041.1274.031117
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
3 նոյեմբերի 2017 թվականի N 1274-Ա
ՊԱՏՎԻՐԱԿՈՒԹՅԱՆ` ՍԻՐԻԱՅԻ ԱՐԱԲԱԿԱՆ ՀԱՆՐԱՊԵՏՈՒԹՅՈՒՆ ԳՈՐԾՈՒՂՄԱՆ ԾԱԽՍԵՐԻ ՄԱՍԻՆ
i
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`
1. Հայաստանի Հանրապետության և Սիրիայի Արաբական Հանրապետության միջև առևտրատնտեսական համագործակցության զարգացմանն առնչվող հարցերը քննարկելու նպատակով 2017 թվականի հոկտեմբերի 29-31-ը պատվիրակության` համաձայն հավելվածի, Սիրիայի Արաբական Հանրապետություն (Դամասկոս) գործուղման հետ կապված ծախսերը կատարել`
1) Սուրեն Կարայանինը, Զարմինե Զեյթունցյանինը, Արմեն Այվազյանինը, Էրիկ Գրիգորյանինը` Հայաստանի Հանրապետության 2017 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.
2) Լևոն Սարգսյանինը` Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին.
3) Մարտին Սարգսյանինը` «Հայաստանի Հանրապետության 2017 թվականի պետական բյուջեի մասին» Հայաստանի Հանրապետության օրենքի N 3 հավելվածում ներկայացված` Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի համակարգի ծախսերի նախահաշվով նախատեսված միջոցների հաշվին.
4) Արայիկ Խզմալյանինը` Հայաստանի Հանրապետության 2017 թվականի պետական բյուջեով նախատեսված Զբոսաշրջության զարգացման ծրագրի միջոցների հաշվին:
2. Ընդունել ի գիտություն, որ Սուրեն Վարդանյանի` Սիրիայի Արաբական Հանրապետություն (Դամասկոս) գործուղման հետ կապված ծախսերը կատարվել են սեփական միջոցների հաշվին:
3. Հայաստանի Հանրապետության տնտեսական զարգացման և ներդրումների նախարարին` եռօրյա ժամկետում Հայաստանի Հանրապետության կառավարության աշխատակազմ ներկայացնել Սիրիայի Արաբական Հանրապետություն գործուղման արդյունքների մասին հաշվետվություն:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2017 ԹՎԱԿԱՆԻ ՆՈՅԵՄԲԵՐԻ 3-ԻՆ
Հավելված
ՀՀ վարչապետի
2017 թ. նոյեմբերի 3-ի
N 1274-Ա որոշման
ԿԱԶՄ
2017 ԹՎԱԿԱՆԻ ՀՈԿՏԵՄԲԵՐԻ 29-31-Ը ՍԻՐԻԱՅԻ ԱՐԱԲԱԿԱՆ ՀԱՆՐԱՊԵՏՈՒԹՅՈՒՆ ՄԵԿՆԱԾ ՊԱՏՎԻՐԱԿՈՒԹՅԱՆ
Ս. Կարայան - ՀՀ տնտեսական զարգացման և ներդրումների նախարար
(պատվիրակության ղեկավար)
Լ. Սարգսյան - ՀՀ հատուկ հանձնարարություններով դեսպան
Ս. Վարդանյան - ՀՀ պատվավոր հյուպատոս Դեյր Զորում
Զ. Զեյթունցյան - ՀՀ տնտեսական զարգացման և ներդրումների
նախարարության Զբոսաշրջության պետական կոմիտեի
նախագահ
Մ. Սարգսյան - ՀՀ կառավարությանն առընթեր անշարժ գույքի կադաստրի
պետական կոմիտեի նախագահ
Ա. Այվազյան - ՀՀ տնտեսական զարգացման և ներդրումների
նախարարության աշխատակազմի միջազգային
համագործակցության վարչության պետ
Է. Գրիգորյան - ՀՀ տնտեսական զարգացման և ներդրումների նախարարի
օգնական
Ա. Խզմալյան - Հայաստանի զբոսաշրջության զարգացման հիմնադրամի
գործադիր տնօրեն (համաձայնությամբ)