040.0329.030417
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 մարտի 2017 թվականի N 329-Ա
«ՉԱՓԱԳԻՏՈՒԹՅԱՆ ԱԶԳԱՅԻՆ ԻՆՍՏԻՏՈՒՏ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՆ ԱՎԵԼԱՑՆԵԼՈՒ ՄԱՍԻՆ
Հիմք ընդունելով «Բաժնետիրական ընկերությունների մասին» Հայաստանի Հանրապետության օրենքի 35-րդ հոդվածի և 67-րդ հոդվածի 1-ին կետի «է» ենթակետի պահանջները` Հայաստանի Հանրապետության կառավարությունը որոշում է.
1. «Հայաստանի Հանրապետության 2016 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 04 բաժնի 01 խմբի 01 դասի «12. Որակի ենթակառուցվածքների բարեփոխում» ծրագրի շրջանակներում «Չափագիտության ազգային ինստիտուտ» փակ բաժնետիրական ընկերության կողմից ձեռք բերված լաբորատոր սարքավորումները և համակարգերը (այսուհետ` գույք)` 84,918.0 հազ. դրամ ձեռքբերման արժեքով` համաձայն հավելվածի, ներդնել «Չափագիտության ազգային ինստիտուտ» փակ բաժնետիրական ընկերության կանոնադրական կապիտալում` այդ գույքի արժեքի չափով` Հայաստանի Հանրապետության օրենսդրությամբ սահմանված կարգով ավելացնելով ընկերության կանոնադրական կապիտալը` լրացուցիչ հասարակ (սովորական) բաժնետոմսեր թողարկելու և Հայաստանի Հանրապետության օգտին տեղաբաշխելու միջոցով:
2. Հայաստանի Հանրապետության տնտեսական զարգացման և ներդրումների նախարարին` Հայաստանի Հանրապետության օրենքով սահմանված կարգով ապահովել սույն որոշման 1-ին կետում նշված գույքի ներդրումը «Չափագիտության ազգային ինստիտուտ» փակ բաժնետիրական ընկերության կանոնադրական կապիտալում և, կանոնադրական կապիտալի փոփոխմամբ պայմանավորված, կանոնադրության փոփոխության պետական գրանցումը` կանոնադրական կապիտալի փոփոխության հետ կապված ծախսերն իրականացնելով «Չափագիտության ազգային ինստիտուտ» փակ բաժնետիրական ընկերության միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2017 ԹՎԱԿԱՆԻ ԱՊՐԻԼԻ 3-ԻՆ
Հավելված
ՀՀ կառավարության
2017 թվականի մարտի 30-ի
N 329-Ա որոշման
ՑԱՆԿ
«ՉԱՓԱԳԻՏՈՒԹՅԱՆ ԱԶԳԱՅԻՆ ԻՆՍՏԻՏՈՒՏ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆԵՐԴՐՎՈՂ ԼԱԲՈՐԱՏՈՐ ՍԱՐՔԱՎՈՐՈՒՄՆԵՐԻ ԵՎ ՀԱՄԱԿԱՐԳԵՐԻ
._____________________________________________________________________.
|NN |Սարքավորումների և համակարգերի անվանումները |Գինը |
|ը/կ| |(հազ. դրամ) |
|___|____________________________________________________|____________|
|1. |Ջրաչափերի ստուգաչափման ստենդի արդիականացման համար |9,864.5 |
| |նախատեսված համապատասխան չափման գործիքների և սարքերի| |
| |հավաքածու | |
|___|____________________________________________________|____________|
|2. |Իոնիզացիոն չափումների լաբորատոր սարքավորումներ |38,828.5 |
|___|____________________________________________________|____________|
| |այդ թվում` | |
|___|____________________________________________________|____________|
| |էլեկտրամագնիսական ճառագայթման չափիչ |1,024.8 |
|___|____________________________________________________|____________|
| |երկտեղանոց ջերմակարգավորիչ |3,348.5 |
|___|____________________________________________________|____________|
| |հիդրոմխոցային մանոմետր |2,486.7 |
|___|____________________________________________________|____________|
| |իոնիզացիոն ճառագայթման չափումների լաբորատորիայի |31,968.5 |
| |վերազինման նպատակով սպեկտրաչափերի հավաքածու | |
|___|____________________________________________________|____________|
|3. |Ռադիոէլեկտրոնային չափիչների հավաքածու |17,950.0 |
|___|____________________________________________________|____________|
|4. |Գազաբաշխիչ աշտարակների (ԱԳԼՃԿ) ստուգաչափման շարժական|10,300.0 |
| |լաբորատորիա | |
|___|____________________________________________________|____________|
|5. |Համալիր` բարձր ջերմաստիճանային ջերմային չափումների |7,975.0 |
| |համար և ստուգաչափման գազային խառնուրդներ | |
|___|____________________________________________________|____________|
| |այդ թվում` | |
|___|____________________________________________________|____________|
| |համալիր` բարձր ջերմաստիճանային ջերմային չափումների |6,980.0 |
| |համար | |
|___|____________________________________________________|____________|
| |ստուգաչափման գազային խառնուրդներ |995.0 |
|________________________________________________________|____________|
| Ընդամենը |84,918.0 |
._____________________________________________________________________.