներով պատրաստ է իրականացնել վերականգնման ծրագրի 3-րդ փուլի դեպի Աջափնյակ 2 նոր կայարանների կառուցման իրագործելիության նախնական ուսումնասիրություն:

 

Հասարակական տրանսպորտի կանգառներ

 

Երևանի ընդհանուր օգտագործման տրանսպորտային միջոցների առանձին կանգառներում, ընթացիկ տարում, վնասվել են տեղադրված կանգառանշաններն ու կանգառասրահները և անհրաժեշտություն է առաջացել իրականացնել դրանց նորոգման և վերականգնման աշխատանքներ, ինչպես նաև գործող շինարարական նորմերով ու կանոններով, ճանապարհային երթևեկության կանոններով սահմանված պահանջներին համապատասխանեցնել նախկինում տեղադրված որոշ կանգառների տեղերը հաշվի առնելով նաև միջկանգառային հեռավորությունները:

Մայրաքաղաքի նոր երթուղային ցանցի ներդրումը ենթադրում է նաև շարունակել ընդհանուր օգտագործման տրանսպորտային միջոցների որոշ նախկին կանգառների վերականգնման, ինչպես նաև, ըստ նոր երթուղիների ուղեգծերում ընդգրկված ճանապարհահատվածների նոր կանգառների սահմանման ուղղությամբ նախկինում մեկնարկած աշխատանքները:

 

Ավտոկայանատեղեր

 

Մայրաքաղաքում կայանատեղիների ոլորտի կանոնակարգման նպատակով մշակվել և ընդունվել են «Ավտոտրանսպորտային միջոցների կայանատեղերի տեղական տուրքի մասին» ՀՀ օրենքի կիրարկման համար անհրաժեշտ բոլոր ենթաօրենսդրական ակտերը, այդ թվում ՀՀ կառավարության և Երևանի ավագանու համապատասխան որոշումները:

Ներկայում ընթանում են գործնական միջոցառումներ հիշյալ նորմատիվ ակտերի դրույթների կիրառմամբ մայրաքաղաքի համայնքային սեփականությունը հանդիսացող փողոցներում (ճանապարհահատվածներում) և հրապարակներում կայանատեղերի կազմակերպման ու կահավորման աշխատանքներն իրականացնելու ուղղությամբ:

Մասնավորապես Երևան քաղաքում ավտոկայանատեղերի կազմակերպման ծառայությունների մատուցման գնման պայմանագրի հիման վրա, ավտոկայանատեղերի կազմակերպման ծառայությունների մատուցման պարտավորությունը ստանձնած ընկերությունների կոնսորցիումը սկսել է կայանատեղերի կահավորման առաջին փուլը, որի շրջանակում կահավորվելու են 10 000 ավտոտրանսպորտային միջոցի համար նախատեսված ավտոկայանատեղեր: Առաջին փուլը մեկնարկել է քաղաքի փոքր կենտրոնից և մոտենում է ավարտին: 2014 թվականից աշխատանքները կշարունակվեն, իսկ երկրորդ փուլով կկահավորվեն ևս 10 000 ավտոտեղից ոչ պակաս թվով տարողությամբ կայանատեղեր:

Կարևորելով սակավաշարժ խմբերի քաղաքացիների համար մատչելիության ապահովման անհրաժեշտությունը քննարկվում է և առաջիկա տարիներին հետևողականորեն լուծում է ստանալու կայանատեղերի կահավորման աշխատանքների շրջանակներում նաև հաշմանդամների կամ նրանց տեղափոխող տրանսպորտային միջոցների համար առանձնացված տեղերի նախատեսման խնդիրը:

 

Հաշմանդամների տրանսպորտային սպասարկում

 

Երևան քաղաքի ներքաղաքային երթուղիներում շահագործվում է ընդամենը 2 «ԼԻԱԶ» մակնիշի տրոլեյբուս, որոնք իրենց կառուցվածքով հարմարեցված են (կահավորված են թեքահարթակով) հաշմանդամություն ունեցող անձանց տրանսպորտային սպասարկումն իրականացնելու համար: Նմանատիպ թեքահարթակով կահավորված են նաև Երևան «Սիթի-Տուր» զբոսաշրջային ավտոբուսները:

Հաշմանդամների տրանսպորտային սպասարկման ապահովման ուղղությամբ կատարված աշխատանքները դեռևս անբավարար են: Ստեղծված վիճակի բարելավման նպատակով Երևանի քաղաքապետարանը համագործակցում է Հայաստանի հաշմանդամների «Փյունիկ» միություն հասարակական կազմակերպության հետ տրանսպորտային միջոցներում համապատասխան վերելակների տեղադրման հնարավորությունների դիտարկման մասով:

Շարունակական համագործակցություն է իրականացվում «Աղետների ռիսկի նվազեցման ազգային պլատֆորմ/առնապ» հիմնադրամի հետ, որի աջակցությամբ, փորձնական տարբերակով, չինական «Հայգեր» մակնիշի մեկ ավտոբուսի վրա կտեղադրվի սայլակավոր հաշմանդամների նստեցման և իջեցման համապատասխան հարմարանք (վերելակ), որի փորձարկումների դրական արդյունքների դեպքում աշխատանքներն այդ ուղղությամբ կշարունակվեն:

 

Հիմնախնդիրներ

1. Վերջնականապես համալրված չէ մայրաքաղաքի ավտոբուսային հավաքակազմը

2. Ներքաղաքային երթուղիներում դեռևս մեծ քանակ են կազմում միկրոավտոբուսները

3. Համալրված չէ քաղաքի տրոլեյբուսային հավաքակազմը

4. Քաղաքային վերգետնյա էլեկտրատրանսպորտի տնտեսությունը գտնվում է անբավարար վիճակում

5. Սահմանափակ են Երևանի մետրոպոլիտենի հնարավորությունները

6. Հասարակական տրանսպորտում ներդրված չէ միասնական տոմսային համակարգ

7. Փոփոխությունների և որոշակի ճշգրտումների կարիք ունի քաղաքի ճանապարհային երթևեկության կազմակերպման ոլորտը

8. Ընդհանուր օգտագործման տրանսպորտային միջոցների կանգառներում բարեկարգման և կահավորման կարիք կա

9. Հաշմանդամների տրանսպորտային սպասարկման մակարդակը անբավարար է

2013 թվականին իրականացված աշխատանքներ

Ընթացիկ տարում սկսվել է կանգառներում էլեկտրոնային չվացուցակների տեղադրման աշխատանքները: Տեղադրվել է 21 չվացուցակ:

Հաշվի առնելով քաղաքային վերգետնյա էլեկտրատրանսպորտի դերը ներքաղաքային ուղևորափոխադրումների ընդհանուր գործընթացում, այդ թվում բնապահպանական խնդիրների տեսանկյունից և կարևորելով դրա հետագա զարգացման անհրաժեշտությունը նոր երթուղային ցանցով ավելացվել է տրոլեյբուսային երթուղիների քանակը հասցնելով 10-ի:

Շարունակվել են աշխատանքները մայրաքաղաքի ավտոբուսային հավաքակազմը համալրելու ուղղությամբ: Մասնավոր կազմակերպությունների կողմից ձեռք է բերվել և մայրաքաղաք ներկրվել 80 «Հունդաի» մակնիշի և թվով 10 «ՊԱԶ» մակնիշի նոր ավտոբուսներ, որոնք շահագործվում են ներքաղաքային երթուղիներում:

Նոր երթուղային ցանցի ներդրման գործընթացի շրջանակներում անց են կացվել Երևանի ներքաղաքային ավտոբուսային և միկրոավտոբուսային կանոնավոր փոխադրումների երթուղիների նոր մրցույթներ, ինչպես նաև, ըստ անհրաժեշտության, իրականացվել են գործող երթուղիներում շարժակազմերի համալրման և փոխարինման աշխատանքներ:

Մայրաքաղաքի հասարակական տրանսպորտի որոշ հին կանգառների վերականգնման և նորերի սահմանման նպատակով ՀՀ ճանապարհային ոստիկանության հետ համատեղ ուսումնասիրվել է կանգառների վիճակը և ներկայացված առաջարկների հիման վրա Երևանի քաղաքապետի համապատասխան որոշումներով սահմանվել է շուրջ 50 կանգառ, որոնց կահավորման համար միջնորդագրեր են ուղարկվել ՀՀ ճանապարհային ոստիկանություն:

Մաշտոցի և Սայաթ-Նովայի պողոտաներում տեղադրված 7 կանգառասրահ փոխարինվել է նոր տիպի կանգառասրահներով, իսկ ապամոնտաժվածները տեղադրվել են այլ կանգառներում:

ՀՀ ճանապարհային ոստիկանության հետ համատեղ ուսումնասիրվել է երթևեկության կազմակերպման վիճակը մայրաքաղաքի կենտրոնում: Ելնելով երթևեկության կազմակերպման և անվտանգության ապահովման նկատառումներից էական փոփոխություններ են կատարվել Իսահակյան, Խորենացու, Ն.Զարյան փողոցների երթևեկության կազմակերպման սխեմաներում:

Մայրաքաղաքի կայանատեղերը շահագործելու համար կազմակերպված մրցույթում հաղթող ճանաչված կազմակերպության կողմից մեկնարկել է կայանատեղերի կահավորման աշխատանքները, հիմնականում մայրաքաղաքի կենտրոնում տեղադրվել են համապատասխան ճանապարհային նշաններ, կատարվել գծանշումներ:

Երևանի մետրոպոլիտենում 9 ամիսների ընթացքում հիմնանորոգվել և արդիականացվել է 7 վագոն, կատարվել է գծի վերաբետոնավորում, «Զորավար Անդրանիկ» կայարանին հարակից թունելների ջրառատ հատվածների թուջե երեսարկի առողջացում, «Հանրապետության հրապարակ» կայարանի հ.3 շարժասանդուղքի հիմնանորոգում, «Բարեկամություն» կայարանի հ.2 շարժասանդուղքի հիմնանորոգում:

«Երևանի էլեկտրատրանսպորտ» ՓԲԸ-ի կողմից իրականացվել են հետևյալ հիմնական աշխատանքները.

. նորոգվել է 5 տրոլեյբուս

. Արշակունյաց պողոտայում նորով է փոխարինվել 1000մ երկարությամբ հպակային ցանցի բանվորական լարերը

. հիմնանորոգվել է հ.հ.4 և 18 ք/ենթակայանների տանիքները (500քմ)

. հ.23 ք/ենթակայանի շուրջ կառուցվել է պատնեշ (70քմ)

. հ.հ.30, 22, 7, 3 և2 ք/ենթակայաններից անց է կացվել օդամալուխային գծեր մոտ 900մ երկարությամբ

. նորով են փոխարինվել հ.հ.2, 11 և 20 ք/ենթակայանների 610մ երկարությամբ մալուխագծերը (Երևանի քաղաքապետարանի ծրագրով)

. հոսանքընդունիչի գլխիկների ներդիրների արտադրության համար ձեռք է բերվել հիդրոմամլիչ և խառնիչ հաստոցներ

Երևան քաղաքի հասարակական տրանսպորտի կանգառներում տեղադրվել է 21 էլեկտրոնային չվացուցակ:

ՀՀ ճանապարհային ոստիկանության հետ համատեղ ուսումնասիրվել է մայրաքաղաքում ճանապարհային երթևեկության կազմակերպման տեխնիկական միջոցների փաստացի վիճակը և արձանագրված թերությունների վերացման նպատակով, ինչպես նաև ճանապարհային երթևեկության բարելավման և անվտանգության ապահովման նկատառումներից ելնելով, կատարվել են հետևյալ հիմնական աշխատանքները.

. շահագործման է հանձնվել ընդհանուր առմամբ 20 լուսացուցային օբյեկտ. 10 խաչմերուկներում գործող լուսացուցային օբյեկտները փոխարինվել են լուսադիոդային նոր, ժամանակակից լուսացուցային օբյեկտներով, ևս 10 խաչմերուկներ, որոնցում լուսացուցային կարգավորում կիրառված չի եղել, կահավորվել են նոր լուսացուցային օբյեկտներով.

. տեղադրվել է շուրջ 1560 ճանապարհային նշան

. կատարվել է մոտ 2.22 մլն գծմ ճանապարհային գծանշում

2014 թվականին նախատեսվող աշխատանքներ

Նախատեսվում է 2014թ. նվազեցնել փաստացի շահագործվող միկրոավտոբուսային երթուղիների քանակը դրանք փոխարինելով ավտոբուսային երթուղիներով:

Կշարունակվեն տրոլեյբուսների, հպակային և մալուխային ցանցերի, քարշի ենթակայանների հիմնանորոգման, հպակային ցանցի վերանորոգման, քարշի ենթակայանների վերակառուցման ու վերագործարկման, տրոլեյբուսային տնտեսության արտադրատեխնիկական վերազինման (ավտոաշտարակների, ավտոկռունկի ձեռքբերում և այլն), ինչպես նաև տրոլեյբուսների շահագործման արդյունավետության բարձրացմանն ուղղված աշխատանքները:

2014թ. ընթացքում նախատեսվում է նաև մոտ 10-15 կանգառների կահավորման (կանգառասրահների տեղադրմամբ) աշխատանքների իրականացում, ինչպես նաև ևս 31 էլեկտրոնային չվացուցակների տեղադրումը:

Միջոցառումներ կձեռնարկվեն 10 ավտոբուսներ սայլակավոր հաշմանդամների սպասարկման համար հարմարեցնելու, հաշմանդամների (այդ թվում կույր և խուլ հաշմանդամների) համար դրանք մատչելի և հարմարավետ դարձնելու նպատակով:

Կշարունակվեն փոքր և միջին տեղատարողության նոր, քաղաքային ավտոբուսների ձեռքբերման աշխատանքները հիմնականում մասնավոր կազմակերպությունների միջոցով:

ՈՒղևորատար տրանսպորտի նոր երթուղային ցանցի ներդրման գործընթացի աշխատանքները կրելու են շարունակական բնույթ, այդ նպատակով կանցկացվեն ներքաղաքային ավտոբուսային և միկրոավտոբուսային երթուղիների սպասարկման իրավունքի հատկացման նոր մրցույթներ, արդյունքում կկրճատվի միկրոավտոբուսների քանակը, և կապահովվի սահմանված քանակի ավտոբուսային երթուղիների սպասարկումը:

Կիրականացվեն Երևանի վերգետնյա էլեկտրատրանսպորտի հետագա զարգացմանն ուղղված միջոցառումներում նոր տրոլեյբուսների ձեռք բերելու, տրոլեյբուսային տնտեսության, հպակային ցանցի բարելավման, առկա շարժակազմի հիմնանորոգման ուղղությամբ:

Միջոցներ կձեռնարկվեն Երևանի քաղաքային ընդհանուր օգտագործման տրանսպորտային միջոցների նոր կանգառների սահմանման և կահավորման (մասնավորապես նոր կանգառասրահներ 10-15 կանգառներում) ուղղությամբ: Նախատեսվում է հասարակական տրանսպորտի կանգառներում տեղադրել էլեկտրոնային չվացուցակներ (31 հատ):

Կիրականացվեն երթակարգավարական կետերի բարեկարգման և կահավորման աշխատանքներ:

Նախատեսվում է մետրոպոլիտենի 8 վագոնների արդիականացում, մոտ 1 կմ երկարության դրենաժային թունելի վերակառուցում և ընդլայնում («Հանրապետության հրապարակ» և «Զորավար Անդրանիկ» կայարանների հատվածում), թունելների հակակոռոզիոն մշակում, շարժասանդուղքների հիմնանորոգում, ինչպես նաև մետրոպոլիտենի շահագործման և երթևեկության անվտանգության բարձրացմանն ուղղված միջոցառումների իրականացում:

Շարունակական բնույթ են կրելու մայրաքաղաքում ավտոկայանատեղերի կազմակերպմանն ու կանոնակարգմանն ուղղված միջոցառումները: Ճանապարհային երթևեկության կազմակերպման նպատակով ուսումնասիրությունների արդյունքում կառաջարկվեն համապատասխան լուծումներ:Կիրականացվեն ուղևորների սպասարկման որակի բարձրացմանն ուղարկված միջոցառումներ:

Կնախատեսվեն աշխատանքներ տոմսային համակարգի անցման գործընթացի շրջանակում ուղեվարձի գանձման ավտոմատացված սարքերի հնարավոր ներդրման ուղղությամբ: Կկատարվեն ավտոբուսային (միկրոավտոբուսային) երթուղիներում շարժակազմերի համալրման և փոխարինման աշխատանքներ:

 

ԲՆԱՊԱՀՊԱՆՈՒԹՅՈՒՆ

 

Երևան քաղաքի ընդհանուր օգտագործման կանաչ տարածքները 2013թ. 1-ին կիսամյակին կազմել են 842 հա, որից զբոսայգիները 153 հա, պուրակները 36.9 հա, անտառ-պուրակները 497.5 հա, փողոցների սիզամարգերը 147.9 հա, ծաղկային մակերեսը 6.5 հա:

 

Հիմնախնդիրներ

1. կանաչ տարածքների հետևողական ընդլայնում և վերականգնում

2. տնկարանային և ջերմոցային տնտեսության ընդլայնում

3. բակերի բարեկարգում և կանաչապատում

2013 թվականին իրականացված աշխատանքներ

Երևանի կանաչ տարածքների պահպանման և ավելացման ուղղությամբ 2013թ. իրականացվել է ծառատնկման և ծաղկային մակերեսների ընդլայնման աշխատանքներ: Այդ աշխատանքների շրջանակում տնկվել է շուրջ 40 հազ. ծառ և թուփ: Աշխատանքներին մասնակցել են նաև համատիրությունները և ուսումնական հաստատությունները: Ծաղկանոցներում տնկվել է շուրջ 2000.0 հազ. ծաղկասածիլ, որի արդյունքում ծաղկապատ տարածքը կազմել է 6.8հա, ինչը 2012թ. նույն ցուցանիշը գերազանցել է 1.1 հեկտարով: Ծաղկապատման աշխատանքների շրջանակում տնկվել են 300 հազ. վարդակակաչ և 12 հազ. վարդի թուփ:

Գեղարվեստական ձևավորման աշխատանքների շրջանակում տեղադրվել է 90 կոմպոզիցիա, ձևավորվել շուրջ 16 հազ. ծառ:

2013թ. իրականացվել է 16հա սիզամարգերի բարեկարգման (հողի վերին շերտի փոխում, վերացանքս, ոռոգում) աշխատանք, որից 4հա տարածքում կատարվել է հիմնովին վերականգնման աշխատանքներ:

Ստեղծվել են 4 հեկտար նոր սիզամարգեր Հալաբյան, Դ. Բեկ փողոցների, Իսակովի պողոտայի հարակից տարածքում, Մյասնիկյան պողոտային կից պուրակում:

Շուրջ 70հա կանաչ տարածք ոռոգելու համար կառուցվել են նոր ոռոգման ցանցեր և պոմպակայաններ.

. Աջափնյակ վարչական շրջան Արզումանյան, Էստոնական փողոցներ

. Ավան վարչական շրջան Քուչակի, Բրյուսովի, Նարեկացու թաղամասեր, Ընտանիքի այգի

. Նոր Նորք վարչական շրջան Նանսենի անվան զբոսայգի

. Կենտրոն վարչական շրջան Սայաթ-Նովա պողոտա (ներառյալ պոմպակայանի տեղադրում)

. Քանաքեռ-Զեյթուն վարչական շրջան Հաղթանակ զբոսայգի (ներառյալ պոմպակայանի տեղադրում)

. Շենգավիթ վարչական շրջան Արշակունյաց պողոտա (ներառյալ պոմպակայանի տեղադրում)

. Մալաթիա-Սեբաստիա վարչական շրջան Փարոսի անտառ-պուրակ (ներառյալ պոմպակայանի տեղադրում)

. Արաբկիր վարչական շրջան Քանաքեռ-ՀէԿ-ի բանավան:

2014 թվականին նախատեսվող աշխատանքներ

2014թ. կշարունակվեն կանաչ տարածքների պահպանման և ընդլայնման աշխատանքները: Նախատեսվում է տնկել շուրջ 50 հազ. ծառ և թուփ, շուրջ 500 հազ. վարդակակաչի սոխուկ: Մայրաքաղաքի ծաղկանոցները կհամալրվեն շուրջ 2200 հազ. ծաղկասածիլներով, ինչը կապահովվի 7.0 հա ծաղկային մակերես:

Կտեղադրվի 90 կոմպոզիցիա, կձևավորվի շուրջ 20 հազ. ծառ:

Նախատեսվում է բարելավել 10-15հա և վերանորոգել ու բարեկարգել 4-5հա սիզամարգ.

. Արաբկիր վարչական շրջան Կոմիտասի պողոտա (Փափազյան-Ազատության)

. Քանաքեռ-Զեյթուն վարչական շրջան Մյասնիկյան-Ռուբինյանց հանգույց

. Նոր-Նորք վարչական շրջան Թևոսյան փողոց

. 2014թ. նախատեսվում է կառուցել 18-22 կմ երկարությամբ նոր ոռոգման ցանց և տեղադրել պոմպակայաններ, որի դեպքում հնարավոր կլինի ոռոգել 70-75 հեկտար կանաչ զանգված:

. Շենգավիթ վարչական շրջան Բագրատունյաց պող. (Գ.Նժդեհի հրապարակից մինչև Երևանյան լիճ), Արտաշիսյան պող. (Չեխով փող.)

. Կենտրոն վարչական շրջան Իսակով պող.

. Արաբկիր վարչական շրջան Գրիբոյեդով փող.

. Արաբկիր վարչական շրջան Վաղարշյան փող.

. Քանաքեռ-Զեյթուն վարչական շրջան Ահարոնյան փող.

. Քանաքեռ.-Զեյթուն վարչական շրջան Պ.Սևակ փող (Ազատություն-ՈՒլնեցի)

. Մալաթիա-Սեբաստիա վարչական շրջան Օհանով փող., Բաբաջանյան փող.:

 

ՀԱՆՐԱԿՐԹՈՒԹՅՈՒՆ

 

Դպրոցներ

 

Երևանի քաղաքապետարանի ենթակայությամբ գործում է 160 դպրոց, որից 145-ը հիմնական, 10-ը միջնակարգ, 1-ը կույրերի երեկոյան, 2-ը հատուկ հանրակրթական դպրոց, 2-ը կրթահամալիր: Երևանում ոչ պետական լիցենզավորված ուսումնական հաստատությունների թիվը 46 է:

Կրթության առանձնահատուկ պայմանների կարիք ունեցող 1180 աշակերտի համար ներառական կրթություն է իրականացվել մայրաքաղաքի 45 դպրոցներում, որտեղ աշխատում են շուրջ 250 հատուկ մանկավարժ, սոցիալական աշխատող, հոգեբան և լոգոպեդ:

Երևանի քաղաքապետարանի դպրոցներն ապահովված են համակարգչային տեխնիկայով և ինտերնետային կապով, համակարգիչների ընդհանուր թիվը դպրոցներում 3023 է:

Դպրոցները համալրվել են բնագիտական առարկաների լաբորատոր սարքավորումներով, ինչպես նաև տեխնիկական միջոցներով:

Պետբյուջեի միջոցներով և տարբեր ծրագրերով իրականացվում է դպրոցների նորոգում և գույքի նորացում: Բոլոր դպրոցները ջեռուցվում են:

Կազմակերպվել և անցկացվել են նոր ծրագրերով աշխատող ուսուցիչների վերապատրաստման աշխատանքներ:

Սովորողներն ապահովված են անհրաժեշտ դասագրքերով, ուսուցիչները առարկայական ծրագրերով և մեթոդական ուղեցույցներով:

 

Հիմնախնդիրներ

1. հանրակրթական, ուսումնական հաստատությունների շենքային պայմանների համապատասխանեցում ժամանակակից պահանջներին

2. ներառական կրթություն իրականացնող դպրոցների, հատուկ դպրոցների շենքային պայմանների համապատասխանեցում սովորողների ֆիզիկական պահանջներին, ինչպես նաև վերոնշյալ հաստատությունների մանկավարժական համակազմի համապատասխան մասնագետներով համայնքում

3. դպրոցների մարզադահլիճների և սպորտհրապարակների համապատասխանեցում արդի պահանջներին

4. նորագույն տեխնոլոգիաների ներդրում

2013 թվականին իրականացված աշխատանքներ

Երևանի դպրոցներում շարունակվում են կիրարկվել «Հանրակրթության պետական կրթակարգի» պահանջները: ՀՀ ԿԳ նախարարության և Երևանի քաղաքապետարանի համագործակցությամբ շարունակվում է հանրակրթական ուսումնական հաստատությունների ուսուցիչների ատեստավորումը:

Հաստատվել են Երևանի քաղաքապետարանի 2013թ. հիմնական դպրոց դարձած թվով 5 դպրոցների կանոնադրությունները:

Երևանի քաղաքապետի, ՀՀ ԿԳ նախարարի, ՄԱԿ-ի մանկական հիմնադրամի միջև կնքված փոխըմբռնման հուշագրի «Դպրոցի կառավարման տեղեկատվական համակարգի» (dasaran.am) ներդրման շնորհիվ շարունակվում է աշակերտ-ուսուցիչ-ծնող կապի վերահսկումը: Դպրոցի կառավարումը դարձել է առավել թափանցիկ:

Երևանի քաղաքապետարանի դպրոցներն ապահովված են համակարգչային տեխնիկայով և ինտերնետային կապով: Համակարգիչների ընդհանուր թիվը դպրոցներում 3023 է: Դպրոցներում առկա են էլեկտրոնային գրադարաններ` 19 էլեկտրոնային ձեռնարկներով: էլեկտրոնային գրատախտակների թիվը կազմում է շուրջ 50:

Կարևորելով դպրոցականների գեղագիտական և բարոյական դաստիարակությունը անցկացվում է «Մշակութային գարուն» ծրագիրը: Դպրոցականներն այցելում են թատրոններ, թանգարաններ, ֆիլհարմոնիա, Ալ. Սպենդիարյանի անվան օպերայի և բալետի ազգային ակադեմիական թատրոն, Ա.Խաչատրյանի անվան մեծ համերգասրահ, Մատենադարան (Երևանի քաղաքապետարանի ֆինանսավորմամբ):

Դպրոցականի և գրքի կապն ամրապնդելու նպատակով անցկացվում են «Ժամանակ մի կորցրու, կարդա «ավանդական դարձած մրցույթը, և գրողներին, մշակույթի և գիտության գործիչներին, պատմական իրադարձություններին նվիրված մրցույթներ, հանդիսություններ, աշակերտական և ուսուցչական գիտական ընթերցումներ:

Խրախուսվում են առարկայական օլիմպիադաներում բարձր ցուցանիշներ արձանագրած մասնակիցները և իրենց ուսուցիչները: 2012-2013 ուսումնական տարում առարկայական օլիմպիադաների համայնքային փուլին մասնակցել է 7845 դպրոցական, քաղաքային փուլին 1570: 1-ին կարգի դիպլոմ ստացել է 63, 2-րդ կարգի 105, 3-րդ կարգի 143 աշակերտ:

Ֆրանկոֆոն քաղաքապետերի միջազգային ասոցիացիայի աջակցությամբ Երևանի հհ. 48, 78 դպրոցներում վերանորոգվել են ֆրանսերենի կաբինետները, նշված, ինչպես նաև հհ. 56 և 66 դպրոցների 6-9-րդ դասարաններում իրականացվում է երկլեզվյա ուսուցում:

Երևանի Նար-Դոսի անվան հ.14 դպրոցում սիրիահայ ընտանիքների երեխաների համար ստեղծվել է դպրոց (1-9-րդ դասարան, 320 երեխա) սիրիական կրթական ծրագրով:

Իրականացվել է դպրոցների և մանկապարտեզների բակերի բարեկարգում, կանաչապատում, կազմակերպվել են շաբաթօրյակներ, ծառատունկեր: Ծրագիրը շարունակական է:

Մանկավարժների խրախուսման նպատակով անցկացվել են ՀՀ կառավարության կողմից «Տարվա լավագույն տնօրեն», «Տարվա լավագույն ուսուցիչ», «Տարվա լավագույն դաստիարակ», ինչպես նաև Վեհափառ Հայրապետի հովանավորությամբ «Հայոց լեզու և գրականություն», «Հայոց պատմություն», «Հայոց եկեղեցու պատմություն», բնագիտական առարկաների ուսուցիչների մրցույթների քաղաքային փուլերը:

Համայնք-մասնավոր հատված համագործակցության շրջանակում UCOM ընկերության հետ Երևանի 15 դպրոց հնարավորություն է ստացել իրականացնել հեռուստակամուրջ-հայրենագիտության դաս սփյուռքի դպրոցների հետ: Ծրագիրը շարունակական է:

2014 թվականին նախատեսվող աշխատանքներ

Դպրոցների շենքերի վերանորոգման և հիմնանորոգման շարունակականության ապահովում: ՀՀ քաղաքաշինության նախարարություն է ներկայացվել դպրոցների վերանորոգման ըստ առաջնահերթության ներքոհիշյալ ցանկը.

 

.____________________________________________________________.

|Վարչական շրջան           |Հիմնանորոգում (2014թ.)            |

|_________________________|__________________________________|

|Աջափնյակ                 |Հ.հ 102,122,146,156               |

|_________________________|__________________________________|

|Արաբկիր                  |Հ.հ 21,37,145                     |

|_________________________|__________________________________|

|Ավան                     |Հ.հ 124, հ.6 հատուկ               |

|_________________________|__________________________________|

|Դավթաշեն                 |Հ.199                             |

|_________________________|__________________________________|

|Էրեբունի                 |Հ.հ 34,49,64,68,70,107, 120,178   |

|_________________________|__________________________________|

|Կենտրոն                  |Հ.հ 4,23,33,81, «Հ.Կոջոյան»       |

|_________________________|__________________________________|

|Մալաթիա-Սեբաստիա         |Հ.հ 91,152,162,191                |

|_________________________|__________________________________|

|Նոր Նորք                 |Հ.հ 88,133,141,163, 166,186,187   |

|_________________________|__________________________________|

|Նորք Մարաշ               |Հ.հ 157                           |

|_________________________|__________________________________|

|Նուբարաշեն               |Հ.175                             |

|_________________________|__________________________________|

|Շենգավիթ                 |Հ.հ74,161                         |

|_________________________|__________________________________|

|Քանաքեռ-Զեյթուն          |Հ.հ 48,85, 8 հատուկ               |

.____________________________________________________________.

 

Կմշակվի և կիրագործվի բարեկարգ շրջակայք, կանաչապատ և ծառաշատ դպրոցի ծրագիրը:

Սովորողների և մանկավարժների համակարգչային գրագիտության մակարդակի բարձրացում որպես նորագույն տեխնոլոգիաների լայնածավալ կիրառման հիմք:

Տեղեկատվական տեխնոլոգիաների լայն կիրառում դասապրոցեսում: Ինտերակտիվ և համագործակցային ուսուցման մեթոդների կիրառում:

Մանկավարժների խրախուսման նպատակով «Տարվա լավագույն դպրոց», «Տարվա լավագույն տնօրեն», «Տարվա լավագույն ուսուցիչ» մրցույթի քաղաքային փուլի անցկացում, սովորողների մարզական, Ազգային ժողովի գավաթի կիսաեզրափակիչ խաղերի անցկացում (քաղաքային, հանրապետական փուլեր):

Առարկայական օլիմպիադաների տարածքային, քաղաքային և հանրապետական փուլերի կազմակերպում և անցկացում:

Անվանակիր դպրոցների անվանատուներին նվիրված շաբաթների, տասնօրյակների և միամսյակների, ինչպես նաև ՀՀ քաղաքացու համակողմանի զարգացմանը նպաստող այլ միջոցառումների կազմակերպում:

«Դասը վարում է մտավորականը» ծրագրի մշակում և հանդիպումների շարքի իրականացում ըստ համացանցում տեղադրված ժամանակացույցի:

Ասմունքի, շարադրության, ինչպես նաև մտավոր առանձնահատուկ օժտվածությամբ դպրոցականների հայտնաբերման նպատակով մրցույթներ:

Փորձի փոխանակման նպատակով ուսուցիչների փոխայցելություններ Երևանի քույր քաղաքների կրթական հաստատություններ:

Կընդլայնվի ներառական կրթություն իրականացնող դպրոցների և միջազգային կազմակերպությունների համագործակցությունը:

Նախատեսվում է հատուկ դպրոցների սննդի ռացիոնի հարստացում, երեխաների առողջության պահպանմանն ուղղված ծրագրերի անցկացում, երեխաների խնամքի ծառայությունների որակի բարելավում:

Սահմանել հսկողություն ուսուցչի թափուր տեղի համար հայտարարված մրցույթի, դպրոցներում կնքվող պայմանագրերի օրինականության, ինչպես նաև հաստիքացուցակների և աշխատողների համապատասխանության պահպանման նկատմամբ:

Նախապատրաստվել դպրոցների վարկանիշավորման գործընթացին:

Դպրոցների գործունեության առավել թափանցիկության ու հրապարակայնության ապահովում:

Ըստ դպրոցների` ԳԹԿ-ի կողմից կատարվող ընթացիկ գնահատման արդյունքների վերլուծություն:

Հանրակրթական ուսումնական հաստատություններում վճարովի հիմունքներով լրացուցիչ կրթական ծրագրերի վերահսկում:

Դպրոցների տնօրենների կողմից ներկայացված զարգացման ծրագրերի կատարման վերաբերյալ հաշվետվությունների նկատմամբ վերահսկողություն:

Ներառական դպրոցներում բազմամասնագիտական թիմի անդամների մասնագիտական կրթության համապատասխանության նկատմամբ հսկողության ապահովում:

Դպրոցներում իրականացվող հիմնանորոգումների և համապատասխան գույքի ձեռք բերման ժամանակ տեղաշարժվելու դժվարություն ունեցող սովորողների համար առանձնահատուկ պայմանների ստեղծման ու պահանջվող նորմերին նրանց համապատասխանության ապահովում:

Ժամանակակից տեխնոլոգիաների կիրառում դպրոցների տարիֆիկացիաների լրացման գործընթացում:

Պարբերաբար բարելավել Երևանի հանրակրթական ուսումնական հաստատություններում ժողովրդավար կառավարման գործընթացը:

Սահմանել հսկողություն ուսումնական հաստատության և ծնողների միջև կնքվող պայմանագրերի պայմանների կատարման նկատմամբ:

Ըստ դպրոցների` ԳԹԿ-ի կողմից կատարվող ընթացիկ գնահատման արդյունքների վերլուծություն:

 

Մանկապարտեզներ

 

Երևանի քաղաքապետարանի ենթակայությամբ գործում է 161 (2 մանկապարտեզ ժամանակավորապես չի գործում) մանկապարտեզ: Ոչ պետական նախադպրոցական ուսումնական հաստատությունների թիվը շուրջ 60 է:

Ներառական կրթություն է իրականացվում Երևանի 6 մանկապարտեզներում: Երևանի քաղաքապետի 31.03.2011թ. հ.1101-Ա որոշմամբ Երևանի քաղաքապետարանի ենթակայության մանկապարտեզներում Երևան քաղաքում հաշվառված ծնողների երեխաների նախադպրոցական կրթությունն իրականացվում է անվճար: Ներկայում մայրաքաղաքի բոլոր մանկապարտեզները ջեռուցվում են: Երևանի ավագանու 08.02.2011թ. հ.182-Ն որոշմամբ մանկապարտեզների ղեկավարումը պատվիրակվել է վարչական շրջանների ղեկավարներին վերահսկողության գործառույթը վերապահելով քաղաքապետին:

 

Հիմնախնդիրներ

1. մանկապարտեզների շենքերի վերանորոգում և հիմնանորոգում

2. ներառական կրթություն իրականացնող մանկապարտեզների շենքային պայմանների համապատասխանեցում սովորողների ֆիզիկական պահանջներին, ինչպես նաև վերոնշյալ հաստատությունների մանկավարժական համակազմի համապատասխան մասնագետներով համալրում

3. գույքի արդիականացում

4. մանկապարտեզներում հերթագրված երեխաների մեծ թիվ

5. նորագույն տեխնոլոգիաների ներդրում մանկապարտեզներում

2013 թվականին իրականացված աշխատանքներ

2013թ. ընթացքում պարբերաբար կազմակերպվել է մանկապարտեզների դաստիարակների վերապատրաստման գործընթացը:

Մանկապարտեզները ապահովվել են ուսումնամեթոդական գրականությամբ և իրավատեղեկատվական ձեռնարկներով:

Շարունակվում է վերահսկողությունը մանկապարտեզներում երեխաների սննդի կազմակերպման նկատմամբ: Գործընթացին մասնակցում են ծնողները:

Մանկապարտեզներում գույքի նորացման և արդիականացման աշխատանքների շրջանակում Երևանի 2013 թվականի բյուջեով մանկապարտեզներին հատկացվել են էլեկտրական մսաղացներ, սառնարաններ, էմալապատ և ալյումինե կաթսաներ, սալօջախներ, զգեստապահարաններ. սեղաններ, մահճակալներ և աթոռներ:

Երևանի քաղաքապետարանի 28 մանկապարտեզներում կատարվել են վերանորոգման աշխատանքներ (Ավան վարչական շրջան հ.հ.53, 54, հ.57, Աջափնյակ վարչական շրջան հ.հ. 40, 43, 44, հ.48, Արաբկիր վարչական շրջան հ.հ. 22, 30, Դավթաշեն վարչական շրջան հ.հ. 59, 62, Էրեբունի վարչական շրջան հ.69, Կենտրոնի վարչական շրջան հ.հ. 10, 15, Մալաթիալ-Սեբաստիայի վարչական շրջան հ.հ. 83, 85, 93, 95, Նոր Նորքի վարչական շրջան հ.հ.101, 111, Նորք-Մարաշի վարչական շրջան հ.հ.123, 124, Շենգավիթ վարչական շրջան հ.հ. 128, 133, 146, Քանաքեռ-Զեյթուն վարչական շրջան հ.հ.155, 157, 158):

2014 թվականին նախատեսվող աշխատանքներ

Մանկապարտեզների շենքերի վերանորոգման և հիմնանորոգման աշխատանքները 2014թ. կկրեն շարունակական բնույթ:

 

2014թ. վերանորոգման ենթակա մանկապարտեզների ցանկը

 

._____________________________________________________________.

|Վարչական շրջան                    |Մանկապարտեզի համարը       |

|__________________________________|__________________________|

|Աջափնյակ վարչական շրջան           |հ.հ. 38, 39, 45           |

|__________________________________|__________________________|

|Արաբկիր վարչական շրջան            |հ. 32                     |

|__________________________________|__________________________|

|Ավան վարչական շրջան               |հ.հ. 52, 55, 56           |

|__________________________________|__________________________|

|Դավթաշեն վարչական շրջան           |հ.հ. 61, 62               |

|__________________________________|__________________________|

|Էրեբունի վարչական շրջան           |հ. 69                     |

|__________________________________|__________________________|

|Մալաթիա-Սեբաստիա վարչական շրջան   |հ.հ. 78, 86, 89           |

|__________________________________|__________________________|

|Կենտրոն վարչական շրջան            |հ. 1                      |

|__________________________________|__________________________|

|Նոր Նորք վարչական շրջան           |հ. 106                    |

|__________________________________|__________________________|

|Նուբարաշեն վարչական շրջան         |հ. 125                    |

|__________________________________|__________________________|

|Շենգավիթ վարչական շրջան           |հ.հ. 130, 131, 139        |

|__________________________________|__________________________|

|Քանաքեռ-Զեյթուն վարչական շրջան    |հ.հ. 152, 159, 155, 161   |

._____________________________________________________________.

 

Մանկավարժների խրախուսման նպատակով կանցկացվի «Տարվա լավագույն տնօրեն», «Տարվա լավագույն դաստիարակ» մրցույթի քաղաքային փուլը:

Կրթության առանձնահատուկ պայմանների կարիք ունեցող երեխաները կընդգրկվեն իրականացվող մարզական և այլ կարգի մրցույթներում: Վերջիններիս համար կիրականացվեն մայրաքաղաքի մշակութային օջախներ այցելելու ծրագրեր:

Կմշակվի և կիրագործվի բարեկարգ շրջակայք, կանաչապատ և ծառաշատ մանկապարտեզի ծրագիրը:

Փորձի փոխանակման նպատակով կկազմակերպվեն դաստիարակների փոխայցելություններ Երևանի քույր քաղաքների կրթական հաստատություններ:

Նախադպրոցական ուսումնական հաստատությունների աշխատողների աշխատավարձի վերանայում` ՀՀ օրենսդրությանը համապատասխան:

Վերահսկել մանկապարտեզների տնօրենների, մանկավարժների և սպասարկող անձնակազմի հետ կնքվող աշխատանքային պայմանագրերի համապատասխանությունը ՀՀ աշխատանքային օրենսգրքին:

Շարունակել մանկապարտեզների մանկավարժների վերապատրաստումը սահմանված կարգով և ժամկետներում:

Մանկապարտեզներին հատկացված ֆինանսական միջոցների շրջանակում անհրաժեշտ է ստեղծել համապատասխան պայմաններ մանկապարտեզների կրթական ծրագրերի իրականացման համար:

Իրականացնել մանկապարտեզների վարձակալությամբ տրված տարածքների հաշվառման, գույքագրման և դրանք մանկապարտեզներին աստիճանական վերադարձման գործընթացը:

2014 թվականին նախատեսվում է նախադպրոցական կրթության ապահովման համալիր հայեցակարգի մշակում:

 

ԱՌՈՂՋԱՊԱՀՈՒԹՅՈՒՆ

 

Առողջապահության ոլորտի գերակայությունը առողջապահական համակարգի կառավարման արդյունավետության և բնակչությանը մատուցվող ծառայությունների որակի բարձրացումն է, սպասարկող բժշկական ընկերությունների շենքային պայմանների բարելավումը, գույքի արդիականացումը, վերազինումը:

Երևան քաղաքում 2013թ. բնակչությանը պետության կողմից երաշխավորված արտահիվանդանոցային և հիվանդանոցային անվճար բժշկական օգնություն և սպասարկման ծառայություններ են մատուցվել 109 առողջապահական կազմակերպությունների կողմից, որից 12-ը գործում է ՀՀ առողջապահության նախարարության ենթակայությամբ, 34-ը Երևանի քաղաքապետարանի, 1-ը այլ: 62-ը ոչ պետական առողջապահական կազմակերպություններ են:

Ստոմատոլոգիական ծառայությունը Երևան քաղաքում մատուցվում է 17 պոլիկլինիկաների և շուրջ 550 կաբինետների կողմից:

2013թ. Երևանի ենթակայությամբ գործող 34 առողջապահական կազմակերպություններից 5-ը բժշկական կենտրոն են (այդ թվում 1 մասնագիտացված հիվանդանոց, 1 ընդհանուր պրոֆիլի հիվանդանոց, 2 ծննդատուն), 1-ը բուժսանմաս, 2-ը դիսպանսեր, 1-ը շտաբուժօգնության ծառայություն, 2-ը գիտահետազոտական ինստիտուտ (այդ թվում 1 մասնագիտացված հիվանդանոց), 1-ը ծննդատուն և 22-ը պոլիկլինիկա: Երևանի ենթակայության առողջապահական կազմակերպություններից 27-ը մատուցում է ամբուլատոր-պոլիկլինիկական ծառայություն:

 

Հիմնախնդիրներ

1. առողջապահության ծառայության որակի բարձրացում

2. ախտորոշիչ ծառայությունների մատչելիության ապահովում

3. առողջապահական հաստատությունների հիմնանորոգում

4. ջեռուցման համակարգերի ներդրում

5. գույքի և բժշկական պարագաների արդիականացում

2013 թվականին իրականացված աշխատանքները

2013թ. «Առողջապահական օբյեկտների հիմնանորոգում» ծրագրի շրջանակում Երևանի ենթակայության 2 մանկական պոլիկլինիկաներում («Թիվ 9 մանկական պոլիկլինիկա» և «Արաբկիր մանկական պոլիկլինիկա» ՓԲԸ-ներ) անցկացվել են ջեռուցման համակարգեր, ինչպես նաև փոխարինվել են պատուհանները (45900.0 հազ. դրամ Երևանի բյուջե):

«Աջակցություն առողջապահական կազմակերպություններին բժշկական սարքավորումների ձեռքբերման համար» ծրագրով Երևանի ենթակայության մի շարք բուժհաստատություններ համալրվել են շուրջ 44 բուժսարքավորումներով, այդ թվում ուլտրաձայնային հետազոտման սարք, ուլտրաձայնային հետազոտման սարք կարդիոտվիչով, աուդիոմետր, բիոքիմիական անալիզատոլ և էլեկտրասրտագիր (70 000.0 հազ. դրամ Երևանի բյուջե):

«Ձեզ համար, կանայք» խորագրով ակցիայի շրջանակում (մարտի 8-ից ապրիլի 7-ը) կանայք անվճար հիմունքներով օգտվել են Երևանի ենթակայության առողջապահական կազմակերպությունների ծառայություններից:

«Երևանյան ամառ» խորագրով ակցիայի շրջանակում (օգոստոսի 1-31-ը) բնակչությանը մատուցվել է անվճար բուժօգնություն սիրտանոթային և այլ հետազոտությունների գծով, անհրաժեշտության դեպքում կատարվել են վիրահատություններ:

Բնակչությանը մատուցվող արտահիվանդանոցային և հիվանդանոցային որակյալ բուժծառայությունների մատուցման և մատչելիության բարձրացման, ինչպես նաև նոր բժշկական ծառայությունների ներդրման նպատակով նախատեսվում է Երևանի ենթակայության «Թիվ 19 պոլիկլինիկա» և «Գրիգոր Նարեկացի» բժշկական կենտրոն փակ բաժնետիրական ընկերությունները հանձնել հավատարմագրային կառավարման համապատասխան ներդրումային ծրագրերի իրականացման պայմանով:

Ներդրումային ծրագրերով նախատեսվում են 2014-2019թթ բուժհաստատություններում կատարել զգալի ներդրումներ, որոնք կուղղվեն նոր սարքավորումների ձեռքբերմանը, բուժհաստատությունների վերանորոգմանը և կահավորմանը, կադրերի վերապատրաստմանը: Ներդրումների իրականացման արդյունքում ակնկալվում է նոր մասնագետների ներգրավվում, ինչպես նաև բուժաշխատողների աշխատավարձի աճ:

Որակյալ բուժծառայության մատուցման և մատչելիության բարձրացման նպատակով Երևանի ենթակայության առողջապահական կազմակերպություններում 2014թ. նախատեսվում է ձեռք բերել նոր բուժսարքավորումներ, մասնավորապես ռենտգեն ապարատ, ուլտրաձայնային հետազոտման սարք 2 տվիչով, ուլտրաձայնային հետազոտման սարք դոպլեր, իմունոֆերմենտային անալիզատոր, կոլպոսկոպ, աուդիոմետր (148 800,0 հազ. դրամ Երևանի բյուջե):

Լիարժեք ախտորոշում և արդյունավետ բուժում իրականացնելու նպատակով 2014 թվականին (Երևանի բյուջե) նախատեսվում է Երևանի բնակչության համար կոմպյուտերային տոմոգրաֆիայի ծառայությունների մատչելիության ապահովում:

2014թ. նախատեսվում է ջեռուցման համակարգեր անցկացնել 5 բուժհաստատություններում, իսկ 3-ում փոխարինել պատուհանները:

 

ՍՈՑԻԱԼԱԿԱՆ ԱՊԱՀՈՎՈՒԹՅՈՒՆ

 

Սոցիալական ապահովության բնագավառում Երևանի քաղաքապետարանի ռազմավարությունն ուղղված է քաղաքացիների սոցիալական երաշխիքների պաշտպանությանն ու իրականացմանը, պետական և համայնքային սոցիալական ծրագրերի իրականացմամբ:

Երևանի քաղաքապետարանի կողմից սոցիալական պաշտպանության ոլորտում իրականացվող քաղաքականության իրականացման ընթացքում ուշադրության կենտրոնում պահվելու են կյանքի դժվարին իրավիճակներում հայտնված անձանց, աղքատ ընտանիքների, բազմազավակ ընտանիքների, պատերազմի վետերանների, զոհված ազատամարտիկների ընտանիքների, տարեցների և հաշմանդամների, առանց ծնողական խնամքի մնացած երեխաների, բնակարան չունեցող ընտանիքների և անօթևան անձանց սոցիալական պաշտպանության խնդիրները:

 

Հիմնախնդիրներ

 

1. պետական նպաստների հասցեականության մեծացում, աղքատության գնահատման չափորոշիչների կատարելագործում, մատուցվող սոցիալական ծառայությունների որակի բարելավում

2. տարեցների և հաշմանդամների շրջանում աղքատության և սոցիալական մեկուսացման հաղթահարում, նրանց հասարակությանն աստիճանական ինտեգրում

3. տարեցների, հաշմանդամների համար սոցիալ-վերականգնողական կենտրոնների ստեղծում

4. անօթևան անձանց հիմնախնդիրների լուծում

5. ՀՀ կառավարության 01.08.2013թ. հ. 894-Ն որոշմամբ սոցիալական բնակարանային ֆոնդի ձևավորման նպատակով սոցիալապես անապահով և հատուկ խմբերին դասված բնակելի տարածության կարիք ունեցող անձանց (ընտանիքներին) հաշվառման աշխատանքների իրականացում:

2013 թվականին իրականացված աշխատանքներ

2013թ. ինը ամիսների ընթացքում Երևան քաղաքում ընտանիքների անապահովության գնահատման համակարգում փաստագրվել է 16750 ընտանիք: Ընտանեկան նպաստ և հրատապ օգնություն է ստացել շուրջ 17780 ընտանիք:

Երեխայի ծննդյան միանվագ նպաստ է ստացել 8353 ընտանիք, մինչև 2 տարեկան երեխայի խնամքի նպաստ է նշանակվել 5471 երեխաների աշխատող մայրերի:

Նախկին ԽՍՀՄ Խնայբանկի ՀԽՍՀ Հանրապետական բանկում մինչև 1993թ. հունիսի 10-ը ներդրված դրամական ավանդների դիմաց ՍԾՏԲ-ներից փոխհատուցում է ստացել 118 քաղաքացի:

Երևանի քաղաքապետարանը առկա խնդիրների համատեղ լուծման նպատակով համագործակցում է հասարակական 25 կառույցների հետ: Համագործակցության արդյունքում Երևանում գործում է բարեգործական 16 ճաշարան, որոնցից «Առաքելություն Հայաստան» ԲՀԿ-ի, ՀՕՖ-ի հայաստանյան մասնաճյուղի, Հայաստանում Գերմանական կարմիր խաչի «Հուսո տանը» գործող սեզոնային «Գթության խոհանոցները», «Մանկական սնունդ» և «Տնային խնամք» ենթածրագրերով, Մայր Աթոռ Սուրբ Էջմիածնի ենթակա, ինչպես նաև «Արշավիր և Պայծառ Աբրահամյաններ», «Օրրան» ՀԿ-ի բարեգործական ճաշարանները: Ճաշարաններում օրական մեկ անգամ տաք կերակուր է տրվում կարիքավոր շուրջ 2300 շահառուների: Ավան և Քանաքեռ-Զեյթուն վարչական շրջաններում ստեղծվել են տարեցների ցերեկային խնամքի կենտրոն և «Սոցիալական տունը»:

Երևանում հաշվառված է շուրջ 60900 սահմանափակ կարողություններով անձ, այդ թվում 2300 երեխա: Սահմանափակ կարողություններով մարդկանց խնդիրները լուծելու նպատակով գործում է Հաշմանդամություն ունեցող անձանց հիմնահարցերի Երևանի քաղաքային հանձնաժողով:

2013թ. շարունակվել է մայրաքաղաքի փողոցներից, կիսակառույցներից անօթևանների հավաքման և ժամանակավոր կացարանում տեղավորման ծրագրի իրականացումը: Հայ-դանիական «Հանս Քրիստիան Կոֆոեդ» բարեգործական հիմնադրամի շենքում ժամանակավոր կացարան, օրական 3 անգամյա սնունդ, սոցիալական, իրավական խորհրդատվություն և ծառայություններ են մատուցվում անօթևան անձանց: Կացարան են տեղափոխվել կյանքի դժվարին իրավիճակներում հայտնված 205 անօթևան: Կատարված աշխատանքների արդյունքում մի մասը վերադարձել է ընտանիք, տեղափոխվել տուն-ինտերնատ, սոցիալական մասնագիտացված հաստատություններ, մի մասն ապահովվել է աշխատանքով:

Երևանի քաղաքապետարանը սոցիալական աջակցություն է ցուցաբերում Երևանում բնակվող սոցիալապես անապահով սիրիահայ ընտանիքներին կրթական, մշակութային և սոցիալական կյանքին ինտեգրելու ուղղությամբ:

Հայոց բանակի օրվա կապակցությամբ հունվարի 28-ին, ինչպես նաև 2013թ. օգոստոսի 9-10-ը տեսակցություն է կազմակերպվել Տավուշի, Սյունիքի և Լեռնային Ղարաբաղի զորամասերում երևանաբնակ զինվորների և նրանց ծնողների միջև: Ծրագիրն ընդգրկել է կարիքավոր ընտանիքներին: Ծրագրի շրջանակում տվյալ զորամասերին նվիրաբերվել են երաժշտական գործիքներ և անհրաժեշտ այլ պարագաներ:

Կանանց միջազգային օրվա մարտի 8-ի կապակցությամբ կազմակերպվել է միջոցառումներ նվիրված կարիքավորության գնահատման համակարգում հաշվառված և սոցիալական խմբեր ներկայացնող շուրջ 2000 կանանց, այդ թվում ազգային փոքրամասնությունների ներկայացուցիչների համար: Տրվել են նվերներ:

Մայրության օրվա ապրիլի 7-ի կապակցությամբ երևանաբնակ 100 և ավելի տարիք ունեցող կանանց տրամադրվել է օգնություն:

Ապրիլի 24-ին հիշատակի օրվա առիթով, Եղեռնը վերապրած երևանաբնակ քաղաքացիներին տրամադրվել է օգնություն:

Մայրաքաղաքում համատեղ իրականացվող սոցիալական կարևորագույն ծրագրերից են մուրացիկ, թափառաշրջիկ, բռնությունների ենթարկված ու ծնողական խնամքից դուրս մնացած երեխաների աջակցության ուղղությամբ տարվող աշխատանքները Հայ Օգնության Ֆոնդի «Երեխաների աջակցության կենտրոն»-ի հետ: Կենտրոնին նվիրաբերվել է փափուկ կահույք, սառնարան, հեռուստացույց և խաղահրապարակ:

Դրամական աջակցություն է ցուցաբերվել նաև «Արցախյան պատերազմի մասնակից կանանց հանրապետական խորհրդի» անդամներին, «Հայաստանի խուլերի միավորմանը», հաշմանդամների հիմնահարցերով զբաղվող «ՈՒնիսոն» ՀԿ-ին:

Հաշվառվել են Երևանում բնակվող, բնակարանի կարիք ունեցող փախստականները (շուրջ 1260 ընտանիք), որոնց ցուցակները քաղաքապետարանի կողմից սահմանված կարգով հաստատվել և ներկայացվել են ՀՀ տարածքային կառավարման նախարարության Միգրացիոն պետական ծառայություն:

Երեխաների իրավունքների պաշտպանության օրվա կապակցությամբ հունիսի 1-ին, իրականացվել է սոցիալական աջակցության ծրագիր անչափահաս երեխաներ ունեցող կարիքավոր ընտանիքների համար:

ՀՀ կառավարության հետ համատեղ կարիքավոր ընտանիքների շուրջ 850 երեխաների համար հուլիս-օգոստոսին իրականացվել է երեխաների ամառային հանգստի կազմակերպումը Հանքավանի և Ծաղկաձորի ճամբարներում:

Տարեցների օրվա կապակցությամբ (հոկտեմբերի 1) իրականացվել են սոցիալական ծրագրեր:

Հաշմանդամների միջազգային օրվա կապակցությամբ նախատեսվում է աջակցություն հաշմանդամների հիմնահարցերով զբաղվող կառույցներին:

Ամանորյա տոների կապակցությամբ նախատեսվում են տոնական միջոցառումներ կարիքավոր ընտանիքների երեխաների համար:

2014 թվականին նախատեսվող աշխատանքներ

Սոցիալական պաշտպանության համակարգը բազմաբնույթ է և ներառում է.

Պետական սոցիալական օժանդակության ծրագրեր

2014թ. ընթացքում Երևան քաղաքում ընտանիքների անապահովության գնահատման համակարգում կփաստագրվի շուրջ 17500 ընտանիք:

Պետական սոցիալական ապահովության ծրագրեր

Հաշմանդամների և տարեցների համար սոցիալական սպասարկման ծրագրեր: Հաշմանդամության ոլորտում իրականացվող քաղաքականությունը, հիմնական մոտեցումները և նպատակային ծրագրերը ուղղված են հաշմանդամություն ունեցող անձանց իրավունքների պաշտպանությանը, հավասար պայմանների ու հնարավորությունների ապահովմանը, նրանց սոցիալական ներառմանը:

Երևանի քաղաքապետարանի սոցիալական առաջնահերթություններից է նաև տարեցների սոցիալական սպասարկման ծրագրերի իրագործումը ինչպես տնային պայմաններում, այնպես էլ պետության ամբողջական խնամքի ներքո տուն-ինտերնատների միջոցով, նաև պետություն-ՀԿ-համայնք համագործակցությամբ կազմակերպված ցերեկային խնամքի կենտրոններում:

Սոցիալական ապահովության ոլորտում Երևանի քաղաքապետարանի գործունեության կարևորագույն մասն են կազմում նաև սոցիալական խավերի համար իրականացվող միջոցառումները, որոնք որոշակիորեն մեղմում են քաղաքացիների սոցիալական դժվարությունները:

Կանանց միջազգային օրվա մարտի 8-ի կապակցությամբ կկազմակերպվեն միջոցառումներ նվիրված կարիքավորության գնահատման համակարգում հաշվառված և սոցիալական խմբեր ներկայացնող կանանց:

Մայրության օրվա ապրիլի 7-ի կապակցությամբ մայրության խրախուսման նպատակով 5 և ավելի երեխաներ ունեցող բազմազավակ մայրերին կտրամադրվի դրամական աջակցություն:

Ապրիլի 24-ին հիշատակի օրվա առիթով Եղեռնը վերապրած քաղաքացիներին կտրամադրվի դրամական օգնություն:

Կարիքավոր, բազմազավակ ընտանիքների 7-13 տարեկան երեխա իր ամառային հանգիստը կանցկացնի Ծաղկաձորի, Հանքավանի և այլ մանկական առողջարարական ճամբարներում:

Տարեցների օրվա կապակցությամբ (հոկտեմբերի 1) տարեցներին (մասնավորապես 100 և ավելի տարիք ունեցող) կտրամադրվի դրամական օգնություն:

Հաշվի առնելով հասարակական կառույցների մարդկանց աջակցելու յուրահատուկ փորձը, ինչպես նաև հենվելով սոցիալական գործընկերության սկզբունքի վրա, համատեղ կիրականացվեն սոցիալական ծրագրեր առկա ռեսուրսների նպատակային օգտագործմամբ և սոցիալական խնդիրների լուծմամբ:

Դեկտեմբերի 3-ին հաշմանդամների միջազգային օրվա կապակցությամբ կիրականացվեն միջոցառումներ, սոցիալական հիմնախնդիրներով զբաղվող հասարակական կազմակերպություններին համաքաղաքային նշանակության սոցիալական ծրագրերի իրականացման կամ համաֆինանսավորման նպատակով կցուցաբերվի դրամական օժանդակություն:

Կարիքավորության գնահատման համակարգում ընդգրկված սոցիալապես անապահով ընտանիքների երեխաների համար Ամանորի և Սուրբ Ծննդյան տոների կապակցությամբ նախատեսվում են միջոցառումներ:

Սոցիալական կարիքի մեջ գտնվող քաղաքացիներին կցուցաբերվի դրամական օժանդակություն:

Կշարունակվեն անօթևան անձանց ժամանակավոր կացարանում տեղավորման գործընթացը:

ՀՀ կառավարության 01.08.2013թ. հ. 894-Ն որոշմամբ սոցիալական բնակարանային ֆոնդի ձևավորման նպատակով սոցիալապես անապահով և հատուկ խմբերին դասված բնակելի տարածության կարիք ունեցող անձանց (ընտանիքներին) հաշվառման աշխատանքների իրականացում:

Ծրագրի անվանումը Ինտեգրված սոցիալական ծառայությունների համակարգի ներդրում, բնակչությանը մատուցվող սոցիալական ծառայությունների կատարելագործում:

Առկա վիճակը: Ներկայում, ելնելով անհատական սոցիալական ծառայությունների տրամադրման չափորոշիչներից, քաղաքացիները, ըստ իրենց կարիքների և տեսակների, դասվում են տարբեր սոցիալական խմբերի: Ըստ այդմ, սոցիալական ծառայություններ մատուցող կազմակերպությունները մասնագիտացած են ըստ տրամադրվող անհատական սոցիալական ծառայությունների: Դրանք ունեն տարբեր ենթակայություններ, սոցիալական ծառայությունների տրամադրման տարբեր տրամաբանություն, աշխատանքի մոտիվացիա, սկզբունք և կազմակերպական ձև (ՍԾՏԲ-ներ, զբաղվածության տարածքային կենտրոններ, բժշկասոցիալական փորձաքննական հանձնաժողովներ, սոցիալական ապահովության տարածքային բաժիններ): Տարբեր վարչական շրջաններում նշված ծառայությունները գտնվում են տարբեր վայրերում, տարբեր շենքային, գույքային և տեխնիկական հնարավորությունների պայմաններում, ինչը դժվարացնում է բնակչության շփումը տվյալ ծառայությունների հետ և բնականաբար ազդում նրան մատուցվող ծառայությունների որակի վրա:

Ծրագրի նպատակը ՀՀ-ում պետության կողմից սոցիալական սպասարկման կենտրոններում նախանշված բարեփոխումների իրականացումն է (ՀՀ կառավարության 2012 թվականի հուլիսի 26-ի «ՀՀ-ում ինտեգրված սոցիալական ծառայությունների համակարգի ներդրման ծրագիրը հաստատելու մասին» հ. 952-Ն որոշում), ինչպես նաև «Մեկ կանգառ, մեկ պատուհան» սկզբունքի կիրառումը վերը նշված կազմակերպությունները մեկ շենքում տեղակայելով: Ծրագիրն ուղղված է բարելավելու անհատական սոցիալական ծառայությունների տրամադրման մատչելիությունը և որակը, ստեղծելու տեղեկատվական բազաների միասնական կառավարման համակարգ:

Ծրագրի արդյունքում ակնկալվում է նոր որակի ծառայությունների տրամադրում, սոցիալական ծառայությունների մատչելի մատուցում, սոցիալական պաշտպանության ոլորտի տեղեկատվական համակարգերի միջև տեղեկատվության փոխանակությունն ապահովող ինքնաշխատ ծրագրի կիրառում և հասցեականության մեծացում:

Ներկայում Երևան քաղաքում սոցիալական ծառայությունների համալիր կենտրոններ են ստեղծվել 6 վարչական շրջաններում Աջափնյակում, Ավանում, Նորք-Մարաշում, Նուբարաշենում, Դավթաշենում և Էրեբունիում, իսկ առաջիկա տարիներին մնացած վարչական շրջաններում ևս կձևավորվեն նմանատիպ կենտրոններ:

Ծրագրի անվանումը Տարեցների համար սոցիալական աջակցության ծրագրերի իրագործում, ցերեկային խնամքի կենտրոնների (բարեգործական ճաշարանների) գործունեության կազմակերպում:

Առկա վիճակը: Չնայած տարեցների նկատմամբ վարվող սոցիալական քաղաքականությանն ու այդ ուղղությամբ իրականացվող միջոցառումներին, դեռևս կան տարաբնույթ սոցիալական աջակցության, սոցիալական շփման և հոգածության կարիք ունեցող տարեցներ:

Ծրագրի նպատակը լրացուցիչ օգնության և հոգածության կարիք ունեցող տարեցներին պետության կողմից հասցեավորված սոցիալական աջակցությունից զատ, սոցիալական սպասարկման և աջակցության տրամադրումն է: Նրանք հիմնականում միայնակ, անժառանգ կամ ծայրահեղ կարիքի մեջ գտնվող տարեցներն են: Անհրաժեշտ տարաբնույթ սոցիալական աջակցության, կյանքի հարմարավետ հնարավոր պայմանների և ակտիվ երկարակեցության և ծերունական մեկուսացման կանխարգելման նպատակով մայրաքաղաքում անհրաժեշտ է ավելացնել տարեցների ցերեկային խնամքի կենտրոնների, ինչպես նաև բարեգործական ճաշարանների թիվը ապահովելով դրանց գործունեության շարունակականությունը:

Ծրագրի արդյունքում կարիքավոր տարեցներին կցուցաբերվի համապատասխան սոցիալական օգնություն և խնամք, ինչպես սոցիալական կենտրոններում, այնպես էլ տնային պայմաններում: Կապահովվի ակտիվ կենսակերպ, սոցիալական շփում, օրական մեկանգամյա տաք ճաշի մատուցում:

Ծրագրի անվանումը: Հաշմանդամների սոցիալական աջակցության ծրագրեր

Առկա վիճակը: Հաշմանդամների և հաշմանդամության ոլորտում տարվող քաղաքականությունը, նրանց համար կենսագործունեության բոլոր ոլորտներում հավասար պայմանների ստեղծմանը, հավասար հնարավորությունների ապահովմանն ու սոցիալական աջակցությանն ուղղված պետական, համայնքային և ոչ պետական կառույցների ջանքերը զգալի դրական արդյունք են տվել: Կատարվել են օրենսդրական բարեփոխումներ: Հասարակական կյանքին հաշմանդամների ինտեգրմանն ուղղված աշխատանքներն ու ծրագրերը կրում են շարունակական բնույթ:

Ծրագրի նպատակը Երևան քաղաքում հաշմանդամություն ունեցող անձանց ակտիվ կենսագործունեության, ինչպես նաև հասարակության մեջ վերջիններիս լիարժեք ինտեգրման համար անհրաժեշտ պայմանների ստեղծումն է: Երևանի քաղաքապետարանում ստեղծված է «Հաշմանդամություն ունեցող անձանց հիմնահարցերի Երևանի քաղաքային հանձնաժողով», որը գործուն կառույց է և նպաստում է մայրաքաղաքում հաշմանդամների խնդիրների լուծմանը:

Ծրագրի արդյունքում կարիքավոր հաշմանդամներին կապահովվի տարաբնույթ սոցիալական աջակցությունների և ծառայությունների մատուցում, ինչպես նաև քաղաքային ենթակառուցվածքների և սոցիալական ոլորտը սպասարկող հիմնարկներում կստեղծվեն հաշմանդամների համար հատուկ նշանակության պայմաններ, մատչելիության ապահովման նպատակով կտեղադրվեն սարքեր և սարքավորումներ:

Հաշմանդամների անարգել տեղաշարժն ապահովելու նպատակով Երևանի քաղաքապետարանը, հաշմանդամների կողմից ներկայացված առաջնահերթությամբ, մայրաքաղաքի հանրային նշանակության տարբեր վայրերում կկառուցի թեքահարթակներ, աշխատանքներ կտարվեն նաև հանրային տրանսպորտը վերջիններիս մատչելի դարձնելու ուղղությամբ:

Ծրագրի անվանումը: Անօթևան անձանց և ընտանիքներին ժամանակավոր կացարանով ապահովում և սոցիալական բնակարանային ֆոնդի ձևավորման ռազմավարական ծրագրի իրագործում

ա) Անօթևան անձանց ժամանակավոր կացարանում տեղավորում

Առկա վիճակը: Ելնելով սոցիալական ծանր պայմաններից և անբարենպաստ այլ հանգամանքներից Երևանի փողոցներում և այլ վայրերում գիշերում են կացարան չունեցող անօթևան անձինք, որոնց թվում կան նաև ազատազրկման վայրերից վերադարձածներ: Այդ խմբերը ունեն սոցիալական աջակցության կարիք հասարակությանն առավել արագ ինտեգրվելու համար:

Ծրագրի նպատակը մայրաքաղաքի անօթևանների հավաքագրումն ու նրանց ժամանակավոր կացարանում տեղավորելն է ապահովելով շուրջօրյա խնամք, կենսակերպի փոփոխություն:

Երևանի քաղաքապետի նախաձեռնությամբ 2011 թվականի դեկտեմբերի 23-ից Երևանի քաղաքապետարանը հայ-դանիական «Հանս Քրիստիան Կոֆոեդ» բարեգործական հիմնադրամի հետ համատեղ ձևավորել է անօթևանների ժամանակավոր կացարան, որտեղ մինչ 2013 թվականի հուլիսը տեղափոխվել են կյանքի դժվարին իրավիճակներում հայտնված (այդ թվում նաև ազատազրկման վայրերից վերադարձած) շուրջ 180 անօթևան:

Ծրագրի արդյունքում անօթևանների զգալի մասը լիարժեք ինտեգրվել է հասարակությանը:

բ) Բնակարանային ֆոնդի ձևավորման ռազմավարական ծրագրի իրագործում Առկա վիճակը: Վերջին 20 տարիներին համակարգային փոփոխությունների հետևանքով սոցիալապես անապահով, անօթևան շատ ընտանիքներ կանգնած են սոցիալական դժվարին խնդրի առաջ և ինքնուրույն ի վիճակի չեն հոգալու իրենց բնակապահովման խնդիրները:

Ծրագրի նպատակը պետական, ինչպես նաև ոչ պետական աջակցությամբ նպատակային ծրագրերի իրագործումն է: Պետության կողմից ընդունվելու է սոցիալական բնակարանաշինության զարգացման ծրագիր, որը կնախատեսի համապատասխան ընտանիքներին աստիճանաբար սոցիալական բնակարաններով ապահովումը:

Ծրագրի արդյունքում նախատեսվում է կարիքավոր ընտանիքների բնակարանային խնդիրների աստիճանական կարգավորում:

Ծրագրի անվանումը: Նորածին երեխաներ ունեցող, բազմազավակ ընտանիքների համար սոցիալական աջակցության ծրագրերի իրագործում:

Առկա վիճակը: Ծնելիության խնդիրը սոցիալական կարևորագույն խնդիրներից է, և ծնելիության ցածր մակարդակը ՀՀ ազգային անվտանգության հայեցակարգում դիտարկվում է ներքին սպառնալիքների ցանկում: Միայն պետական քաղաքականության շրջանակում հնարավոր չէ բավարարել նորածիններ ունեցող, հատկապես բազմազավակ ընտանիքների հոգսը:

Ծրագրի նպատակը Երևան քաղաքում նորածիններ ունեցող կարիքավոր, բազմազավակ ընտանիքներին աջակցության ցուցաբերումը և վերջիններիս սատարումն է միավորելով նաև հասարակական կառույցների ջանքերը:

Ծրագրի արդյունքում ակնկալվում է նորածին երեխաներ ունեցող կարիքավոր ընտանիքների սոցիալական հոգսերի թեթևացում, ծնելիության խրախուսում:

Ծրագրի անվանումը: Արցախյան պատերազմում զոհվածների ընտանիքների, հաշմանդամ դարձած ազատամարտիկների, Հայրենական Մեծ և Աֆղանական պատերազմների վետերանների, ցեղասպանությունը վերապրած և աջակցության կարիք ունեցող այլ ընտանիքների համար սոցիալական աջակցության ծրագրերի իրագործում:

Առկա վիճակը: Չնայած սոցիալական նշված խմբերի համար պետական ծրագրերի շրջանակում իրականացվող քաղաքականությանը անհրաժեշտ է ուշադրության կենտրոնում պահել նրանց սոցիալական խնդիրները:

Ծրագրի նպատակը նշված անձանց և նրանց ընտանիքներին սոցիալական հասցեական աջակցությունների ցուցաբերման շարունակականության ապահովումն է:

Ծրագրի արդյունքում ակնկալվում է վետերանների և նրանց ընտանիքների շրջանում աղքատության մակարդակի կրճատում, հարկային որոշակի պարտավորությունների նկատմամբ սահմանված արտոնությունների շարունակականության ապահովում, արժանապատիվ կենսակերպի ապահովում:

Ծրագրի անվանումը: Կարիքավոր ընտանիքների երեխաների ամառային հանգստի կազմակերպում:

Առկա վիճակը: Վերջին տարիներին զոհված, հաշմանդամ դարձած զինծառայողների, ծնողազուրկ ու կարիքավոր բազմազավակ ընտանիքների 7-13 տարեկան 850 երեխա ամառային հանգիստն է անցկացրել Ծաղկաձորի և Հանքավանի մանկական առողջարարական ճամբարներում:

Ծրագրի նպատակը կարիքավոր ընտանիքների երեխաների ամառային ակտիվ հանգստի կազմակերպումն է:

Ծրագրի արդյունքում որոշակի սոցիալական խմբեր ներկայացնող կարիքավոր ընտանիքների 7-13 տարեկան երեխաները հանգստացել են հանրապետության ճամբարներում:

Ծրագրի անվանումը: Սոցիալական գործընկերություն հասարակական կառույցների հետ

Առկա վիճակը: Երևանի քաղաքապետարանը ակտիվ համագործակցում է սոցիալական հիմնահարցերով զբաղվող մի շարք հասարակական կազմակերպությունների և կառույցների հետ:

Ծրագրի նպատակը սոցիալական ծրագրերի իրականացման ընթացքում ոչ կառավարական և առևտրային կազմակերպությունների մասնակցության ձևերի ընդլայնումն է: Հաշվի առնելով հասարակական կառույցների մարդկանց աջակցելու յուրահատուկ փորձը, ինչպես նաև հենվելով սոցիալական գործընկերության սկզբունքի վրա, համատեղ կիրականացվեն սոցիալական ծրագրեր առկա ռեսուրսների նպատակային օգտագործմամբ:

Ծրագրի արդյունքում համատեղելով Երևանի քաղաքապետարանի և համապատասխան հասարակական կառույցների ջանքերը, առավել արդյունավետ ձևով կյանքի կկոչվեն սոցիալական ծրագրեր ուղղված հասարակության մեջ առկա սոցիալական խնդիրների լուծմանը:

 

ՄՇԱԿՈՒՅԹ

 

Երևանի քաղաքապետարանի ենթակայությամբ գործում է 4 թանգարան Երևան քաղաքի պատմության, Ժամանակակից արվեստի, Կարեն Դեմիրճյանի և «Էրեբունի» պատմահնագիտական թանգարանները: Երևանի քաղաքապետարանի ենթակայության են Հր. Ղափլանյանի անվան դրամատիկական, Պատանի հանդիսատեսի և «Մհեր Մկրտչյան» արտիստական թատրոնները:

Երևանի քաղաքապետարանի ենթակայությամբ գործում են երաժշտական, արվեստի և կերպարվեստի 26 դպրոց, 19 գրադարան, 14 մշակույթի տուն, մշակույթի ստեղծագործության և գեղագիտական կենտրոններ, «Հայաստանի փոքրիկ երգիչներ» և Յու. Բախշյանի անվան մանկական ֆիլհարմոնիաները, «Երևան» փողային նվագախումբը, Երևանի կենդանաբանական այգին և» Հայ-Արտ» ՓԲԸ-ն:

 

Մշակութային միջոցառումներ

 

2013 թվականին իրականացված աշխատանքներ

2012թ. Յունեսկոյի կողմից Երևանը գրքի համաշխարհային մայրաքաղաք հռչակվելու և հայկական գրատպության 500-ամյակի կապակցությամբ 2013թ. ընթացքում իրականացվել են մի շարք միջոցառումներ:

2013թ. մայրաքաղաքում անցկացվել են մի շարք միջազգային մշակութային միջոցառումներ Մանկապատանեկան ֆիլմերի միջազգային կինոփառատոն, «ՀայՖեստ» միջազգային թատերական փառատոն, «Ոսկե Ծիրան» միջազգային կինոփառատոն, «Վերածնունդի հեռանկարներ» միջազգային փառատոն և այլն:

Մշակութային արժեքների հետ առնչվելու և արվեստի նկատմամբ սեր սերմանելու նպատակով իրականացվել է ամենամյա միջոցառում «Մշակութային գարուն աշակերտներին» խորագրով: Հանրակրթական դպրոցների աշակերտներն այցելել են թատրոններ, թանգարաններ, համերգային և մշակութային այլ կազմակերպություններ: Ծրագիրն ունենալու է շարունակական բնույթ:

Երևանի քույր և գործընկեր քաղաքների հետ համատեղ իրականացվել են մշակութային ծրագրեր, որոնք նպատակաուղղված են մշակութային համագործակցության շրջանակների ընդլայնմանը:

Կազմակերպվել են պետական և ազգային տոներին, հիշատակի օրերին նվիրված միջոցառումներ Ամանոր, Մայրության և գեղեցկության տոն, Թատրոնի միջազգային օր, Հայոց ցեղասպանության զոհերի հիշատակի օր, Սուրբ Զատիկ, Վերջին զանգ, Երեխաների իրավունքների պաշտպանության օր, ՈՒսուցչի օր, Գրադարանավարի օր, ՀՀ անկախության օր, «Էրեբունի-Երևան» և այլ:

2014 թվականին նախատեսվող աշխատանքներ

2014թ. պետական և ազգային տոներին, հիշատակի օրերին նվիրված միջոցառումները կունենան շարունակական բնույթ: Ավանդական միջոցառումներից բացի նախատեսվում են ազգային տոների վերականգնմանն ու անցկացմանն ուղղված մի շարք նախագծեր: Կկազմակերպվեն շքերթներ, միջոցառումներ, կապահովվի բնակչության անմիջական մասնակցությունը մշակութային միջոցառումներին:

Նախատեսվում է արտերկրի քաղաքների հետ մշակութային երկխոսության ընդլայնում, սփյուռքի ակտիվ ներգրավում Երևանի մշակութային կյանքին, արտերկրում հայկական մշակույթին նպատակաուղղված ծրագրի մշակում ու իրագործում: Երևանի քույր և գործընկեր քաղաքների հետ համատեղ կիրականացվեն մշակութային ծրագրեր, որոնք խթան կհանդիսանան մշակութային համագործակցության շրջանակների ընդլայնման համար:

Կիրականացվեն ծրագրեր ուղղված Երևանում բնակվող ազգային փոքրամասնությունների պատմական, հոգևոր, մշակութային արժեքների և էթնիկ ինքնության պաշտպանության ապահովմանն ու ինքնաարտահայտմանը, կստեղծվեն անհրաժեշտ պայմաններ ազգային փոքրամասնությունների մշակույթի դրսևորման համար:

2014թ. նախատեսվում է «Էրեբունի-Երևան 2800-ամյակ»-ի տոնակատարությանն ընդառաջ համալիր ծրագրերի մշակում ըստ տարիների (2014-2017թթ.):

Գրադարաններ

Երևանի քաղաքապետարանի ենթակայությամբ գործում է 19 գրադարան:

 

Հիմնախնդիրներ

1. արդի գրականության համալրում

2. նորագույն տեխնոլոգիաների ներդրում և կիրառում

2013 թվականին իրականացված աշխատանքներ

Գրադարաններում անցկացվել են գրական, գրական-երաժշտական, հուշ-երեկոներ, կազմակերպվել են հանդիպումներ մշակույթի և արվեստի անվանի գործիչների հետ, իրականացվել են գրքերի շնորհանդեսներ, մանկապատանեկան գրքի և երաժշտության շաբաթ, Ազգային գրադարանային շաբաթ:

«Ավ. Իսահակյանի անվան կենտրոնական գրադարան» ՀՈԱԿ-ում գործում է «Ամերիկյան անկյունը» և «Բրիտանական կենտրոնը», որոնք մշտապես համալրվում են բարձրարժեք գրականությամբ, տեղեկատվական կրիչներով, կահույքով: Կազմակերպվում են ֆիլմերի անվճար ցուցադրություններ, դասախոսություններ, անգլերենի անվճար ուսուցման դասընթացներ տարիքային տարբեր խմբերի համար:

«Հայաստանի գրադարանների ավտոմատացված ցանց» ծրագիր

«Ավ. Իսահակյանի անվան կենտրոնական գրադարան» ՀՈԱԿ-ը միացել է «Հայաստանի գրադարանների ավտոմատացված ցանց» ծրագրին, որի շրջանակում ընդհանուր տեղեկատվական բազա է մուտքագրվել կենտրոնական գրադարանի ամբողջ գրքային ֆոնդը: Մուտքագրվում է ՀՈԱԿ-ի մասնաճյուղերի և արվեստի գրականության բաժնի ֆոնդերը: Աշխատանքները շարունակական բնույթ են կրում:

Կենտրոնական գրադարանում բացվել է գրադարանային ինտերնետ սրահը` անվճար WI-FI հնարավորություններով:

«Ֆրանկոֆոնիայի կենտրոն» ծրագիր

«Ֆրանկոֆոնիայի կենտրոն» ստեղծելու նպատակով 2012թ. Ֆրանկոֆոն քաղաքապետերի միջազգային ասոցիացիայի կողմից «Ավ. Իսահակյանի անվան կենտրոնական գրադարան» ՀՈԱԿ-ին հատկացվել է 11000 եվրո: Աշխատանքները ավարտել 2013թ. և կենտրոնը գործում է: Դրամաշնորհային ծրագրի գումարներով ձեռք է բերվել կահույք, տեխնիկա և գրականություն:

2014 թվականին նախատեսվող աշխատանքներ

Գրադարաններում կիրականացվեն գրական, գրական-երաժշտական երեկոներ, գրքերի շնորհանդեսներ, մանկապատանեկան գրքի և երաժշտության շաբաթ, Ազգային գրադարանային շաբաթ, կկազմակերպվեն հանդիպումներ մշակույթի և արվեստի անվանի գործիչների հետ: Գրադարաններում նախատեսվում է տեղեկատվական-հաղորդակցական, նոր տեխնոլոգիաների և էլեկտրոնային կառավարման համակարգերի ներդրում, գրադարանային ֆոնդերի թվայնացման գործընթացի խթանում:

Նախատեսվում է 5 գրադարանի և մասնաճյուղի շենքերի հիմնանորոգման և արդիականացման աշխատանքներ:

 

Թանգարաններ

 

Երևան քաղաքում գործում է Երևանի քաղաքապետարանի ենթակայությամբ 4 թանգարան Երևան քաղաքի պատմության, Ժամանակակից արվեստի, Կարեն Դեմիրճյանի թանգարանը և «Էրեբունի» պատմահնագիտական արգելոց-թանգարանը:

 

Հիմնախնդիրներ

1. մշտական ցուցադրությունների կազմակերպում

2. թանգարանային նմուշների անվտանգության ապահովում

2013 թվականին իրականացված աշխատանքներ

Թանգարանների միջազգային օրվան և «Թանգարանների եվրոպական գիշեր» նախաձեռնության շրջանակներում Երևանի թանգարաններում մայիսի 18-ին անց է կացվում ամենամյա «Թանգարանային գիշեր» միջոցառումը: Թանգարանները հանդես են գալիս ցուցադրություններով, կազմակերպվում են բազմաթիվ ցուցահանդեսներ:

«Էրեբունի պատմահնագիտական արգելոց-թանգարան» ՀՈԱԿ-ի վերակառուցման ծրագիր

Ծրագրի շրջանակում 2013թ. իրականացվել են ջեռուցման և գազաֆիկացման աշխատանքներ:

Թանգարանի տարածքում կատարվում են պեղումներ և գիտական ուսումնասիրություններ: Էրեբունի ամրոցի Խալդ աստծո տաճարում և հարակից տարածքում պեղման աշխատանքներ է իրականացրել հայ-ֆրանսիական համատեղ արշավախումբը:

2014 թվականին նախատեսվող ծրագրեր

Թանգարաններում կանցկացվեն միջոցառումներ նվիրված Թանգարանների միջազգային օրվան, Եվրոպական ժառանգության օրվան և այլն:

«Ժամանակակից արվեստի թանգարան» ՀՈԱԿ-ը 2014թ. կկազմակերպի Փարաջանովի 90-ամյակին նվիրված ծրագիր:

«Երևան քաղաքի պատմության թանգարան» ՀՈԱԿ-ը կկազմակերպի 3D պրոեկցիայով անիմացիոն ծրագրի շնորհանդես: 2014թ. հրատարակության կպատրաստվի «Հնագույն զարդերի հավաքածուն մ.թ.ա. 3-րդ հազարամյակ-միջնադար» կատալոգը:

«Էրեբունի պատմահնագիտական արգելոց-թանգարան» ՀՈԱԿ-ի վերակառուցման ծրագիրը կշարունակվի նաև 2014 թվականին:

«Էրեբունի» պատմահնագիտական արգելոց-թանգարանը կկազմակերպի միջոցառումների շարք նվիրված Հուշարձանների միջազգային օրվան:

 

Թատրոններ

 

Երևանի քաղաքապետարանի ենթակայությամբ գործում է 3 թատրոն Հր.Ղափլանյանի անվան դրամատիկական, Պատանի հանդիսատեսի և «Մհեր Մկրտչյան» արտիստական թատրոնները:

 

Հիմնախնդիրներ

1. մատուցվող ծառայությունների որակի բարելավում

2. նոր ստեղծագործություններով խաղացանկի համալրում

3. երիտասարդ ստեղծագործական ներուժի ընդգրկում

2014 թվականին նախատեսվող աշխատանքներ

Թատրոնների խաղացանկերը համալրելու նպատակով նախատեսվում է բեմադրել 910 նոր ներկայացում:

 

Երաժշտական և արվեստի դպրոցներ

 

Երաժշտական, արվեստի և կերպարվեստի դպրոցներն իրականացնում են արտադպրոցական գեղագիտական դաստիարակություն, նախնական մասնագիտական կրթություն. նախապատրաստում են օժտված և տաղանդավոր երեխաներին միջին և բարձրագույն ուսումնական հաստատություններում ուսումը շարունակելու համար:

Երևան քաղաքում գործում է երաժշտական, արվեստի և կերպարվեստի 26 դպրոց:

 

Հիմնախնդիրներ

1. երաժշտական և արվեստի դպրոցների շենքերի հիմնանորոգում

2. հաշմանդամ և ծնողազուրկ երեխաների, բազմազավակ և անապահով ընտանիքների երեխաների ընդգրկվածության մեծացման նպատակով կրթական և սոցիալական ծրագրերի ընդլայնում

2013 թվականին իրականացված աշխատանքներ

Երաժշտական, արվեստի և կերպարվեստի դպրոցների լավագույն սաները մասնակցել են միջազգային և հանրապետական մրցույթների, փառատոների, ինչպես նաև ցուցահանդեսների ցուցաբերելով լավագույն արդյունքներ: Մայրաքաղաքի երաժշտական և արվեստի դպրոցներում անցկացվում է ամենամյա մրցույթ-փառատոն, որին մասնակցում են երաժշտական և արվեստի դպրոցների աշակերտները:

2012թ. Ֆրանկոֆոն քաղաքապետերի միջազգային ասոցիացիայի կողմից «Ա.Սպենդիարյանի անվան երաժշտական մասնագիտական դպրոց» և «Ղ.Սարյանի անվան արվեստի դպրոց» ՀՈԱԿ-ներին հատկացվել է 11000-ական եվրո: Ծրագրով նախատեսված աշխատանքները ավարտել են 2013 թվականին:

Մայրաքաղաքի երաժշտական և արվեստի դպրոցներում ջեռուցման համակարգերի տեղադրման ծրագրի շրջանակում 2013թ. ավարտվել է դպրոցների ջեռուցման ծրագիրը:

2014 թվականին նախատեսվող ծրագրեր

Երաժշտական և արվեստի դպրոցներում նախատեսվում է համերգների, հանրապետական ու միջազգային մրցույթների և փառատոների կազմակերպում և մասնակցություն: ՈՒսումնական տարվա վերջում կազմակերպվում է երաժշտական և արվեստի դպրոցների մրցույթ-փառատոն: Արամ Խաչատրյանի տուն-թանգարանում անցկացվում է Ա.Խաչատրյանի անվան պատանի ստեղծագործողների ամենամյա ստուգատես-փառատոն:

2014թ. նախատեսվում է 4 երաժշտական և արվեստի դպրոցներում իրականացնել վերանորոգման և հիմնանորոգման աշխատանքներ:

 

Մշակույթի տներ և գեղագիտական կենտրոններ

 

Երևանի քաղաքապետարանի ենթակայությամբ գործում է 14 մշակույթի տուն և գեղագիտական կենտրոն: Գործում է 244 խմբակ, որտեղ ընդգրկված է 5465 մարդ:

 

Հիմնախնդիրներ

1. մշակույթի օջախների շենքային պայմանների բարելավում

2. հիմնանորոգում և ընթացիկ նորոգում

2013 թվականին իրականացված աշխատանքներ

2013թ. կազմակերպվել է Երևանի մանկապատանեկան ստեղծագործության քաղաքային կենտրոնի 90-ամյակին նվիրված միջոցառումների շարք: Մշակույթի տներում, ստեղծագործական և գեղագիտական կենտրոններում կազմակերպվել են համերգներ, ցուցահանդեսներ և մի շարք միջոցառումներ նվիրված պետական, ազգային տոներին:

2014 թվականին իրականացված աշխատանքներ

Հաշմանդամ, ծնողազուրկ, բազմազավակ և անապահով ընտանիքների երեխաների ընդգրկվածության մեծացման նպատակով նախատեսվում է կրթամշակութային և սոցիալական ծրագրերի իրականացում, տարբեր սոցիալական խմբերի համար մշակութային ծրագրերի մշակում և ընդլայնում:

2014թ. նախատեսվում է հիմնանորոգել 3 մշակույթի տուն և գեղագիտական կենտրոն:

 

Այլ մշակութային կազմակերպություններ

 

Երևանի քաղաքապետարանի ենթակայությամբ գործում են «Հայաստանի փոքրիկ երգիչներ», «Յու. Բախշյանի անվան մանկական ֆիլհարմոնիա», «Երևան» փողային նվագախումբ» ՀՈԱԿ-ները և «Հայ-Արտ» մշակութային կենտրոն» ՓԲԸ-ն:

Մանկական ֆիլհարմոնիաները միավորում են երաժշտական, արվեստի դպրոցների երաժշտական բացառիկ ընդունակություններով օժտված երեխաներին, օժանդակում են գործող երաժշտական և արվեստի դպրոցներում լավագույն ուժերի բացահայտմանը և նրանց ունակությունների զարգացմանը:

 

Հիմնախնդիրներ

1. շենքային պայմանների բարելավում

2. հիմնանորոգում և ընթացիկ նորոգում

2013 թվականին իրականացված ծրագրեր

«Հայաստանի փոքրիկ երգիչներ» մանկական ֆիլհարմոնիան մասնակցել է միջազգային մրցույթների և փառատոների, նվաճել մրցանակային տեղեր:

2013թ. Յու.Բախշյանի անվան մանկական ֆիլհարմոնիան մասնակցել է Ղրիմում կայացող Սևծովյան տնտեսական համագործակցության երկրների մանկական ստեղծագործության փառատոնին և արժանացել է մրցանակների:

«Հայ-Արտ» մշակութային կենտրոն» ՓԲԸ-ում կազմակերպվել են միջոցառումներ, ցուցահանդեսներ, ֆիլմերի դիտումներ, մշակութային գործիչներին նվիրված երեկոներ:

2013թ. իրականացվել է «Հայ Արտ» մշակութային կենտրոնի վերանորոգման աշխատանքները:

2014 թվականին նախատեսվող ծրագրեր

Նախատեսվում է ապահովել վերոնշյալ կազմակերպությունների մասնակցությունը համերգների, փառատոների, ցուցահանդեսների ինչպես Հայաստանում, այնպես էլ արտերկրում:

 

Երևանի կենդանաբանական այգի

 

Հայաստանի Հանրապետության միակ կենդանաբանական այգին գործում է Երևանի քաղաքապետարանի ենթակայությամբ: Այգու նպատակը վայրի կենդանիների պահպանումն է, վերացող կենդանիների բազմացումն ու ցուցադրումը: Այգում յուրաքանչյուր տարի ավելանում է ինչպես կենդանիների տեսականին, այնպես էլ գլխաքանակը: Ավելացումը տեղի է ունենում բնական աճի, նոր կենդանիների ձեռքբերման և փոխանակման հաշվին: Այգին նաև զբոսանքի վայր է, որը հնարավորություն է ընձեռում այցելուներին ծանոթանալու վայրի բնաշխարհին, իրականացնում է մշակութային-լուսավորչական գործառույթ այցելուներին տալիս է ինչպես բնապահպանական դաստիարակություն, այնպես էլ ձևավորում է շրջակա միջավայրի նկատմամբ հոգատար և մարդասիրական վերաբերմունք:

 

Հիմնախնդիրներ

1. նոր ազատավանդակների կառուցում և տարածքի ընդլայնում

2. ամբողջ մակերեսով էլեկտրական ցանցի համակարգի կառուցում

Կենդանաբանական այգու վերակառուցման ծրագիր 2013 թվականին իրականացված աշխատանքներ

Ծրագրի շրջանակում իրականացվել են բարեկարգման և նորոգման աշխատանքներ: Մասնավորապես, կառուցվել են սիրամարգերի ամառային ազատավանդակները, թռչունների լճի աստիճանավանդակը և շվաքարանը, գայլերի և վագրերի ճաղավանդակների արգելապատնեշները, բորենու, արջերի, գայլերի և վագրերի նոր ազատավանդակները, կրիաների ազատավանդակը, զոոկլինիկան, վերանորոգվել և հիմնանորոգվել են փղի ձմեռանոցը, վիվարիումի շենքը, գետաձիու ձմեռանոցի հատակը, ցանկապատվել է գիշատիչ թռչունների մեծ ազատավանդակը, ընդլայնվել է մուֆլոնի տարածքը և ցանկապատվել է էլեկտրահովիվով:

Շինարարական աշխատանքներ են ընթացել վարչական շենքերում, կատարվել են ջրագծերի, ջրային համակարգերի և կոյուղիների, ջեռուցման անցկացման աշխատանքներ, կանաչապատվել և ստեղծվել են հանգստյան գոտիներ, կատարվել են անվտանգության համակարգի շինարարական աշխատանքներ:

Գործարկվել է նոր վեբ-կայքը, թողարկվում է «Զու» ամսագիրը, բնապահպանական թեմաներով երեխաների համար կազմակերպվել են մի շարք մրցույթներ:

2014 թվականին նախատեսվող աշխատանքներ

Կենդանաբանական այգու վերակառուցման ծրագիրը կրելու է շարունակական բնույթ և ուղղված է լինելու առկա հիմնախնդիրների լուծմանը: 2014թ. նախատեսվում է իրականացնել առյուծների ազատավանդակի կառուցում:

Ծրագրի իրականացման արդյունքում մայրաքաղաքում կունենանք արդի չափանիշներին համապատասխան կենդանաբանական այգի:

 

ՖԻԶԻԿԱԿԱՆ ԿՈՒԼՏՈՒՐԱ ԵՎ ՍՊՈՐՏ

 

Երևան քաղաքում տեղակայված են մարզական 4 միություն և 12 ակումբ, 14 լողավազան, ֆուտբոլի 11 մարզադաշտ, թենիսի 24 դաշտ, 3 հրաձգարան, 5 ստադիոն, 37 մարզադահլիճ, 1 նետաձգարան, 1 աթլետիկական մանեժ, 1 հեծանվահրապարակ, թիավարության ու վինդսերֆինգի 3 ջրամբար, մարզամշակութային 2 կենտրոն, հավաքական թիմերի ուսումնամարզական 1 կենտրոն, 1 ձիարշավարան, բազմագործառութային 50 փոքր դաշտ, շուրջ 120 պարզ տիպի մարզահրապարակ և 52 մարզադպրոց:

Երևան քաղաքում նշանակալի մարզական կառույցներ են «Մարզահամերգային համալիրը, «Հրազդան» և «Հանրապետական» ստադիոնները, Տ.Պետրոսյանի անվան շախմատիստի կենտրոնական տունը:

Երևանում գործում են Երևան քաղաքի ֆեդերացիաներ աթլետիկա և վոլեյբոլ մարզաձևերից:

Յուրաքանչյուր տարի անցկացվում են Երևան քաղաքի առաջնություններ 40 մարզաձևերի և 4 զանգվածային լայնամասշտաբ միջոցառում (յուրաքանչյուր եռամսյակում մեկ միջոցառում), առողջարարական ու երիտասարդական 5 միջոցառում, Երևանի քաղաքապետի մրցանակների համար 4 միջոցառում ու Երևանի քաղաքապետի փոխանցիկ գավաթի համար յոթ մարզաձևերից կազմված 1 բակային փառատոն:

 

Հիմնախնդիրներ

1. առկա մարզաբազաների հիմնանորոգում

2. «Երևանի գեղասահքի և տափօղակով հոկեյի մանկապատանեկան մարզադպրոց» ՀՈԱԿ-ն ունի հիմնանորոգման խիստ անհրաժեշտություն

3. համայնքի ենթակայության մարզադպրոցները կարիք ունեն մասնագիտական և սպասարկող անձնակազմի հաստիքների ավելացման

4. մայրաքաղաքում մարզական ոլորտի միասնական կառավարման քաղաքականության մշակում

5. նոր մարզաբազաների կառուցում և ժամանակակից մարզագույքով ապահովում

2013 թվականին իրականացված աշխատանքներ

2013թ. անցկացվել են մարզաառողջարարական շարունակական աշխատանքներ Երևանի զբոսայգիներում, ինչպես նաև մարզաառողջարարական ու ճանաչողական հետիոտն արշավներ ՀՀ մարզեր ու ԼՂՀ:

Իրականացվել են Երևան քաղաքի առաջնություններ աթլետիկա, շաշկի, շախմատ, ռենձյու, վոլեյբոլ, հանդբոլ, բասկետբոլ, բռնցքամարտ, ըմբշամարտ, ձյուդո, առագաստային սպորտ, հրաձգություն, բադմինթոն, ակրոբատիկ, գեղարվեստական և սպորտային մարմնամարզություններ և այլ մարզաձևերից, պարալիմպիկ սպարտակիադա հաշմանդամ մարզիկների մասնակցությամբ:

Երեխաների իրավունքների պաշտպանության միջազգային օրվան նվիրված մարզահամերգային տոնահանդես է կազմակերպվել 12 վարչական շրջաններում հաղթած մանկապարտեզների թիմերի մասնակցությամբ:

Երևանի քաղաքապետի փոխանցիկ գավաթի համար «Առողջ սերունդ պաշտպանված հայրենիք» համաքաղաքային բակային ավանդական փառատոնը ընդգրկել է ֆուտբոլ, վոլեյբոլ, բասկետբոլ, հանդբոլ, մարզատրամաբանական խաղեր, հեծանվավազք մարզաձևերը, որին մասնակցել են Երևանի 12 վարչական շրջանների թիմերը:

Անցկացվել է «Երևանի մեծ մրցանակ» հեծանվավազքի միջազգային մրցաշար և ըմբշամարտի Ռուդոլֆ ու Եղիշե Կարապետյանների միջազգային հուշամրցաշարը:

Կազմակերպվել և անցկացվել է ՀՀ նախագահի մրցանակի համար «Լավագույն մարզական ընտանիք» մարզական ստուգատեսի երևանյան փուլը, հաղթողները մասնակցել են հանրապետական եզրափակիչ փուլին:

2014թ. նախատեսվում է Երևանի բակերում պարզ տիպի խաղահրապարակների և արհեստական խոտածածկով մարզադաշտերի կառուցում:

Երևանի 25 մարզադպրոցներից 4-ը կապահովվեն ժամանակակից մարզագույքով և կստանան «Ավագ մարզադպրոց» ՀՈԱԿ-նի կարգավիճակ («Խաղային», «Մենապայքարային», «Զանգվածային» և «Մարզատրամաբանական»):

Նախատեսվում է Հրազդանի կիրճի «Հրազդան» մարզադաշտից «Հաղթանակի» կամուրջ ընկած հատվածում խաղային մարզաձևերի խաղահրապարակներով, թիավարության ջրուղով, ժայռամագլցման ուղիով և այլ ենթակառուցվածքներով մարզաառողջարարական համալիր կենտրոնի կառուցման նպատակով նախագծանախահաշվային փաստաթղթերի պատրաստում:

Կկազմակերպվի Երևանի քաղաքապետի գավաթի համար միջազգային մրցաշար մեկ մարզաձևից:

Կկազմակերպվեն ուսումնամարզական հավաքներ բարձրակարգ մարզաբազաներում հանրապետական և միջազգային մրցաշարերին երևանցի մարզիկների և Երևանի թիմերի նախապատրաստման համար:

Կապահովվի Համահայկական ձմեռային առաջին խաղերին երևանցի մարզիկների մասնակցությունը:

Նախատեսվում է «Առողջ սերունդ պաշտպանված հայրենիք» համաքաղաքային բակային ավանդական փառատոնի վերածում միջազգայինի համագործակցելով Երևանի քույր քաղաքների հետ:

Հանրապետական, միջազգային մրցաշարերում, Եվրոպայի ու աշխարհի առաջնություններում և օլիմպիական խաղերում բարձր արդյունքներ ցուցաբերած երևանցի մարզիկները կխրախուսվեն:

Կիրականացվեն Երևանի գեղասահքի և տափօղակով հոկեյի մանկապատանեկան մարզադպրոց» ՀՈԱԿ-ի մարզաբազայի հիմնանորոգման աշխատանքներ:

Նախատեսվում է Երևան քաղաքում մարզաբազաների կառուցման համար անհրաժեշտ նախագծանախահաշվային փաստաթղթերի կազմում:

 

Երիտասարդության հետ տարվող աշխատանքներ

 

Երիտասարդության հարցերի ոլորտի միակ իրավական նորմատիվային փաստաթուղթը «Պետական երիտասարդական քաղաքականության հայեցակարգն» է, որը սահմանում է քաղաքականության սկզբունքները, սուբյեկտները, իրականացման նպատակներն ու ուղղությունները: Մայրաքաղաքի երիտասարդական կյանքի զարգացման գործում ակտիվ մասնակցություն ունեն հասարակական կազմակերպությունները, բուհերի ուսանողական խորհուրդները: ՀՀ արդարադատության նախարարությունում գրանցված ՀԿ-ների հիսուն տոկոսը երիտասարդական են կամ զբաղվում են երիտասարդության խնդիրներով, դրանց մեծամասնությունը գործում են Երևան քաղաքում:

Երևանի քաղաքապետին կից երիտասարդության հարցերի խորհուրդ Երևանի քաղաքի ավագանու 2013 թվականի սեպտեմբերի 10-ի հ.46-Ն որոշմամբ ստեղծվել է Երևանի քաղաքապետին կից երիտասարդության հարցերի խորհուրդը: Խորհրդի խնդիրներն են.

. համայնքի բնակիչների, հասարակական կազմակերպությունների, միավորումների, ինչպես նաև քաղաքացիական հասարակության այլ ինստիտուտների ներգրավմամբ տվյալ ոլորտում հանրային կարևորության խնդիրների վերհանումը, դրանց վերաբերյալ կարծիքի (առաջարկ, եզրակացություն) տրամադրումը Երևանի քաղաքապետին,

. համայնքի բնակիչների, քաղաքացիների, հասարակական կազմակերպությունների, միավորումների առաջարկությունների ուսումնասիրումը, քննարկումը և դրանց վերլուծության հիման վրա կարծիքի (առաջարկ, եզրակացություն) տրամադրումը Երևանի քաղաքապետին:

. տվյալ ոլորտի կառավարման նկատմամբ հասարակական վերահսկողության իրականացումը:

Երևանի քաղաքապետարանում ստեղծվել է երիտասարդական կենտրոն սեմինարներ, քննարկումներ և այլ միջոցառումներ անցկացնելու համար անհրաժեշտ պայմաններով: Գործում է «Ընթերցասերի ակումբ», «Բանավեճի ակումբ», ծրագրերի մշակման հանձնախումբ, PR հանձնախումբ և այլն:

Երևանի քաղաքապետարանը Հայաստանի հաշմանդամների «Փյունիկ» միության հասարակական կազմակերպության հետ համատեղ 2014 թվականի օգոստոս-սեպտեմբեր ամիսներին կազմակերպել են Երևան քաղաքի սպարտակիադա 2 փուլով 12-18 տարեկան հաշմանդամություն ունեցող անձանց մասնակցությամբ: Հաշմանդամների միջազգային օրվա կապակցությամբ կազմակերպվել է հաշմանդամություն ունեցող անձանց գեղանկարների և ձեռքի աշխատանքների ամենամյա ցուցահանդես Երևանի քաղաքապետարանի ճեմասրահում:

 

Հիմնախնդիրներ

1. մայրաքաղաքում գործող երիտասարդական հասարակական կազմակերպությունների, հաշմանդամ երիտասարդներին աջակցող կազմակերպությունների, ուսանողական խորհուրդների, սփյուռքի և հանրապետության մարզերի երիտասարդական կազմակերպությունների, ինչպես նաև միջազգային երիտասարդական կառույցների հետ արդյունավետ համագործակցության ծավալում

2014 թվականին նախատեսվող աշխատանքներ

Երիտասարդների իրազեկվածության բարձրացման, աշխատանքային, սոցիալական խնդիրների ուսումնասիրման, առաջարկությունների, ծրագրերի քննարկման, տեղեկատվության տրամադրման նպատակով Երևանի բուհերի ուսանողական խորհուրդների, երիտասարդական հասարակական կազմակերպությունների ներկայացուցիչներից կկազմվեն աշխատանքային խմբեր:

Նախատեսվում է Երևանի վարչական շրջաններում երիտասարդական կենտրոնների հիմնում:

Հաշմանդամ երիտասարդներին հասարակությանը ինտեգրման գործընթացը ակտիվացնելու նպատակով շարունակական աշխատանքներ կիրականացվեն երիտասարդներին աջակցող կազմակերպությունների հետ:

Մայրաքաղաքի երիտասարդության շրջանում առողջ ապրելակերպի խթանմանն ուղղված կկազմակերպվեն զանգվածային մշակութային, մարզական միջոցառումներ:

Նախատեսում է տաղանդավոր երիտասարդների ստեղծագործական ցուցահանդեսների, համերգների կազմակերպում:

Կկազմակերպվեն միջոցառումներ Երևանի, քույր քաղաքների և Հայաստանի Հանրապետության այլ համայնքների երիտասարդների մասնակցությամբ:

 

ԵՐԵԽԱՆԵՐԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ՈԼՈՐՏ

 

Երեխաների իրավական պաշտպանության ամրապնդումն ամրագրված է Հայաստանի Հանրապետության օրենսդրությամբ և միջազգային փաստաթղթերով:

Հայաստանում գործում է երեխաների իրավունքների պաշտպանության եռաստիճան համակարգ ազգային, մարզային և համայնքային: Բոլոր 3 մակարդակները փոխկապակցված են իրենց մանդատներով, լիազորությունների և պարտավորությունների կոնկրետ շրջանակով:

Երևան քաղաքում գործում է 3 մանկատուն, այդ թվում 1 բարեգործական: Գործում է 7 հատուկ դպրոց, 4 հատուկ կրթահամալիր և երեխաների խնամքի և պաշտպանության 2 գիշերօթիկ հաստատություն:

 

Հիմնախնդիրներ

1. երեխաների շրջանում թափառաշրջիկության և մուրացկանության երևույթի կրճատում

2. կյանքի դժվարին իրավիճակներում գտնվող երեխաներին ուղղված բազմամասնագիտական ծառայությունների զարգացում, սոցիալական հոգածության ցերեկային կենտրոնների ցանցի ընդլայնում

3. հատուկ դպրոցների, երեխաների գիշերօթիկ խնամքի և պաշտպանության հաստատությունների և մանկատների հնարավոր բեռնաթափում:

2013 թվականին իրականացված աշխատանքներ

Շարունակական բնույթ է կրում կյանքի դժվարին իրավիճակներում գտնվող երեխաների տվյալների մուտքագրումը «Նորք» տեղեկատվական-վերլուծական կենտրոնի կողմից իրականացվող էլեկտրոնային ծրագրում:

Աշխատանքներ են իրականացվել կրթությունից դուրս մնացած երեխաների հայտնաբերման և նրանց կրթական համակարգում ընդգրկելու ուղղությամբ:

ՀՀ ոստիկանության քրեական հետախուզության գլխավոր վարչության անչափահասների իրավունքների պաշտպանության և ընտանեկան բռնության դեմ պայքարի վարչության հետ համատեղ իրականացվել են աշխատանքներ ուղղված Երևան քաղաքում մուրացիկ, թափառաշրջիկ երեխաների հայտնաբերմանը, անչափահասների կողմից իրավախախտումների կանխարգելմանը, ինչպես նաև կազմակերպվել է ֆուտբոլի մրցաշար Հանրապետական հ.1 կրթահամալիրի սաների և ոստիկանության անչափահասների գործերով տեսուչների միջև:

«Երևան Սիթի Տուր» ծրագրի շրջանակում կազմակերպվել է անչափահաս իրավախախտների այցելությունը Երևանի պատմության թանգարան և մայրաքաղաքի տեսարժան վայրեր:

Վարքային խնդիրներ ունեցող, հակասոցիալական վարք դրսևորած երեխաների տեղավորման, նրանց ընտանիքներին աջակցության նպատակով իրականացվել են այցեր, Հանրապետական թիվ 1 կրթահամալիրում կազմակերպվել են կլոր-սեղան քննարկումներ:

Մշակվում և իրականացվում են գենդերային քաղաքականության և ընդդեմ գենդերային բռնության տարեկան միջոցառումների ծրագրեր:

2013թ. հունիսի 1-ին երեխաների պաշտպանության միջազգային օրվա կապակցությամբ իրականացվել են տարաբնույթ միջոցառումներ

. «Փրկություն» հասարակական կազմակերպության շահառուների մասնակցությամբ կազմակերպվել է հաշմանդամություն ունեցող երեխաների համար ձեռքի և նկարչական աշխատանքների ցուցադրություն, որի ընթացքում մասնակիցներին տրվել են խրախուսական նվերներ:

. Կազմակերպվել են այցելություններ «Սուրբ Աստվածամայր» և «Գրիգոր Լուսավորիչ» ծննդատներ և եռյակ երեխաներ ունեցած լիբանանահայ մի ընտանիք: Հունիսի 1-ի առիթով տրամադրվել են նվերներ:

2013թ. հունիսի 13-ին «Նագաշյան մանուկների տուն» երեխաների աջակցության կենտրոնում տեղի է ունեցել «Մենք ենք մեր երկրի ապագան» խորագրով մշակութային միջոցառում և ինտելեկտուալ վիկտորինա: Երևանի քաղաքապետի կողմից երեխաներին հանձնվել են հուշանվերներ (Երևանի մասին գրքեր):

2013թ. հուլիս-օգոստոս ամիսներին Երևանի 12 վարչական շրջաններում կազմակերպվել են բակային միջոցառումներ և ճամբարներ:

2014 թվականին նախատեսվող աշխատանքներ

2014թ. շարունակական բնույթ են կրելու առանց ծնողական խնամքի մնացած երեխաների հայտնաբերման, հաշվառման, կարիքների գնահատման, վերականգնողական ծրագրերի կազմման և ՀՀ օրենսդրությամբ սահմանված արտոնությունների տրամադրման ապահովման աշխատանքները:

Աշխատանքներ կիրականացվեն հատուկ դպրոցների երեխաների խնամքի և պաշտպանության գիշերօթիկ հաստատությունների և մանկատների հնարավոր բեռնաթափման ուղղությամբ: Այդ նպատակով աջակցություն կցուցաբերվի խնամատարության ինստիտուտի կայացմանը:

Սոցիալական ծանր պայմաններից ելնելով մանկատներ, գիշերօթիկ խնամքի հաստատություններ, հատուկ դպրոցներ տեղավորված երեխաների ընտանիքների համար կկազմակերպվի նպատակային օգնություն սոցիալական վիճակի բարելավման, ընտանեկան խնդիրների լուծման, աշխատանքով ապահովման, առողջական խնդիրների կարգավորման, իրավական խորհրդատվության միջոցով:

Վարչական շրջանների խնամակալության և հոգաբարձության հանձնաժողովների, բուժհաստատությունների և շահագրգիռ այլ կառույցների հետ համատեղ կշարունակվեն միջոցառումներ իրականացնել մանկալքության դեպքերը կանխելու համար:

Ընտանիքի, կանանց և երեխաների հիմնախնդիրների լուծմանն ուղղված ծրագրեր կմշակվեն և միջոցառումներ կիրականացվեն միջազգային և տեղական հասարակական կառույցների և կազմակերպությունների հետ, կկազմակերպվեն սեմինարներ, կլոր սեղաններ, գործնական քննարկումներ:

2014թ. նախատեսվում է կազմակերպել

. ամանորյա միջոցառումներ հատուկ կարիքներ ունեցող երեխաների համար

. ֆուտբոլի մրցաշար Երևան քաղաքի հատուկ դպրոցների սաների համար

. միջոցառումներ Երեխաների պաշտպանության միջազգային օրվա կապակցությամբ:

 

ՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ

 

Երևանի քաղաքապետարանը համագործակցում է արտերկրի ավելի քան 50 քաղաքների հետ և անդամակցում 7 միջազգային կազմակերպություններին` ունենալով լայն պայմանագրային դաշտ և համատեղ իրականացվող ծրագրեր:

2013 թվականին իրականացված աշխատանքներ

2013թ. ընդլայնվել կամ նոր գործընկերային հարաբերություններ են հաստատվել եվրոպական, ասիական և ԱՊՀ տասնյակ քաղաքների և տարբեր կազմակերպությունների հետ` ԱՊՀ մայրաքաղաքների և խոշոր քաղաքների Միջազգային Ասամբլեայի, Ֆրանսախոս քաղաքների քաղաքապետերի միջազգային ասոցիացիայի (AIMF), Միջազգային քաղաքային համայնքների Լուսավորում ասոցիացիայի (LUCI), Եվրոպական քաղաքների ասոցիացիայի (EUROCITIES), Եվրոպական Հանձնաժողովի կողմից իրականացվող CIUDAD ծրագրի GOSPEL ենթածրագրի, Եվրոպական խորհրդի տեղական և տարածքային իշխանությունների Կոնգրեսի, «Ստրասբուրգի բարեկամ քաղաքների ակումբի», Համաշխարհային ժառանգության քաղաքների կազմակերպության և այլն: Երևանը նույնպես միացել և միանում է տարբեր ուղղվածություն ունեցող միջազգային նախաձեռնություններին և հռչակագրերին:

Երևանը նույնպես միացել և միանում է տարբեր ուղղվածություն ունեցող միջազգային նախաձեռնություններին և հռչակագրերին:

Համագործակցությունը ընթանում է առևտրատնտեսական, գիտատեխնիկական, հումանիտար ոլորտներում:

Առավել ակտիվացել են փոխհամագործակցությունը հարևան Իրանի Իսլամական Հանրապետության քաղաքների հետ:

Ակտիվացել են նաև փոխհամագործակցությունը Ֆրանսիայի մի շարք քաղաքների հետ մասնավորապես Մարսելի, Փարիզի, Լիոնի, Նիցցայի, Պլեսի- Ռոբինսոնի և Իլ դը Ֆրանսի շրջանային խորհրդի հետ:

Երևանի քաղաքապետարանն իրականացնում է Եվրոպական Միության կողմից ֆինանսավորվող CIUDAD (Քաղաքային զարգացման և երկխոսության համագործակցություն) ծրագրի GOSPEL (Սպորտի կառավարումը որպես սոցիալական կապ) ենթածրագիրը:

2013թ. մարտի 8-10-ը Բուխարեստի քաղաքապետ Ս. Օպրեսկուի գլխավորած պատվիրակությունը գտնվում էր Երևանում` երկկողմ համագործակցության հարցերը քննարկելու նպատակով: Այցի ընթացքում ստորագրվեց Մտադրությունների արձանագրություն:

2013թ. հունիսի 24-26-ը Երևանի քաղաքապետի գլխավորած պատվիրակությունը պաշտոնական այցով գտնվում էր Վարշավայում` Հայկական պուրակի և խաչքարի բացման արարողությանը մասնակցելու նպատակով: Այցի ընթացքում ստորագրվել է Մտադրությունների հուշագիր:

2013թ. հուլիսի 1-7-ը Երևան և Լիոն քաղաքների միջև ձևավորված համագործակցության շրջանակներում Երևան էր ժամանել Լիոնի պատվիրակությունը Մեծ Լիոնի ապակենտրոնացված համագործակցության և միջազգային համերաշխության հարցերով փոխնախագահ Հյուբեր Ժուլիեն Լաֆֆերիերի գլխավորությամբ: Աշնանը նախատեսվող սեմինարի նախապատրաստական աշխատանքները քննարկելու նպատակով պատվիրակության կազմում ընդգրկված ճարտարապետ-քաղաքաշինարարները հանդիպել են Երևան քաղաքի գլխավոր ճարտարապետի հետ: Փորձի փոխանակման նպատակով հանդիպում-քննարկումներ են տեղի ունեցել Երևան քաղաքի ճարտարապետության, քաղաքաշինության և տրանսպորտի ոլորտների մասնագետների հետ:

2013թ. հուլիսի 3-5-ը անցկացվեցին Երևանի օրերը Սանկտ-Պետերբուրգում: 2013թ. հուլիսի 5-9-ը Երևանի քաղաքապետի գլխավորած պատվիրակությունը պաշտոնական այցով գտնվում էր Ռիգայում` մշակութային միջոցառումներին մասնակցելու և երկկողմ համագործակցության հարցեր քննարկելու նպատակով: Այցի ընթացքում ստորագրվել է եղբայրացման մասին համաձայնագիր:

2013թ. հոկտեմբերի 11-ին Երևանում անցկացվեց Եվրոպայի խորհրդի անդամ պետությունների մայրաքաղաքների կոնֆերանս:

2013թ. հոկտեմբերի 15-18-ը Ֆրանսիայի Վալանս քաղաքում գումարվեց Հայ-ֆրանսիական երկրորդ ապակենտրոնացված համաժողովը, որին ակտիվ մասնակցություն ունեցավ Երևանի քաղաքապետարանը:

2013թ. հոկտեմբերի 24-26-ը կայացավ Մարսելի քաղաքապետի պաշտոնական այցը Երևան, որի ընթացքում վերաստորագրվեց համագործակցության համաձայնագիրը:

2013թ. Երևանի քաղաքապետարանը ակտիվ մասնակցել է «Եվրոսիթիս» ասոցիացիայի աշխատանքներին, ինչպես նաև Եվրամիության կողմից ֆինանսավորվող ծրագրերին: Մասնավորապես, Եվրոպական Միության կողմից ֆինանսավորվող CIUDAD (Քաղաքային զարգացման և երկխոսության համագործակցություն) ծրագրի GOSPEL (Սպորտի կառավարումը որպես սոցիալական կապ) ենթածրագրով վերանորոգվել է Շենգավիթ վարչական շրջանի հ.52 դպրոցի բազմաֆունկցիոնալ մարզադաշտը:

2013թ. Երևանի քաղաքապետարանի և Ստեփանակերտի քաղաքապետարանի միջև 2012-2014թթ. համագործակցության ծրագրի շրջանակում կազմակերպվել են մասնագետների փոխայցելություններ:

2013թ. նոյեմբերի 14-16-ը Փարիզում տեղի է ունենալու Ֆրանսախոս քաղաքապետերի միջազգային ասոցիացիայի 33-րդ գլխավոր ասամբլեան, որին կմասնակցի Երևանի քաղաքապետի գլխավորած պատվիրակությունը:

2013թ. նոյեմբերի 26-29-ը Երևանի քաղաքապետարանի և Մոսկվայի կառավարության միջև կնքած համագործակցության ծրագրի շրջանակում նախատեսվում է Երևանի օրերի անցկացումը Մոսկվայում:

2014 թվականին նախատեսվող աշխատանքներ

2014 թվականին շարունակական բնույթ են կրելու միջազգային և տարածաշրջանային կառույցների հետ համագործակցությունը, տեխնիկական աջակցության տրամադրման ծրագրերի իրականացումը (մշակումը):

Քայլեր կձեռնարկվեն Երևան քաղաքի, ինչպես նաև գործարար միջավայրի և ներդրումային առաջարկների վերաբերյալ տեղեկատվությունը միջազգային ցուցահանդեսներին, գիտաժողովներին ներկայացնելու ուղղությամբ:

Կակտիվացվեն աշխատանքները սփյուռքի կառույցների և ՀՀ դիվանագիտական հաստատությունների հետ քաղաքային տնտեսության զարգացմանն ուղղված ծրագրերի շուրջ: Նպատակային ծրագրեր կիրականացվեն «Համաշխարհային պատմական ժառանգության քաղաքներ» կազմակերպության հետ:

Կկազմակերպվեն Երևան այցելություններ գործընկեր քաղաքների գործարար շրջանակների մասնակցությամբ:

Մայրաքաղաքի տնտեսության զարգացմանն ուղղված նորագույն փորձի ուսումնասիրության նպատակով Երևանի վարչական շրջանների և գործընկեր քաղաքների կամ քաղաքների վարչական շրջանների միջև համագործակցությունը կրելու է շարունակական բնույթ:

Քայլեր կձեռնարկվեն ԱՊՀ և եվրոպական մայրաքաղաքների հետ համագործակցության հաստատման ու ընդլայնման ուղղությամբ: Այս համատեքստում, կապահովվի եղբայրության պուրակների և զբոսայգիների հիմնման շարունակականությունը (2011թ. բացված Լիոնի այգու օրինակով, Բուենոս-Այրեսի այգի, Հնդկաստանի այգի):

Երևանի քաղաքապետարանը կշարունակի համատեղ ծրագրեր իրականացնել «Եվրոսիթիս» ասոցիացիայի շրջանակներում, ինչպես նաև քայլ կձեռնարկվեն Եվրամիության կողմից ֆինանսավորվող ծրագրերին ներգրավման ուղղությամբ:

Շարունակական բնույթ են կրելու Երևանի և Ստեփանակերտի քաղաքապետարանների միջև 2012-2014թթ. համագործակցության ծրագրի շրջանակում անցկացվող միջոցառումները: Նախատեսվում է կազմակերպել Երևանի օրերը Ստեփանակերտում, մշակութային տարբեր միջոցառումներ, մասնագետների փոխայցելություններ:

Երևանի քաղաքապետարանի և Լիոնի քաղաքապետարանի և Մեծ Լիոնի միջև կնքված 2012-2014 համագործակցության համաձայնագրով նախատեսվում է փորձի փոխանակում իրականացնել քաղաքային ծառայությունների, տրանսպորտի, տնտեսության և զբոսաշրջության ոլորտներում: Ֆրանսիական կողմից նոր ծրագիր է առաջարկվել Լիոնի այգու հետագա աշխատանքների վերաբերյալ:

 

ԶԲՈՍԱՇՐՋՈՒԹՅՈՒՆ

 

Երևանում գործում է շուրջ 167 զբոսաշրջային ընկերություն, որից 99-ը` ավիագործակալություն, 55 հյուրանոց և հյուրանոցային տնտեսության օբյեկտներ (հոսթել, զբոսաշրջային տուն և այլն): Հյուրանոցների միաժամանակյա տարողությունը Երևան քաղաքում կազմում է 3223 տեղ (մահճակալ):

Երևանում զբոսաշրջության զարգացումը մեծապես կողմնորոշված է ոլորտի ընդհանուր ենթակառուցվածքով, որի բարելավումը պահանջում է հիմնականում պետական նախաձեռնությամբ ներդրումային ծրագրերի իրականացում:

Կարևորելով Երևան քաղաքի, որպես ՀՀ զբոսաշրջության կենտրոնի դերը մեծ ուշադրություն է դարձվում Երևանը որպես բրենդ աշխարհին հասանելի և ընկալելի դարձնելու անհրաժեշտությունը: Այդ իսկ պատճառով Երևանի քաղաքապետարանի կողմից նախաձեռնվել են մի շարք միջոցառումներ ուղղված քաղաքի բարեկարգմանը և քաղաքային բրենդի ձևավորմանը:

Այս ոլորտում հաջողությունների հասնելու համար մեծածավալ աշխատանքներ են տարվել բնական և մշակութային լանդշաֆտների ներուժը գնահատելու և բացահայտելու ուղղությամբ: Ծրագրի շրջանակում բարեկարգվել են մայրաքաղաքի այգիների և զբոսայգիների տարածքները, որոնք ապահովվել են անվճար wi-fi ծածկույթով: Պատմամշակութային շենք-շինություններին, կամուրջներին և հուշարձաններին տրվել են գեղագիտական լուսավորվածության լուծումներ և տեղադրվել տեղեկատվական եռալեզու ցուցանակներ համապատասխան QR կոդերով: Բարեկարգվել և նորովի գեղարվեստական լուսավորության լուծումներ են տրվել մայրաքաղաքի շատրվաններին: Մայրաքաղաքում ընթացել են լայնածավալ կանաչապատման և դեկորատիվ ծաղկապատման աշխատանքներ:

 

Հիմնախնդիրներ

1. Երևան քաղաքի զբոսաշրջության զարգացման ծրագրի բացակայություն

2. զբոսաշրջիկին անհրաժեշտ տեղեկատվության մատչելիության խնդիր. տուրիստական քարտեզների բացակայություն

3. տեղեկատվական միասնական կենտրոնի (i-pointe-երի)բացակայություն

4. Երևանը Հայաստանի սահմաններից դուրս պատշաճ մակարդակով ներկայացման բացակայություն

5. Երևան քաղաքի զբոսաշրջային ենթակառուցվածքների զարգացում

 

2013 թվականին իրականացված աշխատանքներ

2012թ. դեկտեմբերին Երևանի քաղաքապետարանը անցկացրեց բաց մրցույթ «Երևան քաղաքի զբոսաշրջային տարբերանշանի մշակում» անվանակարգում: Մրցույթի արդյունքները ամփոփվեցին 2013թ. հունիսի 28-ին: Այդ ծրագրի շրջանակում Երևանի քաղաքապետարանը համագործակցել է մարքեթինգային կազմակերպությունների և դիզայներների հետ:

Երևան քաղաքի տարածքային բրենդի մշակում (Yerevan Brand):

Երևանի բրենդավորման նախագիծը, որը կրում է շարունակական բնույթ և իրականացվում է INSTID միջազգային ընկերության կողմից, տարածքային բրենդավորման ծավալուն և լայնամասշտաբ գործընթաց է: Ընկերության ներկայացուցիչը Հայաստանում «Մաևտիկա» բրենդինգային գործակալությունն է: Երևանի բրենդի մշակման աշխատանքները նախատեսված են ավարտել 2013թ. հոկտեմբերին և «Էրեբունի - Երևան» տոնակատարություններին ընդառաջ ներկայացնել հանրությանը:

Նախագծի նպատակը Երևանի առանցքային գաղափարի ձևակերպումն ու մայրաքաղաքի ապագայի տեսլականի մշակումն է ամրապնդված երևանյան կենսակերպի և ավանդույթների յուրահատկություններով: Նախագծի շրջանակում մշակվելու է նաև Երևան քաղաքի արտաքին տեսքի միասնական մոտեցումը, որը հիմք կծառայի քաղաքի ձևավորման հետագա քայլերի համար, Երևանը ճանաչելի կդարձնի արտաքին աշխարհի համար համահունչ մայրաքաղաքի բնակիչների Երևանի մասին ունեցած պատկերացումներին:

2014 թվականին նախատեսվող աշխատանքներ

Երևան քաղաքի զբոսաշրջային գլխավոր պլանի մշակում:

2014թ. կիրականացվեն Երևան քաղաքի զբոսաշրջության հայեցակարգի մշակման աշխատանքներ: Երևան քաղաքի զբոսաշրջային գլխավոր պլանի մշակումն իրենից ներկայացնելու է Երևան քաղաքի զբոսաշրջության զարգացման առաջիկա 3-5 տարիների տեսլականը: Աշխատանքների իրականացման հարցում նախատեսվում է ներգրավել միջազգային փորձագետների, որի շրջանակում նախնական փուլում կանցկացվի հետազոտություն: Արդյունքում կդիտարկվի Երևանի զբոսաշրջային մրցունակության ներուժը, զարգացման միտումներն ու դրան ուղղված քայլերը:

Երևան քաղաքի զբոսաշրջային քարտեզների մշակում և տպագրություն 2014թ. ինչպես ներքին, այնպես էլ ներգնա զբոսաշրջության ծառայությունների առկա մակարդակը բարձրացնելու և տեղեկատվությունը զբոսաշրջիկին մատչելի դարձնելու նպատակով նախատեսվում է կազմակերպել զբոսաշրջային քարտեզների մշակում և տպագրում: Քաղաքային զբոսաշրջային քարտեզը նախատեսվում է անվճար բաժանել թիրախային կետերում (օդանավակայան, հյուրանոցներ, դեսպանատներ, սրճարաններ, ռեստորաններ և այլն):

2014թ. նախատեսվում է կազմակերպել փառատոններ և ցուցահանդեսներ ուղղված Երևանում զբոսաշրջության ակտիվացմանը: Նախատեսվում է միջոցառումներին միջազգային զբոսաշրջային կազմակերպությունների ներկայացուցիչների մասնակցություն և համագործակցություն:

Երևան քաղաքի զբոսաշրջային ենթակառուցվածքների զարգացում 2014թ. շարունակական բնույթ է կրելու «Երևան Սիթի Տուր» քաղաքային զբոսաշրջային պաշտոնական երթուղին: Նախատեսվում է մշակել նոր երթուղիներ և ծրագրեր: Զբոսաշրջային տեղեկատվական միասնական կենտրոնի ստեղծում 2014թ. նախատեսվում է մեկնարկել Երևան քաղաքի զբոսաշրջային տեղեկատվական միասնական կենտրոնի ստեղծման աշխատանքները: Այն զբոսաշրջիկներին կապահովի անհրաժեշտ տեղեկատվությամբ, ինչն էլ կնպաստի քաղաքում կողմնորոշվելուն:

 

ԱՋԱՓՆՅԱԿ ՎԱՐՉԱԿԱՆ ՇՐՋԱՆ

 

Աջափնյակ վարչական շրջանը սահմանակից է Արաբկիր, Դավթաշեն, Կենտրոն, Մալաթիա-Սեբաստիա վարչական շրջաններին: Արտաքին սահմանագծով հարում է Արմավիրի, Արագածոտնի և Կոտայքի մարզերին:

Աջափնյակ վարչական շրջանի տարածքը կազմում է 2582 հա, բնակչությունը 108,8 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. արտաքին լուսավորության ապահովում, ներառյալ չլուսավորվող փողոցներում և տարածքներում

3. հանգստի գոտիների ստեղծում

4. կանաչ տարածքների ընդլայնում

5. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

6. անվտանգ տեղաշարժն ապահովելու համար անցումների ընթացիկ նորոգում և կառուցում

7. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

8. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

9. նոր մարզադպրոցի կառուցում

10. գյուղատնտեսական մթերքների շուկայի կառուցում և արդյունաբերական ապրանքների տոնավաճառի կազմակերպում

11. հարթ և թեք տանիքների վերանորոգում

12. շենքերի խմելու ջրի և կոյուղու ջրագծերի հիմնանորոգում

13. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի և առավել թափանցիկության ապահովում

14. քաղաքաշինական միջավայրի բարելավում և արդյունավետ հողօգտագործման ապահովում

16. Վարչական շրջանի տարածքում չկա գյուղատնտեսական մթերքների շուկա և առևտրաարդյունաբերական ապրանքների տոնավաճառ:

 

Կրթություն, մշակույթ, սպորտ

Աջափնյակ վարչական շրջանի տարածքում գործում է 20 հանրակրթական դպրոց (4 ավագ, 1 միջնակարգ, 15 հիմնական), 3 բուհ, արհեստակցական 1 ուսումնարան, մասնավոր 2 վարժարան, 16 մանկապարտեզ, արտադպրոցական 1 կազմակերպություն` ՄՊՍԿ, 2 երաժշտական դպրոց, 1 արվեստի դպրոց, 2 գեղագիտական դաստիարակության կենտրոն, 1 մշակութային կենտրոն, 1 գրադարանային կենտրոնացված համակարգ (3 մասնաճյուղերով), 1 մանկապատանեկան համալիր մարզադպրոց, 4 գիտահետազոտական ինստիտուտ:

Աջափնյակ վարչական շրջանի մանկապարտեզներում կրթությունն անվճար է: Վարչական շրջանի բոլոր կրթօջախները ջեռուցվում են:

2013 թվականին իրականացված աշխատանքներ

2013 թվականին Աջափնյակ վարչական շրջանում կազմակերպվել են միջոցառումներ նվիրված տոն և հիշատակի օրերին: Անցկացվել են սպորտային միջոցառումներ: Կազմակերպվել են միջմանկապարտեզային մրցույթներ:

2014թ. Աջափնյակ վարչական շրջանում շարունակական բնույթ կկրեն տոն և հիշատակի օրերին նվիրված միջոցառումները:

Առողջ ապրելակերպը խթանելու, ինչպես նաև սպորտը մասսայականացնելու նպատակով 2014թ. կկազմակերպվեն և կանցկացվեն սպորտային միջոցառումներ, մասնավորապես բակային փառատոններ, ավանդական մրցաշարեր:

Առողջապահություն և սոցիալական ապահովություն

Աջափնյակ վարչական շրջանում գործում է հանրապետական նշանակության 6 հիվանդանոց, 2 ամբուլատոր պոլիկլինիկա:

2013 թվականին իրականացված աշխատանքներ

2013 թվականին Աջափնյակ վարչական շրջանի սոցիալապես անապահով 41 ընտանիք պետպատվերի շրջանակում ստացել է բուժսպասարկման միջնորդագրեր: Ամանորի, Սուրբ Զատիկի, Խաղողօրհնեքի և Տարեցների օրվա կապակցությամբ իրականացվել են տոնական ճաշկերույթներ վարչական շրջանում գործող բարեգործական ճաշարանի շուրջ 140 շահառուի և սոցիալապես անապահով ընտանիքների համար:

«Երբ գալիս է սեպտեմբերը» ծրագրի շրջանակում վարչական շրջանի սոցիալապես անապահով ընտանիքների 1-3 դասարանների շուրջ 1300 երեխաների հատկացվել է դպրոցական պայուսակներ և գրենական պիտույքներ:

Նախատեսվում է 2013թ. դեկտեմբերի վերջին սոցիալապես անապահով շուրջ 3500 ընտանիքի տրամադրել ամանորյա սննդի փաթեթներ:

2014 թվականին նախատեսվող աշխատանքներ

2014 թվականին սոցիալապես անապահով բնակիչներին պետպատվերի շրջանակում կապահովվի բուժսպասարկման աջակցություն:

Նախատեսվում է հասարակական կազմակերպությունների հետ համատեղ իրականացնել սոցիալական ծրագրեր ուղղված սոցիալապես խոցելի խմբերի խնդիրների լուծմանը:

Կանցկացվեն միջոցառումներ նվիրված Ամանորին, Սուրբ Զատիկին, Խաղողօրհնեքին և Տարեցների օրվան: Տոնական ճաշկերույթ կկազմակերպվի գործող բարեգործական ճաշարանի շուրջ 140 շահառուների և սոցիալապես անապահով ընտանիքների համար:

Կիրականացվեն Ընտանիքի օրվան, Երեխաների պաշտպանության օրվան նվիրված, Հաշմանդամների միջազգային օրվա առթիվ տարատեսակ միջոցառումներ: Ամանորյա տոների կապակցությամբ առավել կարիքավոր 3500 ընտանիքի կհատկացվի սննդի փաթեթներ:

Շարունակական բնույթ կկրի «Երբ գալիս է սեպտեմբերը» ծրագիրը:

Անհրաժեշտությունից ելնելով 2014 թվականին ֆինանսական աջակցություն կցուցաբերվի սոցիալապես առավել կարիքավոր ընտանիքներին:

Բնակարանային-կոմունալ տնտեսություն և բարեկարգում

Վարչական շրջանի ճանապարհային ցանցը 77.5 կմ է, մակերեսը 1150.0 հազ. քմ: Շրջանի տարածքում հաշվառված են 426 բազմաբնակարան բնակելի շենքեր, որտեղ կան 320 վերելակներ: Հիմնական վերանորոգման կարիք ունի 45 վերելակ, իսկ ընթացիկ վերանորոգման 126 վերելակ:

Աջափնյակ վարչական շրջանում ընդհանուր կանաչ տարածքը կազմում է 685.1 հա: Ոռոգման ցանցի ընդհանուր երկարությունը 37.000կմ է:

2013 թվականին իրականացված աշխատանքներ

Աջափնյակ վարչական շրջանում 2013թ. իրականացվել է 11000քմ ասֆալտապատման աշխատանք: Նորոգվել է բազմաբնակարան բնակելի շենքերի հարթ (6200քմ) և թեք լանջերով տանիքներ:

Վարչական շրջանի բակերում տեղադրվել է 4 լրակազմ մարզագույք և 10 լրակազմ մանկական խաղ:

Գազաֆիկացվել է Աջափնյակ վարչական շրջանի 16 թաղ. հ.հ. 16, 18, 19, 21 և 47 շենքերը, և աշխատանքներն ընթացքի մեջ են հ.հ. 17, 20, 23, 24, 25, 26, 27, 28, 29, 30, 32, 33, 34, 43, 44 և 46 շենքերում:

թվականի ամրացման և վերանորոգման աշխատանքներ են իրականացվել Հալաբյան-Լենինգրադյան փողոցների խաչմերուկում գտնվող գետնանցումում:

Կանաչապատ տարածքների խնամքն ու պահպանությունն ապահովելու համար իրականացվել է 3290գծմ ոռոգման ցանցի վերականգնման աշխատանք: Ստեղծվել է 11.0 հազ. քմ ծաղկային գոտի, կատարվել է 32.0 հազ. քմ գազոնային տարածքների վերանորոգման և պահպանության աշխատանք:

Այգիներ են կառուցվել հետևյալ հասցեներում Շինարարների 31, 35 և 33 շենքերի բակ, Հալաբյան 55շ., Շինարարների 15/1շ. և 15/2շ., Ֆուչիկի 25/2շ. և 27/1շ., Մարգարյան 20/1շ., 20/2շ., Մարգարյան 2 նրբ. 10շ., 12շ., 12Ա շ., Արզումանյան 24շ., 28շ., Էստոնական 4շ., 6շ., Բաշինջաղյան 2 նրբ. 1շ., Հասրաթյան 4շ., Առաքելյան 66շ., 68շ., 70շ., Նազարբեկյան թաղ. 43շ., 44շ.:

2014 թվականին նախատեսվող աշխատանքներ

թվականին բակային տարածքների բարեկարգման աշխատանքների շրջանակում կիրականացվեն բակերի ասֆալտե ծածկույթի ընթացիկ և կապիտալ նորոգման և պահպանման աշխատանքներ (10000քմ):

Նախատեսվում է բարեկարգել շուրջ 13 այգի հետևյալ հասցեներում Հալաբյան 17շ., Հալաբյան 27շ., Շիրազի 26շ. և 28շ., Շիրազի 10շ. և 12շ., Մազմանյան 4շ. և 8շ., Մազմանյան 18շ., Մարգարյան նրբ. 7շ., Մարգարյան 2նրբ. 11շ. և 13շ., Լենինգրադյան 8շ., Արզումանյան 4շ., Սիսակյան 18շ., Շինարարների 33շ. և 35շ., Միրաքյան փողոց Զոհված ազատամարտիկների անվան այգի:

Կիրականացվեն վերելակների նորոգման, շենքերի հարթ (5000 քմ) և թեք (8500 քմ) տանիքների նորոգման աշխատանքներ:

2014 թվականին վարչական շրջանում նախատեսվում է խիտ բնակեցված թաղամասերում, բակային այգիների վերանորոգում, գազոնային տարածքի վերականգնում, ծաղկային տարածության ընդարձակում: Սիզամարգերի մակերեսը կհասցվի 27,5 հա:

 

ԱՐԱԲԿԻՐ ՎԱՐՉԱԿԱՆ ՇՐՋԱՆ

 

Արաբկիր վարչական շրջանը սահմանակից է Աջափնյակ, Ավան, Դավթաշեն, Կենտրոն և Քանաքեռ-Զեյթուն վարչական շրջաններին: Արտաքին սահմանագծով հարում է Կոտայքի մարզին:

Արաբկիր վարչական շրջանի տարածքը կազմում է 1329 հա, բնակչությունը 130,3 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. արտաքին լուսավորության ապահովում, ներառյալ չլուսավորվող փողոցներում և տարածքներում

3. հանգստի գոտիների և ջրավազանների ստեղծում

4. կանաչ տարածքների և ոռոգման ցանցի ընդլայնում

5. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

6. անվտանգ տեղաշարժն ապահովելու համար ստորգետնյա և վերգետնյա անցումների ընթացիկ նորոգում և կառուցում

7. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

8. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

9. հարթ և թեք տանիքների վերանորոգում

10. շքապատշգամբների ընթացիկ և հիմնանորոգում

11. հեղեղատարների վերանորոգում և նորերի կառուցում

12. հենապատերի ընթացիկ և հիմնական նորոգում

13. Դավթաշենի և Քոչար փողոցի կամուրջների հիմնանորոգում

14. տրանսպորտային նոր հանգույցների ստեղծում

15. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի ապահովում և առավել թափանցիկության ապահովում

16. քաղաքաշինական միջավայրի բարելավում և արդյունավետ հողօգտագործման ապահովում

 

Կրթություն, մշակույթ, սպորտ

Արաբկիր վարչական շրջանում գործում է 13 մանկապարտեզ, 21 հանրակրթական դպրոց (4-ը ավագ), 4 մարզադպրոց, 2 գրադարան և 2 երաժշտական դպրոց:

«Երևանի Արաբկիրի համալիր մարզաձևերի մանկապատանեկան մարզադպրոց» ՀՈԱԿ-ը գազաֆիկացված է և հիմնանորոգված, մյուսներն ունեն վերանորոգման կարիք:

Արաբկիր վարչական շրջանի մանկապարտեզներում կրթությունն անվճար է: Վարչական շրջանի բոլոր կրթօջախները ջեռուցվում են:

2013 թվականին իրականացված աշխատանքներ

Արաբկիր վարչական շրջանի «Թիվ 22 մանկապարտեզ» և «Թիվ 30 մանկապարտեզ» ՀՈԱԿ-ները հիմնանորոգվել են: «Թիվ 6 գրադարան» ՀՈԱԿ-ում տեղադրվել է ջեռուցման համակարգ:

Արաբկիր վարչական շրջանում կազմակերպվել են կրթական, մշակութային և սպորտային միջոցառումներ նվիրված տոն և հիշատակի օրերին, ինչպես նաև առողջ ապրելակերպի խթանմանը:

2013թ. իրականացվել է մանկապարտեզներում գույքի արդիականացում և խոհանոցային պարագաների համալրում:

2014 թվականին նախատեսվող աշխատանքներ

2014թ. կրթության, մշակույթի և սպորտի ոլորտում կկազմակերպվեն մշակութային և սպորտային միջոցառումներ նվիրված տոն և հիշատակի օրերին:

Սոցիալական ապահովություն և առողջապահություն

Վարչական շրջանում գործում է 3 պոլիկլինիկա և 5 առողջապահական կազմակերպություն: Գործում են բժշկական ծառայություններ մատուցող այլ կազմակերպություններ, այդ թվում հետազոտական, ակնաբուժական, ատամնաբուժական:

Արաբկիր վարչական շրջանի շուրջ 330 բնակիչ օգտվում է 3 բարեգործական ճաշարաններից` «Արշավիր և Պայծառ Աբրահամյաններ», «Արաբկիր» և «Կարմիր Խաչ»:

Արաբկիր վարչական շրջանում գործում է «Արաբկիր» բարեգործական հիմնադրամը, որն օժանդակում և աջակցում է կարիքավոր ընտանիքներին, զոհված ազատամարտիկների ընտանիքներին, ծնողազուրկ երեխաներին, հաշմանդամներին, բնակչության սոցիալապես անապահով խավերին տրամադրելով դրամական միջոցներ:

2013 թվականին իրականացված աշխատանքներ

2013թ. իրականացվել են բազմաթիվ ծրագրեր սոցիալապես անապահով բնակչությանը, կարիքավոր ընտանիքներին աջակցելու ուղղությամբ:

2013թ. սեպտեմբերի 1-ի կապակցությամբ դպրոցահասակ երեխաներին հատկացվել են գրենական պիտույքներ, կատարվել է կարիքավոր ընտանիքների ուսանողների ուսման վարձի մասնակի փոխհատուցում:

Բարեգործական ճաշարաններում միջոցառումներ են կազմակերպվել նվիրված տոն օրերին: Հայրենական մեծ պատերազմի վետերաններին, զոհված ազատամարտիկների ընտանիքներին դրամական օգնություն է ցուցաբերվել:

Անապահով ընտանիքներին ցուցաբերվել է դրամական և այլ աջակցություն (վառելափայտ, սննդի փաթեթներ):

2014 թվականին նախատեսվող աշխատանքներ

Կշարունակվի համագործակցությունը Կարմիր Խաչի, «Արշավիր և Պայծառ Աբրահամյաններ» բարեգործական հիմնադրամի, Մայր Աթոռ Սուրբ Էջմիածնի հետ բարեգործական ճաշարանների գործունեության ապահովման ուղղությամբ:

Կկազմակերպվի դպրոցահասակ երեխաների ամառային հանգիստը Հայաստանի տարբեր ճամբարներում երեխաներին ապահովելով սննդով, հագուստով և հիգիենայի պարագաներով: Երեխաների ժամանցը և ամառային հանգիստը բակերում կազմակերպելու համար կստեղծվեն բակային ճամբարներ:

Արաբկիր վարչական շրջանում բնակվող անապահով ընտանիքներին, ինչպես նաև սոցիալական խոցելի այլ խմբերին կցուցաբերվի դրամական և նյութական աջակցություն, մասնավորապես ՀՀ տոն և հիշատակի օրերի կապակցությամբ: Կարիքավոր ընտանիքներին կտրամադրվի վառելափայտ:

Սահմանափակ կարողություններով երեխաներին հասարակությանն ինտեգրելու նպատակով համագործակցություն կծավալվի հասարակական կառույցների հետ:

Վարչական շրջանի անօթևաններին ժամանակավոր կացարաններում տեղավորելու ուղղությամբ աշխատանքները կրելու են շարունակական բնույթ:

Անապահով բնակիչներին կտրամադրվեն բուժզննության, բուժման և վիրահատության ուղեգրեր պետպատվերի շրջանակում, կապահովվեն դեղորայքով: Առողջապահական կազմակերպություններում կկազմակերպվեն «Բաց դռների» օրեր:

Բնակարանային-կոմունալ տնտեսություն

Արաբկիր վարչական շրջանում հաշվառված է 692 բազմաբնակարան բնակելի շենք: Բազմաբնակարան շենքերից 392-ը թեք, իսկ 300-ը` հարթ տանիքներով: Գործում է 450 վերելակ:

Արաբկիրում առկա է 1 խոշոր կամուրջ, 1 վերգետնյա, 6 ստորգետնյա անցում և 1 էստակադա:

Վարչական շրջանում 117 փողոցների երկարությունը կազմում է 85642 կմ: 2013 թվականին իրականացված աշխատանքներ

2013թ. իրականացվել են 17.0 հազ. քմ ասֆալտ-բետոնե ծածկի և 100գծմ եզրաքարերի վերանորոգման և հիմնանորոգման աշխատանքներ:

2013թ. իրականացվել են 11 հարթ և 7900քմ թեք տանիքների, 36 մուտքի, 18 վերելակի վերանորոգման և հիմնանորոգման աշխատանքներ:

2014 թվականին նախատեսվող աշխատանքներ

2014թ. ընթացքում նախատեսվում է իրականացնել բազմաբնակարան շենքերի 3950քմ թեք և 18 հարթ տանիքների, 31 մուտքի, 15 վերելակի վերանորոգում: Վերանորոգվելու է նաև 35 կախովի պատշգամբ:

Վերանորոգվելու է նաև 20 բազմաբնակարան շենքերի ներքին ցանցի համակարգը:

Բարեկարգում

Արաբկիր վարչական շրջանում կանաչապատ տարածքը կազմում է 53 հա: Պուրակները կազմում են 2,9, այգիները 5, սիզամարգերը 8,4, անտառ-պուրակները 36,7 հա: Շրջանում գործող ոռոգման համակարգի երկարությունը 71000 գծմ է:

2013 թվականին իրականացված աշխատանքներ

2013թ. բարեկարգվել է 21 բակային տարածք և խաղահրապարակ: Կառուցվել է 1 մինի ֆուտբոլի դաշտ:

Մարդաշատ վայրերում տեղադրվել են աղբամաններ և նստարաններ: Իրականացվել են բարեկարգման աշխատանքներ Հրազդանի կիրճում: Արաբկիր վարչական շրջանի 53հա կանաչ տարածքների պահպանումն ու նոր ծառերի ու թփերի ավելացումը շարունակական բնույթ են կրում: Ոռոգման ցանցի աշխատանքների բարելավման համար վերանորոգվել է խողովակաշարի որոշ հատվածը:

2014 թվականին նախատեսվող աշխատանքներ

Բակերի բարեկարգման աշխատանքների շրջանակում նախատեսվում է 14 բակերի բարեկարգման և նոր խաղահրապարակների կառուցման աշխատանքներ:

Նախատեսվում է վերանորոգել Լանալեռ ՀԷԿ հանրակացարանային 11 շենքի պատշգամբները:

Ասֆալտ-բետոնե ծածկի (16500քմ) և եզրաքարի (133.3գծմ) ընթացիկ նորոգման աշխատանքները շարունակական բնույթ են կրելու:

Տրանսպորտի աշխատանքի արդյունավետ կազմակերպման համար կկառուցվի Հ.Էմին և Արղության փողոցները իրար միացնող տրանսպորտային հանգույցը, կվերակառուցվի Արաբկիր վարչական շրջանը Կոտայքի մարզին միացնող շրջանցիկ թունելը:

Աշխատանքներ կիրականացվեն կանաչ տարածքների պահպանության ուղղությամբ: Կընդլայնվեն կանաչապատ տարածքները` անտառ-պուրակները հասցնելով 70հա: Ծառատունկի շրջանակում կտնկվեն ևս 30000 ծառ և 15000 թուփ:

Կհիմնանորոգվի գործող 30.0 հազ. գծմ ոռոգման ցանցը և կընդլայնվի 10.0 հազ. գծմ-ով:

 

ԱՎԱՆ ՎԱՐՉԱԿԱՆ ՇՐՋԱՆ

 

Ավան վարչական շրջանը սահմանակից է Քանաքեռ-Զեյթուն, Նոր Նորք, Արաբկիր վարչական շրջանների և Կոտայքի մարզի հետ:

Ավան վարչական շրջանի տարածքը կազմում է 726 հա, բնակչությունը 53.2 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. հանգստի գոտիների ստեղծում

3. կանաչ տարածքների ընդլայնում

4. ինքնավար ոռոգման համակարգի ստեղծում

5. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

6. անվտանգ տեղաշարժն ապահովելու համար անցումների կառուցում

7. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

8. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

9. հարթ և թեք տանիքների վերանորոգում

10. վերելակների վերանորոգում

11. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի ապահովում և թափանցիկության ապահովում

12. քաղաքաշինական միջավայրի բարելավում և արդյունավետ հողօգտագործման ապահովում:

 

Կրթություն, մշակույթ, սպորտ

Ավան վարչական շրջանում գործում է 7 մանկապարտեզ, 5 հիմնական, 1 միջնակարգ, 1 ավագ և 2 հատուկ դպրոց, 1 գրադարան, 1 մարզադպրոց, 1 մշակույթի տուն, 1 արվեստի դպրոց, 1 շախմատի մասնագիտացված մարզադպրոց:

Ավան վարչական շրջանի մանկապարտեզներում կրթությունն անվճար է:Վարչական շրջանի բոլոր կրթօջախները ջեռուցվում են:

2013 թվականին իրականացված աշխատանքներ

Ավան վարչական շրջանում իրականացվել են միջոցառումներ նվիրված տոն և հիշատակի օրերին:

«Ավանի մշակույթի տուն», «Ավանի թիվ 1 գրադարան», «Երևանի Ավանի շախմատի մանկապատանեկան մարզադպրոց», «Երևանի Ավանի մանկապատանեկան մարզադպրոց», «Գ. Բուդաղյանի անվան արվեստի դպրոց» և «Ավանի մանկապարտեզներ» ՀՈԱԿ-ներն ապահովվել են լոկալ ջեռուցման համակարգերով:

2013թ. իրականացվել է մանկապարտեզներում գույքի արդիականացում և խոհանոցային պարագաների համալրում:

2014 թվականին նախատեսվող աշխատանքներ

Ավանի մշակույթի տանը նախատեսվում է ստեղծել խեցեգործության խումբ անհրաժեշտ միջոցներով: Նախատեսվում է հետնաբեմի կառուցում:

Գ. Բուդաղյանի անվան արվեստի դպրոցում, հաշվի առնելով աշակերտների մեծ թիվը, նախատեսվում է վերանորոգել դպրոցի նկուղային հարկը (420քմ) հետագա օգտագործման նպատակով:

«Երևանի Ավան համայնքի թիվ 1 գրադարան» ՀՈԱԿ-ը նախատեսվում է վերազինել համակարգիչներով` էլեկտրոնային գրադարան ստեղծելու նպատակով:

Նախատեսվում է վերանորոգել «Երևանի Ավանի մանկապատանեկան համալիր մարզադպրոց» ՀՈԱԿ-ի դահլիճի հատակը և վերազինել մարզական նոր գույքով:

Նախատեսվում է վերանորոգել «Երևանի Ավանի շախմատի մանկապատանեկան մարզադպրոց» ՀՈԱԿ-ը, ավելացնել խմբերի քանակը, վերազինել համակարգչային տեխնիկայով, նոր շախմատներով ու էլեկտրոնային ժամացույցներով:

Երկու մանկապարտեզում նախատեսվում է իրականացնել խմբասենյակների վերանորոգման աշխատանքներ և բակային խաղերի թարմացում: 7 մանկապարտեզներում նախատեսվում է իրականացնել փափուկ և կոշտ գույքի արդիականացում:

Ավան վարչական շրջանում նախատեսվում է իրականացնել միջոցառումներ նվիրված տոն և հիշատակի օրերին:

Սոցիալական ապահովություն և առողջապահություն

Ավան վարչական շրջանում գործում է 11 առողջապահական կազմակերպություն: Գործում է «Առաքելություն Հայաստան» բարեգործական 2 ճաշարան, «Փիլատելփիա», «Արևիկ» և «Տաթև» հաշմանդամ երեխաների հասարակական կազմակերպություններ:

2013 թվականին իրականացված աշխատանքներ

Կանանց միամսյակի կապակցությամբ կազմակերպվել է Ավան վարչական շրջանի մանկավարժների առաջնային բուժհետազոտություն, խորհրդատվություն, ստացիոնար բուժում:

Ապրիլի 10-ին Ավան վարչական շրջանի Թիվ 12 պոլիկլինիկայում շուրջ 75 կանանց համար կազմակերպվել է անվճար մամոգրաֆիկ հետազոտություն:

Թիվ 12 պոլիկլինիկայի տարածքում գործում է շտապ օգնության կայան` երկու շարժական անձնակազմով:

Յուրաքանչյուր տարի ՀՀ տոն և հիշատակի օրերին կազմակերպվել են միջոցառումներ, տրվել են նվերներ «Արևիկ», «Տաթև», «Փիլատելփիա» հաշմանդամ երեխաների հասարակական կազմակերպություններին (200 երեխա) և երկու բարեգործական ճաշարանների 200 շահառուի և 100 փախստականի:

«Խութ» բարեգործական հիմնադրամի հետ համատեղ իրականացվել են հետևյալ աշխատանքները` Գ.Բուդաղյանի անվան արվեստի դպրոց հաճախող անապահով ընտանիքների 20 երեխա ազատվել է վարձավճարից:

Կազմակերպվել է սոցիալական ռիսկի խմբի 70 դպրոցահասակ երեխայի ամառային հանգիստը Ծաղկաձորի «Աղբյուր» ճամբարում:

Անապահով ընտանիքների 540 դպրոցական ստացել է պայուսակ և գրենական պիտույք:

Դրամական աջակցության ծրագրերում ընդգրկվել են Արցախյան պատերազմում զոհվածների և մասնակիցների 121 ընտանիք, զինծառայողներ, Հայրենական Մեծ պատերազմի վետերաններ:

Բազմաբնույթ աջակցություն է ցուցաբերվել ավանաբնակ սիրիահայ և ռիսկի խմբի ընտանիքներին:

Հունվար, օգոստոս ամիսներին կազմակերպվել է զինծառայողների ծնողների այցելությունները ԼՂՀ և սահմանամերձ գոտիներում ծառայող զավակներին` քաղաքապետի կողմից կազմակերպված ակցիայի շրջանակներում:

Կազմակերպվել է 7-ից 13 տարեկան երեխաների ատամների անվճար բուժհետազոտություն և բուժում:

2014 թվականին նախատեսվող աշխատանքներ

Թիվ 12 պոլիկլինիկայի հետ համատեղ կազմակերպվող «Բաց դռների օրեր»-ի շրջանակում կիրականացվեն խորհրդատվություններ, մասնակի հետազոտություններ:

Պետպատվերի շրջանակում կկազմակերպվեն սիրտանոթային և այլ վիրահատություններ, ինչպես նաև կտրամադրվի դեղորայք:

Ավան վարչական շրջանի սոցիալապես անապահով և հաշմանդամության կարգ ունեցող բնակիչներին կտրամադրվեն ՀՀ-ում գործող առողջարանների ուղեգրեր:

Կշարունակվի կազմակերպվել ակցիա` 7-13 տարեկան երեխաների ատամների անվճար բուժհետազոտությունը և բուժումը կազմակերպելու համար:

Բնակչության սոցիալական պաշտպանվածության խնդիրներ իրականացնող հիմնարկ-ձեռնարկությունների, հասարակական, ինչպես նաև մի շարք բարեգործական կազմակերպությունների հետ կիրականացվեն տեղական նշանակության բարեգործական ծրագրեր:

Կկազմակերպվի սոցիալապես անապահով ընտանիքների դպրոցահասակ երեխաների ամառային հանգիստը հանրապետության տարբեր ճամբարներում:

Սոցիալապես անապահով ընտանիքների դպրոցահասակ երեխաներին կտրամադրվեն գրենական պիտույքներ:

Աջակցություն կցուցաբերվի Գ. Բուդաղյանի անվան արվեստի դպրոցում գերազանց առաջադիմություն ունեցող և կարիքավոր ընտանիքների 24 երեխայի ուսման վարձավճարից մասնակի ազատելու հարցում:

Կշարունակվի համագործակցությունը «Առաքելություն Հայաստան» բարեգործական հասարակական կազմակերպության հետ (1 բարեգործական ճաշարան շուրջ 180 շահառու):

ՀՀ տոն և հիշատակի օրերի կապակցությամբ դրամական, նյութական աջակցություն կցուցաբերվի պատերազմի, աշխատանքի, ոստիկանության վետերանների, միայնակ տարեցների, 4 և ավելի երեխաներ ունեցող, միակողմանի և երկկողմանի ծնողազուրկ երեխաների ընտանիքների, զոհված և վիրավոր ազատամարտիկների, հաշմանդամ երեխաների միություններին և նման այլ կազմակերպություններին:

Սննդի փաթեթներ կտրվեն ռիսկի խմբի ընտանիքներին Ամանորի և Սբ.Զատկի կապակցությամբ:

Բնակարանային-կոմունալ տնտեսություն և բարեկարգում

Ավան վարչական շրջանում հաշվառված է 237 բազմաբնակարանային շենք, որից 20 բարձրահարկ և 28 մինչև 6 հարկանի: Առկա է 330 վերելակ:

2013 թվականին իրականացված աշխատանքներ

Իրականացվել է 153 բազմաբնակարան շենքի բարեկարգման և մուտքի վերանորոգման աշխատանք:

2013թ. վերանորոգվել է 79 շենքի հարթ տանիք և 7 վերելակ:

2013թ. կառուցվել է 15 խաղահրապարակ և զբոսայգի` Ալմա-Աթա փող. հ.52 մանկապարտեզի մոտ, Հ.Հովհաննիսյան թ. 27շ.,50շ., Բրյուսով թաղ.69շ., Սայաթ-Նովա թաղ.1/2շ., 3շ., Նարեկացի թաղ. 36շ., Դուրյան թաղ. 56շ., 57շ., 30շ., 44շ., 33շ., 34շ., Չարենց թաղ. 9շ., 18շ., Ավան-Առինջ թաղ. 1մկշ. 1/9շ., 2/4շ., 1/2շ., Աճառյան-Մյասնիկյան փողոցների հանգույցում:

2013թ. իրականացվել է 15 բակային տարածքների, այգիների, խաղահրապարակների կառուցման և հանգստի գոտիների ստեղծման աշխատանքներ:

Կառուցվել է 1 մինի ֆուտբոլի դաշտ, վերանորոգվել է 6-ը:

2014 թվականին նախատեսվող աշխատանքներ

Կիրականացվեն հարթ տանիքների (5.0 հազ. քմ) վերանորոգման աշխատանքներ համաձայն բնակիչների կողմից տրված դիմումների: Նախատեսվում է նաև շրջանում առկա թեք տանիք ունեցող բնակելի 24 շենքի տանիքիների (1400 քմ) վերանորոգման աշխատանքներ:

Ավան վարչական շրջանում 2013թ. ընթացքում իրականացվել են 17139քմ մակերեսով փողոցների, ինչպես նաև բակային տարածքների և մայթերի ասֆալտապատման աշխատանքներ:

2014թ. կիրականացվեն խաղահրապարակների, զբոսայգիների, բակերի, աստիճանավանդակների, բազրիքների ընթացիկ նորոգման այլ աշխատանքներ: Կկառուցվեն նոր զբոսայգիներ:

Ավան վարչական շրջանի մի քանի փողոցներում և թաղամասերում առկա են վերանորոգման կարիք ունեցող հենապատեր: Հիմնովին կկառուցվի մեկ նոր հենապատ: Վերանորոգումը իրականացվելու է մասնակի հատվածներով պահպանելով նախկին տեսքը:

Մայթերի և փողոցների ասֆալտ-բետոնե ծածկի նորոգման աշխատանքները շարունակական բնույթ են կրելու:

Կբարեկարգվեն փողոցները, մայթերը և եզրաքարերը: Վերանորոգման աշխատանքները կատարվելու են մասնակի, փողոցների և թաղամասերի տարբեր հատվածներում:

Կիրականացվեն մայթերի և փողոցների ասֆալտապատման աշխատանքներ:

Վարչական շրջանի բոլոր թաղամասերում և փողոցների հարակից տարածքներում կավելացվեն կանաչ գոտիները, կկառուցվեն նոր այգի-պուրակներ:

 

ԴԱՎԹԱՇԵՆ ՎԱՐՉԱԿԱՆ ՇՐՋԱՆ

 

Դավթաշեն վարչական շրջանը սահմանակից է Աջափնյակ և Արաբկիր վարչական շրջաններին, արտաքին սահմանագծով հարում է Կոտայքի մարզին:

Դավթաշեն վարչական շրջանի տարածքը կազմում է 647 հա, բնակչությունը 41.3 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. արտաքին լուսավորության ապահովում, ներառյալ չլուսավորվող փողոցներում և տարածքներում

3. հանգստի գոտիների ստեղծում

4. կանաչ տարածքների և ոռոգման ցանցի ընդլայնում

5. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

6. անվտանգ տեղաշարժն ապահովելու համար անցումների կառուցում

7. վերելակների ընթացիկ և հիմնական նորոգում

8. հարթ տանիքների վերանորոգում

9. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

10. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

11. մարզամշակութային դպրոցի կառուցում

12. բեմահարթակի և հրապարակի կառուցում

13. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի ապահովում և թափանցիկության ապահովում

14. քաղաքաշինական միջավայրի բարելավում և առավել արդյունավետ հողօգտագործման ապահովում

15. Դավթաշեն վարչական շրջանի 16-րդ թաղամասի դիմաց, Ազատամարտիկների, Ձոր-1, Ձոր-2, Ձոր-3 թաղամասերի, 3-րդ թաղամասի մասնավոր սեկտորի կոյուղու կոլեկտորի կառուցում և ճանապարհների ասֆալտապատում

16. Դավթաշեն վարչական շրջանի` 1-ին և 2-րդ թաղամասերի կոմունիկացիոն ցանցի (ջուր, կոյուղի, հոսանք և այլն) անցկացում և ճանապարհների ասֆալտապատում

17. Դավթաշեն 2-րդ թաղամասի վերջնամասի ճանապարհի կառուցում

 

Կրթություն, մշակույթ, սպորտ

Դավթաշեն վարչական շրջանում գործում է 5 մանկապարտեզ, 6 հանրակրթական դպրոց (1 միջնակարգ, 4 հիմնական և 1 ավագ), Ավետ Տերտերյանի անվան արվեստի դպրոց, 1 գրադարան և 1 շախմատի դպրոց:

Դավթաշեն վարչական շրջանի մանկապարտեզներում կրթությունն անվճար է: Վարչական շրջանի բոլոր կրթօջախները ջեռուցվում են:

2013 թվականին իրականացված աշխատանքներ

2013թ. կատարվել են մանկապարտեզների բակերի, շենքերի տանիքների, հիմնական և մասնակի նորոգման աշխատանքներ, ինչպես նաև մանկապարտեզները համալրվել են անհրաժեշտ խոհանոցային պարագաներով և գույքով:

Դավթաշեն վարչական շրջանում բացվել է շախմատի դպրոց:

Կրթության, մշակույթի և սպորտի ոլորտում իրականացվել են կրթական, մշակութային և սպորտային միջոցառումներ նվիրված տոն և հիշատակի օրերին:

2014 թվականին նախատեսվող աշխատանքներ

2014թ. նախատեսվում է հ.62 մանկապարտեզի վերանորոգում և հ 61 մանկապարտեզի տանիքի վերանորոգում, ինչպես նաև գրադարանի և Ավետ Տերտերյանի անվան արվեստի դպրոցի վերանորոգում:

Շարունակական բնույթ են կրելու տոն և հիշատակի օրերին նվիրված, ինչպես նաև սպորտային միջոցառումների կազմակերպումը:

Երեխաների հանգստի կազմակերպման նպատակով կկազմակերպվեն բակային ճամբարներ:

Սոցիալական ապահովություն և առողջապահություն

Դավթաշեն վարչական շրջանի տարածքում է գործում հ.20 ամբուլատոր բժշկական կենտրոնը:

2013 թվականին իրականացված աշխատանքներ

2013թ. իրականացվել է սոցիալապես անապահով ընտանիքների քարտեզագրում և տվյալների բազայի թարմացում:

Դավթաշեն վարչական շրջանի «Հույսի ավան» թաղամասում 2013թ. շահագործման հանձնվեց 2 բնակարան: Թաղամասի տներում ապրում են 5-ից ավելի երեխա ունեցող սոցիալապես խիստ կարիքավոր ընտանիքները:

2013թ. Պետպատվեր է տրամադրվել 55 բնակչի, պարենային օգնություն` 1300 ընտանիքի, ֆինանսական օգնություն` 130 բնակչի, գրենական պիտույքներ`400 դպրոցականի:

2014 թվականին նախատեսվող աշխատանքներ

2014թ. պարենային ծրագրի շրջանակում փաթեթներ կտրամադրվեն ամանորյա տոների, Զատկի տոնի առթիվ: Դրամական աջակցություն կցուցաբերվի Մայրության և գեղեցկության տոնի, Հայրենական Մեծ պատերազմի, ՀՀ անկախության օրվա առթիվ, ինչպես նաև Արցախյան պատերազմում զոհված ընտանիքներին, երկարակյացներին, հաշմանդամներին:

Կարիքավոր 150 ընտանիք առաջնային սոցիալական կամ առողջական խնդիրների լուծման համար դրամական աջակցություն կստանա:

Սոցիալապես անապահով ընտանիքների երեխաների ամառային հանգստի կազմակերպման աշխատանքները շարունակական բնույթ կկրեն: Նախատեսվում է գիտելիքի օրվա կապակցությամբ սոցիալապես անապահով 600 դպրոցահասակ երեխաների տրամադրել դպրոցական պայուսակներ և գրենական պիտույքներ,

Բնակարանային-կոմունալ տնտեսություն և բարեկարգում

Դավթաշեն վարչական շրջանում հաշվառված է 188 բնակելի և 4 նորակառույց բազմաբնակարան շենք, 394 վերելակ:

Կանաչապատման կազմակերպության կողմից սպասարկվում է շրջանի 18հա տարածքը (կանաչապատ տարածք, ծաղկապատ տարածք, այգի, պուրակ, ոռոգման ցանց):

2013 թվականին իրականացված աշխատանքներ

2013թ. Դավթաշեն վարչական շրջանում իրականացվել են փողոցների երթևեկելի հատվածի և մայթերի ասֆալտ-բետոնե ծածկի ընթացիկ և կապիտալ նորոգման աշխատանքներ, նորոգվել են փողոցների եզրաքարերը:

Տեղադրվել են տաղավարներ, զրուցարաններ (16 միավոր) մանկական խաղեր, նստարաններ (68 միավոր) և աղբամաններ (40 հատ):

Իրականացվել է 12590քմ հարթ տանիքի նորոգման աշխատանք: Վերանորոգվել է բազմաբնակարան բնակելի շենքերի 77 շքամուտք:

Դավթաշեն վարչական շրջանի առաջին և երկրորդ թաղամասերի միջև գտնվող այգում իրականացվել են բարեկարգման, գիշերային լուսավորության ցանցի ընդլայնման աշխատանքներ:

2013թ. բարեկարգվել է 6 բակային տարածք, ասֆալտապատվել 44846 քմ մակերես: Փոխվել է 135 գ/մ եզրաքար: Բակերում տեղադրվել են մանկական խաղեր, սպորտային մարզագույք, խաղահրապարակներ և մինի ֆուտբոլի դաշտեր:

Նախկինում բնակիչների կողմից զբաղեցրած տարածքները ապամոնտաժվել և կառուցվել են նոր կանաչ գոտիներ և մանկական խաղահրապարակներ:

Գրունտային ճանապարհների ասֆալտապատման աշխատանքներ են իրականացվել Աղաբաբյան փողոցի վերջնամասից մինչև Մելքումով փողոց և 2-րդ փողոցից մինչև 10-րդ փ. մտնող հատվածը:

Դավթաշեն վարչական շրջանի թվով 6 բակային տարածքներում և սեփական սեկտորում (գյուղ) անցկացվել են արտաքին լուսավորության ցանց: Փիրումյաններ փողոցում իրականացվել է նոր անձրևատար ցանցի կառուցում: Իրականացվել է Դավթաշեն 4-րդ թաղամասի 27 շենքի դիմացի արտաքին կոյուղագծի փոխարինում:

Դավթաշեն վարչական շրջանի 18 հա կանաչ տարածքի խնամքն ապահովվել է 15280 գծմ ոռոգման ցանցով: Կատարվել է սիզամարգերի վերականգնում, դեկորատիվ ձևավորում, ծառերի երիտասարդացում, թփերի տնկում, ծաղկային տարածության ընդարձակում, ծառերի և թփերի բուժում:

Իրականացվել է ծառատունկ վարչական շրջանի 1-2-րդ թաղամասերի վերջնամասում և Եղվարդի խճուղու որոշ հատվածներում, բակային տարածքներում, կենտրոնական փողոցներում, կենտրոնական այգում, Ա. Միկոյան փողոցի միջնաշերտում և Դավթաշեն կամուրջի ուղեկապի հանգույցում:

2014 թվականին նախատեսվող աշխատանքներ

Բնակարանային ֆոնդի պահպանումը, շահագործումը և նորոգումը վարչական շրջանում իրականացնում են համատիրությունները: Շարունակվելու է համատիրությունների խոշորացման ծրագիր, որը թույլ կտա խնդիրները լուծել օպտիմալ և արդյունավետ:

2014թ. նախատեսվում է իրականացնել բնակելի շենքերի հարթ տանիքների (12000ք), վերելակների, շքամուտքերի նորոգման աշխատանքներ, բնակելի շենքերի ջրամատակարարման և կոյուղու ներքին ցանցերի վերանորոգման աշխատանքներ:

Բակային տարածքների բարեկարգումը հանդիսանում է վարչական շրջանի գերակայություններից, հետևաբար այս ուղղությամբ աշխատանքները կկրեն շարունակական բնույթ: Կվերականգնվի վարչական շրջանի բակային տարածքների արտաքին լուսավորության ցանցն ամբողջությամբ, ինչպես նաև մասնակի կանցկացվի Դավթաշենի սեփական սեկտորի (գյուղի) 10-րդ փողոցի, աճուրդային հողակտորների, Ազատամարտիկների, Ձոր-1, Ձոր-2, Ձոր-3 թաղամասերի, 3-րդ թաղամասի մասնավոր սեկտորի արտաքին լուսավորությունը:

Կիրականացվեն փողոցների երթևեկելի հատվածի և մայթերի ասֆալտե ծածկույթի ընթացիկ և կապիտալ նորոգման աշխատանքներ (62880քմ), կնորոգվեն փողոցների եզրաքարերը (410գմ), մայթերի սալահատակը, դիտահորերը, կբարեկարգվեն մայթերին հարող սիզամարգերը, ինչպես նաև կվերանորոգվեն հենապատերը:

Կկառուցվի 1 մինի ֆուտբոլի դաշտ և կտեղադրվեն նոր զրուցարաններ: Նախատեսվում է թաղամասերում նոր այգիների ստեղծում, սիզամարգերի տարածքի վերականգնում, ծառատունկ, թփերի տնկում, ծաղկային տարածության ընդարձակում, ծառերի և թփերի բուժում:

Նախատեսվում է իրականացնել կանաչ տարածքի և ընդլայնված կանաչ գոտու խնամք, բարեկարգում և պահպանում, ոռոգման գործող ցանցի վերանորոգում և ընդլայնում: Նախատեսվում է ծառերի էտում և երիտասարդացում:

 

ԷՐԵԲՈՒՆԻ ՎԱՐՉԱԿԱՆ ՇՐՋԱՆ

 

Էրեբունի վարչական շրջանը սահմանակից է Կենտրոն, Նոր Նորք, Նորք-Մարաշ, Շենգավիթ և Նուբարաշեն վարչական շրջաններին, ինչպես նաև Կոտայքի և Արարատի մարզերին:

Էրեբունի վարչական շրջանի տարածքը կազմում է 4749 հա, բնակչությունը 123.5 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. սողանքների հետևանքով առաջացած ճանապարհների վթարային հատվածների նորոգում

3. արտաքին լուսավորության ապահովում, ներառյալ չլուսավորվող փողոցներում և տարածքներում

4. հանգստի գոտիների ստեղծում

5. կանաչ տարածքների ընդլայնում

6. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

7. անվտանգ տեղաշարժն ապահովելու համար անցումների ընթացիկ նորոգում և կառուցում

8. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

9. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

10. շենքերի գեղարվեստական ձևավորում, ներառյալ վթարային շքապատշգամբների բարեկարգում

11. հարթ և թեք տանիքների վերանորոգում

12. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի ապահովում և առավել թափանցիկության ապահովում

13. քաղաքաշինական միջավայրի բարելավում և արդյունավետ հողօգտագործման ապահովում

 

Կրթություն, մշակույթ, սպորտ

Էրեբունի վարչական շրջանի տարածքում գործում է Երևանի ենթակայության 12 մանկապարտեզ, 22 հանրակրթական դպրոց (3 ավագ, 17 հիմնական, 2 միջնակարգ), 4 գրադարան, 1 մանկապատանեկան ստեղծագործության կենտրոն, 1 արվեստի դպրոց, 1 երաժշտական դպրոց, 1 մարզադպրոց:

Էրեբունի վարչական շրջանի մանկապարտեզներում կրթությունն անվճար է: Վարչական շրջանի բոլոր կրթօջախները ջեռուցվում են:

2013 թվականին իրականացված աշխատանքներ

2013թ. Էրեբունի վարչական շրջանում անցկացվել են տոն և հիշատակի օրերին նվիրված միջոցառումներ:

Մասամբ նորոգվել է հ.69 մանկապարտեզը. վերանորոգվել է մանկապարտեզի սանհանգույցները, հիմնովին փոխվել են ջրագծերը, փոխվել են խոհանոցի պատուհանները և դուռը: Հ.հ. 74 և 75 մանկապարտեզներում փոխվել են խմբասենյակների և ննջարանների պատուհանները և դռները:

«Օգնիր մանկապարտեզիդ» ծրագրի շրջանակում հ.72 մանկապարտեզում վերաբացվել է սպորտային դահլիճը, վերանորոգվել է երաժշտական դահլիճը, փոխվել են դռները, ասֆալտապատվել է մանկապարտեզի բակը: Նույն ծրագրի շրջանակում ձեռք է բերվել սպորտային գույք, մանկական սեղաններ:

Անցկացվել է ջեռուցման համակարգ հ.հ. 3 և 11 գրադարաններում, մանկապատանեկան ստեղծագործության կենտրոնի ուսումնական մասում, Տ. Չուխաջյանի անվան երաժշտական և Ա.Մալունցյանի անվան արվեստի դպրոցներում:

2013թ. իրականացվել է մանկապարտեզներում գույքի արդիականացում և խոհանոցային պարագաների համալրում:

2014 թվականին նախատեսվող աշխատանքներ

2014թ. կիրականացվեն մշակութային, սպորտային միջոցառումներ նվիրված տոներին և հիշատակի օրերին:

Մանկապարտեզների ավարտական խմբերի սաներին և վարչական շրջանի սոցիալապես անապահով ընտանիքների դպրոցահասակ երեխաներին կտրամադրվեն պայուսակներ` գրենական պիտույքներով:

Սոցիալական ապահովություն և առողջապահություն

Էրեբունի վարչական շրջանի տարածքում գործում են հանրապետական նշանակության «Էրեբունի» և «Գրիգոր Նարեկացի» բժշկական կենտրոնները, որոնք ընդգրկում են 2 ծննդատուն, 6 ամբուլատոր պոլիկլինիկա, «Մուրացան» համալսարանական հիվանդանոցը, ՀՀ ՊՆ կենտրոնական կլինիկական զինվորական հոսպիտալը, ատամնաբուժարաններ:

2013 թվականին իրականացված աշխատանքներ

2013թ. Էրեբունի վարչական շրջանի սոցիալապես անապահով 75-ից ավելի բնակչի տրամադրվել են պետական պատվերի շրջանակում վիրահատվելու և բուժվելու միջնորդագրեր:

Սոցիալապես անապահով 101 ընտանիքի տրամադրվել է դեղորայք, 38 քաղաքացու ակնոցներ: «Ձեզ համար կանայք» ակցիայի շրջանակում վարչական շրջանի սոցիալապես անապահով ընտանիքների 30 կին ստացել է անվճար բուժօգնություն:

2013թ. հուլիս-օգոստոս ամիսներին Էրեբունի վարչական շրջանի միակողմանի և երկկողմանի ծնողազուրկ, սոցիալապես անապահով և բազմազավակ, ինչպես նաև ազգային փոքրամասնությունների ընտանիքների 7-13 տարեկան 60 դպրոցական իրենց ամառային արձակուրդի 20-օրյա հանգիստն անցկացրել են Կոտայքի մարզի Մարմարիկի «Հեքիաթների կիրճ» մանկական առողջարարական ճամբարում:

«Գիտելիքի օր» միջոցառման շրջանակում վարչական շրջանի սոցիալապես անապահով ընտանիքների 150 դպրոցահասակ երեխաների տրամադրվել են պայուսակներ` գրենական պիտույքներով:

Դրամական օգնություն է տրամադրվել սոցիալապես անապահով 156 ընտանիքի: Անապահով ընտանիքները ստացել են հագուստ, վառելափայտ, վառարան, շինանյութ: 150 ընտանիքի տրամադրվել է ՀՕՖ-ի բարեգործական ճաշարանից օգտվելու միջնորդություն: Գերմանական կարմիր խաչի Բադեն-Վյուրտեմբերգի երկրամասային կազմակերպության հայաստանյան մասնաճյուղի հետ համատեղ վարչական շրջանում բացվել է «Գթության խոհանոցի» արտագնա սպասարկման կենտրոն` 65 շահառուների համար: 30 հաշմանդամ երեխաների տրվել են սայլակներ: Վարչական շրջանի տարածքում հայտնաբերված անօթևանները տեղափոխվել են «Հանս Քրիստիան Կոֆոեդ» բարեգործական հիմնադրամի անօթևանների կենտրոն:

Կանանց մեկամսյակի շրջանակում մոտ 300 կանանց, այդ թվում սայլակավոր հաշմանդամ, պատերազմի և աշխատանքի կին վետերաններին, զոհված ազատամարտիկների կանանց և մայրերին, ինչպես նաև «Երևանի մանկավարժ-վետերանների ակումբ» ՀԿ-ի կին անդամներին բաժանվել են նվերներ:

Հ.3 ՄՊՍԿ-ում գործող տարբեր խմբակների պարապմունքներին հաճախել է անապահով ընտանիքների 55 երեխա:

Մայիսի 9-ին Էրեբունի վարչական շրջանի Լիոնի այգում Շուշիի ազատագրման և Մեծ Հայրենական Մեծ պատերազմում տարած հաղթանակի առթիվ կազմակերպվել է միջոցառում վետերանների, «Զոհված ազատամարտիկների ընտանիքներ» ՀԿ-ի անդամների համար և տրվել են դրամական պարգևներ:

ՀՀ սփյուռքի նախարարության «Արի տուն» ծրագրի շրջանակում 2013թ. Էրեբունի վարչական շրջանի 36 ընտանիք ներկայացրել է հայտ` սփյուռքահայ երեխաներին հյուրընկալելու համար:

2014 թվականին նախատեսվող աշխատանքներ

Զոհված և վիրավոր ազատամարտիկների, բազմազավակ անապահով ընտանիքներին, Հայրենական պատերազմի վետերաններին, միայնակ տարեցներին և բնակչության սոցիալապես անապահով այլ խավերին կցուցաբերվի դրամական և նյութական աջակցություն:

Առողջապահության ոլորտում 2014թ. նախատեսվում է աջակցել բնակչության առողջության բարելավմանն ուղղված միջոցառումներին: Կանցկացվեն բնակչությանն առողջացման ծրագրեր` «առողջ կենսաձև», «պայքար ծխելու և հարբեցողության դեմ» և այլն:

Բնակչության շրջանում առողջապահական խնդիրների լուծման նպատակով ծրագրեր կիրականացվեն առողջապահական կազմակերպությունների, ինչպես նաև Կարմիր խաչի ուսումնադաստիարակչական կենտրոնի հետ` արտակարգ իրավիճակներում առաջին օգնության կազմակերպման դասընթացներ անցկացնելու գործում:

Կկազմակերպվի Էրեբունի վարչական շրջանի` տեսողության հետազոտման կարիք ունեցող անապահով բնակիչների աչքերի անվճար ստուգում և ատամնաբուժական ծառայությունների մատուցում` շրջանի տարածքում գործող առողջապահական կազմակերպությունների միջոցով: Կցուցաբերվի աջակցություն տեղաշարժման սահմանափակ կարողություններով կարիքավոր բնակիչներին` սայլակների ձեռքբերման գործում:

Սոցիալական աջակցության կարիք ունեցող բնակիչների համար նախատեսվում է դրամական օգնություն, գույքահարկի զիջում, ձմռան վառելիքի, բուժօգնության և սոցիալական բնույթի այլ աջակցության տրամադրում: Կշարունակի գործել բարեգործական ճաշարանը:

2014թ. հուլիս-օգոստոս ամիսներին վարչական շրջանի միակողմանի և երկկողմանի ծնողազուրկ, սոցիալապես անապահով և բազմազավակ, ինչպես նաև ազգային փոքրամասնությունների ընտանիքների 7-13 տարեկան 60 դպրոցական իրենց ամառային արձակուրդի 20-օրյա հանգիստը կանցկացնեն մանկական առողջարարական ճամբարում:

Բնակարային-կոմունալ տնտեսություն

Էրեբունի վարչական շրջանում առկա է 261 շենք, որում գործում է 209 վերելակ: 2013 թվականին իրականացված աշխատանքներ

2013թ. իրականացվել են հեղեղատար ցանցի և գետերի հուների (5.200 գծմ) մաքրման աշխատանքներ:

2013թ. վերանորոգվել է շենքերի և շինությունների 40 (5400քմ) հարթ և 84 (6300քմ) թեք տանիք, նորոգվել 92 շքամուտք, ապակեպատվել և ցելոֆանապատվել է 1300քմ տարածք: Նորոգվել է 1500 գծմ ջրագիծ և կոյուղագիծ:

Իրականացվել են 43 վերելակների վերանորոգման աշխատանքներ:

Էրեբունի վարչական շրջանի բնակարանային ֆոնդի պահպանման և շահագործման ուղղությամբ 2014թ. նախատեսվում է բազմաբնակարան շենքերի հարթ (6700քմ) և թեք (4300քմ) լանջավոր տանիքների, 40 շքամուտքերի (մինչև 5-րդ հարկ) վերանորոգում, ինչպես նաև վերելակների ընթացիկ նորոգում:

Շարունակական բնույթ է կրելու հուշարձանների վերանորոգման և պահպանման աշխատանքները:

Բարեկարգում

Էրեբունի վարչական շրջանում ճանապարհային ցանցը 41.5 կմ է:

2013 թվականին իրականացված աշխատանքներ

2013թ. վերանորոգվել է շուրջ 130.500 հազ. քմ ճանապարհ:

Էրեբունի վարչական շրջանում նորոգվել է փողոցների և բակերի լուսավորության 11.517 գծմ հատված:

2013թ. իրականացվել է շուրջ 45000քմ բակային տարածքի և 5500քմ մայթի ասֆալտապատում:

2013թ. ստեղծվել է 1.2 հա կանաչ գոտի, տնկվել է 150 հազ. ծաղկասածիլ, մշակվել է 5.8 հա կանաչ գոտի:

Հանգստի գոտիների և զբոսայգիների նորոգման աշխատանքների շրջանակում վերակառուցվել են Մանկական զբոսայգին (Ազատամարտիկների փողոցին հարող տարածք) և Լիոնի այգին: Մանկական զբոսայգում վերագործարկվել են առկա շատրվանները:

Կառուցվել է 2 մինի ֆուտբոլի դաշտ:

2013թ. վարչական շրջանում բարեկարգվել է 5 բակային տարածք և խաղահրապարակ: Ստեղծվել է 1 նոր հանգստի գոտի:

Խաղաղ Դոնի և Տիտոգրադյան փողոցի հատման մասում և Նոր Արեշի 3-րդ փողոցում կազմակերպվել են գյուղմթերքների շուկաներ:

2014 թվականին նախատեսվող աշխատանքներ

2014թ. կիրականացվի ճանապարհների շուրջ 115 000քմ ընթացիկ վերանորոգման աշխատանք, և փողոցների ու բակերի լուսավորության ցանցի շուրջ 13000գծմ նորոգում և շահագործում:

Բակային տարածքների բարեկարգումը շարունակական բնույթ է կրելու: Կտեղադրվեն նստարաններ:

Նախատեսվում է վերականգնել և ընդլայնել վարչական շրջանի 1.7 հա կանաչ տարածքները (Էրեբունի արգելոց թանգարանի այգին, կենտրոնական փողոցներին հարող կանաչ տարածքները), որի համար անհրաժեշտ է կառուցել 3000գծմ ոռոգման ցանց:

«Վարդավառ» և «Մանկական» զբոսայգիները նախատեսվում է համալրել ժամանցի ժամանակակից միջոցներով` Էրեբունի վարչական շրջանի բնակչության հանգիստը բարձր մակարդակով կազմակերպելու համար: 2014թ. Նախատեսվում է հիմնանորոգել 9 բակ, ծառատունկ (2000 հատ), այգիների և այգու շատրվանների նորոգում և 1 մինի ֆուտբոլի դաշտի կառուցում:

 

ԿԵՆՏՐՈՆ ՎԱՐՉԱԿԱՆ ՇՐՋԱՆ

 

Կենտրոն վարչական շրջանը սահմանակից է Աջափնյակ, Արաբկիր, Էրեբունի, Մալաթիա-Սեբաստիա, Նոր Նորք, Նորք-Մարաշ, Շենգավիթ և Քանաքեռ-Զեյթուն վարչական շրջաններին:

Կենտրոն վարչական շրջանի տարածքը կազմում է 1335 հա, բնակչությունը 131.6 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. արտաքին լուսավորության ապահովում, վթարային հենասյուների փոխարինում, ներառյալ չլուսավորվող փողոցներում և տարածքներում

3. հանգստի գոտիների ստեղծում

4. կանաչ տարածքների ընդլայնում, սանմաքրման և աղբահանության որակի բարելավում

5. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

6. անվտանգ տեղաշարժն ապահովելու համար անցումների ընթացիկ նորոգում և կառուցում

7. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

8. կրթօջախների, մարզական և մշակութային օջախների շենքային պայմանների բարելավում ընթացիկ նորոգում, հիմնանորոգում, գույքի թարմացում, բակերի ոռոգման ցանցերի վերականգնում և կանաչապատում

9. հարթ և թեք տանիքների վերանորոգում

10. աջակցել բազմաբնակարան շենքերում բնակֆոնդի պահպանման, վերանորոգման աշխատանքների իրականացմանը

11. կոյուղագծերի նորոգում

12. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի և առավել թափանցիկության ապահովում

13. քաղաքաշինական միջավայրի բարելավում և արդյունավետ հողօգտագործման ապահովում:

 

Կրթություն, մշակույթ, սպորտ

Կենտրոն վարչական շրջանում գործում է 32 մանկապարտեզ, 32 դպրոց (6 ավագ, 26 հիմնական), 23 բուհ, արվեստի և երաժշտական 7 դպրոց (Երևանի ենթակայության 2), միջնակարգ մասնագիտական 2 ուսումնարան, 4 գրադարան (Երևանի ենթակայության 1), կրթական-մշակութային 9 հաստատություն (Երևանի ենթակայության 1) 2 մարզադպրոց, 19 թատրոն, 5 մշակութային կենտրոն, 31 թանգարան և ցուցասրահ:

Կենտրոն վարչական շրջանի մանկապարտեզներում կրթությունն անվճար է: Վարչական շրջանի բոլոր կրթօջախները ջեռուցվում են:

2013 թվականին իրականացված աշխատանքներ

2013թ. վերանորոգվել են հ.հ. 15 և 10 մանկապարտեզները: Բոլոր մանկապարտեզները համալրվել են գույքով, խոհանոցային սպասքով և տեխնիկական միջոցներով:

Մանկապարտեզների ավարտական խմբերի երեխաներին հատկացվել են պայուսակներ և գրենական պիտույքներ:

Մշակույթի, կրթության և սպորտի բնագավառներում իրականացվել են միջոցառումներ և սպորտլանդիաներ` նվիրված տոն և հիշատակի օրերին:

2014թ. շարունակական բնույթ են կրելու տոն և հիշատակի օրերին, ինչպես նաև առողջ ապրելակերպի խրախուսմանն ուղղված միջոցառումները:

Կկազմակերպվեն միջոցառումներ նվիրված արվեստի գործիչների հոբելյանական տարեդարձերին

Կկազմակերպվեն երեխաների ամառային հանգիստը Հանքավանի և Սևանի, ինչպես նաև բակային ճամբարներ:

Սոցիալական ապահովություն և առողջապահություն

Կենտրոն վարչական շրջանում գործում է 29 առողջապահական կազմակերպություն (Երևանի ենթակայության 5):

2013 թվականին իրականացված աշխատանքներ

2013թ. 55 սոցիալապես անապահով բնակիչների տրամադրվել են բուժօգնության ուղեգրեր:

«Երբ գալիս է սեպտեմբերը» ծրագրի շրջանակում 1-4 դասարանների 1600 աշակերտների հատկացվել են պայուսակներ և գրենական պիտույքներ:

Կենտրոն վարչական շրջանի սոցիալապես անապահով 1003 ընտանիքների, ինչպես նաև ՀՄՊ մասնակիցներին և Արցախյան ազատամարտի հաշմանդամներին (Հաղթանակի օր), զոհված ազատամարտիկների 80 կանանց (Կանանց միջազգային օր) հատկացվել է դրամական աջակցություն և պարգևներ:

Հասարակական կազմակերպությունների հետ համագործակցության շրջանակում 2 հասարակական կազմակերպության տրամադրվել է դրամական աջակցություն:

2013թ. Հանքավանի «Հասմիկ» ճամբարում կազմակերպվել է Կենտրոն վարչական շրջանի սոցիալապես անապահով ընտանիքների 50 երեխայի ամառային հանգիստը: Նախատեսվում է 5500 ընտանիքի տրամադրել ամանորյա սննդային փաթեթներ: «IRD» ԲՀԿ, «Մեծն Ներսես», «Հայոց արծիվներ», «AMCOR». «ԱՌԴԱ» բարեգործական կազմակերպությունների հետ համագործակցության սոցիալապես անապահով ընտանիքների տրամադրվել են գրենական պիտույքներ, հագուստ, կոշիկ, հիգիենայի պարագաներ, մթերք:

«Հանս Քրիստիան Կոֆոյեդ» ՀԿ հետ համագործակցության արդյունքում Կենտրոն վարչական շրջանի 13 անօթևան տեղավորվել է համապատասխան կացարան:

Գերմանական Կարմիր խաչի Բադեն-Վյուրտպենբերգի երկրամասային կազմակերպության հայաստանյան մասնաճյուղի հետ համատեղ կազմակերպվել է ճաշարան` 65 սոցիալապես անապահով անձանց սննդով ապահովելու համար:

2014 թվականին նախատեսվող աշխատանքներ

2014թ. շարունակական են լինելու հասարակական կազմակերպությունների հետ համագործակցության ծրագրերը ուղղված սոցիալական խնդիրների լուծմանը (մարդասիրական օգնությունների ստացում և բաշխում, առողջապահական, ուսուցողական ծրագրերի իրականացում):

Նախատեսվում է դրամական աջակցություն ցուցաբերել 2 հասարակական կազմակերպությունների (ՀՄՊ մասնակիցների միություն և Մանկավարժ վետերանների միություն), շրջանի կարիքավոր 750 ընտանիքի:

Սեպտեմբերի 1-ի կապակցությամբ պայուսակներ և գրենական պիտույքների հավաքածուներ կստանան 1-4-րդ դասարանների 1600 ընտանիքի երեխաներ:

կենտրոն վարչական շրջանի սոցիալապես անապահով բնակչությանը, հաշմանդամներին, միայնակ թոշակառուներին կտրամադրվեն սննդային փաթեթներ:

Աջակցություն կցուցաբերվի ՀՄՊ 130 մասնակցի և Արցախյան ազատամարտի 66 հաշմանդամների:

Վարչական շրջանի սոցիալապես անապահով երեխաների համար կկազմակերպվի ամառային հանգիստ Սևանի և Հանքավանի ճամբարներում:

Գերմանական կարմիր խաչի հետ համագործակցությունը շարունակական է, և նախատեսվում է կազմակերպել 65 կարիքավոր բնակչի սննդի ապահովումը:

Բնակարանային-կոմունալ տնտեսություն և բարեկարգում

Կենտրոն վարչական շրջանում հաշվառված է բնակելի 693 շենք, 574 վերելակ: Բազմաբնակարանային շենքերի կառավարումն իրականացնում է 15 համատիրություններ և 10 լիազորագրային կառավարման միջոցով:

Բակերում կա 112 խաղահրապարակ, մինի ֆուտբոլի 9 դաշտ:

Կենտրոն վարչական շրջանում կա 21 զբոսայգի` 68.4 հա մակերեսով, 16 խաղահրապարակ (զբոսայգիներում/: Կանաչ տարածությունները 230.4 հա են, մերձակա անտառային գոտին 120 հա, սիզամարգերի մակերեսը 13 հա:

2013 թվականին իրականացված աշխատանքներ

2013թ. տասը ամիսների ընթացքում Կենտրոն վարչական շրջանում իրականացվել է 16500քմ մակերեսով փողոցների և բակային տարածքների ասֆալտապատման, 12 բակերի բարեկարգման, 6 շքամուտքերի վերանորոգման աշխատանքներ:

2013թ. իրականացվել են 6277քմ թեք, 7460քմ հարթ տանիքների, 7 շենքերի կախովի պատշգամբների, 4948գմ ջրթափ խողովակների, 107 վերելակի, 26 մուտքի և 186 դռների վերանորոգման, 1703քմ շքամուտքերի ապակեպատման, 20գմ ջրատար խողովակների ջերմամեկուսացման աշխատանքներ, ինչպես նաև ջրամատակարարման և ջրահեռացման ներքին ցանցերի խողովակների 4515գմ վերանորոգման աշխատանքներ:

Հետիոտնի անվտանգ տեղաշարժն ապահովելու նպատակով կառուցվել է 3 վերգետնյա անցում:

2013թ. կատարվել է Տիգրան Մեծ 36 և Վարդանանց 10 շենքերի բակերի մինի ֆուտբոլի դաշտերի տեղադրման աշխատանքներ:

Կենտրոն վարչական շրջանի մի շարք վայրերում կազմակերպվել են գյուղատնտեսական մթերքների վաճառքի տոնավաճառներ:

2013թ. իրականացվել են ծաղկապատման և կանաչապատման աշխատանքներ: Տնկվել է 1300 թուփ և 2710 ծառ, շուրջ 134000 հատ ծաղիկ, 3000 հատ վարդի թուփ և 45500 հատ վարդակակաչի սոխուկներ: Ավելացվել է 4700քմ սիզամարգ, վերականգնվել է 500գմ ջրագիծ:

2014 թվականին նախատեսվող աշխատանքներ

2014թ. նախատեսվում է իրականացնել փողոցների, բակերի բարեկարգման և ասֆալտապատման աշխատանքներ (14.500քմ):

Բազմաբնակարան շենքերի հարթ և թեք տանիքների հիմնանորոգման, վերելակների, շքամուտքերի, ջրամատակարարման և ջրահեռացման խողովակաշարերի վերանորոգման, մուտքերի դռների և պատուհանների, մալուխների վերանորոգման աշխատանքները կրելու են շարունակական բնույթ:,

Նախատեսվում է իրականացնել բակային տարածքների և խաղահրապարակների հիմնանորոգման աշխատանքներ:

Գետառի հունի մաքրման աշխատանքները կրում են շարունակական բնույթ: Կենտրոնի տարածքներում կիրականացվեն կանաչ տարածքների ընդլայնման, պահպանման և նոր ոռոգման ցանցերի անցկացման աշխատանքներ, այդ թվում ծառատունկ և ծաղկային տարածությունների ավելացում, սիզամարգերի բարեկարգում, ջրագծերի վերականգնում:

 

ՄԱԼԱԹԻԱ-ՍԵԲԱՍՏԻԱ ՎԱՐՉԱԿԱՆ ՇՐՋԱՆ

 

Մալաթիա-Սեբաստիա վարչական շրջանը սահմանակից է Աջափնյակ, Կենտրոն և Շենգավիթ վարչական շրջաններին: Արտաքին սահմանագծով հարում է Արարատի և Արմավիրի մարզերին:

Մալաթիա-Սեբաստիա վարչական շրջանի տարածքը կազմում է 2516 հա, բնակչությունը 142.6 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. արտաքին լուսավորության ապահովում, ներառյալ չլուսավորվող փողոցներում և տարածքներում

3. հանգստի գոտիների ստեղծում

4. կանաչ տարածքների ընդլայնում

5. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

6. անվտանգ տեղաշարժն ապահովելու համար անցումների ընթացիկ նորոգում և կառուցում

7. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

8. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

9. մարզադպրոցի ջեռուցման ապահովում

10. հարթ և թեք տանիքների վերանորոգում

11. ջրամատակարարման և ջրահեռացման, ներքին ցանցերի հիմնանորոգում

12. բնակչության, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի և առավել թափանցիկության ապահովում

13. քաղաքաշինական միջավայրի բարելավում և արդյունավետ հողօգտագործման ապահովում

 

Կրթություն, մշակույթ, սպորտ

Մալաթիա-Սեբաստիա վարչական շրջանում գործում է 23 հանրակրթական դպրոց (4 ավագ, 1 միջնակարգ, 14 հիմնական, 1 կրթահամալիր, 3 մասնավոր), 26 մանկապարտեզ, 1 գրադարանային համակարգ` 2 մասնաճյուղով, 3 մարզադպրոց, 3 մշակութային կենտրոն, 1 արվեստի դպրոց, 1 երաժշտական դպրոց, մեկ համալսարան, 1 հատուկ դպրոց: Շրջանի տարածքում են գործում Երևանի հեծանվահրապարակը:

Մալաթիա-Սեբաստիա վարչական շրջանի մանկապարտեզներում կրթությունն անվճար է: Վարչական շրջանի բոլոր կրթօջախները ջեռուցվում են:

2013 թվականին իրականացված աշխատանքներ

Մալաթիա-Սեբաստիա վարչական շրջանում տոն և հիշատակի օրերին նվիրված անցկացվել են մարզամշակութային միջոցառումներ:

2013թ. իրականացվել են աշխատանքներ մանկապարտեզների բարեկարգման և կահավորման ուղղությամբ: Վերանորոգվել են հ.հ. 93, 83, 85, 95 մանկապարտեզները:

«Օգնիր մանկապարտեզիդ» կայքով հավաքագրված միջոցների հաշվին ձեռք է բերվել կոշտ գույք, սարքավորումներ, ինչպես նաև իրականացվել են մասնակի բարեկարգման աշխատանքներ:

2013թ. մանկապարտեզներում իրականացվել է գույքի արդիականացում և խոհանոցային պարագաների համալրում:

2014թ. նախատեսվում է հիմնանորոգել հ.92 մանկապարտեզի հենապատը և հ.հ. 82, 86 մանկապարտեզները:

Կիրականացվի տանիքի վերանորոգում հ.հ. 78, 87, 89, 92, 97, 80, 90 մանկապարտեզներում:

Նախատեսվում է ջրամատակարարման և ջրահեռացման ցանցի վերանորոգում հ.հ. 89, 87, 79, 96 մանկապարտեզներում:

2014թ. նախատեսվում է հ.16 մարզադպրոցն ապահովել ջեռուցման համակարգով: Կիրականացվեն դռների, պատուհանների փոխում հ.հ. 89, 80, 85, 84, 94 մանկապարտեզներում: Ոռոգման ցանցի տեղադրման աշխատանքներ կիրականացվեն հ.հ. 78, 79, 87, 89, 92, 94 մանկապարտեզներում:

Հ.հ. 82 և 86 մանկապարտեզները հիմնանորոգման ծրագրում չընդգրկվելու դեպքում ենթակա են մնացած բոլոր ծրագրերում ընդգրկվելու:

Սոցիալական ապահովություն և առողջապահություն

Մալաթիա-Սեբաստիա վարչական շրջանում գործում է 4 պոլիկլինիկա, 2 ծննդատուն և «Մալաթիա» բժշկական կենտրոնը:

2013 թվականին իրականացված աշխատանքներ

2013թ. նպաստառու, բազմազավակ, հաշմանդամ, զոհվածի ընտանիքների 1-4 դասարանի 500 երեխա Գիտելիքի օրվա կապակցությամբ ստացել է աշակերտական պայուսակ գրենական պիտույքների փաթեթներով:

7-14 տարեկան 100 երեխա իրենց ամառային հանգիստն են անցկացրել Հանքավանի «Արագած» առողջարարական ճամբարում:

Ամանորի և Սբ. Զատիկի տոնի կապակցությամբ անապահով ընտանիքներին տրամադրվել են սննդային փաթեթներ, ծրագրին մասնակցել են նաև մասնավոր ընկերություններ:

Հայրենական Մեծ պատերազմի վետերանների և նրանց հավասարեցված անձանց տոն օրերի կապակցությամբ տրվել է դրամական օգնություն, կազմակերպվել է միջոցառում-ճաշկերույթ:

«Վ.Զատիկյան» բարեգործական հիմնադրամից շրջանի անապահով բնակիչներին տրամադրվել է դրամական օգնություն:

Հաշմանդամների միջազգային օրվա կապակցությամբ 100 հաշմանդամ ստացել է նվեր:

Հաշմանդամություն ունեցող 3 բնակչի «Փյունիկ» ՀԿ-ի կողմից տրամադրվել է անվասայլակ և 2 հաշմանդամ բնակչի տրամադրվել է լսողական ապարատ:

Տարեցների միջազգային օրվա կապակցությամբ 59 տարեցների տրամադրվել են նվերներ և դրամական աջակցություն:

Հասարակական կազմակերպությունների և մասնավոր ընկերությունների հետ համագործակցության արդյունքում 337 անապահով ընտանիք ստացել է անհրաժեշտ պարագաներ, 252 քաղաքացու տրամադրվել է բուժօգնության ուղեգիր:

«Մալաթիա-Նատալի-ֆարմ» Բկ-ի ատամնաբուժարանի աջակցությամբ բնակիչներին մատուցվել է ատամնաբուժական ծառայություններ:

2014 թվականին նախատեսվող աշխատանքներ

Հաշմանդամները, տարեցները, Հայրենական Մեծ պատերազմի վետերանները կմասնակցեն ավանդաբար կազմակերպվող միջոցառումներին, կստանան տարբեր նվերներ: Ամանորի կապակցությամբ սոցիալական խոցելի խմբերի բնակիչներին կտրամադրվեն բնամթերային փաթեթներ:

Հաշմանդամների տեղաշարժն ապահովելու նպատակով Մալաթիա-Սեբաստիա վարչական շրջանի ճանապարհներին և վարչական շենքերի մուտքերում կավելացվեն թեքահարթակները:

Հասարակական կազմակերպությունների հետ համագործակցության միջոցով կշարունակվի համապատասխան ծրագրերի իրականացումը սոցիալապես անապահով ընտանիքներին տարբեր պարագաների և տեխնիկական միջոցների տրամադրման նպատակով (հաշմանդամների շարժասայլակների, լսողական սարքերի, գազի վառարանների տրամադրում և այլն): Կշարունակվի նաև տարբեր հիմնադրամներից սոցիալապես անապահով ընտանիքներին օժանդակության ցուցաբերման գործընթացը:

Բնակարանային-կոմունալ տնտեսություն և բարեկարգում

Մալաթիա-Սեբաստիա վարչական շրջանում կա 586 բազմաբնակարան բնակելի շենք, որից 494-ը բարձրահարկ, 961 վերելակ:

Վարչական շրջանի 121 փողոցի երկարությունը կազմում է 91,69 կմ:

2013 թվականին իրականացված աշխատանքներ

2013թ. բազմաբնակարան շենքերում իրականացվել է 6250 քմ հարթ տանիքի, 110 վերելակի և 65 շքամուտքի վերանորոգման աշխատանքներ:

Բարեկարգվել է 8 բակ, որից 3-ը համայնք-մասնավոր հատված համագործակցության միջոցով: Իրականացվել է 5000 քմ բակային տարածքների և մայթերի ասֆալտապատման աշխատանքներ:

2013թ. Մալաթիա-Սեբաստիա վարչական շրջանում իրականացվել է 9900քմ ասֆալտբետոնե ծածկի նորոգման աշխատանքներ:

Կառուցվել է 2 մինի ֆուտբոլի դաշտ:

Հետիոտնի անվտանգ տեղաշարժն ապահովելու նպատակով կառուցվել են վերգետնյա անցումներ Սեբաստիա, Բաբաջանյան փողոցներում և Իսակովի պողոտայում:

Իրականացվել է 300 գծմ եզրաքարի, 250քմ բետոնե սալիկի, խաղահրապարակների ցանկապատման և այլ աշխատանքներ: Րաֆֆու փողոցի վրա վերանորոգվել, սալիկապատվել է 110քմ հետիոտնային անցումը:

Համայնք-մասնավոր հատված համագործակցությամբ 16 փողոցներում տեղադրվել է 169 լուսատու:

Վերանորոգվել է 5 հետիոտն անցումների աստիճանավանդակներ:

Ձեռք է բերվել 200 նստարան, 5 զրուցատաղավար, 90 աղբաման և 51 միավոր մանկական խաղեր:

Վերանորոգվել են շենքերի բակերում գտնվող անսարք խաղային համալիրները, վնասված նստարանները, տեղադրվել են նոր նստարաններ:

Ավարտվում են Րաֆֆու փողոցի սիզամարգի (Անդրանիկի փողոցից մինչև Շերամի փողոց) վերանորոգման աշխատանքները:

Իրականացվել է 78 հա անտառ-պուրակների, այգիների, սիզամարգերի խնամք, բարեկարգում և պահպանում: Շրջանի կանաչ տարածքները ընդարձակվել են 1հա-ով, ավելացել են բարեկարգված բակերի կանաչ տարածքները` 5800քմ, վերանորոգվել են գործող ոռոգման ցանցերը` 4240գծմ, անց են կացվել նոր ոռոգման ցանցեր` 11200գմ, վերանորոգվել են սիզամարգային տարածքներ, տնկվել են 3000 հատ ծառ և թուփ, ծաղկային տարածությունները ընդարձակվել են, իրականացվել է 1500 ծառի երիտասարդացում, ծառերի և թփերի բուժում:

2014 թվականին նախատեսվող աշխատանքներ

2014թ. նախատեսվում է 6250 քմ հարթ տանիքների վերանորոգում, ինչպես նաև 127 վերելակների, վերելակի հորերի, շենքերի ներքին ցանցի խողովակների վերանորոգման աշխատանքներ:

Կվերանորոգվեն և կվերականգնվեն բազմաբնակարան բարձրահարկ շենքերի անձրևատար խողովակները և կոյուղու ներքին ցանցը:

Կիրականացվեն բազմաբնակարան բարձրահարկ շենքերի աղբատար խողովակների աղբապատուհանների (աղբալցման կետերի) վերանորոգման և նորերի տեղադրման աշխատանքներ, ինչպես նաև կախովի աղբախցիկների վերանորոգման և վերակառուցման աշխատանքներ:

2014թ. կշարունակվեն ասֆալտ-բետոնե ծածկի ընթացիկ նորոգման աշխատանքները: Կիրականացվեն մայթերի ասֆալտապատման և սալապատման, ինչպես նաև հենապատերի վերանորոգման և հիմնանորոգման աշխատանքներ: Կիրականացվի փողոցների եզրաքարերի վերանորոգում:

Կիրականացվի Վեգների փողոցի վրա գտնվող հետիոտնային կամրջի վերակառուցում և Մեծարենցի փողոցի կամրջի վերանորոգում: Տեղաշարժվելու դժվարություն ունեցողների տեղաշարժն ապահովելու համար կկառուցվեն թեքահարթակներ հետիոտնային անցումների մոտ:

2014թ. ընթացքում նախատեսվում է «Մալաթիա» պուրակում Նարեկացու հուշարձանից դեպի Ռ. Մելիքյանի փողոց տանող հետիոտն ճանապարհի կառուցում, վերանորոգում և վերակառուցում:

2014թ. նախատեսվում է կանգառների կահավորման աշխատանքներ իրականացնել վարչական շրջանի տարբեր մասերում ներառյալ կանգառասրահների պատրաստում և տեղադրում:

Կիրականացվեն բազմաբնակարան շենքերի միջբակային անցուղիների ասֆալտապատում (1800քմ), խաղահրապարակների ցանկապատում և միջբակային 12 անցուղիների վերանորոգման և կառուցման աշխատանքներ, ինչպես նաև կվերանորոգվեն անսարք խաղային համալիրները, կոտրված նստարանները: Փողոցների և բակերի ասֆալտապատման աշխատանքները կրելու են շարունակական բնույթ:

Շենքերի բակերում կտեղադրվեն մանկական 40 սպորտային համալիր խաղեր: Նախատեսվում է այգիներում և բակերում առկա 5 շատրվանների վերանորոգում և վերագործարկում:

Մալաթիա-Սեբաստիա վարչական շրջանի 78 հա կանաչ տարածքների` անտառ-պուրակների, այգիների, սիզամարգերի խնամքի, բարեկարգման և ընդլայնման աշխատանքներին զուգընթաց խիտ բնակեցված թաղամասերում նախատեսվում է ստեղծել 1 հա նոր այգի, պուրակներ, վերանորոգել սիզամարգային տարածքները, տնկել 2300 ծառ և թուփ: Կանաչ տարածքները կընդլայնվեն 1 հա-ով:

«Վ.Զատիկյանի» և «Մայրության» այգիներում կկառուցվեն փակ զրուցատաղավարներ:

Կվերանորոգվեն մինի ֆուտբոլի դաշտերը:

Նախատեսվում է նոր ոռոգման ցանցի անցկացում (700գմ) կանաչ տարածքների այն հատվածներում, որտեղ ընդլայնման աշխատանքներ են ընթանալու (նաև շենքերի բակային տարածքներում), ինչպես նաև կվերանորոգվի ոռոգման ցանցի անսարք հատվածը:

 

ՆՈՐ ՆՈՐՔ ՎԱՐՉԱԿԱՆ ՇՐՋԱՆ

 

Նոր Նորք վարչական շրջանը սահմանակից է Ավան, Կենտրոն, Էրեբունի, Նորք-Մարաշ և Քանաքեռ-Զեյթուն վարչական շրջաններին:

Նոր Նորք վարչական շրջանի տարածքը կազմում է 1411 հա, բնակչությունը` 148.6 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. արտաքին լուսավորության ապահովում, ներառյալ չլուսավորվող փողոցներում և տարածքներում

3. հանգստի գոտիների ստեղծում

4. կանաչ տարածքների և ոռոգման ցանցի ընդլայնում

5. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

6. անվտանգ տեղաշարժն ապահովելու համար անցումների ընթացիկ նորոգում և կառուցում

7. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

8. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

9. լողավազանի և ֆուտբոլի դաշտի կառուցում

10. հարթ և թեք տանիքների վերանորոգում

11. սեփական տների ինժեներական կոմունիկացիաների անցկացում

12. գործող համատիրությունների վերակազմավորում և խոշորացում

13. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի ապահովում և առավել թափանցիկության ապահովում

14. քաղաքաշինական միջավայրի բարելավում և արդյունավետ հողօգտագործման ապահովում

 

Կրթություն, մշակույթ և սպորտ

Վարչական շրջանում գործում է 22 մանկապարտեզ, 20 հանրակրթական դպրոց (5 ավագ, 15 հիմնական), Ա.Շիրակացու անվան ճեմարանը, ԵՃՇՊՀ-ի միջին մասնագիտական, տարածաշրջանային հ.2 քոլեջը, «Էլիտա» հեղինակային միջնակարգ դպրոցը, հ.17 հատուկ դպրոցը և հ.4 արհեստագործական ուսումնարանը:

Նոր Նորք վարչական շրջանում գործում է 1 երաժշտական դպրոց, 1 արվեստի դպրոց, 1 ուսումնամեթոդական գիտաարտադրական կենտրոն, 1 գրադարան և 1 մշակույթի կենտրոն, 3 մարզադպրոց:

Նոր Նորք վարչական շրջանի մանկապարտեզներում կրթությունն անվճար է: Վարչական շրջանի բոլոր կրթօջախները ջեռուցվում են:

2013 թվականին իրականացված աշխատանքներ

2013թ. իրականացվել են մանկապարտեզների գույքի արդիականացում և խոհանոցային պարագաների համալրում:

Համայնք-մասնավոր հատված համագործակցության շրջանակում հ.104 մանկապարտեզում կատարվել են 6 սանհանգույցի վերանորոգման աշխատանքներ:

Անցկացվել են տոն ու հիշատակի օրերին նվիրված մշակութային ու սպորտային միջոցառումներ:

Հետևողական վերահսկողություն է իրականացվել մանկապարտեզներում սննդի որակի պահպանման, ուսումնադաստիարակչական աշխատանքների պատշաճ կազմակերպման նկատմամբ:

Վերահսկողություն է իրականացվել ուսումնական հաստատությունների հարակից տարածքների սանմաքրման, բարեկարգման և կանաչապատման աշխատանքների նկատմամբ:

2013թ. ընթացիկ վերանորոգման աշխատանքներ են իրականացվել Նոր Նորքի տարբեր ուսումնական հաստատություններում: Հիմնանորոգվել է հ.111 մանկապարտեզը, իսկ հ.101 մանկապարտեզի հիմնանորոգումը ավարտական փուլում է:

Հիմնանորոգվել է Նոր Նորքի մշակույթի կենտրոնը, ընթացքի մեջ են «Տորք Անգեղ» մարզամշակութային կենտրոնի հիմնանորոգման աշխատանքները:

2013թ. անցկացվել են 12 մշակութային և 3 սպորտային միջոցառումներ` նվիրված տոն և հիշատակի օրերին: Մինչև տարեվերջ նախատեսվում է ևս 4 մշակութային և 2 սպորտային միջոցառում:

2014 թվականին նախատեսվող աշխատանքներ

2014թ. Նոր Նորք վարչական շրջանի մանկապարտեզներում կշարունակվի գույքի արդիականացման և խոհանոցային պարագաների համալրման գործընթացը:

Շարունակական բնույթ են կրելու տոն և հիշատակին նվիրված միջոցառումների անցկացումը:

Հետևողական վերահսկողություն է իրականացվել մանկապարտեզներում մատուցվող սննդի որակի պահպանման, ուսումնադաստիարակչական աշխատանքների պատշաճ կազմակերպման նկատմամբ:

Կշարունակվի հսկողությունը մանկապարտեզներում սննդի որակի, ուսումնադաստիարակչական աշխատանքների պատշաճ ընթացքն ապահովելու ուղղությամբ:

Վերահսկողություն կիրականացվի ուսումնական հաստատությունների հարակից տարածքների սանմաքրման, բարեկարգման և կանաչապատման աշխատանքների նկատմամբ:

Սոցիալական ապահովություն և առողջապահություն

Նոր Նորք վարչական շրջանում գործում է «Սուրբ Գրիգոր Լուսավորիչ» բժշկական կենտրոնը, 5 ամբուլատոր պոլիկլինիկական հիմնարկ, 6 բարեգործական ճաշարան:

2013 թվականին իրականացված աշխատանքներ

2013թ.-ին սոցիալապես անապահով քաղաքացիներին տրամադրվել է շուրջ 436 միջնորդագիր բժշկական ծառայություններից օգտվելու համար:

Վարչական շրջանի խոցելի խմբերին սոցիալապես անապահով բնակչությանը, զոհված և հաշմանդամ ազատամարտիկների ու բազմազավակ ընտանիքներին տրամադրվել են սննդային փաթեթներ: Անհրաժեշտությունից ելնելով առավել կարիքավոր ընտանիքների տրամադրվել է միանվագ օգնություն, օգտագործված հագուստ: Միայնակ և հաշմանդամ ընտանիքների տրամադրվել են գազի վառարաններ:

Նոր Նորք վարչական շրջանում ապահովվել է 6 բարեգործական ճաշարանների աշխատանքը: Երեք անօթևան տեղավորվել է «Հանս Քրիստիան Կոֆոյեդ» բարեգործական հիմնադրամի կացարան:

Վարչական շրջանի սոցիալապես անապահով ընտանիքների երեխաների ամառային հանգիստը կազմակերպվել է Ծաղկաձորի «Աղբյուր» ճամբարում: Դպրոցահասակ երեխաներին տրամադրվել է պայուսակներ և գրենական պիտույքներ:

Հոգեբանի ծառայությունների կարիք ունեցող երեխաներին տրամադրվել են միջնորդագրեր «Առողջության և կրթության կենտրոն» այցելելու համար:

2014թ. կշարունակվի մինչև 18 տարեկան հաշմանդամ երեխաների հաշվառման գործընթացը: Անհրաժեշտությունից ելնելով անվասայլակներ կտրամադրվեն հենաշարժիչ համակարգի հետ խնդիրներ ունեցող անչափահասներին:

Կիրականացվեն սոցիալական ծրագրեր` ուղղված Նոր Նորք վարչական շրջանի սոցիալապես խոցելի խմբերի, մասնավորապես բարեգործական ճաշարանների շահառուների, ինչպես նաև սոցիալապես անապահով ընտանիքների սոցիալական խնդիրների լուծմանը և բարելավմանը:

Բնակարանային-կոմունալ տնտեսություն և բարեկարգում

Նոր Նորք վարչական շրջանում հաշվառված է 665 բազմաբնակարան շենք, որից բարձրահարկ 301: Գործում է 589 վերելակ: Կա 4 գետնանցում, 3 լողավազան, 20 մարզահրապարակ և 3 բաղնիք:

Կանաչ տարածքների մակերեսը կազմում է 399,18 հա, այդ թվում 17 այգի ու 5 պուրակ:

2013 թվականին իրականացված աշխատանքներ

2013թ. Նոր Նորք վարչական շրջանում հիմնանորոգվել են 6 վերելակ, 11 աստիճան: Բակերի բարեկարգման աշխատանքների շրջանակում կառուցվել են խաղահրապարակներ հետևյալ հասցեներում` Բագրևանդ 1 շենքի, 2-րդ զանգ. Թոթովենց նրբ. հ.հ. 3/1, 3/2, 3/3 շենքերի, Ջրվեժ Մայակ 38 շենքի, 1-ին զանգ. Սաֆարյան 6 և Նանսենի 5/2 շենքերի, 5-րդ զանգ. Մառի 9, 11, 13 շենքերի, Բ. Մուրադյան 4 շենքի, 9-րդ զանգ. 67/1 շենքի հարակից տարածքներում: Վերանորոգվել են 120 մանկական խաղեր:

Բարեկարգվել են Քոչարյան 4, Գալշոյան հ.հ. 10, 12, 14, 7-րդ զանգ. հ.հ. 49, 50, 51 շենքերի հարակից տարածքները, 4-րդ զանգ. Թումանյանի այգին, 8-րդ զանգ. Սիրահարների այգին, 9-րդ զանգ. 101 շենքին հարակից այգին: Տեղադրվել է 95 նստարան, 15 զրուցարան, 20 մանկական ճոճանակ:

Կատարվել են 20 շքամուտքերի, ջրթափ խողովակներ, տանիքների վերանորոգման աշխատանքներ:

2013թ. իրականացվել է 12000քմ ասֆալտ-բետոնե ծածկի ընթացիկ և հիմնական նորոգման, ինչպես նաև 290 գծմ բազալտե եզրաքարերի վերանորոգման աշխատանքներ:

Նոր Նորք վարչական շրջանում կանաչապատման աշխատանքների շրջանակում իրականացվել են ծառատնկման և թփերի տնկման (3973 ծառ և 4348 թուփ), ծաղկապատման (շուրջ 117 հազ. ծաղիկ 7311քմ) աշխատանքներ:

2014 թվականին նախատեսվող աշխատանքներ

Նոր Նորք վարչական շրջանում 37.58 հա կանաչ տարածքների պահպանման, կանաչապատման և ծաղկապատման աշխատանքները կրելու են շարունակական բնույթ:

Նախատեսվում է իրականացնել վարչական շրջանի փողոցների երթևեկելի մասի և մայթերի, բնակելի շենքերի բակային տարածքների ասֆալտ-բետոնե ծածկի ընթացիկ և հիմնական նորոգման աշխատանքներ (8000քմ), ինչպես նաև 500 գծմ բազալտե եզրաքարերի ընթացիկ վերանորոգում:

Կիրականացվեն 25 շքամուտքի, տանիքների նորոգման, ինչպես նաև 5 վերելակների հիմնանորոգման աշխատանքներ:

Նախատեսվում է ձեռք բերել 60 մանկական խաղ, 60 զրուցարան, նստարաններ` բակային տարածքներում և այգիներում տեղադրելու համար:

2014թ. կմաքրվի և կարգի կբերվի Գետառ և Ջրվեժ գետերի հուները: Նախատեսվում է կառուցել և վերակառուցել Միկոյան 1շ., Գալշոյան 12 շ., Վիլնյուսի 49 շ., Նանսենի 7 շ., Բաղյան 1 նրբ. 3 շ., Գյուլիքեխվյան 29 շ., 7-րդ զանգ. 50շ., 8-րդ զանգ. 2 շրջադարձային 5 շենքի հարակից տարածքներում խաղահրապարակները:

Նախատեսվում է նաև Գալշոյան 8 շենքի դիմաց հանգստի գոտու ստեղծում, 6-րդ զանգվածում կասկադատիպ համալիրի կառուցման, ինչպես նաև 2-րդ զանգ. շատրվանների տարածքի և Հայկ Նահապետ արձանի տարածքների բարեկարգման աշխատանքների իրականացում: Աստիճաններ կկառուցվի Դ. Մալյան նրբ. 4/1 շենքի հարակից տարածքում և կհիմնանորոգվի Գայի 8 շենքից դեպի Գայի պողոտա իջնող աստիճանները:

2014թ. շրջանում նախատեսվում է ընդարձակել կանաչ տարածքները: Այդ ուղղությամբ կկազմակերպվի ծառատունկ, թփերի տնկում:

 

ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆ

 

Նորք-Մարաշ վարչական շրջանը սահմանակից է Կենտրոն, Էրեբունի և Շենգավիթ վարչական շրջաններին:

Նորք-Մարաշ վարչական շրջանի տարածքը կազմում է 470 հա, բնակչությունը 11.3 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. արտաքին լուսավորության ապահովում, ներառյալ չլուսավորվող փողոցներում և տարածքներում

3. հանգստի գոտիների ստեղծում

4. կանաչ տարածքների և ոռոգման ցանցի ընդլայնում

5. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

6. անվտանգ տեղաշարժն ապահովելու համար անցումների ընթացիկ նորոգում և կառուցում

7. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

8. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

9. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի ապահովում և առավել թափանցիկության ապահովում

10. քաղաքաշինական միջավայրի բարելավում և արդյունավետ հողօգտագործման ապահովում

 

Կրթություն, մշակույթ, սպորտ

Երևանի Նորք-Մարաշ վարչական շրջանում գործում է 4 մանկապարտեզ, 4 դպրոց, 2 հատուկ նշանակության դպրոց «Լսողության խանգարումներ ունեցող երեխաների գիշերօթիկ» և «Թիվ 2 օժանդակ» դպրոցները, 1 գրադարան, 1 մարզադպրոց, 1 երաժշտական դպրոց:

Նոր Նորք վարչական շրջանի մանկապարտեզներում կրթությունն անվճար է: Բոլոր կրթօջախները ջեռուցվում են:

2013 թվականին իրականացված աշխատանքներ

Նորք-Մարաշ վարչական շրջանում 2013թ. հիմնանորոգվել են հ.հ. 123 և 124 մանկապարտեզների շենքերը:

2013թ. իրականացվել է մանկապարտեզներում գույքի արդիականացում և խոհանոցային պարագաների համալրում:

Մանկապարտեզներում խիստ հսկողություն է իրականացվում սննդի որակի, սննդամթերքի պահպանման պայմանների և ժամկետների վրա:

Նորք-Մարաշ վարչական շրջանում անցկացվել են մշակութային և սպորտային միջոցառումներ նվիրված տոն և հիշատակի օրերին:

2014 թվականին նախատեսվող աշխատանքներ

2014թ. նախատեսվում է հիմնանորոգել Նորք-Մարաշ վարչական շրջանի երաժշտական դպրոցը` միաժամանակ ստեղծելով անհրաժեշտ պայմաններ այլ արվեստի և մշակույթի խմբակների ստեղծման համար:

Մշակութային և սպորտային միջոցառումների ծրագրերը կկրեն շարունակական բնույթ:

Սոցիալական ապահովություն և առողջապահություն

Նորք-Մարաշ վարչական շրջանում գործում է 6 առողջապահական կազմակերպություն, Մանկան տունը, Նորքի տուն-ինտերնատը:

2013 թվականին իրականացված աշխատանքներ

2013թ. իրականացվել են մի շարք ծրագրեր սոցիալապես խոցելի խավերին տարբեր տեսակի օգնություն տրամադրելու ուղղությամբ:

Թոշակառուներին և հաշմանդամներին, ինչպես նաև սոցիալապես անապահով ընտանիքներին տրամադրվել են միջնորդագրեր պետպատվերի շրջանակում, ինչպես նաև ցուցաբերվել է դրամական աջակցություն:

2013թ. կազմակերպվել է սոցիալապես անապահով ընտանիքների 60 երեխայի ամառային հանգիստը ճամբարներում:

Աջակցություն է ցուցաբերվել Նորք-Մարաշ վարչական շրջանում բնակություն հաստատած 10 սիրիահայ ընտանիքներին:

2013թ. Ամանորի կապակցությամբ շուրջ 600 սոցիալապես անապահով ընտանիք, Հայրենական Մեծ պատերազմի և Արցախյան պատերազմի մասնակից վետերաններ, զոհված ազատամարտիկների ընտանիքներ ստացել են սննդային փաթեթներ:

Յուրաքանչյուր տարի վարչական շրջանում բնակվող շուրջ 60 երեխա մեկնել է ճամբար` ամառային հանգստի նպատակով: Գիտելիքի օրվա կապակցությամբ անապահով ընտանիքների երեխաներին տրվել են պայուսակներ և գրենական պիտույքներ:

Համագործակցելով մայրաքաղաքում գործող թատրոնների և մշակույթի տների հետ, ինչպես նաև ծրագրերի իրականացմանը ընդգրկելով տարբեր հովանավոր կազմակերպությունների և անհատ բարերարների` վարչական շրջանում բնակվող տարբեր կարիքավոր ընտանիքներ մասնակցել են կազմակերպված թատերական և համերգային ծրագրերին:

2014 թվականին նախատեսվող աշխատանքներ

2014 թվականին շարունակական բնույթ են կրելու սոցիալապես խոցելի խավերին, ինչպես նաև Հայրենական Մեծ պատերազմի և Արցախյան պատերազմի մասնակիցներին աջակցելուն ուղղված ծրագրերը, մասնավորապես պետպատվերի շրջանակում կտրամադրվեն միջնորդագրեր, կտրվեն սննդային փաթեթներ:

Երեխաների ամառային հանգստի կազմակերպման նպատակով` կիրականացվեն ըստ առաջնայնության խոցելի խմբերի, վետերանների և այլ ընտանիքների երեխաների ճամբարներում հանգստի կազմակերպման աշխատանքներ:

Բնակարանային-կոմունալ տնտեսություն և բարեկարգում

Նորք-Մարաշ վարչական շրջանի 25 փողոցների երկարությունը կազմում է մոտ 22,5կմ: Ոռոգման ցանցի երկարությունը 14817գծմ է:

2013 թվականին իրականացված աշխատանքներ

2013թ. Նորք-Մարաշ վարչական շրջանում ասֆալտապատվել և բարեկարգվել է շուրջ 38.0 հազ.քմ ճանապարհ:

Նորք-Մարաշ վարչական շրջանի հասարակական գոտիներում և սեփական տնատիրություններում իրականացվել է ոռոգման ջրի 550գծմ ցանցի հիմնանորոգման աշխատանքներ:

2013թ. վարչական շրջանում հասարակական տրանսպորտի ծառայությունների բարելավման նպատակով տեղադրվել են 22 նոր կանգառասրահներ:

2013թ. կանաչապատ տարածքը կազմում է 0.77հա, որը 2 անգամ գերազանցում է 2009թ. ցուցանիշը:

Երևանի Նորք-Մարաշ վարչական շրջանում 2014թ. նախատեսվում է իրականացնել 4950քմ փողոցների և մայթերի ընթացիկ նորոգման աշխատանքներ:

Նախատեսվում է կանաչապատ տարածքների մակերեսը հասցնել 1.0 հա: Հետիոտնի անվտանգ տեղաշարժն ապահովելու նպատակով կկառուցվեն անցումներ Կանաչ տարածքների խնամքն ու պահպանումն ապահովելու համար կիրականացվեն 120գծմ ոռոգման ցանցի հիմնանորոգման աշխատանքներ:

Կիրականացվեն բակերի բարեկարգման աշխատանքներ:

 

ՆՈՒԲԱՐԱՇԵՆ ՎԱՐՉԱԿԱՆ ՇՐՋԱՆ

 

Նուբարաշեն վարչական շրջանը սահմանակից է Կոտայքի և Արարատի մարզերին, Շենգավիթ և Էրեբունի վարչական շրջաններին:

Նուբարաշեն վարչական շրջանի տարածքը կազմում է 1731 հա, բնակչությունը 9.8 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. արտաքին լուսավորության ապահովում, ներառյալ չլուսավորվող փողոցներում և տարածքներում

3. Նուբարաշեն վարչական շրջանի Ա, Բ, Գ, Դ, Ե, Զ և Է թաղամասերի խմելու ջրի մատակարարման համակարգի ստեղծում, կոյուղու կառուցում

4. հանգստի գոտու ստեղծում

5. կանաչ տարածքների ընդլայնում

6. մինի ֆուտբոլի դաշտի կառուցում

7. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

8. սպասարկող բժշկական ընկերությունների շենքային պայմանների բարելավում, գույքի արդիականացում

9. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

10. շախմատի դպրոցի կառուցում

11. հարթ և թեք տանիքների նորոգում

12. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի ապահովում և առավել թափանցիկության ապահովում

13. քաղաքաշինական միջավայրի բարելավում և արդյունավետ հողօգտագործման ապահովում

 

Կրթություն, մշակույթ, սպորտ

Նուբարաշեն վարչական շրջանի տարածքում գործում է 1 մանկապարտեզ (հ. 125), 2 հանրակրթական դպրոց, 1 երաժշտական դպրոց, 1 մարզամշակութային կենտրոն, 1 գրադարան (թիվ 34), Երեխաների խնամքի և պաշտպանության հ.2 գիշերօթիկ հաստատությունը, մտավոր թերզարգացում ունեցող երեխաների հ.11 օժանդակ (գիշերօթիկ) դպրոց, «Փոքր Մհեր» կրթահամալիրը:

Նուբարաշեն վարչական շրջանի մանկապարտեզում կրթությունն անվճար է: Վարչական շրջանի բոլոր կրթօջախները ջեռուցվում են:

2013 թվականին իրականացված աշխատանքներ

Իրականացվել են միջոցառումներ նվիրված տոն և հիշատակի օրերին: Կազմակերպել է մարզական և զանգվածային սպորտային միջոցառումներ: Աջակցություն է ցուցաբերվել լավագույն ցուցանիշներ ունեցող մարզիկներին:

Խրախուսվել են մանկավարժներ, դաստիարակներ և երեխաներ:

2013թ. իրականացվել է մանկապարտեզում գույքի արդիականացում և խոհանոցային պարագաների համալրում: Ընդլայնվել է մարզամշակութային կենտրոնի սպորտային և մշակութային խմբակները:

2014թ. շարունակական բնույթ են կրելու տոն և հիշատակի օրերին նվիրված, ինչպես նաև սպորտային միջոցառումների անցկացումը: Կրթօջախներում կանցկացվեն մրցույթներ, ստուգատեսներ, հանդիպումներ:

2014թ. նախատեսվում է իրականացնել գրադարանի, երաժշտական դպրոցի, հ. 95 դպրոցին հարող տարածքի ֆուտբոլի դաշտի հիմնանորոգման աշխատանքներ:

Նախատեսվում է մարզամշակութային կենտրոնում ընդլայնել սպորտային և մշակութային խմբակները:

Սոցիալական ապահովություն և առողջապահություն

Նուբարաշեն վարչական շրջանում գործում է Հանրապետական հոգեբուժական հիվանդանոցը, «Նուբարաշեն» պոլիկլինիկան:

2013 թվականին իրականացված աշխատանքներ

Տարբեր հասարակական կազմակերպությունների և բարերարների հետ համագործակցությամբ ցուցաբերվել է աջակցություն վարչական շրջանի անապահով բնակչությանը սոցիալական պայմանները բարելավելու ուղղությամբ («Հուսաստղ» ՀԿ, «Սատար» հաշմանդամների ՀԿ, «Կանանց աջակցման կենտրոն» ՀԿ, «ԱՄՔՈՐ ԱՐՄԵՆԻԱ» ՀԿ և «Լենա» հասարակության զարգացմանն աջակցող հասարակական կազմակերպություն): Համագործակցություն է իրականացվում տնային պայմաններում միայնակ տարեցների և հաշմանդամների սոցիալական սպասարկման կենտրոնի հետ: Իրականացվել են մի շարք համատեղ միջոցառումներ:

Աջակցության ծրագրեր են իրականացվել միայնակ տարեցների, փախստականների, կենսաթոշակառուների և հաշմանդամների համար:

Հատուկ ուշադրության են արժանացել ծնողազուրկ և անապահով ընտանիքի երեխաները նրանց ընդգրկելով վարչական տարածքում գործող կրթամշակութային օջախներում անցկացվող խմբակների կազմում:

թվականին նախատեսվող աշխատանքներ

Շարունակական բնույթ են կրելու անապահով բնակչության համար կազմակերպվող ծրագրերը: Ծնողազուրկ և անապահով ընտանիքների երեխաների համար ապահովվելու են Նուբարաշեն վարչական շրջանում գործող կրթամշակութային օջախների խմբակներում ընդգրկվածությունը: Աջակցություն կցուցաբերվի միայնակ ծերերին, փախստականներին, կենսաթոշակառուներին և հաշմանդամներին:

Նուբարաշեն վարչական շրջանի անապահով ընտանիքների երեխաների համար կտրամադրվեն ամառային հանգիստը ճամբարում անցկացնելու ուղեգրեր:

Բնակարանային-կոմունալ տնտեսություն և բարեկարգում

Նուբարաշեն վարչական շրջանում հաշվառված է 1047 սեփական տնտեսություն, 36 բազմաբնակարան շենք: Գործում է հիմնանորոգված 6 վերելակ:

Նուբարաշեն վարչական շրջանի ընդհանուր օգտագործման կանաչ տարածքները կազմում են 4,7 հա, որից փողոցների սիզամարգերը` 0,3 հա, զբոսայգիները` 3,0 հա, պուրակները` 0,13 հա:

2013 թվականին իրականացված աշխատանքներ

2013թ. Նուբարաշեն վարչական շրջանում իրականացվել է 13.0 հազ. քմ ասֆալտբետոնե ծածկի նորոգման աշխատանքներ:

Սեփական տնատիրությունների (1, 3, 5, 15, 17 փողոց) ոռոգման համակարգերի վերանորոգման աշխատանքները նախատեսվում է ավարտել 2013 թվականին:

2013թ. բարեկարգվել է 6-րդ փողոցի սկզբնամասում գտնվող պուրակը: Կատարվել են կանաչապատման աշխատանքներ, ինչպես նաև ծառատունկ:

Տեղադրվել են նոր աղբամաններ:

2013թ. կառուցվել է գյուղմթերքների արտադրանքի իրացման մինի շուկա 12 փողոցում:

2014 թվականին նախատեսվող աշխատանքներ

2014թ. Նուբարաշեն վարչական շրջանում կիրականացվի 17.8 հազ. քմ փողոցների ասֆալտ-բետոնե ծածկի նորոգման աշխատանքները կրելու են շարունակական բնույթ: Աջակցություն կցուցաբերվի Ա, Բ, Գ, Դ, Ե, Զ, Է թաղամասերում բնակիչների խմելու ջրի խողովակների վերանորոգման աշխատանքներին:

Շարունակական բնույթ են կրելու կանաչ տարածքների խնամքը ապահովող աշխատանքները: Նախատեսվում է զբոսայգիներում, պուրակներում, ինչպես նաև կենտրոնական փողոցներում իրականացնել ծառատունկ, ձևավորել ծաղկային տարածքները: Կբարեկարգվի կենտրոնական զբոսայգին: Կտեղադրվեն աղբամաններ:

Նուբարաշեն վարչական շրջանում առևտուրը կանոնակարգելու նպատակով 2014թ. նախատեսվում է 11 փողոցի տարածքում կազմակերպել գյուղմթերքների արտադրանքի իրացման մինի շուկա:

 

ՇԵՆԳԱՎԻԹ ՎԱՐՉԱԿԱՆ ՇՐՋԱՆ

 

Շենգավիթ վարչական շրջանը սահմանակից է Էրեբունի, Կենտրոն, Մալաթիա-Սեբաստիա և Նուբարաշեն վարչական շրջաններին և Արարատի մարզին:

Շենգավիթ վարչական շրջանի տարածքը կազմում է 4060 հա, բնակչությունը 148.6 հազ. մարդ:

Շրջանն ընդգրկում է Խարբերդ, Չարբախ, Ն. Չարբախ, Վ. Շենգավիթ, Ն. Շենգավիթ, Աէրացիա, Նորագավիթ թաղամասերը, Գ. Նժդեհ, Բագրատունյաց, Արշակունյաց, Արտաշիսյան և հարակից փողոցներով ճյուղավորված բնակելի զանգվածները:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. արտաքին լուսավորության ապահովում, ներառյալ չլուսավորվող փողոցներում և տարածքներում

3. հանգստի գոտիների ստեղծում

4. կանաչ տարածքների ընդլայնում

5. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

6. անվտանգ տեղաշարժն ապահովելու համար անցումների ընթացիկ նորոգում և կառուցում

7. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

8. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

9. շենքերի գեղարվեստական ձևավորում, ներառյալ վթարային շքապատշգամբների բարեկարգում

10. հարթ և թեք տանիքների վերանորոգում

11. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի ապահովում և թափանցիկության ապահովում

12. քաղաքաշինական միջավայրի բարելավում և առավել արդյունավետ հողօգտագործման ապահովում

 

Կրթություն, մշակույթ, սպորտ

Շենգավիթ վարչական շրջանում գործում է 29 դպրոց և 22 մանկապարտեզ, 4 գրադարան, 3 մարզադպրոց, 2 երաժշտական և 3 կրթամշակութային հիմնարկ, պատանեկան ստեղծագործական կենտրոն և տեխնիկական ստեղծագործական կենտրոն:

Շենգավիթ վարչական շրջանի մանկապարտեզներում կրթությունն անվճար է: Վարչական շրջանի բոլոր կրթօջախները ջեռուցվում են:

2013 թվականին իրականացված աշխատանքներ

2013թ. իրականացվել է մանկապարտեզներում գույքի արդիականացում և խոհանոցային պարագաների համալրում:

Շենգավիթ վարչական շրջանում իրականացվել է 4 մանկապարտեզների վերանորոգման աշխատանքներ:

Հսկողություն է իրականացվել սննդի որակի, ճաշացանկի համապատասխանության և դրա կազմակերպման խնդիրներին:

Ավարտող երեխաներն ապահովվել են դպրոցական պայուսակներով և գրենական պիտույքներով:

Ստ. Ջրբաշյանի և Ա.Տիգրանյանի անվան երաժշտական դպրոցներում նվազագույն քանակներով համալրվել են երաժշտական գործիքները և տեխնիկան, ամբողջությամբ փոխարինվել են էլեկտրական մալուխները:

Հ.5 մշակույթի կենտրոնում իրականացվել է 4 խմբասենյակի ներքին հարդարման աշխատանքներ:

Շենգավիթ վարչական շրջանի զբոսայգիներում, հրապարակներում և բակերում երեխաների ամառային հանգիստը հետաքրքիր դարձնելու նպատակով կազմակերպվել են բակային ճամբարներ:

Ազգային ավանդույթների, եկեղեցական ծեսերի պահպանմանը, ժողովուրդ-եկեղեցի կապի ամրապնդմանն ուղղված կազմակերպվել են Սուրբ Ծննդյան, Սուրբ Սարգսի, Տեառնընդառաջի, Սուրբ Զատկի, Վարդավառի և Վերափոխումն Սբ. Աստվածածնի տոնակատարություններին նվիրված տարատեսակ միջոցառումներ:

Կազմակերպվել և անցկացվել են պետական տոներին, հիշատակի օրերին, պետական խորհրդանիշերին նվիրված համերգային ծրագրեր, երթեր, բաց դասեր և այլ միջոցառումներ:

Հասարակական կազմակերպությունների հետ համագործակցությամբ իրականացվել են համերգային ծրագրեր, այցելություններ հուշահամալիրներ, թանգարաններ, զորամասեր:

2013թ. ընթացքում լուծվել է Հ.16 և Հ.32 գրադարանների ջեռուցման խնդիրը:

2014 թվականին նախատեսվող աշխատանքներ

2014 թվականին նախատեսվում են շինարարական և բարեկարգման աշխատանքներ հ.հ. 29 և 38 մանկապարտեզներում: Կիրականացվեն սանհանգույցների, կոյուղագծերի, ինչպես նաև ջրագծերի նորոգման և ներքին հարդարման աշխատանքներ:

Միջոցներ կձեռնարկվեն լուծելու և բարելավելու մշակութային հիմնարկների շենքային պայմանները` առաջնային ուշադրություն դարձնելով տանիքի, ջրագծերի և կոյուղագծերի ներքին ցանցի և ջերմամեկուսացման և էներգախնայող համակարգերին.

Աջակցություն կցուցաբերվի փողային նվագախումբ ստեղծելու աշխատանքներին:

Նախատեսվում է 2014թ. համայնք-մասնավոր հատված, ինչպես նաև համայնք-հասարակական կազմակերպություն համագործակցության ճանապարհով համալրել երաժշտական գործիքակազմը և լրացնել ուսումնաօժանդակ նյութերը:

Կանցկացվեն տոն և հիշատակի օրերին նվիրված միջոցառումներ:

Միջոցներ կձեռնարկվեն գրադարանների շենքերի ջերմամեկուսացման ապահովման նպատակով:

Ընթերցասրահները ժամանակակից պահանջներին համապատասխանեցնելու նպատակով կապահովվեն համակարգչային տեխնիկայով, համացանցով, գույքով, գրքային ֆոնդով:

Առողջ ապրելակերպի խթանմանն ուղղված կկազմակերպվեն մարզական միջոցառումներ, ֆլեշմոբեր, սպորտլանդիաներ, մրցումներ: Նախատեսվում է մարզական գույքի արդիականացում:

Քայլեր կձեռնարկվեն մարզադպրոցների գործունեության արդյունավետության բարձրացման ուղղությամբ:

Կմշակվեն և կիրականացվեն հաշմանդամ մարզիկների մասնակցությամբ մարզական ծրագրեր:

Սոցիալական ապահովություն և առողջապահություն

Վարչական շրջանի տարածքում գործում է 11 առողջապահական կազմակերպություն, Երևանի ենթակայության 5 պոլիկլինիկա:

2013 թվականին իրականացված աշխատանքներ

2013թ. պետպատվերի շրջանակում բժշկական օգնություն ու սպասարկում է ստացել շուրջ 160 մարդ, տրամադրվել է առողջարանային 7 ուղեգիր:

Աջակցություն է ցուցաբերվել սոցիալապես անապահով խավին, տարեցներին, հաշմանդամներին, երկկողմանի ծնողազուրկ երեխաներին, մանկավարժ վետերաններին, Հայրենական Մեծ պատերազմի վետերաններին, Արցախյան պատերազմի մասնակից և զոհված ազատամարտիկների ընտանիքներին, զոհված ազատամարտիկների ընտանիքների երեխաներին:

Կազմակերպվել են ճամբարներ սոցիալապես անապահով ընտանիքների երեխաների համար:

Հաշվառվել է սիրիահայ 45 ընտանիք, ցուցաբերվել է դրամական և նյութական աջակցություն:

Փախստականներին աջակցություն ցուցաբերելու նպատակով հուշագիր է ստորագրվել «Սեյվ դը չիլդրն» կազմակերպության հետ:

«Առդա» ԲՀԿ-ի հետ համագործակցության արդյունքում Շենգավիթ վարչական շրջանը ընդգրկվել է պարենային աջակցություն ստացողների ցանկում:

2013թ. Շենգավիթի զբաղվածության տարածքային կենտրոնի միջոցով աշխատանքի է տեղավորվել շուրջ 272 բնակիչ, որից մի մասն աշխատակազմի ուղղորդմամբ կամ միջամտությամբ:

Սոցիալական աջակցության ծրագրերը շարունակական բնույթ են կրում:

2014 թվականին նախատեսվող աշխատանքներ

Նախատեսվում է միջոցներ ձեռնարկել Ներքին Չարբախ թաղամասի պոլիկլինիկայի շենքային և գույքային պայմանների բարելավման ուղղությամբ:

2013թ. սոցիալական աջակցության ծրագրերը շարունակական բնույթ են կրելու: Նախատեսվում է սոցիալական աջակցության ծրագրերի շրջանակի ընդլայնում` հասարակական կազմակերպությունների, գործարար ոլորտի հետ համագործակցության արդյունքում:

Բնակարանային-կոմունալ տնտեսություն և բարեկարգում

Շենգավիթ վարչական շրջանն ունի 636 բազմաբնակարան բնակելի շենք, 138-ը բարձրահարկ (9-16 հարկանի), 272 վերելակ:

Հաշվառված է 5 գետնանցում, 1 վերգետնյա անցում:

Փողոցների թիվը 137, երկարությունը 99,5 կմ, մակերեսը 2130,2 հազ. քմ:

2013 թվականին իրականացված աշխատանքներ

2013թ. իրականացվել է շուրջ 51.0 հազ. քմ ասֆալտ-բետոնե ծածկի նորոգման, 73.0 հազ. քմ բակային տարածքների ասֆալտապատման, 300 գծմ եզրաքարերի վերանորոգման աշխատանքներ: Վերանորոգվել է 100գծմ հենապատ:

2013թ. Շենգավիթ վարչական շրջանում իրականացվել են 3700քմ հարթ և 8400քմ թեք տանիքների, 3300գծմ անձրևատար խողովակի վերանորոգման աշխատանքներ: Վերանորոգվել է 22 վերելակ:

Շենգավիթ վարչական շրջանի շենքերի շքամուտքերի բարեկարգման աշխատանքների շրջանակում տեղադրվել է 118 դուռ և 6 պատուհան, ընթացիկ վերանորոգվել 28 մուտք:

Իրականացվել է 8 շենքերի ֆասադների լվացում և 22 պատշգամբների վերանորոգում: Վարչական շրջանի մարդաշատ վայրերում տեղադրվել է 40 աղբարկղ: Կատարվել է շենքի ներքին ցանցի (200գծմ) և բակային ցանցի (200գծմ) ջրագծերի վերանորոգման աշխատանքներ: Կառուցվել է 7650գծմ նոր ջրագիծ: Վերանորոգվել է կոյուղագծերի ներքին ցանցի (900գծմ) և բակային ցանցի (70գծմ) մի մասը:

Մայրաքաղաքում ցայտաղբյուրների վերագործարկման ծրագրի շրջանակում Շենգավիթ վարչական շրջանում վերագործարկվել է 323 ցայտաղբյուր:

Բակային տարածքների բարեկարգման ծրագրի շրջանակում 2013թ. իրականացվել է 19 բակի բարեկարգման աշխատանք, տեղադրվել է 11 մանկական և 40 միավոր սպորտային խաղ, 22 զրուցատաղավար, 58 նստարան, նկարազարդվել է 8 կամարանցում:

2013թ. Շենգավիթ վարչական շրջանում կառուցվել է 2 մինի ֆուտբոլի դաշտ:

Իրականացվել է վարչական շրջանի բազմաբնակարան շենքերի գեղարվեստական լուսավորման աշխատանքներ:

2014 թվականին նախատեսվող աշխատանքներ

2014թ. նախատեսվում է իրականացվել շուրջ 80.0 հազ. քմ ասֆալտ-բետոնե ծածկի նորոգման, 70.0 հազ. քմ բակային տարածքների և 10.0 հազ. քմ մայթերի վերանորոգման աշխատանքներ: Կվերանորոգվի 180գծմ հենապատ: Նախատեսվում է 2000 գծմ եզրաքարերի վերանորոգում և 500 գծմ նորի տեղադրում:

Շենգավիթ վարչական շրջանում իրականացվելու է 20կմ փողոցների և 6կմ բակային տարածքների վերանորոգման աշխատանքներ:

2014թ. նախատեսվում է իրականացնել 3500քմ հարթ և 8000քմ թեք տանիքների, 2500մ անձրևատար խողովակների վերանորոգման աշխատանքներ:

Կիրականացվեն 20 շենքի ֆասադային հատվածի լվացման և 20 պատշգամբների վերանորոգման աշխատանքներ:

2014թ. նախատեսվում է իրականացնել 12 բակի բարեկարգման, աշխատանքներ, կտեղադրվեն 15 մանկական և 50 սպորտային խաղ, 20 զրուցատաղավար, 150 նստարան: Կկառուցվի 2 մինի ֆուտբոլի դաշտ:

Կկառուցվի 4կմ ոռոգման ցանց:

2014թ. նախատեսվում է շրջանում ընդարձակել կանաչ տարածքները և ստեղծել նոր ոռոգման ցանցեր, սիզամարգեր, անտառ-պուրակներ, որոնց համար նախատեսվել է տրամադրել 135000.0 հազ. դրամ: Կարմիր բլուր հնավայրին կից կստեղծվի 4 հա անտառ-պուրակ:

Այդ նպատակով նախատեսվում է իրականացնել`

 

._________________________________________________________.

|Հասցեները                |Ոռոգման ցանցի     |Սիզամարգերի |

|                         |երկարությունը, գմ |մակերեսը, քմ|

|_________________________|__________________|____________|

|Չեխովի փողոց             |3240              |2775.6      |

|_________________________|__________________|____________|

|Բագրատունյաց փողոց       |1100              |1007        |

|_________________________|__________________|____________|

|Եղ. Թադևոսյան  փողոց     |500               |1782        |

|_________________________|__________________|____________|

|Մանանդյան փողոց          |1000              |1657.6      |

|_________________________|__________________|____________|

|Եղբայրության փողոց       |600               |3872.6      |

|_________________________|__________________|____________|

|Շիրակի փողոց             |                  |            |

|(սկսած Երևանյան  լճից)   |8000              |4024        |

|_________________________|__________________|____________|

|Արտաշիսյան փողոց         |                  |            |

|(սկսած Երևանյան  լճից)   |4400              |3335.1      |

._________________________________________________________.

 

ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆ

 

Քանաքեռ-Զեյթուն վարչական շրջանը սահմանակից է Արաբկիր, Կենտրոն, Նոր Նորք, Ավան վարչական շրջաններին:

Քանաքեռ-Զեյթուն վարչական շրջանի տարածքը կազմում է 773 հա, բնակչությունը 79.9 հազ. մարդ:

 

Հիմնախնդիրներ

1. բակային տարածքների ամբողջական բարեկարգում, ներառյալ միջբակային տարածքների լուսավորում և ասֆալտապատում

2. արտաքին լուսավորության ապահովում, ներառյալ չլուսավորվող փողոցներում և տարածքներում

3. հանգստի գոտիների և ջրավազանների ստեղծում

4. կանաչ տարածքների և ոռոգման ցանցի ընդլայնում

5. տեղաշարժվելու դժվարություններ ունեցողների համար ենթակառուցվածքների (թեքահարթակներ) ստեղծում

6. անվտանգ տեղաշարժն ապահովելու համար անցումների ընթացիկ նորոգում և կառուցում

7. բնակչության առողջապահության որակի բարձրացում, ներառյալ սպասարկող բժշկական ընկերությունների շենքային պայմանների բարելավում, գույքի արդիականացում, վերազինում

8. կրթօջախների, մարզական և մշակութային օջախների շենքային պայմանների բարելավում ընթացիկ նորոգում և հիմնանորոգում, գույքի թարմացում

9. հարթ և թեք տանիքների վերանորոգում

10. կոյուղագծի անցկացում և դիտահորերի հիմնանորոգում (Քանաքեռի 13-րդ և Քանաքեռի 12-րդ փողոց, Լեփսիուսի փողոց)

11. հենապատերի ընթացիկ և հիմնական նորոգում

12. բնակչություն, ներառյալ իրավաբանական և ֆիզիկական անձանց և վարչական շրջանի աշխատակազմ հետադարձ կապի ապահովում և առավել թափանցիկության ապահովում

13. քաղաքաշինական միջավայրի բարելավում և արդյունավետ հողօգտագործման ապահովում

 

Կրթություն, մշակույթ, սպորտ

Քանաքեռ-Զեյթուն վարչական շրջանում գործում է 15 մանկապարտեզ, 9 հիմնական դպրոց, 3 ավագ դպրոց, 1 հատուկ դպրոց խոսքի ծանր խանգարումներով երեխաների համար, 1 հատուկ ֆիզմաթ դպրոց, 1 կրթահամալիր և ՌԴ ՊՆ դպրոց, 1 կերպարվեստի դպրոց, 2 արվեստի դպրոց, 1 երաժշտական դպրոց, 1 կենտրոնացված գրադարանային համալիր` 2 մասնաճյուղով, 1 մարզադպրոց, 1 մշակութային կենտրոն, 2 մանկատուն, 5 բարձրագույն, 1 մասնագիտական ուսումնական հաստատություն և 1 տուն-թանգարան:

2013 թվականին իրականացված աշխատանքներ

2013թ. Քանաքեռ-Զեյթուն վարչական շրջանում կազմակերպվել և անցկացվել են տոն և հիշատակի օրերին նվիրված, ինչպես նաև սպորտային միջոցառումներ:

«Կինոաշուն» ծրագրի շրջանակում 3 դահլիճներում ցուցադրվել են հայֆիլմեր, կազմակերպվել են բակային ճամբարներ և թվով 15 բակային զվարճալի մանկական միջոցառումներ:

Քանաքեռ-Զեյթուն վարչական շրջանի 13 հասցեներում իրականացվել են գունազարդման և նկարազարդման աշխատանքներ:

Վարչական շրջանի մանկապարտեզներում իրականացվել է գույքի արդիականացում և խոհանոցային պարագաների համալրում: Հիմնանորոգվել է հ.155 մանկապարտեզը, փոխվել են հ.152 մանկապարտեզի 3 դուռ, վերանորոգվել հ.158 մանկապարտեզի դռները, պատուհանները, 1 խմբասենյակ և տանիքը, փոխվել են հ. 161 մանկապարտեզում սանհանգույցի պարագաները, լվացարանները:

Ղ.Սարյանի անվան արվեստի դպրոցում վերանորոգվել է տանիքը և մի քանի դասասենյակ (ֆրանսիական ծրագիր):

Կենտրոնական գրադարանում փոխվել են դռները, պատուհանները և վերանորոգվել է տանիքը:

2014 թվականին նախատեսվող աշխատանքներ

Կիրականացվեն վերանորոգման աշխատանքներ Ա. Տեր-Ղևոնդյանի անվան թիվ 1 երաժշտական դպրոցում (պարի դասարանի հատակը), Ս. Բարխուդարյանի անվան թիվ 2 արվեստի դպրոցում, Ղ. Սարյանի անվան արվեստի դպրոցում (մասնակի):

Կիրականացվեն կենտրոնացված գրադարանային համալիրի տանիքի, Մինաս Ավետիսյանի անվան կերպարվեստի դպրոցի վերանորոգման աշխատանքներ: Մարզադպրոցը կապահովվի լոկալ ջեռուցման համակարգով:

Կհիմնանորոգվեն հ. 149, 152, 159, 161, 162 և կվերանորոգվեն հ.158, 148, 157, 153, 160 մանկապարտեզները:

Հ. 151, 155, 156 մանկապարտեզներում կիրականացվեն տանիքների հիմնական կամ մասնակի վերանորոգման աշխատանքներ:

Սոցիալական ապահովություն և առողջապահություն

Վարչական շրջանում գործում է 3 բարեգործական ճաշարան` Գերմանական Կարմիր Խաչի բարեգործական ճաշարանը (250 շահառու), «Առաքելություն Հայաստան» ԲՀԿ-ի բարեգործական ճաշարանը (109 շահառու) և Հայ Առաքելական եկեղեցու «Արաբկիրի Հայորդաց տան» բարեգործական ճաշարանը (107 շահառու): Վարչական շրջանում է գտնվում նաև «Առաքելություն Հայաստան» ԲՀԿ-ի կողմից սպասարկվող Սոցիալական տունը, որտեղ ժամանակավոր կացարան է հատկացված անօթևաններին:

Քանաքեռ-Զեյթուն վարչական շրջանը մի շարք բարեգործական կազմակերպությունների (Վորլդ Վիժն Հայաստան ՄԲԿ, «ՍՕՍ-Մանկական գյուղեր» ՀԲՀ, Գերմանական Կարմիր Խաչ, «Առաքելություն Հայաստան» ԲՀԿ, «ԱՌԴԱ» ԲՀ, UMCOR Հայաստան և IRD Միջազգային օգնություն և զարգացում ՀԿ-ները և այլն) հետ համատեղ իրականացնում են տեղական նշանակության բարեգործական ծրագրեր:

Քանաքեռ-Զեյթուն վարչական շրջանում գործում է 14 առողջապահական կազմակերպություն (Երևանի ենթակայության 4):

2013 թվականին իրականացված աշխատանքներ

Քանաքեռ-Զեյթուն վարչական շրջանի տարածքում գործող 3 բարեգործական ճաշարաններից սնունդ են ստանում 465 սոցիալապես անապահով շահառու (օրական մեկ անգամ):

Քանաքեռ-Զեյթուն վարչական շրջանի սոցիալապես անապահով բնակիչներին 2009-2013թթ. տրամադրվել է ֆինանսական օգնություն: Հայրենական Մեծ պատերազմի վետերաններին, Արցախյան ազատամարտում զոհված ազատամարտիկների ընտանիքներին, հաշմանդամ ազատամարտիկներին, շրջանի ամենատարեց բնակիչներին տոն և հիշատակի օրերին (Հաղթանակի օր, Տարեցների օր, Ամանոր և այլն) ցուցաբերվել է ինչպես դրամական, այնպես էլ նյութական աջակցություն, կատարվել են այցելություններ:

Երեխաների պաշտպանության միջազգային օրվա կապակցությամբ, Արամ Խաչատրյան համերգասրահում կազմակերպված բարեգործական համերգին մասնակցել են վարչական շրջանի հաշմանդամ, սոցիալապես անապահով ընտանիքների թվով 520 երեխա:

Ամառային արձակուրդների ընթացքում` երկու հերթափոխով, վարչական շրջանի սոցիալապես անապահով ընտանիքների 7-13 տարեկան 70 երեխայի ամառային հանգիստը կազմակերպվել է Ծաղկաձորի «Աղբյուր» ճամբարում:

«Վորլդ Վիժն Հայաստան» և «ՍՕՍ-Մանկական գյուղեր» ՀԿ-ների համագործակցությամբ 120 երեխա ամառային հանգիստը անցկացրել են բակային ճամբարներում: Վարչական շրջանի սոցիալապես անապահով, բազմազավակ ընտանիքի երկու երեխա իրենց ամառային հանգիստն են անցկացրել «Գուգարք» ճամբարում: Երեխաներին հատկացվել է հագուստ, կոշիկ, սնունդ:

«Գիտելիքի օրվա» կապակցությամբ վարչական շրջանի սոցիալապես անապահով ընտանիքների 400 դպրոցահասակ երեխաների տրվել են դպրոցական պայուսակներ ու պիտույքներ:

Վարչական շրջանի հաշմանդամ ազատամարտիկների, զոհված ազատամարտիկների և սոցիալապես առավել կարիքավոր 53 ընտանիքի հատկացվել է մոտ 95 խմ վառելափայտ:

Վարչական շրջանը սոցիալապես անապահով ընտանիքների, շրջանում բնակություն հաստատած սիրիահայերի սոցիալական խնդիրների լուծման և սոցիալական վիճակի բարելավման նպատակով բարեգործական հասարակական կազմակերպությունների հետ համագործակցությամբ իրականացրել է սոցիալական ծրագրեր` սննդի, հագուստի, կոշիկի, հիգիենայի պարագաների, գրենական պիտույքների, ծառերի տրամադրում և այլն:

«Վորլդ Վիժն Հայաստան», «ՍՕՍ-մանկական գյուղեր» և «ԱՌԴԱ» բարեգործական հասարակական կազմակերպությունների հետ համատեղ իրականացվել են տեղական նշանակության բարեգործական ծրագրեր:

Գերմանական Կարմիր Խաչի և «Առաքելություն Հայաստան» ԲՀԿ-ի կողմից տնային սպասարկում և խնամք են ստանում թվով 43 միայնակ տարեց ու խնամքի կարիք ունեցող կենսաթոշակառու:

ՀՀ սփյուռքի նախարարության «Արի տուն» խորագրով ծրագրի շրջանակում 2013թ. 25 ընտանիքների հայտադիմումներով ծրագրի 8 փուլերի ընթացքում վարչական շրջանում հյուրընկալվել են Գերմանիայից, Ռումինիայից, ՈՒրուգվայից, Արգենտինային, Իսրայելից, Ռուսաստանի Դաշնությունից, Վրաստանից, Աբխազիայից և այլ երկրներից ժամանած 22 սփյուռքահայ երեխա:

2013թ. շրջանի սոցիալապես անապահով ու առանձին (հատուկ) խմբերին չպատկանող, սակայն կարիքավոր բնակիչներին պետական պատվերի շրջանակներում կոնսերվատիվ բուժման, հետազոտման, վիրահատման նպատակով հատկացվել է 65 միջնորդագիր:

Հաշմանդամության խումբ ունեցող սոցիալապես անապահով 7 քաղաքացու տրամադրվել է «Գանձաղբյուր» առողջարանի ուղեգիր:

2013թ. փետրվարի 4-ին` «Քաղցկեղի դեմ պայքարի համաշխարհային օրվա կապակցությամբ», Վ. Ա. Ֆանարջյանի անվան ՈՒռուցքաբանության ազգային կենտրոնի հետ համատեղ բարեգործական ծրագրի շրջանակում, հիվանդության ժամանակին հայտնաբերման ու կանխարգելման նպատակով, իրականացվել են անվճար սոնոգրաֆիկ հետազոտություններ, ախտորոշումներ, որոնցում ընդգրկվել է 263 քաղաքացի, այդ թվում վարչական շրջանում բնակություն հաստատած 27 սիրիահայ:

2013թ. մարտի 8-ից ապրիլի 7-ը «Ձեզ համար կանայք» առողջապահական նախաձեռնության շրջանակում Սրտաբանության ԳՀԻ-ում, «Քանաքեռ-Զեյթուն» ԲԿ-ում, «Դավիթ Անհաղթ» ԲԿ ՓԲԸ և «Զեյթուն» համաբուժարաններում իրականացվել են անվճար խորհրդատվություններ, մասնակի հետազոտություններ, ախտորոշումներ, որոնցում ընդգրկվել է 160 կին, այդ թվում 13 սիրիահայ:

«Երևանյան ամառ. 2013» ծրագրի շրջանակում օգոստոսի 1-ից 31-ն ընկած ժամանակահատվածում «Դավիթ Անհաղթ» ԲԿ ՓԲԸ և «Զեյթուն» համաբուժարաններում անվճար բուժօգնություն են ստացել թվով 310 քաղաքացի:

2014 թվականին նախատեսվող աշխատանքներ

2014թ. կշարունակվի ՀՀ տոն և հիշատակի օրերին սոցիալապես անապահով բնակիչների համար տոնական միջոցառումների կազմակերպումն ու սննդի փաթեթների տրամադրումը, առավել կարիքավոր, սոցիալապես խոցելի այլ խմբերին պատկանող, ինչպես նաև սիրիահայ ընտանիքներին դրամական, նյութական աջակցության ցուցաբերումը, վառելափայտի տրամադրումը:

Սոցիալապես անապահով, նպաստառու ընտանիքների երեխաների համար կկազմակերպվեն բակային ճամբարներ:

Կշարունակվի վարչական շրջանի տարածքում գործող բարեգործական ճաշարանների գործունեությունը: Կստեղծվի նաև ցերեկային կենտրոն:

2014թ. կշարունակվի սոցիալապես անապահով ընտանիքների և տարբեր խոցելի խմբերի տվյալների բազայի թարմացման և քարտեզագրման աշխատանքները, որի արդյունքների հիման վրա նրանք ընդգրկվեն սոցիալական օգնության ծրագրերում: Կշարունակվի համագործակցությունը շրջանում գործող ՀԿ-ների հետ: 2014թ. կշարունակվի սոցիալապես առավել կարիքավոր բնակիչներին պետպատվերի շրջանակում միջնորդագրերի և հաշմանդամության կարգ ունեցող սոցիալապես անապահով բնակիչներին առողջարանային ուղեգրերի տրամադրումը:

Շրջանում գործող առողջապահական հաստատությունների հետ, համագործակցության շրջանակում կկազմակերպվեն «Բաց դռների օրեր» և կիրականացվեն խորհրդատվություններ, մասնակի հետազոտություններ, անհրաժեշտության դեպքում նաև բուժում:

Բնակարանային-կոմունալ տնտեսություն և բարեկարգում

Քանաքեռ-Զեյթուն վարչական շրջանն ունի 359 բազմաբնակարան բնակելի շենք, որում գործում է 216 վերելակ:

Վարչական շրջանն ունի 78 փողոց` 68,6 կմ երկարությամբ:

Վարչական շրջանում առկա է 21070 գծմ ոռոգման ջրագիծ (ներառյալ «Հաղթանակ» զբոսայգին), սիզամարգ` 7.7հա, ծաղկանոց` 0.28հա, վարդանոց` 0.08հա, ճմապատ տարածք` 0.1հա, անտառներ և լանջեր` 35.5հա, պուրակներ` 6.8հա:

2013 թվականին իրականացված աշխատանքներ

Վերանորոգվել են 100 շքամուտք, 12 վերելակ: Բազմաբնակարան շենքերում վերանորոգվել է 3667քմ հարթ և 2350քմ թեք տանիք:

Կառուցվել է 1 մինի ֆուտբոլի դաշտ, բարեկարգվել 14 բակային տարածք: Քանաքեռ-Զեյթուն վարչական շրջանում տեղադրվել են 18 շվաքարան, 8 զրուցարան և 82 նստարան:

Իրականացվել է 11.0 հազ.քմ ասֆալտապատման աշխատանք:

Կազմակերպվել է գյուղատնտեսական մթերքների շուկա Ահարոնյան փող. 10/5 և Պ. Սևակ հասցեներում:

2014 թվականին նախատեսվող աշխատանքներ

2014թ. նախատեսվում է իրականացնել բակային տարածքների բարեկարգման աշխատանքներ: Կասֆալտապատվի 5700քմ մակերես:

Շարունակական բնույթ են կրելու շենքերի և կառույցների ընթացիկ նորոգման և պահպանման, բազմաբնակարան շենքերի (Լեփսիուսի 39 և Զ.Սարկավագի 151) թեք տանիքների կապիտալ վերանորոգման և 10 վերելակների մասնակի վերանորոգման աշխատանքները:

Կտեղադրվեն զրուցարաններ, շվաքարաններ, նստարաններ:

Քանաքեռ-Զեյթուն վարչական շրջանում նախատեսվում է ավելացնել սիզամարգերի (1000քմ), ծաղկապատ տարածքների (400քմ), վարդանոցների (300քմ), ճմապատ տարածքների (1000քմ) մակերեսը: Կանցկացվի ոռոգման նոր ջրագիծ (3597գծմ) Պ. Սևակ և Ա. Ահարոնյան փողոցներում: