07.12.2023 -
124.0300.060217
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«06» 02 2017 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12417066
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀ ՀՐԱՄԱՆ
30 դեկտեմբերի 2016 թվականի թիվ 300-Ն
ԵԿԱՄՏԱՅԻՆ ՀԱՐԿԻ ԵՎ ՍՈՑԻԱԼԱԿԱՆ ՎՃԱՐԻ ԱՄՍԱԿԱՆ (ՊԱՐԶԵՑՎԱԾ) ՀԱՇՎԱՐԿՆԵՐԻ, ԵԿԱՄՏԱՅԻՆ ՀԱՐԿԻ ԵՎ ՍՈՑԻԱԼԱԿԱՆ ՎՃԱՐԻ ՏԱՐԵԿԱՆ ՀԱՇՎԱՐԿԻ (ՀԱՅՏԱՐԱՐԱԳՐԻ), ՏԵՂԵԿՈՒԹՅՈՒՆՆԵՐԻ ԵՎ ՏԵՂԵԿԱՆՔԻ ՁԵՎԵՐԸ ԵՎ ԴՐԱՆՑ ԼՐԱՑՄԱՆ ԿԱՐԳԵՐԸ ՀԱՍՏԱՏԵԼՈՒ ՄԱՍԻՆ
(2-րդ մաս)
5. Հաշվարկի (հայտարարագրի) 2-րդ բաժնում լրացվում են Հայաստանի Հանրապետության հարկային օրենսգրքի 147-րդ հոդվածի 1-ին մասով սահմանված` տվյալ հարկային տարվա ընթացքում ֆիզիկական անձի ստացած նվազեցվող (չհարկվող) եկամուտները: Սույն բաժնում լրացվող եկամուտների վերաբերյալ հարկային մարմնի տեղեկատվական բազայում տվյալների առկայության դեպքում, այդ եկամուտները լրացվում են ինքնաշխատ:
6. Հաշվարկի (հայտարարագրի) 2-րդ բաժնի`
1) [2.1] տողում լրացվում են Հայաստանի Հանրապետության օրենսդրության համաձայն ֆիզիկական անձանց ստացվող նպաստների գումարները, բացառությամբ «Ժամանակավոր անաշխատունակության և մայրության նպաստների մասին» Հայաստանի Հանրապետության օրենքով սահմանված` ժամանակավոր անաշխատունակության նպաստների և վարձու աշխատողների ու ինքնուրույնաբար իրենց աշխատանքով ապահոված ֆիզիկական անձանց մայրության նպաստների գումարների,
2) [2.2] տողում լրացվում են բոլոր տեսակի կենսաթոշակները (այդ թվում` «Կուտակային կենսաթոշակների մասին» Հայաստանի Հանրապետության օրենքով կուտակային բաղադրիչի շրջանակներում ստացվող կուտակային կենսաթոշակները, այլ պետությունների օրենսդրության շրջանակներում ստացվող կենսաթոշակները և այլ պետությունների կենսաթոշակային ապահովության համակարգի շրջանակներում ստացվող համանման վճարները), բացառությամբ սահմանված կարգով կամավոր կենսաթոշակային բաղադրիչին մասնակցության շրջանակներում ստացվող կենսաթոշակների,
3) [2.3] տողում լրացվում են ապահովագրական հատուցումները, բացառությամբ Հայաստանի Հանրապետության օրենսդրությամբ սահմանված կարգով կամավոր կենսաթոշակային բաղադրիչի շրջանակներում ֆիզիկական անձի կողմից իր համար և (կամ) ֆիզիկական անձի համար երրորդ անձի (այդ թվում` գործատուի) կողմից կատարվող կամավոր կենսաթոշակային վճարների հաշվին սահմանված կարգով ստացվող հատուցումների (այդ թվում` կենսաթոշակների),
4) [2.4] տողում լրացվում են բանկերի կամ վարկային կազմակերպությունների միջոցով ստացված գումարները, որոնք բանկերը կամ վարկային կազմակերպություններն ստացել են որպես ապահովագրական հատուցում, որոնց մասով բանկը կամ վարկային կազմակերպությունը հանդիսանում է շահառու` այն մասով, որ մասով այդ գումարները, ապահովագրության պայմանագրի համաձայն, բանկերի կամ վարկային կազմակերպությունների կողմից տրամադրվում են վարկառու կամ գրավատու ֆիզիկական անձին կամ ուղղվում են վարկառու ֆիզիկական անձի վարկի մարմանը,
5) [2.5] տողում լրացվում են «Կուտակային կենսաթոշակների մասին» Հայաստանի Հանրապետության օրենքով կուտակային կենսաթոշակային բաղադրիչի շրջանակներում ֆիզիկական անձի համար (օգտին) Հայաստանի Հանրապետության պետական բյուջեից հատկացվող լրացուցիչ միջոցները,
6) [2.6] տողում լրացվում են Հայաստանի Հանրապետության օրենսդրության համաձայն` սոցիալական պաշտպանության համակարգի շրջանակներում ստացվող պատվովճարները, դրամական օգնություններն ու օժանդակությունները,
7) [2.7] տողում լրացվում են Հայաստանի Հանրապետության օրենսդրության համաձայն ստացվող ալիմենտները (ապրուստավճարները),
8) [2.8] տողում լրացվում են արյուն ու կրծքի կաթ հանձնելու և դոնորության այլ տեսակների համար ստացվող եկամուտները,
9) [2.9] տողում լրացվում են Հայաստանի Հանրապետության օրենսդրությամբ սահմանված նորմաների (չափերի) սահմաններում աշխատանքային և կամավոր աշխատանքի մասին պայմանագրերի շրջանակներում աշխատանքների կատարման հետ կապված աշխատողների (կամավորների) ստացված փոխհատուցման վճարները (այդ թվում` դիվանագիտական ծառայողների փոխհատուցման վճարները), բացառությամբ աշխատանքից ազատվելու դեպքում չօգտագործված արձակուրդի փոխհատուցման վճարների,
10) [2.10] տողում լրացվում են Հայաստանի Հանրապետության օրենսդրության համաձայն` ժառանգության և (կամ) նվիրատվության կարգով ֆիզիկական անձանցից ստացվող գույքը և (կամ) դրամական միջոցները, բացառությամբ Հայաստանի Հանրապետության հարկային օրենսգրքի 145-րդ հոդվածի 1-ին մասի 1-ին կետով սահմանված` բազմաբնակարան (այդ թվում` բազմաֆունկցիոնալ) շենքի, ստորաբաժանված շենքի կառուցապատող համարվող ֆիզիկական անձից նվիրատվության կարգով ստացվող գույքի,
11) [2.11] տողում լրացվում են ոչ առևտրային կազմակերպություններից, Հայաստանի Հանրապետության պետական և տեղական ինքնակառավարման մարմինների, օրենքով ստեղծված մշտապես գործող մարմինների որոշումների հիման վրա, ինչպես նաև օտարերկրյա պետություններից և միջազգային, միջպետական (միջկառավարական) կազմակերպություններից անհատույց ստացված ակտիվները, աշխատանքները, ծառայությունները, սույն կետում նշված մարմինների ու միջազգային, միջպետական (միջկառավարական) կազմակերպությունների կողմից ֆիզիկական անձանց համար (օգտին) կատարված վճարումները, այլ անձանցից անհատույց ստացված եկամուտները, օգնությունները:
12) [2.12] տողում լրացվում են ֆիզիկական անձի կողմից գույքի օտարումից ստացված նվազեցվող եկամուտները: Մասնավորապես, սույն կետում լրացվում են`
ա. գույքի օտարումից անհատ ձեռնարկատեր և նոտար չհանդիսացող այլ ֆիզիկական անձանցից ստացվող եկամուտները, բացառությամբ` Հայաստանի Հանրապետության հարկային օրենսգրքի 145-րդ հոդվածի 1-ին մասի 1-ին կետով սահմանված` բազմաբնակարան (այդ թվում` բազմաֆունկցիոնալ) շենքի, ստորաբաժանված շենքի կառուցապատող համարվող (համարված) ֆիզիկական անձի կողմից շենքի, դրա բնակարանների, շինությունների (այդ թվում` անավարտ, կիսակառույց) կամ այլ տարածքների (առանց ընդհանուր բաժնային սեփականություն հանդիսացող ոչ բնակելի տարածքների) օտարումից ստացվող եկամուտների,
բ. պետության կամ համայնքների կարիքների համար «Հանրության գերակա շահերի ապահովման նպատակով սեփականության օտարման մասին» Հայաստանի Հանրապետության օրենքով սահմանված կարգով ֆիզիկական անձանց պատկանող անշարժ գույքը վերցնելու դիմաց այդ ֆիզիկական անձանց, ինչպես նաև այդ անշարժ գույքում հաշվառված (գրանցված) ֆիզիկական անձանց վճարվող գումարները,
գ. հողամասի (անկախ հողամասի նպատակային նշանակությունից) օտարումից ստացվող եկամուտները,
դ. առևտրի իրականացման վայրերում (ոսկու շուկաներում) վաճառասեղանների կամ վաճառակետերի միջոցով թանկարժեք մետաղների, թանկարժեք մետաղներից պատրաստված իրերի կամ թանկարժեք քարերի առք ու վաճառքի գործունեություն իրականացնող հարկային գործակալին օտարվող ոսկու և թանկարժեք քարերի դիմաց ստացվող եկամուտները,
ե. սեփականության իրավունքով իրեն պատկանող ավտոտրանսպորտային միջոցի (այդ թվում` գյուղատնտեսական տեխնիկայի) օտարումից ավտոտրանսպորտային միջոցի (այդ թվում` գյուղատնտեսական տեխնիկայի) ձեռքբերման թրեյդ-ին առևտրի իրականացման լիցենզիա ունեցող` ԱԱՀ վճարող համարվող կազմակերպությունից ստացվող եկամուտները,.
զ. սեփականության իրավունքով իրեն պատկանող գույքի օտարումից բանկերից և վարկային կազմակերպություններից ստացվող եկամուտները, եթե հետագայում այդ գույքը նույն բանկի կամ վարկային կազմակերպության կողմից անհատ ձեռնարկատեր և նոտար չհանդիսացող ֆիզիկական անձանց տրամադրվում է լիզինգով (տարատեսակներով):
13) [2.13] տողում լրացվում են բարձրագույն ուսումնական հաստատությունների ուսանողների, ասպիրանտների, միջնակարգ-մասնագիտական ու պրոֆեսիոնալ-տեխնիկական ուսումնական հաստատությունների սովորողների, հոգևոր ուսումնական հաստատությունների ունկնդիրների` պետությունից ստացվող կրթաթոշակները, ինչպես նաև այն կրթաթոշակները, որոնք նրանց համար նշանակում են այդ ուսումնական հաստատությունները կամ ոչ առևտրային կազմակերպությունները կամ օտարերկրյա պետությունները, միջազգային, միջպետական (միջկառավարական) կազմակերպությունները:
14) [2.14] տողում լրացվում են այն գումարները, որոնք օրենքով սահմանված կարգով ստացվում են որպես պատճառված վնասի փոխհատուցում, բացառությամբ բաց թողնված եկամտի փոխհատուցման գումարների:
15) [2.15] տողում լրացվում են ստացվող վարկերի և փոխառությունների գումարները, բացառությամբ պարտատիրոջ կողմից վարկի կամ փոխառության գումարների զիջման կամ որևէ այլ ձևով այդ գումարները չվերադարձնելու մասին պարտատիրոջ հետ համաձայնության դեպքերի (այդ թվում` օրենքով սահմանված հայցային վաղեմության ժամկետը լրանալու պահին):
16) [2.16] տողում լրացվում են Հայաստանի Հանրապետության օրենսդրությամբ սահմանված կարգով և պայմաններով իրականացվող` գովազդային վիճակախաղերի մասնակիցների դրամական և իրային շահումները` յուրաքանչյուր շահման դեպքում 50 հազար դրամը չգերազանցող չափով, խաղարկությունով, ոչ խաղարկությունով և համակցված վիճակախաղերի, ինչպես նաև տոտալիզատորի մասնակիցների դրամական և իրային շահումները կամ խաղատներում, շահումով խաղերում և (կամ) ինտերնետ շահումով խաղերում ստացված շահումները,
17) [2.17] տողում լրացվում է մրցույթներում ստացվող դրամական և իրային մրցանակների արժեքը` յուրաքանչյուր մրցանակի դեպքում 50 հազար դրամը չգերազանցող չափով:
18) [2.18] տողում լրացվում են «Ֆիզիկական անձանց բանկային ավանդների հատուցումը երաշխավորելու մասին» Հայաստանի Հանրապետության օրենքով սահմանված կարգով Ավանդների հատուցումը երաշխավորող հիմնադրամից հատուցվող գումարները, բացառությամբ ավանդի գումարին հաշվեգրվող և հատուցվող տոկոսների:
19) [2.19] տողում լրացվում են ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրած դրամական ավանդների դիմաց փոխհատուցվող գումարները:
20) [2.20] տողում լրացվում են միասնական հաշվին առկա գումարների վերադարձն Հայաստանի Հանրապետության հարկային օրենսգրքի 327-րդ հոդվածով սահմանված ժամկետից 30 օրվանից ավելի ուշացնելու դեպքում այդ ժամկետին հաջորդող յուրաքանչյուր ուշացված օրվա համար ֆիզիկական անձի օգտին հաշվեգրվող տույժերը:
21) [2.21] տողում լրացվում են «Ավտոմոբիլային տրանսպորտի մասին» Հայաստանի Հանրապետության օրենքի 17-րդ հոդվածի 1-ին մասի երկրորդ պարբերությամբ սահմանված ֆիզիկական անձանց կողմից մեկ մարդատար տաքսի ավտոմոբիլով փոխադրումներ իրականացնելու գործունեությունից ստացվող եկամուտները:
22) [2.22] տողում լրացվում են վերականգնվող էներգետիկ ռեսուրսներ օգտագործող ինքնավար էներգաարտադրողի` էլեկտրական էներգիայի բաշխման լիցենզիա ունեցող անձից ստացվող հատուցման գումարները, ինչպես նաև հավասար փոխհոսքերի դեպքում ինքնավար էներգաարտադրողի կողմից էլեկտրական էներգիայի բաշխման լիցենզիա ունեցող անձին մատակարարված էլեկտրական էներգիայի դիմաց էլեկտրական էներգիայի տեսքով ստացվող փոխհատուցումները:
23) [2.23] տողում լրացվում են գյուղատնտեսական արտադրանք արտադրող ֆիզիկական անձանց` գյուղատնտեսական արտադրանքի մատակարարումից (իրացումից) ստացվող եկամուտները:
24) [2.24] տողում լրացվում են արժեթղթերից ստացվող նվազեցվող եկամուտները` համաձայն Հայաստանի Հանրապետության հարկային օրենսգրքի 149-րդ հոդվածի:
25) [2.25] տողում լրացվում են «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» Հայաստանի Հանրապետության օրենքի հիման վրա ֆիզիկական անձանց վճարվող հատուցման գումարները:
26) [2.26] տողում լրացվում են սույն բաժնի [2.1]-ից [2.25] տողերում չնշված` Հայաստանի Հանրապետության օրենսգրքի 147-րդ հոդվածի 1-ին մասով սահմանված այլ նվազեցվող եկամուտները:
27) [2.27] տողում լրացվում են հաշվետու հարկային տարվա ընթացքում ֆիզիկական անձանց ստացված նվազեցվող եկամուտների հանրագումարը:
ԲԱԺԻՆ 3. ՀԱՐԿԱՅԻՆ ԳՈՐԾԱԿԱԼ ՉՀԱՆԴԻՍԱՑՈՂՆԵՐԻՑ ՍՏԱՑՎՈՂ (ՍՏԱՑՎԱԾ) ԵԿԱՄՈՒՏՆԵՐԻՑ ԵԿԱՄՏԱՅԻՆ ՀԱՐԿԻ ՀԱՇՎԱՐԿ
._____________________________________________________________________.
|Եկամտի տեսակ |Եկամուտ|Դրույքաչափ|Եկա- |
| |(դրամ) | |մտային|
| |[3.1] |[3.2] |հարկ |
| | | |(դրամ)|
| | | |[3.3] |
|_____________________________________________________________________|
|1. Եկամուտներ և եկամտային հարկ, այդ թվում` |
|_____________________________________________________________________|
|1) աշխատանքային պայմանագրի |[3.4] | | x | x |
|շրջանակներում եկամուտ | | | | |
|____________________________________|______|_______|__________|______|
|2) քաղաքացիաիրավական պայմանագրով |[3.5] | | x | x |
|աշխատանքի կատարման (ծառայության | | | | |
|մատուցման) դիմաց եկամուտ | | | | |
|____________________________________|______|_______|__________|______|
|3) հարկման բազայի նվազեցման գումար |[3.6] | () | x | x |
|(կամավոր կենսաթոշակային վճարների | | | | |
|գումար) | | | | |
|____________________________________|______|_______|__________|______|
|4) հարկվող եկամուտ |[3.7] | | 20% | |
|____________________________________|______|_______|__________|______|
|5) ռոյալթի |[3.8] | | 10% | |
|____________________________________|______|_______|__________|______|
|6) տոկոս |[3.9] | | 20% (10%)| |
|____________________________________|______|_______|__________|______|
|7) վարձավճար |[3.10]| | 10% | |
|____________________________________|______|_______|__________|______|
|8) վարձավճարի 60 մլն դրամը |[3.11]| | 10% | |
|գերազանցող գումար | | | | |
|____________________________________|______|_______|__________|______|
|9) շահաբաժին |[3.12]| | 5% (10%)| |
|____________________________________|______|_______|__________|______|
|10) գույքի (բացառությամբ սույն կետի |[3.13]| | 10% | |
|11-րդ ենթակետում նշված) օտարման | | | | |
|դիմաց եկամուտ | | | | |
|____________________________________|______|_______|__________|______|
|11) կառուցապատողի կողմից շենքի, դրա |[3.14]| | 20% | |
|բնակարանների կամ այլ տարածքների | | | | |
|օտարումից եկամուտ | | | | |
|____________________________________|______|_______|__________|______|
|12) կանոնադրական կամ կապիտալում |[3.15]| | 10% | |
|մասնակցության (բաժնետոմսի, | | | | |
|բաժնեմասի, փայաբաժնի) կամ ներդրում | | | | |
|վկայող այլ արժեթղթերի օտարման դիմաց | | | | |
|եկամուտ | | | | |
|____________________________________|______|_______|__________|______|
|13) մրցանակ |[3.16]| | 20% | |
|____________________________________|______|_______|__________|______|
|14) նվիրատվություն |[3.17]| | 20% | |
|____________________________________|______|_______|__________|______|
|15) եկամուտների ստացման իրավունքը |[3.18]| |5% (10%, | |
|ձեռք բերելու հարկային տարվան | | |20%) | |
|հաջորդող 12-ամսյա ժամանակահատվածում | | | | |
|չվճարված պասիվ եկամուտներ | | | | |
|____________________________________|______|_______|__________|______|
|16) այլ եկամուտներ |[3.19]| | 20% | |
|____________________________________|______|_______|__________|______|
|2. Ընդամենը հաշվարկված եկամտային |[3.20]| x | x | |
|հարկ | | | | |
|____________________________________|______|_______|__________|______|
|3. Այլ պետություններում վճարված |[3.21]| x | x | |
|հարկի գումար | | | | |
|____________________________________|______|_______|__________|______|
|4. Այլ պետություններում վճարված |[3.22]| x | x | () |
|հարկի գումարի հաշվանցվող (նվազեցվող)| | | | |
|մաս | | | | |
|____________________________________|______|_______|__________|______|
|5. Պետական բյուջե վճարման ենթակա |[3.23]| x | x | |
|եկամտային հարկ | | | | |
._____________________________________________________________________.
7. Հաշվարկի (հայտարարագրի) 3-րդ բաժնում լրացվում են հաշվետու տարվա ընթացքում հարկային գործակալ չհանդիսացողներից (բացառությամբ տող [3.11]-ի) ստացվող (ստացված) եկամուտները և այդ եկամուտներից եկամտային հարկի հաշվարկը:
8. Հաշվարկի (հայտարարագրի) [3.1] սյունակում լրացվում են`
1) հարկային գործակալ չհանդիսացողներից աշխատանքային պայմանագրի շրջանակներում ստացվող (ստացված) եկամուտը (տող [3.4]),
2) հարկային գործակալ չհանդիսացողներից քաղաքացիաիրավական պայմանագրով աշխատանքի կատարման (ծառայության մատուցման) դիմաց ստացված եկամուտը (տող [3.5]),
3) հարկման բազայից նվազեցվող կամավոր կենսաթոշակային վճարների նվազեցվող գումարը ((տող [3.4] + տող [3.5]) - ([3.4] + [3.5]) / 1,05) (տող [3.6]),
4) աշխատանքային և ծառայությունների մատուցման (աշխատանքների կատարման) քաղաքացիաիրավական պայմանագրերի շրջանակներում հարկային գործակալ չհանդիսացողներից ստացվող (ստացված) հարկվող եկամուտը (տող [3.4] + տող [3.5]) + տող [3.6]) (տող [3.7]),
5) ռոյալթին (տող [3.8]),
6) տոկոսը (տող [3.9]),
7) վարձավճարը (տող [3.10]),
8) հարկային տարվա ընթացքում ստացված (այդ թվում հարկային գործակալներից) վարձակալական վճարների հանրագումարի 60 միլիոն դրամը գերազանցող գումարը (տող [3.11]),
9) շահաբաժինը (տող [3.12]),
10) գույքի (բացառությամբ 1-ին կետի 11-րդ ենթակետում նշվածի) օտարման դիմաց եկամուտը (տող [3.13]),
11) կառուցապատողի կողմից շենքի, դրա բնակարանների կամ այլ տարածքների օտարումից եկամուտը (տող [3.14]),
12) կազմակերպության կանոնադրական կամ բաժնեհավաք կապիտալում շենքի, բնակարանի, առանձնատան կամ այլ շինության (այդ թվում` անավարտ (կիսակառույց) ձևով մասնակցության (բաժնետոմսի, բաժնեմասի, փայաբաժնի) կամ ներդրում վկայող այլ արժեթղթերի օտարումից եկամուտները, եթե այդ օտարումը կատարվում է կանոնադրական կամ բաժնեհավաք կապիտալում այդ մասնակցությունը (բաժնետոմսը, բաժնեմասը, փայաբաժինը) ձեռք բերելու օրը ներառող հարկային տարվա կամ դրան հաջորդող երեք հարկային տարիների ընթացքում (տող [3.15]),
13) մրցույթներում ստացվող դրամական և իրային մրցանակների` յուրաքանչյուր մրցանակի դեպքում 50 հազար դրամը գերազանցող չափը (տող [3.16]),
14) նվիրատվությամբ ստացվող գույքը (այդ թվում` դրամական միջոցները) (տող [3.17]),
15) եկամուտների ստացման իրավունքը ձեռք բերելու հարկային տարվան հաջորդող 12-ամսյա ժամանակահատվածում չվճարված պասիվ եկամուտները (տող [3.18]),
16) ստացվող (ստացված) այլ եկամուտները (տող [3.19]):
9. [3.2] սյունակում լրացվում են եկամտային հարկի դրույքաչափերը և [3.3] սյունակում լրացվում են [3.1] սյունակում նշված եկամուտների համար հաշվարկված եկամտային հարկի գումարները:
10. [3.20] տողում ինքնաշխատ լրացվում է հաշվետու հարկային տարվա համար հաշվարկված եկամտային հարկի գումարը, որը որոշվում է [3.1] սյունակում ներառված եկամուտների համար հաշվարկված եկամտային հարկի գումարների հանրագումարի չափով:
11. [3.21] և [3.22] տողերում լրացվում են այլ պետություններում` դրանց օրենսդրությանը համապատասխան պահված (գանձված) հարկը (օտարերկրյա պետության հարկային մարմնի կողմից վավերացված տեղեկանքի հիման վրա) և հարկի այն գումարը, որի չափով Հայաստանի Հանրապետության օրենսդրությանը համապատասխան ենթակա է նվազեցման տարեկան եկամտային հարկը:
12. [3.23] տողում լրացվում է պետական բյուջե վճարման ենթակա եկամտային հարկը (տող [3.23]=տող [3.20]+տող [3.22]):
ԲԱԺԻՆ 4. ՍՈՑԻԱԼԱԿԱՆ ԾԱԽՍԵՐ
.______________________________________________________.
|Ուղղություններ |Ծախս (դրամ)|Փոխհատուցման |
| | [4.1] |գումար (դրամ)|
| | | [4.2] |
|____________________________|___________|_____________|
|1. Առողջապահություն |[4.3]| () | () |
|______________________|_____|___________|_____________|
|2. Կրթություն |[4.4]| () | () |
|______________________|_____|___________|_____________|
|3. Ընդամենը |[4.5]| () | () |
.______________________________________________________.
13. Հաշվարկի (հայտարարագրի) 4-րդ բաժնում ինքնաշխատ լրացվում են հաշվետու տարվա ընթացքում ֆիզիկական անձի կողմից` իր և իր ընտանիքի անդամների համար կատարված և հարկային հաշիվներով կամ հաշիվ վավերագրերով հիմնավորված սոցիալական ծախսերը, ինչպես նաև այդ ծախսերի առավելագույն չափերը չգերազանցող` փոխհատուցման ենթակա գումարները: Ընդ որում, Հաշվարկի (հայտարարագրի)`
1) [4.1] սյունակում ([4.3] և [4.4] տողեր) լրացվում են հաշվետու տարվա ընթացքում ֆիզիկական անձի կատարած սոցիալական ծախսերի գումարները` ըստ առանձին ուղղությունների: Մասնավորապես, առողջապահության գծով սոցիալական ծախսեր են համարվում Հայաստանի Հանրապետությունում գործող ապահովագրական ընկերություններից առողջության ապահովագրական փաթեթի ձեռքբերման ծախսերը, իսկ կրթության գծով սոցիալական ծախսեր են համարվում Հայաստանի Հանրապետությունում իրականացվող նախադպրոցական, տարրական (ընդհանուր, մասնագիտացված, հատուկ), հիմնական (ընդհանուր, մասնագիտացված, հատուկ), միջնակարգ (ընդհանուր, մասնագիտացված, հատուկ), նախնական մասնագիտական (արհեստագործական), միջին մասնագիտական, բարձրագույն մասնագիտական և հետբուհական մասնագիտական կրթական ծրագրերի մասով կատարված ուսման վճարները,
2) [4.2] սյունակում ([4.3] և [4.4] տողեր) լրացվում են սոցիալական ծախսերի փոխհատուցման ենթակա գումարները, որոնք չեն կարող գերազանցել Կառավարության սահմանած առավելագույն չափերը,
3) [4.5] տողի [4.2] սյունակում լրացվում է ֆիզիկական անձի` իր և իր ընտանիքի անդամների համար կատարված բոլոր ուղղություններով սոցիալական ծախսերի փոխհատուցման ենթակա գումարների հանրագումարը, որը չի կարող գերազանցել Կառավարության սահմանած առավելագույն չափը:
ԲԱԺԻՆ 5. ՎՃԱՐՄԱՆ ԿԱՄ ՓՈԽՀԱՏՈՒՑՄԱՆ (ՎԵՐԱԴԱՐՁՄԱՆ) ԵՆԹԱԿԱ ԵԿԱՄՏԱՅԻՆ ՀԱՐԿԻ ՀԱՇՎԱՐԿ
.____________________________________________________________________.
| |Եկամտային |
| |հարկ (դրամ)|
| |[5.1] |
|________________________________________________________|___________|
|1. Հարկային գործակալից (գործատուից) ստացվող |[5.2] | |
|(ստացված) եկամուտներից հաշվարկված և վճարված | | |
|եկամտային հարկ | | |
|_________________________________________________|______|___________|
|2. Հիփոթեքային վարկի սպասարկման համար վճարված |[5.3] | () |
|տոկոսների գումարների գծով փոխհատուցված գումար | | |
|_________________________________________________|______|___________|
|3. Ուսման վարձի գծով փոխհատուցված գումար |[5.4] | () |
|_________________________________________________|______|___________|
|4. Կանոնադրական կամ բաժնեհավաք կապիտալում |[5.5] | () |
|ներդրված շահաբաժնի գծով փոխհատուցված գումար | | |
|_________________________________________________|______|___________|
|5. Հարկային գործակալի կողմից պահված եկամտային |[5.6] | |
|հարկի նվազեցման ենթակա գումար | | |
|_________________________________________________|______|___________|
|6. Տարեկան հաշվարկով (հայտարարագրով) վճարման |[5.7] | |
|ենթակա եկամտային հարկի և եկամտային հարկի | | |
|նվազեցման ենթակա գումարի հանրագումար | | |
|_________________________________________________|______|___________|
|7. Սոցիալական ծախսերի փոխհատուցման գումար |[5.8] | () |
|_________________________________________________|______|___________|
|8. Պետական բյուջե վճարման ենթակա եկամտային հարկ |[5.9] | |
|_________________________________________________|______|___________|
|9. Պետական բյուջեից փոխհատուցման ենթակա եկամտային|[5.10]| |
|հարկ | | |
.____________________________________________________________________.
