| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտն ընդունող մարմնի պաշտոնական կայքէջում նշված չէ իրավական ակտի հրապարակման օրը: |
ՊԱՐԵՏԻ ՈՐՈՇՈՒՄ
17 մարտի 2020 թվականի N 1
ՀԱՄԱՃԱՐԱԿԱԲԱՆԱԿԱՆ ԼԱՐՎԱԾ ԻՐԱՎԻՃԱԿ ՈՒՆԵՑՈՂ ԵՐԿՐՆԵՐԻ (ՏԱՐԱԾՔՆԵՐԻ) ՑԱՆԿԸ ԵՎ ԱՆՑԱԿԵՏՈՎ ԹՈՒՅԼԱՏՐՎՈՂ ՄՈՒՏՔԻ ԱՌԱՆՁՆԱՀԱՏՈՒԿ ԴԵՊՔԵՐԸ ՍԱՀՄԱՆԵԼՈՒ ՄԱՍԻՆ
i
Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020 թ. մարտի 16-ի 298-Ն որոշման 2-րդ, 6-րդ և 7-րդ կետերով և որոշման հավելվածի 2-րդ կետի 2-րդ և 3-րդ ենթակետերով`
1. Սահմանել`
Ա. այն երկրների (տարածքների) ցանկը, որտեղ առկա է համաճարակաբանական լարված իրավիճակ` համաձայն հավելվածի.
Բ. Որպես ՀՀ կառավարության 16.03.2020թ. 298-Ն որոշման հավելվածի 2-րդ կետի 3-րդ ենթակետով նախատեսված առանձնահատուկ դեպք սույն որոշման հավելվածով նախատեսված երկրներից բեռնափոխադրումներ իրականացնող տրանսպորտային միջոցի վարորդի, ուղևորափոխադրում, բեռնափոխադրում, ռազմական կամ սանիտարական թռիչքներ իրականացնող օդանավերի անձնակազմերի մուտքը, ինչպես նաև Ռուսաստանի Դաշնության հետ հաղորդակցությունը ժամանակավորապես սահմանափակելու մասին ՀՀ կառավարության 2020 թ. մարտի 17-ի թիվ 303-Ն որոշման ուժի մեջ մտնելուց հետո Հայաստանի տարածք մուտք գործող անձանց մուտքը` պայմանով, որ նրանք ՀՀ տարածք մուտք են գործում մինչև 2020 թ. մարտի 18-ի 18:30 և փոխարինող մեկ վարորդի մուտքը:
(1-ին կետը փոփ. 18.03.20 թիվ 4 որոշում)
2. ՀՀ ազգային անվտանգության ծառայության տնօրենի ժամանակավոր պաշտոնակատար Էդուարդ Մարտիրոսյանին, ՀՀ Ոստիկանության պետի ժամանակավոր պաշտոնակատար Արման Սարգսյանին, ՀՀ պետական եկամուտների կոմիտեի նախագահ Դավիթ Անանյանին, ՀՀ առողջապահական և աշխատանքի տեսչական մարմնի ղեկավար Հակոբ Ավագյանին` ապահովել սահմանված միջոցառումների իրականացումը:
3. Սույն որոշումն ուժի մեջ է մտնում հրապարակման պահից:
Ստորագրվել է Տ.Ավինյանի կողմից
17.03.2020թ.
Հավելված
Պարետի
2020 թվականի մարտի 17-ի
N 1 որոշման
ՑԱՆԿ
1. Ամերիկայի Միացյալ Նահանգներ
2. Ավստրալիայի Միություն
3. Եվրոպական միության անդամ պետություններ (Ավստրիա, Բելգիա, Բուլղարիա, Գերմանիա, Դանիա, Էստոնիա, Իռլանդիա, Իսպանիա, Իտալիա, Լատվիա, Լեհաստան, Լիտվա, Լյուքսեմբուրգ, Խորվաթիա, Կիպրոս, Հունաստան, Հունգարիա, Մալթա, Նիդերլանդներ, Շվեդիա, Չեխիա, Պորտուգալիա, Ռումինիա, Սլովակիա, Սլովենիա, Ֆինլանդիա, Ֆրանսիա)
4. Թուրքիայի Հանրապետություն
5. Իսրայելի Պետություն
6. Իրանի Իսլամական Հանրապետություն
7. Կանադա
8. Կորեայի Հանրապետություն
9. Ճապոնիա
10. Մեծ Բրիտանիայի և Հյուսիսային Իռլանդիայի Միացյալ Թագավորություն
11. Նորվեգիայի Թագավորություն
12. Շվեյցարիայի Համադաշնություն
13. Չինաստանի Ժողովրդական Հանրապետություն
14. Ռուսաստանի Դաշնություն
15. Վրաստան
(ցանկը փոփ. 22.03.20 թիվ 10 որոշում)