(մասնակի ուժը կորցրել է 01.01.98թ և լրիվ 01.03.98թ` 15.12.97 թիվ 329 որոշում)
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ
ՈՐՈՇՈՒՄ
10 հոկտեմբերի 1996 թվականի թիվ 28
i
Հայաստանի Հանրապետության կենտրոնական բանկի վարչության
1996 թվականի օգոստոսի 9-ի թիվ 134 որոշմամբ հաստատված
«Բանկերի հաշվետվությունները, դրանց ներկայացումը և
հրապարակումը» կանոնակարգ 3-ի մեջ փոփոխություն կատարելու մասին
Հայաստանի Հանրապետության կենտրոնական բանկի խորհուրդը որոշում է.
i
1. Հայաստանի Հանրապետության կենտրոնական բանկի վարչության 1996 թվականի օգոստոսի 9-ի թիվ 134 որոշմամբ հաստատված «Բանկերի հաշվետվությունները, դրանց ներկայացումը և հրապարակումը» կանոնակարգ 3-ի 2-րդ գլխի «Հաշվետվությունների և տեղեկանքների ներկայացումը» 2-րդ կետը վերաշարադրել հետևյալ խմբագրությամբ.
«2. Հաշվետվությունները և տեղեկանքները Հայաստանի Հանրապետության կենտրոնական բանկի կարգավորման և վերլուծությունների վարչության հաշվետվությունների ընդունման և հաշվապահական մեթոդոլոգիայի մշակման բաժին են ներկայացվում փոստի, այդ թվում` էլեկտրոնային փոստի միջոցով կամ բանկի պատասխանատու ներկայացուցչի կողմից առձեռն` բանկի հայեցողությամբ, կենտրոնական բանկի կողմից սահմանված ժամկետներում: Եթե հաշվետվության (տեղեկանքի) ներկայացման օրը համընկնում է հանգստյան օրվա հետ, ապա հաշվետվությունը (տեղեկանքը) ներկայացվում է այդ օրվան հաջորդող առաջին աշխատանքային օրը:
Եթե ներկայացվող տվյալները հաշվետու ժամանակաշրջանում փոփոխություն չեն կրել, կամ եթե հաշվետվությանը (տեղեկանքին) առնչվող գործարքներ չեն իրականացվել, ապա բանկը ներկայացնում է գրություն` նշելով չներկայացվող ձևերը:
Բանկի լիազոր ներկայացուցիչը կենտրոնական բանկի վերահսկողության, կարգավորման և լիցենզավորման գլխավոր վարչության ցուցումով հրավիրվում է հաշվետվությունների ընդունման և հաշվապահական մեթոդոլոգիայի մշակման բաժին` համապատասխան պարզաբանումներ և մեկնաբանումներ տալու համար, եթե.
ա) մագնիսական կրիչը (մագնիսական սկավառակը կամ էլեկտրոնային փոստի միջոցով հաղորդված տեղեկատվությունը) ունի ծրագրային կամ մեխանիկական թերություն, մագնիսական կրիչի ու ձևաթղթի տեղեկատվությունը չի համընկնում, հաշվետվությունը լրացված է ոչ միտումնավոր ակնհայտ վրիպումով կամ սխալով, և նմանատիպ այլ դեպքերում.
բ) հաշվետվությունների հետ ներկայացվող բացատրագրում արտացոլված չեն բանկում հաշվառման վիճակի գնահատման, առանձին հաշիվների վերծանման և հաշվետվություններում չարտացոլված, բայց բանկի գործունեության բնութագրման համար էական ցուցանիշները, և նմանատիպ այլ դեպքերում.
գ) ներկայացված հաշվետվությունները համապատասխանում են կենտրոնական բանկի կողմից սահմանված ձևերին, սակայն որոշ կետերի վերաբերյալ պարզաբանման անհրաժեշտություն է առաջացել:
Սույն կետի «ա» ենթակետում նշված դեպքերում հաշվետվությունների փաթեթը չի համարվում ընդունված, իսկ «բ» և «գ» ենթակետերում նշված դեպքերում հաշվետվությունների փաթեթը կարող է համարվել ընդունված: Վերոհիշյալ դեպքերում համապատասխան բանկին սպասարկողը, տեղյակ պահելով անմիջական ղեկավարին, նրա ցուցումով համապատասխան փաստաթուղթ (ծանուցում) է պատրաստում` հաշվետվություններում տեղ գտած թերությունների, պարզաբանման և մեկնաբանման կարիք ունեցող կետերի մասին բանկին տեղեկացնելու համար (ծանուցման ձևը կցվում է): Այդ փաստաթղթով բանկի լիազոր ներկայացուցիչը հրավիրվում է հաշվետվությունների ընդունման և հաշվապահական մեթոդոլոգիայի մշակման բաժին` հաշվետվությունների ճշտված փաթեթը ներկայացնելու կամ հաշվետվությունների վերաբերյալ պարզաբանումներ և մեկնաբանումներ տալու համար:
Հաշվի առնելով բանկի տարածքային տեղաբաշխումը (գտնվելու վայրը)` հաշվետվություններում տեղ գտած թերությունների և սխալների մասին բանկին ծանուցում են, ինչպես նաև «բ» և «գ» ենթակետերով նախատեսված պարզաբանումները կարող են տրվել հեռախոսի (հեռախոսագրի), էլեկտրոնային փոստի կամ կապի այլ միջոցներով:
Հաշվետվությունների ընդունման և պարզաբանումների վերաբերյալ սահմանված ձևով բանկին տրվող ծանուցումը գրանցվում է հաշվետվությունների ընդունման և հաշվապահական մեթոդոլոգիայի մշակման բաժնի հատուկ գրանցամատյանում` բանկին հայտնելուց հետո: Բանկն իր հերթին պարտավոր է ծանուցումը ստանալուց հետո այն գրանցել և միջոցներ ձեռնարկել` սահմանված ժամկետում ծանուցման հանձնարարականի կատարումն ապահովելու համար»:
2. Սույն որոշումն ուժի մեջ է մտնում հրապարակման պահից:
ԾԱՆՈՒՑՈՒՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԻ ԸՆԴՈՒՆՄԱՆ ՄԱՍԻՆ
Սույն գրությամբ հայտնում ենք ___________________________________ բանկին, որ ___ __________ 19 __ թ. իր կողմից կենտրոնական բանկ ներկայացված թիվ __________________ հաշվետվությունները`
- համապատասխանում են հաշվետվությունների ներկայացման համար կենտրոնական բանկի կողմից սահմանված պահանջներին, սակայն պարզաբանման կարիք են զգում:
Կենտրոնական բանկն առաջարկում է հաշվետվություն ներկայացրած բանկի ներկայացուցչին հաշվետվությունը ներկայացնելու պահից մեկ օրվա ընթացքում ներկայանալ կենտրոնական բանկ` հաշվետվության վերաբերյալ պարզաբանումներ տալու վերաբերյալ:
- չեն համապատասխանում հաշվետվությունների ներկայացման համար կենտրոնական բանկի կողմից սահմանված պահանջներին:
Կենտրոնական բանկն առաջարկում է հաշվետվություն ներկայացրած բանկի ներկայացուցչին հաշվետվությունը ներկայացնելու պահից մեկ օրվա ընթացքում ներկայանալ կենտրոնական բանկ` հաշվետվությունը կենտրոնական բանկի կողմից սահմանված պահանջներին համապատասխանեցնելու նպատակով: