041.0555.210800
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
21 օգոստոսի 2000 թվականի N 555
i
ՀԱՅԱՍՏԱՆՈՒՄ ՔՐԻՍՏՈՆԵՈՒԹՅԱՆ ՊԵՏԱԿԱՆ ԿՐՈՆ ՀՌՉԱԿՄԱՆ 1700-ԱՄՅԱԿԻ ՏՈՆԱԿԱՏԱՐՈՒԹՅԱՆ ԿԱԶՄԱԿԵՐՊՄԱՆ ՊԵՏԱԿԱՆ ՀԱՆՁՆԱԺՈՂՈՎԻ ԳՐԱՍԵՆՅԱԿԻ ԱՇԽԱՏՈՂՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ՄԱՍԻՆ
Հայաստանի Հանրապետության Նախագահի 2000 թվականի հուլիսի 7-ի «Հայաստանում քրիստոնեության պետական կրոն հռչակման 1700-ամյակի տոնակատարության կազմակերպման պետական հանձնաժողովի մասին» ՆՀ-628 հրամանագրին համապատասխան`
1. Մինչև Հայաստանում քրիստոնեության պետական կրոն հռչակման 1700-ամյակի տոնակատարության կազմակերպման պետական հանձնաժողովի գրասենյակի հաստիքային միավորների հաստատումը ժամանակավորապես սահմանել 5 հաստիքային միավոր` հետևյալ պաշտոնային դրույքաչափերով`
հանձնաժողովի նախագահի տեղակալ` 140000 դրամ,
հանձնաժողովի նախագահի տեղակալի խորհրդական` 77000 դրամ,
հանձնաժողովի նախագահի տեղակալի օգնական` 48000 դրամ,
առաջատար մասնագետ` 27000 դրամ,
մարդատար ավտոմեքենայի վարորդ` 34000 դրամ:
2. Հայաստանի Հանրապետության ֆինանսների և էկոնոմիկայի նախարարությանը` Հայաստանում քրիստոնեության պետական կրոն հռչակման 1700-ամյակի տոնակատարության կազմակերպման պետական հանձնաժողովի գրասենյակի պահպանման ծախսերը կատարել Հայաստանի Հանրապետության 2000 թվականի պետական բյուջեով Հայաստանում քրիստոնեության պետական կրոն հռչակման 1700-ամյակի տոնակատարության կազմակերպման համար նախատեսված միջոցների հաշվին` Հայաստանի Հանրապետության կառավարության աշխատակազմի միջոցով: