ՎԻՃԱԿԱԽԱՂԻ ՏՈՄՍԻ ՎՐԱ ՓԱԿՑՎՈՂ ՀՍԿԻՉ ՆՇԱՆԻ ՆՄՈՒՇԸ (Է ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ
ՆԱԽԱԳԱՀ ՀՐԱՄԱՆ

1 հունիսի 2020 թվականի N 491-Լ

ՎԻՃԱԿԱԽԱՂԻ ՏՈՄՍԻ ՎՐԱ ՓԱԿՑՎՈՂ ՀՍԿԻՉ ՆՇԱՆԻ ՆՄՈՒՇԸ (ԷՍՔԻԶԸ), ՉԱՓԸ, ՁԵՎԸ, ԳՈՒՅՆԸ ԵՎ ՏԵԽՆԻԿԱԿԱՆ ՊԱՀԱՆՋՆԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2020 թվականի ապրիլի 30-ի N 650-Ն որոշման 2-րդ կետը և ղեկավարվելով Հայաստանի Հանրապետության վարչապետի 2018 թվականի հունիսի 11-ի թիվ 702-Լ որոշմամբ հաստատված Հայաստանի Հանրապետության պետական եկամուտների կոմիտեի կանոնադրության 17-րդ կետի 16-րդ ենթակետով

ՀՐԱՄԱՅՈՒՄ ԵՄ`

1. Հաստատել`

1) հսկիչ նշանի նմուշը (էսքիզը), չափը, ձևը և գույնը` համաձայն N 1 հավելվածի,

2) հսկիչ նշանի տեխնիկական պահանջները` համաձայն N 2 հավելվածի:

2. Սույն հրամանն ուժի մեջ է մտնում հրապարակման հաջորդող օրվանից:

ԴԱՎԻԹ ԱՆԱՆՅԱՆ

Հավելված N 1

Հայաստանի Հանրապետության

պետական եկամուտների

կոմիտեի նախագահի

2020 թվականի հունիսի 1-ի

N 491-Լ հրամանի

ՀՍԿԻՉ ՆՇԱՆԻ ՆՄՈՒՇԸ (ԷՍՔԻԶԸ), ՉԱՓԸ, ՁԵՎԸ և ԳՈՒՅՆԸ

ԷՍՔԻԶ

ՀՍԿԻՉ ՆՇԱՆ

Չափսը`

.________.

|17x13 մմ|

.________.

Գույնը կարմրավուն

100%

Հսկիչ նշան

ooooooooօ

________________________

ԻՐՏԵԿ - նկարը չի բերվում

200%

ՀՍԿԻՉ ՆՇԱՆ

ooooooooօ

________________________

ԻՐՏԵԿ - նկարը չի բերվում

Հավելված N 2

Հայաստանի Հանրապետության

պետական եկամուտների

կոմիտեի նախագահի

2020 թվականի հունիսի 1-ի

N 491-Լ հրամանի

ՀՍԿԻՉ ՆՇԱՆՆԵՐԻ ՏԵԽՆԻԿԱԿԱՆ ՊԱՀԱՆՋՆԵՐ

Հսկիչ նշանի նկարագրությունը`

. հսկիչ նշանի գրառումները

- «ՀՍԿԻՉ ՆՇԱՆ»,

- համարակալումը` սերիա (բաղկացած հայերեն այբուբենի մեկ տառից) և անհատական համար (բաղկացած 8-անիշ թվից):

- որպես պաշտպանական հատկանիշ հսկիչ նշանը պետք է պարունակի նաև անզեն աչքով չերևացող գրառումներ, որոնք պետք է երևան միայն ուլտրամանուշակագույն լույսի ներքո,

- հսկիչ նշանի վրա պետք է տեղադրված լինի առնվազն երկու գույնի նախշանկարով խորքային ֆոնային ցանց (գիլյոշիրային ֆոն), միկրո չափերի տեքստեր:

Հսկիչ նշանի չափերը`

- 13 մմ X 17 մմ:

Տպագրության մեթոդը`

- բարձր, ֆլեքսոգրաֆիկ կամ օֆսեթ-գլանային տպագրություն:

Սոսինձը`

հատուկ սոսինձ բարձր կպչողունակությամբ, որը կբացառի կրկնակի օգտագործումը, այն օգտագործվում է սննդամթերքի պիտակների արտադրության մեջ, չի պարունակում քաղցկեղածին նյութեր և թունաքիմիկատներ:

էլեկտրոնային կոդ`

. յուրաքանչյուր հսկիչ նշան պետք է ունենա երկչափ 2D - կոդ, որը հնարավոր կլինի կարդալ Apple iOS, Android 4, Windows Mobile 8 օպերացիոն համակարգերից որևէ մեկով աշխատող համընդհանուր օգտագործման էլեկտրոնային մոբիլ սարքով (բջջային հեռախոս, iPad, ...), որն ունի տեսախցիկ և որում նախօրոք ներբեռնվել է 2D-կոդի ընթերցման ծրագիր: 2D - կոդում ներառված տվյալների հիման վրա (տվյալները պետք է պարունակեն համակարգի URL հասցեն) սարքը անմիջապես Ինտերնետ կապուղիով համակարգի սերվերին պետք է փոխանցի տվյալ վիճակախաղի տոմսի համարանիշը, որի վերաբերյալ ստանա և արտապատկերի սարքի էկրանի վրա տվյալ վիճակախաղի տոմսի համար համակարգի տվյալների շտեմարանում գրանցված համապատասխան տվյալները, մասնավորապես, կազմակերպության անվանումը, հասցեն, հարկային կոդը և այլն:

Հսկիչ նշանի կառուցվածք`

. հսկիչ նշանը պետք է լինի ինքնասոսնձվող` պատրաստված պաշտպանիչ թղթի (UV Dull) և թափանցիկ հոլոգրաֆիկ (HRI) շերտով աջակցող սիլիկոնապատ թղթի վրա, բաղկացած լինի բազմակի պաշտպանիչ շերտերից: Հսկիչ նշանը պետք է լինի այնպիսին, որ այն փակցնելուց հետո բացառվի հսկիչ նշանը անվնաս պոկելու հնարավորությունը: Հսկիչ նշանը պետք է պարունակի բարձր պաշտպանվածությամբ օժտված հոլոգրաֆիկ թափանցիկ շերտ` հսկիչ նշանի ամբողջ մակերեսով և պարունակի տարբերանշաններ: Տպագրությունը պետք է կատարվի հոլոգրաֆիկ պատկերի տակ: Աշխատանքի արդյունքի հանձնման ժամանակ ներկայացվում է Միջազգային հոլոգրամ արտադրողների ասոցիացիայի (IHMA) անդամի հավաստագրի պատճենը: Հսկիչ նշանի շերտերը`

._____________________________________________________________________.

|5. ///////////////  |HRI հոլոգրաֆիկ պաշտպանված շերտ                  |

|____________________|________________________________________________|

|4.                  |Պաշտպանված տպագրություն                         |

|____________________|________________________________________________|

|3. //////////////// |Պաշտպանիչ թուղթ (UV Dull) 40-50 GSM             |

|____________________|________________________________________________|

|2.                  |Սոսինձ                                          |

|____________________|________________________________________________|

|1. ///////////////  |Աջակցող սիլիկոնապատ թուղթ կամ սիլիկոնապատ թաղանթ|

._____________________________________________________________________.

Տպագրական ներկին ներկայացվող պահանջները`

. հսկիչ նշանների արտադրության համար օգտագործվող տպագրական ներկը պետք է լինի դիմացկուն` լույսի, տաքության, խոնավության, կենցաղային քիմիկատների և այն լուծիչների նկատմամբ, որոնք վտանգում են հսկիչ նշանի ամբողջականությունը` վերջինիս շրջանառության ընթացքում: Տպագրական ներկը պետք է լինի դիմացկուն լվացման, քիմիական մաքրման և քրտնելու նկատմամբ, դրանք պետք է ապահովեն բավականաչափ բարձր մակարդակի պաշտպանություն` կեղծ հսկիչ նշանները հայտնաբերող լուծիչների դեմ:

Հսկիչ նշանների փաթեթավորման և ընդունման (մատակարարման) պայմանները`

. հսկիչ նշանների մատակարարումը կատարվում է գլանափաթեթային (բաբիններով)` յուրաքանչյուր գլանում 30 000-ից մինչև 40 000 հատ հսկիչ նշանով,

. գլանափաթեթները պետք է փաթեթավորված լինեն տուփերում,

. տուփերը պետք է փաթեթավորված լինեն պալետներում,

. պալետը և իր պարունակությունը պետք է փաթեթավորված լինեն պոլիէթիլենային թաղանթով,

. հսկիչ նշաններն ընդունվում են ՀՀ պետական եկամուտների կոմիտեի պահեստում: