ԿԱՆՈՆԱԿԱՐԳ 01/02. «ՀԱՄԱՀԱՅԿԱԿԱՆ ԲԱՆԿԻ ԼԻՑԵՆԶԱՎՈՐՈՒ ...

«Գրանցված է»
ՀՀ արդարադատության
նախարարության կողմից
29 հոկտեմբերի 2010 թ.
Պետական գրանցման թիվ 05010396

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ

22 հոկտեմբերի 2010 թվականի թիվ 263-Ն

«ՀԱՄԱՀԱՅԿԱԿԱՆ ԲԱՆԿԻ ԼԻՑԵՆԶԱՎՈՐՈՒՄԸ, ՀԱՄԱՀԱՅԿԱԿԱՆ ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՄԱՍՆԱԿՑՈՒԹՅՈՒՆ ՁԵՌՔ ԲԵՐԵԼԸ, ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ ԵՎ ՆԵՐԿԱՅԱՑՎՈՂ ՓԱՍՏԱԹՂԹԵՐԸ, ՀԱՄԱՀԱՅԿԱԿԱՆ ԲԱՆԿԻ ՂԵԿԱՎԱՐՆԵՐԻ (ԲԱՑԱՌՈՒԹՅԱՄԲ ԽՈՐՀՐԴԻ ԱՆԴԱՄՆԵՐԻ, ՆԱԽԱԳԱՀԻ ՈՒ ՏԱՐԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻ ՂԵԿԱՎԱՐՆԵՐԻ) ՈՐԱԿԱՎՈՐՈՒՄԸ ԵՎ ԳՐԱՆՑՈՒՄԸ» ԿԱՆՈՆԱԿԱՐԳ 01/02-Ը ՀԱՍՏԱՏԵԼՈՒ ՄԱՍԻՆ

Հիմք ընդունելով «Համահայկական բանկի մասին» Հայաստանի Հանրապետության օրենքի 10-րդ, 11-րդ և 13-րդ հոդվածները, «Բանկերի և բանկային գործունեության մասին» Հայաստանի Հանրապետության օրենքի 22-րդ հոդվածը և ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով` Հայաստանի Հանրապետության կենտրոնական բանկի խորհուրդը որոշում է.

1. Հաստատել «Համահայկական բանկի լիցենզավորումը, Համահայկական բանկի կանոնադրական հիմնադրամում մասնակցություն ձեռք բերելը և ներկայացվող փաստաթղթերը, Համահայկական բանկի ղեկավարների (բացառությամբ խորհրդի անդամների, նախագահի ու տարածքային ստորաբաժանումների ղեկավարների) որակավորումը և գրանցումը» կանոնակարգ 01/02-ը` համաձայն Հավելված 1-ի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հավելված 1
Հաստատված է
ՀՀ կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

ԿԱՆՈՆԱԿԱՐԳ 01/02
ՀԱՄԱՀԱՅԿԱԿԱՆ ԲԱՆԿԻ ԼԻՑԵՆԶԱՎՈՐՈՒՄԸ, ՀԱՄԱՀԱՅԿԱԿԱՆ ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՄԱՍՆԱԿՑՈՒԹՅՈՒՆ ՁԵՌՔ ԲԵՐԵԼԸ, ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ ԵՎ ՆԵՐԿԱՅԱՑՎՈՂ ՓԱՍՏԱԹՂԹԵՐԸ, ՀԱՄԱՀԱՅԿԱԿԱՆ ԲԱՆԿԻ ՂԵԿԱՎԱՐՆԵՐԻ (ԲԱՑԱՌՈՒԹՅԱՄԲ ԽՈՐՀՐԴԻ ԱՆԴԱՄՆԵՐԻ, ՆԱԽԱԳԱՀԻ ՈՒ ՏԱՐԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻ ՂԵԿԱՎԱՐՆԵՐԻ) ՈՐԱԿԱՎՈՐՈՒՄԸ ԵՎ ԳՐԱՆՑՈՒՄԸ

ԳԼՈՒԽ 1
ԸՆԴՀԱՆՈՒՐ ԴՐՈՒՅԹՆԵՐ ԵՎ ՍԱՀՄԱՆՈՒՄՆԵՐ

1. Սույն կանոնակարգը սահմանում է Համահայկական բանկի լիցենզավորման, ղեկավարների (բացառությամբ խորհրդի անդամների, նախագահի ու տարածքային ստորաբաժանումների ղեկավարների) որակավորման և գրանցման կարգը և պայմանները, ինչպես նաև Համահայկական բանկի լիցենզավորման հետ կապված այլ հարաբերություններ:

2. Սույն կանոնակարգի իմաստով Համահայկական բանկի ղեկավարներ են համարվում բանկի խորհրդի նախագահը, անդամները, գործադիր տնօրենը (վարչության նախագահը), նրա տեղակալները, բանկի տնօրինության (վարչության) անդամները, գլխավոր հաշվապահը, նրա տեղակալը, ներքին աուդիտի ղեկավարը և անդամները, փողերի լվացման և ահաբեկչության ֆինանսավորման կանխարգելման գործառույթներ իրականացնող աշխատակիցը (ներքին դիտարկումների մարմնի աշխատակից) Համահայկական բանկի տարածքային ստորաբաժանումների ղեկավարները (մասնաճյուղի կառավարիչը և գլխավոր հաշվապահը):

1) Սույն կարգում օգտագործվող ուղղակի և անուղղակի նշանակալից մասնակից, փոխկապակցվածություն տերմինները համապատասխանում են «Բանկերի և բանկային գործունեության մասին» ՀՀ օրենքի սահմանումներին:

2) Ուղղակի մասնակցություն է համարվում իրավաբանական անձի կանոնադրական հիմնադրամում այնպիսի մասնակցությունը, որի դեպքում մասնակիցն ունի տվյալ իրավաբանական անձի ձայնի իրավունք տվող կամ չտվող բաժնետոմս, իսկ անուղղակի մասնակցություն է համարվում իրավաբանական անձի կանոնադրական հիմնադրամում այնպիսի մասնակցությունը, որի դեպքում`

ա. մասնակիցը չունի իրավաբանական անձի կանոնադրական հիմնադրամում մասնակցություն (բաժնետոմս), սակայն Կենտրոնական բանկի խորհրդի սահմանած չափանիշներով հիմնավորված այդ մասնակցությամբ ուղղակիորեն կամ անուղղակիորեն իր գործարար համբավով կամ հեղինակությամբ հնարավորություն ունի կանխորոշելու տվյալ իրավաբանական անձի կառավարման մարմինների որոշումները, էապես ազդելու նրանց որոշումների կայացման (կիրառման) վրա կամ կանխորոշելու տվյալ իրավաբանական անձի գործունեության ուղղությունները, ոլորտները.

բ. մասնակիցը չունի իրավաբանական անձի կանոնադրական հիմնադրամում մասնակցություն (բաժնետոմս), սակայն հնարավորություն ունի կանխորոշելու տվյալ իրավաբանական անձի կառավարման մարմինների որոշումները, էապես ազդելու նրանց որոշումների կայացման (կիրառման) վրա կամ կանխորոշելու տվյալ իրավաբանական անձի գործունեության ուղղությունները, ոլորտները` տվյալ իրավաբանական անձի նկատմամբ իր ունեցած պահանջի իրավունքի ուժով.

գ. մասնակիցն իրավաբանական անձի կանոնադրական հիմնադրամում ուղղակի մասնակցություն ունեցող իրավաբանական անձի կանոնադրական կապիտալում ունի ձայնի իրավունք տվող բաժնետոմսերի 50 տոկոս և ավելի մասնակցություն.

դ. մասնակիցն իրավաբանական անձի կանոնադրական հիմնադրամում ուղղակի մասնակցություն ունեցող իրավաբանական անձի կանոնադրական հիմնադրամում ունի կամ չունի մասնակցություն և Կենտրոնական բանկի խորհրդի սահմանած չափանիշներով իր գործարար համբավով կամ հեղինակությամբ հնարավորություն ունի կանխորոշելու տվյալ իրավաբանական անձի կառավարման մարմինների որոշումները, էապես ազդելու նրանց որոշումների կայացման (կիրառման) վրա կամ կանխորոշելու տվյալ իրավաբանական անձի գործունեության ուղղությունները, ոլորտները:

(2-րդ կետը փոփ. 21.08.12 թիվ 228-Ն որոշում)

ԳԼՈՒԽ 2
ՀԱՄԱՀԱՅԿԱԿԱՆ ԲԱՆԿԻ ԼԻՑԵՆԶԱՎՈՐՈՒՄԸ

3. Համահայկական բանկի լիցենզավորման համար Համահայկական բանկը ներկայացնում է.

1) դիմում` համաձայն ենթահավելված 1-ի,

2) Համահայկական բանկի ղեկավարների ցուցակը, գործադիր տնօրենի և գլխավոր հաշվապահի պատշաճ վավերացված ստորագրության նմուշները,

3) Համահայկական բանկի ղեկավարների (բացառությամբ Համահայկական բանկի խորհրդի անդամների, նախագահի) գործունեության վերաբերյալ տեղեկանք` համաձայն ենթահավելված 2-ի, խորհրդի անդամների, նախագահի, տարածքային ստորաբաժանումների ղեկավարների գործունեության վերաբերյալ տեղեկանք` համաձայն ենթահավելված 3-ի,

4) Համահայկական բանկի առաջիկա երեք տարիների գործունեության տնտեսական ծրագիրը` համաձայն ենթահավելված 4-ի:

4. Դիմումը ստանալուց հետո իննսունօրյա ժամկետում Կենտրոնական բանկը լիցենզավորում է Համահայկական բանկին, եթե այն ներկայացրել է սույն կանոնակարգով սահմանված փաստաթղթերը, ինչպես նաև` եթե այն բավարարում է հետևյալ պայմաններին.

1) Կենտրոնական բանկում բացված կանոնադրական կապիտալի համալրման համապատասխան կուտակային հաշվում առկա է առնվազն հինգ միլիարդ դրամի չափով միջոցներ,

2) ստեղծվել է Համահայկական բանկի ներքին կազմակերպական կառուցվածքը,

3) Համահայկական բանկի ղեկավարները (բացառությամբ խորհրդի նախագահի, անդամների, տարածքային ստորաբաժանումների ղեկավարների) բավարարում են սույն կանոնակարգի 5-րդ գլխով սահմանված որակավորման և մասնագիտական համապատասխանության պահանջներին,

4) Համահայկական բանկի տարածքը և նրա տեխնիկական հագեցվածությունը համապատասխանում են սույն կանոնակարգի 7-րդ գլխով սահմանված պահանջներին:

5. Համահայկական բանկի լիցենզավորման մասին Կենտրոնական բանկի խորհրդի որոշում ընդունելուց հետո, հինգ աշխատանքային օրվա ընթացքում, Կենտրոնական բանկը Համահայկական բանկին տալիս է լիցենզիա` համաձայն ենթահավելված 5-ի:

6. Կենտրոնական բանկը Համահայկական բանկին լիցենզիան տրամադրելիս ծանուցում է, որ բանկային գործունեությունը կարգավորող իրավական ակտերի ցանկը գտնվում է Կենտրոնական բանկի պաշտոնական ինտերնետային կայքում:

7. Լիցենզիայի կորստի կամ ոչնչացման դեպքում Համահայկական բանկը Կենտրոնական բանկ դիմում է ներկայացնում լիցենզիայի կրկնօրինակը ստանալու համար:

8. Կենտրոնական բանկը կորած կամ ոչնչացած լիցենզիայի կրկնօրինակը Համահայկական բանկին տալիս է` համապատասխան դիմումը Կենտրոնական բանկ ներկայացնելու օրվան հաջորդող տասնօրյա ժամկետում:

9. Կորած լիցենզիան գտնելու դեպքում Համահայկական բանկը գտնված լիցենզիայի օրինակը վերադարձնում է Կենտրոնական բանկ:

10. Սույն կանոնակարգով պահանջվող բոլոր փաստաթղթերը Կենտրոնական բանկ են ներկայացվում տպագիր: Ներկայացվող փաստաթղթերի պատճենները պետք է ստորագրված լինեն Համահայկական բանկի իրավասու անձի կողմից, ընդ որում, պատճենները ներկայացվում են «իսկականի հետ ճիշտ է» մակագրությամբ:

11. Համահայկական բանկի լիցենզավորման դիմումի քննության իննսունօրյա ժամկետը կարող է կասեցվել իննսուն օրով:

ԳԼՈՒԽ 3
ՀԱՄԱՀԱՅԿԱԿԱՆ ԲԱՆԿԻ ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ

12. Համահայկական բանկը Հայաստանի Հանրապետության տարածքում և տարածքից դուրս կարող է հիմնադրել մասնաճյուղեր և ներկայացուցչություններ:

13. Համահայկական բանկի Հայաստանի Հանրապետության տարածքում ստեղծվող մասնաճյուղերը և ներկայացուցչությունները գրանցվում են Կենտրոնական բանկի կողմից:

14. Համահայկական բանկը Հայաստանի Հանրապետության տարածքից դուրս մասնաճյուղեր և ներկայացուցչություններ ստեղծելիս ստանում է Կենտրոնական բանկի համաձայնությունը:

15. Համահայկական բանկը Հայաստանի Հանրապետության տարածքից դուրս մասնաճյուղեր ստեղծելիս համապատասխան երկրի օրենսդրությամբ սահմանված կարգով այլ երկրում գրանցվելուց (լիցենզավորվելուց, արտոնագրվելուց) հետո հաշվառվում են Կենտրոնական բանկում` տասը օրվա ընթացքում, ներկայացնելով գրանցման (լիցենզավորման, արտոնագրման) փաստը վկայող փաստաթուղթ:

ԳԼՈՒԽ 4
ՀԱՄԱՀԱՅԿԱԿԱՆ ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՄԱՍՆԱԿՑՈՒԹՅՈՒՆ ՁԵՌՔ ԲԵՐԵԼԸ ԵՎ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

16. Համահայկական բանկի կանոնադրական հիմնադրամում որևէ մասնակցություն ակնկալող սուբյեկտները (բացառությամբ Կենտրոնական բանկի կամ Հայաստանի Հանրապետության) պարտավոր են մինչև տվյալ մասնակցությունը ձեռք բերելը, նախնական համաձայնություն ստանալու համար, դիմել Կենտրոնական բանկ:

17. Համահայկական բանկի կանոնադրական հիմնադրամում մասնակցություն ակնկալող իրավաբանական անձ-ուղղակի մասնակիցը պարտավոր է մինչև տվյալ մասնակցությունը ձեռք բերելը, նախնական համաձայնություն ստանալու համար, դիմել Կենտրոնական բանկ ներկայացնելով հետևյալ փաստաթղթերը.

1) իրավաբանական անձի կողմից Համահայկական բանկի կանոնադրական հիմնադրամում ուղղակի մասնակցություն ձեռք բերելու համար իրավաբանական անձի միջնորդագիրը,

2) Համահայկական բանկի միջնորդությունը իրավաբանական անձի կողմից Համահայկական բանկի կանոնադրական հիմնադրամում մասնակցություն ձեռք բերող անձանց համաձայնություն տալու համար` կառավարման մարմնի կողմից լիազորված անձի ստորագրությամբ` վավերացված բանկի կնիքով (կնիքի առկայության դեպքում),

3) Համահայկական բանկի իրավասու մարմնի (խորհուրդ կամ տնօրեն) գրավոր հավաստիացումը, որ ընկերության կանոնադրական կապիտալում ընկերության մասնակցի բաժնեմասը (բաժնետոմսը) գնելու նախապատվության իրավունքի կիրառման` օրենքով և այլ իրավական ակտերով նախատեսված կանոնները պահպանված են,

4) կանոնադրական հիմնադրամում մասնակցություն ձեռք բերող իրավաբանական անձի իրավասու մարմնի որոշումը,

5) կանոնադրական հիմնադրամում մասնակցություն ձեռք բերող իրավաբանական անձի կանոնադրությունը` կատարված փոփոխություններով,

6) հայտարարություն այն մասին, որ իր միջոցով որևէ այլ անձ Համահայկական բանկում անուղղակի մասնակցություն ունեցող անձի կարգավիճակ ձեռք չի բերում` համաձայն ենթահավելված 3-2-ի, հակառակ դեպքում` իր միջոցով անուղղակի մասնակցություն ձեռք բերող անձի վերաբերյալ սույն գլխում սահմանված փաստաթղթերը,

7) տեղեկանք` բանկի կանոնադրական հիմնադրամում մասնակցություն ձեռք բերող իրավաբանական անձի վերաբերյալ` համաձայն ենթահավելված 6-ի,

8) իրավաբանական անձի` վերջին երեք տարիների և վերջին միջանկյալ`

ա. հաշվապահական հաշվեկշիռը,

բ. ֆինանսական արդյունքների մասին հաշվետվությունը,

գ. դրամական միջոցների հոսքերի մասին հաշվետվությունը,

դ. սեփական կապիտալում փոփոխությունների մասին հաշվետվությունը,

ե. ֆինանսական հաշվետվություններին կից ծանոթագրությունները (երեք տարուց պակաս գործունեություն իրականացրած իրավաբանական անձինք նշված տեղեկատվությունը ներկայացնում են իրականացրած գործունեության ողջ ժամկետի համար),

9) վերջին տարեկան ֆինանսական հաշվետվությունների արժանահավատությունը հաստատող անկախ աուդիտորական եզրակացությունը,

10) Եթե սույն կետի 8-րդ ենթակետով սահմանված ֆինանսական հաշվետվությունները կազմված են օտարերկրյա պետության ազգային ստանդարտների համաձայն, ապա Կենտրոնական բանկ պետք է ներկայացվի.

ա. տվյալ կազմակերպության ֆինանսական հաշվետվությունները հաստատող անկախ աուդիտորական կազմակերպության հայտարարությունն այն մասին, որ ներկայացված հաշվետվությունները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին, կամ

բ. հղում այդ պետության որևէ պաշտոնական ինտերնետային էջի, որտեղ կնշվի, որ տվյալ պետության հաշվապահական հաշվառման ստանդարտները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին,

11) տեղեկանք իրավասու մարմնի կողմից պետական բյուջեի և սոցիալական ապահովության պետական ծառայության նկատմամբ պարտքերի կամ դրանց բացակայության վերաբերյալ (ռեզիդենտների համար),

12) ներդրվող միջոցների ծագման օրինականության վերաբերյալ բավարար և ամբողջական հիմնավորումներ (փաստաթղթեր, տեղեկություններ և այլն),

13) հայտարարագիր «Բանկերի և բանկային գործունեության մասին» ՀՀ օրենքի 18-րդ հոդվածով նախատեսված հիմքերի բացակայության մասին` համաձայն ենթահավելված 5-2-ի,

14) եթե իրավաբանական անձ-ուղղակի մասնակիցն ընդգրկված է որևէ խմբի, հոլդինգի, միության կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում, ապա Կենտրոնական բանկ պետք է ներկայացվի նաև խմբի, հոլդինգի, միության կառուցվածքը,

15) եթե իրավաբանական անձ-ուղղակի մասնակիցն ընդգրկված է որևէ խմբի, հոլդինգի, միության կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում, ապա ներկայացվում են տվյալ խմբի, հոլդինգի, միության վերջին ֆինանսական տարվա`

ա. հաշվապահական հաշվեկշիռը,

բ. ֆինանսական արդյունքների մասին հաշվետվությունը,

գ. դրամական միջոցների հոսքերի մասին հաշվետվությունը,

դ. սեփական կապիտալում փոփոխությունների մասին հաշվետվությունը,

ե. ֆինանսական հաշվետվություններին կից ծանոթագրությունները (մեկ տարուց պակաս գործունեություն իրականացրած իրավաբանական անձինք նշված տեղեկությունները ներկայացնում են իրականացրած գործունեության ողջ ժամկետի համար),

16) խմբի, հոլդինգի, միության վերջին տարեկան ֆինանսական հաշվետվությունների արժանահավատությունը հաստատող անկախ աուդիտորական եզրակացությունը:

17) Եթե սույն կետի 15-րդ ենթակետով սահմանված ֆինանսական հաշվետվությունները կազմված են օտարերկրյա պետության ազգային ստանդարտների համաձայն, ապա Կենտրոնական բանկ պետք է ներկայացվի տվյալ կազմակերպության ֆինանսական հաշվետվությունները հաստատող անկախ աուդիտորական կազմակերպության հայտարարությունն այն մասին, որ ներկայացված հաշվետվությունները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին, կամ հղում այդ պետության որևէ պաշտոնական ինտերնետային էջի, որտեղ կնշվի, որ տվյալ պետության հաշվապահական հաշվառման ստանդարտները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին:

18) Եթե սույն կետի 8), 9), 14), 15) և 16) ենթակետերով սահմանված հաշվետվությունները (տեղեկությունները) տեղակայված են իրավաբանական անձի կամ խմբի/հոլդինգի/միության ինտերնետային կայքում, ապա Կենտրոնական բանկին ներկայացվում է համապատասխան կայքի (տնային էջի) հասցեն:

19) Եթե իրավաբանական անձի գտնվելու (գրանցման) վայրի պետության օրենսդրությամբ չի նախատեսվում 15-րդ ենթակետով նախատեսված հաշվետվությունների կազմումը և իրավաբանական անձը նման հաշվետվություններ չի կազմել, ապա պետք է ներկայացվի.

