041.0324.030417
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
3 ապրիլի 2017 թվականի N 324-Ա
ՎԱՉԵ ՏԵՐՏԵՐՅԱՆԻՆ, ԱՇՈՏ ԳԻԼՈՅԱՆԻՆ ԵՎ ԼԻԼԻԹ ՍԱՐՈՅԱՆԻՆ ՎՐԱՍՏԱՆ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`
1. Հայաստանի Հանրապետության տարածքային կառավարման և զարգացման նախարարի առաջին տեղակալ Վաչե Տերտերյանին, Հայաստանի Հանրապետության տարածքային կառավարման և զարգացման նախարարության աշխատակազմի տեղական ինքնակառավարման վարչության պետ Աշոտ Գիլոյանին և Հայաստանի Հանրապետության տարածքային կառավարման և զարգացման նախարարության աշխատակազմի տարածքային ներդրումային քաղաքականության վարչության անդրսահմանային տարածքային համագործակցության բաժնի պետ Լիլիթ Սարոյանին 2017 թվականի ապրիլի 5-6-ը գործուղել Վրաստան (Թբիլիսի) Վրաստանի տեղական ինքնակառավարման մարմինների ֆինանսական համեմատական գործընթացի փորձարկման արդյունքների վերաբերյալ աշխատանքային սեմինարին մասնակցելու և անդրսահմանային համագործակցության ոլորտում երկկողմ հետաքրքրություն ներկայացնող հարցերի քննարկման համար:
2. Ընդունել ի գիտություն, որ Վաչե Տերտերյանի, Աշոտ Գիլոյանի և Լիլիթ Սարոյանի` Վրաստան (Թբիլիսի) գործուղման հետ կապված ծախսերը կատարվելու են հրավիրող կողմի հաշվին:
3. Հայաստանի Հանրապետության տարածքային կառավարման և զարգացման նախարարին` ապահովել գործուղումից վերադառնալուց հետո եռօրյա ժամկետում Վաչե Տերտերյանի` Վրաստան գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2017 ԹՎԱԿԱՆԻ ԱՊՐԻԼԻ 3-ԻՆ