(ուժը կորցրել է 24.06.2019 թիվ 808-Ն որոշում)
i
041.0300.180415
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
18 ապրիլի 2015 թվականի N 300-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՌՈՒՊՑԻԱՅԻ ԴԵՄ ՊԱՅՔԱՐԻ ԽՈՐՀՐԴԻ ԿԱԶՄՈՒՄ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՆԵՐԳՐԱՎՄԱՆ ՆՊԱՏԱԿՈՎ ԱՆՑԿԱՑՎՈՂ ՄՐՑՈՒՅԹԻ ԵՎ ՌՈՏԱՑԻԱՅԻ ԿԱՐԳԸ ՍԱՀՄԱՆԵԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 2015 թվականի փետրվարի 19-ի N 165-Ն որոշման 5-րդ կետի 2-րդ ենթակետը և 7-րդ կետը`
1. Սահմանել Հայաստանի Հանրապետության կոռուպցիայի դեմ պայքարի խորհրդի (այսուհետ` խորհուրդ) կազմում հասարակական կազմակերպությունների ներգրավման նպատակով անցկացվող մրցույթի և ռոտացիայի կարգը` համաձայն հավելվածի:
i
2. Հայաստանի Հանրապետության արդարադատության նախարարին` խորհրդի կազմում հասարակական կազմակերպությունների ներգրավման գործընթացի իրականացման նպատակով ստեղծել հանձնաժողով:
(2-րդ կետը փոփ. 27.01.17 թիվ 62-Ն որոշում)
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2015 ԹՎԱԿԱՆԻ ԱՊՐԻԼԻ 18-ԻՆ
Հավելված
ՀՀ վարչապետի
2015 թվականի ապրիլի 18-ի
N 300-Ն որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՌՈՒՊՑԻԱՅԻ ԴԵՄ ՊԱՅՔԱՐԻ ԽՈՐՀՐԴԻ ԿԱԶՄՈՒՄ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՆԵՐԳՐԱՎՄԱՆ ՆՊԱՏԱԿՈՎ ԱՆՑԿԱՑՎՈՂ ՄՐՑՈՒՅԹԻ ԵՎ ՌՈՏԱՑԻԱՅԻ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով կարգավորվում են կոռուպցիայի դեմ պայքարի խորհրդի (այսուհետ` խորհուրդ) կազմում հասարակական կազմակերպությունների ներգրավման նպատակով անցկացվող մրցույթի և ռոտացիայի (այսուհետ` ներգրավում) հետ կապված հարաբերությունները:
i
2. Խորհրդի կազմում հասարակական կազմակերպությունների ներգրավման գործընթացն իրականացնում է Հայաստանի Հանրապետության արդարադատության նախարարության աշխատակազմը (այսուհետ` աշխատակազմ):
(2-րդ կետը փոփ. 27.01.17 թիվ 62-Ն որոշում)
II. ԽՈՐՀՐԴԻ ԿԱԶՄՈՒՄ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՆԵՐԳՐԱՎՄԱՆ ՄԱՍԻՆ ՀԱՅՏԱՐԱՐՈՒԹՅՈՒՆԸ
i
3. Աշխատակազմը խորհրդի կազմ հասարակական կազմակերպությունների ներգրավման համար անցկացվող մրցույթն սկսելուց առնվազն 10 օր առաջ հրապարակում է դրա մասին հայտարարություն: Հայտարարությունը հրապարակվում է առնվազն 3000 տպաքանակ օրինակ ունեցող մամուլում և զանգվածային լրատվության այլ միջոցներով, ինչպես նաև աշխատակազմի պաշտոնական www.moj.am կայքում և Հայաստանի Հանրապետության կառավարության աշխատակազմի պաշտոնական www.gov.am կայքում:
(3-րդ կետը փոփ. 27.01.17 թիվ 62-Ն որոշում)
4. Հայտարարության մեջ պետք է ներառվեն առնվազն հետևյալ տվյալները`
1) հայտերը ներկայացնելու վայրը, հասցեն, էլեկտրոնային հասցեն և հայտեր ընդունելու հետ կապված պատասխանատու անձի հեռախոսահամարը և էլեկտրոնային փոստի հասցեն.
2) հայտերի ընդունման օրերը և ժամերը.
3) հայտեր ներկայացնող հասարակական կազմակերպությանը ներկայացվող պահանջները և հայտին կից ներկայացվող անհրաժեշտ փաստաթղթերի ցանկը.
4) հայտերը ներկայացնելու վերջնաժամկետը:
III. ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ` ԽՈՐՀՐԴԻ ԿԱԶՄՈՒՄ ՆԵՐԳՐԱՎՎԵԼՈՒ ՆՊԱՏԱԿՈՎ ՀԱՅՏԵՐԸ ՆԵՐԿԱՅԱՑՆԵԼԸ
i
5. Հասարակական կազմակերպությունները հայտերը ներկայացնում են Աշխատակազմ հայտարարությունը հրապարակվելուց հետո 10 օրվա ընթացքում:
(5-րդ կետը փոփ. 27.01.17 թիվ 62-Ն որոշում)
6. Հայտ կարող են ներկայացնել Հայաստանի Հանրապետությունում սահմանված կարգով գրանցված այն հասարակական կազմակերպությունները, որոնք համապատասխանում են Հայաստանի Հանրապետության կառավարության 2015 թվականի փետրվարի 19-ի N 165-Ն որոշման N 2 հավելվածի 7-րդ կետով ամրագրված չափանիշներին:
7. Հասարակական կազմակերպությունը հայտին կից ներկայացնում է այն փաստաթղթերը (բնօրինակ և պատճեն), որոնք փաստում են Հայաստանի Հանրապետության կառավարության 2015 թվականի փետրվարի 19-ի N 165-Ն որոշման N 2 հավելվածի 7-րդ կետով ամրագրված պահանջներին (չափանիշներ) հասարակական կազմակերպության համապատասխանությունը:
8. Հասարակական կազմակերպությունը հայտում նշում է այն լիազոր ներկայացուցչին, ով պետք է ներկայացնի կազմակերպությունը խորհրդում, և ներկայացնում է իր ներկայացուցչի վերաբերյալ տվյալները (անունը, ազգանունը, անձնագրային տվյալները, հեռախոսահամարը, էլեկտրոնային փոստի հասցեն):
9. Հայտը և կից ներկայացվող փաստաթղթերը (այսուհետ` փաստաթղթեր) կարող են հանձնվել առձեռն, ուղարկվել փոստով կամ ներկայացվել հայտարարության մեջ նշված էլեկտրոնային փոստի հասցեին` էլեկտրոնային թվային ստորագրությամբ հաստատված կամ ստորագրված և սկանավորված:
10. Փաստաթղթերն ընդունելու նպատակով աշխատակազմում վարվում է համապատասխան գրանցամատյան, որում նշվում են հայտ ներկայացնողի վերաբերյալ հայտով ներկայացված տեղեկությունները և փաստաթղթերի քանակը:
11. Փոստով ուղարկված փաստաթղթերը համարվում են ժամկետում ներկայացված, եթե դրանք ներկայացվել են փոստ` մինչև սույն կարգի 5-րդ կետում նշված ժամկետի ավարտը:
12. Փոստով և էլեկտրոնային եղանակով ուղարկված փաստաթղթերի ստացման վերաբերյալ հավակնորդը ծանուցվում է փաստաթղթերն ստանալուն հաջորդող մեկ աշխատանքային օրվա ընթացքում` իր կողմից ներկայացված էլեկտրոնային փոստի հասցեով:
IV. ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՆԵՐԳՐԱՎՄԱՆ ԸՆԹԱՑԱԿԱՐԳԸ
i
13. Ներգրավումն անցկացվում է փուլերով: Առաջին փուլում ստուգվում է փաստաթղթերի լրիվությունը և համապատասխանությունը: Հասարակական կազմակերպությունների կողմից ներկայացված փաստաթղթերի համապատասխանությունը որոշում է Հայաստանի Հանրապետության արդարադատության նախարարի հրամանով ստեղծված հանձնաժողովը, որը պետք է բաղկացած լինի առնվազն 5 անդամից: Հանձնաժողովը փաստաթղթերի լրիվությունը և համապատասխանությունն ստուգելուց հետո կազմում է համապատասխան արձանագրություն:
(13-րդ կետը փոփ. 27.01.17 թիվ 62-Ն որոշում)
14. Փաստաթղթերը թերի լինելու կամ անհրաժեշտ փաստաթղթերի ցանկին չհամապատասխանելու դեպքերում հայտ ներկայացնողը դրա մասին ծանուցվում է մեկ աշխատանքային օրվա ընթացքում (հեռախոսով, էլեկտրոնային փոստով կամ գրավոր), և նրան տրամադրվում է երկու աշխատանքային օր թերությունները շտկելու համար:
15. Սահմանված ժամկետում թերությունները չշտկելու դեպքում հասարակական կազմակերպության ներկայացրած հայտին ընթացք չի տրվում:
i
16. Մասնավոր հատվածի (այսուհետ` գործարար ոլորտի) հասարակական կազմակերպությունների մրցույթն անցկացվում է այլ հասարակական կազմակերպությունների մրցույթից առանձին: Եթե սահմանված չափանիշներին համապատասխանում են առավելագույնը չորս հասարակական կազմակերպություններ (ընդ որում` կազմակերպություններից երկուսը պարտադիր պետք է լինեն գործարար ոլորտի հասարակական կազմակերպություններ), ապա այդ կազմակերպությունը (կազմակերպությունները) փաստաթղթային փուլի արդյունքների հիման վրա ընդգրկվում են խորհրդի կազմում: Եթե սահմանված չափանիշներին համապատասխանում են չորսից ավելի հասարակական կազմակերպություններ, ապա հայտ ներկայացրած կազմակերպությունների մասնակցությամբ անցկացվում է երկրորդ փուլը` վիճակահանությունը: Գործարար ոլորտի հասարակական կազմակերպությունների վիճակահանությունն իրականացվում է առանձին: Հայտ ներկայացրած կազմակերպությունները վիճակահանության օրվա և ժամի մասին ծանուցվում են (հեռախոսով կամ հայտարարության մեջ նշված էլեկտրոնային փոստի հասցեով) վիճակահանությունից առնվազն մեկ աշխատանքային օր առաջ:
(16-րդ կետը փոփ. 27.01.17 թիվ 62-Ն որոշում)
17. Վիճակահանությունն անցկացնում է սույն կարգի 13-րդ կետում նշված հանձնաժողովը:
18. Վիճակահանությունն անցկացվում է դրա համար նախատեսված համապատասխան թափանցիկ տարայի կիրառմամբ, որի մեջ պետք է լինեն մասնակիցների թվին համապատասխան քառակուսի կտրած և նույն չափի ծալված, իրարից ձևով չտարբերվող փոքր թղթեր, որոնցից երկուսի մեջ պետք է գրված լինի «Խորհրդի անդամ» բառերը:
19. Հասարակական կազմակերպության ներկայացուցիչները հանձնաժողովի անդամներից մեկի կողմից թղթերը խառնելուց հետո իրենց ցանկությամբ հերթով մոտենում և դուրս են քաշում մեկական թուղթ, որից հետո, բացելով թուղթը և բարձրաձայն կարդալով գրառումը (եթե գրառում չկա, բարձրաձայն ասվում է, որ չկա գրառում), այն հանձնում են հանձնաժողովին:
20. Վիճակահանության գործընթացն ավարտվում է բոլոր թղթերի դուրսբերմամբ և թղթերը կարդալուց հետո դրանք հանձնաժողովին հանձնելով:
21. Վիճակահանության գործընթացն ավարտելուց անմիջապես հետո հանձնաժողովն արձանագրում է արդյունքները և դրա մասին տեղեկացնում վիճակահանության մասնակիցներին` վերջիններիս հանձնելով կազմված արձանագրությունների օրինակները: Դրանք կազմվում են մասնակիցների թվով և ստորագրվում են հանձնաժողովի անդամների ու մասնակիցների կողմից: Եթե մասնակիցը հրաժարվում է ստորագրել արձանագրությունը, ապա դրա վերաբերյալ արձանագրության մեջ կատարվում է գրառում: Արձանագրությունն ստորագրել հրաժարվելու դեպքում մասնակիցը կարող է գրավոր ներկայացնել առարկությունները, որոնք կցվում են արձանագրությանը:
22. Վիճակահանության արդյունքների վերաբերյալ արձանագրությունների ստորագրման պահից այն հասարակական կազմակերպությունները, որոնց ներկայացուցիչները դուրս են բերել «Խորհրդի անդամ» գրառումը, համարվում են խորհրդի անդամ:
23. Հանձնաժողովը, աշխատակազմի միջոցով, մեկ աշխատանքային օրվա ընթացքում ապահովում է մրցույթի արդյունքների մասին տեղեկատվության տեղադրումը Հայաստանի Հանրապետության կառավարության աշխատակազմի և Հայաստանի Հանրապետության արդարադատության նախարարության աշխատակազմի պաշտոնական կայքերում:
24. Սահմանված կարգով հայտեր չներկայացնելու դեպքում Հայաստանի Հանրապետության կառավարության 2015 թվականի փետրվարի 19-ի N 165-Ն որոշման 5-րդ կետի 3-րդ ենթակետի համաձայն խորհուրդը համարվում է ձևավորված` առանց հասարակական կազմակերպությունների:
i
25. Ռոտացիայի սկզբունքը կիրառելու համար Հայաստանի Հանրապետության արդարադատության նախարարության աշխատակազմն առաջին չորս կազմակերպությունների ներգրավումից հետո երկու տարի անց հրապարակում է խորհրդի կազմում հասարակական կազմակերպությունների ներգրավման մասին նոր հայտարարություն` համաձայն սույն կարգի 2-րդ գլխի դրույթների: Տվյալ պահին խորհրդի անդամ հանդիսացող հասարակական կազմակերպությունները նույնպես կարող են հայտ ներկայացնել: Մինչև ընդգրկման նոր գործընթացի ավարտը նրանք շարունակում են պահպանել խորհրդում անդամությունը:
(25-րդ կետը փոփ. 27.01.17 թիվ 62-Ն որոշում)
i
26. Եթե հերթական ներգրավման գործընթացին խորհրդի անդամ հանդիսացող հասարակական կազմակերպություններից բացի մասնակցում են սահմանված չափանիշներին համապատասխանող չորս հասարակական կազմակերպություններ (ընդ որում` կազմակերպություններից երկուսը պարտադիր պետք է լինեն գործարար ոլորտի հասարակական կազմակերպություններ), ապա առաջնահերթության իրավունք են ստանում նախկինում խորհրդի անդամ չհանդիսացող հասարակական կազմակերպությունները: Եթե սահմանված չափանիշներին համապատասխանող հասարակական կազմակերպությունները չորսից ավելի են (այդ թվում` գործարար ոլորտի հասարակական կազմակերպություններ), ապա այս դեպքում տեղի է ունենում վիճակահանություն` համաձայն սույն կարգով սահմանված ընթացակարգի, ընդ որում, անդամ հանդիսացող հասարակական կազմակերպությունները չեն մասնակցում վիճակահանությանը: Եթե սահմանված չափանիշներին համապատասխանող և տվյալ պահին խորհրդի անդամ չհանդիսացող հասարակական կազմակերպությունների թիվը չորսից պակաս է, ապա վիճակահանությամբ որոշվում է, թե խորհրդի անդամ հանդիսացող հասարակական կազմակերպությունից որն է (որոնք են) շարունակելու անդամությունը: Եթե կարգի 25-րդ կետով նախատեսված հայտարարությունից հետո որևէ հասարակական կազմակերպություն հայտ չի ներկայացնում, ապա խորհրդի գործող անդամ հասարակական կազմակերպությունները շարունակում են անդամությունը խորհրդի կազմում` մինչև խորհրդի գործունեության ավարտը:
(26-րդ կետը փոփ. 27.01.17 թիվ 62-Ն որոշում)