ա. տվյալ իրավաբանական անձի հայտարարությունը ներկայացման ենթակա հաշվետվությունների չկազմման մասին, ինչպես նաև իրավական հիմքերը, որոնք լիարժեք և միանշանակ կհիմնավորեն այդ փաստը,

բ. նույն ժամանակահատվածի ֆինանսական վիճակը բնութագրող տեղեկությունները և/կամ տվյալները (մասնավորապես, իրավաբանական անձի մասնակիցների, դիտորդ խորհրդի, գործադիր մարմնի կամ կառավարման որևէ այլ մարմնի համար կազմված հաշվետվություններ կամ նման փաստաթղթեր, որոնք թույլ են տալիս պատկերացում կազմել և գնահատել իրավաբանական անձի ֆինանսական վիճակը):

18. Եթե Համահայկական բանկի կանոնադրական հիմնադրամում մասնակցություն ձեռք է բերվելու միջազգային կազմակերպությունների կողմից, ապա վերջիններիս կողմից Կենտրոնական բանկ պետք է ներկայացվեն սույն կանոնակարգի 17-րդ կետի 8), 9) ենթակետերով պահանջվող փաստաթղթերը:

1) Կենտրոնական բանկի խորհրդի համաձայնությամբ սույն կետը կարող է տարածվել նաև միջազգային համբավ (ճանաչում) և Ստանդարտ և Փուրզ կամ Մուդիզ վարկանիշային գործակալությունների կողմից սահմանված «Ա-» կամ «Ա3» և բարձր վարկանիշ ունեցող կազմակերպությունների վրա:

19. Եթե Համահայկական բանկի կանոնադրական հիմնադրամում մասնակցությունը ձեռք է բերում «Հայաստանի Հանրապետության կենտրոնական բանկի մասին» Հայաստանի Հանրապետության օրենքի համաձայն Կենտրոնական բանկի կողմից վերահսկվող կազմակերպությունը, ապա վերջինս Կենտրոնական բանկ պետք է ներկայացնի սույն կանոնակարգի 17-րդ կետի 1), 2), 3), 4), 6), 11), 14) և 15) ենթակետերով պահանջվող փաստաթղթերը:

20. Համահայկական բանկի կանոնադրական հիմնադրամում մասնակցություն ակնկալող ֆիզիկական անձ-ուղղակի մասնակիցը պարտավոր է մինչև տվյալ մասնակցությունը ձեռք բերելը, նախնական համաձայնություն ստանալու համար, դիմել Կենտրոնական բանկ ներկայացնելով հետևյալ փաստաթղթերը.

1) ֆիզիկական անձի կողմից Համահայկական բանկի կանոնադրական հիմնադրամում մասնակցություն ձեռք բերելու համար դիմում,

2) Համահայկական բանկի միջնորդությունը` անձի կողմից բանկի կանոնադրական հիմնադրամում մասնակցություն ձեռք բերող անձանց համաձայնություն տալու վերաբերյալ` կառավարման մարմնի կողմից լիազորված անձի ստորագրությամբ` վավերացված բանկի կնիքով,

3) Համահայկական բանկի իրավասու մարմնի (խորհուրդ կամ տնօրեն) գրավոր հավաստիացումը, որ ընկերության կանոնադրական կապիտալում ընկերության մասնակցի բաժնեմասը (բաժնետոմսը) գնելու նախապատվության իրավունքի կիրառման` օրենքով և այլ իրավական ակտերով նախատեսված կանոնները պահպանված են,

4) տեղեկանք Համահայկական բանկի կանոնադրական հիմնադրամում մասնակցություն ձեռք բերող ֆիզիկական անձի վերաբերյալ` համաձայն ենթահավելված 7-ի,

5) ներդրվող միջոցների ծագման օրինականության վերաբերյալ բավարար և ամբողջական հիմնավորումներ (փաստաթղթեր, տեղեկություններ և այլն),

6) հայտարարագիր` չմարված և չներված պարտավորությունների մասին,

7) հայտարարագիր «Բանկերի և բանկային գործունեության մասին» ՀՀ օրենքի 18-րդ հոդվածով նախատեսված հիմքերի բացակայության մասին` համաձայն ենթահավելված 5-1-ի,

8) հայտարարություն այն մասին, որ իր միջոցով որևէ այլ անձ Համահայկական բանկում անուղղակի մասնակցություն ունեցող անձի կարգավիճակ ձեռք չի բերում` համաձայն ենթահավելված 3-1-ի, հակառակ դեպքում` իր միջոցով անուղղակի մասնակցություն ձեռք բերող անձի վերաբերյալ սույն գլխում սահմանված փաստաթղթերը:

21. Համահայկական բանկի կանոնադրական հիմնադրամում մասնակցություն ակնկալող պետությունը (բացառությամբ Հայաստանի Հանրապետության) պարտավոր է մինչև տվյալ մասնակցությունը ձեռք բերելը, նախնական համաձայնություն ստանալու համար դիմել Կենտրոնական բանկ ներկայացնելով հետևյալ փաստաթղթերը.

1) պետության անունից հանդես գալու իրավունք ունեցող մարմնից դիմում բանկի կանոնադրական հիմնադրամում մասնակցություն ձեռք բերելու համար,

2) կանոնադրական հիմնադրամում մասնակցություն ձեռք բերող պետության իրավասու մարմնի որոշումը,

3) Համահայկական բանկի միջնորդությունը` անձի կողմից բանկի կանոնադրական հիմնադրամում մասնակցություն ձեռք բերող անձանց համաձայնություն տալու վերաբերյալ` կառավարման մարմնի կողմից լիազորված անձի ստորագրությամբ` վավերացված բանկի կնիքով,

4) Համահայկական բանկի իրավասու մարմնի (խորհրդի կամ նախագահի կամ տնօրենի (կանոնադրությամբ նախատեսված դեպքերում) գրավոր հավաստիացումը, որ ընկերության կանոնադրական կապիտալում ընկերության մասնակցի բաժնեմասը (բաժնետոմսը) գնելու նախապատվության իրավունքի կիրառման` օրենքով և այլ իրավական ակտերով նախատեսված կանոնները պահպանված են:

22. Եթե մասնակցությունը ձեռք են բերում միմյանց հետ փոխկապակցված անձինք կամ Համահայկական բանկի մասնակցի, խորհրդի նախագահի, անդամների, տնօրենի կամ տնօրինության անդամի հետ փոխկապակցված անձինք, ապա սույն գլխում սահմանված փաստաթղթերը պահանջվում են նրանցից յուրաքանչյուրից:

1) Համահայկական բանկում անուղղակի մասնակցություն ակնկալող անձի վերաբերյալ Կենտրոնական բանկ պետք է ներկայացվեն իրավաբանական անձանց համար` կանոնակարգի 17-րդ կետի 5), 7), 8), 9), 11), 13) ենթակետերով, իսկ ֆիզիկական անձանց համար` կանոնակարգի 20-րդ կետի 4), 6), 7) ենթակետերով սահմանված փաստաթղթերը, ինչպես նաև սույն կանոնակարգի 27-րդ կետի 5) ենթակետով սահմանված տեղեկանքը և հայտարարագիր` համաձայն ենթահավելված 7-1-ի և 7-2-ի:

23. Եթե անուղղակի մասնակցությունը ձեռք է բերվում ուղղակի մասնակցի միջոցով, ապա սույն կանոնակարգով նախատեսված փաստաթղթերը Կենտրոնական բանկ է ներկայացնում ուղղակի մասնակիցը, այլ դեպքերում` Համահայկական բանկը:

24. Եթե Համահայկական բանկի կանոնադրական հիմնադրամում անուղղակի մասնակցություն ձեռք է բերում «Հայաստանի Հանրապետության կենտրոնական բանկի մասին» Հայաստանի Հանրապետության օրենքի համաձայն Կենտրոնական բանկի կողմից վերահսկվող կազմակերպությունը, ապա վերջինս Կենտրոնական բանկ պետք է ներկայացնի սույն կանոնակարգի 17-րդ կետի 11) և 13) ենթակետերով պահանջվող փաստաթղթերը:

25. Եթե բանկի կանոնադրական հիմնադրամում անուղղակի մասնակցությունը ձեռք է բերում Հայաստանի Հանրապետության կենտրոնական բանկի կողմից «Ա» և «Բ» վարկանիշ ստացած կազմակերպությունը, ապա վերջինս Կենտրոնական բանկ պետք է ներկայացնի սույն կանոնակարգի 17-րդ կետի 7), 11) և 13) ենթակետերով պահանջվող փաստաթղթերը:

26. Եթե Համահայկական բանկի կանոնադրական հիմնադրամում անուղղակի մասնակիցը և Համահայկական բանկում ուղղակի մասնակցություն ձեռք բերող իրավաբանական անձը ընդգրկված են որևէ խմբի/հոլդինգի/միության կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում, ապա անուղղակի մասնակիցը Կենտրոնական բանկ պետք է ներկայացնի սույն կանոնակարգի 17-րդ կետի 5), 7), 10) և 12) ենթակետերով պահանջվող փաստաթղթերը:

27. Համահայկական բանկի կանոնադրական հիմնադրամում մասնակցություն ակնկալող ֆիզիկական և իրավաբանական անձինք Կենտրոնական բանկ պետք է ներկայացնեն նաև.

1) մասնակցություն ձեռք բերող անձի հետ փոխկապակցված իրավաբանական անձանց (այդ թվում` այն իրավաբանական անձանց, որոնցում Համահայկական բանկի կանոնադրական հիմնադրամում մասնակցություն ձեռք բերող անձը հանդիսանում է նշանակալից մասնակից) վերջին մեկ տարվա`

ա. հաշվապահական հաշվեկշիռը,

բ. ֆինանսական արդյունքների մասին հաշվետվությունը,

գ. դրամական միջոցների հոսքերի մասին հաշվետվությունը,

դ. սեփական կապիտալում փոփոխությունների մասին հաշվետվությունը,

ե. ֆինանսական հաշվետվություններին կից ծանոթագրությունները (մեկ տարուց պակաս գործունեություն իրականացրած իրավաբանական անձինք նշված տեղեկությունները ներկայացնում են իրականացրած գործունեության ողջ ժամկետի համար).

2) մասնակցություն ձեռք բերող անձի հետ փոխկապակցված իրավաբանական անձանց վերջին տարեկան ֆինանսական հաշվետվությունների արժանահավատությունը հաստատող անկախ աուդիտորական եզրակացությունը:

3) Եթե սույն կետի 1) ենթակետում սահմանված ֆինանսական հաշվետվությունները կազմված են օտարերկրյա պետության ազգային ստանդարտների համաձայն, ապա Կենտրոնական բանկ պետք է ներկայացվի.

ա. տվյալ կազմակերպության ֆինանսական հաշվետվությունները հաստատող անկախ աուդիտորական կազմակերպության հայտարարությունն այն մասին, որ ներկայացված հաշվետվությունները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին, կամ

բ. հղում այդ պետության որևէ պաշտոնական ինտերնետային էջի, որտեղ կնշվի, որ տվյալ պետության հաշվապահական հաշվառման ստանդարտները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին:

4) Եթե սույն կետի 1) և 2) ենթակետերով սահմանված հաշվետվությունները (տեղեկությունները) տեղակայված են խմբի/հոլդինգի/միության ինտերնետային կայքում, ապա Կենտրոնական բանկին ներկայացվում է համապատասխան կայքի/տնային էջի հասցեն:

Եթե իրավաբանական անձի գտնվելու (գրանցման) վայրի պետության օրենսդրությամբ չի նախատեսվում վերը նշված հաշվետվությունների կազմումը և իրավաբանական անձը նման հաշվետվություններ չի կազմել, ապա պետք է ներկայացվի.

ա. տվյալ իրավաբանական անձի հայտարարությունը ներկայացման ենթակա հաշվետվությունների չկազմման մասին, ինչպես նաև իրավական հիմքերը, որոնք լիարժեք և միանշանակ կհիմնավորեն այդ փաստը,

բ. նույն ժամանակահատվածի ֆինանսական վիճակը բնութագրող տեղեկությունները և/կամ տվյալները (մասնավորապես, իրավաբանական անձի մասնակիցների, դիտորդ խորհրդի, գործադիր մարմնի կամ կառավարման որևէ այլ մարմնի համար կազմված հաշվետվություններ կամ նման փաստաթղթեր, որոնք թույլ են տալիս պատկերացում կազմել և գնահատել իրավաբանական անձի ֆինանսական վիճակը):

5) Տեղեկանք մասնակցություն ձեռք բերող անձի հետ փոխկապակցված ֆիզիկական և իրավաբանական անձանց (այդ թվում` այն իրավաբանական անձանց, որոնցում Համահայկական բանկի կանոնադրական հիմնադրամում մասնակցություն ձեռք բերող անձը նշանակալից մասնակից է) մասին` համաձայն ենթահավելված 8-1-ի և 8-2-ի:

6) Եթե սույն կետում նշված տեղեկատվությունը վերաբերում է «Հայաստանի Հանրապետության կենտրոնական բանկի մասին» Հայաստանի Հանրապետության օրենքի համաձայն Կենտրոնական բանկի կողմից վերահսկվող իրավաբանական անձանց, Հայաստանի Հանրապետության կենտրոնական բանկի կողմից «Ա» և «Բ» վարկանիշ ստացած կազմակերպություններին կամ բանկում մասնակցություն ձեռք բերող իրավաբանական անձանց հետ միևնույն խմբի/հոլդինգի/միության կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում ընդգրկված կազմակերպություններին, ապա չի պահանջվում ներկայացնել այդ տեղեկատվությունը:

7) Եթե բանկի կանոնադրական կապիտալում ուղղակի մասնակցություն ձեռք բերելու մտադրություն ունեցող անձի միջոցով Համահայկական բանկի կանոնադրական կապիտալում անուղղակի մասնակցություն ձեռք են բերում մի քանի անձինք, ապա անուղղակի մասնակցություն ձեռք բերելու համաձայնություն ստանալու համար կարող են ներկայացվել «Բանկերի և բանկային գործունեության մասին» Հայաստանի Հանրապետության օրենքով և սույն կանոնակարգով պահանջվող փաստաթղթերը միայն այն ֆիզիկական անձի վերաբերյալ, որի միջոցով որևէ այլ անձ Համահայկական բանկում մասնակցություն ձեռք չի բերում: Անհրաժեշտության դեպքում Կենտրոնական բանկը կարող է պահանջել փաստաթղթեր նաև այն անձանցից, որոնց միջոցով Համահայկական բանկում մասնակցություն է ձեռք բերվում:

28. Մասնակցության նախնական համաձայնության վերաբերյալ դիմումը Կենտրոնական բանկը քննում է և որոշում է կայացնում 30-օրյա ժամկետում: Կենտրոնական բանկի կողմից պահանջվող որոշակի փաստեր պարզաբանելու նպատակով երեսունօրյա ժամկետը կարող է Կենտրոնական բանկի որոշմամբ կասեցվել 90 օրով:

29. Կենտրոնական բանկը մերժում է բանկի կանոնադրական հիմնադրամում մասնակցություն ձեռք բերելու դիմումը համաձայն «Բանկերի և բանկային գործունեության մասին» Հայաստանի Հանրապետության օրենքի 18 հոդվածի 2-րդ մասի, «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի, ինչպես նաև դրանց հիման վրա ընդունված նորմատիվ իրավական ակտերի:

30. Ուղղակի մասնակցի միջոցով ձեռք բերվող անուղղակի մասնակցությունը բանկի կանոնադրական հիմնադրամում համարվում է մերժված, եթե մերժվել է ուղղակի մասնակցության միջնորդագիրը:

31. Մասնակցության ձեռք բերման գործարքի (կամ գործարքների) իրականացումը հաստատող հիմքերը (փաստաթղթերը) պետք է ներկայացվեն կենտրոնական բանկ: Եթե որոշմամբ սահմանված ժամկետում գործարքը (կամ գործարքները) չի իրականացվում, կամ գործարքի (կամ գործարքների) իրականացումը հաստատող հիմքերը (փաստաթղթերը) չեն ներկայացվում Կենտրոնական բանկ, ապա Կենտրոնական բանկի նախնական համաձայնությունը ուժը կորցրած է համարվում:

ԳԼՈՒԽ 5
ՀԱՄԱՀԱՅԿԱԿԱՆ ԲԱՆԿԻ ՂԵԿԱՎԱՐՆԵՐԻ ՈՐԱԿԱՎՈՐՄԱՆ ԵՎ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՍՏՈՒԳՈՒՄԸ, ՂԵԿԱՎԱՐՆԵՐԻ ԳՐԱՆՑՈՒՄԸ, ԽՈՐՀՐԴԻ ՆԱԽԱԳԱՀԻ, ԱՆԴԱՄՆԵՐԻ, ՏԱՐԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻ ՂԵԿԱՎԱՐՆԵՐԻ ՀԱՇՎԱՌՈՒՄԸ

32. Համահայկական բանկի ղեկավար պաշտոններում աշխատելու համար թեկնածուները պետք է անցնեն որակավորման և մասնագիտական համապատասխանության ստուգում և գրանցվեն Կենտրոնական բանկում` Հայաստանի Հանրապետության կենտրոնական բանկի խորհրդի 2005 թվականի ապրիլի 12-ի թիվ 145-Ն որոշմամբ հաստատված «Բանկերի և օտարերկրյա բանկերի մասնաճյուղերի գրանցումն ու լիցենզավորումը, բանկերի մասնաճյուղերի և ներկայացուցչությունների գրանցումը, բանկերի և օտարերկրյա բանկերի մասնաճյուղերի ղեկավարների որակավորումը և գրանցումը» կանոնակարգ 1-ի դրույթներին համապատասխան` բացառությամբ Համահայկական բանկի խորհրդի նախագահի, անդամների, տարածքային ստորաբաժանումների ղեկավարների:

33. Համահայկական բանկի տնօրենը (վարչության նախագահը) և տեղակալները (տնօրինության անդամները, բացառությամբ գլխավոր հաշվապահի) որակավորման և մասնագիտական համապատասխանության գրավոր քննություն չեն հանձնում:

34. Համահայկական բանկի խորհրդի նախագահը, անդամները, տարածքային ստորաբաժանումների ղեկավարները հաշվառվում են Կենտրոնական բանկում` ենթահավելված 3-ով նախատեսված տեղեկությունների հիման վրա:

ԳԼՈՒԽ 6
ՓՈՓՈԽՈՒԹՅՈՒՆՆԵՐԻ ԳՐԱՆՑՈՒՄԸ

35. Համահայկական բանկը պարտավոր է Կենտրոնական բանկ գրանցման ներկայացնել հետևյալ փոփոխությունները.

ա. Համահայկական բանկի կանոնադրություններում կատարված փոփոխությունները,

բ. ղեկավարների կազմում կատարված փոփոխությունները:

36. Բանկի ղեկավարների (բացառությամբ խորհրդի նախագահի, անդամների, տարածքային ստորաբաժանումների ղեկավարների) կազմում կատարված փոփոխությունները Կենտրոնական բանկում գրանցվում են սույն կարգի 5-րդ գլխով սահմանված կարգով:

37. Համահայկական բանկի կանոնադրությունում կատարված փոփոխությունները գրանցելու նպատակով ներկայացվում են հետևյալ փաստաթղթերը.

1) կատարված փոփոխությունները գրանցելու մասին միջնորդագիր` Համահայկական բանկի կառավարման մարմնի լիազոր անձի ստորագրությամբ` վավերացված բանկի կնիքով (առկայության դեպքում),

2) Համահայկական բանկի իրավասու մարմնի որոշումը կամ արձանագրությունից քաղվածք` բանկի կանոնադրությունում կատարված փոփոխությունների վերաբերյալ,

3) Համահայկական բանկի փոփոխված կանոնադրությունը (3 օրինակից): Եթե կատարված փոփոխությունները վերաբերում են Համահայկական բանկի այն ներքին իրավական ակտերին, որոնց հղում է կատարված կանոնադրության մեջ, ապա կից պետք է ներկայացվեն նաև համապատասխան իրավական ակտերը: Կանոնադրության թերթերը պետք է լինեն համարակալված և թելակարված. ընդ որում, կանոնադրության վերջին թերթի հետնամասում, կարի վրա պետք է փակցված լինի պիտակ` համաձայն ենթահավելված 9-ի:

38. Կենտրոնական բանկը պարտավոր է փոփոխությունների գրանցման համար սույն գլխով սահմանված փաստաթղթերը ստանալու պահից` Կենտրոնական բանկի իրավասու մարմնի որոշմամբ` երեսնօրյա ժամկետում, գրանցել փոփոխությունները կամ մերժել գրանցումը:

39. Կենտրոնական բանկի կողմից պահանջվող որոշակի փաստեր պարզաբանելու նպատակով երեսնօրյա ժամկետը կարող է կասեցվել իննսուն օրով: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և երեսնօրյա ժամկետի տարբերությամբ առաջացող օրերի քանակը:

40. Համահայկական բանկի կանոնադրական հիմնադրամի ավելացման դեպքում փոփոխված կանոնադրության գրանցման համար Համահայկական բանկը Կենտրոնական բանկ է ներկայացնում բաժնետոմսերի վերջին թողարկման ազդագրի գրանցման վերաբերյալ որոշման պատճենը, ինչպես նաև հետևյալ փաստաթղթերը.

1) կատարված փոփոխությունները գրանցելու մասին միջնորդագիր` Համահայկական բանկի կառավարման մարմնի լիազոր անձի ստորագրությամբ` վավերացված բանկի կնիքով (կնիքի առկայության դեպքում),

2) Համահայկական բանկի իրավասու մարմնի որոշումը կամ արձանագրությունից քաղվածք` կանոնադրությունում կատարված փոփոխությունների վերաբերյալ,

3) Համահայկական բանկի փոփոխված կանոնադրությունը (3 օրինակից): Եթե կատարված փոփոխությունները վերաբերում են Համահայկական բանկի այն ներքին իրավական ակտերին, որոնց հղում է կատարված կանոնադրության մեջ, ապա կից պետք է ներկայացվեն նաև համապատասխան իրավական ակտերը:

41. Համահայկական բանկի կանոնադրական հիմնադրամի ավելացման դեպքում մինչև փոփոխված կանոնադրության գրանցումը, Համահայկական բանկը կանոնադրական հիմնադրամը համալրելու նպատակով Կենտրոնական բանկում բացում է կուտակման հաշիվ և Կենտրոնական բանկ ներկայացնում կանոնադրական հիմնադրամի համալրմանն առնչվող բոլոր փաստաթղթերի պատճենները:

41.1. Համահայկական բանկը Կենտրոնական բանկ ի գիտություն է ներկայացնում Համահայկական բանկի գործունեության նոր ընդունված ներքին իրավական ակտերը, գործող ներքին իրավական ակտերի փոփոխությունները և այդ փոփոխությունները ներառող փոփոխված ներքին իրավական ակտերը (Համահայկական բանկի գործունեությունը կարգավորող կանոնակարգերը, կարգերը, ընթացակարգերը, ծրագրերը և նմանատիպ այլ փաստաթղթերը)` իրավասու մարմնի կողմից այդ ներքին իրավական ակտերը կամ փոփոխությունները հաստատելուց հետո 15 աշխատանքային օրվա ընթացքում` էլեկտրոնային տարբերակով` Սի-Բի-Էյ-նեթ համակարգի միջոցով:

(41.1-ին կետը լրաց. 06.03.12 թիվ 60-Ն որոշում_

ԳԼՈՒԽ 7
ՀԱՄԱՀԱՅԿԱԿԱՆ ԲԱՆԿԻ ՏԱՐԱԾՔԻ ԵՎ ՏԵԽՆԻԿԱԿԱՆ ՀԱԳԵՑՎԱԾՈՒԹՅԱՆ ՆԿԱՏՄԱՄԲ ՊԱՀԱՆՋՆԵՐԸ

42. Համահայկական բանկը և Համահայկական բանկի տարածքային ստորաբաժանումները պետք է ունենան.

1) բանկին սեփականության իրավունքով պատկանող կամ վարձակալությամբ կամ անհատույց օգտագործման իրավունքով վերցված առանձնացված տարածք.

2) կանխիկ դրամով և այլ արժեքներով գործառնություններ կատարելու, հաճախորդների դրամարկղային սպասարկումն իրականացնելու, կանխիկ դրամի ու այլ արժեքների հուսալի պահպանության համար դրամարկղային հանգույց` դրամապահոց և գործառնական դրամարկղ: Դրամապահոցը կանխիկ դրամի և այլ արժեքների, գրավադրված և ի պահ ընդունված արժեքների պահպանության հիմնական դրամապահոց է` իր նախադրամապահոցով: Դրամապահոցի բացակայության դեպքում անհրաժեշտ է ինկասացիոն ծառայության հետ կնքված պայմանագիր` նշված միջոցների ամենօրյա տեղափոխման, հանձնման համար, ինչպես նաև որևէ բանկի հետ կնքված պայմանագիր, եթե նշված միջոցները պահպանման են հանձնվելու այլ բանկ կամ այլ բանկի տարածքային ստորաբաժանում: Դրամապահոցի բացակայության պարագայում Համահայկական բանկը կարող է չիրականացնել դրամարկղում առկա կանխիկ դրամի ինկասացում, եթե դրամարկղում կանխիկ դրամի` տվյալ օրվա մնացորդը չի գերազանցում 5 միլիոն ՀՀ դրամը, և տեղադրված է հատուկ չհրկիզվող պահարան, որն ամրացված է դրամարկղի հատակին ու պատին:

Եթե Համահայկական բանկի կանոնադրությամբ նախատեսված է, որ վերջինս «Բանկերի և բանկային գործունեության մասին» Հայաստանի Հանրապետության օրենքի 34-րդ հոդվածով նախատեսված գործառնություններն իրականացնում է բացառապես անկանխիկ ձևով, ապա դրամարկղային հանգույցի առկայությունը պարտադիր չէ.

3) շուրջօրյա պահպանիչ-հակահրդեհային ազդարարման և շուրջօրյա անվտանգության ահազանգման համակարգեր: Ընդ որում, շուրջօրյա պահպանիչ-հակահրդեհային ազդարարման համակարգը պետք է միացված լինի համապատասխան կազմակերպությանը, իսկ շուրջօրյա անվտանգության ահազանգման համակարգը պետք է միացված լինի ոստիկանության կամ արտոնագրված պահակախմբի հետ` հիմնավորված համապատասխան փաստաթղթերով:

43. Համահայկական բանկը և բանկի տարածքային ստորաբաժանումը պետք է միացված լինեն միմյանց կապող համակարգչային ցանցի հետ:

44. Համահայկական բանկը կարող է սույն կանոնակարգի 42-րդ կետով սահմանված տեխնիկական հագեցվածության պահանջների փոխարեն, բացառությամբ 1-ին կետի, ունենալ «Բանկերս Բլանկետ Բոնդ (BBB)» ապահովագրության պայմանագիր հետևյալ ռիսկերի գծով.

1) ավազակության, գողության, կողոպուտի, յուրացման, վատնման, խարդախության, այդ թվում` կեղծ փողեր, արժեթղթեր և վճարային փաստաթղթեր իրացնելու կամ կեղծ պայմանագրեր ներկայացնելու հետևանքով ընկերության գույքի հափշտակության ռիսկը,

2) բանկի գույքի կորստի կամ վնասվածքի ռիսկը, այդ թվում` բանկի տարածքում գտնվող կամ փոխադրվող կանխիկ դրամի, արժեթղթերի, վճարային փաստաթղթերի և այլ արժեքավոր գույքի կորստի կամ վնասվածքի ռիսկը:

45. Նշված ռիսկերի գծով ապահովագրության պայմանագրում ապահովագրական գումարը չի կարող փոքր լինել բանկի ակտիվների 1 տոկոսից: Ընդ որում, «Բանկերս Բլանկետ Բոնդ (BBB)» ապահովագրություն իրականացնող ոչ ռեզիդենտ ապահովագրական ընկերությունը պետք է ունենա ստորև նշված միջազգային վարկանշող կազմակերպություններից առնվազն մեկի կողմից տրված վարկանիշ, որը պետք է ցածր չլինի`

 Հավելված 1-ի
Ենթահավելված 1
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

ՀԱՄԱՀԱՅԿԱԿԱՆ ԲԱՆԿԻ ԼԻՑԵՆԶԱՎՈՐՄԱՆ
ԴԻՄՈՒՄ

 Հայաստանի Հանրապետության
Կենտրոնական բանկի նախագահ
պարոն _____________________

Հարգելի պարոն________

Ես (մենք)` _____________ գործելով որպես «Համահայկական բանկ» բաց բաժնետիրական ընկերության լիազոր ներկայացուցիչ (ներ) _______________

համաձայն Հայաստանի Հանրապետության օրենքների և այլ իրավական ակտերի` կից ներկայացնում ենք Համահայկական բանկի լիցենզավորման համար անհրաժեշտ փաստաթղթերը (ցանկը և փաստաթղթերը ___ էջ):

Ես (մենք) հավաստիացնում եմ(ենք), որ մանրակրկիտ դիտարկել եմ (ենք) սույն դիմումին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում եմ(ենք), որ տեղեկատվությունն արժանահավատ է ու ամբողջական, և գիտակցում եմ(ենք), որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում եմ(ենք) Համահայկական բանկին տրամադրել բանկային գործունեության լիցենզիա:

Համահայկական բանկի հիմնադիրների կողմից լիազորված անձ (անձինք)`

 Հավելված 1-ի
Ենթահավելված 2
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

ՄԻՋՆՈՐԴԱԳԻՐ
ՂԵԿԱՎԱՐՆԵՐԻ (ՈՐԱԿԱՎՈՐՎՈՂ ԱՆՁԻ) ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐ

ՏԵՂԵԿԱՆՔ
ՀԱՄԱՀԱՅԿԱԿԱՆ ԲԱՆԿԻ ԽՈՐՀՐԴԻ ԱՆԴԱՄՆԵՐԻ ԵՎ ՏԱՐԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻ ՂԵԿԱՎԱՐՆԵՐԻ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ

Համահայկական բանկի խորհրդի անդամների և տարածքային ստորաբաժանումների ղեկավարների վերաբերյալ տեղեկություններ

Կից ներկայացվում են նաև Համահայկական բանկի խորհրդի անդամների և տարածքային ստորաբաժանումների ղեկավարների ինքնակենսագրությունները

Համահայկական բանկի մասնակիցների կողմից լիազորված անձ (անձինք)`

 Հավելված 1-ի
Ենթահավելված 3-1
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

ՀԱՅՏԱՐԱՐՈՒԹՅՈՒՆ

Ենթահավելված 3-2

ՀԱՅՏԱՐԱՐՈՒԹՅՈՒՆ

 Հավելված 1-ի
Ենթահավելված 4
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

Համահայկական բանկի գործունեության տնտեսական ծրագրի ձև

Բաժին 1. Ընդհանուր դրույթներ

Բաժին 2. Ֆինանսական հեռանկարային զարգացման միտումներ

Բաժին 3. Ներդրումների համար կանխատեսվող շուկաների նկարագրություն

Բաժին 4. Միջոցների ներգրավման հիմնական գործիքներ

Բաժին 5. Բանկի ներքին կազմակերպական կառուցվածք և կառավարման սկզբունքներ

Բաժին 6. Կապիտալ, եկամուտների և ծախսերի հաշվարկ

Բաժին 7. Հնարավոր ռիսկերի գնահատում

Բաժին 8. Խորհրդի կողմից տնտեսական ծրագրի իրականացման նկատմամբ հսկողության սահմանում

Բաժին 9. Այլընտրանքային տնտեսական ծրագիրը (պարտադիր չէ, ներկայացվում է Կենտրոնական Բանկի պահանջով)

Բաժին 10. Այլ դրույթներ

Ենթահավելվածներ և անհրաժեշտ կից տեղեկատվություն:

 Հավելված 1-ի
Ենթահավելված 4-ի
Ձև 1

ԲԱՆԿԻ ԿԱՊԻՏԱԼԻ ՀԱՇՎԱՐԿԸ
(կանխատեսումը)

(հազ. դրամ)

Հավելված 1-ի
Ենթահավելված 4-ի
Ձև 2

ՀԱՇՎԵԿՇՌԻ ՀԱՇՎԱՐԿԱՅԻՆ ՆԱԽԱԳԾԵՐ
(կանխատեսումներ)

(հազ. դրամ)

Հավելված 1-ի
Ենթահավելված 4-ի
Ձև 3

Եկամուտների և ծախսերի նախահաշվարկներ
(կանխատեսումներ)

(հազ. դրամ) 

Հավելված 1-ի
Ենթահավելված 5
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՄԻԱՍՆԱԿԱՆ ՁԵՎ

Հավելված 1-ի
Ենթահավելված 5-1
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

ՀԱՅՏԱՐԱՐԱԳԻՐ

Ենթահավելված 5-2

ՀԱՅՏԱՐԱՐԱԳԻՐ

Հավելված 1-ի
Ենթահավելված 6
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

ՏԵՂԵԿԱՆՔ
ՀԱՄԱՀԱՅԿԱԿԱՆ ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ ԻՐԱՎԱԲԱՆԱԿԱՆ ԱՆՁԻ ՎԵՐԱԲԵՐՅԱԼ

Հավելված 1-ի
Ենթահավելված 7
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

ՏԵՂԵԿԱՆՔ
ՀԱՄԱՀԱՅԿԱԿԱՆ ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ ՖԻԶԻԿԱԿԱՆ ԱՆՁԻ ՎԵՐԱԲԵՐՅԱԼ

Հավելված 1-ի
Ենթահավելված 7-1
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

ՀԱՅՏԱՐԱՐԱԳԻՐ

Ենթահավելված 7-2

ՀԱՅՏԱՐԱՐԱԳԻՐ

Հավելված 1-ի
Ենթահավելված 8-1
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ

ՏԵՂԵԿԱՆՔ
ՀԱՄԱՀԱՅԿԱԿԱՆ ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ ԱՆՁԻ ՀԵՏ ՓՈԽԿԱՊԱԿՑՎԱԾ ԻՐԱՎԱԲԱՆԱԿԱՆ ԱՆՁԱՆՑ ՄԱՍԻՆ

Ենթահավելված 8-2

ՏԵՂԵԿԱՆՔ
ՀԱՄԱՀԱՅԿԱԿԱՆ ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ ԱՆՁԻ ՀԵՏ ՓՈԽԿԱՊԱԿՑՎԱԾ ՖԻԶԻԿԱԿԱՆ ԱՆՁԱՆՑ ՄԱՍԻՆ

Հավելված 1-ի
Ենթահավելված 9
Հաստատված է
Հայաստանի Հանրապետության
կենտրոնական բանկի խորհրդի
2010 թվականի հոկտեմբերի 22-ի
թիվ 263-Ն որոշմամբ