14. Հաշվարկի (հայտարարագրի) 5-րդ բաժնում ինքնաշխատ լրացվում են հաշվետու հարկային տարվա ընթացքում ֆիզիկական անձանց վճարման կամ փոխհատուցման (վերադարձման) ենթակա եկամտային հարկի հաշվարկը: Ընդ որում, սույն բաժնի`
1) [5.2] տողում լրացվում է ֆիզիկական անձի` հարկային գործակալից (գործատուից) ստացվող (ստացված) եկամուտներից հաշվարկված և վճարված եկամտային հարկի գումարները (տող [1.1.11] + տող [1.2.17]),
2) [5.3] տողում լրացվում է բնակարան կամ անհատական բնակելի տուն ձեռք բերելու կամ անհատական բնակելի տուն կառուցելու նպատակով ֆիզիկական անձի ստացած հիփոթեքային վարկի սպասարկման համար վճարված տոկոսների փոխհատուցման նպատակով ֆիզիկական անձի աշխատավարձի և դրան հավասարեցված վճարումների մասով հաշվարկված և վճարված եկամտային հարկի վերադարձված գումարները,
3) [5.4] տողում լրացվում է Հայաստանի Հանրապետությունում հավատարմագրված բարձրագույն ուսումնական հաստատությունների` Կառավարության հաստատած մասնագիտություններով առկա ուսուցմամբ մագիստրատուրայում, ասպիրանտուրայում և օրդինատուրայում սովորող (ուսանող) վարձու աշխատողի ուսման վարձը փոխհատուցված (եկամտային հարկի վերադարձված) գումարը,
4) [5.5] տողում լրացվում է ֆիզիկական անձի` կանոնադրական կամ բաժնեհավաք կապիտալում ներդրված շահաբաժնի գծով փոխհատուցված (եկամտային հարկի վերադարձված) գումարը,
5) [5.6] տողում լրացվում է հարկային գործակալից (գործատուից) ստացվող (ստացված) եկամուտներից հաշվարկված և վճարված եկամտային հարկի նվազեցման ենթակա գումարը ([5.2] - [5.3] - [5.4] - [5.5]),
6) [5.7] տողում լրացվում է հաշվարկված և պետական բյուջե վճարման ենթակա եկամտային հարկի և հարկային գործակալի կողմից պահված եկամտային հարկի նվազեցման ենթակա գումարի հանրագումարը ([3.23] տող + [5.6] տող),
7) [5.8] տողում լրացվում է ֆիզիկական անձի կատարած սոցիալական ծախսերի փոխհատուցման գումարը` հաշվի առած Կառավարության սահմանած առավելագույն չափը (բաժին 4-ի [4.5] տողի [4.2] սյունակ),
8) [5.9] տողում լրացվում է պետական բյուջե վճարման ենթակա եկամտային հարկի գումարը ([5.7] տող - [5.8] տող - [5.6] տող, եթե այն > 0-ից),
9) [5.10] տողում լրացվում է պետական բյուջեից փոխհատուցման ենթակա եկամտային հարկի գումարը ([5.7] տող - [5.8] տող - [5.6] տող, եթե այն < 0-ից):
ԲԱԺԻՆ 6. ԻՆՔՆԱԶԲԱՂՎԱԾՈՒԹՅՈՒՆԻՑ ՍՏԱՑՎԱԾ ԵԿԱՄՈՒՏՆԵՐԻՑ ՍՈՑԻԱԼԱԿԱՆ ՎՃԱՐԻ ՀԱՇՎԱՐԿ
._____________________________________________________________________.
|1. Ինքնազբաղվածությունից եկամուտ (դրամ) |[6.1]| |
|___________________________________________________________|_____|___|
|2. Ինքնազբաղվածությունից ստացված եկամտից սոցիալական վճարի |[6.2]|5% |
|դրույքաչափ | | |
|___________________________________________________________|_____|___|
|3. Ինքնազբաղվածությունից ստացված եկամտի գծով սոցիալական |[6.3]| |
|վճար (դրամ) | | |
._____________________________________________________________________.
15. Հաշվարկի (հայտարարագրի) 6-րդ բաժնում լրացվում են ֆիզիկական անձի ինքնազբաղվածությունից ստացված եկամուտներից սոցիալական վճարի հաշվարկը:
16. [6.1] տողում լրացվում է ֆիզիկական անձի` որպես ինքնազբաղված անձ ստացված եկամտի գումարը, [6.2] տողում լրացվում է ինքնազբաղվածությունից ստացված եկամտի գծով սոցիալական վճարի դրույքաչափը (5%) և [6.3] տողում լրացվում է ֆիզիկական անձի` որպես ինքնազբաղված անձ ստացված եկամտից հաշվարկված սոցիալական վճարի գումարը ([6.1] x [6.2]):
ԲԱԺԻՆ 7. ՀԱՇՎԱՐԿԻ (ՀԱՅՏԱՐԱՐԱԳՐԻ) ԲԱԺԻՆ 1-ՈՒՄ ԻՆՔՆԱՇԽԱՏ ԼՐԱՑՎԱԾ ՏՎՅԱԼՆԵՐԻ ՎԵՐԱԲԵՐՅԱԼ ԱՅԼ ՏԵՂԵԿՈՒԹՅՈՒՆՆԵՐ
| ԳԼՈՒԽ 1. |
Աշխատանքային պայմանագրերի, ծառայությունների մատուցման (աշխատանքների կատարման) քաղաքացիաիրավական պայմանագրերի շրջանակներում ստացվող (ստացված) եկամուտներ և եկամտային հարկ |
._____________________________________________________________________.
|Եկամտի տեսակ |Հարկային |Ստացվող |Եկամտա-|
| |գործակալի |(ստացված)|յին |
| |(գործատուի) |եկամուտ |հարկ |
| |________________|(դրամ) |(դրամ) |
| |ՀՎՀՀ |Անվանում|[7.1.3] |[7.1.4]|
| |[7.1.1]|[7.1.2] | | |
|__________________________________|_______|________|_________|_______|
|1. Աշխատավարձ և դրան |[7.1.5] | | | | x |
|հավասարեցված այլ | | | | | |
|վճարումներ | | | | | |
|_________________________|________| | |_________|_______|
|2. Քաղաքացիաիրավական |[7.1.6] | | | | x |
|պայմանագրով աշխատանքի | | | | | |
|(ծառայության) դիմաց | | | | | |
|վարձատրություն | | | | | |
|_________________________|________| | |_________|_______|
|3. Ժամանակավոր անաշխատու-|[7.1.7] | | | | x |
|նակության, մայրության | | | | | |
|նպաստներ | | | | | |
|_________________________|________| | |_________|_______|
|4. Աշխատողի այլ |[7.1.8] | | | | x |
|եկամուտներ | | | | | |
|_________________________|________| | |_________|_______|
|5. Աշխատողի հարկման |[7.1.9] | | | () | x |
|բազայի նվազեցման գումար | | | | | |
|(կամավոր կենսաթոշակային | | | | | |
|վճարների գումար) | | | | | |
|_________________________|________| | |_________|_______|
|6. Հարկվող եկամուտ |[7.1.10]| | | | |
|_________________________|________|_______|________|_________|_______|
|7. Ընդամենը |[7.1.11]| x | x | x | |
._____________________________________________________________________.
17. Հայտարարատու հանդիսացող ֆիզիկական անձի կողմից Հաշվարկի (հայտարարագրի) 1-ին բաժնի 1-ին գլխում ինքնաշխատ լրացված տվյալների վերաբերյալ այլ տեղեկատվության առկայության դեպքում, ֆիզիկական անձը կատարում է համապատասխան նշում և Հաշվարկի (հայտարարագրի) 7-րդ բաժնի 1-ին գլխի համապատասխան տողում լրացնում է տեղեկատվությունը:
| ԳԼՈՒԽ 2. |
Այլ եկամուտներ և եկամտային հարկ |
._____________________________________________________________________.
|Եկամտի տեսակ |Հարկային |Ստացված |Եկամտա-|
| |գործակալի |եկամուտ |յին |
| |________________|(դրամ) |հարկ |
| |ՀՎՀՀ |Անվանում|[7.2.3] |(դրամ) |
| |[7.2.1]|[7.2.2] | |[7.2.4]|
|__________________________________|_______|________|_________|_______|
|1. Ռոյալթի |[7.2.5] | | | | |
|_________________________|________|_______|________|_________|_______|
|2. Տոկոս |[7.2.6] | | | | |
|_________________________|________|_______|________|_________|_______|
|3. Վարձավճար |[7.2.7] | | | | |
|_________________________|________|_______|________|_________|_______|
|4. Շահաբաժին |[7.2.8] | | | | |
|_________________________|________|_______|________|_________|_______|
|5. Նվիրատվություն |[7.2.9] | | | | |
|_________________________|________|_______|________|_________|_______|
|6. Գույքի (բացառությամբ |[7.2.10]| | | | |
|սույն գլխի 7-րդ կետում | | | | | |
|նշված) օտարումից եկամուտ | | | | | |
|_________________________|________|_______|________|_________|_______|
|7. Կառուցապատողի կողմից |[7.2.11]| | | | |
|շենքի, դրա բնակարանների | | | | | |
|կամ այլ տարածքների | | | | | |
|օտարումից եկամուտ | | | | | |
|_________________________|________|_______|________|_________|_______|
|8. Շահում |[7.2.12]| | | | |
|_________________________|________|_______|________|_________|_______|
|9. Մրցանակ |[7.2.13]| | | | |
|_________________________|________|_______|________|_________|_______|
|10. Ապահովագրավճար |[7.2.14]| | | | |
|_________________________|________|_______|________|_________|_______|
|11. Կամավոր կենսաթոշակ |[7.2.15]| | | | |
|_________________________|________|_______|________|_________|_______|
|12. Այլ եկամուտներ |[7.2.16]| | | | |
|_________________________|________|_______|________|_________|_______|
|13. Ընդամենը |[7.2.17]| x | x | x | |
._____________________________________________________________________.
18. Հայտարարատու հանդիսացող ֆիզիկական անձի կողմից Հաշվարկի (հայտարարագրի) 1-ին բաժնի 2-րդ գլխում լրացված տվյալների վերաբերյալ այլ տեղեկատվության առկայության դեպքում ֆիզիկական անձը կատարում է համապատասխան նշում և Հաշվարկի (հայտարարագրի) 7-րդ բաժնի 2-րդ գլխի համապատասխան տողում լրացնում է տեղեկատվությունը:
_______________________________
Ֆիզիկական անձի ստորագրություն
(3-րդ հավելվածը փոփ. 18.12.17 թիվ 425-Ն /գործողությունը տարածվում է 2018 թվականի հունվարի 1-ից հետո ընկած հաշվետու ժամանակաշրջանների վրա/, 17.09.2019 թիվ 604-Ն, 01.12.2023 թիվ 1267-Ն
/ գործողությունը տարածվում է 2023 թվականի և դրանից հետո ընկած հաշվետու ժամանակաշրջանների վրա / հրամաններ)
Հավելված N 4
ՀՀ կառավարությանն առընթեր
պետական եկամուտների կոմիտեի
նախագահի
2016 թվականի դեկտեմբերի 30-ի
N 300-Ն հրամանի
._____________________________________________________________________.
| ՏԵՂԵԿՈՒԹՅՈՒՆՆԵՐ |
| ՖԻԶԻԿԱԿԱՆ ԱՆՁԱՆՑ ԵԿԱՄՈՒՏՆԵՐԻ ԵՎ ԵԿԱՄՏԱՅԻՆ ՀԱՐԿԻ ՄԱՍԻՆ |
| _______ (տարի) |
|_____________________________________________________________________|
|Հարկ վճարող |Հարկ վճարողի հաշվառման համար (ՀՎՀՀ) |
| | ._______________________________. |
| | | | | | | | | | | |
|_________________________|___________________________________________|
| | Չափի միավոր` դրամ |
._____________________________________________________________________.
1. «Հարկ վճարող» տողում լրացվում է կազմակերպության անվանումը և կազմակերպաիրավական ձևը (անհատ ձեռնարկատիրոջ կամ նոտարի անունը, ազգանունը), իսկ «Հարկ վճարողի հաշվառման համարը (ՀՎՀՀ)» տողում` հարկ վճարողի հաշվառման համարը:
Բաժին I. Անձնավորված տեղեկություններ
._____________________________________________________________________.
|ՀԾՀ |Ազգանունը|Անունը|Հայրանունը|Անձը հաստատող|Մշտական |ՀՀ-ում |
|[1.1]|[1.2] |[1.3] |[1.4] |փաստաթղթի |բնակության|ժամանակա- |
| | | | |_____________|հասցե |վոր |
| | | | |տեսակը|սերիան|[1.7] |բնակության|
| | | | |[1.5] |և | |հասցե |
| | | | | |համարը| |[1.8] |
| | | | | |[1.6] | | |
|_____|_________|______|__________|______|______|__________|__________|
| | | | | | | | |
._____________________________________________________________________.
2. 1-ին բաժնում նշվում են եկամուտը ստացած ֆիզիկական անձի անձնավորված տեղեկությունները:
3. [1.1] սյունակում լրացվում է անձի հանրային ծառայությունների համարանիշը կամ հանրային ծառայությունների համարանիշ չունենալու վերաբերյալ տեղեկանքի համարը (առկայության դեպքում):
4. [1.2]-[1.4] սյունակներում լրացվում են անձի ազգանունը, անունը և հայրանունը:
5. [1.5] սյունակում լրացվում է ՀՀ քաղաքացու անձնագրի (մինչև 16 տարեկանների դեպքում` ծննդյան վկայականի) կամ նույնականացման քարտի, օտարերկրյա քաղաքացու, քաղաքացիություն չունեցող անձի` ՀՀ-ում բնակվելու իրավունքը հաստատող փաստաթղթի, փախստականի կարգավիճակ ունեցող անձի` կոնվենցիոն ճամփորդական փաստաթղթի, օտարերկրյա (այդ թվում` ՌԴ) քաղաքացու` անձնագրի տեսակներից որևէ մեկը:
6. [1.6] սյունակում լրացվում է անձը հաստատող փաստաթղթի սերիան և համարը:
7. [1.7] սյունակում լրացվում է անձը հաստատող փաստաթղթում գրանցված մշտական բնակության հասցեն (պարտադիր նշելով մշտական բնակության երկիրը), իսկ [1.8] սյունակում լրացվում է անձի ՀՀ-ում ժամանակավոր բնակության հասցեն:
Բաժին II. Հարկման բազա հանդիսացող այլ եկամուտների և եկամտային հարկի տեղեկություններ
._____________________________________________________________________.
|Եկամտի |Վճարված եկամտի տեսակը |Վճարված եկամտի տեսակը |
|ստացման տարին|(կոդը), եկամտի և եկամտային|(կոդը), եկամտի և հարկի |
|[2.1] |հարկի գումարը եկամտային |գումարը |
| |___________________________|___________________________|
| |եկամտի |եկամտի |եկամտային|եկամտի |եկամտի |եկամտային|
| |կոդ |գումար |հարկ |կոդ |գումար |հարկ |
| |[2.2] |[2.3] |[2.4] |[2.2] |[2.3] |[2.4] |
|_____________|________|________|_________|________|________|_________|
| | | | | | | |
._____________________________________________________________________.
8. [2.1] սյունակում նշվում է հաշվետու տարին:
9. [2.2] սյունակում լրացվում է համապատասխան հաշվետու տարում վճարված եկամտի և եկամուտ ստացողի քաղաքացիության կոդը (ՀՀ քաղաքացի կամ օտարերկրացի` օտարերկրյա քաղաքացի, քաղաքացիություն չունեցող անձ):
10. [2.3] սյունակում նշվում է [2.2] սյունակում լրացված կոդին համապատասխան վճարված եկամտի գումարը, իսկ [2.4] սյունակում լրացվում է եկամտային հարկի գումարը:
Եկամտի կոդերի աղյուսակ
._____________________________________________________________________.
|Եկամտի տեսակ |Եկամտի|Դրույքա-|Եկամտի|Դրույքա-|
| |կոդ |չափ |կոդ |չափ |
| |_______________|_______________|
| |ՀՀ քաղաքացի |Օտարերկրացի |
|_____________________________________|_______________|_______________|
|1. Ռոյալթի |001 |10% |101 |10% |
|_____________________________________|______|________|______|________|
|2. Տոկոս |002 |10% |102 |10% |
|_____________________________________|______|________|______|________|
|3. Շահում |003 |սանդղակ |103 |սանդղակ |
|_____________________________________|______|________|______|________|
|4. Մրցանակ |004 |սանդղակ |104 |սանդղակ |
|_____________________________________|______|________|______|________|
|5. Նվիրատվություն |005 |ընդհա- |105 |ընդհա- |
| | |նուր | |նուր |
| | |սահման- | |սահման- |
| | |ված | |ված |
| | |դրույքա-| |դրուքա- |
| | |չափ | |չափ |
|_____________________________________|______|________|______|________|
|6. (6-րդ կետն ուժը կորցրել է 17.09.2019 թիվ 604-Ն հրաման) |
|_____________________________________|______|________|______|________|
|7. Գույքն (բացառությամբ սույն |007 |10% |107 |10% |
|աղյուսակի 6-րդ և 8-րդ տողերում | | | | |
|նշված) օտարելու դիմաց եկամուտ | | | | |
|_____________________________________|______|________|______|________|
|8. Անհատ ձեռնարկատեր չհանդիսացող |008 |20% |108 |20% |
|կառուցապատող ֆիզիկական անձի կողմից | | | | |
|շենքի, դրա բնակարանների կամ այլ | | | | |
|տարածքների օտարումից ստացված եկամուտ | | | | |
|_____________________________________|______|________|______|________|
|9. Վարձավճար |009 |10% |109 |10% |
|_____________________________________|______|________|______|________|
|10. Շահաբաժիններ |010 |5% |110 |5% (10%)|
|_____________________________________|______|________|______|________|
|11. Ֆիզիկական անձի համար |011 |սանդղակ |111 |սանդղակ |
|ապահովագրավճար | | | | |
|_____________________________________|______|________|______|________|
|12. Կամավոր կենսաթոշակներ |012 |10% |112 |10% |
|_____________________________________|______|________|______|________|
|14. Նվազեցման կատարման տարվան |014 |20% |114 |20% |
|հաջորդող 12-ամսյա ժամանակահատվածում | | | | |
|չվճարված պասիվ եկամուտներ | | | | |
|_____________________________________|______|________|______|________|
|15. ՀՀ-ում կացության կարգավիճակ |x |x |115 |սանդղակ |
|չունեցող օտարերկրյա քաղաքացու կամ | | | | |
|քաղաքացիություն չունեցող անձի | | | | |
|աշխատանքային պայմանագրով աշխատանքի | | | | |
|կատարման դիմաց հաշվարկված եկամուտ | | | | |
|_____________________________________|______|________|______|________|
|16. ՀՀ-ում կացության կարգավիճակ |x |x |116 |սանդղակ |
|չունեցող օտարերկրյա քաղաքացու կամ | | | | |
|քաղաքացիություն չունեցող անձի | | | | |
|քաղաքացիաիրավական պայմանագրով | | | | |
|աշխատանքի կատարման (ծառայության | | | | |
|մատուցման) դիմաց վճարված եկամուտ | | | | |
|_____________________________________|______|________|______|________|
|17. Այլ եկամուտներ |099 |սանդղակ |199 |սանդղակ |
._____________________________________________________________________.
11. Եկամտի կոդերի աղյուսակում նշված են վճարված եկամտի և եկամուտ ստացողի քաղաքացիության կոդը (ՀՀ քաղաքացի կամ օտարերկրացի` օտարերկրյա քաղաքացի, քաղաքացիություն չունեցող անձ), ինչպես նաև տվյալ եկամտատեսակից եկամտային հարկի հաշվարկման դրույքաչափերը: Ընդ որում, հաշվետու տարում նույն անձին եկամուտների մի քանի տեսակներ վճարվելու դեպքում յուրաքանչյուր եկամտատեսակի համար [2.2]-[2.4] սյունակները լրացվում են առանձին-առանձին:
Պաշտոնատար անձ ________________________________________________________
ստորագրությունը, անունը, ազգանունը
--------------------------------------------------------------------
ԻՐՏԵԿ - N 4 հավելվածի II բաժնում «Եկամտի կոդերի աղյուսակ»-ում
բացակայում է 13-րդ կետը
(4-րդ հավելվածը փոփ. 18.12.17 թիվ 425-Ն /գործողությունը տարածվում է 2018 թվականի հունվարի 1-ից հետո ընկած հաշվետու ժամանակաշրջանների վրա/,
17.09.2019 թիվ 604-Ն հրամաններ)
Հավելված N 5
ՀՀ կառավարությանն առընթեր
պետական եկամուտների
կոմիտեի նախագահի
2016 թ. դեկտեմբերի 30-ի
N 300-Ն հրամանի
._____________________________________________________________________.
| ՏԵՂԵԿԱՆՔ |
|Կազմակերպության (անհատ ձեռնարկատիրոջ, նոտարի) կողմից ֆիզիկական անձանց|
|20___թ. հաշվարկված և վճարված եկամուտների, պահված եկամտային հարկի և |
|սոցիալական վճարի մասին |
|_____________________________________________________________________|
|Հարկ վճարող | |
|_____________________________________|_______________________________|
|Հարկ վճարողի հաշվառման համար (ՀՎՀՀ) | | | | | | | | |
|_____________________________________|_______________________________|
|Տեղեկանքի տրամադրման ամսաթիվը | |
._____________________________________________________________________.
(չափի միավոր` դրամ)
1. «Հարկ վճարող» տողում լրացվում է կազմակերպության անվանումը և կազմակերպաիրավական ձևը (անհատ ձեռնարկատիրոջ կամ նոտարի անունը, ազգանունը), իսկ «Հարկ վճարողի հաշվառման համարը (ՀՎՀՀ)» տողում` հարկ վճարողի հաշվառման համարը:
Տվյալներ եկամուտներ ստացող (ստացած) ֆիզիկական անձի մասին
._____________________________________________________________________.
|Հանրային ծառայությունների |[1]| | | | | | | | | | |
|համարանիշը (ՀԾՀ) | | | | | | | | | | | |
|___________________________________|___|________|____________________|
|Ազգանուն |[2]| |Անուն [3] |
|___________________________________|___|________|____________________|
|Անձնագրի սերիան, համարը |[4]| |Տրված [5] |
|___________________________________|___|_____________________________|
|Մշտական բնակության վայրը |[6]| |
|___________________________________|___|_____________________________|
|ՀՀ-ում ժամանակավոր բնակության վայրը|[7]| |
._____________________________________________________________________.
2. [1] տողում նշվում է ֆիզիկական անձի հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքի համարը (սոցիալական ապահովության քարտի համարը կամ սոցիալական ապահովության քարտ չունենալու մասին տեղեկանքի համարը)
3. [2] և [3] տողերում նշվում են ֆիզիկական անձի ազգանունը և անունը
4. [4] սյունակում լրացվում է ՀՀ քաղաքացու անձնագրի (մինչև 16 տարեկանների դեպքում` ծննդյան վկայականի) կամ նույնականացման քարտի, օտարերկրյա քաղաքացու, քաղաքացիություն չունեցող անձի` ՀՀ-ում բնակվելու իրավունքը հաստատող փաստաթղթի, փախստականի կարգավիճակ ունեցող անձի` կոնվենցիոն ճամփորդական փաստաթղթի, օտարերկրյա (այդ թվում` ՌԴ) քաղաքացու` անձնագրի տեսակներից որևէ մեկը, իսկ [5] տողում` լիազորված մարմնի անվանումը (կոդը) և նրա կողմից անձնագրի տրման ամսաթիվը
5. [6] տողում նշվում է ֆիզիկական անձի անձնագրում գրանցված մշտական բնակության հասցեն (պարտադիր նշելով մշտական բնակության երկիրը), իսկ [7] տողում` ֆիզիկական անձի ՀՀ-ում ժամանակավոր բնակության հասցեն
Տվյալներ վճարված եկամուտների, պահված եկամտային հարկի և սոցիալական
վճարների մասին
._____________________________________________________________________.
|Հաշվարկված (վճարված) եկամտի տեսակ (կոդ) [8]| |
|_____________________________________________________________________|
|Եկամտի հաշվարկման (վճարման) |1 |2 |3 |4 |5 |6 |7 |8 |9 |10|11|12|
|ամիսներ [9] | | | | | | | | | | | | |
|_____________________________________________________________________|
|Հաշվարկված (վճարված) եկամտի [10]| |
|գումար | |
|__________________________________________________|__________________|
|Հարկման բազայից նվազեցված կամավոր կենսաթոշակային | |
|վճարների հանրագումար [11]| |
|__________________________________________________|__________________|
|Հաշվարկված (վճարված) եկամուտներից պահված եկամտային| |
|հարկ [12]| |
|__________________________________________________|__________________|
|Հաշվարկված (վճարված) եկամուտներից պահված | |
|սոցիալական վճար [13]| |
._____________________________________________________________________.
Տեղեկանքը տրամադրվում է ֆիզիկական անձի պահանջով (մասնավորապես, հարկային մարմին ներկայացնելու համար):
6. [8] տողում նշվում է հաշվարկված (վճարված) եկամտի տեսակը` ըստ ստորև բերված կոդերի դասակարգման: Հարկային տարվա ընթացքում նույն ֆիզիկական անձին նույնանման դրույքաչափերով հարկված մի քանի տեսակի եկամուտներ հաշվարկվելու (վճարվելու) դեպքում ներկայացվում է առանձին տեղեկանք` նշելով հաշվարկված (վճարված) եկամուտների համապատասխան կոդերը:
._____________________________________________________________________.
|Եկամտի տեսակ |Եկամտի|Դրույքա-|Եկամտի|Դրույքա-|
| |կոդ |չափ |կոդ |չափ |
| |_______________|_______________|
| |ՀՀ քաղաքացի |Օտարերկրացի |
|_____________________________________|_______________|_______________|
|1. Ռոյալթի |001 |10% |101 |10% |
|_____________________________________|______|________|______|________|
|2. Տոկոս |002 |10% |102 |10% |
|_____________________________________|______|________|______|________|
|3. Շահում |003 |սանդղակ |103 |սանդղակ |
|_____________________________________|______|________|______|________|
|4. Մրցանակ |004 |սանդղակ |104 |սանդղակ |
|_____________________________________|______|________|______|________|
|5. Նվիրատվություն |005 |ընդհա- |105 |ընդհա- |
| | |նուր | |նուր |
| | |սահման- | |սահման- |
| | |ված | |ված |
| | |դրույքա-| |դրուքա- |
| | |չափ | |չափ |
|_____________________________________|______|________|______|________|
|6. (6-րդ կետն ուժը կորցրել է 17.09.2019 թիվ 604-Ն հրաման) |
|_____________________________________|______|________|______|________|
|7. Գույքն (բացառությամբ սույն |007 |10% |107 |10% |
|աղյուսակի 6-րդ և 8-րդ տողերում | | | | |
|նշվածի) օտարելու դիմաց եկամուտ | | | | |
|_____________________________________|______|________|______|________|
|8. Անհատ ձեռնարկատեր չհանդիսացող |008 |20% |108 |20% |
|կառուցապատող ֆիզիկական անձի կողմից | | | | |
|շենքի, դրա բնակարանների կամ այլ | | | | |
|տարածքների օտարումից ստացված եկամուտ | | | | |
|_____________________________________|______|________|______|________|
|9. Վարձավճար |009 |10% |109 |5% (10%)|
|_____________________________________|______|________|______|________|
|10. Շահաբաժիններ |010 |5% |110 |10% |
|_____________________________________|______|________|______|________|
|11. Ֆիզիկական անձի համար |011 |սանդղակ |111 |սանդղակ |
|ապահովագրավճար | | | | |
|_____________________________________|______|________|______|________|
|12. Կամավոր կենսաթոշակներ |012 |10% |112 |10% |
|_____________________________________|______|________|______|________|
|13. ՀՀ-ում կացության կարգավիճակ |x |x |115 |սանդղակ |
|չունեցող օտարերկրյա քաղաքացու կամ | | | | |
|քաղաքացիություն չունեցող անձի | | | | |
|աշխատանքային պայմանագրով աշխատանքի | | | | |
|կատարման դիմաց հաշվարկված եկամուտ | | | | |
|_____________________________________|______|________|______|________|
|14. ՀՀ-ում կացության կարգավիճակ |x |x |116 |սանդղակ |
|չունեցող օտարերկրյա քաղաքացու կամ | | | | |
|քաղաքացիություն չունեցող անձի | | | | |
|քաղաքացիաիրավական պայմանագրով | | | | |
|աշխատանքի կատարման (ծառայության | | | | |
|մատուցման) դիմաց վճարված եկամուտ | | | | |
|_____________________________________|______|________|______|________|
|15. Աշխատանքային պայմանագրով |017 |սանդղակ |117 |սանդղակ |
|աշխատանքի կատարման դիմաց ՀՀ | | | | |
|քաղաքացուն կամ ՀՀ-ում կացության | | | | |
|կարգավիճակ ունեցող օտարերկրյա | | | | |
|քաղաքացուն հաշվարկված եկամուտ | | | | |
|_____________________________________|______|________|______|________|
|16. Քաղաքացիաիրավական պայմանագրով |018 |սանդղակ |118 |սանդղակ |
|աշխատանքի կատարման (ծառայության | | | | |
|մատուցման) դիմաց ՀՀ քաղաքացուն կամ | | | | |
|ՀՀ-ում կացության կարգավիճակ ունեցող | | | | |
|օտարերկրյա քաղաքացուն վճարված եկամուտ| | | | |
|_____________________________________|______|________|______|________|
|17. Այլ եկամուտներ |099 |սանդղակ |199 |սանդղակ |
._____________________________________________________________________.
7. [9] տողում նշվում են եկամուտների հաշվարկման (պասիվ եկամուտների, ինչպես նաև անհատ ձեռնարկատեր կամ նոտար չհանդիսացող ֆիզիկական անձանց մասով` քաղաքացիաիրավական պայմանագրերի շրջանակներում եկամուտների վճարման) ամիսները
8. [10] տողում նշվում է հաշվարկված (փաստացի վճարված) եկամուտների հաշվարկային մեծությունը
9. [11] տողում նշվում է հարկման բազայից նվազեցված կամավոր կենսաթոշակային վճարների հանրագումարը
10. [12] տողում նշվում է [10] տողում նշված եկամուտներից պահված եկամտային հարկի հանրագումարը
11. [13] տողում նշվում է [10] տողում նշված եկամուտներից պահված սոցիալական վճարի հանրագումարը
Տնօրեն (անհատ ձեռնարկատեր, նոտար) ________________ __________________
(ստորագրություն) (անուն, ազգանուն)
Հաշվապահ ________________ __________________
(ստորագրություն) (անուն, ազգանուն)
Թղթային կրիչով տրամադրված տեղեկանքը լրացվում է 2 օրինակից, որից մեկը տրվում է ֆիզիկական անձին, իսկ մյուսը` ֆիզիկական անձի ստորագրությամբ մնում է կազմակերպության (անհատ ձեռնարկատիրոջ, նոտարի) մոտ:
(5-րդ հավելվածը փոփ. 18.12.17 թիվ 425-Ն /գործողությունը տարածվում է 2018 թվականի հունվարի 1-ից հետո ընկած հաշվետու ժամանակաշրջանների վրա/,
17.09.2019 թիվ 604-Ն հրամաններ)